|
|
|
 Re: المستفاد من قضية لبنى ( تكوين مكتب متخصص لالغا المادة 152 برئاستها ) (Re: وليد محمد المبارك)
|
ود المبارك كيفك
شايفك تعتل في البوست ده كلما حتل ترفعه
الموضوع ده يا صاحبي اتنسى زمااااان
الناس قلبت الصفحة
هل كنت تظن إنو الهوجة الحصلت والتركيز الاعلامي والقنوات كان الغرض منو إنصاف لبنى أو حتى إنصاف المرأة السودانية؟
يا صاحبي الغرض كان تشويه صورة السودان وقد حصل
الغرض كان عرض السودان بصورة مشابهة لطالبان
للأسف بعض أطراف المعارضة أصبحت لا تميز بين معارضة الإنقاذ ومعارضة السودان
بعدين لو أمكن نزل لينا المادة 132 العايز تلغيها دي
هل أفهم من بوستك ده إنك بتطلب إنو ما يكون في أي نظام والناس تلبس وتعمل أي شيء؟
ياخي باريس فيها قانون يمنع اللبس الفاضح
أها ما قصرنا معاك وساعدناك في عتالة البوست
تحياتي
سؤال: برئاستها انت قاصد برئاسة منو؟
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
كت بتكتب كويس
| |
 
|
|
|
|
|
|
|
|
Re: المستفاد من قضية لبنى ( تكوين مكتب متخصص لالغا المادة 152 برئاستها ) (Re: الشفيع وراق عبد الرحمن)
|
مرحب الشفيع
| Quote: هل أفهم من بوستك ده إنك بتطلب إنو ما يكون في أي نظام والناس تلبس وتعمل أي شيء؟ |
يا الشفيع كلامي واضح جدا
النظام يسري على الجميع موش يكون بالاختيار
يعني لبنى تلبس يحاكموها
تابيتا تلبس وتمثل بيه الدولة باعتبار انها وزيرة ومافي زول يسالها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نمرة اتنين موضوع اللبس ده مفروض يوضح اللبس الفاضح شنو هو ؟
موش يخلوه لجندي عشان يفصل فيه
| Quote: برئاستها انت قاصد برئاسة منو؟ |
برئاستها : قصدي يتكون مكتب متخصص تكون لبنى هي رئيسته
مع خالد ودي
| |
|
|
|
|
|
|
|
|
|
Re: المستفاد من قضية لبنى ( تكوين مكتب متخصص لالغا المادة 152 برئاستها ) (Re: omer osman)
|
Quote: يعني لبنى تلبس يحاكموها
تابيتا تلبس وتمثل بيه الدولة باعتبار انها وزيرة ومافي زول يسالها |
يعني يا وليد الخطأ في التطبيق وليس في المادة العايز تكون ليها مكتب برئاسة لبنى لإلغائها
Quote: نمرة اتنين موضوع اللبس ده مفروض يوضح اللبس الفاضح شنو هو ؟
موش يخلوه لجندي عشان يفصل فيه |
هنا برضو المفروض تطالب بشرح وتفصيل أو حتى تعديل للمادة العايز تكون ليها مكتب برئاسة لبنى لإلغائها
و هادي عتيلة تانية كمان
تحياتي
_________________________________________________________________________
هل تعلم ماذا كانت تلبس لبنى عندما قبضوا عليها؟
- - - - - - - - - - - - - - - - - - - - - - - - - - - - - - - - - - - - - -
كت بتكتب كويس
| |
|
|
|
|
|
|
|
|
|
Re: المستفاد من قضية لبنى ( تكوين مكتب متخصص لالغا المادة 152 برئاستها ) (Re: الشفيع وراق عبد الرحمن)
|
Quote: 1.من ياتي في مكان عام فعلاً او سلوكاً فاضحاً أو مخلا بالآداب العامة او يتزيا بزي فاضح او مخل بالآداب العامة يسبب مضايقة للشعور العام يعاقب بالجلد بما لا يجاوز اربعين جلدة او بالغرامة او بالعقوبتين معاً
2.يعد الفعل مخلاً بالآداب العامة اذا كان كذلك في معيار الدين الذي يعتنقه الفاعل او عرف البلد الذي يقع فيه الفعل. |
مرحب الشفيع
ده نص المادة
لبنى كانت تلبس نفس الملابس التي حضرت بها حكمها ..!
بعني انها كانت تلبس نفس الملابس في ممكان عام وكت صدور الحكم ...
