|
ما عارف امس الصابحني منو الهلال اتاهل وريال مدريد اتهزم ..؟؟؟
|
الله قادر .. والمن الله ما بناباها .. لكن الفي الاتحاد الافريقي عرفناها .. و التحكيم الافريقي عملينا عقدة في مباريات الهلال .. في مباراة الهلال والرجاء امس ضربة جزاء ضد الهلال واضحة وضوح الشمس يصرفها الحكم الافريقي .. ضربة الجزاء كانت منذ بداية المباراة او في الخمس دقائق الاولى من عمر المباراة تحديداً.. اكدها المحللين .. وكان من الممكن ان تقلب الموازين ...
|
|
|
|
|
|
|
|
Re: ما عارف امس الصابحني منو الهلال اتاهل وريال مدريد اتهزم ..؟؟؟ (Re: Hassan Senada)
|
Quote: أنت زول مريض ياخ .. الله يشفيكـ .. |
والله يا خالد دائماً بقوليهو إنو مريض الله يشفيهو، زول بكره الهلال أكتر من حبو للمريخ، الهلال عامل ليهو عقدة مستعصية في حياتو، ياخي ده بفتح بوستات أكتر وأسرع من الهلالاب، الغريب لغاية ما الواحد طلع من السودان ما كان في نوعيات زي دي !!! ياخي معقول، ياخ أنا هلالابي بس ما بكره المريخ، وجد والله ما بتمنى المريخ ينهزم أمام اي فريق خارجي، وحتى بوجود مريخاب زي الزول ده قناعتي دي ما بتتغير
| |
|
|
|
|
|
|
Re: ما عارف امس الصابحني منو الهلال اتاهل وريال مدريد اتهزم ..؟؟؟ (Re: يوسف الدفينة)
|
Quote: يوسف الدفينة كتب: الرجاء لعب بالصف الثاني .. ولم يجتهد ليحرج الهلال .. والبيع كان واااااضح .. تمرير خاطي داخل منطقة الجزاء .. وليس بالامكان افضل مما كان .. يتاهل الهلال ويقبض الرجاء ... |
يعني حارس المرمى لمّا يتقطّع في الكورة لآخر دقيقة وهو ما عارف نتيجة المباراة الثانية هل القطن تعادل أم لم يتعادل !!! دة ممكن نسميهو بائع ؟!
أشرح ليك البيع بيكون كيف:- 1- أنت كمهاجم تدخل داخل منطقة جزاء الخصم يقوم المدافع يعمل معاك بلنتي بدون داعي. 2- الكورة تأتي لآخر مدافع فيتراخى فيها فتقوم بخطفها وتحرزها هدفاً. 3- حارس المرمى ينفض كورة قوية داخل الشباك ويمثل أنه ينعت حظه.
والأمثلة كثيرة ...
لكن حارس أمس دة كرّهنا البلّي ذاتو ...
| |
|
|
|
|
|
|
Re: ما عارف امس الصابحني منو الهلال اتاهل وريال مدريد اتهزم ..؟؟؟ (Re: يوسف الدفينة)
|
والله يا خالد دائماً بقوليهو إنو مريض الله يشفيهو، زول بكره الهلال أكتر من حبو للمريخ، الهلال عامل ليهو عقدة مستعصية في حياتو، ياخي ده بفتح بوستات أكتر وأسرع من الهلالاب، الغريب لغاية ما الواحد طلع من السودان ما كان في نوعيات زي دي !!! ياخي معقول، ياخ أنا هلالابي بس ما بكره المريخ، وجد والله ما بتمنى المريخ ينهزم أمام اي فريق خارجي، وحتى بوجود مريخاب زي الزول ده قناعتي دي ما بتتغير
والله يا نادر المرض في التحكيم الافريقي .. الله يشفيهو .. عشان تاني ما نسمع بي الهلال دا في المنافسات الافريقية ...
| |
|
|
|
|
|
|
Re: ما عارف امس الصابحني منو الهلال اتاهل وريال مدريد اتهزم ..؟؟؟ (Re: يوسف الدفينة)
|
يعني حارس المرمى لمّا يتقطّع في الكورة لآخر دقيقة وهو ما عارف نتيجة المباراة الثانية هل القطن تعادل أم لم يتعادل !!! دة ممكن نسميهو بائع ؟!
