|
|
 يا حليلك يا زيدان ياااخ....!!
|
حليلك يا زيدان....!!
وحليلك هي كلمة السر التي تتفتق حنية ومحنة ودعاش تعايش تتسرب وهي شفيفة في الحارة السودانية وفي العباسية لها سطوتها
وقولها الفصل في حي به مزيح من التعايش والجمال والفن والكورة والابداع السوداني في كل مناحيه..!!
بالامس كان يوما عصي وقاسي موغل في القسوة من ايام منافينا البعيدة والاخبار تتناقل رحيل الفنان الشهقة زيدان ابراهيم نبض حقيقي لوطن نبحث عنه ما بين ركام طاغوت السياسة...!!
|
|
  
|
|
|
|
|
|
|
|
Re: يا حليلك يا زيدان ياااخ....!! (Re: عبدالكريم الامين احمد)
|
ذات صباح بعيد في جزء عزيز من السودان الذي اقتطع في جاتو نيفاشا.. جاب كومر يحمل مايكرفون الطرقات الفقيرة في ملكية واطبع برة وكتور... يذيع فيما يذيع بان الفنان زيدان ابراهيم قادما من الخرطوم وسيغرد في احدي المسارح في جوبا الكبيرة...!!
وجوبا ذلك الزمان قل ان يطربها ذلك لحنا خماسي فالمدينة الراقصة تخضب لياليها بانغام الجالوه و الحان (كوفي) القادمة من الغابة الافريقية ونواحي زائير..!!
ولكن مهلا...!!
فالمساء كان لوحة من مشاهد خط الاستواء عندما يلتف اهله حول ساحة رقص وغناء...!!
| |
|
|
|
|
|
|
|
|
|
Re: يا حليلك يا زيدان ياااخ....!! (Re: عبدالكريم الامين احمد)
|
كانت هي المرة الاولي التي اشاهد فيها زيدان ابراهيم...!!
فارع الطول... نحيل الجسم يتحرك علي خشبة المسرح بدقة واناقة وببنطلون شارلستون..وشعر كثيف يحاكي سيرة (الخنفس) والحان جاذبة وصوت كالاجراس جعل من الصباحات التي اعقبت ذلك الحفل هي صباحات ترزية المدينة واسواق الاقمشة حتي يفصل الجميع
بنطلونا مثل ذلك البنطلون المخطط الذي يرتده ذلك الفنان المدهش الذي صرع جماهير جوبا العصية علي الصرعان في حضرة الغناء والرقص الترم ترم...!!
| |
|
|
|
|
|
|
|
|
|
Re: يا حليلك يا زيدان ياااخ....!! (Re: عبدالكريم الامين احمد)
|
نعم كانت ليلة تفتقت صباحاتها علي العاشقين بالحان ووجدان وعبقت في الذاكرة سيرة فنان كارزيمي الحضور وله المقدرة الفائقة علي جعلك اسيرا لغناويه وصوته المتفرد...!!
ومرت ايام وعدت ...!!!
ونقلت المدارات مشاهد ومشاهد من عشق الحارة في ناسها البسطاء الباحثين عن الفرح في زمانات السواد
والفقر في موسيقي مبدعي هذا السودان الذين هم اقل القطاعات حظوة في زمانات سطوة النخبة والجرنبدية البيش....
مجلس اخر وفي مدينة من مدن العمق الكردفاني... وكافتيريا يداعب صوت الراديو فيه اخيلة المارة باغنية (قلبك ليه تبدل صدي وليه تحول) ورجلا به مسا من الجن يمر هائجا وغاضبا بتلك الاحداثيات ولكن صوت زيدان وموسيقاه هي الامر الوحيد الذي كان قادرا علي ايقافه وجعله يهدي رويدا رويدا...وهو يهتف بنبرة صارت وديعة وحنونة وباكية(ده زوزو يا جماعة....ده زوزو ياجماعة)
| |
|
|
|
|
|
|
|
|
|
Re: يا حليلك يا زيدان ياااخ....!! (Re: عبدالكريم الامين احمد)
|
Quote: يا كيكي
تاني مافي غناء زي دا
لا اصدق
ولا اتصور
|
التعازي يا خلي ياعاشق زيدان التاريخي..
