|
Re: الرقم الوطنى (Re: مزمل خيرى)
|
لا حولة ولا قوة إلا بالله من الرقم الوطني
اها مش أخر مرة هنا دا قلته ليكم طلعته مشيت البيت !!؟
طيب الحصل شنو ؟ لميت كل المطلوبات - شهادة الميلاد - بطاقة الشاهد - جنسيتى جوازي - ورقة فحص الدم - صورتين فتغرافيتين . و قمته دغش بدري و صلته السجل المدنى القريب لينا هنا دا زي ما كلمتكم المرة الفاتت انهم هم الاترددته عليهم كم مرة عشان اطلع منهم الرقم الوطني . اها انقروا الليلة قالوا شنو !!!؟ و حاة الله وصلته لقيت مكاتبهم قافله وخلق الله قاعده حارساهم قعدته حرسته معاهم بعد شوية جاء عسكري (صول) حته كرسي و مركب شخصية للواء لو سالتو ير عليك بطرف شلاليفو . العسكري شايل ورقة بتاعة حضور و قاعد قدام الباب الرئيسى للسجل المدنى و كل ما يجي موظف او عسكري بسجل زمن حضوره المهم انا قلته كدى اسالو للمرة الاخيرة عشان اتأكد انى جاهز موية ونور فسالتو و وريتو كل الحاجات الأنا وفرتها قلب عيونو وعاين لى وقال :- انت عايز تستخرج شنو ؟ قلت :- الرقم الوطنى . قال :- الرقم الوطنى دا هنا ما عندنا. انا :- نجوم كتييييرة و (هلالات) سغيييييرة لافه دائرة فوق رأسي قال :- الرقم الوطنى دا اقرب حته ليك من هنا بتاع الحارة 17 خليفة . انا:- ياخ انا لى كم يوم بجى هنا و بقولو لي ورقك ناقص جيب كدا وجيب كدا !! قال :- شوف يازول انا كلمتك عايز تضيع زمنك انتظر تاني و أسال براك انا :- نفس النجوم والهلالات ديك بس اكتر شوية . المهم قررته انتظر و اسأل موظف بدل العساكر ديل (اول مرة برضو كان عسكري) . اها المكاتب فتحت و دخلته سالته موظف الموظف قال :- الرقم الوطنى دا الا فى الحارة 17 . هاهاهاهاهاهاهاهاها و حاة الله جد . المهم مرقته و قررته انو يا انا يا الرقم الوطنى دا طوالى على الحارة 17 خليفة و انا مابعرفه المهم امشى واسأل لحدى ما وصلته السجل المدنى . هناك لقيت آمة لا اله الا الله كلها قاعده و مافى اي نظام . السجل المدنى بتاع ال17 دا تقريبا بقع في مساحة 1700 متر لكن من كترت الآمة بتشوفو 400 متر بس . فتشته رسبشن ما لقيت عسكري ما لقيت موظف ما عرفتهم وين بديت اسأل (الزملاء) المواطنين يا جماعة أنا عايز استخرج الرقم الوطنى اعمل شنو ؟ نطو سته يجاوبونى فى لحظة واحده . البيقول انت اول مرة تجى و البقول عندك استمارة و البقول وجاى هسى !! والبقول و جاى مرتاح المهم تريقه شديده اخر شى جاوبتهم ايوة انا اول مرة اجى هنا و جايب معاى كل المطلوبات قالو خلاص امشي للزول داك سجل اسمك في الكشف عشان تستلم استمارة مشيت للزول لقيت الناس منكبه فيهو للتسجيل . الزول البسجل ما بعرف يكتب نهائي قسماً بالله في زول قدامى قال اسمو قسم الله اها الزول البسجل سجلو كدا دا :- قصل الله الزول اعترض و قعد يملي فيهو حرف حرف برضو لما صلحو صلحو :- قسل الله الزول تانى اعترض قال ليهو :- يازول امشي بعدين بعرفه ... المهم سجلته اسمي طبعا بعد مليتو ليهو حرف حرف . بعد داك انتظرته مع خلق الله نستلم الاستمارة الانتظار طال و العدد كتر شديد و بدت النقه المهم جانا نقيب و قف خطب فينا :- يا جماعة انتو ناس الاستمارت الجديدة صح ؟ قلنا :- ايوة صاح . قال :- عوجة مافي اقعدوا هنا و ساعدونا بالصبر . أيوة و الله قال الصبر و اصلى ما بهتو ولا حاجة . المهم صبرنا . اخر شي جاء نفس النقيب شايل الاستمارات ونادى مواطن قال :- الزول دا مواطن منكم وفيكم هو حينده الاسامى و الزول لما يسمع اسمو يجيب جنسيتو وانا بشوفه وبسلمو استمارة و يمشي يجينا يوم السبت يكمل الأجراءات النهائية . المهم فعلاً دا الحصل و أنا استلمته الأستمارة و ح ارجع يوم السبت .
