في اعتقادي أن لجنة البرنامج كانت سبب في اخراج نجوم حقيقيين و قدمت لنا بدلهم اخرين ضعيفين رغم انها لجنة من المتخصصين (عدى محمد سليمان في وجهة نظري) لذلك رآيت أن نتقدم هنا جميعنا بأن نرفع عدد من الاغنيات و الفديهات لنجوم خرجت من التصفيات الأولى شريطة أن إي و احد/ه من يتقدم باحد النجوم لابد أن يفسر سبب ترشيحه لهذا النجم او النجمة .
اول و احد أنا شايفو ما بيستحق الابعاد بل يستحق أن يكون في الاوائل هو الشاب ابن تندلتي الجيلي موسى
الشاب دا انا معترض على اخراجه من التصفيات لان اللجنة اتحججت بان صوته مشابه لابراهيم عوض رغم ان هذا الشاب قال ليهم :- انا قمته في بيت ما بيسمع غير ابراهيم عوض و اللجنة لمى طلبت منه عمل خاص جاب اغنية من شاعر صديقه و لحنه هو و لانه لا يعرف غير الاعجاب و المحبة لابراهيم عوض جاء اللحن مشابه لحدى اغاني ابراهيم عوض . كان بامكان اللجنة ان ترشد طريقه للاقوم خصوصا انه من خلال اعامله الخاصة لم يجعل لهم مجال للشك في ان خامة صوته هي هذه الخامة التى يقدمها .
لك التحية أخي سفيان وكل عام انت والجميع بخير فكرة البوست جميلة فعلاً اللجنة في مرات كثيرة يتفاجا المشاهد المستمع بردود نقدية غير مناسبة وأحكام غير مناسبة فقد يجد او يجدن أصحاب اصوات ضعيفة اشادة وأصحاب مواهب يجدون تعليق ما فيه رحمة مع ان البرنامج ناجح ومقدمه الاستاذ صديق مبدع لكن اللجنة يعني ليست متمسكة بضوابط نقدية واضحة أوليست دقيقة في نقدها او قد تبخس جوانب هامة من قوة صوت ونحوه وتركز في جوانب ليست بالأهمية في كثير من الاحيان ... والنواين ابعاده ..لو وجودوه يجيد الاداء كما كان الفنان المُقلد يقولون له لابد ان تخرج من عباءتة ...ولو تصرف في اللحن بقدر ضئيل ليظهر فيه استايلو الخاص يقولو ليهو انت لم تلتزم باللحن وخرجت عن الطريقة التي كان يؤدي بها الفنان الفلاني ولا يعيرون قوة صوته كثير تقدير المفروض ان تضع اللجنة مواصفات ومعايير كأن يقال الصوت كذا والاداء اللحني كذا درجة ....وهكذا ....وتوضيح مواصفات مفاضلة معلنة ومتفق عليها... . والنموذجين الّذان أتيت بهما متميزان فعلاً ... الجيلي موسى في قوة صوته وخامته المتميزه وقدرته التطريبية العالية وعلى صديق ساجوري في جودة المخارج في النطق وآدائه المتميز وقدرته في العزف بالعود.
Quote: لكن اللجنة يعني ليست متمسكة بضوابط نقدية واضحة أوليست دقيقة في نقدها او قد تبخس جوانب هامة من قوة صوت ونحوه وتركز في جوانب ليست بالأهمية في كثير من الاحيان ... والنواين ابعاده ..لو وجودوه يجيد الاداء كما كان الفنان المُقلد يقولون له لابد ان تخرج من عباءتة ...ولو تصرف في اللحن بقدر ضئيل ليظهر فيه استايلو الخاص يقولو ليهو انت لم تلتزم باللحن وخرجت عن الطريقة التي كان يؤدي بها الفنان الفلاني ولا يعيرون قوة صوته كثير تقدير المفروض ان تضع اللجنة مواصفات ومعايير كان يقال الصوت كذا درجة والاداء اللحني كذا درة وهذا وتوضيح مفاضلة معلنة ومتفق عليها... .
كلامك نجيض تب و دا نفس الكلام القالوهو للجيلي موسى و استبعدوهو من التنافس في النهائيات و بالجد ما عندهم إي معايير .
كدي يا منتصر حاول جيب نماذج عجبتك انت و كنت شايف انها تستحق التمثيل و الفوز كمان. احترامي.