فانت واحد من الذين جعلو من اغاني زيدان في مخليتنا ذات دهشة ومدارات وذكري..
يا الله يا خليل
منو تاني البقول
يلا يا كرنجاااااااا
ذلك العازف الذي ما ان يسمع كلمة السر تلك حتي يدوزن عصب الموسيقي ويجعل زيدان يحلق عاليا عاليا بصوته الرهيب..!!
| |
|
|
|
|
|
|
|
|
|
Re: يا حليلك يا زيدان ياااخ....!! (Re: عبدالكريم الامين احمد)
|
كنت فاكر الشوق يجيبك والحنين
وتعود لقلبي في هواك صابر بالسنين
وياالرحت طولت الغياب
لو تعرف الدنيا من بعدك سراب
رحلت دنيانا وذكرياتنا والبركس وحفلات قاعة الصداقة وحفلات الاعراس
وليه يا سمير ما جيتا
ودخل السينما
يا حليلك يا حليلك يا حليلك
| |
|
|
|
|
|
|
|
|
|
Re: يا حليلك يا زيدان ياااخ....!! (Re: عبدالكريم الامين احمد)
|
Quote: رحلت دنيانا وذكرياتنا والبركس وحفلات قاعة الصداقة وحفلات الاعراس
|
عم ياخلي
وكازينو النيل الازرق
عندما كان صوت زيدان هو من يرقرق مياه النيل الازرق ويحمل دعاشها شفيفا مدهشا الي نواحي البركس..
وكانت هذه الدارما صفارة لانطلاق سريع حتي تحظي بالتمتع بغناوي زيدان ذلك الرائد الذي رحل فينا مرتين
| |
|
|
|
|
|
|
|
|
|
Re: يا حليلك يا زيدان ياااخ....!! (Re: عبدالكريم الامين احمد)
|
لاحول ولا قوة الا بالله
اذا كنت لم اقابل الراحل المقيم زيدان ابراهيم في تلك الحفلة التي حكيت ليكم عنها في الموردة
ودار حوار قصير بيننا .. فيهو حب وشوق طال السنين لم نراهو يقف امامنا ويغني
فكان لازم نهنيهو ونقول له انت اليوم تفوقت على نفسك
ونرجع نمازح بعض اصدقائنا من العازفين له
ما اظن كان تجف عيوننا من الدموع في يوم من الايام
كان هذا وداعا له لم نحسبه
ااااااااااااااااااااااخ ياخليل وكيكي
من بعدك إنت يعيش منو ومين تاني مين يتمنى العمر ....
| |
|
|
|
|
|
|
|
|
|
Re: يا حليلك يا زيدان ياااخ....!! (Re: وليد عبد اللطيف)
|
Quote: اذا كنت لم اقابل الراحل المقيم زيدان ابراهيم في تلك الحفلة التي حكيت ليكم عنها في الموردة
ودار حوار قصير بيننا .. فيهو حب وشوق طال السنين لم نراهو يقف امامنا ويغني
فكان لازم نهنيهو ونقول له انت اليوم تفوقت على نفسك
ونرجع نمازح بعض اصدقائنا من العازفين له
ما اظن كان تجف عيوننا من الدموع في يوم من الايام
كان هذا وداعا له لم نحسبه
ااااااااااااااااااااااخ ياخليل وكيكي
|
التعازي يا وليد
التعازي لكل بيت سوداني صدحت فيه موسيقي زيدان
وزيدان كان مرح وظريف كبير من ظرفاء امدرمان وكما تضرب الاكباد الي غناويه
كان اصدقائه والمقربين منه يحظون بدهشة روحه المرحة نكتته الحاضرة...