اها يا مزمل أنت استلمته الإستمارة !!!!؟
لو ما استلمته استعين بالصبر .
|
|
|
|
|
|
|
العنوان |
الكاتب |
Date |
الرقم الوطنى | مزمل خيرى | 09-20-11, 11:50 AM |
Re: الرقم الوطنى | ود الخليفه | 09-20-11, 11:58 AM |
Re: الرقم الوطنى | سفيان بشير نابرى | 09-20-11, 12:16 PM |
Re: الرقم الوطنى | مزمل خيرى | 09-20-11, 03:23 PM |
Re: الرقم الوطنى | امير عبدالدائم | 09-20-11, 12:18 PM |
Re: الرقم الوطنى | SHIBKA | 09-20-11, 12:29 PM |
Re: الرقم الوطنى | مزمل خيرى | 09-20-11, 03:31 PM |
Re: الرقم الوطنى | مزمل خيرى | 09-20-11, 03:26 PM |
Re: الرقم الوطنى | مزمل خيرى | 09-20-11, 03:16 PM |
Re: الرقم الوطنى | nazar hussien | 09-20-11, 03:31 PM |
Re: الرقم الوطنى | ناصر المحسى | 09-20-11, 03:51 PM |
Re: الرقم الوطنى | مزمل خيرى | 09-20-11, 03:56 PM |
Re: الرقم الوطنى | Ahmed musa | 09-20-11, 04:45 PM |
Re: الرقم الوطنى | مزمل خيرى | 09-22-11, 03:37 PM |
Re: الرقم الوطنى | بله محمد الفاضل | 09-20-11, 03:39 PM |
Re: الرقم الوطنى | Ahmed musa | 09-20-11, 04:36 PM |
Re: الرقم الوطنى | Magdi Ahmed Elsheikh | 09-20-11, 04:38 PM |
Re: الرقم الوطنى | سفيان بشير نابرى | 09-20-11, 04:52 PM |
Re: الرقم الوطنى | مزمل خيرى | 09-22-11, 01:59 PM |
Re: الرقم الوطنى | محمد طه الحبر | 09-20-11, 04:53 PM |
Re: الرقم الوطنى | Ahmed musa | 09-20-11, 04:56 PM |
Re: الرقم الوطنى | SHIBKA | 09-21-11, 08:15 AM |
Re: الرقم الوطنى | Dalal Ezzaldin | 09-21-11, 08:35 AM |
Re: الرقم الوطنى | حبيب نورة | 09-21-11, 08:55 AM |
Re: الرقم الوطنى | SHIBKA | 09-21-11, 09:36 AM |
Re: الرقم الوطنى | ود الخليفه | 09-21-11, 09:44 AM |
Re: الرقم الوطنى | انور التكينة | 09-21-11, 10:08 AM |
Re: الرقم الوطنى | قلقو | 09-21-11, 01:13 PM |
Re: الرقم الوطنى | Yasir Aloob | 09-21-11, 03:45 PM |
Re: الرقم الوطنى | مزمل خيرى | 09-22-11, 02:49 PM |
Re: الرقم الوطنى | أمجد الزين | 09-22-11, 04:17 PM |
Re: الرقم الوطنى | مزمل خيرى | 09-22-11, 03:43 PM |
Re: الرقم الوطنى | مزمل خيرى | 09-22-11, 01:31 PM |
Re: الرقم الوطنى | مزمل خيرى | 09-22-11, 03:34 PM |
Re: الرقم الوطنى | مزمل خيرى | 09-22-11, 02:12 PM |
Re: الرقم الوطنى | مزمل خيرى | 09-22-11, 03:09 PM |
Re: الرقم الوطنى | سفيان بشير نابرى | 09-22-11, 04:03 PM |
Re: الرقم الوطنى | أمجد الزين | 09-22-11, 04:23 PM |
Re: الرقم الوطنى | مزمل خيرى | 09-23-11, 12:16 PM |
Re: الرقم الوطنى | Dr.Elsadig Abdalla | 09-23-11, 12:26 PM |
Re: الرقم الوطنى | بخاري عثمان الامين | 09-23-11, 12:53 PM |
Re: الرقم الوطنى | مزمل خيرى | 09-25-11, 10:53 AM |
Re: الرقم الوطنى | مزمل خيرى | 09-24-11, 02:01 PM |
Re: الرقم الوطنى | Abdulrahman Gorashi | 09-25-11, 11:38 AM |
Re: الرقم الوطنى | بخاري عثمان الامين | 09-25-11, 01:37 PM |
|
|
|