|
|
|
 Re: نـــدى القلعة الامام السلفي دا ما مبسوط منك!! (Re: محمد النيل)
|
إمام مسجد سلفى بامدرمان يحمل ندي القلعة وزميلاتها بأنهن سبب ارتفاع الأسعار ! ! !
Quote:
فتح إمام مسجد الحارة (40) بأمبدة النار في كل الاتجاهات علي فنانات اليوم و بالأخص ندي القلعة التي أصبحت ( تغني الهابط ) الذي لا معني له إطلاقاً و أضاف قائلاً بان من الأسباب الرئيسية التي أدت الي الغلاء في الأسعار هو ما تتغني به الفنانة ندي القلعة و عدد من الفنانات السودانيات و ذلك نسبة للمظهر العام الذي أصبح من سلبيات الفنانات السودانيات و الذي قاد الي كل هذا الغلاء و العيش الضنك الذي يشهده الشعب السوداني اليوم كما ان هناك عدداً من الفنانات أصبحن لا يراعين الذوق العام و يظهرن بشكل غير لائق و مناسب مع الفتاة السودانية التي يضرب بها المثل في العالم و انه يطالب بان يتغير الحال عند الفنانات السودانيات من حيث المظهر العام و الشكل و تغيير لون البشرة مما قاد الي تقليد بعض الفتيات لهن و التشبه بهن بالإضافة للغناء الهابط الذي يتغنين به مما أدي الي حالة الغلاء الفاحش .
|
الزول دا بصحو يا جماعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
  
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
عماد حسين
الحمد لله بخير وعافية يا عماد
Quote: دي استنتاج من عندك.. أما أنت مجرد تابع للمصدر المشكوك فيه.. أم أنه تصريح
رسمي وموثق لواحد من السلفيين؟
لأن نقل الصحف الصفراء والنصف صفراء، لا يسمن ولا يغني من جوع
موقع كفر ووتر ذكر أن المصدر: الدار |
يا عماد قدامك خبر وهو منتشر في أكثر من موقع
أمام المسجد معروف بالضرورة لكل يسكن تلك الانحاء
سلفي جلابيته قصيرة ومعروف من اتباع انصار السنة
Quote: وأنا كشخص منتمي للتيار السلفي أعرف أن المشائخ لا يختذلون هذه النكبات
في مظهر واحد من مظاهر المعاصي.. |
يا عماد هذا الشيخ اراه اختزل كل مشاكل السودان
في غناء ندى القلعة وزميلاتها
وبعدين يبدو أنه من معجبي نــدى القلعة ويستمع لها ولغنائها
ولذلك افتى بمثل هذه الفتوة...
عماد اراك قد ارهقت نفسك كثيرا في جلب الادلة والبراهين
وهذه الاحاديث معروفة لي بالضرورة وسمعت عنها كثيرا
بل إنني احفظها عن ظهر قلب ..
يا عماد يا حبيبنا مشاكلنا مشاكل أمه كاملة وهي كثبرة ومتشعبه
اختزالها في الغناء وتغطية وجه المرأة وتقصير الثياب
بجيك صاد يا عماد للباقي
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: طارق ميرغني)
|
Quote:
يا عماد قدامك خبر وهو منتشر في أكثر من موقع
أمام المسجد معروف بالضرورة لكل يسكن تلك الانحاء
سلفي جلابيته قصيرة ومعروف من اتباع انصار السنة
يا عماد هذا الشيخ اراه اختزل كل مشاكل السودان
في غناء ندى القلعة وزميلاتها
وبعدين يبدو أنه من معجبي نــدى القلعة ويستمع لها ولغنائها
ولذلك افتى بمثل هذه الفتوة...
عماد اراك قد ارهقت نفسك كثيرا في جلب الادلة والبراهين
وهذه الاحاديث معروفة لي بالضرورة وسمعت عنها كثيرا
بل إنني احفظها عن ظهر قلب ..
يا عماد يا حبيبنا مشاكلنا مشاكل أمه كاملة وهي كثبرة ومتشعبه
اختزالها في الغناء وتغطية وجه المرأة وتقصير الثياب
بجيك صاد يا عماد للباقي |
أنا برضو جاييك راجع يا البشاري
بإذن الله
Quote:
وبعدين يبدو أنه من معجبي نــدى القلعة ويستمع لها ولغنائها
ولذلك افتى بمثل هذه الفتوة...
|
أظنك قاصد: الفتوى
| |
|
|
|
|
|
|
|
|
 Re: نـــدى القلعة الامام السلفي دا ما مبسوط منك!! (Re: عماد حسين)
|
يا شيخ عماد ..
بتفق معاك في الآتي :
1/ وجوب التثبت من الخبر قبل النقاش حوله
2/ عدم محاكمة فكر جماعة عبر تصرفات فردية ما لم تكن مستنده على قبول أغلبية الجماعة لها
3/ هناك إتساق في القول بأن المعاصي سبب جزئي للبلاء ما دمنا نستند على نصوص الدين (أي دين)
لكن بختلف معاك في الآتي :
1/ في أشياء إعتبرتها إنت من الدين (بالأف و اللام) دون تخصيصها برأي مذهب معين
(النقاب مثلا و ليس الحجاب كما تفضلت بالقول .. و مسائل التقصير و الغناء و غيرها)
فمن المعروف أن بهذه المسائل خلاف فقهي كبير بين المسلمين
2/ مسألة إعجاب المتحدث بالمغنية كسبب لإنتقاده الشديد لها .. معروف بعلم النفس
فهو آلية دفاعية Defense Mechanism معروفة تسمى بـ Reaction Formation
حيث يتطرف الشخص في إنتقاد ما يحبه بلاشعوره و يرفضه بوعيه
الخلاصة عندي تتلخص في :
- نعم هناك تنميط شديد لأنصار السنة بالسودان و لكنه لم يأت من فراغ !!
فالتجارب المتواتره مع ممثلي هذا التيار هي ما صنعت هذه الصورة الشائهة
أنا شخصيا أعتبر أن كلامك المتوازن هو دليل عافيه و تطور قد غاب عنا ردحا من الزمان
و أرحب شخصيا بكل توضيح حول المواقف مثل الذي تفضلت به
فبصراحة لم ألتق قبلا (إلا قليلا جدا) بمن لا يتعصب لرأيه دون أن يفيدني بوجهة نظر متوازنه من أنصار السنة منذ الثانوي العالي !!*
- النقاش حول المصدر يصح في حال موافقتك الكلية لكلامه ..
أما و الحال أنك صاحب رؤية معدلة لمضمون حديثه و ترفض ما قاله إن صح عنه النقل
فمن الواجب أن نناقش رؤية الجماعة للمسألة عسى أن يستفيد منها من يوافق طرحه هذا الكلام من جماعتكم !!
- عدم الإنتباه و التصريح بمجال الخلاف في التفاصيل بين أنصار السنة و من يخالفهم الرأي
(كما سلف في مسألة الحجاب و التقصير و القباب و غيرها)
يؤكد في الوعي الجمعي تلك الصورة الشائهة لأنصار السنة بكونها تدعي إحتكار الفهم الصحيح للدين دون غيرها
و قصر هذا الصحيح نفسه على جزئيات محفوظة تدمغ بها الجماعة دوما بلا أمل في الإستيعاب لإصولها الفكرية الحقيقية
و يجعل من السهل على الآخرين تصديق أي سخافات تنسب لأفرادها دون تمحيص ..
لذا أعذر الأخ الأمين البشاري و غيره على نسب الكلام للمتحدث بلا توقف حتى بعد توضيحاتك !!
يا عماد ..
هذا المنبر نفسه به ما يساهم في ترسيخ ما إشتكيت منه من الصورة النمطية السالبة للسلفيين !!
و عسى أن تكون أنت و من معك إضافة حقيقية للنقاش فيه بصورة جديدة حقا
حتى نعرف في ماذا نتفق و في ماذا نختلف دون تجريح أو إساءات
فطول بالك و واصل في النفس الهادىء و أنت تجد لنا في الخير مخرجا !!
دمت بخير
__________________________________________________________
* مسجد أنصار السنة قرب بيتي قال فيه الخطيب ذات جمعة :
أن من يعتقد بأن الدماغ هو عضو التفكير فهو كافر !!
لمخالفته نص القرآن القائل بأن القلب هو ذلك العضو بلا ريب
حقيقي قربت أقوم في نص الخطبة و أنتقده بعنف لولا حرمة الموقف!!
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
Quote:
وطبعاً في الحالة التانية دي بيكون داير الزول يحرسوا زي ناس (الهدف)
|
يازول هوي
أنا ندمان و سافي التراب !!
مسألة الخور دي عليك الله ما تقولها تاني
ما تجيب لي نفسيات و سمعة ياخي
و عليك أمان الله
كان تعبت نفسك برد طويل و مكرب
إحتمال كبير ما أواصل معاك ..
أنا بوستي بتاع العلوم البحبه ما قادر عليه
و إنت نفسك طوييييل سلبه بس
فشنو ..
صباحاتك بخير
و توبه تاني أخش في كلام ما موجه لي
دمت بخير
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
البشارى ............سلام
ياخى ده نكرة داير يشتهر ساكت اى امام وأى
مسلم الذى يسب الناس؟؟والمسلم من سلم الناس
من يده ولسانه.وليس المسلم بفاحش ولا بذىء ولاطعان ولا لعان.
هذا من علماء الحيض والنفاس الذين ابتلينا بهم
فى هذا الزمن الجهجاه..
تكلم عن الظلم والوأد والاملاق والمسغبةالتى يشقى
بها الناس والمتربة التى يتمرغون فيها، تحدث
عن الفساد واكل اموال الناس بالباطل اصلحك الله
يا إمام الغفلة،،،
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: صديق الموج)
|
بعد ما اتخلق الإنسان في احسن تقويم ثم ردّ الى اسفل سـافلين ... لو في "اهبط" من كدا ... ورّونا ..
ما هي مواصفات الاغنية الهابطة؟
يعني الاغنية الاسفل من اسفل سافلين ولا تليق بانسان دي تكون شنو؟
مش ياها العدة دي وهزّ البتاعات ديلاك والهِناي؟ طيب وين الهبوط؟
سبحان الله ....
... المهم ....
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: تبارك شيخ الدين جبريل)
|
Quote: يا شيخ عماد ..
بتفق معاك في الآتي :
1/ وجوب التثبت من الخبر قبل النقاش حوله
2/ عدم محاكمة فكر جماعة عبر تصرفات فردية ما لم تكن مستنده على قبول أغلبية الجماعة لها
3/ هناك إتساق في القول بأن المعاصي سبب جزئي للبلاء ما دمنا نستند على نصوص الدين (أي دين)
|
مدخل جيد يا عزيزي
وبغض النظر عن الدين الحق والباطل.. الحتة بتاعت (أي دين) دي مسألة جيدة
فتقريباً كل الأديان السماوية - حتى المحرف منها - إضافة إلى بقية الأديان الوثنية
أو فلنقل (الأرضية) أو (الوضعية) والتي لها مباديء مكتوبة مثل البوذية والهندوسية
لها مباديء تدعو فيها لترك ما يغضب المعبود.
وما يهمنا هو أن هذه النقطة لها بعد أعمق في الدين الإسلامي
| |
|
|
|
|
|
|
|
|
 Re: نـــدى القلعة الامام السلفي دا ما مبسوط منك!! (Re: عماد حسين)
|
صباح الخير يا عماد
أول حاجة شكرا على تفهمك لتعميمي حول الدين ..
فالمقصود منه تماما ما علقت به عليه
Quote:
وما يهمنا هو أن هذه النقطة لها بعد أعمق في الدين الإسلامي
|
فإذا قارنا فعلا بين مفهوم غضب المعبود و آثاره
بين الديانات الأخرى و الدين الإسلامي
سنجد أن تنزيه الإلوهية بالإسلام مختلف كثيرا عن المفهوم التوراتي مثلا
الذي يجعل من الإله شبيها بالبشر في غضبه و بلائه ..
و الشاهد في رأيي أن مفهوم المعاصي التي يتغير بها المجتمع للأسوأ بالإسلام
لا تتماهى بالمعاصي الفردية العبادية بل تتضمن في الأساس أثرها الإجتماعي المباشر
و الأمثلة كثيرة :
- أصلاتك تنهانا أن نفعل في أموالنا ما نشاء
- تغفر كل الذنوب ماعدا الدَّين للشهيد
- الذين يراءون و يمنعون الماعون
- ففيهما فجاهد
فالمعاصي الموجبة لتغيير النعمة بتغيير النفوس من وجهة نظري
هي المعاصي الإجتماعية الطابع و ليست الفردية الطابع كالغناء مثلا (إن سلمنا جدلا بحرمته)
و هذا هو ما يمنح البعد الأعمق للإسلام في تصور تعلق المعاصي بالغضب الموجب للتغيير
خصما على التصور الساذج القديم بالديانات السابقة لإله منتقم بشكل شخصي و غير عادل !!