حكي لي خليل وقبل ايام قليلة بان زيدان عندما رحل عن امدرمان وذهب الي الحاج يوسف
قالو ليهو خليت ام درمان ليه..؟؟
قال ليهم
امدرمان خليتها ليكم
تودوها كده... تجيبوها كده..تودوها كده وتجيبوها كده..وكان يشير بيديه
فهاهو يرحل ويترك لنا الدنيا
تودينا كده وتجيبنا كده...تودينا كده وتجيبنا كده
| |
|
|
|
|
|
|
|
|
|
Re: يا حليلك يا زيدان ياااخ....!! (Re: عبدالكريم الامين احمد)
|
تعرف ياكيكي
عندما سمعت الاشاعة الاولى
قمنا باتصال مباشر انا وصديقة وظله عماد العاقب في نفس اللحظة في المستشفى وقابلنا زكي مدير اعماله
وقال لنا انه بخير وبصحة جيدة وقمت بدوري بتكذيب الاشاعة للناس في بوست اسماء الجنيد
تخيل للان لم استطيع الاتصال على عماد صديقة لاني اعرف درجة العلاقة بينهم
هذه المره قلت يارب تكون اشاعة
ولكن هذه المره صدق الراوي بخبر وفاة العندليب
اللهم تقبله قبولا حسنا
| |
|
|
|
|
|
|
|
|
|
Re: يا حليلك يا زيدان ياااخ....!! (Re: jini)
|
Quote: يا حليلو بلا غلت
جنى |
التعازي يا جني
ويا حليل زيدان ياااخ
لقد خلد بصوته والحانه وفنه موسيقي ستظل مغروسة في الارض السودانية الي الابد
لقد كان فنان حقيقي ومبدع كامل الدسم
| |
|
|
|
|
|
|
|
|
|
Re: يا حليلك يا زيدان ياااخ....!! (Re: وليد عبد اللطيف)
|
صديقي جعفر الذي يستعد لزواجه من محبوبته ،
زارني مبسوط في بيتي ،
والسبب عرفته منه بعد تناول كوب من البارد ،
اخبرني أنه ذهب برفقة احد معارف الفنان الكبير زيدان ابراهيم في بيت زيدان
تلعثم جعفر وهو بين شكـ ويقين ان الواسطه لزيدان سوف تثمر عن غناء زيدان في حفل زواجه الكبير ( الدُخله)
طلب جعفر من زيدان ان لا يغلو في العداد ،
فخاطبه زيدان بجُمله أشفت غليل جعفر صديقي ( هو زيدان كان بغني للقروش كان دا حالو ؟)
فرح جعفر فرح السنين بهذا الكلام وقال لي هذه حقيقه ميه ميه عن زيدان ..
يومها لبست ما أعددته لهذه المناسبه ويممت شطر مكان المناسبه لأجد زيدان
قد حضر من بدري وصدح باحلى اغانيه وكان الحضور ( هلال مريخ ) كالعاده ..!
زيدان ابراهيم رحمة الله تغشاكـ وربنا يتقبلكـ قبول حسن وان يصّبر أهلكـ وعشيرتكـ ومُعجبيك فرداً فرداً ..
كنت اتمنى أن يكون رئيس الدوله من بين المشيعيين لزيدان أبراهيم .... لماذا لم يكن هناكــ ..
