|
|
 واي واي ما دايـــــرين
|
بسم الله الرحمن الرحيم
بيان من نادي المريخ
يقول الله تعالى في محكم تنزيله (وتعاونوا على البر والتقوى ولاتعاونوا على الأثم والعدوان ) صدق الله العظيم
لقد ظللنا لسنوات نعاني من قرارات الاتحاد العام لكرة القدم والتي كنا نرى فيها ظلما واضحا للاندية ومع بداية عهد الاتحاد الحالي أنقلب الحال الى اسوأ من ذي قبل في ظل قرارات وتعديلات وتأجيلات القصد منها مصلحة نادي واحد على حساب بقية الاندية والمتضرر الأكبر هو نادي المريخ الرياضي وهو المستهدف لأنه المنافس الاول للنادي المدلل لدى الاتحاد ،ويكفي أن الاتحاد رفض تأجيل مباراة المريخ الدورية بعد العودة من بطولة سيكافا و قام بتأخير موعد بداية المباراة نصف ساعة لتلعب في الثامنة والنصف حتى يجبر المريخ على ادائها ويحرمه من الاستفادة من نصوص القانون التي تمنحه حق التأجيل حال وصوله قبل اقل من 48 ساعة وكانت هذه السابقة وهذا الترصد كافيا للتأكيد على استهداف الاتحاد للمريخ وحرصه على وضع اكبر قدر من العراقيل في طريقه، وهناك حالة اخرى تؤكد ترصد ااتحاد للمريخ عندما قام الاتحاد بتأجيل مباراة المريخ أمام جزيرة الفيل لمدة 24 ساعة حتى يعطي الفريق المنافس فرصة لاداء مباراة دورية أخرى بعد عودته من خارج السودان ولكن لان الفريق المدلل تأخر في الوصول للسودان ، وبعد أقل من 24 ساعة تسلمنا خطاب آخر من الاتحاد يفيد باعادة مباراة جزيرة الفيل لموعدها الاصلي حتى ينسجم البرنامج مع برنامج فريق الاتحاد العام المفضل .
وتواصلت فصول الترصد والاستهداف من قبل الاتحاد العام في الفترة السابقة وبدا ذلك واضحا في برمجة مباراة نهائي كأس السودان يوم 4 \11 في سابقة تحدث لاول مرة بتقديم نهائي الكأس على ختام بطولة الدوري كما جرت العادة وظلت بطولة كأس السودان هي ختام فعاليات الموسم طوال سنوات سابقة ولكن ولان بعض المسؤولين بالاتحاد العام يستهدفون المريخ الذي أثبت في هذا الموسم أنه الافضل والاقوى في الساحة في كل المنافسات ولما راوا أن المؤشرات تصب في مصلحة نادي المريخ في بطولتي الدوري والكأس جاء الاتحاد ببدعة نهائي الكأس قبل نهاية الموسم باكثر من ثلاثة أسابيع.
