|
|
 نافع: أحد أثرياء الشيوعي موّل مظاهرات بري .........
|
سوداني نت - وكالات: اتهم نائب رئيس المؤتمر الوطني
لشئون الحزب د.نافع علي نافع، الحزب الشيوعي بتدبير
وإدارة التظاهرات التي خرجت خلال الأيام الماضية
بمنطقة بري بالخرطوم، وقال: الحزب الشيوعي
أدار تلك التظاهرات من خلال قيادي شيوعي ثري
مع بعض أعوانه من أمدرمان.
وطالب نافع لدى مخاطبته أمس مؤتمر القطاع
النسوي التنشيطي بصالة كزام بالخرطوم، طالب
المواطنين بالتعرف على أدوات الانتقاد والضغط
على الحكومة دون أن يكونوا أدوات في يد الغير
أو تحالفاً للحركة الشعبية، وأضاف:
لن نستغفل في قوتنا ولكن لابد من معرفة الخطوط الفاصلة"
مشيراً إلى محاولات بعض الجهات التي لم يسمها
الالتفاف حول النقابات بمظاهر مطلبية.
ودعا نافع القطاع النسوي بالمؤتمر الوطني للخروج
من الفنادق والصالات المكيفة إلى أقاصي البلاد لتمليك
المواطنين التحديات السياسية التي تواجه البلاد بصورة أكثر تفصيلاً.
|
|
 
|
|
|
|
|
|
|
 Re: نافع: أحد أثرياء الشيوعي موّل مظاهرات بري ......... (Re: ود الباوقة)
|
ايوة معروف لدينا ..طار من استراليا..لبرى ...وخطب فى الجماهير وتم الاتفاق على 100 دولار
لكل متظاهر ..وتم ارسال عدد واحد كونتير 40 قدم (محشى كفرات ) صناعة يهودية
اسم الممؤل ...خالد العبيد .اب فلنة حمراء معانا هنا فى حوش بكرى
الرسل الكفرات ..اسمو خدر الشهير بطارق ابوعبيدة..وكمان رسل
وجبات جاهزة للمتظاهرين ..من (لحم الخنزير)..بتخلى المتظاهر نشيط
اردم يا باوقيشن وبرسل ليك الصور معروضات الجريمة ...
المشرف على القصة ..اسمو ابو الريش ..الشهير بمحمد ابو العزائم
الموت للخونة الطابور الخامس لحدود الطابور 117
| |
|
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: فايزودالقاضي)
|
| Quote: المشرف على القصة ..اسمو ابو الريش ..الشهير بمحمد ابو العزائم |
بربار ...... أخرج .... دخلتني معاكم متين.
نجي للجد ...
يا ود الباوقة إنت مالك ما بتسمع الكلام؟ ما قلنا ليك أخد إجازة، وحكاية الترويج للموقع ده زاااتو جابت ليك كلام.
في ذمتك دي ..... متين لاقاك شيوعي فيهو رقشة ساكت ... خليهو يكون غني والاّ كمان ثري؟
بعدين ناس بري (بالمناسبة ديل أهلي) .... لو كان محرّشهم شيوعي، ناس الثورة حرشهم منو؟ وناس إمتداد ناصر والرياض وجبرة والحامداب وسنار وبابانوسة ..... وعيييييييك يا قول بشاشة.
| |
|
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: نجلاء قرافي)
|
Quote: ودعا نافع القطاع النسوي بالمؤتمر الوطني للخروج
من الفنادق والصالات المكيفة إلى أقاصي البلاد لتمليك |
الواحد مايشوف ليه نسوان مجتمعات في محل إلا يشوف ليه طريقة يفرتقن بيها أيدي سبأ
مايمشى هو يملك الناس الحقائق. النسوان ديل ما قلتواالواحدة خشم الباب ما تصله إلا بإذن ولي الأمر
وولي الأمر ذاته يموص إذنه يشربه كان الحكومة قالت لا.
قبل ما النسوان ديل يمشن أقاصي البلاد (الشغل قالوا ما يشتغلن في الأقاصي) دايرين نشوف المؤتمرات المنعقدة حاليا
تنعقد فى خيمة في الميدان والمشاركين بشربوا موية من جردل شايلوا ولد ما قدر يدخل المدرسة يسقيهم كلهم بي كوز واحد
قايتوا جنس حقارة وحسادة يعنى الواحدة كان مشت المؤتمر الوطني عشان ترتاح يجي واحد يطيرها "أقاصى البلاد".
المساواة دي أحسن تبتدي في المساواة في الراحات بعدين نشوف مناطق الشدة.
