|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: صبري طه)
|
Quote: قصدك يعني it is a joke بعد دا ماف طريقة الا الزول يرجع السودان ولا يتحمل حماضة ذو الكفل في السعودية .... ....
__ حطمته آمالنا يااخ |
سلام يالبشارى ياخ هم السويدين زاتهم بيهجروا وبيجو يشتغلو فى النرويج ده اكيد واحد محتال اللى فى الفيسبوك ده لانه اساساً مافى لوترى وقرعه الى السويد لو داير تتخارج من الكفيل وفر ليك حوالى 6000 دولار وقول لى عوك بنوريك البحلك من كفيل ولا غيره
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: محمد زكريا)
|
وعليكم السلام يا محمد زكريا
Quote: ياخ هم السويدين زاتهم بيهجروا وبيجو يشتغلو فى النرويج |
كان كدي الله يعوضنا ياااخ
Quote: لانه اساساً مافى لوترى وقرعه الى السويد |
مش يمكن الحكاية دي جديدة يا محمد ؟
Quote: لو داير تتخارج من الكفيل |
داير بلحيل والله وبعدين الموضوع دا ما فيهو هزار ياااخ لأني جادي جداد شديد والله
Quote: وفر ليك حوالى 6000 دولار وقول لى عوك بنوريك البحلك من كفيل ولا غيره |
جاهز موية ونور والله.. ودا ايميلي تحت كمان أها شنو ليك ؟ على فكرة كنت عايز أعمل تأشيرة شنجن وأزوغ بيها هناك رأيك شنو؟ .. ..
__ [email protected]
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: Safia Mohamed)
|
حولا يا ناس هوى الحاصل شنو, انتوا جادين للدرجه دى معقول الظاهر براى سويتها فى نفسى والله عووووووكم دى وصلت وفاتت بغادى للسويد والنرويج واقول ليكم حاجه اطمئنوا مافى مستحل وكل شىء جايز ولا داعى للاندهاش خلونى اتأكد بس ميه الميه وادونى زمن كافى اعرف النجيضه شنو عشان ما يكون كلام منابر ساى وبيناتنا ايميل ود البشارى صاحب الوجعه الكفيليه ده بس الناس تحدد هى دايره شنو بالظبط اقامه هجره ولا لجوء ولا بزنس لانه كل واحده بتختلف طبعاً الموضوع ممكن ياخد معاى شويه وكت وادعوا معاى ربنا يقدرنا على ان نقدم ما فيه الخير
الظاهر من الموضوع ده ح تخلونى اقول زنقه زنقه معقوله العالم دى كلها دايره تتخارج ولا ريحه الآبرى دى شنو
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: محمد زكريا)
|
Quote: خلونى اتأكد بس ميه الميه وادونى زمن كافى اعرف النجيضه شنو عشان ما يكون كلام منابر ساى وبيناتنا ايميل ود البشارى صاحب الوجعه الكفيليه ده بس الناس تحدد هى دايره شنو بالظبط اقامه هجره ولا لجوء ولا بزنس لانه كل واحده بتختلف طبعاً |
الاخ محمد زكريا
منتظرك تب يا زول ادينا النجيضة بس وبعدين ما مهم اي حاجة المهم نتخارج ... والله صحي بعدين يا جماعة اصبروا لي لغاية ما اتخارج وبعدين نشوف موضوعكم دا
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: أسامة البلال)
|
Quote: محمد زكريا خايف بعد يومين يطلع في ال NRK , وال VG أن En sudanskgjeng er tatt for mennskesmuggling والدليل حيكون من البوست
أعمل حسابك خاصة أنت اليومين دي فاتح ليك نار في جبهة تانية ;) |
يااااخ إن شاء الله ما يطلع في اية حته من القلتهم ديل لو كانوا كعبات .. دا للاحتياط بس وبعدين يا محمد زكريا لو الحكاية دي بتسبب ليك أي حرج أو بتدخلك في حتات ضيقة بلاش منها والله ما دايرنها لو بدخلنا الجنة .. اها شنو ليك يا اسامة البلال وما نحن البنضر لينا زول في سبيل مصلحتنا بس أنت اطلع منها ......... ثمح