فقد عودنا على أنه حضور في تشييع الكبار
فمن اكبر من زيدان أبراهيم ...؟؟
| |
|
|
|
|
|
|
|
|
|
Re: يا حليلك يا زيدان ياااخ....!! (Re: Hisham Ibrahim)
|
شكرآ العزيزة نجلاء بنقل وقائع لحظات الوداع للعندليب والبلبل الغريد الذي غادر دنيانا الفانية بهدوء وهو الذي عودنا على الصخب الفرحي .. لم يكن زيدان فنانآ إعتياديا لعله أول فنان سوداني يحترف الفن كمهنة منذ إنطلاقة مسيرته الفنية عام 1961 ولتلك قصة أخرى سأرويها في بوست آخر سأفتحه بعد قليل .. مسيرة زيدان الفنية صاحبتها مسيرة إنسانية وأحداث مست وأثرت في حياة العندليب الأسمر .. كان الراحل زيدان شخصية متفردة جمعت ما بين الإلتزام الفني الصارم ومسيرة حياته الخاصة .. رحم الله زيدان أبراهيم رحمة واسعة وأوسده البارد فلقد كان من الذين يبعثون السرور في الناس.
وشكرآ باشمهندس كيككي على بوستك الضافي عن البلبل الغريد والفراش القاشي
تتبع مسيرة زيدان الفنية وإحترافه لمهنة الفن.. فتك بعافية أخوي.
| |
|
|
|
|
|
|
|
|
|
Re: يا حليلك يا زيدان ياااخ....!! (Re: عادل نجيلة)
|
Quote: وشكرآ باشمهندس كيككي على بوستك الضافي عن البلبل الغريد والفراش القاشي
تتبع مسيرة زيدان الفنية وإحترافه لمهنة الفن.. فتك بعافية أخوي |
كل التعازي يا نجيلة
ورحم الله زيدان
الذي كان كثيرا الارتباط ايضا بمدينة سنجة وتخومها ويحب تلك البقاع حبا كبير
وسنجلس القرفصاء في انتظار بوستك عن هذا المبدع الذي رحل واسكن فينا امواج من الحزن والفجيعة
| |
|
|
|
|
|
|
|
|
|
Re: يا حليلك يا زيدان ياااخ....!! (Re: Hisham Ibrahim)
|
Quote: فرح جعفر فرح السنين بهذا الكلام وقال لي هذه حقيقه ميه ميه عن زيدان ..
يومها لبست ما أعددته لهذه المناسبه ويممت شطر مكان المناسبه لأجد زيدان
قد حضر من بدري وصدح باحلى اغانيه وكان الحضور ( هلال مريخ ) كالعاده ..!
|
تحياتي يا هشام
وكل التعازي
وهكذا هو زيدان
بسيطا ونابعا من رحم الارض السودانية المشحونة بالطيبة والكرم والاريحية
ومثل هذه المشاهد قد تكون تكررت مئات المرات في تعامله الانساني مع معجبيه ومحبيه..
وعدم حضور البشير يا هشام في ظني هو اسقاط حقيقي لتباعد البشير وتجسيد لانقطاعية نظامه عن النبض الحقيقي لهذا الشعب
وهي قلادة توشح بها جثمان زيدان وهو في لحظاته الاخيرة..
| |
|
|
|
|
|
|
|
|
|
Re: يا حليلك يا زيدان ياااخ....!! (Re: وليد عبد اللطيف)
|
| Quote: عندما سمعت الاشاعة الاولى |
نعم يا وليد
فلقد كانت الاشاعة الاولي صعقة وكانها تهي الجميع لهذا الحزن الكبير
وكانت لحظات قاسية ولكنها سرعان ما انقشعت بامل ودعوات بان يعود الينا العندليب لكي يشدو في قلب الوطن
ويصنع الجمال في زمانات القبح
ولكنها ارادة الله ويد المنون
| |
|
|
|
|
|
|
|
|
|
Re: يا حليلك يا زيدان ياااخ....!! (Re: عبدالكريم الامين احمد)
|
ذكريات يا كيكي مع العندليب، هذا الصوت الشجي الطروب،
كم غنى للعشاق أشواقهم وهيامهم وتباريحهم،
سطر عبر غناءه ملاحم مفعمة بالعشق والحنين،
"لو أحبك أن العمر كلو" أذكر جيداً كيف كانت نقلة نوعية في الغناء بجرأة هذا المدخل المليء بشحنة عاطفية جياشة، "أخونك .. هل تصدّق إني أخونك" " فراش القاش" التي تنقلك بروعة الكلمة واللحن والأداء الطروب إلى فضاءات حنينة بروعة وحنية هذا الشعب العظيم الذي يستحق كل جميل، فأصبح الآن معذباً يتلقى الصفعات في زمان الطفابيع.