واذا كان الغرض من التمسك بموعد نهائي الكأس هو تهيئة الاجواء للمنتخب الوطني للمشاركة في بطولة LG في الفترة من 8 الي 16 نوفمبر كما ادعت اللجنة فاننا نذكرها بان هناك مباريات مبرمجة في الدوري الممتاز يوم 15 نوفمبر سيضطر الاتحاد لتأجيلها مجددا ونسأل لماذا لم تقدم هذه المباريات الدورية لتلعب في نفس موعد مباراة نهائي كأس السودان حتى تساعد في ضبط برنامج البطولة وتجنب الاتحاد اكثير من التأجيلات التي سيضطر لاجرائها هذا اذا كان الهدف الاساسي هو المنتخب وليس فريق الاتحاد العام المفضل ،ونشير الى موعد مباراة القمة في الدوري هو 23 نوفمبر ( المؤجلة من الاسبوع الثاني ) وويلح علينا السؤال من جديد لماذا تأجلت هذه المباراة حسب الجدول الاصلي من الاسبوع الثاني لنهاية الموسم لتعلب يوم 23 نوفمبر أما كان يمكن أدخالها وسط كل هذا الكم من التعديلات والتأجيلات المخصصه أصلاً لراحة الفريق المفضل ؟؟؟
أن نادي المريخ يرى بأن هذه الطريقة المتخبطة والمستهدفة لكيان المريخ والساعية لمصلحة فريق واحد على حساب بقية الاندية ستدخل الكرة السودانية في نفق مظلم أن لم يكن بالفعل قد دخلته لان هذه الطريقة تخضع للهوى وتطبق قانون المرأة المخزومية ، والاتحاد العام الذي لم يفتح الله علية بسطر واحد حول أحداث حكم مباراة الترجي التونسي يتعسف في قيام مباراة نهائي كأس السودان يوم 4 \ 11 حتى لو كانت معيبة لبرمجة بقية مباريات الموسم لشئ في نفس يعقوب
عليه فأن نادي المريخ الرياضي يرفض رفضاً باتاً هذا القرار المجحف ويرفض أداء مباراة نهائي كأس السودان في التاريخ المعلن الا اذا تم تعديلها الي نهاية الموسم لانها قد تعدلت عدة مرات واذا كان الغرض المباعدة بينها وبين مباراة ختام الدوري الممتاز فأن هذا الغرض قد أنتفى تماماً وفي كل الاحوال فأن الكيل قد فاض وطفح .
والله من وراء القصد
محمد جعفر قريش
السكرتير
بأمر مجلس الادارة
_________________________
البيان الفضيحه منقول من موقع كووره سودانيه
|
|
 
|
|
|
|
|
|
|
|
Re: واي واي ما دايـــــرين (Re: Omar Bob)
|
ياااااا
ديل كده طيرو مننا الكركدي والكجة المحلية بعدما تم كج الهلال دوليا...
وان كنت امني نفسي بكجة من خلال الشربوت التاريخي
ولكن جرسة المريخ حرمتنا من هيك متعة وهكذا كجكجة..
| |
|
|
|
|
|
|
|
|
Re: واي واي ما دايـــــرين (Re: Maawya Hussein)
|
سلامات يا معاويه
Quote: والاتحاد العام الذي لم يفتح الله علية بسطر واحد حول أحداث حكم مباراة الترجي التونسي يتعسف في قيام مباراة نهائي كأس السودان يوم 4 \ 11 حتى لو كانت معيبة لبرمجة بقية مباريات الموسم لشئ في نفس يعقوب
|
بالله شوف الفقره الفوق دي. اسي عليك الله دخل احداث مبارة الترجي شنة بمبارة كاس السودان. افرض اسه الاتحاد ادان البرير واوقفو مدي الحياه
هل سيؤدي المريخ المباره في تاريخها المعلن؟
| |
|
|
|
|
|
|
|
|
|
Re: واي واي ما دايـــــرين (Re: عبدالكريم الامين احمد)
|
Quote: ديل كده طيرو مننا الكركدي والكجة المحلية بعدما تم كج الهلال دوليا...
|
والله يا كيكي لوعلم قريش هذا -او ايا كان اسمه- ان هناك كجاجيين تاريخيين للهلال لما كلف نفسه عناء كتابة هذا البيان ولحفظ لمجلس المريخ القليل من ماء الوجه الذي تركه الحضري هذا ان كان الحضري قد ترك شيئا من اصلو
| |
|
|
|
|
|
|
|
|
|
Re: واي واي ما دايـــــرين (Re: طارق الكوتش)
|
سلامات ياعمر
انت عارف راس مال البيان دا كلو انو مساوي يلعب اللليه وياخد الكرت التاني او اصابة سادومبا او طرد المعز ..بيان عنتري القصد منو في المقام الاول تمويه الهلال بان لايكترث لمباراة الجمعه .اتمني ان تكون ادارة الهلال اذكي من هذه الالاعيب الصبيانيه
| |
|
|
|
|
|
|
|
|
|
Re: واي واي ما دايـــــرين (Re: Maawya Hussein)
|
والله يابوب أنا دخلت البوست ده وكنت أظن إنك تقصد بهذا العنوان
جماعة المؤتمر الوطنى بالدوحه وموقفهم من إنتخابات الجاليه بعد
أن تأكدوا أن القوى الوطنيه قد إكتسحت معظم المقاعد .