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: الامين موسى البشاري)
|
ود البشاري سلام
ياخي أنا خايف علي صاحبي دا. هو زول مروءة وبحب يساعد الناس وبكل حسن النية الأنا عارفو فيهو. لكن الحذر واجب ومثل هذه الأمور أفضل تكون في الخاص حتي لا يدي فرصة لأولاد الحرام إستغلال أي ثغرة خاصة وهو شخصية عامة معروفة في البلد وأكيد هناك من يتربص به
أما بخصوص موضوع السويد فكما أوضح لؤي (وهو إبن السويد) فهو خدعة من جهة تريد الإحتيال
علي أي حال لو عندك الرغبة في الهجرة للغرب فلا زالت الفرص موجودة وإذا تمكنت من الحصول علي فيزا شنجن تكون قطعت نصف المشوار وستجد من يساعدك ولكن بالتواصل في الخاص لحساسية الموضوع وأتمني ليك التوفيق في مسعاك والعندو رزق مكتوب لو في القطب الشمالي بنالو
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: أسامة البلال)
|
Quote: لكن الحذر واجب ومثل هذه الأمور أفضل تكون في الخاص حتي لا يدي فرصة لأولاد الحرام إستغلال أي ثغرة خاصة وهو شخصية عامة معروفة في البلد وأكيد هناك من يتربص به |
احمد البلال
وعليكم السلام .. تعليقك ما كان حلو بصراحة لأن فيه استغلال لعدم معرفتنا باللغة النيروجية دي... وبنفس القدر كان ممكن تنبه صاحبك في الخاص ولا شنو؟ الحاجة التانية تأكد تماماً أن حرصنا على أن لا نضر بأي شخص او زميل ليس محل مزايدة.. وأنا شخصيا كتبت ايميلي للتواصل مع محمد زكريا في الخاص
Quote: علي أي حال لو عندك الرغبة في الهجرة للغرب فلا زالت الفرص موجودة وإذا تمكنت من الحصول علي فيزا شنجن تكون قطعت نصف المشوار |
الحصول على تأشيرة شنجن ساهلة جدا هنا في السعودية ثم ماذا بعد الحصول على شنجن .. لاحظ معظم الناس دي عايزة حاجة أكيدة 100% لأنها مسؤولة عن ناس غيرها وليست صغيرة بالعمر يعني ماف مجال لأي risk كل ما طلبناه هو المساعدة من محمد زكريا لتوضيح المعلومات بل لم نطلب ذلك ولكنه تبرع من تلقاء نفسه بتوضيح الامر عموما حصل خير يا زول..
تحياتي
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: أسامة البلال)
|
Quote: أما بخصوص موضوع السويد فكما أوضح لؤي (وهو إبن السويد) فهو خدعة من جهة تريد الإحتيال
|
يا أُسامة سلامات
زمان وأنا مديـر لواحدة من الشّركات فـي السّويد زارنـي شاب عربـي بيفتّش فـي شغل وبعد قعدة ودردشة وكلام عن صعوبة الـحصول علـى عـمل لـمعظـم الأجانب وأهـمّيّة الإندماج فـي الـمجتمع وتعلُّـم اللغة وما إليه قال لـي : غايتو جينا السّويد قايلنّها ( Sweden ) ، لقيناها ( Sverige ) ولـمتابعـي البوست من خارج سْكيندينافيا ، ( Sverige ) ( سْفاريا ) هو إسـم السّويد باللغة السّويديّة
مودّتـي
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: الامين موسى البشاري)
|
Quote:
|
البشاري وضيوف البوست مساء الـخيـر
أدهشتنـي سذاجة الشّروط والـمزايا الـموضوعة فـي الفيسبوك علـى الصّفحة الـمعنيّة ( أمّا جواز السّفر لا يهـم ) لا أعلـم إن كان صاحب الصّفحة عنـى الـمزاح أم أنّـها مـحاولة للإحتيال خصوصاً عند ملاحظة أمـر ( الـمتـرشّح يـجب أن يكون عربيّاً ) وأن يكون الـتّقديـم للقُرعة عبـر الفيسبوك فقط
