|
|
 Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
Quote: وقال لي في النهاية : انت يا بخاري زول ( ديك ) يعني لو رفعت الطرحة وكسبت
زمنك موش كان أفضل لك ؟ رديت عليه : معركتي ليست الطرحة معركتي اكبر انا
انشد وطن ( علماني ) .. لا تتحكم فيه بتأويلات تخصك للدين وتسلطها علي رقاب
العباد .. |
نوع الحكاوي العملية دي والبونية والشلوت للامنجي والبوليس المعتوه هي التطبيق
الحقيقي لدروس العلمانية وليس التنظير وحده
المبادرات الفردية بالتصدي العملي للهوس يمكن ان تضع حدا له ، ولكن للاسف المبادرات
دي شبه معدومة في واقع شعب اصبح كالحمل وواقعه كالسكين
| |
 
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: صديق الموج)
|
بخارى ونجلاء !!!
لوووووووووووب قصة رهيييبة
اقرا واقرا واقرا واكلفت وافطفط فى البوست
متتتتين اصل حتة الجلد ..
تقوموا تمقلبونا كدا وتطلع عندكم فاتورة ؟
اجدع ناس ,, عرسان ذى الورد
ليلة شرف ستبقى فى ذاكرتنا اكتر منكم ..
ـــــــــــــ
فنان يا بخارى فى الحكى .. هجمتك على الفول
دى كوم والحصل دا كوم تانى ..
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
Quote: والجوع ذو علاقة بالحدث الثاني فاثناء التفاوض وصل عدد واحد موتر والعسكري
الجالس خلف قائد الموتر شايل صحن فول مظبط وعيش حار .. اول ما خت صحن الفول
طوالي اتناولت عيشتين وبسرعة حشيت سندوتشين |
بخاري
واحد موتر دي على وزن واحد فول ..شكلك وانت بتكتب جيعان والفول المظبط داك
في بالك .. الله يستر ما يكون ثمنة من محصلة تفاوض مع اخرين قبلوا المساومة
مقهورين وآثروا السترة والسلامة..
احر التحايا لك والاخت نجلاء سيد احمد.
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: حسن محمود)
|
Quote: بخاري
واحد موتر دي على وزن واحد فول ..شكلك وانت بتكتب جيعان والفول المظبط داك
في بالك .. الله يستر ما يكون ثمنة من محصلة تفاوض مع اخرين قبلوا المساومة
مقهورين وآثروا السترة والسلامة..
احر التحايا لك والاخت نجلاء سيد احمد. |
حسن والله بكتب وجعان فعلا ..
اي حاجة واردة والمساومات كانت عادية جدا ..
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: محمد عبد الماجد الصايم)
|
Quote: غايتو يا بخاري .. جهجهت قريبتنا دي جهجة السنين!
يغلبوكم في الكورة تقوم توديها القِسِم!
هسي لو ركبتو رقشة مش كان الموضوع انتهى!
_
تحياتي ياخ ومشتاقين ليكم الاتنين! |
يا عمك
ركشة انا بتكلم لك عن تاريخ قديم ما كان في ركشات
ولو في ما كان في ليها قروش ذاتو ...
ومشيت القسم والله هي الجابتها قالت لا ما بترفع الطرحة
وانا ما النوع البقهر النساء عشان اقول لها ارفعي الطرحة
لانه ذلك النفر من بوليس السودان يري ان تسير المرأة في الشارع
وشعرها مغطي بالطرحة ...
مرة كنت قافلة معاي الف ونجلاء جاتني في باب الشرقي وفي بتاع حرس
اسمه أحمد قال ليها ما بتخشي الجامعة لانه ( الاسكيرت ) بتاعك قصير ..
انا جيت اتشبكته فيه من زاوية مختلفة جدا انه بعاين لزوجتي .. قال هو
ما عاين ليها ، وطيب عرفت انه الاسكيرت بتاعها قصير كيف ؟ عموما بعد الضرب
والعراك نجلاء دخلت الجامعة ولاحقاً لاحظت ان البنات بقت تتم مراقبة الزي بتاعهم
بي ( حرسات ) وعندهم دباسة وابرة وخيط اذا الاسكريت خطوة بعملوا ليها عملية جراحية
سريعة وبتحول لي شوال ...