لكن بعد أن قرأت كلامك أصابتنى الحيره والدهشه وأنت تحاول أن تصف
المريخ الصفوه بالهروب .
إتقى الله ياعمر ,, فالهلال هو الذى يبحث عن مخرج وهو الذى يحاول الهروب
من ملاقاة الزعيم ,, فأنتم فى أسوأ حالاتكم وخروجكم بتلك الطريقه المهينه
من دور الأربعه قد سبب الخزى والعار فى نفوس لاعبيكم ومشجعوكم الشئ الذى
ترككم تتامرون مع الإتحاد العام .
عموما الصفوه جاهزون ومستعدون للنزال فى أى وقت . وسنهزمكم شر هزيمه فى
كلا البطولتين ولا نامت أعين الجبناء .
| |
|
|
|
|
|
|
|
|
|
Re: واي واي ما دايـــــرين (Re: بهاء بكري)
|
همد وقريش ناس بتاعين جعجعة في الفارغة والمليانة
وما عندهم أي تأثير أو كلمة في أمور المريخ
حا تشوفوا بكرة الوالي يلعبهم زي الترتيب..
وهذه ما أول مرة يهددوا بالانسحاب...
على إدارة الهلال ألا تأخذ هذا البيان بمأخذ الجد
وتعتبر أن هذا البيان كأن لم يصدر..
| |
|
|
|
|
|
|
|
|
 Re: واي واي ما دايـــــرين (Re: بهاء بكري)
|
بوب يا حاسد،
دايرين تفرجوا فيهم خلق الله، مُش كده؟؟؟
يا أخوي الجماعة طلعوا حصيفين، ونجيضين،
وعارفين السُترة والفضيحة متباريات عشان
كده إتخارجوا.
الأزرق كان ناويلهن نيّة اب عفنة، لكن عرفوها.
التحية لناس سيد البلد علي النجاض والحِرص
والمضايرا.
إزيّك يا بوب...
| |
|
|
|
|
|
|
|
|
|
Re: واي واي ما دايـــــرين (Re: معاوية المدير)
|
لكم التحايا و التقدير
الناس ديل متعودين على الكلام الزى دا عشان الاتحاد يطبخ ليهم طبخة زى ما عملوا فى كاس السودان السنة الماضية
لن ينسحبوا و لن يستطيعوا الى ذلك سبيلا و القرار اصلآ ما عند ادارتهم القرار مع مزملهم
زنقة الخرطوم دى خلتهم دايشين الله يستر عليهم
| |
|
|
|
|
|
|
|
|
|
Re: واي واي ما دايـــــرين (Re: كمال سالم)
|
سلامات يا كمال
Quote: والله يابوب أنا دخلت البوست ده وكنت أظن إنك تقصد بهذا العنوان
جماعة المؤتمر الوطنى بالدوحه وموقفهم من إنتخابات الجاليه بعد
أن تأكدوا أن القوى الوطنيه قد إكتسحت معظم المقاعد |
انت الظاهر عليك ما متابع المنبر الايام دي بعد سكنت الخور واصبحت من سكان الاقاليم. عشان كدا بتكون ما شفتا بوست كيكي ود قلبا (قلبا المقصوده هنا هي قلب الدوحه) بنفس معني كلامك واهو دا رابط البوست مساعده مني - يعني انا اغلبك في الوست الليل كلو يوم الجمعه قلنا علي الاقل نساعدك بالرابط
Re: الموتمر الوطني بالدوحة في حالة كونه مخرخرا في انتخابات الجالية ..
Quote: إتقى الله ياعمر ,, فالهلال هو الذى يبحث عن مخرج وهو الذى يحاول الهروب
من ملاقاة الزعيم ,, فأنتم فى أسوأ حالاتكم وخروجكم بتلك الطريقه المهينه
من دور الأربعه قد سبب الخزى والعار فى نفوس لاعبيكم ومشجعوكم الشئ الذى
ترككم تتامرون مع الإتحاد العام .
