|
لولا الكيزان لما دخلتو الفيس بوك ولا أكلتو الاسكريم
|
كما جاء على لسان أحد الكيزان في الفيس بوك في رد على سؤال طرحته شقيقتي الصغرى سوسن تاور في براءة شديدة
_هل أنجزت الحكومة السودانية الحالية أي إنجازات تستحق الذكر في ال22 سنة الماضية؟؟؟؟ إن كانت الاجابة نعم فماهي الانجازات؟؟
كان هذا نص السؤال
|
|
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: سلمى تاور)
|
Quote: نصر كولا
البقول ما انجزت يبقي مكابر الجامعات من كانت تعد في اصابع اليد الي مافوق ال60 طرق وجسور لاتحصي ولاتعد ابسط شيلولا الانقاذ لما كنتي دخلتي الفيس |
Quote: Alaa Yousif والرفاهيه بدل ما الناس كانت بتقيف صفوف للعيش والوقود بقت تقيف صفوف فى محلات الايس كريم والوجبات الجاهزه |
و كانت دي إجاباتهم بالحرف
فتأمل
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: سلمى تاور)
|
Quote: يا سلمى .... على الأرجح ده بيكون معارض غوّاصة، عايز يسئ لـ(سمعة) الكيزان. |
ياااا ابو الريش بكون تصدق
المشكلة انو حتى الردود الجادة _ لو اعتبرنا انو دي ما جادة _ كانت غبية ياها الفرمالة بتاعت الطرق و الكباري و الجامعات
ياخي و الله انا استغرب معقولة الضمير السوداني قدرو ديل يشتروهو بي كم كبري و كم كيلو متر أسفلت ؟؟؟
شئ مؤسف
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: سلمى تاور)
|
Quote: لولا الكيزان لما دخلتو الفيس بوك ولا أكلتو الاسكريم
|
أحمدي ربك وكمان خيتك الصغيرونة أنو ما قال ليكم من أنتم؟؟؟؟؟؟؟؟؟ ولا قال ليكم يا جرذان ويا مقملين.....
الكوز الأهبل ده تلقي ما شاف لمبة الكهرباء إلا في جامعة الخرطوم وما عرف الجبنة إلا في سفرتها.... ومعظمهم كذلك....
بس الأيس كريم شفناه قبل أكتر من خمسين سنة شوف العين ومن منتجيه ناس عزيز كافوري في معمل الألبان الملحقة بمزرعتهم بكوبر وكنا صغار بنمشي نتغرج على البقر الفريزيان والإنجليزية والتيران الما بتشبه بقرنا ... ونمر على المعمل نتفرج على الحلابات الألية، ويقدموا لينا الأيس كريم فرش من مصادره قبل التعبئة.... وبنشتريه من البقالات ووقتها كنا بنقول عليها دكان اليماني لأن معظم البقالات كان يديرها يمانية الله ينصر ثورتهم... وقليل منها أو الكبير منها كانت لأغاريق وإيطاليين وأقباط.... وفي الحلة ساي كان بياع الداندورمه أبو زمبارة ،، (أيسكريم شعبي يتجول بائعه بعجلة ذات 3 إطارات 2 قدام وواحدة ورا وقدام صندوق خشبي مبطن بالنشارة كعازل للحرارة ووسطها برميل صغير أو أكثر يحتوي على الداندورما المثلجة بطعم الفانيليا أو الفراولة ولا المانجو وويعبئها عند الطلب في قرطاس من البسكويت وبتعريفة.... أظنك ما بتعرفي التعريفة؟ التعريفة نصف القرش والجنيه أب جمل يساوي 100 قرش و97 قرش بتساوي جنيه إسترليني مطبوع عليه صورة الملكة زاتها....... الليلة وبعد 22 سنة إنقاذ الدولار والهو تلت الإسترليني بيساوي أكثر من 3700 جنيه.....
كوز متخلف وجاهل.... قايل أنه السودان إنتقل من العصر الحجر إلى عصر الإنقاذ...!!!