و لهذا إمتعضت من كلام الإمام إن صح عنه ..
لأنه يستبطن مفهوما دينيا غابرا و لا يستلهم المعنى الإسلامي الأعمق له ..
معليش للإستطراد ..
بس قلت أوثق ما خطر لي قبال ما أنساه !!
فلك العتبى للمقاطعه حتى ترضى
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: محمد قرشي عباس)
|
Quote: لا يختلف إثنان بأن البلد تشهد موجة غلاء غير مسبوقه تتفاقم وتيرتها كل يوم لدرجة (يعني ما ننوم) ، هذا الغلاء من وجهة نظر معظم الخبراء الإقتصاديين لم يأت (فجأتن) لكنه محصلة متوقعة للعديد من التوجهات الإقتصادية والسياسية الخاطئة , ونتيجة حتمية لإنفصال (ربع) الوطن وفقد (الشمال) لـ 50% من دخل البترول و80% من الميزانية !
هذه وجهة نظر الخبراء الإقتصاديين فماذا قال بعض (خبراء الدين) من الشيوخ والأئمة؟ في خطبته احدى الجمع الماضيات خاطب أحد الشيوخ المعروفين جمهور المصلين وهو يؤمهم في صلاة الجمعة قائلاً : « إنَّ البلاء والغلاء والوباء والكوارث التي نعيشها من ذنوينا ومعاصينا وأعمالنا السيئة» ! .. ما أن إستمعت إلى ما قاله هذا الشيخ حتى خاطبت نفسي فى إستغراب : (بالله نحنا بالسوء ده كلو وما عارفين؟) !! .. معقوله نحنا فتنا الإسرائلين والأمريكان والروس والفرنسيين والشنو ما عارف من (الكفار) ديل؟ معقوله ذنوبنا أكبر من ذنوبهم ؟ معقولة نحنا فتناهم فى فى إرتكاب المعاصى وتعاطى الموبقات !! (ده حتى الموبقات عاوزة ليها قروش ونحنا شعب غلبان) !
إندهشت والله لهذه (الحقيقة) التى أوردها مولانا الشيخ لكن إندهاشى زاد عندما أخبرني أحد أصدقائي بان ذات الشيخ قد خطب فى المصلين في جمعة فائتة قائلاً : (ما نزل على البلاد من بلاءٍ وغلاءٍ يدعونا إلى التقرُّب لله كي يُبعد عنا هذا البلاء والكرب).
وهنا أيقنت بأنهذا الشيخ العالم (زول واصل شديد) وعارف الأسباب التى أدت إلى هذه الحال من إرتفاع في سعر الدولار وغلاء اللحمة والخدار وإنهيار التعليم وإنحطاط العلاج والصحة وفشل المواسم الزراعية وقيام سوق المواسير !
وهو أن المواطنين إبتعدوا عن التقرب إلى الله .. وكلام مولانا منطقي جداً فقد تقلصت أوقات العبادة إذ كيف يجد المواطنون وقتا للتقرب إلى الله (وهم جارين اليوم كلو في طلب الرزق الذى تتقاسمه معهم المحليات ) ! والإيفاء بإحتياجات أسرهم التى أصبح دونها خرط العتاد ، بالطبع ما قاله هذا الشيخ الجليل (ميه المية) فمن واجب العبد التقرُّب إلى خالقه ولكن كان أجدي بمولانا قبل الذهاب إلي (السماء) أن يمحص ما في الأرض قليلا فيبحث عن البرامج والسياسات التي أدَّت إلى ما نحن عليه من شظف في العيش وتقهقر إلى الوراء وهى سياسات بالطبع من صنع الحاكم وليس المحكوم الذى يطالبه مولانا بالتقرب إلي الله !
وكلو كوم وإمام مسجد أحدى حارات بأمبدة (كوم تاني خاااالس) فقد خطب هذا الإمام في جمهور المصلين قائلاً بان من الأسباب الرئيسية التي أدت الي الغلاء في الأسعار هو ما تتغني به الفنانة ندي القلعة (بالإسم ) يعني ما نجاة غرزة ولا (حنان مس كول) ذاكراً بأن مظهر الفنانات وغنائهن الهابط هو السبب الريئس الذي قاد الي كل هذا الغلاء و العيش الضنك الذي يشهده الشعب السوداني اليوم !
بالله هسه الزول يقول لي مولانا الإمام ده شنو؟ بالمناسبه ألعبدلله قصة مولانا و(رجل دين) و(عالم) و(إمام دي) ما عارف مواصفاتا كيف؟ يعني عشان تكون رجل دين مطلوب تكون قريت شنو؟ وإجتزت شنو؟ وعشان يسمحوا ليك تطلع في المنابر وتحدث العامة مفروض يكون عندك خبرة كم سنة؟ يعني هسه زى زولنا ده (الإختزل) كل بلاوى السودان فى (ندي القلعة) نقول عليهو شنو؟ (إمام تحت التمرين)؟ Finalist ولسه ما إتخرج؟ وللا (إمام واعد) من نجوم أأئمة الغد !!
العبد لله يدعو أفراد الشعب السوداني الفضل للتوقف فوراً عن إرتكاب المعاصى والموبقات والأعمال السيئة فهى السبب الرئيس فى (إرتفاع الدولار) وكل البلاء والغلاء والوباء والكوارث التي نعيشها !! فإنتو السبب (كما صرح مولانا الشيخ) ومن هذا المنبر يدعو الشعب السوداني الفضل (المطربة ندي القلعة) بالإمتناع والتوقف فوراً عن الغناء حتي يتوفر له العلاج والدواء والسكن والكساء والأمن والتعليم وتتوقف الحروب ونقوم بتسديد ديوننا الخارجية ويرتفع الجنية امام الدولار وتصبح أسعار السلع الضرورية فى متناول الجميع .. (كما قال خطيب مسجد أمبده) .. ويلا يا (ندي) ما تخذلينا بالله !!كسرة :
قال مسئول كبير مؤخراً عبر قناة الجزيزة الفضائية أن السودان يمر بأحسن حالاته .. خلاس طيب قرضوا علي كده !
ساخر سبيل
الفاتح يوسف جبرا
|
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: محمد قرشي عباس)
|
دكتور محمد قرشي
حبابك في هذا الخيط ومعذرة للترحيب المتأخر بك
وإن كنت أقصد ذلك لأنك وجهت كلامك في المداخلة هذه تحديدا
للاخ عماد وفتحت معه خيط للنقاش ..
ولهذا أردت أن تتناقشا برؤية فصراع الافكار يثري الفكر دوماً
عموما يشرفني حضورك هنا وكذلك في كل بوستاتي
وهذا لا مزايدة فيه كما قلت ...
| Quote: 1/ وجوب التثبت من الخبر قبل النقاش حوله |
اها يا دكتور التثبت دي ضع تحتها خطين كبااااااار
ويا ريت تشرح لينا معايير التثبت من الاخبار
الخبر منشور في أكثر من موقع وما لازم كل خبر أنا حاضره وشاهد عليه
عشان اصدقه ... هي مهمة مراسل أو صحفي
وهناك من يحاسب الصحفي أو الجريدة إن هي أخطأت
عماد له موقف من الدار ومن احمد البلال الطيب
ولذلك كل ما يأتي من الدار فهو ضلالة أو بدعة وهو بالضرورة
في مرمى نيران عماد حسين وتكذيبه للخبر
حتى ولو كان الخبر لا يرقى اليه الشك .....
العايز اقوله هو أن عماد دخل لهذا البوست لنفي التهمة عن السلفية
وعن الامام باعتباره يمثل هذا التيار ...
فبدأ بالتشكيك في الامام وقال من هو وجيب اسمه
عشان نشوف الزول دا سلفي ولا لا!!
وعندما كتبت أنت مداخلتك وقعت ليهو في جرح
فبدأ بالتشكيك في مصداقية الخبر .... الخ
يعني القصة كلها لا تعدو كونها نفي التهمة عن جماعة انصار السنة
وهؤلاء أنا اعيش بينهم لسنين عددا ...
المهم الآن معيار مصداقية الخبر شنو عندك ؟
وكيف يمكن الثبت من الخبر دا ؟
وهل اخبار الدار دائما (في المطلق) كاذبه؟
أنا شخصيا اثق في الاعلام وبعض المواقع ولا اشك مطلقا في صدقية الخبر
Quote: نعم هناك تنميط شديد لأنصار السنة بالسودان و لكنه لم يأت من فراغ !!
فالتجارب المتواتره مع ممثلي هذا التيار هي ما صنعت هذه الصورة الشائهة |
دا الكلام المظبوط والمفروض يجاوب عليه عماد
الصورة دي خلقوها هم بانفسهم عبر غلظتهم وادعائهم الفهم وحدهم
وفعلا دي الصورة النمطية عن جماعة انصار السنة السلفيون
تحياتي وسوف اعود لمداخلتك اللاحقة
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
عماد حسين
حبابك من تاني..
Quote: حقو تخليك زول حقاني
مصدر الخبر: جريدة الدار
وكثير ممن يطالع هذا المنبر يعلم أن مصداقيتها مضروبة.. وأنها بتاعة
إثارة فقط.. ودونك هذا الموضوع الذي اختلفنا مع صاحبه في عنوانه |
يا عماد هو الحق الا اتبعك وأكون معاك
الدار صحيفة اجتماعية مصرح لها
وكونك تحمل عليها وعلى أحمد البلال الطيب
دا ما سبب يخلي الناس تأخد برأيك ولا شنو؟
احمد البلال ترس في ماكينة وربما هو من أتى بالخبر
حقو ما تشتت الكورة وتصرف وتحرف البوست عن مساره الاصلي
هناك إمام يتبع لأنصار السنة أو السلفية أو أيا كان
شن هجوماً على ندى القلعة والفنانات أمثالها وقال بأنهن
سبب الغلاء والفساد الحاصل........ الخ الخ
Quote: وإن كان الإمام جلابيته فصيرة أو طويلة، فرأيه مردود عليه طالما كان غلط
ولا يجوز تعميمه على أنصار السنة كمجموعة |
كيف يعني أليس هذه من صفات الجماعة التي تتميز بها
وتميزها عن غيرها...
شخصياً يا عماد ليس ضد جماعة انصار السنة أو السلفية
ولكنني ضد حصرهم لكل قضايا الأمة في الذي ذكرته أعلاه
وفي قضيتين ظلتا تشكلان محور اهتمامهما وهما الغناء والمرأة وحجابها
Quote: والتعميم في هذه الحالة خطأ.. وأنت تعلم ذلك.. اللهم إلا يكون في نفسك حاجة
لم تبدها لنا |
وبعدين وين التعميم أنا قلت امام سلفي واحد يقول
قال: إن سبب الغلاء هو ندى القلعة فقط والفنانات
ليه اصلو ندى القلعة دي وزير المالية ولا محافظ بنك السودان
Quote: طالما كان خبر منقول.. فيجب التثبت منه.. وبعد ذلك اطلاق اتهامات
أما الشغل ده، فشكلو زي (خياطة القرعة مع القحف)!!! |
كيف التثبت منه ويا ريت تقول لينا كيف؟
يعني الزول دا ألف الحكاية دي ولا شنو؟
وشايفك في المداخلة السابقة قلت الامام دا منو ؟
أها انا لو بتابع الاخبار امشي اجيب أجيب خبر الامام
أين ولد؟ ومن الداية التي ولدت أمه... الخ الخ
خبر منشور وحادثة حدثت في الواقع والدار تلقفتها ونزلت الخبر
اذا عايز أنت قون تثبت من الخبر وأثبت كذبها
| Quote: ده يالبشاري كلام لا ليهو راس ولا قعر!!!! |
ليه ما ليهو رأس ولا قعر ؟
كيف عرف بندى القلعة إن يكن قد رأى وسمع غنائها؟
وكيف حكم عليها إن لم يراها
Quote: هو منبر سودانيز أون لاين ده غير الإرهاق في بيان المواقف الواحد
بيقدر يقعد فيهو
يا زول نحنا يا قول المثل: مارقين للتلف.. خليك من الارهاق الشوية
ده.. وكوني أجلب أدلة.. فليس بالضرورة أنني أريد أن أطلعك عليها
وحدك |
حبابك يا عماد حسين ما دام مارق للربا والتلاف
بس ما يكون حوارنا زي حوار الطرشان
وما تكون ردودنا هي انتصار للذات وليس للفكره
الموضوع في زول سلفي قال ندى القلعة هي وحدها المسؤولة عن غلاء الاسعار
وأنا قلت الكلام دا ما منطقي إنو ندى وزميلاتها هن فقط سبب الغلاء
يعني عايزنا ندفن رؤوسنا في الرمال ونقول خلاص يا جماعة
الحكومة برئية من هذا وعلينا بمحاسبة ندى القلعة
Quote: تقصير الثياب للرجل، والحجاب للمرأة جزء من الدين.. فاللدين فيه شعب متعددة
كما تعلم تبدأ من (شهادة التوحيد) وتمر بمحطات أقلها (إماطة الأذى عن الطريق)
هسع تقدر تنكر أن إماطة الأذى عن الطريق معدودة من شعائر الدين؟!!
