- الو دكتور ازيك - اهلييييييييييييييييييييين دكتور محمد ياخي ما جهجهتني عديييييييييل والله انا منتظرك العيد ما ضقت ليه طعم - كل عام وانت بخير قلت اعيد عليك بي بشارة - ما تباااااااالغ ان شاء الله الفي بالي - انت عامل كيف - عامل مجنون ياخ مزنوق زنقة والله البلد ماشة لي وين ما عارف خزينة فاضية ومرتبات موظفين وحرب في كردفان وجابت ليها حرب في النيل الازرق ، جد انا داير اخارج - تتخارج مستعجل مالك - ما شايف الفضايح البتطلع كل يوم دي ويكيليكس ده يجيب الحمى ، احسن نتخارج من البلد دي بي سترتنا - طبعا الفيزا - اها ما تحبطني - يادوك لوك الصبر -يامحمد انا عديييل اعصابي بايظة طمني - الفيز لقيناها - احيييييييييييييييييي الحمدالله كدة قول لي - لكن - لكن شنو ما تلكنها عليك الله يا ابو حميد - لكن تعبتنا تعب شديد لانو كونو نلقى ليك امير دي بالجد مسالة ماساهلة لانو سالوني قالوا لي لما ده امير وده امير منو البسوق الحمير ، قلت ليهم اميرنا ده هو الحيسوق الحمير لانو دكتور بيطري ، اها كلمة بيطري دي كانت الكلمة السحرية ووافقوا لكن زولك - زولي ياتو ؟!! - بتاع الجهاز - اها ما تقول لي صعبة - لقيت ليه واحدة كاوبوي - يعني شنو كاو بوي - يعني المهنة راعي - يازول راعي راعي هم ناس الجهاز ديل كلهم ما اصلهم زي الرعاة وواحد - خلاص كلمو قول ليه كفيلك بدوي - بدوي السنوسي ؟ بدوي السنوسي شنو عليك الله بدوي يعني من البدو -طيب والمشكلة ؟ - انا احكي ليك قصة حقيقية لواحد صاحبنا ضاقت بيه العيشة زي يك ايام يا الامريكان ليكم تسلحنا اها جا هنا ما تم ليه اربعة شهور اهلو اتصلو عليه قالوا ليه اللوتري بتاع امريكا القدمت ليه ضرب ما صدق جا بكل عفوية السودانيين قال لكفيله البدوي اعمل لي خروج نهائي ، الكفيل استغرب قال ويش بيك ؟ توك جاي وتقول تبي خروج نهائي؟!! اخونا قال ليه لاني ماشي امريكا ، وهنا البدوي قال تروح امريكا؟ ايش لون تروح امريكا؟ ما تدري انكم ارهابيين ؟ والله تروح امريكا تسوي خرابيطكم هدي تمسكك الشرطة ، مين كفيلك ؟ انا كفيلك والله يضيعوني !! - ههههههههه بالله للدرجة دي - ايوة وكلمو يجيب معاه مسواك ما يجيب فرشة ومعجون - ليه - لانو قبل كدة عندنا واحد صاحبنا جبناه كاوبوي مشى مع كفيلو البر والبر يعني الخلا يادوك وصلوا بالليل تاني يوم الصباح صاحبنا قام يتسوك بالفرشة والمعجون كفيلو صحى لقى ليك اخونا خشموكلو معجون ، صيح فيه قال ليه : تتمعجن؟!!!!!!!!!! ايش لون راعي ويتمعجن اها ودق لي نهائي - لا حولا خلاص بخليه يجيب معاه شجرة اراك عديييل - اها يا دوك الفلة حولها عشان ندي الناس - جدا يا دوك كم؟ - يا سعادتك روق عاوزني اقول ليك هنا وناس سودانيز الشمشارين ديل كلهم هسة بقروا في الشمار ده عشان بكرة يجيبوني في ويكليكس!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
BAKTASH
ياسر السر
فيس بوك
تويتر
انستقرام
يوتيوب
بنتيريست