لمن كنت بوليس نظام عام ...........

Quote: ربما أنا الذي اجرمت في حق نفسي وحق الشرطة وحق المواطنين يوم قررت الرحيل

Quote: جانبو.. عمر .. سلامات .. شنو الحكاية يا أخينا .. مرة أحالوك الصالح العام .. ومرة رفدوك ..وأخيراً أنت قررت الرحيل ..كدة أرسي لينا علي بر ..

Quote: أخي عمر السلام عليكم... شايفك بتتساءل عن حلقة مفقودة في تطبيق القانون وترفع المسئولية عن الضباط ليتم إلقاء اللوم بصورة تدريجية على العساكر... طيب السؤال هو: من أين يأتي العساكر وهل يتصرف العساكر بمعزل عن تعليمات الضباط...أو تنفيذ القوانين؟

Quote: والله ياجنابو ضحكت لمن اخوى قال لى انت جنيت ولا شنو ... جعل الله ياخى ايامك كلها مرح وضحك وعارف الحبش ديل احلى ناس لانهم بقضوا حياتهم بابسط الاشياء .

Quote: وحتي لا يرسخ في ذهن اجيال صغيرة ان عمل هذه الاجهزة هو في مثل هذا القبح فقط يستحسن فرد مساحات لكل حميد وجميل للشرطة في الامس وسرد "عمر" لقصته بعض من ذلك .

Quote: جنابو عمر .. سلام، مواقف مشرقة .. تنم عن وعي وإدراك ثاقبين يحصنهما ضمير متقد .. أهنئك .... متعك الله بالصحة والعافية

Quote: طارق جبريل ... مش ده رايك فى صاحبك استعد و ماتقول التلفونات مجانية

عالم فتانة ياخ

Quote: واخيراً صدر القرار بحل الادارة وتوزيع الضباط والافراد على ادارات (مكافحة المخدرات أو المباحث المركزية أو الشرطة الأمنية

Quote: ياسعادتو بعد ماالأدارة غارت فى ستين الف دهية, الجابا راجعا شنو؟

Quote: عندي مداخلة (ثرّة ) إختفت في ظروف غامضة من بوستيك ده !

Quote: سرد ممتع يا سعاتك ياريت كل المسؤلين بهذا الفهم لكان هناك وطن آخر متابعة

Quote: سالته ياخي انت عملت كده ليه ........... قال لي والله ياجنابو عشان عندنا عيد ...........

Quote: ياريت لي قدام الحال ينصلح و يستعيد الشعب ثقته في الشرطة وفعلا تكون في خدمته

Quote: العزيز المحترم / عمر عثمان كنت قد كتبت لك مداخلة طوييلةوقمت بإرسالها ثم لم اجدها رغم أنه للحظة طالعت إسمي تحت آخر مداخلة المهم ...مابقدر أكتبها تاني أضرب لي لما تكون فاضي أقولها ليك شكرا على البوست القيم

Quote: مشكلتهم ما عندهم باسويرد في منبر بكري .....

Quote: لكن الوصية بالمهلة : البوليس ده ما كل كعب ما تتحيز ضدو شديد كده

Quote: وهذا لا ينفى إنو في ناس زيكم كده يخافون الله ولكنهم قلة وقد لا يستطيعون تغيير كل شي لأن واقع الحال بيفرض عليهم كده ..

Quote: جنابو عمر بوست ممتع ومتوافق مع الاحدث المعلومة ياخي بجانب ملكة الحكي الممتع عندك المعروفة لدي لكن الكتابة برضه تمام لانه تابعت ليك بوست اخر .....ما بتاع المريخ في انتظار المزيد التحية لك وللاسرة

شكرا لمرورك وما تنقطع من المنبر .........

سلامي للاهل والاسرة بالخرطوم وبره .........

Quote: مرات كثيرة بقول انو مشكلة السودان ادارية اكتر منها سياسية ..

Quote: طيب ما تشوفي ليهو واحد يا سارة

Quote: علمونا ان نحب البوليس ونخلص له وان ننحاز للمواطن وان لانفعل الا ما نراهو صحيحاً ......... علمونا ان نكون شجعاناً في الحق لا نخشي غضبة مسئول او نتقرب اليه زلفي ........