يا زول.. الجلابية القصيرة وعدم المصافحة، وقبل ذلك: الكلام عن محاربة الشرك،
ونبذ القباب والأضرحة، وعدم مصافحة المرأة من غير المحارم.. ده كلو دين يا الأمين..
دين جاي من ربنا.. ما جابوهو أنصار السنة وللا الكيزان ولا أي زول تاني
بعدين في الحتة دي: انت ما جيت بجديد يا الأمين أخوي |
ما دام اعترفت بالتعدد والشعب واليسر في الدين خلاص
بس تظل هذه من اهم صفات وسمات انصار السنة
أختم قولي بأنني لم أعمم وقلت في العنوان
امام سلفي ما مبسوط من ندى القلعة واختزل كل بلاوينا
في غناء ندى القلعة فقط
تحياتي
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: الامين موسى البشاري)
|
الأخ الأمين البشاري
السلام عليكم ورحمة الله
أبدأ من آخر عبارة أوردتها هنا حيث قلت :
Quote: أختم قولي بأنني لم أعمم وقلت في العنوان
امام سلفي ما مبسوط من ندى القلعة واختزل كل بلاوينا
في غناء ندى القلعة فقط |
نعم إنت في العنوان لم تعمم وقلت :
| Quote: نـــدى القلعة الامام السلفي دا ما مبسوط منك!! |
لكن سرعان ما قلت وفي مشاركاتك الأولى ما يلي :
Quote: وعليكم السلام يا محمد النيــل
السلفيون ديل عايزيننا ندفن رأسنا في الرمال |
وواضح تعميمك هنا يا رجل ..
بالإمكان أن تعتذر بأنك لم تقصد أو أنك أخطأت في هذا التعميم
لكن أن يكون كلامك هكذا ثم تأتي بعد مناقشة الأخ عماد لك فتقول إنك لم تعمم
أرى أن ذلك لا يستقيم
ويا أخي الكريم أنت تعلم وكل من له معرفة ولو قليلة بالسلفيين ودعوتهم أن القول المنسوب هنا لهذا الشخص لا يوافقونه عليه
من جهة أنهم يذكرون المخالفات جملة ويحذرون منها ويبدأون بالعقيدة والتوحيد ودعوتهم في ذلك شمولية فلا تهمل جانباً من جوانب الدين
إلا أنها ترتب الأولويات .. وترتب خطورة المخالفات وفق ما قرره الشرع الكريم في الكتاب والسنة ..
وقد يكون هناك اختزال لخطبة الخطيب طالما أنها لم تنقل كاملة وتفرغ من تسجيل وبالتالي يكون هناك كلام في البداية أو النهاية يوضح به
أن المخالفات الشرعية سبب في عقوبات الله تعالى وهي (من) الأسباب والتي أعظمها الشرك بالله تعالى ومنها الظلم والفساد بأنواعه العقدي والأخلاقي والمالي وغيره..
ولا يخفى على شريف علم أخي الأمين قصة الرماة رضي الله عنهم ونزول بعضهم يوم أحد وأن بسبب تلك المخالفة كانت الهزيمة
قال ربي وربك الرحمن : (أولما أصابتكم مصيبة قد أصبتم مثليها قلتم أنى هذا قل هو من عند أنفسكم)
فإن كان الخطيب قد ذكر في خطبته كما تم النقل عنه وفي (حصره) لأسباب الغلاء فيما ذكر فهو يجهل ما قد نصب نفسه لبيانه
لكن أن يعمم ذلك ويقال بأسلوب تهكمي :
السلفيون ديل عايزننا ندفن راسنا في الرمال!!!
فهو من الظلم والتعدي ..... وهو شيء ما كويس .. طبعا
والله صحي ..
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عارف الركابي)
|
مشكور يا دكتور عارف على هذا المنطق، الذي يحاكم البشاري من وحي ما كتبه
Quote: أبدأ من آخر عبارة أوردتها هنا حيث قلت :
Quote: أختم قولي بأنني لم أعمم وقلت في العنوان
امام سلفي ما مبسوط من ندى القلعة واختزل كل بلاوينا
في غناء ندى القلعة فقط |
نعم إنت في العنوان لم تعمم وقلت :
| Quote: نـــدى القلعة الامام السلفي دا ما مبسوط منك!! |
لكن سرعان ما قلت وفي مشاركاتك الأولى ما يلي :
Quote: وعليكم السلام يا محمد النيــل
السلفيون ديل عايزيننا ندفن رأسنا في الرمال |
وواضح تعميمك هنا يا رجل ..
بالإمكان أن تعتذر بأنك لم تقصد أو أنك أخطأت في هذا التعميم
لكن أن يكون كلامك هكذا ثم تأتي بعد مناقشة الأخ عماد لك فتقول إنك لم تعمم
أرى أن ذلك لا يستقيم |
ويا البشاري
من العدل أن ترد على صاحبنا/ ود قرشي
الرجل أبرز رأيه بصراحة في مسألة التثبت، وهو ما يغنيني عن الرد على آخر
مداخلة وجهتها إليّ
الأمر الثاني.. ها هو د. عارف يبرز لك تعميمك المخل، والذي أنكرته، ولم يأت
الدكتور بكلام من عنده، بل هو ما خطته يداك
وديل يا البشاري مسألتين فيهما جور (تعميم مخل، وعدم تثبت)
لا أدري ما أقول إزاء هذا التعالي والإصرار على الغلط
دعني أقول لك:
أنت مسئول يوم القيامة عن هذا البهتان الذي جئت به في أن هذا الرجل معجب بأمثال هذه
ومسئول أمام الله تعالى عن هذا التعميم المخل، الذي يجعلك تهين أمة تشرف على أكثر
من 2000 مسجد في السودان وتسعى لوفير وتدريب الأئمة والدعاة من أجل تعليم الناس!!
ديل كلهم في رقبتك يا بشاري
لا مزيد من (المراء والغلاط)..
ربما يوقظ كلامي أعلاه ضميراً يجعلك تخشى الله تعالى في أعراض الناس..
والله المستعان على ما تصفون
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عارف الركابي)
|
Quote: وكثير من الشباب يتزوج بشق الأنفس ويعمل كشف ويلقط حق العرس زي دم الحجامة
ويستلف ويستدين عشان يكمل زواجه
ومع ذلك :
يدفع خمسة أو سبعة أو عشرة مليون (بالقديم) عشان الحفلة من 9 إلى 11 !!!!
وبعد العرس بأسبوع أو أسبوعين راكبين هو وعروسو الركشة بجنيهين ويمكن ذاتهن الجنيهين يكونن في تلتلة !!! |
سلمت يمينك يا دكتور عارف
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
ياخي سلفي جناح شيخ محمد عبدالقادر بتاع "والله صحي" ...
انتو عندكم بطاقات عضوية تحتكروا بيها منو السلفي ومنو الما سلفي؟
شخص لا يعتمد على العقل الأنعم بيهو ربنا على الإنسان ... ولا على المنطق والميزان الذي وضعه الرحمن ... ويعتمد على "أساطير الأولين" من السلف الطالح .... ما يكون سلفي كيف؟
دايرين تنكروا ملّتكم؟
شنو مرّة تقولوا ما سلفي ... ومرّة تقولوا كلامو صاح شوفوا الشباب بيتديّن عشان يعرّس ...
ندي القلعة دخلها شنو بالكلام دا؟
... المهم ....
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: تبارك شيخ الدين جبريل)
|
سلامات يا أمين ليك ولكل ضيوفك في البوست ..
يا صديق خطابات المنابر في السودان معظمها يغالي في حدة الخطاب الديني الموجه للمصلين
والله يا أمين الواحد بقى يتخير المساجد البقدر يصلي فيها صلاة جمعة بدون ما تسمع في الخطبة
لغة اللعن والسب للعلمانين والشيوعيين ووووو ,, إلخ
الخطاب الديني السائد الآن في السودان فيه من التطرف ما فيه
بعيد تماما عن الوسطية في الدين وباقي الشعارات التي تكفل السلم الإجتماعي في السودان
___________________
قبل كم يوم كان في بوست نازل هنا عن إحدى خطب الجمعة التي بسببها تم إعتقال الإمام
وعلى ما أذكر كان المسجد يقع في منطقة الطائف ..
شداني جدا الموضوع وحبيت أعرف الإمام دا (اعتقل) عشان قال ياتو كلام ؟؟
توقعت أن تكون الخطبة مغايرة شئ ما
ولكن بعد سماعي للخطبة وفي نهايتها كان الشيخ
يدعو عمر البشير إلى استجلاب مجاهدين من خارج السودان
ولا أعرف حقيقة ما هي الحرب القادمة التي دعى فيها الشيخ
لاستجلاب المجاهدين من خارج السودان ..
مراجعة الخطاب الديني في المنابر والقنوات الدينية والإذاعية المتخصصة
واجب وضروري جدا في هذه المرحلة لتجنب ما هو أنكأ مما نحن عليه الآن
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: محمد عمر جبريل)
|
Quote: سلامات يا أمين ليك ولكل ضيوفك في البوست ..
يا صديق خطابات المنابر في السودان معظمها يغالي في حدة الخطاب الديني الموجه للمصلين
والله يا أمين الواحد بقى يتخير المساجد البقدر يصلي فيها صلاة جمعة بدون ما تسمع في الخطبة |
محمد عمر جبريل
كيفك يا صاحب..
تصدق الكلام حاصل في كل مكان
مرة حضرت لي خطبة جمعة في احد المساجد
في نهاية الخطبة بدأ الامام يدعو على الشيعة دعاء لا يمكن
ان يدعو به مسلم لاخيه المسلم ..
وهو اشد مما يدعو به على اسرائيل ....
اتفق معك يجب مراجعة الخطاب الديني في المساجد والمنابر
تحياتي
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
Quote: ويا البشاري
من العدل أن ترد على صاحبنا/ ود قرشي
الرجل أبرز رأيه بصراحة في مسألة التثبت، وهو ما يغنيني عن الرد على آخر
مداخلة وجهتها إليّ |
عماد حسين
السلام عليكم ..
احترامي وودي لدكتور محمد قرشي عباس
لا يقبل المزايدة أو الاصطياد في الماء العكر يا حبيب
الدكتور توجه بمداخلته لك انت شخصيا .. وعليك الرد على تساؤلاته
وآرائه .. ويشــرفني مرور محمد قرشي في هذا البوست
البوست بوست عام وما هو مطروح فيه خاضع للنقاش ومشاركة الجميع
Quote: ومسئول أمام الله تعالى عن هذا التعميم المخل، الذي يجعلك تهين أمة تشرف على أكثر
من 2000 مسجد في السودان وتسعى لوفير وتدريب الأئمة والدعاة من أجل تعليم الناس!!
|
وهؤلاء ليسوا فوق النقد والانتقاد
وأنا هنا ابرز أحد الاراء الشاذه لأحدهم الذي هو منهم ويمثل فكرهم
تحياتي
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عارف الركابي)
|
الأخ عارف الركابي
وعليكم السلام ورحمة الله وبركاته...
مشتاقين كتير يااااخ ... والله صحي
من زمنا صاحبنا داك الرشه الجماعة ما شفناك
| Quote: ويا أخي الكريم أنت تعلم وكل من له معرفة ولو قليلة بالسلفيين ودعوتهم أن القول المنسوب هنا لهذا الشخص لا يوافقونه عليه |
ياااخ دا كلام جميل جدا اتمنى أن لا يكون كلام بورد فقط
الاصلاح ينبغي أن يكون شاملا واختصار القضايا
في اسباب هامشية لا يؤدي الى حلها بالتأكيد ليته انتقد ربوية البنوك
وعدم اهتمام ولاة الامر بحال المسلمين وفساد البعض .. الخ الخ
انكار مثل هذه الاعمال يجب أن يكون علانية وأمام الناس
حتى لا تحسب على الجماعة فهذا شخص تابع لها
وبالضرورة أنه يمثلها ويمثل فكرها ... ولا شنو؟
اخطاء الافراد تنسب ضمنيا للجماعة أو الحزب
أما الاخطاء الفردية فتحسب على الافراد ...