Quote: لا لا كدى ما بتغطي معانا يا صاحبي اي واحد فيكم يجيب الفديهات الشايف اصحاب تستحق التأهل للنهائي و يعلق عليها .
بطل حنكك دا.
يا نابري لك التحية ولضيوفك في البوست الأخ عباس والأخ منتصر ... وكل عام وأنتم بخير ...
المشكلة يا حبيب كيف أعرف من تمّ استبعادهم من غير متابعة لصيقة للبرنامج ؟! وهل تقصد من تمّ استبعادهم لمنافسة هذا العام أم في كل الأعوام ... لأنني أذكر أن الجيلي موسى تمّ استبعاده من منافسة العام السابق أو قبل السابق ...
Quote: المشكلة يا حبيب كيف أعرف من تمّ استبعادهم من غير متابعة لصيقة للبرنامج ؟! وهل تقصد من تمّ استبعادهم لمنافسة هذا العام أم في كل الأعوام ... لأنني أذكر أن الجيلي موسى تمّ استبعاده من منافسة العام السابق أو قبل السابق ...
طبعا البرنامج دا عندو عدة مراحل اخر مرحلة بيصلو ليها تقريباً 10 اشخاص لكن الاختيار و التسجيل و تلفزة الاغاني بكون شغال قبل ما يصفوا علي ال10 يلا في المرحلة دي الناس ديل بيستبعدوا شباب و شابات ممتازين و بيأهلوا شباب و شابات مستوياتهم اقل من المستبعدين نحنا عايزين نصطاد المستبعدين الممتازين و نعرضهم هنا كل و احد فينا و ذوقو و سمعو . الجيلي دا تحديدا استبعدوهو و ما وصل المرحلة الاخيرة مع انو نافس و وصل المرحلة القبل الاخيرة . يلا يا سيدي فتش اليوتيوب و متعنا وما ضروري المجموعة دي ممكن من الزمان.
عبد الدائم أخوي كل سنة وانت طيب وعيدك سعيد سالم وغانم ياخ
Quote: اجيك برواقة بعد ما افطر بسندوتش ( البيض ) نحن برضو مظلومين
يا حلييييلك ياخ و الله قلبي معاك و بالهناء إن شاء الله بس عليك الله لما تجي راجع فهمني شنو يعني :- ضآلة جغرافيتها القاله بابكر صديق للشابة عفراء دي !!!؟ لانو بالجد تفسيره غلبني كلو كلو و ما لقيت ليها صرفة غير العنصرية و الأستعلاء العرقي و اللغوي !!! فهمني ياخ و جيب نماذجك في الملاحق .
الفنان أبـ أضناناً نضيييييفة سفيان عيد سعيد وكل عام وأنتم بخير والدعوات بأن تتحقق أمنياتنا جميعاً في وطن نضيف ولطيف شكراً على البوست الحريف ده، الجيلي ده يا سفيان والله وقعت لي بيهو في جرح، متذكر إني حضرت الحلقة الغنى فيها وأعجبت حقيقة بأداء الولد المبدع ده، وبتفق معاك في مجافاة اللجنة الصواب باستبعاده. مع إني ملاحظ في شوية صعوبة عندو في العالي، هل بتتفق معاي؟ يعني بتصور في أغاني للفنان الذري ممكن تتعبو شوية، والنموذج الاختارو الأنا سمعتو ليهو لإبراهيم عوض (أنفاس الزهر) مريحة إلى حد كبير، الملاحظة دي طبعاً لا تلغي موهبة الشاب ده وإمكانية مشيهو في البرنامج لقدام في رأيي مع تواضع الأصوات البتمشي للنهائي وتنافس في تقديري. ----------- بالنسبة لعفراء دي شنو يعني ضآلة جغرافيتها دي؟ بنيتها الجسمانية يعني؟ ولا قصدهم شنو؟ عشان لو ده قصدهم ترباس ده معناها رب الشغلة دي بدون منازع وزيدان الله يرحمو كان بعامي ساكت في الشغل ده :)
نادر اخوي و حبيبي تتعاد الأيام يا نادر و بلدنا سالم غانم و ربنا يديك العفو و العافية أنت واهلك
Quote: الجيلي ده يا سفيان والله وقعت لي بيهو في جرح، متذكر إني حضرت الحلقة الغنى فيها وأعجبت حقيقة بأداء الولد المبدع ده، وبتفق معاك في مجافاة اللجنة الصواب باستبعاده. مع إني ملاحظ في شوية صعوبة عندو في العالي، هل بتتفق معاي؟ يعني بتصور في أغاني للفنان الذري ممكن تتعبو شوية، والنموذج الاختارو الأنا سمعتو ليهو لإبراهيم عوض (أنفاس الزهر) مريحة إلى حد كبير، الملاحظة دي طبعاً لا تلغي موهبة الشاب ده وإمكانية مشيهو في البرنامج لقدام في رأيي مع تواضع الأصوات البتمشي للنهائي وتنافس في تقديري.
