|
|
 الان لليوم الثاني تظاهرات في بري ومحاصرة لمنزل كرتي وسماع لاصوات طلقات
|
الان ولليوم الثاني على التوالى خرج مواطني بري هاتفين (لن تحكمنا حكومة الجوع ) بشهادة اعلامين في الخرطوم
والذين اوضحوا من مكان الاحداث ان بري تعيش تظاهرات اقوى من يوم امس وان الهتافات تتعالي امام منزل وزير الخارجية
على كرتي وفي منطقة السوق وشارع المعرض كما افادوا برصدهم لاربع لساتك مشتعله يتصاعد منها الدخان وان شرطة المرور
تقوم بتحويل مسار العربات من الطريق الذي اغلق بواسطة المتظاهرين وسمع الجميع اصوات طلقات مدويه لم يتمكن من تحديد
نوعها ان كانت رصاص حي او قنايل صوتية .
واشاروا الى ان الموقف حرج جدا في منطقة بري وسط اطلاق الشرطة للغاز المسيل للدموع مما اصاب الاطفال في المنازل للاختناق نتيجة لحالة الكر والفر بين المتظاهرين كما اشاروا ايضا الى ان (دفارات) الشرطة بالمعتقلين الى الان .
|
|
 
|
|
|
|
|
|
|
 Re: الان لليوم الثاني تظاهرات في بري ومحاصرة لمنزل كرتي وسماع لاصوات ط (Re: نايف محمد حامد)
|
Quote: ا ف ب - الخرطوم (ا ف ب) - شهدت الخرطوم مساء الثلاثاء ولليوم الثاني على التوالي تظاهرة ضد ارتفاع اسعار المواد الغذائية بعدما تظاهر مئات السودانيين الاثنين في السياق نفسه.
وقال شهود عيان لفرانس برس ان مجموعة من الشباب تقل اعمارهم عن 25 عاما تجمعوا بين الساعة السابعة والنصف والثامنة مساء (بين 16,30 و17,00 ت غ) في الشارع الرئيسي لمنطقة بري في شرق العاصمة السودانية".
وهتف المتظاهرون "الشعب يريد تغيير النظام" و"الاسعار صارت نار" واحرقوا اطارات في الشارع الذي اغلقوه تماما.
واضاف الشهود ان "المتظاهرين رشقوا عناصر الشرطة بالحجارة لدى وصولهم الى المكان فرد هؤلاء باطلاق الغاز المسيل للدموع".
وتحدث مراسل فرانس برس عن "انتشار كثيف للشرطة التي استعانت بناقلات جنود وعربة اطفاء لاخماد النار المتصاعدة من الاطارات".
وكان نحو 400 شخص تظاهروا في شرق الخرطوم الاثنين احتجاجا على غلاء الاسعار واغلقوا شارعا رئيسيا امام حركة المرور لنحو ساعتين عبر حرق اطارات السيارات.
ويعاني السودان من ارتفاع اسعار المواد الغذائية وازدياد التضخم وانخفاض سعر الجنيه السوداني مقابل العملات الاخرى.
|
| |
|
|
|
|
|
|
|
|
Re: الان لليوم الثاني تظاهرات في بري ومحاصرة لمنزل كرتي وسماع لاصوات ط (Re: ناصر المحسى)
|
شعبنا المعلم
سبق شعوب المنطقة بعشرات السنين ..
عندما فجر ثورة أكتوبر 1964 وهزم ديكتاتورية عبود العسكرية
واهم من يظن أنه يحكم بالقهر
أو بالخداع
"ولسه بنقسم يا أكتوبر
لما يطل في فجرنا ظالم
نحمي شعار الثورة نقاوم
ونبقي صفوف .. صفوف .. صفوف
تمتد
وتهتف
لما يعود الفجر الحالم
يا ... أكتوبر"
للشباب
تبنوا الشعارات المعبرة
ضد الجوع والقهر والفساد
أمنعوا التخريب
واستفيدوا من خبرات أبريل وأكتوبر
بمظاهرات الأحياء
والمظاهرات الليلية
للحكومة
احترموا حق الشعب الدستوري في التعبير
وفي التظاهر السلمي
لأفراد الشرطة
هذا شعبكم
وهؤلاء أهلكم
يمارسون حقهم في الإحتجاج على ما تعانون معهم
على الحكومة حل مشاكلهم ..وليس ضربهم
ولأفراد القوات المسلحة
مهما حاولت السطة عزلكم عن شعبكم
وتحويلكم لأداة لقمعة
نثق في أنكم كما فعلتم في أكتوبر وأبريل
ستنحازون إلى شعبكم
وترفضوا إزهاق أرواحه من أجل استمرار حكام فاسدين
إذا الشعب يوما أراد الحياة
فلا بد أن يستجيب القدر
ولا بد لليل أن ينجلي
ولا بد للقيد أن ينكسر
الباقر موسى
| |
|
|
|
|
|
|
|
|
|
Re: الان لليوم الثاني تظاهرات في بري ومحاصرة لمنزل كرتي وسماع لاصوات ط (Re: مصعب عبدالله محمود)
|
عفوا سيدي الحجاج
أزهري محمد علي
كلابك والأفاعي الحايمة من روتانا لي أمواج ..
كاورت البلد بي حالا ..
ولا لقت اليقولها جر ..
في ناس جيعانة ما قلبت حرف في صاج ..
... في ناس عريانة ما لفحت هدم في الزيفة ..