بالله ما تمشي تجيبي الكالكيوليتر في شان تحسبي عمري فالأعمار بيد الله.... وكمان ما ترفعي ضغطك بكلام مستجدي النعمة.....
هذه المداخلة حلال على أختك تنقله للكوز في الفيس بوك يمكن يفهم.... الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: Al-Shaygi)
|
Quote: كوز متخلف وجاهل.... قايل أنه السودان إنتقل من العصر الحجر إلى عصر الإنقاذ...!!! |
المحيّر انو شريحة كبيرة من أبناء هذا الجيل مقتنعين تمام الاقتناع انو السودانيين ديل قبل بابا عمر البشير كانوا يأكلون اوراق الاشجار و يرتدون فراء الحيوانات
يجهلون او ربما يتجاهلون معلومة ان السودان كان في ما مضى سلة غذاء العالم أصبح الان رجل افريقيا المريض .
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: المكاشفي الخضر الطاهر)
|
Quote: الغريبة يا مكاشفي كلمة كوز دي كلمة كويسة ماعارف اتقلبت نبذ كيف ومتين وأظن قالها حسن البنا قال الدين بحر ونحن كيزان نغرف منه |
احمد موسى تحياتي
حتي مصدر الكلمة مختلف فيه ..قيل ان العبارة مشكوك في نسبتها الى حسن البنا لانها لا تشبه لغته الفصيحه الرصينة كما انها غير معروفة و متداولة في مصر بلد حسن البنا فكيف تصل السودان؟ وقيل انه صكها بعض المساطيل في السودان ...وقيل الشيوعيين .. على أي حال ..لمعرفة هل هي ذم او مدح.. يجب معرفة مصدرها اولا .. البنا ام غيره التحية لصحابة البوست د. سلمي .
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: سلمى تاور)
|
من غرائب الامور ان هناك مقولة مشهورة يرددها كل من يرغب فى فرض عضلاتة والكذب على الناس تحيرت واحترت عندما سمعتها اول مرة وايقنت معها اننى اقف امام بائعى للوهم ونافخى للكير المقولة المراد بها خداع الناس هى "لقد بدائنا من حيث توقف الاخرون" وحيرتى التى حيرتنى بداءت بتساؤل فى داخلى مفادة يا ترى من قال لكم ان الاخرون قد توقفوا اصلا ؟؟ لتبدائو انتم وتتقدموهم؟؟؟ وكيف انتم وقد بدائتم من حيث توقفوا هم وتفوقتم عليهم وانتم دولة من دول العالم الثالث فى كل التصنيفات المعروفة؟؟؟؟؟
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: Hisham Amin)
|
سلمى تاور لك التحية ولاختك سوسن ما تستبعدى أن يذكروا لك من ضمن إنجازات ما تسمى بالإنقاذ زورا وبهتانا تحرير طرابلس بأسلحة سودانية 100% وكذلك مساعدة ثوار مصر بحجارة سودانية 100% ساهمت فى هزيمة النظام المصرى فى موقعة الجمل الشهيرة والتى كان للطائرات السودانية التى تعمل بدون طيار ماركة إنقاذ20 القدح المعلى فى تلك المعركة حيث أمدت ثوار مصر بمعلومات دقيقة عن الجمال والأحصنة المهاجمة بل قامت بإصطياد عدد كبير منها عن طريق حجارة موجهة بالليزر .(تقول لى شنو تقول لى منو) الله أكبر ولا نامت أعين الجبناء
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: سلمى تاور)
|
Quote: ممكن يكون مدخل بوست جيد والناس تتكلم عن السودان ما قبل يونيو 89 وما بعد يونيو 89 فى كل المجالات السياسية الاجتماعية الثقافية و الرياضية |
الكوتش تحياتي إن شاء الله انت كويس ؟؟؟ هذه المقارنة يا عزيزي هي بالضبط ما نود ان نفعله في هذا البوست و في الحوار المدور في الفيس بوك .