يعني يا صبري طه عايز تلعب معاي لعبة ادارة الهلال مع التحكيم الافريقي .. عايز تلعب معاي لعبة المرجيحة .. رااااايح جاااااي .. الرجاء اتغلب بي ضربة جزاء ظالمة في الخرطوم .. وتعادل بمساعدة التحكيم في المغرب .. ولعيبة الهلال رقصوا بعد صافرة الحكم .. الحارس يكون ما عارف النتيجة كييييف يا صبري طه .. ما شوية تمثيلية تكمل النظرية .. دي فيها حاجه ..؟؟؟
| |
|
|
|
|
|
|
Re: ما عارف امس الصابحني منو الهلال اتاهل وريال مدريد اتهزم ..؟؟؟ (Re: فايزودالقاضي)
|
Quote: يعني يا صبري طه عايز تلعب معاي لعبة ادارة الهلال مع التحكيم الافريقي .. عايز تلعب معاي لعبة المرجيحة .. رااااايح جاااااي .. الرجاء اتغلب بي ضربة جزاء ظالمة في الخرطوم .. وتعادل بمساعدة التحكيم في المغرب .. ولعيبة الهلال رقصوا بعد صافرة الحكم .. الحارس يكون ما عارف النتيجة كييييف يا صبري طه .. ما شوية تمثيلية تكمل النظرية .. دي فيها حاجه ..؟؟؟ |
التمثيلية المكتملة حسب المنطق إنو الرجاء يتهزم مُش يتعادل ... كلامك دة قولو لي زول عندو قنبور ...
ثمّ ثانياً مافي حاجة خارقة للعادة لأنو نتائج الرجاء مع كل فرق المجموعة كانت سيئة ... ولم تكن هذه هي المرّة الأولى التي يتعادل فيها في هذه البطولة على أرضه ...
الجديد شنو ؟
الجديد بس تموتوا مقص
| |
|
|
|
|
|
|
Re: ما عارف امس الصابحني منو الهلال اتاهل وريال مدريد اتهزم ..؟؟؟ (Re: فايزودالقاضي)
|
الحمد من بعد الله للهلال الذى جعلكم دايما فراجة
كاس ما كاس فريقنا دايما مع الكبار و مصنف من ضمنهم فى افريقيا
كعب الناس الدخلو دورى المجموعات وتم تصنيفهم ظلما كرأس مجموعة و طلعو بى نقطتين بس كأول فريق و آخر فريق افريقى يطلع بيها وسجل كرقم قياسى مقلوب.
انتو حلاتكم فى انكم بتجيبو الكلام لى نفسكم
آخر كلام
فى كج اكتر من ان تكون مريخابى و بتشجع ريال مدريد
عليك الله ميسى ده فى زول ما بحبو؟
وكريستيانو رونالدو فى زول بحبو؟
قال الناس بيكرهونى عشان سمح و عندى قروش ولعاب!!!!!!!
ده حسع كلام يتقال ده!!
ربنا يشفيك من المرضين ياخ
| |
|
|
|
|
|
|
Re: ما عارف امس الصابحني منو الهلال اتاهل وريال مدريد اتهزم ..؟؟؟ (Re: يوسف الدفينة)
|
بالمناسبة
حقدك دفين
الحكم لم يفوت ضربة الجزاء يا يوسف
بل اعطى الفرصة للرجاء ان يحز هدفا اسهل من ضربة الجزاء بمبدأ الصالح
فالمعز كان على الارض و المرمى خالى ومهاجم الرجاء ما قدامو الا الشبكة لعبها فى القائم!!!!
يظهر كاجيهو انت
لو تابعت التعليق على المباراة بين الشوطين تم التنويه للعرقلة ولكن تم ايضا توضيح ان الحكم منح الصالح
المرة الفاتت قلتو رشينا انميبا
ولمن انيمبا غلبنا فى الخرطوم نشيتو افترائكم السابق
الليلة دايرين تفتروا على الحكم الذى لم يؤثر ابدا على نتيجة المباراة
و اسوأ دايرين تفتروا على الرجاء المسكين الذى كافح حتى نهاية المباراة
هؤلاء الناس لا يرتشون يا يوسف
بصراحة كل الحديث ده لو ما كان هظار و مكاواة
بيقبى قذف و قدح فى ذمم الناس دون دليل و هذه عادة ارجو صادقا ان تتركها
| |
|
|
|
|
|
|
|