|
|
|
 Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: الطيب شيقوق)
|
Quote: أديس أببا
يازهرتي الجديدة (1)
ويا مطلع القصيدة
هنا الحسنُ قد جاءَ مختالاً.. وئيدا
يمنح العمرَ المزيدا
وتنادي (سليمانُ) يدعو بلقيسَ إليه
فامتدت على الهضبةِ مزاميرُ داؤودَ (2)
ومن الأناشيدِ.. نشيدا (3)
أديس أببا
أمهرية العينينِ.. والقدِ.. وجيدٍ
من رأى غير الأمهرية جيدا
يا بنت (شاوا).. (4)
قد جاءني الحب.. ترآى لي
فرمتُ.. المزيدا
(أبَّاي) (5)
من الجنةِ دفقٌ روانا
فتنامى الحبُ في وجداننا.. ألقاً.. وعيدا
من له للزهر عيدٌ؟
ومن له شهَرُ أضاف الشمسَ للعامِ
تقويماً جديداً
هي أرضُ بلقيس (6)
وصحوةُ الحبُ على الربا
متناغماً.. ترديدا
الآن جئتك أنشد لحظةً
هي قلبي المشبوب بالحب إليك
يهفو إليها.. وحيداً
يا بنت (أكسوم) (7) .. و(تانا)
(عيزانا) (.. أتانا
أضرم النيران في قلبي
فمددت الكف جئتك صافحاً
وكتبت إليك مدّاحاً.. مريدا |
جمال محمد احمد
| |
  
|
|
|
|
|
|
|
 Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: الطيب شيقوق)
|
بما ان نحن ما من اصحاب الدموع القريبة من الرموش
دخلنا توووش ... اها بعد السلام وقبل ما يجوك
ناس الدموع والنخجى وود جبرين والذى منو ..
دعنى احدثك قليلا عن هذا الفديو من منظور
رياضى بحت :
اولا منظر الجبل عامل خلفية رائعة ك
وكمان فى تناسق فى اختيار الالوان ل
ثانيا الايقاعات وخصوصا الوتريات غير المحسوسة س
اعطت مساحات واسعة لظهور الحركات الراقصة بتوافق ن
و بمان س = ك + ل + ن
ك ثابت
ل ثابت
بتفاضل الطرفين بالنسبه لـ ن
معدل التغير فى الرقص = 1
..............
ودشيقوق اخبار الثعابين فى اسرائيل شنو > لوووولز
| |
|
|
|
|
|
|
|
|
|
Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: ALZOLZATOO)
|
Quote: خم وصر شوف ود القاضي قابض الجو في الفيديو كليب ده
تحياتي
زاتوووو |
فعلا لقد أبعد ود القاضي في هذا الكليب وهو يتوكأ على عصاه متشحا بالأخضر!
أغنية منالدوش (تغمدها الله بواسع رحمته) هذه تعتبر من أروع الأغاني التراثية الإثيوبية لما تتضمنه من شجن لحني ورقص بديع، ولم ينس فيها المخرج أن يبرز عيون القرن الإفريقي لوزية اللون.
إخوتنا الأثيوبيون أفضل من يوظف الصدر والعنق في الرقص حتى يخال المرء أن القلب والكبد يتبادلان المواقع بلا غضاضة!!!
شكرا لك أخي ود شيقوق وشكرا للزول زاتو الذي جلب لنا هذه التحفة الفنية.
| |
|
|
|
|
|
|
|
|
|
Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: الطيب شيقوق)
|
ود شيقوق يا لباد
توقعتك تجيء داخل البوست تسالني ساكت تقول لي ما فتشتي محلات المساج بالعثابين يا تراجي باسرائيل ليه؟؟!!
(ههههههههههه)الا لقيتك عامل حمد لبد!
| Quote: ودشيقوق اخبار الثعابين فى اسرائيل شنو > لوووولز |
يا الكوتش وحاتك كنت ناويه اسال الشباب من محلات ود شيقوق وثعابينه الا نسيت.
اها يا ود شيقوق على فكره لو شفته شوارع اسرائيل تقول حبشي واحد ولا حبشيه فضل في بلده مافي!
| |
|
|
|
|
|
|
|
|
|
Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: Tragie Mustafa)
|
Quote: ود شيقوق يا لباد
توقعتك تجيء داخل البوست تسالني ساكت تقول لي ما فتشتي محلات المساج بالعثابين يا تراجي باسرائيل ليه؟؟!!
(ههههههههههه)الا لقيتك عامل حمد لبد! |
نحن بطبعنا - يا ام حازم - ما بنسأل الزول نقول ليهو ماشي وين و لشنو لكن عارفين هو ماشي وين ولشنو ؟ المهم إنشاء الله ربنا يكتب ليك ايام سعيدة مع الثعابين الاسرائلية .
بس كان فيك فائدة اطريني بمركوب اصله بس
| Quote: اها يا ود شيقوق على فكره لو شفته شوارع اسرائيل تقول حبشي واحد ولا حبشيه فضل في بلده مافي! |
دبري لأخوك فيزا خليني أتلهم ارض الميعاد البقت مرتع للحمام الافريقي .
| |
|
|
|
|
|
|
|
|
|
Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: الطيب شيقوق)
|
Quote:
اهلنا هناك شوف عينى بهزو اللبن يبقى روب
والروب بشوية موية ببقى غباشه ..