كلامك دا ما عندي فيهو إيتها شخشه يا صاحبي كلام نجيض تب بتفق معاك فيهو و ملاحظتك سليمة انو الجيلي فعلاً بيتعب في بعض المناطق لكن في وجهة نظري بسبب قلة الخبرة و المعرفة و الزول دا خاااام يا نادر بس رغم قلة خبرتو دي إلا انو لو لاحظته هو بيحرص انو يتلاعب في الحتات دي بالترديد و معناها فعلاً لو لقى توجيه كان بكون ليهو شأن عظيم في عالم الغناء . تعرف أن لم نفضو الجيلي دا من المنافسة ما قدرته استوعب المسألة دي نهائي !!! معقول ياخ !!!! البرنامج دا فيهو ناس جابوهم الاول و التاني و التالت مستواهم دون المستوى نهائي ياخ بس دا الغناء ودي لجنتو !!؟ عندي واحد شاب لطيف كدا و صغير السن و فناااان حالياً بغني في فرقة مشهورة هنا في البلد يا نادر اتقدم للبرنامج دا عشان ينافس (طبعاً نفضوهو) قال لي :- لم تمشي عشان تسجل للمشاركة الزول البسجلك بيسألك :- انت جاي عن طريقو منو ؟
Quote: بالنسبة لعفراء دي شنو يعني ضآلة جغرافيتها دي؟ بنيتها الجسمانية يعني؟ ولا قصدهم شنو؟ عشان لو ده قصدهم ترباس ده معناها رب الشغلة دي بدون منازع وزيدان الله يرحمو كان بعامي ساكت في الشغل ده :) ترباس شنو يا نادر اخوي !!! انت ما ظنيتك شفته صلاح سلطان صاح!!! اما زيدان (ربنا يرحمو) و محمود عبد العزيز ديل و معاهم تاور اليموتو سااااكت كدا !!.
المصيبة يا نادر كلام بابكر صديق لعفراء اصلو ما ممكن يتفهم غير عنصرية ساذجة عنصرية متلفزة على الهواء مباشرةً.
الفوق دا شاب فنان و غناي بس انا ما عارف اسمو و واضح انو اتنفض ومافاز برضو
السبب شنو ما معروف لانو المسألة لو انو بغني بلغة غير مفهومة فانا سفيان دا شايف انو شول منوت مفروض ما يفوز نهائي لانو ببساطة غنى بلغة لا يستطيع أن يعبر عنها ولا يستطيع ان ينطقها صحيح و شايف انو فاز عنصرية ساااي من اهل البرنامج ديل عشان هو من الجنوب و عايزين يفهمونا :- اهو عاااادي ممكن جنوبي يفوز . ليه يفوز و هو اصلاً بنطق لغة ما لغتو !!! وليه يفوز بدون لغته الأم !!!؟
Quote: أعتقد أن خالدة رحمة الله الشيخ كانت الأولى على أول منافسة لنجوم الغد
تعرف يا صاحبي حلقات نجوم الغد دي انا مدمن و متابع ليها تقريباً تقدر تقول الحلقة بحضره مرتين . حتى و لو كلامك دا طلع صاح برضو المبعدين نجوم اكتر من الناس الفازوا .
Quote: (رغم قناعتي التامة بأن لا شئ يخرجه من المنافسة ) هو الشاب علي ساجوري
الشاب علي ساجوري لا أظنه كان مشاركا في هذه الدورة من التصفيات .. علي ساجوري شارك قبل عامين أو ثلاثة وهو دفعة الشاب وضاح أحمد والمرحومة نعمات موسى واحرز حينها مركزا متقدما أظنه احد الخمسة الأوائل في تلك الدورة ..