(عدل بواسطة عبده عوض on 08-05-2010, 05:37 AM)
(عدل بواسطة عبده عوض on 08-05-2010, 05:54 AM)

Quote: كغيري .. والكثيرين من الزملاء ممن جمعتنا الأيام في رحاب هذه المهنة النبيلة .. وحتى في أحلك الظروف وأصعب المواقف .. ستظل أحد العلامات البارزة ونموذج مثالي لضابط الشرطة الذي نعرفه .. ونتمناه في أيامنا هذه ... أهنيك على مجهودك الواضح ونجاحك في عكس الوجه المشرق والحسن للشرطة والدفاع عنها وحمل همومها حتى وأنت مبتعد عنها.. رغم ما يشوب أدائها حالياً من أخطاء غير قانونية فادحة وتصرفات غير مسئولة ترتكب في حق المواطنين من بعض منتسبيها .. أملي معك .. ودعواتي الصادقة بأن ينصلح حال الشرطة ويجود عملها وتؤدي رسالتها على الوجه الأكمل .. سنظل نفخر بك دائماً .. ولو كان الأمر بيدي .. لمنحتك شرف الإنضمام إلى قائمة ( ضابط شرطة موسوعة ) .. والقائمة دي إنت عارفها وعارف عظمتها وعظمة رجالها وقدرهم في نفوس وأوساط الزملاء .. وإنت بتستحقها وماكتيرة عليك .. لك كل ودي .. وتحياتي لكرودي وبقية الشلة ...

Quote: الاخ عمر عثمان تحياتى لك ولامثالك من ضباط الشرطة سعدت بالتعرف اليك يوم دعوتكم لنا ومعك نفر كريم من بورداب الخرطوم انا والاخ اساسى بامواج الاسبوع الماضى ابان زيارتنا القصيرة للخرطوم حقيقة لك تجربة متفردة ومميزة خلال فترة عملك فى سلك الشرطة وكلنا امل ان يتحلى كل من بيده سلطة بمثل اخلاقك وقيمك وياريت ياعمر ان تسهم من خلال كتاباتك ان كانت هنا او من خلال عمود فى الصحف او اى من وسائل اعلام القوات النظامية ان تسهم فى رسم صورة نموذجية لضباط او افراد القوات النظامية وفى هذه الحالة سيكون لك دور هام تماما كما كنت فى الخدمة

Quote: لكن سؤال: الا تذكر تصرف قمت به احسست بعده انك اخطأت وعاتبت روحك؟؟ مع تحياتي

Quote: تحياتي وسلامي جنابو عمر لقد قرأت هذا البوست الماتع برؤية مختلفة في ظني أنه ليس ( مجرد ) قصص تحكيها لنا نحن أعضاء وزوار سودانيزأونلاين للمتعة العابرة إنما هى دروس تقدمها لهذا الجيل من منتسبي الشرطة الذين ( خجلوكم والله ) كما أشار أخي الأصغر سعادتو أسامة الكرور دروس تقدمون لهم فيها ( نهجاً ) لكيفية التعامل الحضاري الإنساني مع المخالفات ونهج فيه دروس عن كيفية حفظ الأمن مع عدم ( إذلال ) الشخص المخالف أو تعريض مستقبله أومستقبل أسرته للخطر وللفضيحة . هو نهج حصيف بالغ الدلالة تعودنا عليه في رحاب أسيادنا المتصوفة الذين ( غالباً ) ما يسوقون ملاحظاتهم وتوجيهاتهم لتلاميذهم في شكل قصص من ( نوادر ) الصالحين . فيعرف ( صاحب الشأن ) خطأه ويبادر بتصحيحه . لك التحايا أياً كان مقصدك ففي كل الأحوال قد وصلت رسالتك لمن تعنيهم __________________ أنت وصحبك أسامة الكرور ، الطيب عثمان ، محمد التلب ........ خسارة كبيرة للوطن الذي فقد بنيه المؤهلين في المواقع المناسبة لهم قبل أن تكونوا خسارة للشرطة

Quote: فترة قصيرة قضيتها ضابط بدار الشرطة ببري .... في احدي ايام مناوبتي في الدار حوالي الساعة 7 م وفي مروري على ارجاء الدار وصلت البوابة الرئيسية وجدت فرد امن الشرطة الموجود في الباب يستوقف احد الضباط في شنو ياجماعة والله ياجنابو الضابط ده معاهو ضيوف بنات حاسرات الرأس ... يا اخوي حاسرات الرأس دي شنو مالم يعني .... ما لبسين طرح ياجنابو وانا التعليمات العندي بت ما لابسة طرحة ما تخش النادي اسمع والله انا تعليماتك دي ما عندي معاها شغلة وانا الضابط المسئول هنا يعني انا في اللحظة دي مدير عام الشرطة في النادي اتفضل ياجنابو ومعاك ضيوفك على الرحب والسعة ومعليش للعطلة دي ولفرد الامن ما عندك مشكلة اكتب في تقريرك انك منعته الجماعة ديل وجنابو عمر امر بدخولم

Quote: اتمني ان تصل رسالتي اول ماتصل الى بني جلدتي ضباط البوليس ...... عليهم السيطرة على تصرفات الضباط حديثي العهد بالخدمة وكبح جماح اندفاعهم وسوء تقديرهم للامور بسبب قلة الخبرة في كثير من الاحيان ....