...
....
___
كلامك عن الربه والبهجة والجبجبه وما الى ذلك
يا عارف الجبجبة ضرورية جدن جدن ومهمة خالص خالس
والله صحي
فكلامك دا صعب التسويق له هنا ...
أنا شخصيا جبجبته لامن قلته بس في العرس
خلي العالم تبتهج ياااخ والله صحي
وبعدين زي ما قلته أنت كعب العدم
العندو يعمل الربه ويبهج الشباب والشابات
والما عندي ممكن يشغل ليهم ديسكو ولا مسجل وخلاص
وبرضو الربه حاصلة وحاتك 
| |
|
|
|
|
|
|
|
|
 Re: نـــدى القلعة الامام السلفي دا ما مبسوط منك!! (Re: عماد حسين)
|
حبابك يا الأمين
Quote:
احترامي وودي لدكتور محمد قرشي عباس
لا يقبل المزايدة أو الاصطياد في الماء العكر يا حبيب
الدكتور توجه بمداخلته لك انت شخصيا .. وعليك الرد على تساؤلاته
وآرائه .. ويشــرفني مرور محمد قرشي في هذا البوست
|
و لك كل الود و الإحترام و التقدير
تب ما غلطت علي في حاجة ..
بس أظن أخوي عماد كان بيستعين بوجهة نظري في نقطة معينة
علشان حواركم حولها قرب يخش طريق مسدود ..
لو سمحتوا لي أتوسط و أقول كلام لو بقى مقبول علشان تمشوا منها لقدام
فعلا الجزم بإن الحادثة الفردية دي حصلت صعب شوية ما دام مافي واحد فينا حضر الخطبة المعنية
فالنقاش حقو يكون في مدى الإتفاق و الإختلاف مع مضمونها بغض النظر عن صحة حدوثها
و ما أظن في خلاف حول رفض المضمون ده مبدئيا مع خلافات تفصيلية عندنا كلنا
أفتكر المشكلة كلها في نسب الرأي ده لجماعة محددة هي أنصار السنة و من يتبع خطها الفكري
حتى و إن لم يكن من أئمتها المعتمدين أو المعروفين عنها ..
فمن ناحية عدم ثبوت الحادثة بيخلي نسبتها للجماعة صعب كدليل على فهمهم في الأمر ده
و ده بيؤكده إقرار عماد بخطأ الإمام المعني إن صح عنه هذا الكلام ..
و لكن من ناحية تانية ..
البيخلي الأمين و أنا زاتي و غيرنا كتير سهلي التصديق لوقوع هذه الحادثة فعلا
(برغم إننا قد نرفض نسبة وقائع مشابهة لناس تانين إن أتت مبهمة المصدر هكذا !!)
هو الفهم العام لدينا بأن جماعة أنصار السنة قد إشتهر عنها هذا النوع من الأحكام
النقطة المهمة هنا إني بتكلم عن واقع إجتماعي بغض النظر عن صحته من عدمها
يعني ما ممكن نحاكم فكر الجماعة و أفرادها كلهم بتعميم إستنادا للمتخيل الإجتماعي ده
لكن ممكن نقبل إن يكون الكلام ده إتقال فعلا لأننا شايفين إنو ما غريب عليهم واقعيا !!
و هنا بيجي دور عماد و عارف ..
فنحن عندنا إعتراضات محدده على إسلوب الجماعة زي ما معايشينه يوميا
و الأمثلة الإتقالت بالبوست ده براها كتيره و ما من فراغ
يعني الموضوع حقا ما تجني و غرض .. بل إنعكاس لواقع موضوعي
و بنطلب من الإخوة عماد و عارف إنهم يتفهموا النقطة دي
و يساعدونا على التفهم الأمثل لمواقفهم زي ما عمل عماد مثلا برفض الكلام إن صح
و نجي نتناقش بموضوعية حول أولويات الجماعة و فكرها من ناحية
و واقع أفرادها الأحيانا ما بيشبه الكلام الجميل المنظم حول فكرها ..
نقطة التفارق بين الفكر و السلوك دي طبعا ما بيختص بيها ناس معينين
فكل التيارات من المتصوفة للإسلاميين للشيوعيين لغيرهم برضو شبعانين منها !!
و النقاش في رأيي مفروض يكون هدفه تأكيد الإصول و محاكمة الناس بما يعتقدونه فعلا
بدلا عن تجريمهم بما يفعل السفهاء منهم (الحته دي تحديدا أنصار السنة بيعملوها كتير)
ففي رأيي ..
علشان الحادثة دي تكون مفيدة لنقاش أعم نستفيد منه كلنا
مفروض نتفق على حاجتين :
1/ نقبل رفض الإخوة السلفيين لمضمون كلام الإمام بغض النظر عن صحته أو لا
2/ و يقبلوا لينا تبريرنا لسرعة تصديقنا للكلام ده على فرض إن الواقع بيقول كده
علشان نمشي لقدام في نقاش
1/ هل أولويات الجماعة و خطابها بيدعم الإصلاح الديني و الإجتماعي الكلنا متفقين على أهميته
2/ تحقيق مناط الخلاف بينا و بين رأي الجماعة في الموضوع ده و غيره
علشان نعرف نتعايش بسلام بيناتنا بدل العوّه المدوره ليها سنين دي !!
و شكرا لإتاحة الفرصة
(على قول البيستضيفوهم في البرامج الإذاعية)
تحياتي للكل
_______________________________________
كتبت الكلام ده قبال مداخلة عماد الأخيرة
و رجائي أن يعدلها أو لا يغضب منها أخوي الأمين
علشان نمشي لقدام ..
العنقريب بيشيل ميه يا جماعة !!!
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: محمد قرشي عباس)
|
Quote: بس أظن أخوي عماد كان بيستعين بوجهة نظري في نقطة معينة
علشان حواركم حولها قرب يخش طريق مسدود ..
لو سمحتوا لي أتوسط و أقول كلام لو بقى مقبول علشان تمشوا منها لقدام
فعلا الجزم بإن الحادثة الفردية دي حصلت صعب شوية ما دام مافي واحد فينا حضر الخطبة المعنية
فالنقاش حقو يكون في مدى الإتفاق و الإختلاف مع مضمونها بغض النظر عن صحة حدوثها
و ما أظن في خلاف حول رفض المضمون ده مبدئيا مع خلافات تفصيلية عندنا كلنا
أفتكر المشكلة كلها في نسب الرأي ده لجماعة محددة هي أنصار السنة و من يتبع خطها الفكري
حتى و إن لم يكن من أئمتها المعتمدين أو المعروفين عنها ..
فمن ناحية عدم ثبوت الحادثة بيخلي نسبتها للجماعة صعب كدليل على فهمهم في الأمر ده
و ده بيؤكده إقرار عماد بخطأ الإمام المعني إن صح عنه هذا الكلام .. |
حياك الله يا دكتور
كلامك مظبوط.. أنا فعلاً كنت أستعين بحجة من شخص اعتبرته محايد، وليس له
غرض أن يميل مع فلان أو فرتكان.. وأعتقد أن (مصدرية هذه الحجة) تعتبر في نفسها
أساس عادل لإلزام الطرفين بمنطق الحجة نفسها
وكما أسلفت.. لو أي زول غلط بنقول ليهو: غلط
والله يا دكتور، وانت ما طالبني حليفة.. نحن تعودنا يجيك واحد من المشايخ ممن
تجاوز 65 سنة من العمر، ويجمع كل الشباب، ويقول: أنا داير أعمل كدة، رأيكم شنو؟
وأقسم بالله.. كثيراً ما نتناقش مع شيوخنا هؤلاء وفي النهاية: يا أقنعونا أو أقنعناهم
فالشورى وإبداء الرأي من القضايا المحسومة عندنا، من أجل توجيه الدفة للمسار
الصحيح وتلافي الخطأ
وحتى مبدأ المحاسبة موجود لدينا..
قبل كم يوم.. جرت محاسبة لواحد من الدعاة بشأن موقف شرعي اتخذه، وتمت مناقشته
بكل أريحية ليرجع بـ (بينة وقناعة) وليس بــ ( أرهاب)
وهذه تربية تربينا عليها جميعاً في الدعوة السلفية.. لو زول غلط، لا تجامله،
لكن بنفس الوقت استعن بأفضل الطرق لتوصيل رسالتك إليه من أجل استدامة الود
Quote: ولكن من ناحية تانية ..
البيخلي الأمين و أنا زاتي و غيرنا كتير سهلي التصديق لوقوع هذه الحادثة فعلا
(برغم إننا قد نرفض نسبة وقائع مشابهة لناس تانين إن أتت مبهمة المصدر هكذا !!)
هو الفهم العام لدينا بأن جماعة أنصار السنة قد إشتهر عنها هذا النوع من الأحكام
النقطة المهمة هنا إني بتكلم عن واقع إجتماعي بغض النظر عن صحته من عدمها
يعني ما ممكن نحاكم فكر الجماعة و أفرادها كلهم بتعميم إستنادا للمتخيل الإجتماعي ده
لكن ممكن نقبل إن يكون الكلام ده إتقال فعلا لأننا شايفين إنو ما غريب عليهم واقعيا !!
و هنا بيجي دور عماد و عارف ..
فنحن عندنا إعتراضات محدده على إسلوب الجماعة زي ما معايشينه يوميا
و الأمثلة الإتقالت بالبوست ده براها كتيره و ما من فراغ
يعني الموضوع حقا ما تجني و غرض .. بل إنعكاس لواقع موضوعي
و بنطلب من الإخوة عماد و عارف إنهم يتفهموا النقطة دي
و يساعدونا على التفهم الأمثل لمواقفهم زي ما عمل عماد مثلا برفض الكلام إن صح
و نجي نتناقش بموضوعية حول أولويات الجماعة و فكرها من ناحية
و واقع أفرادها الأحيانا ما بيشبه الكلام الجميل المنظم حول فكرها .. |
كلامك سمح يا دكتور
القصة بتاعة التشويش دي.. ليست ملازمة للسلفيين فقط
بل ملازمة لكل مجموعة لها نشاط تربوي أو تنوي التغيير الاجتماعي
والعبرة في المحاكمة بالمنهج المتفق عليه بين كل الجماعة، وليس بتصرفات الأفراد..
وهذا واضح من كلامك
Quote: و النقاش في رأيي مفروض يكون هدفه تأكيد الإصول و محاكمة الناس بما يعتقدونه فعلا
بدلا عن تجريمهم بما يفعل السفهاء منهم (الحته دي تحديدا أنصار السنة بيعملوها كتير) |
الجملة تحتاج لتوضيح يا دكتور.. السياق ملتبس هنا حول ممارسة أنصار السنة
في كلامك أعلاه..
هل تقصد أن السلفيين يحاكمون الناس بما يعتقدونه، أم أنهم يجرمونهم بما يفعل السفهاء منهم؟!!
Quote: ففي رأيي ..
علشان الحادثة دي تكون مفيدة لنقاش أعم نستفيد منه كلنا
مفروض نتفق على حاجتين :
1/ نقبل رفض الإخوة السلفيين لمضمون كلام الإمام بغض النظر عن صحته أو لا
2/ و يقبلوا لينا تبريرنا لسرعة تصديقنا للكلام ده على فرض إن الواقع بيقول كده
علشان نمشي لقدام في نقاش
1/ هل أولويات الجماعة و خطابها بيدعم الإصلاح الديني و الإجتماعي الكلنا متفقين على أهميته
2/ تحقيق مناط الخلاف بينا و بين رأي الجماعة في الموضوع ده و غيره
علشان نعرف نتعايش بسلام بيناتنا بدل العوّه المدوره ليها سنين دي !! |
النقطة الأولى أؤكد لك أني أتفق معك في تخطئة أي عمل مخالف للشرع حتى
لو مارسه أقرب الناس وأحبهم إلينا.. ده بصورة عامة
أما بخصوص كلام الإمام فهو معروض على الشرع، وأنا بينت المسألة دي
فوق بكل تفصيل كما طالعتها أنت
النقطة الثانية يا دكتور محمد
ربنا عز وجل يحب العذر.. لكنه في النهاية العذر مربوط بدواعيه مثل الجهل
والتأول وعدم التعمد.. ودي حتة من يسر الشريعة
لكن: الاستهداف عن عمد!!!!
أعتقد الحتة دي تحتاج لوقفة شوية.. لأنها غير مبررة ولا يجب ما قبلها إلا الإقلاع والاعتذار
النقطة التالتة:
نحن نرى أننا نعمل في حقل الدعوة.. وعلى قدر طاقتنا، وبحسب ما نلناه من علم، ونحاول أن
نسدد ونقارب في تبليغ الدعوة ولزوم منهجها الصحيح.. بعد كدة بتكون مهمة المخالف يجي
يقول: أنتم خالفتم الكتاب والسنة في كذا وكذا..
