|
|
|
 Re: إنسحاب المريخ من كأس السودان ... (Re: بهاء بكري)
|
الله يجازي فريق الخرطوم الذي كشف المستور ...
وعلى قول أخونا الكوتش في مباراة الخرطوم والمريخ "المريخ كان قاعد ساي" ...
عشان كدة الجماعة عملوا يع ...
ــــــــ
على مقاس قول معتز القريش "أحيّ أنا يا العرضة جنوب" 
| |
  
|
|
|
|
|
|
|
 Re: إنسحاب المريخ من كأس السودان ... (Re: صبري طه)
|
Quote: والله يامنتصر عمك همد ده ببالغ
بكرة المريخ حيرجع الزول ده يقول شنو ؟ |
سلامات بهاء
نحن جماهير الصفوة نرفض الإنسحاب جملة وتفصيلا أيا كانت المبررات
نرفض منح الهلال كأس السودان ( ملح ) وإلا سنعتبر أنفسنا مجرد ديكور
أو كومبارس .. مجرد هتيفة يكتظ بهم الإستاد ومورد يدعم خزينة النادي
يجب أن تكون لجماهير الأحمر كلمة ورأي ويؤخذ برأيهم ....
| |
|
|
|
|
|
|
|
|
|
Re: إنسحاب المريخ من كأس السودان ... (Re: منتصرمحمد زكى)
|
قاهر المستحيلات ..
لا ولن ينسحب ..
بل سيلعب النهائى ..
وحتى ولوكان بلاعب واحد ..
بمشئة الله الكأس للمريخ ولن يفرط فيه ..
همد وامثاله لايحق لهم أخذ القرار ..
وليس هنالك أسباب ..
تجعل المارد ينسحب بهذه السهولة ..
أستغفر الله ياهمد ..
فالمريخ أكبر من هذه التصريحات ..
ويايوم (4) ماتسرع ..
وكل المريخاب الصفوة فى أنتظار أحتضان ولدهم الغالى كأس السودان
فكيف ينسحب المريخ !!
هذه من المستحيلات ..
ياهمد قول قولا غير كده ..
فتكم بعافيه ..
تاج السر
| |
|
|
|
|
|
|
|
|
|
Re: إنسحاب المريخ من كأس السودان ... (Re: محمد النيل)
|
أنها جقلبة المريخ والهروب عكس الريح
بتمشوا وين يا تاج السر ويا حمزاوى
ساسا راجيكم
وكان فلتو منه بكرى بوريكم
وان غلبتهم مهند من بعيد بفكها فيكم
وكان لأوتوبنج حيفش غله كله فيكم
طيب كان تهربوا من الاثنين ممتاز وكاس بدل الجقلبة دى ..
فى الممتاز أنتو متقدمين وخايفين يعنى كان جيتونا رأس برأس كان انسحبتوا من السودان
الهلال مرهق وفتران من كثر المشاركات .. وانتو ناسكم من قلة اللعب فترانين .. نشوف فتر منو
| |
|
|
|
|
|
|
|
|
|
Re: إنسحاب المريخ من كأس السودان ... (Re: سفيان بشير نابرى)
|
| Quote: ولكن هذه هي المرة الوحيدة التى يعلن فيها الاتحاد العام نهائى كأس السودان قبل نهائي كأس الممتاز، ووصف همد قرار لجنة المسابقات القاضي بإقامة مباراة الكأس في موعدها بأنه غير موفق، وأوضح فى ختام حديثه أن قرار الانسحاب نهائي واتخذ بالتشاور مع كل أعضاء المجلس ولا رجعة فيه. |
ياخي مبرر زي ده الصفيراب مابقولوه خلي زعماء السودان واسياده ...
شنو يعني المباراة تكون بعد الممتاز ولا قبله ؟!!
طيب المباراة دي معلن عنها قبل فترة ليه المريخ ساكت عنها طول الفترة الفاتت ؟!!
غايتو السودان ده اخير منو كسلا ...