عـموماً ، ليس الغرض الإحباط علـى الإطلاق لكن للسّيـر مع موضوع البوست هذا رابط صفحة فـي موقع إدارة الـهجرة السّويديّة (( http://www.migrationsverket.se/info/2034.html ))
وعنوان موضوعها هو :- ( من الصّعب علـى الأهل بلا جوازات سفر ، الـحصول علـى إقامة فـي السّويد ) وللعلـم السّويد من أكثر الدّول التـي لا تـجامل فـي مثل هذه الأمور
قبل فتـرة كنت أقرأ خبـراً فـي موقع الـتّلفزيون السّويدي (( http://svt.se ))
عنوانه :- ( صعب جدّاً الـحصول علـى مساكن للاّجئيـن ) وهو عن الـمصاعب الـتـي تواجه إدارة الـهجرة فـي أمر الـحصول علـى مساكن للـمهاجريـن الـجّدد وهـي إشارة واضحة لعدم منطقيّة الـموضوع علـى صفحة الفيسبوك
تـحاياي
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: لؤى)
|
لؤي يا فنان
شكرا للمعلومات القيمة دي ... عارف بقينا زي الغريق الواحد عايز أي طريقة للمخارجة مش أي طريقة .. أي طريقة كمان زي ما قلت فوق في عمرنا دا ماف أمكانية مخاطرة كبيرة لأننا مسؤولين عن ناس تانين وأكيد بتأثروا بغيابنا أو توقفنا عن العمل وكونك تترك السعودية ساي كدا تاني يمكن ما ترجع ليها.. حاولتارجع السودان مليون زول قال لي ما ترجع لدرجة فتحوا لي بوستات هنا أها لما ألاقي كضبة زي دي مش الواحد ممكن يصدقها .. ..
سؤالي الواضح لو حصلت على تأشيرة شيجن ما هي امكانية الاستقرار في أي دولة أوربية من الموقعين على اتفاقية شينجن؟ التأشيرة هنا متاحة وعندي ليها سكة كويسة نورونا الله ينور طريقكم ..
اكرر لك شكرة مرة أخرى
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: لؤى)
|
غايتوا ياشباب موضوع السويد ده لؤى ده جاب ليكم الديب من ديلو اصلوا هى كن فيها خير ما كان فارقها ابو اللول وحيرنا نمشى نزور منو تانى فيها
لكن والله حبابكم فى النرويج على الاقل تزيدوا لينا عدد البورداب بس بالمناسبه اسامه تنبيهه لى كان فى محله ما تلوموه غرضوا طيب وخير برضوا لكن لا تيأسوا والفيها الخير ان شاء الله بتبقى بدون اى فلس كمان بنشوف ليكم متل صفحات لؤى دى النرويجيه برضو
يا البشارى الايميل بتاعى ان شاءالله وصلك؟
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: الامين موسى البشاري)
|
الله يكفينا شر ابوصلعه البينطح صلعه ياجماعة الخير الموضوع بسيط البيقدر يركب الشنقل يركب ويتشنقل ويا دار ما دخلك شر وقالوا شوفه عين ولا ضبيحه مباشر ولا شنو ماعارف اما الما قادر على اى حاجة ده والله الصلع الا يرقدوا سلطه لو قلنا اقامه هجرة بيزنس وما شابه واعملوا حسابكم من تجار البشر الحذرنا منهم اسامة اصل سيد الرايحه بفتش للمرقة وما بهمة الباب كن خشب ولا قزاز ولا شنو المثل ااا ناس هوى
ناصر فراج ده كلامك ولا جابو ليك عينك فى الفيل بتاع كرتى وما ادراك تجينا فى بوست الكفيل ؟ بااااااااااااااااالعت ياخ ولا العيد بجيبك وكن نجيكم تمرقوا,,,,علا سمعت ناسكم كانو عازمنها فعذرتك والله انتو يا ناس لارفيك منكم خوف ههههه
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: محمد زكريا)
|
Quote: غايتوا ياشباب موضوع السويد ده لؤى ده جاب ليكم الديب من ديلو اصلوا هى كن فيها خير ما كان فارقها ابو اللول وحيرنا نمشى نزور منو تانى فيها