بالجد عايزين نعرف سودانا دة كان كيف قبل يونيو 89 و إذا كان النظام دة فعلا انجز ولّا لأ ؟؟ و طبيعة الانجازات دي و مدى فايدتها للناس و هل هي كانت انجازات حقيقة فعلا ولّا مجرد تطور طبيعي بيهم و بلاهم كان حيحصل ؟؟؟
الشئ التاني و المحيّر جداً _ بالنسبة لي . إعتقاد شريحة كبيرة جدا من الشباب انو النظام دة اخرج السودانيين من الظلمات الى النور
الاعتقاد دة سببو شنو ؟؟؟
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: سلمى تاور)
|
Quote: المقولة المراد بها خداع الناس هى "لقد بدائنا من حيث توقف الاخرون" وحيرتى التى حيرتنى بداءت بتساؤل فى داخلى مفادة يا ترى من قال لكم ان الاخرون قد توقفوا اصلا ؟؟ لتبدائو انتم وتتقدموهم؟؟؟ |
هشام أمين أهلاً بك
فعلاً المقولة تصبح مستفزة عندما ييستخدمها هؤلاء لكن الاكثر إستفزازاً
ان تجد من يصدقها .
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: سلمى تاور)
|
Quote: ما تستبعدى أن يذكروا لك من ضمن إنجازات ما تسمى بالإنقاذ زورا وبهتانا تحرير طرابلس بأسلحة سودانية 100% وكذلك مساعدة ثوار مصر بحجارة سودانية 100% ساهمت فى هزيمة النظام المصرى فى موقعة الجمل الشهيرة والتى كان للطائرات السودانية التى تعمل بدون طيار ماركة إنقاذ20 القدح المعلى فى تلك المعركة حيث أمدت ثوار مصر بمعلومات دقيقة عن الجمال والأحصنة المهاجمة بل قامت بإصطياد عدد كبير منها عن طريق حجارة موجهة بالليزر .(تقول لى شنو تقول لى منو) الله أكبر ولا نامت أعين الجبناء |
جمال خضر ما سألوا فرعون قالوا ليهو : إنت يا فرعون ، الفرعنك كدي منو ؟؟؟
قال ليهم ما لقيت زول يقول لي انت كضاب
جمال إن شاء الله انت كويس ؟؟
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: سلمى تاور)
|
يا جماعة ..... إنتو المكاشفي ده، منو القال ليهو في زول قال أو ناوي يقول ليهو إنت كوز؟
الملاحظ إنو الجماعة ديل، زمان كانوا بيزعلوا من كلمة (كوز) أو على الأصح بيستميتوا في نفي كوزنتهم. بس هسي بقوا متصالحين مع نفسهم، وبقوا ما ينكروها ..... والأمثلة موجودة عندنا هنا في المنبر.
المكاشفي ما استفاد من تجاربهم .. وعايز يمشي المشوار من الأوّل.
| |
|
|
|
|
|
|
Re: لولا الكيزان لما دخلتو الفيس بوك ولا أكلتو الاسكريم (Re: صبري طه)
|
Quote: هذه المقارنة يا عزيزي هي بالضبط ما نود ان نفعله في هذا البوست |
ممكن التعليم يا سلمى ؟ وايهما افضل الكم ولا الكيف ؟ حسب وجهة نظرى : قبل 89 عدد الجامعات شويه لكن اغلبية الخريجين ممتازين - بعد 89 العكس عدد الخريجين كتااار لكن مستوى اغلب الخريجين ضعيف ...
... يا المكاشفى مهند لعاااب لكن فيهو مشكله > هى شنو ما عارفها 80 فى المئة من باصاتو غلط وبتشكل خطوره ، وبكون فى كم لاعب فاااتح وفى وضع مريح > مرضنى مرض > عشان ما نغير ونشتت البوست ممكن تجينى بهناك ... تحياتى
| |
|
|
|
|
|
|
|