| |
|
|
|
|
|
|
|
|
|
Re: إنسحاب المريخ من كأس السودان ... (Re: منتصرمحمد زكى)
|
انا كمريخابى واسياد بلد اتفق تماما مع قرار المجلس ولازم المريخ يقيف فى وش الاتحاد ولاكن ما فى مباراة كاس السودان نلعب كاس
السودان ونرشهم ونطلعهم من المولد بدون حمص ونرش الاهلى والنسور ونضمن الدورى وننسحب فى المباراة النهائية مع الوصيف كدا
حرمنا الاتحاد والوصيف من دخل المباراة لانو اثنيناتهم فقرانين ومفلسين والتحية لمجلس اداراة المريخ ولجماهير الصفوة وموعدنا انشاءالله
يوم الجمعة فى استاد الخرطوم
| |
|
|
|
|
|
|
|
|
|
Re: إنسحاب المريخ من كأس السودان ... (Re: Hassan Senada)
|
سلامات حسن سناده
Quote: السودان ونرشهم ونطلعهم من المولد بدون حمص ونرش الاهلى والنسور ونضمن الدورى وننسحب فى المباراة النهائية مع الوصيف كدا
حرمنا الاتحاد والوصيف من دخل المباراة لانو اثنيناتهم فقرانين ومفلسين والتحية لمجلس اداراة المريخ ولجماهير الصفوة وموعدنا انشاءالله
يوم الجمعة فى استاد الخرطوم |
وجهة نظر مابطالة والله .. بس أختلف معك في الجزء الخاص بالإنسحاب
من الممتاز بعد ضمان الكاس لأن هزيمة أبو الهل مرتين إنجاز تاريخي وأفضل
من حرمانهم من الدخل أيا كان رقمه ...
| |
|
|
|
|
|
|
|
|
|
Re: إنسحاب المريخ من كأس السودان ... (Re: منتصرمحمد زكى)
|
اتحاد السلطة ( بفتح الـ سين ) ده ما بينفع معانا
اتحاد رئيسو اتهزء على الهواء مباشرة و قال لا لا ما حصل حاجة
اتحاد ما قادر يمارس ابسط اساليب الادارة
اتحاد الكاش بـ سكتو قبايل العيد
الاخوة فى الصفوة ، اعلم تمام موقفكم و غيرتكم على النادى العظيم
و لكن قدرنا فى هذا البلد ان يكون الصغار و الرويبضة فى موقع القرار من رئيس البلد لـ رئيس الاتحاد
و الرئيس ( جواك بطل ) - يمكن يكون كفت رئيس الاتحاد كف ، ما اصلو اضينة ساكت !
كأس السودان المريخ ليهو فيهو ما لن يستطيع صغير العرضة العرضة تحقيقه لحفيد حفيدهم
محتاجين ليهم فوق الـ 60 سنه بالميت عشان يعادلونا بس و هذا حال الرديف دائما
و يبقى المريخ العظيم عاليا رغم انوف الصغار الصفرين
و الرويبضة
| |
|
|
|
|
|
|
|
|
|
Re: إنسحاب المريخ من كأس السودان ... (Re: منتصرمحمد زكى)
|
بصراحة هذا اتحاد لايستحق الاحترام
ماع قناعتي التامة بمبررات البيان
الا ان هذه الفرصة التي ينتظرها هذا الاتحاد
حتي لاتذهب محاباته ...واساليبه الملتوية التي مارسها
لصالح الهلال ادراج الرياح كما ذهبت سابقتها في دوري
الابطال شمار في مرقة....!!!!!!
لا للانسحاب....... لا لمنح الفرصة والبطولة المحببة
علي طبق من ذهب .....!!!!!
ساكواها راجيكم.....!!!!!!
| |
|
|
|
|
|
|
|
|
|
Re: إنسحاب المريخ من كأس السودان ... (Re: haroon diyab)
|
Quote: قريتو يا سفيان
نلعب النهائي وبعدين نتفرغ لموضوع الإتحاد السجمان ده ... |
منتصر
تحياتى
حقو تسال نفسك لماذا لجنة البرمجة برئاسة مجدى شمس الدين قامت بهذه
البرمجة الشاذة كاسرة للقاعدة فى أن تكون مباراة كأس السودان خاتمة
الموسم؟ خاصة أن البطولة الرئيسية (الدورى الممتاز) متبقية لها عدة
مباريات !! ستجدها برمجة ملغومة من السذاجة الوثوق بها وما تضمره
من تأمر لإنقاذ الموسم للهلال. لن يكتفوا بتحكيم معدوم الضمير ليكفل
الإنتصار للهلال بالمباراة، بل لضمان تصفية مفاتيح لعب المريخ
ليتعثر فى بقية مباريات الدورى الممتاز .
إدارة المريخ إعترضت على هذه البرمجة منذ أن أعلنت، فكان
اللف والدوران من رئيس الإتحاد الذى إرتضى أن يكون طرطوراً
يتلاعب به مجدى شمس الدين ولجنة منافسته. وجاء ردهم متأخراً
برفض الطلب. فالبرمجة الملغومة الموجهة، والمساعدات المضمونة
من الوطنى الكبير بجهاز التحكيم صلاح أحمد محمد صالح ، هو كل
ما تبقى لهم من وسيلة لمواصلة توجيه البطولات لمن لا يستحق.