رحيل زيدان يضع نهاية لحلقة متفردة من الغناء،
كل شخص يسمي فنانه المفضل فهناك من يقول ود الأمين ومن يفضّل وردي ومنهم كابلي وآخر خضر بشير وذاك العاقب محمد حسن،
لكن هؤلاء جميعهم يشتركون في حب زيدان إبراهيم، ويطربون حد الثمالة لغنائه، فقد كان رحمه الله واسطة العقدعندما يحين أوان الشدو والطرب،
وداعاً زيدان وداعاً حزيناً يا سلطان الطرب ...
| |
|
|
|
|
|
|
|
|
|
Re: يا حليلك يا زيدان ياااخ....!! (Re: نادر)
|
| Quote: كنت اتمنى أن يكون رئيس الدوله من بين المشيعيين لزيدان أبراهيم .... لماذا لم يكن هناكــ .. |
القاليك رئيس الدولة منو؟ منو الفوضو؟
رئيس روحو ورقبتو ومعاهو شوية الفاسدين بتاعين المؤتمر الوطني، زيدان كان يبذل الحب والغناء للشعب السوداني، ومن تدعوه للصلاة على زيدان ما زال يبذل الكره لهذا الشعب المغلوب على أمره.
"نحن لم ننتخب أحداً رئيساً علينا بعد الديمقراطية التي سطا عليها هذا الهارب من العدالة".
| |
|
|
|
|
|
|
|
|
|
Re: يا حليلك يا زيدان ياااخ....!! (Re: غباشي)
|
شكرا ليك اخي عبدالكريم ولكل من كتب عن الفنان الجميل زيدان ابراهيم
يا ليتكم لا تتوقفون عن الكتابة عنه ، ففي الكتابة عن زيدان وابداعه تجسيد لزول جميل مشى وتاني ما بيجي
رحيل زيدان ابراهيم هز وقطع اوتار الغنا
لكم كان جميلا في حياته ولكم انه جميل حتى في مماته
الف رحمة ونور على روحه الطيبة
| |
|
|
|
|
|
|
|
|
|
Re: يا حليلك يا زيدان ياااخ....!! (Re: اسيا ربيع)
|
هكذا تكون المرثية التأبين و للعظماء خليط من السيرة والأعمال الإبداعية تحملها شحنات الأحاسيس الخاصة بالكاتب . إنها ليست محض جملٍ بكائية بقدرما تضيف لتاريخ الفقيد العزيز وتعمل كالبسلم
فى آن لكل من توجع بهذا الفقد المؤلم .
فنان يعتصر الألم جسده الهزيل النحيل فيسكب فى الآذان رحيقاً من أشجى الألحان وكأنما يستمد بلسمه من راحة أنفس معجبيه .
كان صديقى وزميلى فى بنك الخرطوم بابكر ( الشاعر ) وهو شاعر أغنية " فى الليله ديك " وهو صاحب القصه الحقيقية المحكاة فى القصيدة يلقى على أسماعنا بكلمات هذه الأغنيه
حين نجالسه بنادى بنك الخرطوم فنندمج مع إلقائه ذو العمق النابع من كونه صاحب تلك الدراما الإنسانية . أما لو تصادف أن تغنى زيدان العظيم بتلك الأغنية ونحن فى حضرة صاحبها بابكر
فإنه يجهش فى البكاء وكأنما هدته كلماته هداً بلحن وصوت العندليب فنمضى باقى ليلتنا تلك فى تهدئته والتخفيف عنه . رحل بابكر باكراً فى ثمانينات القرن الماضى وكان أمدرمانياً قحاً مثل العندليب
الذى رحل بجسده عن أمدرمان إلى الخرطوم ربما ليهيأ لنا قبول عبوره الأبدى الصاعق . ألا رحم الله الشاعر والمغنى فكلاهما احدث رحيله لنا الجراح .