في الحالة دي سيكون الفصيل هو الكتب والسنة على فهم سلف الأمة
Quote: كتبت الكلام ده قبال مداخلة عماد الأخيرة
و رجائي أن يعدلها أو لا يغضب منها أخوي الأمين
علشان نمشي لقدام ..
العنقريب بيشيل ميه يا جماعة !!! |
تم تعديل المداخلة.. كسرناه بموية شوية عشان الحموضة تروح
أما العنقريب.. ممكن يشيل
بس ما تقعدوا متوهطين وتدونا أنا وعارف محل (الكراب) والكراع المكسورة (وش مبتسم)
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
الأخ عماد حسين
سلام وتحية وتقدير واحترام ...
(وديل خت فوقهم خطين أحمرين أملحين يا حبيب)
وحاسب على عباراتك يا حبيب مثل سوء الظن والدغمسة ... الخ
يا عماد من ما دخلت البوست دا وأنت شغال تشتيت في الكورة
نتيجة لموقفك من الدار وأحمد البلال الطيب ..
وبعدين ما تكون زي ما قالت بني اسرائيل :" لن نؤمن لك حتى نرى الله جهرة ..." الاية
لو أي خبر عشان تصدقه لازم تحضره وتكون من شهود العيان عليه
ما كانت في وسائل اعلام وصحف وتلفزيونات .... الخ الخ
الحادثة حدثت ونقلتها الدار وهي متداولة في الكثير من مواقع النت
وعشان ما تقعد تلف وتدور حول نقطة واحدة اعفص الرابط دا وشوف الخبر
امام سلفي يتهم ندى القلعة بانها سبب الغلاء
وكون الدار ما بتعجبك ولا ما بتصدقها فدي مشكلتك يا حبيب
ولسنا معنين بها .. الخبر منقول وأنا وضعته بين كوتيشن دلالة على ذلك
ثم دعني اسألك سؤالاً :
ما هي وسائل التحقق من الخبر التي تراها لكي نتبعها؟
في البداية قلت من هو الامام؟ وبعدين كبيت الزوغة
وبعدين قعدته تشكك في الخبر وصحيفة الدار
عندك ما ينفي الخبر كبوا لينا هنا
واثبت أن الحادثة لم تحدث وأن الامام ما انصار سنة ولا سلفي
ساعتها ستجدني أعتذر عن نقل الخبر ...
يلا ورينا شطارتك وأثبت كذب الخبر يا حبيب
Quote: لكن أنت لا تنتقد مسلك متفق عليه أو منهج يتبناه السلفيون.. وأنت لا تناقش
بحجة أو برهان بغرض استجلاء الحقائق |
هههههههههههه ارجع اقرأ كلامي الفوق دا
أنا قلت ليك اختزال كل مشاكلنا في الدنيا دي
في النساء والغناء ما بحل المشاكل
هناك مشكلة اقتصادية تمر بها البلاد بسبب شح الموارد
وانهيار الاقتصاد والجنيه السوداني نتيجة لانفصال الجنوب
وذهاب عائدات النفط .. الخ الخ
وبعد دا كلو يطلع لينا السيد الامام دا ويقول
ندى هي السبب وهي سبب غلاء الاسعار
يا عماد يااااخ شغل مخك دا شوية كده
وعشان ما تقوم تجي تكب لي الايات الفوق دي
عارفين ممكن بالفساد وانتشار الرذيلة ربنا يسلط على العباد
العذاب بسببه .......
والكلام بتاع الدين دا حافظه تمام...
الفساد وانتشاره ممكن يكون أحد الاسباب لتسليط العذاب
لكن السبب الرئيسي هو غير ذلك وايضا لا يمكنك أنت
أو عارف الركابي أو الامام أو زيد من الناس يؤكد
أن هذا العذاب وغلاء الاسعار هو بسبب فساد الامة
لأن الغيب لا يعلمه الا الله... هل يمكنك الجزم بذلك
Quote: إذا كان هو أحدهم.. فكيف يمثل فكرهم؟!!!
معقول نفر واحد يمثل فكر جماعة؟!!!!... انت قايلو عينة بتاعة صابون وللا شنو
يا أخي خليك واضح يا بشاري وصريح.. |
ليه والمانع شنو طالما هو منتمي لتلك الجماعة أو الحزب
هسي أنت ما بتمثل فكر وطريقة تفكير السلفيين وانصار السنة
ولا فلان الشيوعي داك ما بمثل فكر ورأي الشيوعيين
ولا فلان داك ما بناقشك على اساس انه صوفي...
Quote: لو كانت قضيتك موقف شرعي.. حبابك وحباب النقاش
أما كمان لو القصة مواقف شخصية.. فنسأل الله لنا ولك الهداية
|
ولا موقف ولا حاجة
موقفي انكم تشغلوا مخكم دا شوية وتوزنوا الامور صاح
ولا تحصروا انفسكم في قضايا النساء والغناء والحجاب فقط
Quote: تم تعديل المداخلة نزولاً لرغبة د. محمد
وعسى أن يستجيب البشاري ويناقش بأريحية |
شكرا برضو كتيرة منك
عن نفسي ما عندي حاجة كتبتها هنا اخجل منها
أو اعدلها الحمد لغتي مضبوطة وحواري معاك مفتوح
وعقلي وصدري مفتوحين للجميع ...
وجزاك الله خير على الدعوة يا حبيب
خالص احترامي وتقديري
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: الامين موسى البشاري)
|
Quote: كلامك عن الربه والبهجة والجبجبه وما الى ذلك
يا عارف الجبجبة ضرورية جدن جدن ومهمة خالص خالس
والله صحي
فكلامك دا صعب التسويق له هنا ...
أنا شخصيا جبجبته لامن قلته بس في العرس
خلي العالم تبتهج ياااخ والله صحي
وبعدين زي ما قلته أنت كعب العدم
العندو يعمل الربه ويبهج الشباب والشابات
والما عندي ممكن يشغل ليهم ديسكو ولا مسجل وخلاص
وبرضو الربه حاصلة وحاتك |
أخوي الأمين ... قبل أن أجد وقتاً مناسباً يمكنني من التعليق المناسب على مداخلتك وإجابتك علي أردت في هذه العجالة أن أضع هذه النقاط:
1/ فعلاً كلامي عن الحفلات صعب التسويق هنا ، وأهو نحن هنا شايلين درقتنا وبنرد على الملاحدة والنصارى والشيعة بقدر الإمكان .. ولكل مكان ما يناسبه
لكني أردت أن أستفيد من طرحك لهذا الموضوع في الانتقال لأمر أراه يتعلق به وهو أهم على أن يكون طرحه من ناحية (مادية فقط) وأظنك توافقني أن هذا من النضال للمواطنين !!!!! خاصة في زمن الغلاء أن نكون عوناً لهم في حفظ ثرواتهم
ولّا ما كده ...
2/ الجبجبة القلتها دي يا الأمين ما كويسة وما قايلك (جبجاب) .. الله يهديك يا أخي
والزواج نعمة يجب أن يشكر الله عليها بطاعته ... وليس بالجبجبة .. وإن شاء الله ما تكون اندقيت سوط في عرسك
3/ الجبجبة مع ما فيها أهون من قولك يا الأمين أخوي (وحاتك)
لأنها شرك أصغر ومن كان حالفاً فليحلف بالله أو ليصمت
ورسولك يقول ليك : من حلف بغير الله فقد كفر أو أشرك
وهو شرك أصغر لا يخرج من الملة لكنه أعظم من الكبائر
وأكيد أنت تعلم يا الأمين كفارة من حلف بغير الله
وبجيك برواقة إن شاء الله أيها (الجبجاب)
+
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نقطة آمل تفهمها:
هذه الأحكام نسوق عليها أدلة مما قال الله وقال رسوله
وهي بالتالي ليست دستور حزب ونظام ولوائح وضعها بشر
ولا نغفل عن قول الصادق المصدوق:
(كل أمتي يدخلون الجنة إلا من أبى ...) الحديث
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عارف الركابي)
|
اخونا عارف
وعليكم الســلام ومرحب بيك مرة تانية...
وأحييك بصراحة على ردود الهادئة والرصينة
| Quote: 2/ الجبجبة القلتها دي يا الأمين ما كويسة وما قايلك (جبجاب) .. الله يهديك يا أخي |
هي جبجبة واحدة قال ليك ؟
3 جبجبات كل واحدة اروع من التانية ... والله صحي
Quote: 3/ الجبجبة مع ما فيها أهون من قولك يا الأمين أخوي (وحاتك)
لأنها شرك أصغر ومن كان حالفاً فليحلف بالله أو ليصمت
ورسولك يقول ليك : من حلف بغير الله فقد كفر أو أشرك
وهو شرك أصغر لا يخرج من الملة لكنه أعظم من الكبائر
وأكيد أنت تعلم يا الأمين كفارة من حلف بغير الله
وبجيك برواقة إن شاء الله أيها (الجبجاب) |
الله يهدينا يا زول ويهدي الجميع
بس ما دام أثرت الموضوع عندنا الكثير في دارجيتنا ولغتنا المحلية
كلمات لا نلقي لها بالاً وربما لا نقصد بها الحلف
اعلم ان الحلف بغير الله لا يجوز ...
ولكن هي تعود كده وتخرج مننا هكذا من غير اعتقاد او قصد
فما الحكم هنا يا فضيلة الشيخ ؟
سؤال زول داير يستفيد
..
..
__
غايتو بطريقتك دي بعد شوية بطلع كاااااااافر عدييييييييييل
والله صحي
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
Quote: الأخ الأمين البشاري
عساك بخير وعافية |
الاخ عماد حسين
وعليكم السلام .. مش دي تحية الاسلام ولا شنو؟
Quote: قادر الله.. الظاهر عليك ما قاعدد تتأمل فيما تكتب..
الكلام بتاعي لقيتو حار؟!!!!!!
طيب ما تحاسب على مشاعر غيرك عشان يبادلوك نفس السلوك.. وللا القصة
حلاااااااااااااال عليك وحرام علينا؟!!!
|
وين هات اقتباس بكلمات مثل الدغمسة وما خطه يراك
حتى أتاك التنبيه من محمد قرشي
ادعو الى سبيل ربك بالحكمة والموعظة الحسنة
لاحظ للفرق بين ردودك وردود د. عارف فرق شاااااسع طبعاً
Quote: أقل حاجة.. لما تحاور زول خليك جاد.. فـردودك تطفح بهزل في غير موضعه..
شابكنا: (والله صحي، والله صحي) وهي نبرة ظاهرة في عدم تقديرك للمحاور!!!
|
أنا جادي جــداد شــديد والله صحي
ودي استفدنا منها من شيخ محمد الحسن عبد القادر
ولا نسيت كلامه..
Quote: شنو الدوافع يا بشاري....؟!!!
1/ ما شفت الرد
2/ ما قاعد تقرأ الردود أصلاً
3/ شايفنا ما قدر مقامك السامي
4/ ذو قصد مسبق، ومبرمج سلفاً أنك ما تغير رأيك
5/ عدم تشغيل مخ (زينا كدة) |
حاشاك يا حبيب وكل كلامك رديت عليهو
بل أنت تجاهلت الآتي:
كيفية التحقق من صدقية الخبر
كررتها ليك أكتر من مرة وما رديت عليها لغاية الآن..
بديت بالتشكيك في الامام ومن ثم انتقلت الى نسف الخبر
عبر التشكيك فيه ودا كلامي ليك
Quote: ثم دعني اسألك سؤالاً :
ما هي وسائل التحقق من الخبر التي تراها لكي نتبعها؟
في البداية قلت من هو الامام؟ وبعدين كبيت الزوغة
وبعدين قعدته تشكك في الخبر وصحيفة الدار
عندك ما ينفي الخبر كبوا لينا هنا
واثبت أن الحادثة لم تحدث وأن الامام ما انصار سنة ولا سلفي
ساعتها ستجدني أعتذر عن نقل الخبر ... |
أها دا رديت عليهو وين؟
واتجاهلت الرابط الفوق بأن مواقع كثيرة تحدثت عن الأمر
ولسه مصر انو الخبر مفبرك
بل جئت باسلوب تهكمي وتضحك
Quote: هسع نسيت محور الحديث حول التثبت واتهام الآخرين وسوء الظن.. وهسع
جاي تعمل أحمد البلال محور لنقاشي معاك.. ده مش الاختزال البتنكرو على الإمام السلفي؟!!!
يعني زي ما قالوا: ما قدر على الحمار، جاي يتشطر على البردعة
ههههههههههههههههههههه |
رمتني بدائها وانسلت .. بس ياها
ومرة تانية جيت وكتبت
Quote: عجيييييييييب!!!!