بعدين تفاديا لتفاوت الفرس، المؤتمر الوطنى ما عنده نسوان في أقاصى البلاد يملكن الناس الهبل الحقائق؟
| |
|
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: عمار محمد ادريس)
|
حاجة عجيبة كل الانظمة الديكتاتورية تستخدم نفس المنطق مع إختلاف اللغة سمعنا هذا الكلام في كل الثورات التي اجتاحت المنطقة ....و سمعنا عن الحوافز المالية والساندوتشات لمتظاهري التحرير وغيرها من التخريجات التي لم تنفع تلك الأنظمة ولن تنفع هذا النظام القمعي ..... الذي يتغاضي عن اصل المشكلة وأن الناس خرجوا لأنهم لم يعودوا قادرين علي تحمل هذا النظام أكثر من ذلك .... هذه هي الحقيقة بكل بساطة .. شرف للحزب الشيوعي واثريائه إن وجدوا بأنهم خلف هذه الهبة فهذا يعني انهم دوماً في صف الجماهير
| |
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: زهير الزناتي)
|
.باوقه ياحبيب
أهم حاجه أنه أعترف بوجود المظاهرات وهو القائل من أراد الخروج فليجرب فى تحدى سافر لأبناء الوطن
ثانياً وعدنا البشير قدس الله سره بأنه سيخرج للشعب ليرجمه بالحجارة أذا ماخرجوا عليه فى مظاهرات وطالبوه بأسقاط النظام والرحيل ومن الذى أخرج مظاهرات الحاج يوسف ؟؟ من الذى أخرج مظاهرات الحماداب ؟؟ من الذى أخرج مظاهرات العيلفون ؟؟ من أخرج الشعب هو الجوع الغلاء الحروب الاقتصاد المتهالك والظلم وصلف الحكام فليعلم الجميع أن أراده الشعوب لاتزور ولاتباع ولاتشترى خرج الشعب طواعيه وماقاله نافع يحسب على الشعب بأنهم خونه ومرتشين
و الله البادي .. ثم مجد بلادي ..
| |
|
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: عمار محمد ادريس)
|
Quote: ودعا نافع القطاع النسوي بالمؤتمر الوطني للخروج
من الفنادق والصالات المكيفة إلى أقاصي البلاد لتمليك
المواطنين التحديات السياسية التي تواجه البلاد بصورة أكثر تفصيلاً. |
لووووووووووووب خلاس قام عليهن ؟؟
فرفرة الروح ! الروح دى ما حلوة ما معاها مجامله ..
ياخ انتو خليتو فيها ثرى !! كمان احد الاثرياء فى اشارة
الى انهم كتاااار .. يخنى عجب .
يكون استورد ليهم الحجار من فلسطين ؟
وفردة كاوتش يا قول المصريين بعربات نص نقل !!
لووووووووووووب
قالوا الفيك بدر بو .. من هسه المتظاهرين هم البلطجية
الاسامى دى محجوزة .. افتحوا عينكم ..
ـــــــــــــ
هسه انتو قلتو ناس حقوق الانسان بقو معاكم سمن على عسل
ورفعوا منكم الولاية .. فحبرهم لم يجف بعد
خليكم راقيين وبطلوا القبيض .. سمح ؟
| |
|
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: دينا خالد)
|
حتي لا يفهم أعضاء هذا المنبر نافع غلط تكرمنا عليكم بالترجمه مجانا لا قرش لاتعريفه.. لله في الله:
.....
| Quote: الحزب الشيوعي أدار تلك التظاهرات من خلال قيادي شيوعي ثري مع بعض أعوانه من أمدرمان. |
= الي يقومو بالعمل هدا أعطوهم حبوب هلوسه.. و مش بارادتهم
| Quote: لن نستغفل في قوتنا |
= نحن لم نستخدم القوه بعد
| Quote: ودعا نافع القطاع النسوي بالمؤتمر الوطني للخروج من الفنادق والصالات المكيفة |
= سنزحف عليهم الملايين و سنقوم بتطهير بري شبر شبر..
و للذمه ساعدني في الترجمه الاخ أبومنيار فله الشكر
| |
|
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: welyab)
|
Quote: العميان شايل المكسر من بني ماركس
في هذا البوست ..
مع قلة من احزاب شتات اخرى ... |
بالله شـوف الناس ديل يا ود الباوقة جاييت عملوا ليك مظاهرات في بوستك دا
و الغريب انو مولهم نفس الزول الثري
ياخي دا زول قروشوا كتيرة خالص يمول المتظاهرين في اقاصي الدنيا
يلا يا باوقة اديهم مسيل دموع خليهم يفرتقوا
| |
|
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: ود الباوقة)
|
Quote: ودعا نافع القطاع النسوي بالمؤتمر الوطني للخروج
من الفنادق والصالات المكيفة إلى أقاصي البلاد لتمليك
المواطنين التحديات السياسية التي تواجه البلاد بصورة أكثر تفصيلاً..........
