وغاب الحزب الشيوعي عن ندوة لندن ... توجد صور للندوة!!!

Quote: * أديه في التنك زى ما عايز ...... فقط أبعد عن لغته.... ممتاز .... يا أبو لميس .... الرفيق الراقي المهذب ... شكراً على نصايحك وتوجيهاتك والتي تنم الى انك تنتمي الى كوكب آخر بعيد عن ما يحدث داخل هذا المنبر وخارجه .... للذكري والتاريخ أنا لم أخرج عن الحزب ... لا فكريا ولا روحيا ولا نفسيا ... صلاح بتاع زمان هو بتاع هسع .. ولم ولن أعاديه ... لا على مستوى الاستراتيجية ولا على مستوى التكتيك ... بس عشان تكون في الصورة... خروجي من السودان قبل ما يزيد عن 30 عاماُ لم يبعدني عنه بوصة واحدة .... مهموم بيهو (كامل الدسم+ ودوام كامل) .... الآمر نفسه ينطبق على ح ش .... لكن الحاجة الما واقعة ليك ... ولناس كتار .... لماذا هذه القسوة والعنف اللفظي والمخاشنة "الشوارعية" ؟ السبب هو نوعية هؤلاء "المرافعين" الارزال و"الكدايس"...أولاد الهرمة ..... الذين ابتلى بهم السودان قبل ح ش .... "لا يختشون ... ولا يستحون ... ولكن لا ينفع معاهم غير الردع النووي" .. خلافي منذ 2007 مع الدكتورة أمال هو أنها تحولت بصورة غيرطبيعية ولا يمكن تفسيرها لا بالايديولوجية ولا بالمنطق ولا بالجغرافيا ... من لبوة جسورة الى كديسة حنينة.... وحربائية!! وفي الوقت التي تصبو فيه العشرات من بنات بلادنا والآلآف من أولادها للوقوع في دائرة الصيرورة الكفيلة بتحويلهم من كدايس الي لبوات وأسود ... يعني في الاتجاه المعاكس ... وأفضل تعبير هنا ما قالته الحبيبة الأستاذة آمنة مختار ... يسير هؤلاء التعساء في الاتجاه المعاكس تماماُ ..... ولا حول ولا قوة إلا بالله ... طبعاً هم لم يتعلموا من تجربة المغفور له بأذن الله "الخاتم عجلان" الذي كان يثصور بأنه قادر بوراثة كل الحزب تحت شعار "التجديد" ... والذي انتهى بحركة "حق" الى ما انتهت إليه.. أفظع حاجة دايرين - هذه المرة - يحولوا كامل أرث الحزب الى قبيلة أو شبكة علاقات اجتماعية من الكدايس ... وتسليمها ملفوفة الى ح ش ق ش !! يا رفيق دا معقول بس ... انحنا في الحالة دي من فترة الى أخرى على الرغم من ارتفاع حرارة الصراع الاجتماعي (ولا أقول الطبقي) على كامل ساحة وادي النيل .... كل مرة يطلع واحد كديس أو كديسة عاوز يوظف النفوذ الاجتماعي والسياسي لليسار وح ش لصالح المفاوضات مع "الانقاذ" أو طبعاتها المنقحة .. ما هي علاقة آمال بت الأسد المغوار "جبر اللة" بهذه الفذلكة التي قد تبدو لك عجيبة وغريبة ...سمك لبن تمر هندي... ولكننا نحنا في زمن العجائب ! أولاً: ارجع ليك الى ما قبل الانتخابات السابقة ... كدايس بريطانيا نسوا وتناسوا أنو الرفيق محمد ابراهيم نقد (عبد الرحمن) مرشح ح ش .... وتعال شوف المساخر ... الرفاق الكدايس ساكين حملة الكماندر ياسر عرمان من مدينة الى أخري ...وبدون خجله يشاركون بالغناء والتظاهر والتبرعات لصالح حملة الحركة الشعبية .... مما دفع الأسد الزمهرير (م س وقتها) الدكتور كبلو للهروب من الميدان في بريطانيا ... وهو يجاهد في اخفاء شعور الاحباط الذي اصبح سائدا الأن .. وذهب الى السودان لأنو كدايس بريطانيا عملوا فيهو العمايل ... وعلى الرغم من قسوتي علية في مداخلات في هذا المنبر وخارجه ... إلا ان الأسد كبلو لم يتحول الى كديسة ... لعق جراحه مرفوع الهمة وواصل بصمت وحزن انضباطه ... لم يساوم ولم يتراجع .. وهكذا كان حال العشرات ... فماذا فعلت الكديسة أمال جبر الله ؟ أولاُُ حشدت حولها عدد من الكدايس اعضاء الحزب وتمكنت بالتآمر من تهميش الكوادر (واعتقد جازما تفهم الفرق وما أقصد بالكادر/العضو) ولم تنظم ولم تشارك ولا في فعالية واحدة لصالح "مرشح ح ش" .... فتأمل !! وتدافعت مع الكدايس الاخرى منذ تلك الفترة في التواصل مع كوادر ح ش ق ش للتمهيد تحت الراية المفضوحة تاريخيا "توحيد اليسار" فخلقوا تحالف مع أزلام البعص (أقصد البعث) وتحركوا في تنسيق تام للسيطرة على منظمات المجتمع المدني وتقليص نفوذ ح ش .... فتأمل ... ولكن هزموا وتراجعوا في ساحة جاليات المدن المختلفة وكانت معركة "سوات" هي الفاصلة ... الآن ومنذ فترة الاتصالات بدأت في التطور بين الكدايس وقيادات ح ش ق ش خلال زيارات عرمان المتعددة وما زالت .... وقنوات