وعلي ساجوري غنى كثيرا في تجمعات البورداب في الخرطوم ويبدو أنك لم تكن موجودا حينها .. واخر مشاركة له كانت في مركز الخاتم عدلان الثقافي حين إستضاف الأخ بكري ابو بكر صاحب الموقع وكان يرافقه في الغناء وضاح أحمد وشخصي الضعيف بالعزف وإليك الفيديو وللمصادفة هي ذات الأغنية (أعطف علي يا ريم) :
Quote: الشاب علي ساجوري لا أظنه كان مشاركا في هذه الدورة من التصفيات .. علي ساجوري شارك قبل عامين أو ثلاثة وهو دفعة الشاب وضاح أحمد والمرحومة نعمات موسى واحرز حينها مركزا متقدما أظنه احد الخمسة الأوائل في تلك الدورة
دا الكلاااااااااااام يا ناذر ايوة انا عارف انو علي ساجوري ما ضمن المجموعة دي و انا ما قلته كدا ابداً انا معترض انو كيف زي علي ساجوري و زي وضاح نفسو ما يكونو الاوائل في مجموعتهم!!! دا كلامي عشان كدا البوست دا اسمو ملاحق . ايوة علي ساجوري زيو زي و ضاح احرز مركز متقدم بس مش ظلم يا ناذر انو الشابين ديل ما يفوزوا و يفوز بدلهم من يملك امكانيات اقل منهم !!!؟
Quote: أعتقد أن خالدة رحمة الله الشيخ كانت الأولى على أول منافسة لنجوم الغد
تعرف يا صاحبي حلقات نجوم الغد دي انا مدمن و متابع ليها تقريباً تقدر تقول الحلقة بحضره مرتين . حتى و لو كلامك دا طلع صاح برضو المبعدين نجوم اكتر من الناس الفازوا .
Quote: مها عبد العزيز يا صبري غناية لكن صدقني مستواها اصلاً ما افضل من خالدة باي حال من الاحوال . و النماذج اهي قدامك احكم براك .
أتفق معك في أنّ خالدة* أفضل من مها ... وأضف إلى ذلك أنّ خالدة فنانة مكتملة وجاهزة ...
لكن يبقى السؤال المهم: من هم المتنافسين الذين حققوا المراكز الثلاثة الأولى في المنافسة التي شاركت فيها خالدة رحمة الله ؟
ـــــــــــــــــــــــــــــ * عندما استعمت لأغنية من نسمات أريج الشمال بصوت خالدة راسي عمل زننننننن ... والله صحي ياخي عند سيد الأغنية الأصلي راسي ما عمل زنننننن !!!!
من يغني أغنيات الراحل عبدالعزيز محمد داؤود - رحمة الله عليه - بكفاءة عالية فهذا يعني أنه يتمتع بميزتين وهما:- 1- قوة الصوت. 2- التطريب العالي.
Quote: سؤال مهم لكن اجابتي الاهم هي :- لماذا خالدة ليس بين الثلاثة فائزين في الاصل؟
لقد علمت من خلال بحثي عبر الإنترنت أن خالدة رحمة الله كانت ضمن الدفعة 13 في برنامج نجوم الغد ... وقد زاملها من النجوم في هذه الدفعة كلاً من:- شريف الفحيل وعبير صالح وأفراح عصام ...
وثلاثتهم ليسوا أفضل منها على حسب وجهة نظري بأيّ حال من الأحوال ...
اها يا صبري الفوق ديل منهم اتنين هسي قابضين الجو كان كضب كان صاح هم قابضين الجو و احد ابوهو موسيقي معروف جداً و التانية اتزوجه ملحن معروف جداً التالته (عبير) انا ما عارف الحاصل عليها شنو بس المتأكد منو انو خالدة رحمة الله لا كانت الاولي لكانت التانية و لا كانت التالته .
و اهو كلامنا بتأكد انو البفوزوا ديل ما هم احسن اصوات لكن في أسباب تانية بتخليهم يفوزوا و ذات الأسباب دي بتقضي على مواهب عظيمة و يتم ذبحها و تكسير اجنحتها تمام .
و لسه الكلام كتير و موجع و النماذج كتيرة يا صديقي . و الا ؤايك شنو بعد سألته وعرفته؟
الرسائل والمقالات و الآراء المنشورة في المنتدى بأسماء أصحابها أو بأسماء
مستعارة
لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