-------------------------------------
كويس أنو يعترف بترف وراحة وغنج مترفات اللا وطني (من أين لهن هذا) ياللبؤس .... أها طلعن بالعربات المكيفة والكندشة يمشن وين ؟ يقولن شنو ؟ البسمع منهن منو ؟؟؟ قال تحديات .. حبوبة صلاح غريبة ناقشة التحديات دي من أكثر من عشرين سنة ....
يالله يا أخوات نسيبة أخوانكم في الحزب الشيطان كم وعشرين سنة شايلين الشيلة براهم شيء جربندية وشيء ذندية وشيء حنك عاضي ... الدور عليكن أنتن .. أتحزمن وأتلزمن ....
ود الباوقة تحياتي
الشفيع
| |
|
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: خالد عبد الله محمود)
|
يا جماعة والله أنا كنت أتمنى إنو واحد يتناول الجانب الكوميدي
من تصريحات مسؤولي حكومة المؤتمر الوثني ويجمعها..
وممكن يؤلف كتاب من هذه التصريحات تتخطفه الجماهير..
الناس ديل ربنا حباهم بخاصية عجيبة في التبرير والكذب
والمكابرة وسوء التعليل لخيباتهم وفشلهم..
ضحكت أمس في بوست واحد كوز مدروش قال فيما معناهو إنو هو ما ضد
الناس تطلع مظاهرات بسبب الغلاء لكنو ضد المظاهرات لإسقاط النظام..
طيب نظام جوّع الناس وأفقرهم ليه عاوزنو ما يسقط؟؟!!!
الناس ديل رغم قبحهم لكنهم مادة لذيذة للتسلية والضحك..
| |
|
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: خالد عبد الله محمود)
|
يكاد المريب ان يقول خذوني
بربار الماركسي اول واحد جاء ناطي هنا
يدعي التقشف والزهد والفلسة ويحسد الناس في ما اتاهم الله من فضله من عربات واراضي وعلم بعلم المنطق والكلام وكمان جايب له حرارة عين العربية يا الله ويامين جاءت راجعة
ايوة انت من مول هذه المظاهرات ومشيت ترميها في خالد العبيد المسكين لشنو هو خالد العبيد كان (امر قطاع) بالتقطع ايدياتك ديل المابعرفن من النضال غير طقطقة الكيبورد
لكن نحن في ونحن قاعدين وقروشك "الكتيرة" دي حتنفقها وتكون حسرات عليك في الدنيا والاخرة
شايف خالد عبد الله اتهم اساسى ومادام الشغلة فكت انا بتهم ود الباوقة ذاتو، هو الاتهام بقروش ولا بدورلو دليل
يسقط اثرياء الحزب الاحمر
غايتو انا ما عارف لكن كان عندي صاحبي شيوعي والله يومه اليكون مقرش تب قاعد يفطر والغداء والله انا متاكد مية المية انه بجليهو
| |
|
|
|
|
|
|
|
|
|
Re: نافع: أحد أثرياء الشيوعي موّل مظاهرات بري ......... (Re: حيدر حسن ميرغني)
|
| Quote: ما زالت كتائب الماركسية تتوافد على البوست |
يا ود الباوقة، كدي خليك من كتائب الماركسية، وتعال وريني.
بصفتي أحد مواطني بري، عايز أعرف، ممكن تسأل لينا عمّو نافع؟ ... الثري الشيوعي ده موّل المظاهرة كيف .... ودفع للناس ديل شنو؟
المسألة فيها إتهام لأهلي بإنهم نفسهم صغيرة ومرتشين .. عايز أعرف قبضوا شنوا (من ناحية تانية ما يعملوا لي مفلسين).
| |
|
|
|
|
|
|
| |
معاوية عبيد الصائم
فايزودالقاضي
محمد أبوالعزائم أبوالريش
Shiraz Abdelhai
Deng
نجلاء قرافي
Asma Abdel Halim
عمار محمد ادريس
زهير الزناتي
حيدر حسن ميرغني
Mudather Kunna
دينا خالد
Mohamad Shamseldin
Elbagir Osman
welyab
خالد عبد الله محمود
سناء عبد السيد
Nasruddin Al Basheer
محمد عمر الفكي
أحمد ابن عوف
Al-Shaygi
Nagat Sid Ahmed Elshiekh
محمد الامين احمد
جمال خضر
خدر
فيس بوك
تويتر
انستقرام
يوتيوب
بنتيريست