والغباشه دى بتقطع العطشة زززززززززت..
الله يقطع نفس عدوك،،، |
ودالموج...
كنا جالسين مع صاحبنا الصيدلاني الليبي في شارع الفاتح (سابقا)
جات واحدة" يا دنيا مافي غيري فيك"
خاطبها: لا تنقزي, صدري يولي لبن..
بعد انتهاء العرض سألناهو عن الترجمة..
قال:"هي في مشيها تنقز والمعدات تطلع وتنزل وهذه العملية ستحول الحليب الى روب.."
أو كما قال......
| |
|
|
|
|
|
|
|
|
|
Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: Osman Musa)
|
عثمان موسى
Quote: ده ماهو حت .
ده كتل . كتل عديل .
التكتل الشر من دربك .
..
والله أنت أجمل مسنوح في ( سيكافا ) شرق أفريقيا . |
الله يخليك يا زعيم
يا عثمان اخوي في حاجات وجدانية ما عادية بيننا وهولاء الاثيوبيون
يا رب برضهم يحبوننا كما نحبهم ؟
الاجابة بالتاكيد نعم ودا ظاهر في حبهم للغناء السوداني
ياخ نحن متلصقون في العرب ساى لكن الناس ديل معنا لحمة ودم وروح كمان
| |
|
|
|
|
|
|
|
|
|
Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: الطيب شيقوق)
|
Quote: انت جنيت؟
فاكر نحن ما ختينا سقف للشحن العاطفي ؟
شيل واحدة من حاجاتك دي عشان يكون الوزن في الحدود المسموح بها قانونا |
جني خلو،
ده البوست يبقالي الرابع وانت زايد حَلَجان
وتجي تقولي شيل وخت وسقف ووزن مسموحبو قانونياً وما أدريك؟
أسع إت بعد البشتنه الحاصلي عليك، ومن زاوية نظر قانونية، هل يُعْتَدْ بشهادتك؟
ـ
أينك يا بت شرف الدين؟
المطرطش
| |
|
|
|
|
|
|
|
|
|
Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: الطيب شيقوق)
|
ود شيقوق قلته لي
| Quote: فاكر نحن ما ختينا سقف للشحن العاطفي ؟ |
ما شفناك رفعته للمساله سقوف قلنا .. نجيب المطره البتقد الزنكي ذاتو
| Quote: شكيتك على الله اللنك بتاع عزاز دا خمشتو من وين؟ |
دي واحده من القناب لالفي الجيب الورا ذاتو ، بالله اتخيل البت دي اشتهرت وطلعت اول مره بالاغنيه دي ذاته لا دارت ليها نجوم غد ولا بعد غد ، بيني وبينك كده (النجوميه دي ما ساي دايره ليها مؤهلات ولا كيف؟
اها نجيب الرعده ولا المطره دي كفايه ؟
ـــــــــــــ
تابر
| |
|
|
|
|
|
|
|
|
|
Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: محمد عبدالرحمن محمد)
|
| Quote: والله اخير تمشيلك زاويه مالا تباري المسانيح المساخيت ديل |
يا شيخنا محمد عبد الرحمن
الزاويه وين ؟ الجامع ذاتو بيقفلوه بعد الصلاه .. وطالقين لينا جماعتك ديل محل ما تقبل يعتروا
ليك .. لا تعرف تحت لاتعرف تبكي لا تعرف تزح ..
قلت لي مسانيح ومساخيت ؟ انا شايف ابليس قاعد في الواطه يبكي .. قال بقي ( فايض عماله) !
وخلي بالك الداخل هنا مفقود .. والخارج اكبر مفقود ......
عمر علي حسن
| |
|
|
|
|
|
|
|
|
|
Re: اصحاب الدموع القريبة من الرموش يمتنعون - (فديو عن الحت الاثيوبي ) (Re: JOK BIONG)
|
Quote: ده فشانك يا أيمن
تعليقي علي بوست المسنوح ومداخلات المسانيح الجدد داخرو لامن اشوف منو تاني من الكوامر جاي يفك آخرو
الموج وعارفنو |
المطرطش وحاتك انا حسى مشيول ساكت
انا ما بنكر عارف روحى عندى استعداد للانحراف بس ماكنت لاقى زول يوجهنى
اها لميت فى المسنوح ده واخرون سوف ياتى ذكرهم لاحقا..(هسه انا جبت
سيرة طارق جبريل واللا حبيب نورة يا جماعة؟؟)
اها قول لما فينى المسنوح ده ومن ديييك وعييييييييك
ياجماعه الكومندان عمر على حسن ده ماتلعبوا معاهو ضاغط،،،
| |
|
|
|
|
|
|
| |
الطيب شيقوق
سيف الدولة كامل
Al-Shaygi
أحمد ابن عوف
ALZOLZATOO
محمد الأمين موسى
طارق جبريل
محمد المرتضى حامد
عبدالعزيز الفاضلابى
عمر ادريس محمد
Tragie Mustafa
Abdlaziz Eisa
فيصل محمد خليل
وليد عبد اللطيف
صديق الموج
Aymen Tabir
Osman Musa
Nader Abu Kadouk
محمد عبدالرحمن محمد
نوفل عبد الرحيم حسن
عمران حسن صالح
عماد الشبلي
يوسف محمد يوسف
JOK BIONG
فيس بوك
تويتر
انستقرام
يوتيوب
بنتيريست