شكراً لك أخى عبد الكريم وأخى خليل والإخوة الأعزاء على هذا البوست التأبينى الراقى للمبدع الراحل الذى بكاه الدانى والقاصى .
| |
|
|
|
|
|
|
|
|
|
Re: يا حليلك يا زيدان ياااخ....!! (Re: محمد أحمد إدريس)
|
والله بقيت حيران ياكيكي ...
كل شخص يسمي فنانه المفضل فهناك من يقول ود الأمين ومن يفضّل وردي ومنهم كابلي وآخر خضر بشير وذاك العاقب محمد حسن،
كنا شلة نسميه زين الشباب ..جاءت التسميه من حفل كان يصدح فيها ويقول يازين الشباب ماجيت حجبوك واللا نسيتها
واحيانا ابوالزيييق ,
مامات هو جوانا حتي نلحق به
وداعا يازين الشباب
| |
|
|
|
|
|
|
|
|
|
Re: يا حليلك يا زيدان ياااخ....!! (Re: motaz)
|
اكون فرحاااان يوم تكون جنبى ..
اعاين ليك ..وانت تبسم لى ..
تحلق روحى فى نشوووه ..
وتهون الدنيا فى عينى ..
فى عيييينى ..
فى عينى ..
ياسلام ياكيكى ياخ ..كان صوتا للفرح .حتى
فى حزنه كان متميزا ..قدم السهل الممتنع فى الاغنية
السودانية ..وخلد بصوته اروع الكلمات والالحان ..
فى جنات الخلد ياعندليب ..
| |
|
|
|
|
|
|
|
|
|
Re: يا حليلك يا زيدان ياااخ....!! (Re: محمد عبدالرحمن)
|
Quote: كانت هي المرة الاولي التي اشاهد فيها زيدان ابراهيم...!!
فارع الطول... نحيل الجسم يتحرك علي خشبة المسرح بدقة واناقة وببنطلون شارلستون..وشعر كثيف يحاكي سيرة (الخنفس)
والحان جاذبة وصوت كالاجراس جعل من الصباحات التي اعقبت ذلك الحفل هي صباحات ترزية المدينة واسواق الاقمشة حتي يفصل الجميع
بنطلونا مثل ذلك البنطلون المخطط الذي يرتده ذلك الفنان المدهش الذي صرع جماهير جوبا العصية علي الصرعان في
حضرة الغناء والرقص الترم ترم...!! |
جميل يا كيكي..
زيدان طول عمره hip و cool
لا القبلو ولا البعدو امتلكوا هذا القدر من الـ coolness factor
وهذا واحد فقط من أسرار جاذبيته..
| |
|
|
|
|
|
|
|
|
|
Re: يا حليلك يا زيدان ياااخ....!! (Re: نجوان)
|
Quote: زيدان طول عمره hip و cool
لا القبلو ولا البعدو امتلكوا هذا القدر من الـ coolness factor
وهذا واحد فقط من أسرار جاذبيته.. |
التعازي الخالصة يا نجوان
وزيدان ومنذ ظهوره الاول ظل ملهما لكل الاجيال اللاحقة في سلسلة الاذن السودانية
وروحه الشفيفة والراقية كانت اضافة مشحونة بالجمال ودعاش الانسان وامتزجت مع صوته المدهش
فانتجت انسان فنان في كل تفاصيله
وله الرحمة والمغفرة وجنات عرضها السموات والارض
| |
|
|
|
|
|
|
|
|
|
Re: يا حليلك يا زيدان ياااخ....!! (Re: محمد عبدالرحمن)
|
Quote: ..قدم السهل الممتنع فى الاغنية
السودانية ..وخلد بصوته اروع الكلمات والالحان ..