(عدل بواسطة عبده عوض on 08-05-2010, 08:52 AM)

Quote: تاني حاجة نحن ياسعادتك العلمنا الكركبة دي منو غيرك انت وناس الطيب عثمان يوسف والمرحوم طارق ..... ما شفناكم قاعدين تخافوا ولا شفناكم قاعدين تستغلوا سلطتكم شفناكم قاعدين تمشوا في قضاء حوائج الناس وحلحة المشاكل ... ونحن ياسعادتك ختنا في ملحق تلك القائمة ..... ياخي القائمة الاساسية فيها ناس نحن اقل قامة من ان نوضع معهم في قائمة واحدة ...... حليل البوليس ياعبده ...........

Quote: وعلى المواطن ان يساعدهم متى ما كان على حق عليه ان لايستكين وان يشتكي ويتابع شكواه وسيجد من ينصفه ........ حينها يخاف هولاء المتجاوزون لحدود سلطاتهم ...... في هذا المنبر سردت قصة احد الاشخاص اشتكي فرد او فردين من الشرطة وحوكموا بالفصل من القوة

صباح الخير يا عمر ..
كلامنا دا كله لأجل أن تكون الشرطة صديق للشعب وفي خدمتهم لا في تخويفهم ..
في كل البلدان تكون هنالك توعية في أجهزة الاعلام لدور المواطن ومساعدة رجال الشرطة والقانون والعكس صحيح لكن عندنا مافي حاجات زي دي ..
شفت حسرتك في كلامك للأخ عبده ( حليل البوليس يا عبده ...... ) ..
ناس زيكم يا عمر قد تكون إضطرتهم ظروف الخدمة لتركها ولكن حسرة المواطن لأمثالكم لا تعوض ..
المواطن تكفيه الحوجة وغلاء المعيشة والأمراض التي تفتك به ورسوم الدراسة ولا حوجة لأن يفتك به القانون ورجال القانون ..

Quote: النظام العام سيجد له الناس حلاً في يوما ما ... البحل مشكلة المريخ شنو

ربع مشكلتكم كانت في جمال الوالي وخلاص الوالي شتت ..
التلاتة أرباع الباقية دي في حضرة الصحفي المشجع مزمل أبوالقاسم شوفوا ليهو حل

واصل يا عمر في سرد هذه الحقائق ويا ريت لو دونتها في كتيب وطبعته ليعرف الناس ويعوا ..

لك المحبة والسلام ..

Quote: يا جنابو انا غايتو عايز خروف زي بتاع ياسر طيفور الفوق داك ولا بخلي وزارة الدخلية تعمل ليك غلاغل في البيت تجوا وتعرسوا بناتنا من حلتنا وندق في الصيوانات وكمان ما تجيبوا لينا خروف

Quote: ربما أنا الذي اجرمت في حق نفسي وحق الشرطة وحق المواطنين يوم قررت الرحيل ؟!

Quote: يا جنابو عمر عثمان فطيتني مالك مداخلتي ما عجبتك ولا شنو أنا جني وجن الكلام دا...!!!!

صاحبك صلاح ده طبعاً كان في القائمة السوداء الممنوعة من دخول الاستاد ..... اتاريكم كلكم كده

بمناسبة الموردة امبارح اول يوم اشوف ولدكم (هنو) مع المريخ ........ لعاب ومكسب كبير .... اول مرة تعملوا حاجة كويسة للمريخ ......

Quote: QUOTE]أخي جنابو عمر عثمان سلامات وطابت أوقاتك أولاً تحياتك وصلت لي صلاح دسوقي الفي الحسبة جد زوجتك لأنه خال أمها موش كدة حسب ما فسر لي صلاح وقال أنه ناس عادل ومزمل ومعتصم خيلانها مظبوط كدة وتحياتي لحرمكم المصون الجدها صلاح دسوقي بمزاج عالي اتابع ما تكتب رغم أنه .. شوية ... شوية يعني ما شي بالتقسيمة لكن ... البوليص فقد شخصية عظيمة كان يمكن أن تكون وبما لها من طموح ورغبة في العمل بالبحث الجنائي بالذات شرلوك هولمز السوداني تحياتي ومتابعين

شكرا ليك ياخالد على كلماتك الطيبة كطيبة اهل الموردة وحميميتهم ......

