(One way tickets) اها نحن العازين نلبس الكاكي بالجد!!

Quote: بتذكر اساسي كان عامل انه مستعد يتبرع لمناضلي الكي بورد العايزين يرجعوا اها ده طلب جادي جدا. انا محتاجه ثلاثه تذاكر اثنين للاولاد برجع بسلمهم لابوهم وانا تذكره واحده بطريق يوصلني لكاود!! جوبا...كادو...ومن غير بالعكس كيف معاكم؟! انا مالك عقار المتردد ما بلبي ندائه الحلو رجل المرحله راجل صادق ورزين وعصامي لا عنده همر ولا قمر عنده قيمه ومبادئه وطرحه القيم الامين الشامل لكل مشاكل السودان! نموذج للثوري الاصيل!قابض على جمر المباديء!! ومعاهو كوكبة اشاوس بترجعه للطريق الصح لو مره حاد عنه! المدارس فتحت البارحه للاطفالي لكن مالوا ما يقطعوا تعليمهم يعني هم افضل من اطفال كادوقلي ولا الطينه ما كلهم فاقدين لسنين من اعمارهم بين مخميات اللجؤ!! شابكننا كل يوم لبسنا الكاكي ولبسنا الجن اها فكرينا نحن لابسين شنو؟؟؟ يلا يا ودالباوقه و اساسي و الشفيع وجمال محمود ود.بيان وعبد الملك العنصري داك وكل شلة الانس....ومطبلي المؤتمر الوطني التذاكر بالله....وما عايزنها كاش عشان تقولوا عايزين ناكلها تذاكر وبس!! ونشوف الما جادي منو؟! يمين الله نحن قعدنا هنا الشديد القوي.... ولعتوا دارفور سنينا واجتحتوا ابيي وشردتهم اهلها واجتحتوا كادوقلي...وضواحيها وما حولها وشدرتهم وابدتم اهلها! والآن النيل الازرق....فاكرين روحكم منو؟؟ ثلاثه ارباع الشعب مشردين ونازحين وكمان تتكلموا باسمنا؟؟ منو انتو ومن فوضكم يا اقلية الشؤم و الدمار؟!

Quote: هلا هلا أم حازم هلا هلا على الكلام الجد.. الرحاطة مقابل التذاكر.. راية تحدي عملاقة.. لله درك..

Quote: سلام تراجي والف سلام .. من الاخر كده معني حديثك ده انك خلاص قنعتي من اقناع المناضلين في الذهاب لجنوب كردفان .. وهل تعتقدي انك بذهابك سواء النيل الازرق ولا كاودا ستفلي اكثر مما يفعل الان ؟؟ ام ان الموضوع تحدي للشفيع وبس ؟؟ افتكر ان ما تقدميه هنا افيد للنضال من ذهابك هناك ..

Quote: شغلك نضيف يا اخت تراجي لكن ماشايفة انك غضبانة حبة،

Quote: الا صدقني انت لا تتخيل ما يمكن ان اضيفه للرفاق و الرفيقات هنالك.