|
التعازي يا محمد
ورحم الله ابو الزيود فلقد رسم لوحة بصوته الفنان ستبقي للتاريخ
وصار مكون اساسي من مكونات الوجدان الغنائي السوداني
| |
|
|
|
|
|
|
|
|
|
Re: يا حليلك يا زيدان ياااخ....!! (Re: محمد أحمد إدريس)
|
| Quote: كان صديقى وزميلى فى بنك الخرطوم بابكر ( الشاعر ) وهو شاعر أغنية " فى الليله ديك " وهو صاحب القصه الحقيقية المحكاة فى القصيدة يلقى على أسماعنا بكلمات هذه الأغنيه |
تحياتي وتقديري يا محمد احمد
وكل التعازي والاسي في رحيل زيدان..
والتعازي ذاهبة ايضا لصديقكم شاعر اغنية (في الليلة ديك) والتي في كلماتها التي ابدع فيها وصوت زيدان وموسيقاه
صارت من الاغاني الخالدات في وجدان هذا الشعب الجميل.. واغنية حاكت في الواقع قصص شاهقات وصارت صديقة ليالي العاشقين المكلموين وسار بلحنها الركبان..
وفي حضرة رحيل زيدان يا محمد تضج فعلا بالذاكرة بمشاهد حفرت في الذاكرة روعة زيدان وجمال روحه والحانه
وهذا اقل ما يمكننا قوله في هذا الفقد الكبير
| |
|
|
|
|
|
|
|
|
|
Re: يا حليلك يا زيدان ياااخ....!! (Re: maia)
|
Quote: ففي الكتابة عن زيدان وابداعه تجسيد لزول جميل مشى وتاني ما بيجي
|
تحياتي يا مايا
والتعازي الحارة لكل محبي هذا الانسان الجميل في فنه الراقي الذي سري شفيفا ومنذ عقود طويلة في كل الارض السودانية
وكم نتمني ان نكتب في رحيل زيدان الكلام الما انكتب ولكن عزاونا بانه سيظل خالدا في دواخلنا وستظل الحانه وموسيقاه دوما هي مرسي وواحة تجعل من العندليب نبضا يسري في دواخلنا
| |
|
|
|
|
|
|
|
|
|
Re: يا حليلك يا زيدان ياااخ....!! (Re: غباشي)
|
Quote: جنبك عمري كان أملاً مفرهد ياغرام الروح ...... سبتا مصيرنا ضايع مرساه العدم
الفجعة شديدة يا كيكي ياخ ..... البركة فينا |
التعازي يا غباشي
وفي رحيل زيدان رحيل لصوت وحزن لكلامات دوزنها في اغاني ستظل خالد فينا يا غباشي
زيدان كان فنان حقيقي زول جميل بالحيل..جمل وارتفع برقينا درجات درجات في سلم الجمال..
وتعازي خالصة للصديق عامر تيتاوي
وياتري اين هو الان في رحيل زيدان..؟؟
| |
|
|
|
|
|
|
|
|
|
Re: يا حليلك يا زيدان ياااخ....!! (Re: نادر)
|
Quote: رحيل زيدان يضع نهاية لحلقة متفردة من الغناء،
كل شخص يسمي فنانه المفضل فهناك من يقول ود الأمين ومن يفضّل وردي ومنهم كابلي وآخر خضر بشير وذاك العاقب محمد حسن،
لكن هؤلاء جميعهم يشتركون في حب زيدان إبراهيم، ويطربون حد الثمالة لغنائه، فقد كان رحمه الله واسطة العقدعندما يحين أوان الشدو والطرب،
وداعاً زيدان وداعاً حزيناً يا سلطان الطرب ... |
تحياتي يا نادر
وكل التعازي والاسي والتعازي الحارة لكل وجدان سوداني مرهف وعاشق للجمال الذي كان زيدان ركن مهم واساسي من اركانه..