Quote: الشقيق عمر النفاي شغلتنا من المظاهرة بحكاويك الماتعة والمفيدة دي، ثكلتك الشرطة بكل تصانيفها ومسمياتها.. ____ الكمندانة سارة كرودي الزول ده كلمك بموضوع الخروف؟

Quote: هاك دى يا عمر عشان ما تزعل . سيدة فى مقتبل العمر على درجةعالية من الجمال والاناقة حضرت لمكتب رجل صديق يعمل مدير لاحدى الشركات الناجحة تعرفنا عليه عن طريق قريبه زميلنا الذى كان يحمل رتبة المقدم , وقد طلبت تلك السيدة مقابلته , وبعد دخولها لمكتبه أجلسها على كرسى مقابل له وسألها عن ما يمكن ان يقدمه لها من خدمة وقفت المرأة كما حدثنا وخلعت ثوبها وقذفت به على الأرض وخاطبته بلغة حاسمة , ان لم تدفع لى مبلغ كذا سوف أمزق فستانى واصيح ألم عليك الناس وأقول ليهم انك عايز تغتصبى , افادنا الرجل وكان حتى وصوله لنا يعانى من حالة هلع بادية على محياه , بأنه قام بفتح درج مكتبه وسلمها كل محتوياته وطلب منها المغادرة , وقد أفادته بأنها سوف تحضر غدا لاستلام باقى المبلغ , طلبنا منه فتح بلاغ بالواقعة وان احدنا سوف يذهب معه للقسم الشمالى لذلك الغرض , رفض الرجل فكرة البلاغ وكان يرتعد ويقول أنا فى الدنيا دى ما بكره الا الشرطة ومكتب البلاغات والمحاكم , وانا ممكن اخلى الشغل ده عديل لكن ما ممكن افتح بلاغ فى واقعة زى دى وكان جاد فى حديثه , ضحكنا كثيرا من الصديق الذى يعلن كراهيته لنا ويطلب خدمتنا وأكيد الرجل كان خارج الشبكة من حالة الخوف التى اعترته , داعبه زميلنا المقدم قائلا خ...ل ما عامل فيها جعلى , أجابه أسمع دى ما فيها جعلية دى سمعة كعبة , سأله زميلنا قائلا طيب انت بتعتقد الحل شنو ونحن بنساعدك , قال انا بمشى المكتب عند الثامنة صباحا , وقبل ما أمشى المكتب بجى اسوق واحد منكم يمشى يقعد معاى فى المكتب لحدى ما تجى ال....طة دى وبعدين تتصرفوا معاها , أخبره اخونا المقدم قريبه بالآتى : عليك الذهاب الى مكتبك الصباح عادى وفى مواعيدك وعندما تحضر صاحبتك دى افيدها بأنك ارسلت موظف للبنك لاحضار مبلغ مالى , وأنك سوف تتصل عليه فى مكتبه لمعرفة ما اذا كان قد وصل ام لا , وأتصل علينا وأسالنا هل احضرنا المبلغ ام لا وسنعرف حينها أن ال.....طة بتاعتك دى وصلت وحيجيك واحدمننا لحل هذا الاشكال , عند العاشرة من صباح اليوم التالى اتصل أخونا المدير الخواف وعلمنا ان الهدف معه بالمكتب , تحركت انا ومعى زميل مسخوت من منسوبى الدفعة 50 , وعند دخولنا لمكتب صديقنا المدير وجدنا تلك السيدة جالسة وفى انتظار نصيبها من القنزب , والله يا عمر الزولة دى وكت شافتنا , اى لون فى الدنيا يخطر على بالك انطبع على وشها , وعندما قلنا السلام عليكم الزولة دى ردت السلام بطريقة تجبرك على الضحك ووقفت طولها وأخذت تردد اها يا اخوانا كراعكم ما حارة لكن انا مستعجلة , رد عليها زميلى المسخوت كراعنا حارة ساكت كراعنا مكوة بس ,, يا زولة تمشى وين نحن جايين عشانك انتى ,, سجمى عشانى أنا عملت شنو ,, عملتى شنو بقيتى تجى تقلعى قروش الناس من مكاتبهم وتقولى عملت شنو , اخذناها الى مكتبنا وعند وصولنا لبوابة المباحث قرات اليافطة واخذت تصيح سجمى المباحث يا اخوانى اكتلونى بس ما تدخلونى هنا تعرف يا عمر أسوا شئ تشوف انسان فى حالة جزع حقيقى , بدأت فى تهدئتها , أفدتها بأننا سنعرضها على ضابط اعلى منا رتبة ومن المؤكد سيحل لها هذا الاشكال الذى ادخلت نفسها فيه ان هى اعترفت بخطأها ووعدت بعدم تكراره أخذناها لذلك الرجل الرحيم , وقد خاطبته بهوى يا ود امى انا غلطانة وسافة التراب يشهد الله اغرورقت عيون الرجل خصوصا بعدما علم انها أرملة وزوجها قد قضى نحبه فى حادث حركة وانها أم لعدد من الاطفال وان والد زوجها قد ضايقهم فى الورثة وانها قطعت تعليمها من المرحلة المتوسطة لتتزوج , اصبنا بحالة من الوجوم وهى تحكى عن معاناتها و بعد ان فرغت من حديثها , تحدث معها ذلك الزميل مبينا لها خطورة ما قامت به وان القانون رادع جدا فى مثل هذه الحالات , وانها تستطيع ان تعمل حتى فى البيوت بدلا من ارتكابها لجريمة ستقودها للسجن لا محالة وستحرمها من اطفالها وسوف تسئ لنفسها ولاطفالها ولأسرتها بذلك التصرف , ابدت ندمها الشديد واسفها لما حدث , اخلينا سبيلها بعد ان قام سعادة المقدم بتدوين اسمها وعنوانها وافادها بأنها ستكون تحت المراقبة . بعد فترة ذهبنا انا وزميلى المسخوت لمكتب صديقنا المدير وقلنا له والله ما تجيب لينا فطور من البربرى ككرامة نقطع هدومنا ونكورك نلم فيك الناس , ضحك الرجل حتى سالت دموعه .