التشاور متواصلة لتطويع ح ش ... وبصورة ناعمة ... بتجاهله كأكبر قوة منظمة في بريطانيا ومحاولة فرض الكديسة كمتحدثة بأسمه وذلك لوضع ركائز "وراثة" ح ش .. وروجوا لها كمتحدثة بأسم ح ش تحت جناح "كاودا" ... وبدأت بالونات الاختبار ... تنطلق واحدة خلف الأخرى .. وكأن ح ش اصبح "دار للفنانين".... طالبين الكديسة بالأسم "للمشاركة" في مهرجان تحدث فيه 13 شخص للتمهيد للمتحدث "عرمان" ... الموضوع هنا اصبح عبارة عن "طماطم بالدكوة" ... لذلك انكشف المخطط وانتفض "أسود ولبوات" ح ش وطرشقوا ليها الموضوع وفي أخر الدقائق ... وسعادتي وقتها كانت "ا و ر ق ا ز م عدييييييييييييل كدا" .. ووضحوا للناس - على الرغم من التقصير الاعلامي - بأن ح ش مش "ملطشة" ... والأسود واللبوات الأن متحفزين لأي "كشكشة" !! دا الموضوع وبأختصار ممل تقديرا" لنبلك الانساني وروحك السمحة يا أبو لميس ومحاولة لاعطائك خلفية مختصرة ... الأيام الجاية ح تكون أكثر سخونة ... وأكثر عنفاُ ... وعلى مستوى يتفق تماما مع حجم التآمر ... السري والعلني .... المعلن والمستتر .... والذي يتقاطع مع مؤامرات "الأنقاذ" واستراتيجيتها "الاحتوائية" ... ومشروعات المخابرات والبنتاجون .... وسنشنها حربا لا هوادة فيها عليهم .... وكل الخيارات مفتوحة ... براُ وبحراُ وجواُ ... شفت كيف ! ++++ عاوزين نقاش هادئ ود ناس ومحترم يتقيد بمرجعيات اخلاقية على مستوى كيمبردج .... مستعدين وجاهزين .... ++++ دايرين يعملوا فيها حركات "ودمدني" دي نحنا كمان تربية حي العرب ... عضلات تبش .... وعربجية ... وجزارين كمان ..... طبعا "وراثة ح ش" دا وهم ... بتكرر في كل منعطف ومنعرج تمر به صراعات السودان ... وبياخذ اشكال مختلفة والوان مختلفة ... الآن ونحن في اعتاب "الحرب الأهلية الثالثة" ومن دون حتى اعتذار وبعد التفريط والافراط في وحدة الوطن وشعبه دايرين يتلاعبوا بأرث شامخ شاركت فيه - وما أزال وسأظل - ... لن نفرط .... يا أبو لميس .... لو الإنقاذ دي تقعد 20 سنة تانية ... ما ح نسمح لأن يكون هذا هو الطريق .... والخيار المر ... وطريق الآلآم الدخلوا فيهو كدايس ح ش المصري المحروسة ... يدفع ثوار مصر ثمنه الآن !! وأؤكد لك مصير حش قش (الحركة الشعبية قطاع الشمال) لن يختلف عن مصير "حق".... ومصير عرمان لن يختلف عنهم ولا عن مصير "محمد نور الدين" عندما قرر الشهيد أبو الزهور الالتزام بحق تقرير المصير والانفصال عن مصر ... ستتجاوزه الاحداث بأسرع مما يتصور .... وسيظل ح ش شوكة حوت في حلق الامريكان والبريطانيين الذين يربوا فيهو الأن بفيتامينات المستشارين وحبوب الاستيرويدز الاعلامية... ويفرشون له البساط الأحمر طالع واشنطن ... نازل الخارجية البريطانية ... ماشي بروكسل ...عندي "بريفينق" في تشتهام هاوس.... قابلت الجنرال الفلاني بتاع "الاطلسي" .... يا عرمان يا حبيب غيرك كان اشطر .... نحنا تاني زول بغشنا مافي ... حكاية عاوزين نزح كابوس "الانقاذ" دي تاني ما بتأكل عيش .... مشروعات وراثة ح ش دي فشلت منذ ان كانت الكديسة الكبيرة والكديسة الصغيرة يتناولن الشاي بالبسكويت مع "ساندرا هييل" !! ودونك ياأيها الحبيب ما يجري في جنوب السودان والمناطق الثلاث ودارفور وأضيف عندك مصر وتونس وليبيا ... ....للاسف الشديد انتظرت يوم الندوة الكماندر عرمان وسلمت عليه وطلبت منه ومن جنرالاته المرافقين مقابلته بالحاح لاني كنت عاوز اقول ليهو جزء كبير من الكلام دا ... وكنت عاوز اقول ليهو لو انت عاوز تعتمد على الكدايس دي واطاتك اصبحت .... وكمستشار تخطيط استراتيجي محترف كنت عاوز اقول ليهو كلام ليس للنشر ..... وكمان كنت عاوز اقول ليهو لسع عندو فرصة ان يكون احد قيادات التغيير ... وكان صدق كذبة المخابرات بأنو ممكن يكون "سياسي أفورقي" السودان ح يمشي التوج .... ولن يكون أشطر من العميد "سعد حداد السوداني" المستهبل وتابعه "البروفسور قفة" بتاع قوات التحالف .... أين هم الآن ؟ ولن يكون أشطر من باقان أموم ... ويمكن بعد كل هذا ان نكون في خندق واحد ... على أسس واضحة .... بأختصار مخل بس لو هو يقدر يستفيد من "دروس التاريخ والجغرافيا" ... آسف يا أبولميس ياحبيب على السرحان بيك ... ولك الود. وبالمرصاد ليكم ... يا كدايس ...