نأمل أن تظل إدارة المريخ فى موقفها بضرورة تصحيح البرمجة،
هى صحوة وإن كانت متأخرة سنين عدداً، فقد أشارت لأزمة الكرة
السودانية المتمثلة فى إتحاد الفساد وحكام الفساد.
والإتحاد السجمان كما تقول لا سبيل لمناهضته بدون تلميس واقعه
المخزى بمواجهته فى برمجته الفاسدة. عالم تخاف ما تختشى.
وحريقة فى الكاس والممتاز وإتحاد الكورة والكورة ذاتها
التى يقودها من سقطوا أخلاقيا بفساد ذممهم، وعدم أمانتهم
فى تنفيذ واجبات وظائفهم.
قلتها وأقولها مراراً لن ينصلح حال كرة القدم بالسودان
ما دام يجثم على سدت قيادته إتحاد فاسد .. وتحكيم فاسد!
| |
|
|
|
|
|
|
|
|
|
Re: إنسحاب المريخ من كأس السودان ... (Re: نادر الفضلى)
|
نادرالفضلي
لك التحية
Quote: حقو تسال نفسك لماذا لجنة البرمجة برئاسة مجدى شمس الدين قامت بهذه
البرمجة الشاذة كاسرة للقاعدة فى أن تكون مباراة كأس السودان خاتمة
الموسم؟ خاصة أن البطولة الرئيسية (الدورى الممتاز) متبقية لها عدة
مباريات !! ستجدها برمجة ملغومة من السذاجة الوثوق بها وما تضمره
من تأمر لإنقاذ الموسم للهلال. لن يكتفوا بتحكيم معدوم الضمير ليكفل
الإنتصار للهلال بالمباراة، بل لضمان تصفية مفاتيح لعب المريخ
ليتعثر فى بقية مباريات الدورى الممتاز .
|
أتفق معك تماما
وهذه ليست المرة الأولى فإتحاد شداد أيضا ظل يمارس نفس الأسلوب
مصيبة المريخ أنه يظل مستهدف سوى كان رئيس الإتحاد هلالابي أو مريخابي
صدقني المريخ لو إنكرب وخت الرحمن في قلبو لن يتعثر وستفشل مؤامرتهم
وسيرد الله كيدهم في نحرهم .. المريخ أكبر من أن ينسحب أمام الهلال الجريح
الباحث عن ترضيات لجماهيره المغلوبة على أمرها عله يمتص بعض الإحباط والخيبة
التي خلفها خروجه المذل ...
| |
|
|
|
|
|
|
|
|
|
Re: إنسحاب المريخ من كأس السودان ... (Re: صديق الموج)
|
الموج
Quote: ايها الصفوة المحترمين نزولا عن رغبتكم سوف نلاقى فريق
الصفيراب وحانطلع المبارة تعادل وحانديهم كأس بالقرعة يبلوا
به ريقهم بعد ان جف ردحاً من الزمن..
هئية كبار علماء المريخ،،، |
تعادل سلبي ولا إيجابي ؟ ...
| |
|
|
|
|
|
|
|
|
|
Re: إنسحاب المريخ من كأس السودان ... (Re: صديق الموج)
|
طبعا لجنة الخرمجة قصدت ذلك والتحكيم الردىء سيسعى
جاهدا ان يأخذ يسن كرت احمر او اصفر بقدر الامكان لانه
يعلم ان المريخ بلا حارس،ارجوا ان ينتبه الجهاز الفنى لذلك
ويهىء يسن نفسياً ويوصى الدفاع كثيراًأن يجنبه اى احتكاكات
بقدر الامكان وايضا لعيبة الوسط عليهم أن ينتبهوا فى ظل غياب
الشغيل والمريخ بلا محاور و على البدرى محاولة تأهيل اى لاعب
ممن يمملكون نزعة دفاعية هجومية متوازنة للعب فى خانة المحور
ولو بتمارين فردية ولفت انتباهه للمساحه التى عليه تغطيتها
فى حالتى الدفاع والهجوم..
واتحاد السجم ده حسابه براهـ، مع اعترافنا التام أن هذا اول
دورى والمريخ لا يتضرر كثيراً من الحكام وإن كان فينا شئياً من حتى،،،
| |
|
|
|
|
|
|
|
|
|
Re: إنسحاب المريخ من كأس السودان ... (Re: صديق الموج)
|
Quote: حقو تسال نفسك لماذا لجنة البرمجة برئاسة مجدى شمس الدين قامت بهذه
البرمجة الشاذة كاسرة للقاعدة فى أن تكون مباراة كأس السودان خاتمة
الموسم؟ خاصة أن البطولة الرئيسية (الدورى الممتاز) متبقية لها عدة
مباريات !! ستجدها برمجة ملغومة من السذاجة الوثوق بها وما تضمره
من تأمر لإنقاذ الموسم للهلال. لن يكتفوا بتحكيم معدوم الضمير ليكفل
الإنتصار للهلال بالمباراة، بل لضمان تصفية مفاتيح لعب المريخ
ليتعثر فى بقية مباريات الدورى الممتاز .