تنقل ليك كلام وكمان تجي تضيف ليها من مخزون أتهامتك..
ودايرني أمشي أثبت ليك صدقو من كضبو
على قول ود الباوقة لأحدهم:
الواحد يفرش ليهو طماطم ضاربة، ولما تجيهوالكشة يتخارج، ويخلينا نحنا نقعد ننضف وراهو
هههههههههههههههههههه |
يا عماد أنا ما عندي ولا أدنى شك في انو الكلام دا
ممكن يقولوا واحد سلفي وامام في أحد خطبه
وعشان كده كتبت البوست
أنت من يتشكك فيه وعليك اثبات بطلانه
عشان أنا اطلع كضاب وما عندي مصداقية
أخيراً وليس أخرا لم تصل الى شئ مع الاسف في البوست
لا قدرت تنفي التهمة عن الامام وتثبت أنه غير سلفي
ولا تمكنت من نسف صدقية الخبر
وعليه يبقى الامام دا عايزنا ندفن راسنا في الرمال
ونقول السبب هو ندى القلعة وزميلاتها في غلاء الاسعار
احترامي
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: الامين موسى البشاري)
|
Quote: الله يهدينا يا زول ويهدي الجميع
بس ما دام أثرت الموضوع عندنا الكثير في دارجيتنا ولغتنا المحلية
كلمات لا نلقي لها بالاً وربما لا نقصد بها الحلف
اعلم ان الحلف بغير الله لا يجوز ...
ولكن هي تعود كده وتخرج مننا هكذا من غير اعتقاد او قصد
فما الحكم هنا يا فضيلة الشيخ ؟
سؤال زول داير يستفيد
|
أخي الأمين .. عدم القصد هنا لا يجدي .. فاللتزام في هذه الألفاظ ضروري
ولذلك فإن نبيك محمداً عليه الصلاة والسلام قال للرجل الذي قال له (ما شاء الله وشئت) قال له (أجعلتني لله نداً قل ما شاء الله وحده)
ولم يستوضحه عن قصده ..
وكذلك في قصة الرجل الذي قال للآخر والله لا يغفر الله لك .. فأحبط الله عمله وغفر للآخر
وفي الحديث إن الرجل ليتكلم بالكلمة من سخط الله لا يلقي لها بالاً تهوي به في النار سبعين خريفاً .. فقضية الألفاظ بها مبحث دقيق
في مباحث العقيدة ..
Quote: غايتو بطريقتك دي بعد شوية بطلع كاااااااافر عدييييييييييل
والله صحي |
أبرأ إلى الله أخي الأمين من تكفير المسلم .. والتسرع في التكفير
وبفضل الله لي مقالات كثيرة منشورة في التحذير في قضايا تكفير المعينين
وأؤكد أن التكفير للمعين حكم قضائي يحتاج لأدلة وتحقق شروط وانتفاء موانع التكفير
وأما الحلف بغير الله فهو شرك أصغر .. كما بينت .. وقد يصل إلى الشرك الأكبر وذلك في حال أن يعتقد هذا الحالف أن المحلوف به أعظم من الله
ولعلك تعلم أن هناك جماعة من الناس يحلفون بالله كاذبين ولا يمكنهم الحلف بالشيخ الفلاني بكذبهم فهم يخافون منه أعظم من خوفهم من الله والعياذ بالله
ــــــــــــــــــــــــــــــــــــــــــــــــــــــــــــ
أخوي الأمين موضوع الحفلات البي عشرة ملايين وسبعة وخمسة
وسمعت أن أحدهم حفلته يقدمها مقابل 10 ألف دولار موضوع جدير بالمناقشة كدي أديه نظرة تانية
بالله عليك في بلد ناسا جاعانين زي الجوع الشايفنو ده ما غلط يكون هناك هذه التصرفات وهذا الإهدار للمال
خاتين بعضهم كشف لتسجيل المساهمات وبعدين صرة في خيط للفنان
وفي العيد ارتفعت الأسعار تشبهاً ببصات الولايات في أيام الأعياد
تصدق يا الأمين بعض أصحاب الأعراس بيهتمو بالحفلة قبل ما يغدوا ولا يعشوا الضيوف والمدعوين !!
في السعودية إنت شفت كل الأجناس ، هل مر بك أحد الأجناس أن في عرفهم أنهم يدفعون المال الذي يستدينونه
أو هم محتاجين إليه حاجة شديدة لحفلة بتاعة ساعنين ؟!!!
| |
|
|
|
|
|
|
|
|
 Re: نـــدى القلعة الامام السلفي دا ما مبسوط منك!! (Re: عارف الركابي)
|
Quote:
يا عماد هذا الشيخ اراه اختزل كل مشاكل السودان
في غناء ندى القلعة وزميلاتها
وبعدين يبدو أنه من معجبي نــدى القلعة ويستمع لها ولغنائها
ولذلك افتى بمثل هذه الفتوة... |
وفى جامعة الخرطوم واحد أنصار سنة قعد يحكى فى قصة المسلسل التركى ( العشق الممنوع ) كأنه ما بيفوت حلقة ..
وطلع يعرف الممثلين الهنود شاروخ وأميتاب وشرديفى ..
وكمان بيعرف أى حاجة عن لبس البنات / من بلوزات كارينا البودى للبرمودات ..
عجايب .
الناس ديل متابعين للحاجات الهايفة أكتر مننا ..
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: تبارك شيخ الدين جبريل)
|
Quote: كدى ردّوا علينا واتفقوا معانا نحن المسلمين ديل في الأول ... حتى بعد داك ردّوا على الأجانب ...
|
تبارك شيخ الدين جبريل
يمنعني أن أرد عليك أشياء كثيرة من أهمها أنك ذكرت في شريط النيل أبو قرون أمرين :
1/ إن فرقتك اسمها فرقة جاز العقارب
ودي لحدي أسي الفرقة دي ما فهمنا وضعيتها كيف وأصولها شنو وفروعها .. ومصادرها ..
ومتجهة ليوين .. وشغالة تبع مين !!!
أكيد أمرها .. مهم .. لكن .. مزيداً من المعرفة والتريث والفهم.. خاصة فيها جاز وعقارب كمان
2/ في نفس الشريط لما جات سيرة (الخدرا) ذكرت (29) نَفًس .. أو كما قلت يرحمك الله
عشان كده حق لي أن اتجنب الرد عليك حتى لا يكون الرد في حالة نَفَس طالع أو نازل ..
ودي ما عندنا ليها قدرة
ورحم الله امرءاً عرف قدر نَفْسه .. (بسكون الفاء) وليس بفتحها ...
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
Quote: الأخ صديق الموج ... تحية طيبة
لقد قلت :
Quote: البشارى ............سلام
ياخى ده نكرة داير يشتهر ساكت اى امام وأى
مسلم الذى يسب الناس؟؟والمسلم من سلم الناس
من يده ولسانه.وليس المسلم بفاحش ولا بذىء ولاطعان ولا لعان.
هذا من علماء الحيض والنفاس الذين ابتلينا بهم
فى هذا الزمن الجهجاه..
ود الموج ألخص تعقيبي على قولك أعلاه فيما يلي :
1/ أراك ذكرت حكم الشتم والسباب واستندت مشكوراً لحديثين شريفين
ألا ترى أك قد سببت وشتمت قبل وبعد هذين الحديثين .. خاصة وقد حدد خبر الدار !!! أنه في الحارة كذا ...؟!
أم أن سبابك وشتمك هذا جائز وحلال بلال ؟!
2/ يا رجل إنت بتقرأ القرآن وتعلم إن الذي أفتى في الحيض هو ربك الرحمن (ويسألونك عن المحيض ...)
حكم بينه الله عز وجل والناس في كل زمان ومكان بحاجة إلى بيانه .. فهل من يتصدى لبيان حكم وينشره اهتداء بالقرآن الكريم
يحق لك أن تستهتر به وتسفهه هذا التسفيه ؟!
والنفاس يا حاج .. حكم بينه بتفاصيله رسول الله صلى الله عليه وسلم .. وأظنك خلال مسيرة حياتك الطويلة تكون قد استفدت من فتاوى
العلماء في هذا الأمر الذي يتوقف عليه أحكام شرعية ....
فمن يجعل من وقته ما يفيد به المسلمين والمسلمات وينقل أحكاماً وردت في كتاب الله تعالى ووردت في سنة الرسول عليه الصلاة والسلام
فهو مأجور بإذن الله تعالى إن كانت نيته خالصة ..
ومن استهزأ به فهو مستهزئ بالله تعالى لأن الحكم الذي بينه قد بينه الله تعالى...
ــــــــــــــــــــــــــــــــــــــــــــــــــــــــــــــــــــــــــــــــــــــ
قلت لي فساد وظلم ..
كلامك ده يا صديق يا أخوي ما ظلم ؟!
وبعدين عاوز الناس ما تبين الأحكام الشرعية ، وتنشغل بزي شغلكم بتاع المعارضة الشايفنو ده بهذه الآلية والكيفية؟!
أخوي صديق معلومة أحتاج إليها : إنت من معارضة الهامش ولا المركز ؟!
ولك تحياتي |
الشيخ عارف .....السلام عليكم ورحمة الله وبركاته
وينك يازول قاطع مدة ما سمعنا صوتك لعل الداعى خير وبعد..
شايفك اختزلت كل كلامى فى اننى نعت الرجل بانه من علماء الحيض والنفاس
وكأنك لم تفهم مغذى حديثى هذا وانا مستمسكا بى حسن النية ده حا اشرح لك
ماذا اقصد..
انا قصدت ان هنالك كثيرا من علماؤنا لا يتحدثون الا فى هذا
وهم يرون الظلم والجور من الحكام ولاينبسون ببنت شفة.
ويرون الفقر والمرض يقتل الناس ولا يشيرون لاسباب ذلك
ولكنهم ينشطون فى مسائل الحيض والنفاس فقط.
بعدين كأنك تريدأن تشير لى بطرف خفى أنك تقلل من
شأن معارضتنا، وانت تقول داير الناس ما تبين الاحكام
الشرعية وتنشغل بزى شغل المعارضة الشايفنو ده.
اتمنى أن لايكون هذا هو كل مادعاك للرد على لأننى لا ارى
أن هناك علاقة بين سب هذا الرجل للناس والمعارضة وكم
تمنيت ان تنتقد انت سلوك الرجل وتتصدى له ولكن اعرف تماما
ما ان تجد كلمة سلفى حتى تنشط لتدافع عن اى سلفى وباى
طريقة مهما كلفك ذلك حتى وان احرجت ووجدت ان الرجل غارق
فى الغلط الى شوشته ذهبت الى مقولتك المستهلكة إن التعميم مخل
مع علمك التام لا يوجد تعميم وانما الشخص فات عله ذلك
ولم يكن قصده أن يعمم ولكنه اطلق الكل واراد الجزء وينصرف
الحديث بهذا التغبيش الى مواضيع اخرى وينسى الناس غلط
الشيخ السلفى وتكون انت قد خرجت منتصرا للسلفيين بما فيهم مثل
هذا الجاهل الذى ياتى كل يوم جمعة ببلوة جديدة..
اخيراً طالما انكم تاتون من مشرب واحد ارجوا منك ان تطلب من اخوانك
السلفيين ان يتكلموا لغة واحده حتى يخول لك الدفاع عنهم اذا ظلموا
وفى نفس الوقت هدايتهم اذا ما جانبوا الصواب،،،
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: صديق الموج)
|
Quote: 1/ إن فرقتك اسمها فرقة جاز العقارب
ودي لحدي أسي الفرقة دي ما فهمنا وضعيتها كيف وأصولها شنو وفروعها .. ومصادرها ..
ومتجهة ليوين .. وشغالة تبع مين !!! |
استفت قلبك ولو أفتوك ... نحن متجهين نحو الله ... شغالين تبع الله ... ومصادرنا كلام الله ... فرقة أصلها ثابت وفرعها في السماء ..
شغالين بى إن هذا سراطي مستقيم فاتّبعوه ولا تتبعوا السبل ...
شغل السلفيين والطاغوت وأساطير الأولين دا نكفر بيهو عدييييل ... أياً كان أصلو وفرعو واتجاهو وتبعيتو مّمن تتخذون أنداداً من دون الله ...
رجعت تاااني ما عارف "مسلمين" يعني شنو يا دكتور؟
زيّنا زيّ بني اسرائيل لامن جدّهم قال ليهم "ولا تموتن إلاّ وأنتم مسلمون" ...
... المهم ....