|
مورتون سلامات
بالعكس يا عزيزي أنا ما فارقت السّويد لعدم خيـر فيها وأنا لـم أتركها فأنا لا زلت أقضـي عطلاتـي السّنويّة فيها وأعتبـر نفسـي مغتـرباً إغتـراباً مؤقّتاً وعملـي فـي السّعوديّة كان سببه الأوّل لـمّ الشّـمل بأُسرتـي ثُـم أتت بعد ذلك بعض الأمور التـي ساهـمت فـي إزدياد القناعة بالـخطوة وهـي أمور قد يعلـمها الكثيـر من النّاس مثل أمـر تقييـم شهادات ومؤهّلات وخبـرات وجنسيّات الغرب فـي منطقة الـخليج تكاليف الـمعيشة الـمنخفضة جدّاً هنا مقارنةً بالغرب وعدم وجود للضّرائب ، وأنت تعلـم إرتفاعها فـي السّويد
وأنت قد تعلـم خيـر السّويد السّويد تدخل ضمن أفضل وأبرز عشر دول فـي العالـم وذلك فـي مـجالات عديدة قول واحد حقوق الإنسان فـي معظم دول العالـم الإنسان يُعامل كحيوان وفـي السّويد الإنسان يُعامل كملاك الإهتـمام بالإنسان والـحيوان والأشجار حقوق الـمرأة والطّفل النّظام التّعليـمي والـتّأهيلـي نظام الرّعاية الطّبّيّة والعناية الصّحّيّة نظام الرّعاية والإعانات الإجتـماعيّة الحدّ الأدنـى للأجور قوّة الأنظـمة النّقابيّة وعِظَـم دورها فـي حفظ حقوق العـمالة العدل بكُلّ معانيه سهولة وبساطة ويُسر الإجراءات فـي دوائر الـمصالـح ناهيك عن نظام الـمواصلات والـمساكن والـمرافق والقائـمة طويلة والأمثلة والـحكايات عن ملائكيّة السّويد وشعبها كثيـرة جدّاً وسأروي نـماذج منها إن سـمح الـمجال فهذا واجب علـى عاتقـي تـجاه هذه الـجنّة
تـحاياي
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: لؤى)
|
سلامات اهل البوست
ويا لؤى كيفك انت والاسرة وكل الاهل
بالمناسبة حكاية الشروط السهلة للراغبين للهجرة دى
انا برضو خلتنى اشكك فى جدية الموضوع والغرض منة
واذا تابعت اللغة الركيكة المستعملة فى الاعلان حتما ستعرف
ان الاعلان دة فية ان. وكنت بغرض فتح بوست بخصوصة لكن طالما
تواجدت انت هنا ارجو ان تعمل على اماطة اللسان عن هذا الموضوع
او افتراع بوست لة خاص حتى نعمل على تفنيد هذا الاعلان
تحياتى مرة اخرى
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: عماد موسى محمد)
|
Quote: بعدين يا البشاري المؤسسات الحكومية في قطر "ككفيل" حاجة مريحة إلى حدّ كبير خاصة إذا كان العقد"خارجي" يمكن تلقى ليك قسكة عندنا..بدل ما برد النرويج ينشّف عضمك!! والله صحي! |
هههههههههههه تشكر يا عمدة يااااخ ما قصرته والله سيرتنا مشتته في قطر عند بعض الاصدقاء ومنتظرين منهم خبر قريب ان شاء الله لكن برضو برسل نسخة منها عسى ولعل وبعدين دايرين نحضر كأس العالم عندكم .. والله صحي انت بس خت لي بالك في أية وظيفة في مجال ال IT
تحياتي
| |
|
|
|
|
|
|
Re: السويد فتحت يا ود الصايم (أرحكاكا).. قرعة الهجرة الى السويد 2012!! (Re: Hisham Amin)
|
Quote: ارجو ان تعمل على اماطة اللسان عن هذا الموضوع
|
سلامات يا هشام كيفك وكيف الأهل ؟
يا هشام لو تسـمح لـي إماطة اللثام وليس إماطة اللسان إماطة تعنـي إزالة واللثام دا غطاء الوجه مُش بيُقال : فلان متلثّـم ؟ يعني مغطّـي الوجه كدا فإماطة اللثام تعنـي كشف الغطاء عن الوجه لتُعرَف الشّخصيّة لذا تُستعـمَل عبارة إماطة اللثام لتعنـي الكشف عن غيـر الـمعلوم
تـحاياي
| |
|
|
|
|
|
|
|