إدارة المريخ إعترضت على هذه البرمجة منذ أن أعلنت، فكان
اللف والدوران من رئيس الإتحاد الذى إرتضى أن يكون طرطوراً
يتلاعب به مجدى شمس الدين ولجنة منافسته. وجاء ردهم متأخراً
برفض الطلب. فالبرمجة الملغومة الموجهة، والمساعدات المضمونة
من الوطنى الكبير بجهاز التحكيم صلاح أحمد محمد صالح ، هو كل
ما تبقى لهم من وسيلة لمواصلة توجيه البطولات لمن لا يستحق.
نأمل أن تظل إدارة المريخ فى موقفها بضرورة تصحيح البرمجة،
هى صحوة وإن كانت متأخرة سنين عدداً، فقد أشارت لأزمة الكرة
السودانية المتمثلة فى إتحاد الفساد وحكام الفساد.
والإتحاد السجمان كما تقول لا سبيل لمناهضته بدون تلميس واقعه
المخزى بمواجهته فى برمجته الفاسدة. عالم تخاف ما تختشى.
وحريقة فى الكاس والممتاز وإتحاد الكورة والكورة ذاتها
التى يقودها من سقطوا أخلاقيا بفساد ذممهم، وعدم أمانتهم
فى تنفيذ واجبات وظائفهم.
قلتها وأقولها مراراً لن ينصلح حال كرة القدم بالسودان
ما دام يجثم على سدت قيادته إتحاد فاسد .. وتحكيم فاسد! |
شكراً يا نادر الفضلي يا صفوة يا راكز
يا منتصر كنت فاكرك متابع وعارف انو ناس المريخ ما سكتو ساعة اعلان المبارة دي
وانو الإدارة اتبعت خطوات الاعتراض المنطقية حسب العُرف لكن الاتحاد كعادته اتجرجر
و راوغ و ما بته في المسألة دي الا قبل ساعات عشان كدا إدارة المريخ ما كان عندها
إي رد فعل غير البيان دا .
الكلام بتاع ليه ساكتين شهر دا كلام رشاشات ساااكت و الرشاشات ديل عمرهم ما حيورونا
نعمل شنو ولا ما نعمل شنو .
نحن اصحاب المريخ و نحن من نملك قرار المريخ و بيدنا فقط نصرف امورنا عشان كدا بقول
ليك انا مع قرار المؤسسة قلباً وقالب .
و عايزك انت و ود الموج و بقية الصفوة تراجعوا موقفكم دا و مافيش حاجة اسمه لازم نلعب
ولازم شنو دي !!! انت فاكر الموضوع انسحاب ساكت وبس !!!.
هذا مع المحبة التى تعلمها .
| |
|
|
|
|
|
|
|
|
|
Re: إنسحاب المريخ من كأس السودان ... (Re: سفيان بشير نابرى)
|
الصفوة سفيان
Quote: وانو الإدارة اتبعت خطوات الاعتراض المنطقية حسب العُرف لكن الاتحاد كعادته اتجرجر
و راوغ و ما بته في المسألة دي الا قبل ساعات عشان كدا إدارة المريخ ما كان عندها
إي رد فعل غير البيان دا |
بغض النظر عن التفاصيل
ذكرت في إحدى المداخلات أن الأمر مخطط له
والهدف منه دفع المريخ للإنسحاب فهم توقعوا
أن رد فعل إدارة المريخ سيكون الإنسحاب وقد كان
أو خلق جو من التوتر والحنق يجعل المريخ يلعب بذهن
مشتت يفتقد للتركيز وبذلك يرتكب اللاعبون عدد من الحماقات
لا تكون في صالح الفريق ...
| |
|
|
|
|
|
|
| |
منتصرمحمد زكى
بهاء بكري
تاج السر محمد حامد
محمد النيل
ناجى أحمد البشير
عبدالرحيم أبراهيم العبيد
سفيان بشير نابرى
فايزودالقاضي
المكاشفي الخضر الطاهر
محمد الامين احمد
haroon diyab
نادر الفضلى
صديق الموج
فيس بوك
تويتر
انستقرام
يوتيوب
بنتيريست