Quote: متااااابعه .. بكل ادب وخشوع .. سرد .. يعنى لى محاضرات ودروس يسهل الاستفاده منها .. إنحنى اليك إجلالا ... وارفع القبعه وآآطي رأسي أحتراما لشخصكم ..

Quote: العزيز عمر تحياتى وتقديرى بوست ذكى يا عمر وجاء فى وقته تماما , ليعلم زملاء المنبر ومن يطلعون عليه أين كانت الشرطة وأين اصبحت الآن بفعل التسيس الذى حط تماما من مهنية الشرطة , وليعلم من يهينون الشرطة ويوظفونها لغير اغراضها لاى درك يقودونها , عشرات البوستات تتناول سيرة الشرطة التى أصبحت بعبع يخيف الناس ويهينهم ويدوس على كرامتهم , هذا الوضع لا يجوز ان يستمر والشرطة ليست ملك للنظام القائم ولا آداء من ادواته , الشرطة هى ملك لأبناء السودان الذين يدفعون مرتبات منسوبيها ولا يجوز ان تكون عبء ثقيل عليهم , نريدها شرطة محايدة منضبطة تكون سند وعضد حقيقى لهذا الشعب , تبسط الأمن وتقدم خدماتها لكل محتاج دون من او أذى , معليش يا عمر ان كان حديثى يتسم ببعض الخشونة التى أدرى أنك لا تحبذها لطبعك الهادى الكريم لكنى قطعا اعمد اليها لتوصيل رسالة للذين يعتقدون ان الشرطة ملك خاص توظف حسب أهواءهم , وعليهم ان يدروا ان الشرطة عمرها مائة عام من البذل والعطاء , وكان لها دور حاسم فى كل القضايا الوطنية الكبرى وليس من حق كائن من كان أن يتبول على تاريخها كما يحدث الآن , نحن معاشيون نعم , لكن لنا نصيبنا واساهمنا فى مسيرة الشرطة ولن نقبل ما يحدث الآن باسمها .

Quote: صباح الخير يا عمر .. كلامنا دا كله لأجل أن تكون الشرطة صديق للشعب وفي خدمتهم لا في تخويفهم ..

Quote: ربع مشكلتكم كانت في جمال الوالي وخلاص الوالي شتت .. التلاتة أرباع الباقية دي في حضرة الصحفي المشجع مزمل أبوالقاسم شوفوا ليهو حل

بعد ما اغترب في ابوظبي جانا راجع تاني ... شوفوا ليهو عقد عمل معاكم في السعودية ................

Quote: جنابو عمر سلامي، وجمعة مباركة سرد مفيد وممتعع ومنظم تحياتي