ما طالت ايديها رغيفه ..
والسبب المعكر كيفا ..
دق بنوتا بالكرباج ..
ناس غلبانة بس دغرية ..
ما بتعرف تخت طاقية في طاقية ..
والدين الحنيف في شرعها الحرية ..
زدتها في الحرج احراج ..
وزدتها في الدجل دجال ..
عوج شفناهو ماسمعناهو في قول زول ..
قال بنات دقوها دق العيش ..
ولاد ما أندقوا في شبال ..
بقت في غصة الأيام ..
قيم غنيتا يا قدال ..
قيم شلناها عمة وتاج ..
رقيص الشامة بت حمدين ..
وخت الحنة لي يات من حضور ضفرين ..
ونمات العديل والذين ..
ورقصة جون مع أوهاج ..
مشينا نقدم البنوت على ضو الرتاين ..
خفت وهج الغنا الوهاج ..
ورحل صوت المغني حزين ..
ورطن صوت العنج هراج ..
سقط في غفلة نون النسوة ..
أخوان البنات والنخوة ..
ستار العيوب والرسوة ..
شيال الحمول أبعاج ..
.. فيا حجاج أكل نارك ..
واتلفح بشاكيرك ..
مع طلعة شهر زو الحجة ..
وأحرم حاج ..
وطوف فوق الجثث طاؤوس ..
وشعبك لا أكل لا علاج ..
وحاج في شنو؟ ..
معاك كل البلد هاصت ..
وفار نحل الجباية وهاج ..
فيا فالق نواة الحبة يافراج ..
ويا باسط عجايب الإسرا والمعراج ..
ويا خالق الخلايا الحية .. أمشاج ابتلت أمشاج ..
طحنتنا طاحونة الفقر ..
طحنتنا سنواتا العجاف ..
يا الله تلزمنا الصبر والسترة ..
والعيش الكفاف ..
وترحمنا من صرة وشي ..
في وش وليداتنا الضعاف ..
..............
غرقان بيرقص منتشي ..
ووطنا مقطوع من خلاف ..
وبأسم الله ما خلالنا شي ..
وفصلنا في آخر المطاف ..
يا ناسي أقدار الرجال ..
ما تخشى غدر الله وتخاف ..
كتر عوج الكلام والميل ..
وتحت الجزمة مليون ميل ..
تحت الأزمة طاحونة حوافر الخيل ..
سقط تلت البلد عفوا ..
سقط نص البلد لهوا ..
سقط كل البلد سهوا ..
فهل صحاك ضمير الأمة في هجعة هوايد الليل ..
على زبد الغنا الممحوق؟ ..
شنو الخلاك تنوم تحلم على على خرطة وطن مسروق؟ ..
وطن في السوق .. وطن أشتر ..
مرق من ذمة التاريخ على ذمة كلاب الحر ..
ينوم في جبة الدرويش ..
يقوم بي بدلة العسكر ..
.. فيا ويلك في يوم الويل ..
ويا ويلك .. تقوم تحتك قيامة الناس ..
أفواج الضحايا ..
ستات الكجيك والشاي ..
والناس البعرفو شليل ..
حشود الطلبة والعمال ..
وبنوت الغياب والليل ..
طفولة مشردة ونازحين ..
وكم حجاج .. يجيك من ديل يجيك من وين ..
أولاد الشوارع عووك .. المعدمة ومعدومة ..
قطامة وقرضمة وراندوك ..
لماضة وطرقت حلقوما ..
من كل حتة يجوك .. يوم التسود يوما ..
ناسات حكومة الجن .. وناس جنها الحيكومة ..
ما طالا الشوارع في .. في ولاد بعرفوا القوما ..
ولاد راقدين .. وأولاد اسمها المايقوما ..
ديل أولاد شريعة قوش .. المستضعفين في الأرض ..
يبنوا ويهدوا عروش ..
لا بتخون البعض لابتشتريها قروش ..
في كل حته وراك تمرق تلاقي جيوش ..
أصدق لسان الحال من نضمك المهبوش ..
نفس الولاد جايين من طينة حضارة كوش ..
حافظين شعر حميد ..
فاهمين قصايد الدوش ..
ما تمشي يا محجوب دايرين نظبط بوش ..
يا داب عرفنا الصاح ..
دخل الكلام الحوش ..
وشكرا .. شكرا سيدي الحجاج ..
| |
|
|
|
|
|
|
| |
عمار عوض
Ahmed Abdallah
عيسي ابراهيم
Nazik Eltayeb
Amani Al Ajab
عبدالكريم الامين احمد
اسماء الجنيد
نايف محمد حامد
ناصر المحسى
abdelrahim abayazid
nabielo
Elbagir Osman
mohmed khalail
Bashasha
الصادق الزين
محمد عبدالرحمن
Magdi Ahmed Elsheikh
Al-Shaygi
أسامة عبد الجليل
هشام هباني
معتصم مصطفي الجبلابي
Nasr
خالد العبيد
طه جعفر
Ahmed Elyas
المكاشفي الخضر الطاهر
Murtada Gafar
عمار عبدالله عبدالرحمن
اسامه خليفه
محمد أبوالعزائم أبوالريش
زهرة حيدر ادريس
عصام الجيلي
حسين عوضاى
أحمد أمين
صلاح غريبة
نزار يوسف محمد
محمد عمر الفكي
هيثم التوم
Abdlaziz Eisa
فيس بوك
تويتر
انستقرام
يوتيوب
بنتيريست