أحمد الحبيب .. أحد النجوم التي برزت في برنامج نجوم الغد لهذا العام .. وقد أشادت به لجنة التحكيم ورشحه الأستاذ/ محمد سليمان، للوصول إلى مراحل متقدّمة من المنافسة ...
وفي هذا اليوتيوب أبدع في أداء أغنية "الشجن الأليم" للفنان القامة الأستاذ/ مصطفى سيد أحمد - رحمه الله - ...
أحمد محمد الأمين .. نجم وُلد بأسنانه في ساحة برنامج نجوم الغد لهذا العام .. وجهجه لجنة التحكيم وجهجه باكاتم ذاتا ... وأكيد حيجهجه باكات أخونا سفيان بشير نابري ...
وفي هذا اليوتيوب أبدع في أداء أغنية "الفطن الوسيم" للفنان محمود فلاح ...
10-17-2011, 08:12 AM
عكود عبد القادر عكود عكود عبد القادر عكود
تاريخ التسجيل: 08-11-2009
مجموع المشاركات: 440
شكراً يا أبو الصحب صبري أحمد محمد الأمين غناي و حريف و عندو استايل حقو براهو بميزو عن كل النجوم المروا علي البرنامج بس اخوك عندو ملاحظات غايتو استحملني فيها :- احمد دا اظنو ساكن بحري و كان ما اخاف الكضب اقول شمبات رسمي هههههههههه و طبعاً الأغنية دي تحديداً الطلقه في الشباب باستايل الكلاسك جيتار دا هو احونا المهندس حامد أبو سبح و صديقه عازف الجيتار شهاب . الحاجة التانية أحمد مائل لاستايل الشباب الحالي (استايل جميل جداً) و هو استايل يرسخ له اخونا محمد الجزار . واضح أنو أحمد استمع للأغنية دي جيد جداً بجميع اشكال آدائبها (آداء الحقيبة و الآداء الحديث) و من بعد جاء دورهو هو فظهرت الراحة و التعايش مع الأغنية لكن اعيب عليه أنه ركز على اللحن و الآداء الصوتي لكنه وقع في بعض اخطاء الحفظ مثل :- لو سألك عليّ كان أحمد يقول :- لو سألوك عليّ و كان في غالب بداية الكوبليهات التي تبدأ بحرف واحد مل و يبعد الواو و في دي :- يبعد عن نطاقي أحمد قال :- أبعِد عن نطاقي المهم يا صبري دي حاجات كانت و اضحة و ظاهرة عند أحمد محمد الأمين الغريبة ناسك بتاعين اللجنة ديل طبعا علي كيفهم و انا عموما مبسةط منو بس خايف عليهو جداً لانو بدأ من فوق جداً خصوصاً انو لسه قداموا عدد من المشاركات (مجموع كل المشاركات تقريباً بصل 10 اعمال) فما عارف تاني أحمد دا محضر ياتو مفاجأة بعد المستوى العالي دا . البقية ديل بجيك ليهم بالمهلة يا صاحبي فشنو !!؟ اديني رضاك.
أريح عبدالقادر ... صوت أجش على قول محمد سليمان ... في أغنية "ليه يا زمان فرقتنا" ... الأغنية لود المقرن ... كلمات وألحان عبدالرحمن الريح ... أداء جميل ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عكود عبد القادر عكود
وليد عبد اللطيف
سفيان بشير نابرى
فيس بوك
تويتر
انستقرام
يوتيوب
بنتيريست