عموما الصفوه جاهزون ومستعدون للنزال فى أى وقت . وسنهزمكم شر هزيمه فى
كلا البطولتين ولا نامت أعين الجبناء |
طيب عليك الله كدي اقرا البيان دا برواقه وتعال ورينا شرحو حاكم انا اللغه العربيه ليست بلغتي الام ويمكن يكون استعصي علي اللغه المكتوب بيها البيان
| |
|
|
|
|
|
|
|
|
|
Re: واي واي ما دايـــــرين (Re: Omar Bob)
|
أجمل حاجة في البيان ده إنهم زي قزوا ما يجيبو سيرة الهلال ويكتبو إسمو ونظام فقط ح يجيبو سيرة الإتحاد..
قلت لي النادي الآخر؟؟؟؟ ده وييين لي جمادي الآخر:-)
| |
|
|
|
|
|
|
|
|
|
Re: واي واي ما دايـــــرين (Re: عمر الفاروق)
|
شوف يا عمر جريدة الوفد المصريه كتبت شنو
البدرى يهدد بالانسحاب من الكأس السودانى
Quote: طالب حسام البدرى المدير الفني لنادي المريخ السوداني من ادارة ناديه بضرورة تأجيل مباراة نهائي الكأس امام الهلال المقرر لها 4نوفمبر القادم وإلا سينسحب من البطولة.
ورفض البدري خوض اللقاء في موعده المحدد من جانب اتحاد الكرة السوداني وطال بتأجيل بنهاية الموسم الحالي وهو ما عبرت عنه ادراة المريخ في بيان رسمي ارسل الي الاتحاد.
واتهم المريخ الاتحاد السوداني بأنه يكيل بمكيالين ويتحيز للفرق المنافسة له وعلى رأسها نادي الهلال.
|
| |
|
|
|
|
|
|
|
|
|
Re: واي واي ما دايـــــرين (Re: عمر الفاروق)
|
| Quote: والله يا كيكي لوعلم قريش هذا -او ايا كان اسمه- ان هناك كجاجيين تاريخيين للهلال لما كلف نفسه عناء كتابة هذا البيان ولحفظ لمجلس المريخ القليل من ماء الوجه الذي تركه الحضري هذا ان كان الحضري قد ترك شيئا من اصلو |
البيان دا صدر لعدة اسباب:
اولا: الجماعة بحنسوا في الحضري يجي يلعب ليهم المباراة دي بس
ويقود التحانيس البدري...بي قروش الوالي...وما مضمون انو التحانيس
دي تنتج موافقة قبل يوم 4 نوفمبر.
ثانيا: ايهام الجمهور بان المريخ مظلوم في الدنيا تحسبا لأي طاريء
ثالثا: تخدير فريق الكرة بالهلال...واظهاره بمظهر المنتصر
وتصوير المريخ بمظهر الخائف من المباراة قبل ان تبدأ
لحسابات نفسية دقيقة.
رابعا: ازيدكم والله كفاكم
والا ما دخل الترجي والبرير...والاتحاد الافريقي في المباراة
| |
|
|
|
|
|
|
|
|
 Re: واي واي ما دايـــــرين (Re: صبري طه)
|
ههههههههههههههه
والله اليقرا كلامكم ياصفيراب يقول المريخ منسحب من برشلونة ...
ياحمام نحن نرشكم تحت اى ظرف ..
والموعد حايتغير ولو مااتغير انا احلق حواجب صبري (باعتبار ماعنده شنب الامرد ) ..
اتلهو ياترجياب رايح جاى ...
| |
|
|
|
|
|
|
|
|
|
Re: واي واي ما دايـــــرين (Re: طارق الكوتش)
|
| Quote: لووووووولز لمن بهناك |
يا كوتش ... هو بكون شايف البوست دة لكن عامل رايح ... لحدّي ما يشوف مزمّل بكرة حيكتب شنو ؟
ـــــ
وزي ما قلت إلاّ يستعين بحاوي ... وفي رواية أخرى ودّاعية كاربة !!!