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: تبارك شيخ الدين جبريل)
|
الأخوان العزيزان عمادحسين والأمين البشاري
بالله لو سمحتوا بردوا نفسكم حبة
وخلونا نستمتع بي البوست دة
صراحة يا عماد الأمين أنا ما بعرفو قبل كدة
زي ما بعرفك عشان كدة شهادتي فيك يا عماد مجروحة
لكن ما أشهد به للأخ الأمين أنه رجل بعيد عن سوء
النية في حواراته ويحترم المحاورين
وهذا ما لمسته منه في البوست الشهير
بتاع الشيخ محمد مصطفى عبد القادر
بالمناسبة ياالأمين إنت كتبت:
Quote: أنا جادي جــداد شــديد والله صحي
ودي استفدنا منها من شيخ محمد الحسن عبد القادرولا نسيت كلامه..
|
محمد مصطفى عبد القادر
واما من ذكرته فهو أيضاً من مشايخ
الدعوة السلفية في شرق السودان رحمه الله
المهم يا جماعة خلونا من استباق النوايا
ويا الأمين ياخي عماد حسين دة دفعتي
في الثانوية بالله خلي نفسك بارد معاهو
والرجل محاور جيد بس أخزوا الشيطان انتو الاتنين
وانا متابع الحوار دة ومستمتع
خاصة مع وجود شيخي الدكتور عارف الركابي
والله صحي (وجوه مدردقة للأمين + وجوه مغيوظة لي عماد)
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: ابراهيم قناوي)
|
الاخ العزيز ابراهيم قناوي
سلام وتحية وتقدير...وحبابك ألف في هذا الخيط
| Quote: بالله لو سمحتوا بردوا نفسكم حبة |
ابراهيم قناوي انا شخصياً نفسي بارد جداً في هذا البوست
وفي كل البوستات تلك خبره اكتسبتها من المنابر
أطرح وجهة نظري دائماً بهدوء
الأخ عماد الله يسامحه نفسه قايم عشان نسبة الخبر الى السلفية
بدأ بالتشكيك في الامام أولاً وعندما فشل اتجه لنسف صدقية الخبر
فقط لأن الدار هي مصدره وقد اثبت له أن الخبر تناولته معظم المواقع السودانية
لم اعترض على لغة عماد بل انتقده الدكتور محمد قرشي وقام بمسح مداخلته
Quote: لكن ما أشهد به للأخ الأمين أنه رجل بعيد عن سوء
النية في حواراته ويحترم المحاورين
وهذا ما لمسته منه في البوست الشهير
بتاع الشيخ محمد مصطفى عبد القادر |
شكراً يا ابراهيم على هذه الشهادة التي أعتز بها
Quote: في الثانوية بالله خلي نفسك بارد معاهو
والرجل محاور جيد بس أخزوا الشيطان انتو الاتنين
|
حاااااضر يا سيدي ولا يهمك وحتى هذه اللحظة أنا محافظ على الهدوء
يا ابراهيم نحن ليس بيننا خلاف على ما جاء من هذا الامام
الكل مقر بأنه مخطئ وقد أنكر الجميع خطبته بما فيهم عماد ودكتور عارف
عماد حول النقاش الى مصداقية الخبر
بالنسبة لي انا مصدق الخبر والوم الامام على ما جاء به
عماد الذي يشكك في انتماء الامام للسلفية
وكذلك يشكك في مصداقية الخبر عليه اثبات العكس
احترامي
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: الامين موسى البشاري)
|
Quote: حاااااضر يا سيدي ولا يهمك وحتى هذه اللحظة أنا محافظ على الهدوء
يا ابراهيم نحن ليس بيننا خلاف على ما جاء من هذا الامام
الكل مقر بأنه مخطئ وقد أنكر الجميع خطبته بما فيهم عماد ودكتور عارف
عماد حول النقاش الى مصداقية الخبر
بالنسبة لي انا مصدق الخبر والوم الامام على ما جاء به
عماد الذي يشكك في انتماء الامام للسلفية
وكذلك يشكك في مصداقية الخبر عليه اثبات العكس
|
عزيزي الأمين
شكرا لتكبدك مشقة الرد
لحدي الإقتباس الفوق دة يا الأمين
عداك العيب
وكلامك مية مية
والله صحي (كيتاً في عماد)
وفعلاً أنت يا عزيزي ممن أتعمد تعقب بوستاتهم
واستمتع بإختيارك للمواضيع وطرحك لها
وبنفس بارد كما قلت
حتى لو لم أتداخل
فالتحية لك ولي دفعتي عماد
وكل من مر بهذا البوست
وخليك من الشريف ولا الشيخ السلفي داك
أنا دة مبسوط من البوست دة
والله صحي
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: ابراهيم قناوي)
|
مشكور يا دكتور قناوي
وأرجو أن تراجع اول مداخلة لي، وشوف كيف كانت طريقتي في النقاش
مشكلة أخونا الامين هي المكابرة المركبة
مكابر، ويكابر في عدم الاعتراف بمكابراته هذه
عموماً القضية دخلت في مرحلة المراء والجدل العقيم، خاصة بعد آخر مداخلاته
وكنت اتمنى أن يكون البوست للمناقشة.. وممكن وضع نقاط تؤكد على
عدم التحيز، مثل:
هل زعم الجريدة صحيح؟
وعلى فرض ذلك: هل كلام الإمام صحيح من ناحية شرعية؟
بالطريقة دي الواحد ممكن يعرف أن هناك مصداقية وعدم تحيز
لكن شغلة (طيخ طاخ) دي، هي البتخلينا نلجأ لأساليب أركان النقاش التي خبرتها
يا قناوي في الجامعات..
وكما كان يحلو لأخينا محمد سيد حاج (رحمة الله عليه):
ولكل شيء آفة من جنسه ** حتى الحديد طغى عليه المبرد
علة هذا البوست هي الاستهزاء والتعميم المخل.. وهذه قضية مرفوضة.. وأخونا الأمين
ضرب النمرة غلط
تحياتي يا د. ابراهيم
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
بخصوص ما كتبه البشاري أدناه
| Quote: لم اعترض على لغة عماد بل انتقده الدكتور محمد قرشي وقام بمسح مداخلته |
أول حاجة د.محمد قرشي لم ينتقدني.. عشان ما تتاجر بالحتة دي!!!
الشهادة لله الرجل له تقديراته، وطلب مني بكل تهذيب وسماحة ما يلي
Quote: كتبت الكلام ده قبال مداخلة عماد الأخيرة
و رجائي أن يعدلها أو لا يغضب منها أخوي الأمين
علشان نمشي لقدام ..
العنقريب بيشيل ميه يا جماعة !!! |
وهي كلمات لا تعدو كونها نوع من الرجاء الأخوي.. غير أنك كالعادة!!!!
وبعدين حتى لو ود قرشي انتقدني، ثم قمت بتعديل ردي، فهذا محسوب لي، على الأقل
هي شهادة بأني أنزل لرغبات (المهذيبين) من أمثال صاحبنا الدكتور ود قرشي..!!!!
بالمناسبة حقو تستفيد من تجربة الكتابة بطريقة د. محمد قرشي.. فالرجل يحترم
الآخرين.. وبهذا يحافظ على البوستات هادئة وفيها قيمة علمية
أخونا حيدر الزين، ود. قرشي قبل كدة طلبوا مني أترك طريقة الشوت بتاع أركان النقاش.
ويشهد الله.. رغبتهم عندي معتبرة ومحترمة..
بس تقول شنو...؟!
الواحد مرات بيكون مضطرعديييل كدة.. وخاصة لما النماذج القابلناها في الجامعات
تعيد انتاج نفسها... وفي الحتة دي (كل فولة ليها كيال)!!!
قضية أنك داير الناس يقوموا بحني رؤوسهم لعاصفة كتاباتك، فحتة زي دي ما تحلم بيها..
.. وكما أسلفت في مداخلتي التي عدلتها:
Quote: انت أصلاً جاي البوست ده بعدما شيلوك القفة فوق راسك.. وبقيت زي
العتالي المباري سيد القفة، يلف محل ما الزبون يلف، وما عارف القفة فيها شنو!!! |
وعلى كل.. السلفية لن تضرها أمثال هذه الكتابات.. لأنها ببساطة تتدثر بثوب غير
موضوعي، وليس فيها مآخذ شرعية.. بل هي ونسة و (طق حنك).. ولا قيمة لها من
ناحية علمية
يعني عدم موضوع عديل كدة.. والله صحي
شكراً يا الأمين
الله يديم عليك نعمة الصحة ويختم ليك بخاتمة السعادة
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
Quote: أخيراً وليس أخرا لم تصل الى شئ مع الاسف في البوست
لا قدرت تنفي التهمة عن الامام وتثبت أنه غير سلفي
ولا تمكنت من نسف صدقية الخبر
وعليه يبقى الامام دا عايزنا ندفن راسنا في الرمال
ونقول السبب هو ندى القلعة وزميلاتها في غلاء الاسعار
|
عماد حسين
سلام من تاني...
الفوق دا هو بالضبط الحصل معاك
بل لم تستطع أن توسع صدرك للنقاش وانسحبت منه
اسأل الله الهداية لي ولك وأعلم أن الكثير سيطرح هنا
حول السلفية والصوفية والشيوعية .... الخ الخ
وبما انك طارح نفسك كداعية عليك بالصبر والحجة
والحكمة والموعظة الحسنة واللين والرفق
لأن الرسول أخبرنا أن اللين والرفق ما نزع من شئ الا شانه
وما وجد في شئ الا زانه...
فطب نفسا يا عماد ووسع صدرك ولتكن الحجة والمنطق
هي سبيلك في توصيل افكارك ...
Quote: بالمناسبة حقو تستفيد من تجربة الكتابة بطريقة د. محمد قرشي.. فالرجل يحترم
الآخرين.. وبهذا يحافظ على البوستات هادئة وفيها قيمة علمية |
أرجو أن تبرز لي وللقراء الاماكن التي لم اقدرك فيها
أو قللت فيها من احترامك واحترام زوار البوست
عماد إذا كانت عيونك مفتحة على ما يكتبه الآخرين
فأنظر لكتاباتك يا أخي وتأمل فيها
Quote: الواحد مرات بيكون مضطرعديييل كدة.. وخاصة لما النماذج القابلناها في الجامعات
تعيد انتاج نفسها... وفي الحتة دي (كل فولة ليها كيال)!!! |
Quote: وعلى كل.. السلفية لن تضرها أمثال هذه الكتابات.. لأنها ببساطة تتدثر بثوب غير
موضوعي، وليس فيها مآخذ شرعية.. بل هي ونسة و (طق حنك).. ولا قيمة لها من
ناحية علمية |
Quote: انت أصلاً جاي البوست ده بعدما شيلوك القفة فوق راسك.. وبقيت زي
العتالي المباري سيد القفة، يلف محل ما الزبون يلف، وما عارف القفة فيها شنو!!! |
Quote: وعلى كل.. السلفية لن تضرها أمثال هذه الكتابات.. لأنها ببساطة تتدثر بثوب غير
موضوعي، وليس فيها مآخذ شرعية.. بل هي ونسة و (طق حنك).. ولا قيمة لها من
ناحية علمية
يعني عدم موضوع عديل كدة.. والله صحي |
Quote: لكن شغلة (طيخ طاخ) دي، هي البتخلينا نلجأ لأساليب أركان النقاش التي خبرتها
يا قناوي في الجامعات.. |
Quote: انت قايلة أنصار السنة ديل قاعدين يلدوهم جوة الجامع وللا شنو؟
وللا فاكرة أي أنصار سنة قام كدة ولقى أمو وأبوهو ملتزمين بمنهج السلفيين؟
قصة الزول يلدوه من أول يوم ويلاقي أنصار السنة من بين يديه ومن خلفه وعن يمينه
وعن شماله ممكن تكون متوقعة عند أهلك في الشرق، لأن الدعوة فيهم قديمة، من زمن
الشيخ/ محمد الحسن عبدالقادر. |
Quote: صدق النبي الكريم: (يبصر أحدكم القذاة في عين أخيه ، وينسى الجذع في عينه )
أقل حاجة.. لما تحاور زول خليك جاد.. فـردودك تطفح بهزل في غير موضعه..
شابكنا: (والله صحي، والله صحي) وهي نبرة ظاهرة في عدم تقديرك للمحاور!!! |
وجيت رجعت استخدمتها ... هي نفسها التي انتقدها فوق
Quote: ما زلت تسبح مع تيار (سوء الظن) يا بشاري
وكلامك أعلاه هو عين المزايدة.. وقائم على سوء ظن.. وهذا ليس بغريب، فأساس
هذا البوست قائم على سوء الظن والتهويل وعدم التثبت |
Quote: يا زول نحنا يا قول المثل: مارقين للتلف.. خليك من الارهاق الشوية
ده.. وكوني أجلب أدلة.. فليس بالضرورة أنني أريد أن أطلعك عليها
وحدك
|
تحياتي
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عارف الركابي)
|
Quote: وهي أنهم إذا أرادوا أن يتكلموا في العلماء والدعاة وصفوهم بأنهم علماء حيض ونفاس استهانة بهم وبدورهم وقدرهم
إنت قلت الكلام ده ....... أليس كذلك ؟!