وقمة المتعة في زيدان كانت بجانب صوته المتفرد هو ادائه المميز والراقي لاغاني الشفيع بصورة اضافت اليها سحرا علي سحرها المقيم.
وزيدان يا نادر رحل بعدما رسم في داخلنا احلي الذكريات
فكم اطربنا وكم ابكانا وكم ساقنا في دروب الحنين
| |
|
|
|
|
|
|
|
|
|
Re: يا حليلك يا زيدان ياااخ....!! (Re: محمد عبدالرحمن محمد)
|
Quote: حا أرجعلك يا كريم
وأوريك فعايل زيدان الموجبات في دردق
غفر الله له
الله يصبرنا جميعاَ على فقده
المطرطش |
كل التعازي يا محمد
وزيدان كان ملح ارض ومحبا للحياة والدهشة
وكان كثيرا الارتباط بذلك الشريط ..
وله حكاوي سفر علي لوري اخترق تلك الفيافي وقال عندها بانه عندما (نعس) تكي راسو علي بطيخة ونام
له الرحمة فقد كان بشبه بسطاء بلادنا في كل اشيائهم
| |
|
|
|
|
|
|
|
|
|
Re: يا حليلك يا زيدان ياااخ....!! (Re: عبدالكريم الامين احمد)
|
زيدان فقد كبير يا عبد الكريم للسودان ولوجدان الشعب السوداني له الرحمة والغفران من رب العباد
وكأنك بدات هذا البوست لتنداح في الحكي عن زيدان وابداعه الا محدود الذي اثرى به ساحة الفن السوداني أرجو أن تواصل اذا كان ظني صحيحاً
احكي عنه يا عبد الكريم فالرجل يستحق أن يحكي عنه وما اجمل اسلوبك في الحكي يا رجل
| |
|
|
|
|
|
|
|
|
|
Re: يا حليلك يا زيدان ياااخ....!! (Re: علي سيد همد)
|
Quote: زيدان فقد كبير يا عبد الكريم للسودان ولوجدان الشعب السوداني له الرحمة والغفران من رب العباد
وكأنك بدات هذا البوست لتنداح في الحكي عن زيدان وابداعه الا محدود الذي اثرى به ساحة الفن السوداني أرجو أن تواصل اذا كان ظني صحيحاً
احكي عنه يا عبد الكريم فالرجل يستحق أن يحكي عنه وما اجمل اسلوبك في الحكي يا رجل |
تحياتي يا علي
وكل التعازي والاسي..
ونعم هناك رغبة جامحة للسفر صوب عوالم زيدان ابراهيم وصداه في وجدان العامة وليالي العاشقين في الفيافي البعيدة الذين جعل زيدان لاشيائهم موسيقي ومعني وكلمات..ورغبة نقتلعها يا علي من وسط غابة الاحزان ومشاغل الدنيا ام قدود حتي تليق بمقام زيدان ابراهيم..
وسنواصل باذن الله تخليدا لسيرة هذا الانسان الجميل
وكل الود
| |
|
|
|
|
|
|
| |
عبدالكريم الامين احمد
nada ali
khaleel
وليد عبد اللطيف
jini
Hisham Ibrahim
Nader Abu Kadouk
غباشي
بدر الدين الأمير
اسيا ربيع
طارق جبريل
عماد شمت
motaz
محمد عبدالرحمن
نجوان
المكاشفي الخضر الطاهر
Adam D.El-Asha
ASHRAF ABUELHASSAN
محمد عبدالرحمن محمد
علي سيد همد
Khalid Kodi
Kostawi
فيس بوك
تويتر
انستقرام
يوتيوب
بنتيريست