| |
|
|
|
|
|
|
|
|
|
Re: واي واي ما دايـــــرين (Re: صبري طه)
|
Quote:
واي واي ما دايـــــرين
|
زمان قلنا ان صغير العرضة ، صغير بـ نتائجة (الصفرية) و اصغر بتفكير (بعض) صغاره
قلت ( واى واى ) ، ياهو حالكم يا ... رجال صغير العرضة 
| |
|
|
|
|
|
|
|
|
|
Re: واي واي ما دايـــــرين (Re: فتحي الصديق)
|
طبعا المريخ خائف من اثر نتيجة كاس السودان
على باقى مبارياته فى الممتاز
..وهو متيقن انه الهلال حيغلبو حيغلبو
فما عايز يفقدهم الاتنين ..عايز يمشى لمباراة كاس السودان
بمعنويات فوزه بالدورى ..لكن لو اتغلب
من الهلال يوم الجمعة الفليق حيحصل
والجماهير حتقاطع النادى وجمال الوالى حيستقيل
وتانى ما فى فرقة لسيكافا
| |
|
|
|
|
|
|
|
|
|
Re: واي واي ما دايـــــرين (Re: فايزودالقاضي)
|
Quote: والله اليقرا كلامكم ياصفيراب يقول المريخ منسحب من برشلونة ...
ياحمام نحن نرشكم تحت اى ظرف ..
|
عليك الله يا فايز كلامنا خلي
كدي اقرا البيان دا وقول لي اذا ما دي الجرسه تبقي شنو
والله كميه الجرسلين الانكب في البيان دا كافيه لان تجعل من الهلال برشلونه
| |
|
|
|
|
|
|
|
|
|
Re: واي واي ما دايـــــرين (Re: Omar Bob)
|
بوب
تحياتي
للعلم فان أخر هذف احرزه الهلال فى المريخ فى كاس السودان كان قبل أكثر من عشرة أعوام
كاس السودان تحديدا ماعندكم فيهو تاريخ ولا انتصارات
كيف يهرب المريخ من فريق فاز عليه فى أخر مبارايتين
(هنو وراجي) وسكواها
خلينا صحفكم تكتب بالخط العريض ده ما الهلال ده لعب عيال
معقول نهرب من خليفة واتوبونج واتير واسامة التعاون وبكري المدينة وباري ديمبا
معقولة نهرب من فريق اصبح ملطشة للغاشي والماشي داخل استاده
| |
|
|
|
|
|
|
|
|
|
Re: واي واي ما دايـــــرين (Re: فايزودالقاضي)
|
Quote: ختمنا بيكم الموسم الفات
وبسملنا بيكم الموسم ده
|
يا فايز قول غلبتونا اخر 20 مره
ده لا ينفي انو كميه الجلسرين الانكب في البيان دا
كافيه لمسح وجووه كل الناس الساكنه من الخرطوم لحدي كسلا
| |
|
|
|
|
|
|
|
|
|
Re: واي واي ما دايـــــرين (Re: معاوية محمد الحسن)
|
Quote: بوب
تحياتي
للعلم فان أخر هذف احرزه الهلال فى المريخ فى كاس السودان كان قبل أكثر من عشرة أعوام
كاس السودان تحديدا ماعندكم فيهو تاريخ ولا انتصارات
كيف يهرب المريخ من فريق فاز عليه فى أخر مبارايتين
(هنو وراجي) وسكواها
خلينا صحفكم تكتب بالخط العريض ده ما الهلال ده لعب عيال
معقول نهرب من خليفة واتوبونج واتير واسامة التعاون وبكري المدينة وباري ديمبا
معقولة نهرب من فريق اصبح ملطشة للغاشي والماشي داخل استاده |
كلام معاوية صاحبي زعل ساكت يابوب
| |
|
|
|
|
|
|
|
|
|
Re: واي واي ما دايـــــرين (Re: معاوية محمد الحسن)
|
| Quote: للعلم فان أخر هذف احرزه الهلال فى المريخ فى كاس السودان كان قبل أكثر من عشرة أعوام |
سلامات يا معاويه