وأنا عقبت ببيان أن هذا الكلام خطأ كبير لأن الحيض والنفاس أحكام شرعية تهم كل بيت مسلم .. ولا يستغنى عن معرفة أحكامها
ومن يبينها يقتدي بكتاب الله وسنة رسول الله فالله تعالى بنفسه بين ذلك ورسوله وضح بتفاصيل كثيرة الأحكام المتعلقة بذلك. |
يعني عشان تبرر لى "علماء الحيض والنفاس" ... داير تمرّق النبي زاتو بُعِث من أجل الحيض والنفاس؟
تفاصيل أيه و "أحكام" أيه؟ أَلا يَعْلَمُ مَنْ خَلَقَ وَهُوَ اللَّطِيفُ الْخَبِيرُ؟ قُلْ هُوَ الرَّحْمَنُ آمَنَّا بِهِ وَعَلَيْهِ تَوَكَّلْنَا فَسَتَعْلَمُونَ مَنْ هُوَ فِي ضَلالٍ مُّبِينٍ ...
Quote: ليس هذا الذي دعاني للرد عليك
إنما دعاني كلامك عن علماء الحيض والنفاس وتناولك لهذه الأحكام الشرعية
ولما رأيتك توصي بنوعية الاهتمام الذي ينبغي أن يكون عليه الأئمة والخطباء
جاءت الإشارة إلى فشل المعارضة .. فأنت من المهتمين وتريد أن ينصرف الناس حيث تهتم .. |
هم علماء الحيض والنفاس ديل لامن يتكلّموا عن الحكم ما بيجيبوا سيرة ظلم ... لأنهم أنفسهم يدعون إلى الطاغوت وظلم الحكّام ... وإشهار قدسية الدين في وجه معارضيهم بسـفالة ... مختبئين وراء "أحكام" الحيض والنفاس .. قاتلهم الله في الدنيا والآخرة ...
... المهم ....
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: تبارك شيخ الدين جبريل)
|
Quote: ليس بطرف خفي أوضح فشل معارضتكم ... بل بعلانية وأعلى الصوت
بل أزيدك يا ود الموج .. أنا أرى أن الانشغال ببيان فشل المعارضة بواقعها وحالها الذي نراه نفسه إضاعة للوقت
وفي السابق فتحت شريطاً هنا بعنوان شباب من أجل التغيير أي تغيير يا ترى ؟!
وتناولت فيه بالتفصيل وضع المعارضة مستعرضاً وسائلها وبدائلها
والآن يا صديق المعارضة لحالها متصدية لبيان حال بعضها البعض ونسف بعضها البعض |
الشيخ عارف ...........سلام
اذن اصبت انا حين قلت كل مادعاك للرد هو محاولة انتقاد المعارضة
وليس كلامنا فى حق هذا الجاهل القمىْ ،وجاهل لانه اتى فى جمعه اخرى
واصفا دكتور محمد عبد الله الريح بانه سافل،اى والله العظيم
سافل لانه قال لاتقتلوا الضب لأنه يخلق التوازن البئيى
فهو ياكل الحشرات والباعوض،قال ذلك بحكم علمه وقال ذلك
الجاهل ان الضب كان ينفخ فى نار ابراهيم..ووصف العالم النحرير
بالسافل..
ياشيخ عارف انتقادك للمعارضة لن يثنينا من السكوت عن الحق
ولا نصبر على العوج وسوف نجاهده الى اخر درجات الايمان فى
محاربة المنكر وازالته..
ومن تشايعهم هنا وانت خجلان ومتنصلاً من انتماؤك لهم فقد قطعت
لنا الشك باليقين بانتماؤك الصارخ لهم ووضح لماذا ظللت تدافع وتشايع
هولاء وكنا نصدق كلامك انك لامنتمى نقول لك: هنئيا لك ما اتخذت من حزب.
ارجوا ان لاتقول لى القولة الممجوجة:
اصلكم يا المعارضين كل من هو ضدكم تصفونه بالكوزنة..
نعم كل من هو ضدنا فهو كوز وجبهجى او مغفل نافع فى احسن الاحوال وكل
هولاء يشكل لى عدو وهو هدف بالنسبة لى انا شخصياً،،،
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
Quote: بل لم تستطع أن توسع صدرك للنقاش وانسحبت منه
اسأل الله الهداية لي ولك وأعلم أن الكثير سيطرح هنا
حول السلفية والصوفية والشيوعية .... الخ الخ
وبما انك طارح نفسك كداعية عليك بالصبر والحجة
والحكمة والموعظة الحسنة واللين والرفق |
فليطرح كل أحد ما يريد يا بشاري
بس بدون تعدي لفظي
وبدون تهويل
لما يحصل ده.. بتلقى صدورنا بحر.. وستجدنا مع الحلم في موضعه
إنّي أصاحبُ حِلمي وهْو بي كرمٌ ** ولا أصاحبُ حِلمي وهْو بي جُبُنُ
وبخلاف ذلك فلا ترجو وصالاً مع عدم الإنصاف
ولم تزل قلَّة الإنصاف قاطعة ** بين الرِّجال وإن كانوا ذوي رحمِ
عشان كدة.. ليس من المنطقي أن تطالبنا: نخلي صدورنا واااااااسعة على طوووول
كدة.. أو ونبقى (مولانات) على حسب تصورات البعض.. ونقول لكل اعتداء: جزاك الله خير!!!
لااااااااااااااااااااا
دي حتى المنطق يمجها ويرفضها.. فلكل موضع حديثه..
وما قتل الأحرار كالعفو عنهم ** ومن لك بالحر الذي يحفظ اليدا
ووضع الندى في موضع السيف بالعلا ** مضرٌّ كوضع السيف في موضع النّدى
تسلم
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عماد حسين)
|
Quote: وآخــر ابداعات هذا الامام السلفي
هي انك وحدك مسؤولة مسؤولية كاملة
عن تدهور حال السودان..
ومسؤولة عن انفصال الجنوب..
وغلاء الاسعار...
ونزول سخط الله على الشعب السوداني |
وبرضو مسئولة عن هزيمة السودان في المقبرة امام غانا.
ليه ماتجي شايلة دلوكتها وتشجع الفريق؟
واحد يابشاري قالوا حضر صلاة الجمعة في مسجد في امبدة .. قال الخطبة كلها اذا زلزلت الارض زلزالها ,, وجاءت سكرة الموت ,, وان زلزلة الساعة شئ عظيم.,,
الجمعة اللي بعدها صلي في جامع شروني ,, قال الخطبة كلها ,, والتين والزيتون ,, وتجري من تحتهم الانهار ,, وقال الامام حليق وقيافة وتشوفو ماسك المكرفون بس تقول كابلي.
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عبدالعزيز الفاضلابى)
|
الأخ صديق الموج
لن أعيد الرد على ما تكرر في مداخلتك الخيرة اكتفاء بتوضيحي السابق
وحتى لا يكون الأمر جدال
لكني فقط أقتبس آخر عبارة من كلامك :
Quote: نعم كل من هو ضدنا فهو كوز وجبهجى او مغفل نافع فى احسن الاحوال وكل
هولاء يشكل لى عدو وهو هدف بالنسبة لى انا شخصياً،،، |
الكلام ده بناء على حجج وأدلة وبينات
أم أنه بالمزاج كده والرغبات الشخصية ؟!
كلامك فيه ثلاثة جوانب :
الأول : كل من هو ضدك (أي ضد المعارضة) فهو كوز وجبهجي أو مغفل نافع
الثاني : هو عدو لك
الثالث : هو هدف لك
لو سمحت بالله بعد ما تورينا إن كلامك هذا هو بناء على أدلة أو بالمزاج
ورينا كيف بيكون هدف ليك ؟!
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عارف الركابي)
|
| Quote: ورينا كيف بيكون هدف ليك ؟ |
الشيخ عارف....سلام
يعنى بكون واحد من المندسين تحت اى مسمى وبحارب
مع هذا النظام الجائر ويجب محاربته بنفس اسلحته
يعنى لا اعتبره ناصح ولا غيور على مصلحة البلد ولا هوانسان
اتى لمثاقفة او لفتح حوار يفضى لما فيه صلاح حال البلاد
والعباد وانما انسان منافح عن النظام على طريقة انصر
اخاك ظالما أو مظلوما على طريقة الجاهلية،،،
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: صديق الموج)
|
Quote: [الشيخ عارف....سلام
يعنى بكون واحد من المندسين تحت اى مسمى وبحارب
مع هذا النظام الجائر ويجب محاربته بنفس اسلحته
يعنى لا اعتبره ناصح ولا غيور على مصلحة البلد ولا هوانسان
اتى لمثاقفة او لفتح حوار يفضى لما فيه صلاح حال البلاد
والعباد وانما انسان منافح عن النظام على طريقة انصر
اخاك ظالما أو مظلوما على طريقة الجاهلية،،،
|
الأخ صديق الموج
ما شايفك جبت معاك أدلة وبراهين نفهم من كدة إن القضية مزاج أم ماذا؟
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: عبدالعزيز الفاضلابى)
|
Quote: وبرضو مسئولة عن هزيمة السودان في المقبرة امام غانا.
ليه ماتجي شايلة دلوكتها وتشجع الفريق؟ |
عبد العزيز الفاضلابي
سلامي وتحياتي..
نــدى غلطانة شديد يعني لو كانت جات كان المنتخب فاز على غانا
اذكرمرة حضرت مباراة للهلال فقام الهلال اتغلب 5 - 0
وبعدين أي حاجة رامينها في الزولة دي
حتى جنود خليل عند دخولهم أم درمان كانوا يمنون انفسهم بالزواج منها
تحياتي
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: الامين موسى البشاري)
|
الكلام دا ....
Quote:
قول ليّ عديل "يا تبارك شيخ الدين انت بتسكر وبتنسطل وتجي تكتب هنا" ... عشان اقول ليك انو انت بتضييع على نفسك فرصة حوار غني ومثمر باتباع شائعات لا أساس لها ... انا يوم اجي اكتب وانا سكران أول حاجة بكتبا انو الليلة انا خاتّي الكونياك وبكتب .... (بالمناسبة بسكر كونياك بس) ... والناس البيعرفوني معرفة شخصية ممكن يوروك انو برنامج السطلة ما برنامجي ... يعني ما عندي موقف ضد البنقو ... لاكين ما من النوع الممكن تلقاني ماشي مشوار مخصوص عشان اشتري أو ادخن سيجارة بنقو أو كلام بالشكل دا ... مرات بلم فيك زول يصر عليك تجر نفس نفسين ... آخر احصائية عملتها 31 نفس في السنة ... وانا بشرح ليك التفاصيل دي عشان ما تتحمل عناء إثبات أو نفي أي شي ... |
منقول من هنا ...
Re: النيل أبوقرون ينكر توبته.. ومناقشوه يردون بالوثائق (صورة الوثيقة)
رداً على صفاقة أحد السلفيين ... وما كان محتاج تكرار ... لولا تكرار صفاقة السلفيين ...
... المهم ....
| |
|
|
|
|
|
|
|
|
|
Re: نـــدى القلعة الامام السلفي دا ما مبسوط منك!! (Re: الامين موسى البشاري)
|
Quote: شن إمام احد المساجد في صلاة الجمعة هجوماً ضارياً على احد ائمة المساجد الذي قامت الصحيفة بنشر حديثه في خطبة الجمعة الماضية و شن فيه هجوماً عنيفاً على الفنانة ندى القلعة و قال أنها احد أسباب الغلاء حيث هنالك أشياء تباع باسمها بأسعار عالية مثل (توب ندى القلعة) و النساء يقمن بعمل (حنة) غالية الثمن مثل ندى القلعة و أشياء أخرى .. و قال إمام المسجد ان حديث هذا الإمام فارغ المحتوى حول ادعاءه ان ندى القلعة احد أسباب الغلاء و قال ان حديثه غير منطقي لان ندى القلعة ليست هي والي هذا البلد لكي ترفع الأسعار أو تخفضها .
صحيفة الدار |
المصـــدر
| |
|
|
|
|
|
|
| |
الامين موسى البشاري
محمد النيل
عماد حسين
محمد قرشي عباس
صديق الموج
تبارك شيخ الدين جبريل
ود الخليفه
محمد عمر جبريل
mekki
AMNA MUKHTAR
ابراهيم قناوي
عبدالعزيز الفاضلابى
فيس بوك
تويتر
انستقرام
يوتيوب
بنتيريست