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
صراحة العاوز يرمي حبوب الضغط والسكري والاسبرين ويتعالج علاج طبيعي يدخل العيادة دي
يعني تضحك لمن تقول الرووووووووووووب
سخرية لاذعة
بس سخرية فيها علاج للكثير من أمراض التخلف والجهل
ياريت يكون عندنا ثقافة قانونية ونكون بهذا الفهم العالي للحياة وناخذ حقنا
ياخ والله كونك تاخذ صحن الفول من البوليس
زي الأخذت ليك 500 دولار من فك تمساح
قبل فترة اقربائي جاهم حرامي ظريف
اصلو متخصص بيسرق بقر
دخل الحوش وتاريهم الجماعة باعوهم قبلها بيومين
ساعة مالقى بقر دخل البيت
اها قعد يفتش في الدولاب
قريبنا صحى من النوم ومسكو
الحرامي قال ليهو والله انا جيعان !!!
لكن جيعان يا اللخو ماكان تمشي المطبخ البجيبك الدولاب شنو
شوف طيبة هؤلاء الناس
المرة صحت وساقو صاحبنا الديوان
وكمان شوف العوارة فرشوا ليهو الملايات
وعملو شعيرية نص الليل ومعاها كوب حليب
وحلفوا الا ينوم الصباح ويشرب الشاي 00 وفعلاً كلو حصل
بعد فترة قريبنا اشترى ليهو بقرتين وسرقوهم
تصدق الحرامي رجعهم ليهو من الجماعة السرقوهم
اها لازم ترجع ليك صحن فول للشباب ديل
تلقاهم مغتاظين غيظ شديد
قال آية الطرحة قال !!!
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: بخاري عثمان الامين)
|
| Quote: مزمل زمان كنا بحتاج ليها بس هسه بنكون شايلين معانا انتاجنا عديل |
العزاز بخارى ونجلاء، الله يخلى ليكم اولادكم ويحفظكم ليهم
بالله خلى معاك صورة من القسيمة وما تعتمد على الانتاج مع متلقين الحجج ديل ،الله يصرفهم!
حصل قبل مدة قريبة البوليس أوقف زوج ( سودانى) وزوجته ( أجنبية) بموجب قانون النظام العام ، رغم وجود طفلهم المريض معهم فى العربة ،وكانوا مودونه الدكتور على ماأظن!!!!!!!!!!!!!!
لا يحصل الا فى سودان الانقاذ!!!!!!!!!!!!
تحياتى
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: مهيرة)
|
Quote: بالله خلى معاك صورة من القسيمة وما تعتمد على الانتاج مع متلقين الحجج ديل ،الله يصرفهم!
|
مهيرة .. تعالي نختلف شوية ، معقولة اكون عايز
طوالي اثبت اننا زوجان .. طيب لو معاي مثلا بت خالتي
أو بت الجيران بكون برضو محتاج ابرر العلاقة ، حصل شفتي
زول خدش الحياء العام في الشارع .. انا بفتكر اننا غير
النضال ضد حراس النوايا ديل ما عندنا اي سكة تانية ومعا
من أجل اسقاط اي قانون يمتهن كرامة المواطن ...
| |
|
|
|
|
|
|
|
|
|
Re: الليلة التي قضيتها مع نجلاء سيد أحمد محبوسين بالنظام العام (Re: مهيرة)
|
| Quote: وعشان كدة انت ونجلاء مستهدفين من العصابة الحاكمة والتى تشرع وتنفذ وتجتهد فى امتهان كرامة المواطن |
مهيرة يا غالية هولاء استهدفوا كل الشعب الا من كان معهم ...
استهدفوا حتي التاريخ وحاولوا عبر المشروع المسمي حضاري
تغيير طريقتنا في العيش ولكن هيهات سينقلب السحر حتما علي الساحر
دمتي
| |
|
|
|
|
|
|
| |
عبداللطيف حسن علي
دينا خالد
مزمل خيرى
بخاري عثمان الامين
منتصرمحمد زكى
أيمن التوم حسن
حسن محمود
د.محمد بابكر
نبيل عبد الرحيم
Yassir Tayfour
معاوية عبيد الصائم
محمد عبد الماجد الصايم
أحمد الصديق
معتصم دفع الله
ابوحراز
Asim Fageary
مهيرة
ود العجمى
فيس بوك
تويتر
انستقرام
يوتيوب
بنتيريست