كدي راجع معلوماتك دي تاني يا معاويه لانو ما اظن من 2009 للان مرت عشره سنوات
اها نذكرك في 2009 حصل شنو ولا تتذكر براك
| |
|
|
|
|
|
|
|
|
|
Re: واي واي ما دايـــــرين (Re: بهاء بكري)
|
احبابنا بوب وبهاء الدين وخليل
البزعلني شنو ياخوانا
مامضروبين مننافى اخر مبارايتين لمن راجي جري بيكم من السنتر واتير انبطح قدام سكواها
كاس السودان ده مش اصبح ماركة مسجلة باسمناوبقي اسمو البطولة المحببية للمريخ
مااصبحتوا ملطشة من انيمبا والمسيكني رايح جاي
مش منتظرين شهر 12 بفارغ الصبر عشان تتخلصوا من كل الكورجة العندكم
بدليل انكم شائلين المصاحف وتحلفوا فى الناس من طرف
اها لاعبين منتظرين شطبهم نهرب منهم
كدي بهدوء كده أقروا عمود بهدوء ده لعلم الدين هاشم وشوفوا المريخ لديه حق فى طلب التأجيل ام لا
Quote: بهدوء
كيف يهرب المريخ الافضل من الهلال ؟
لم يعلن مجلس ادارة نادى المريخ فى بيانه الذى اصدره اول امس واكد عليه فى اجتماعه الطارىء مساء امس رفضه لاداء مباراة نهائى كاس السودان وانما طالب بتأجيلها الى مابعد الانتهاء من مباريات الدورى الممتاز كما جرى العرف على ذلك وليس فى ذلك مايخالف القوانين واللوائح حتى لو جاء طلب التأجيل متأخرا باكثر من اسبوعين عن قرار اللجنة المنظمة بتحديد هذا الموعد ,, فالمجلس مارس حقه القانونى وقدم مايكفى من المبررات التى تدعم صحة قراره وتثبت عدم صواب قرار اللجنة المنظمة التى جانبها التوفيق والمنطق فى اقامة مباراة بحجم نهائى كاس السودان تجمع بين الناديين الكبيرين فى هذا التوقيت الذى يتزامن مع حلول العيد السعيد ومايترتب على ذلك من تجهيزات وسفر خارج ولاية الخرطوم ,, فالذين فسروا بيان مجلس المريخ من الزملاء فى اعلام الهلال بانه محاولة للهروب من مواجهة الهلال انما يضحكون القراء عليهم لان كل من يطالع ويعيد قراءة بيان المريخ بعقل مفتوح وعيون محايدة سيجد بين سطوره وتفاصيله مايدعم صحة موقف المريخ بطلب التأجيل ,, خاصة فى الجزئية التى تشير الى ان اللجنة المنظمة عندما اقرت اقامة مباراة نهائى الكاس يوم 4 نوفمبر وقبل ختام مباريات الدورى الممتاز قال انها اضطرت الى ذلك حتى تهيىء الاجواء لمنتخبنا الوطنى للمشاركة فى بطولة المغرب التى ستقام خلال الفترة من 8 الى 16 نوفمبر وهو مايتناقض مع قرار اخر اصدرته نفس اللجنة باقامة مباريات فى الدورى الممتاز يوم 15 من الشهر نفسه !! الامر الذى سيضطر اللجنة للتأجيل مرة اخرى بينما كان امامها فرصة مناسبة لاستثمار يوم 4 نوفمبر فى برمجة بعض المباريات المتبقية من الدورى وقبل سفر المنتخب الى المغرب حتى تكسب مساحة زمنية اضافية بعد عطلة العيد تساعدها على اسدال الستار على منافسة الدورى الممتاز وكذلك اقامة مباراة نهائى الكاس فى ختام الموسم كما درجت على ذلك وفى توقيت مريح جدا وذلك اذا كانت جادة فعلا فى التوفيق بين برنامج المنتخب الوطنى وتنظيم وبرمجة بقية مباريات الدورى والكاس كما يدعى رئيس اللجنة الاستاذ مجدى شمس الدين ,, ولكن اصرار اللجنة على عدم التأجيل سيضع الموسم الكروى برمته فى مواجهة العاصفة اذا مارفض المريخ اداء هذه المباراة
