|
|
 هاكم ديل نكتتين قديماااات .... ولكن يتجددن كل موسم ....ياهليلاب ...؟؟؟
|
هاكم ديل نكتتين قديماااات .... ولكن يتجددن كل موسم ....ياهليلاب ...؟؟؟!!!!
مريخابى سيد بلد
جاهو عريس لبتو
قام الابو سألو: انت هلالابي ولا مريخابي ؟
العريس قال ليهو :هلالابى
قا م الأب عرس ليهو بتو بسرعة جدا ...
بعد العرس ماتم ... قام العريس سأل ابو العروس قال ليهو انت ليه اديتني بتك وانت عارفني هلالابى
سيد البلد رد عليهو: انت ما دام صبرت على الهلال لي هسي...
اكيد حتصبر على بتي العمر كلو ....
واحد ماشى فى الصحرا طلع ليهو واحد من المستقبل ...
قال ليهو أنا هسه جاى من سنة 3010م
صاحبنا طوالى سألو : بالله أحوال السودان فى الزمن داك كيف؟
قال ليهو قبل يومين
الرئيس حقنا طلع قرار بمنع أى دولة اوربية من امتلاك أسلحة نووية صاحبنا نط وقال ليهو ... وأمريكا؟
قال ليهو: بعد ما هزمناهم فى الحرب العالمية التاسعة ضميناهم لى مشروع الجزيره ....
صاحبنا قال : لا حولااا ... ولكن أهم حاجة الهلال جاب بطولة خارجية ؟
صاحبنا قال ليهو :
.
.
.
... .
.
.
.
.
.
.
.
.
.
.
.
.
.
.
.
.
لا ياخ انت كمان ما تبالغ ^___^
تخريمة:
نفسي مرة واحدة يا جمال السنوسي ... اتسم بالوطنية ... واتجرد من مريخيتي ...
وابارك ليكم فوز الهلال الخارجي... لكن دايما خاذليننا ...
طلب صغيروووووني:
ولو يتكرم واحد من الشباب برسم دورة حياة .... الهليل ....
طبعا هي معروفة اربعة مراحل فقط:
1- فورة شديدة .. واعلان للتمثيل في دوري افريقيا ... واسماء رنانة مثل ... سيد اللبن
2- سقوط اداري مريع ... سن الجديد من الفضائح ... كفيت ودفير وبنج ... وفي وجود الضيوف وكذب على عيون الاشهاد....
3- الرجوع للصفر الدولي ... كالعادة ...
4-وهلم جررررررررررررررا .... وكل سنة شرحو ...
جاينكم ...
|
|
 
|
|
|
|
|
|
|
 Re: هاكم ديل نكتتين قديماااات .... ولكن يتجددن كل موسم ....ياهليلاب .. (Re: abas)
|
عبس ... يا جميل
فريقي قاتل في الاحراش وجاب كاسات .... جوا
ولكن صفركم بكبر كل ... موسم
Quote: زولكم اتثور ولا لسه منتظر سيد ناديكم الخطري
|
ياحبيب صورة شنو البنتظرا ... ريسنا ...
ريسنا يامعلم جاب الحضري بلحمو وشحمو ...
الحضري الكان كلكم بأشروا ليهو ...
حارس افريقيا الأول ... الأسد الضرغام ...
وهسع روح الحضري ومستقبلو ... في يد ريسنا ....
نططو بعيد ...
ريسا بجيب
وريسكم ... للكفيت والبنج لعيب ...
| |
|
|
|
|
|
|
|
|
|
Re: هاكم ديل نكتتين قديماااات .... ولكن يتجددن كل موسم ....ياهليلاب .. (Re: طارق جبريل)
|
قااااااااااااااااااااااااااااادر الله يا ود نجيلة يا اخوى
انت ومعاك المطيميس بتاع كازابلانكا دا
شن شغلتكم انتو كمان بى كلام الناس الكبار
نحن اسمنا وصلنا دور الأربعة وطلعنا من فريق اسمه الترجى
عارف يعنى شنو ترجى
يعنى فريق بطل من زمان , ومرشح يكون بطل تانى
عاد لو انتو بتشجعوا الترجى , كلامكم ده يكون صاح
اما وانكم من مشجعى فريق خرج ويخرج من ادوار نفس البطولة الأولى
اقعدوا زى ما انتو دائما , فراجة يا اخوى
ويكفى ان نكاتكم القديمة تجددوها انتو براكم , فى دور الأربعة وما فوق
اها نفس نكاتكم دى اذا ما ردت اليكم
عارفها من دور الكم , ولا تسال طارق جبريل
عارف يا ود نجيلة يا حبيب
المثل القدييييم داك (الأقدم من نكتتينكم ديل
قالوا اب سن , قادر الله , قاعد ينكت على اب سنين !!!!
* سؤال غاية فى البراءة
لو قدر لهلال الملايين ان يفوز ببطولة خارجية
مثلا مثلا يعنى
عارف انت المسافة بينو وبين الآخرين , اللى هى كبيرة اصلا (الآخرين الفى السودان طبعا )
حا تبقى قدر شنو ؟؟؟
| |
|
|
|
|
|
|
|
|
Re: هاكم ديل نكتتين قديماااات .... ولكن يتجددن كل موسم ....ياهليلاب .. (Re: ياسر نجيلة)
|
Quote: * سؤال غاية فى البراءة
لو قدر لهلال الملايين ان يفوز ببطولة خارجية
مثلا مثلا يعنى
عارف انت المسافة بينو وبين الآخرين , اللى هى كبيرة اصلا (الآخرين الفى السودان طبعا )
حا تبقى قدر شنو ؟؟؟ |
منص ياحبيبنا ...
عليك الله "قرض" على الكلمتين ال بالأحمر .... ديل
وللزمن دااااااااااااك لما يبقو حقيقة وواقع معاش ... اوعدك اكتب في وصيتي ....
لازم واحد من جنا جاي .... يبقي هلالابي ....
قال لو قدر قال ....
ياأبنوسي مثلا .... مثلا يعني .... قصدك
لو شلتو كأس محمول جوا .... زينا ....
أمل اتبره .... كيف ...
أقصد هلال الجعليين ... منتظركم ...
غايتو وش الصفوة ... ود جبرين ....
نفعني جنس نفع ....
| |
|
|
|
|
|
|
| |
ياسر نجيلة
abas
طارق جبريل
منصور عبد الرازق
عبد الدائم سيد أحمد
زهير الزناتي
محمد عيد
ابراهيم محمد الحسن
فيس بوك
تويتر
انستقرام
يوتيوب
بنتيريست