الغريبة جلد من كن معها
وغرمت هي
اها الرائي شنو ؟
بعدين انا عاوز يلغو قانون النظام العام كله ...
| |
|
|
|
|
|
|
|
|
|
Re: المستفاد من قضية لبنى ( تكوين مكتب متخصص لالغا المادة 152 برئاستها ) (Re: وليد محمد المبارك)
|
Quote: من ياتي في مكان عام فعلاً او سلوكاً فاضحاً أو مخلا بالآداب العامة او يتزيا بزي فاضح او مخل بالآداب العامة يسبب مضايقة للشعور العام يعاقب بالجلد بما لا يجاوز اربعين جلدة او بالغرامة او بالعقوبتين معاً
2.يعد الفعل مخلاً بالآداب العامة اذا كان كذلك في معيار الدين الذي يعتنقه الفاعل او عرف البلد الذي يقع فيه الفعل. |
طيب ما هي حلوة وزي العجب ، بس ممكن يشيلو حكاية الجلد ويبدلوها بالسجن
| Quote: لبنى كانت تلبس نفس الملابس التي حضرت بها حكمها ..! |
هل إنت متأكد؟
تحياتي
_______________________________
ح اجيب ليك الناس
| |
|
|
|
|
|
|
|
|
|
Re: المستفاد من قضية لبنى ( تكوين مكتب متخصص لالغا المادة 152 برئاستها ) (Re: وليد محمد المبارك)
|
والله يا وليد يا اخوي الكلام دة قلناهو من البداية لكن الناس كانت دايرة ليها جنازة وتشبع بكا ولطم
يعني بدل المواجهة بين صحفيين وشرطة ونسوان وحكومة .. والدعوة الى التبرج كان ممكن الموضوع يحصر في الفقرة المعينة من المادة المعينة او المادة كلها .. وبدل اللجان واللجان المنبثقة ممكن تتم المناقشة في اروقة البرلمان ... يعني ياسر عرمان دة يلعلع السنة كلها في الفارغة والمليانة .. كان يتقدم بمشروع لمناقشة القانون
وحسب قراءتي للبوستات التي كتبت كانت المشكلة الوحيدة التي اثارت الدنيا هي عقوبة الجلد ... يعني الافعال والملابس الفاضحة مافي اعتراض عليها.. والسجن والغرامة برضو ما فيها مشكلة .. كل الناس كانت محتجة على الجلد كعقوبة على الفعل ..
ولك مني التحية والود
| |
|
|
|
|
|
|
|
|
|
Re: المستفاد من قضية لبنى ( تكوين مكتب متخصص لالغا المادة 152 برئاستها ) (Re: وليد محمد المبارك)
|
أهمممم شئ يا وليد في البوست دا انك تركز مش على قضية لبني
فالقضية اتناقشت وشبعت نقاش بكل جوانبها
البيهم الان موقف الناشطين والاحزاب والتنظيمات الاتبنو القضية دي في سبيل تغيير المادة 152
اين وصلنا في سبيل تغيير القانون دا وماذا فعلت مبادرة لا لقهر النساء حتي الان بهذا الخصوص
بعد المظاهرات والجلد والنساء الاصيبن هناك ..
بعدين ياسر عرمان عضو البرلمان ورئيس كتلة الشمال للحركة الشعبية بالبرلمان الهو تشريعي
ومن المدافعين عن الحريات مش دقّ صدرو ونضم نضمي كتييير بالخصوص دا!
ثم وصل لمرحلة انه قال ناس الشرطة بيمارس ابتزاز البنات بشرفهم في قضايا مماثلة
وطيب ابقي بتاع مشاكل كيف 
| |
|
|
|
|
|
|
|
|
|
Re: المستفاد من قضية لبنى ( تكوين مكتب متخصص لالغا المادة 152 برئاستها ) (Re: HAIDER ALZAIN)
|
والله يا وليد المبارك واحده من الاشياء الكانت مزهجاني لانو ما عندي باسوورد اني ما قادره اكتب في البوست دا..
بغض النظر عن كل وجهات النظر الصاحبت موضوع لبنى المعاها والضدها والمتحفظين والعندهم راي ..
دي الخلاصه الحقيقية من الحادثه دي ...
ادعم طلبك دا بي شدة واسجل اسمي حضور ومتابعه وتعتيل يومي .. الى ان يقضي الله امرا كان مفعولا ..
وانا اراهن لو ماكان تلات ارباع البنات مروا بي مواقف مشابهه واتعرضو لمضايقات بسبب القانون دا ..
.
.
.
.
تحياتي.
| |
|
|
|
|
|
|
| |
ياسر بيناوي
وليد محمد المبارك
معاوية عوض الكريم
HAIDER ALZAIN
ود العجمى
الجندرية
الشفيع وراق عبد الرحمن
omer osman
elfadl abdellatif
mekki
Faisal Elrasheed
cantona_1
نوفل عبد الرحيم حسن
فيس بوك
تويتر
انستقرام
يوتيوب
بنتيريست