|
| |
|
|
|
|
|
|
|
|
|
Re: واي واي ما دايـــــرين (Re: صبري طه)
|
| Quote: أخونا معاوية كدي أوّل حاجة اعتذر عن الكلام الفوق دة .. |
الاخ صبري
تحياتي
طيب ياخي نسيت انكم فزتوا عام 2009 وبعتذر وجلا من لاينسي
اها قبل عام 2009 ماهو أخر هدف احرزتوه فى المريخ كاس السودان
الم تزيد عن فترة 15 عام
وبعدين حتى لو انسحبنا
انتو نسيتوا انسحابكم قدام وفاق سطيف المرمطوا بيهو سمعة السودان
بعد ما عمل فيكم عمائل مازيمبي وانيمبا والترجي فى استادكم
كدي امشوا العبوا مع وفاق سطيف بعدين تعالوا اتكلموا عن انسحاب المريخ اللسع ماحصل
| |
|
|
|
|
|
|
|
|
|
Re: واي واي ما دايـــــرين (Re: صبري طه)
|
يابهاء بكري
معاويه حسين
الصادق سليمان
طارق الكوتش
وعمر الفاروق
نصر الين بشير وولدنا نصر الدين ابو القاسم
معاويه المدير
حيدر يشبر
نزار حسين
وولدنا خليل
وصبري طه
ومعتصم الجبلابي
وعبد الله كع
ياخونا عليكم الله شوفو النكته دي
دا يا شباب مش اياهو زاتو زيكو الشال الكوره وشتت ولحدي الان ما عارفين وداها وين ولا دا زيكو واحد تاني
____________________
الصوره منقوله من منتديات كووره سودانيه
| |
|
|
|
|
|
|
|
|
|
Re: واي واي ما دايـــــرين (Re: Omar Bob)
|
الأخ / عمر بوب
سلام ،،
بيان بتاع جرسة شديدة
غايتو لو الاتحاد رفض التاجيل قريش ولا منو دا حا يدخل في غيبوبة
واي واي ما دايرين
الايام دي سيد البلد شغال اربعات ساكت ماشاء الله عليه ودا الجنن قريش زاتووووووو
وكاااااااااااااااااااااااااك
أبو كريم
| |
|
|
|
|
|
|
|
|
|
Re: واي واي ما دايـــــرين (Re: طارق الكوتش)
|
| Quote: لان كل من يطالع ويعيد قراءة بيان المريخ بعقل مفتوح وعيون محايدة سيجد بين سطوره وتفاصيله مايدعم صحة موقف المريخ بطلب التأجيل |
سلام بوب وكل الاصحاب
يبدو اننا وبعد ان ترسخت تسيد الصحافيين المشجعين، أخوانا يقدمون عرضاً جديد، آخيراً منتج جديد "الاداريين السااي"، يا جماعة مجلس المريخ ده لو ما فيهو قانوني، كان يمشوا لأي عرضحالجي قاعد قدام أي محكمة، عشان ينجر ليهم بيان أفضل وحيثياته سليمة...
| |
|
|
|
|
|
|
|
|
|
Re: واي واي ما دايـــــرين (Re: nadus2000)
|
الاخ العزيز بوب ,, السلام عليكم.
مهما كان رايك في البيان او تهديد ادارة المريخ بالانسحاب.الا انني اري ان العنوان لايناسب رياضي رزين مثلك.
فاذا كتب مثلك , مثل هذه العناوين فماذا ننتظر ممن يستخدمون عبارات مثل الدلاقين ,, والبطيخاب الي ما دونها .
خالص التحايا
| |
|
|
|
|
|
|
|
|
|
Re: واي واي ما دايـــــرين (Re: عبدالعزيز الفاضلابى)
|
Quote: مهما كان رايك في البيان او تهديد ادارة المريخ بالانسحاب.الا انني اري ان العنوان لايناسب رياضي رزين مثلك.
فاذا كتب مثلك , مثل هذه العناوين فماذا ننتظر ممن يستخدمون عبارات مثل الدلاقين ,, والبطيخاب الي ما دونها . |
سلامات يا الفاضلابي
المقصود من البوست لم يكن الا مناكفه بريئه مع ابناء عمومتنا المريخاب
وما كنتت لاسمح لنفسي ان ارد رد جارح لاي مريخابي كتب مداخله. فيه سوي المزاح الذي يحدث بين الاصدقاء
عموما يا عزيز لك العتبي حتي ترضي ان ضايقك عنوان البوست
| |
|
|
|
|
|
|
|
|
|
Re: واي واي ما دايـــــرين (Re: Omar Bob)
|
Quote: وما كنتت لاسمح لنفسي ان ارد رد جارح لاي مريخابي كتب مداخله. فيه سوي المزاح الذي يحدث بين الاصدقاء
عموما يا عزيز لك العتبي حتي ترضي ان ضايقك عنوان البوست |
حاشاك الرد الجارح ـ وانا لاعتب لي عليك ولكن لا اريد ان يتخذك البعض سبب ويقولوا عمر بوب ماكتب كذا ليه مانضمتوا معاهو؟ اصلوا في ناس متحيلين يابوب ,,
انت وصديقك اللدود طلحة نقرأ تحيلاتكم الرصينة ونتكيِّفْ ونقرأ مناكفاتكم وبرضو نتكيِْفْ.
هسه يجي صاحبك ودالبشري يشاكلني في سِيرة طلحة دي ,,
ـــــــــــــــــــــــــــــــــــــــــــــــــــــــــــــــــــــــــــــــــــــــ
ضحكني ودالبشري يوم مباراة الامل والهلال ,, فتح بوست حبيت اشاغلو فكتبت ليهو: قالوا مبيوعة ياود البشري.
كتب لي:
يالفاضلابي انت في امريكا وانا في الامارات ,, اعرفها كيفن مبيوعة ولاَّ تمتامة..
واحد من الخوان عقَْب بقوله:
دي قوية ياودالبشري ,, وكتب تعليقاً ظريفا قال فيهو:
احذر الهلالابي اذا افلس.
تحياتي
| |
|
|
|
|
|
|
|
|
|
Re: واي واي ما دايـــــرين (Re: عبدالعزيز الفاضلابى)
|
| Quote: يبدو اننا وبعد ان ترسخت تسيد الصحافيين المشجعين، أخوانا يقدمون عرضاً جديد، آخيراً منتج جديد "الاداريين السااي"، يا جماعة مجلس المريخ ده لو ما فيهو قانوني، كان يمشوا لأي عرضحالجي قاعد قدام أي محكمة، عشان ينجر ليهم بيان أفضل وحيثياته سليمة... |
انا مريخابي ,, واتفق مع هذا الكلام جملة وتفصيلا
| |
|
|
|
|
|
|
|
|
|
Re: واي واي ما دايـــــرين (Re: عبدالعزيز الفاضلابى)
|
قلنا ليكم من البداية...البيان دا صدر واتلمت
المخلوق لأنو بي عيني بشوف اب رسوة طامح فوق
هسي بعد اب رسوة رجع وصفق ليه هارون دياب
فأنسوا البيان دا (نوهائي) الي ما بعد المباراة
يعني ملعوبة ملعوبة...
اها بعد المباراة...
اذا اب رسوة طلع في العراضة ورقص
حا يجو يقولوا البيان داك...كان حكمة لا يعلمها الا الراسخون
في الكورة...
واذا اب رسوة مرق ضنبو خنجر...الوالي واب رسوة
تاني يشوفوا ليهم بلد...ويقري قري يحصل كورة مصر والبرازيل
وفي الحالتين لن يسلموا من طلحة
| |
|
|
|
|
|
|
| |
Omar Bob
عبدالكريم الامين احمد
Maawya Hussein
الصادق صديق سلمان
كمال سالم
بهاء بكري
Nasruddin Al Basheer
معاوية المدير
عمر الفاروق
nazar hussien
khaleel
فايزودالقاضي
محمد الامين احمد
Mohamed Yassin Khalifa
معتصم مصطفي الجبلابي
عبدالله كع
معاوية محمد الحسن
نصر الدين ابو القاسم
الفاتح خليل الفكي
nadus2000
عبدالعزيز الفاضلابى
فيس بوك
تويتر
انستقرام
يوتيوب
بنتيريست