|
Re: اهلا بهم في الدوحة عفاف ابوحريرة حفصة المحرب خالد المحرب طارق نقد (Re: معتز القريش)
|
Quote: تمنياتي لهم بقضاء إجازة سعيدة. وكل عام وكلكم بخير، ما عدا أهل الظلام من أمثال ود القريش. |
دينق عليك الله لو قريب بي جا في العراق ولا ليبيا (أصلك متخصص في الدول العربية) أختف كراعك وتعال عيّد معانا أنا متأكد انك ح تغير رأيك في الظلامي الحالة الانت فيها دي كلها تشويش اعلامي يمارسه المدلس الكبير والكبير جدا بدر الدين الأمير
ياخ والله انا جاي .. بغداد ما بعيدة من هنا
منتظرنك على أحر من الجمر
| |
|
|
|
|
|
|
Re: اهلا بهم في الدوحة عفاف ابوحريرة حفصة المحرب خالد المحرب طارق نقد (Re: بدر الدين الأمير)
|
Quote: دينق عليك الله لو قريب بي جا في العراق ولا ليبيا (أصلك متخصص في الدول العربية) أختف كراعك وتعال عيّد معانا أنا متأكد انك ح تغير رأيك في الظلامي الحالة الانت فيها دي كلها تشويش اعلامي يمارسه المدلس الكبير والكبير جدا بدر الدين الأمير
ياخ والله انا جاي .. بغداد ما بعيدة من هنا
منتظرنك على أحر من الجمر |
و القريش.
أنا بجي الدوحة. لكن أنت بتقدر على ضيافتي؟
| |
|
|
|
|
|
|
Re: اهلا بهم في الدوحة عفاف ابوحريرة حفصة المحرب خالد المحرب طارق نقد (Re: بدر الدين الأمير)
|
بدر الدين الامير كل عام وانت بخير
اقول ليك النجيضه وخت فى بطنك بطيخة صيفى شفت الناس الجايين عليكم ديل لومنى لا معتز القريش لاهجو الاقرع ولا طمبل سيد القهوة ما اظن يلاقوهم كلو كلو... هههههههههههههه.. اول شى كمية الشاى الشربوها فى السعودية !! الله يغفر ليهم بس.. تانى زول شاى بى لبن ما اظن يلبو ليه دعوة.. ناس جايين بى كبدة ابلهم ديل ناس عمرة لووووووول... ديل ناس شربووووووووووووووت ساكت ... بدر اكشح لينا زير شربوتنا معاك،،،
| |
|
|
|
|
|
|
Re: اهلا بهم في الدوحة عفاف ابوحريرة حفصة المحرب خالد المحرب طارق نقد (Re: يحي ابن عوف)
|
ألف حمدلله على سلامة الوصول لشيخ العرب ود المحرب وأسرته وشيخ الحضر ود نقد وأسرته ، ونتمنى لهم إقامة وعيد سعيد بين أحبابهم وأحبابنا ناس الدوحة الحلوين وزينين .
والله كان في النية نعيد معاكم (جرياً على عادتنا السنوية) يا أمير ود الأمير ، ونلتقي بكم وكل الأهل والبورداب الأحباب في قطر خلال عطلة العيد ، لكن برمجة عائلية طارئة ومناسبتي خطوبة و زواج دفعت بنا وألزمتنا عدم مغادرة المملكة ، ولنشد الرحال للقصيم ، حيث المناسبتين هناك خلال أيام العيد السعيد . ومؤكد الجايات أكثر وأسعد .
وكل عام وأنتم بخير ،
مودتي ،
( ليمو )
| |
|
|
|
|
|
|
Re: اهلا بهم في الدوحة عفاف ابوحريرة حفصة المحرب خالد المحرب طارق نقد (Re: Al-Shaygi)
|
Quote: تمنياتي لهم بقضاء إجازة سعيدة. وكل عام وكلكم بخير، ما عدا أهل الظلام من أمثال ود القريش. |
الاخ الصديق دينق مازلنا فى الدوحه الجميله باهلها ونحن فى حبور وسعاده اما هذا الظلامى زول جميل وانسان وناس وانا ما حاسى بانو ظلامى فى اليومين الفاتو ديل عليك الله يا دينق تعال الدوحه وشوف هذا الظلامى على الطبيعه طوالى تقول كما قلت له فى الصوره التحت دى انت ليه بتكتب خلاف ما تبطن انا فارد فيها اصبعى
| |
|
|
|
|
|
|
Re: اهلا بهم في الدوحة عفاف ابوحريرة حفصة المحرب خالد المحرب طارق نقد (Re: طارق ميرغني)
|
Quote: الاخ الصديق دينق مازلنا فى الدوحه الجميله باهلها ونحن فى حبور وسعاده اما هذا الظلامى زول جميل وانسان وناس وانا ما حاسى بانو ظلامى فى اليومين الفاتو ديل عليك الله يا دينق تعال الدوحه وشوف هذا الظلامى على الطبيعه طوالى تقول كما قلت له فى الصوره التحت دى انت ليه بتكتب خلاف ما تبطن انا فارد فيها اصبعى |
صديقي ود المحرب.
أكيد يكون ود الأمير طعن الظلامي ود القريش بحقنة أستنارية مؤقتة. بعد زيارتكم دي حترجع حليمة لقديمها.
| |
|
|
|
|
|
|
Re: اهلا بهم في الدوحة عفاف ابوحريرة حفصة المحرب خالد المحرب طارق نقد (Re: طارق ميرغني)
|
Quote: يا ود المحرب
خلاص كفايه
بس كول لمعتز قريش باذن الله العيد الجاي انا باتفق مع اخي دينق
نعيد سوا سوا في الدوحه معاكم |
الاخ طارق ميرغنى كل عام وانت بالف خير وا سرتك ، مرحبا بك و بالاخ كريم دينق فى اى وقت و صولكم لنا فى حد ذاته عيد هذه واحدة.
الثانية سوف يكون اليوم من بعد الظهر شيح العرب خالد ود المحرب ضيفنا فى منطقة دخان باذن الله و برفقة الاستاذ طارق نقد واسرته على فكرة دخان اكثر من مائة كم( خارج الدوحة) ، وسوف نوصله الى الحدود السعوديه لانها مننا جبدة.
يا دينق كل سنة و انت بالف خير و عيدك مبارك . يا شيخنا ود القريش ده عديل كده ضوء قبائل حقو تصلح علاقتك معاهو شديد ، لانو بعدين هو البجيبك لينا فى دخان حيث الاندية و جماعتك كلهم حوالينا و الاشياء الفى خاطرك
| |
|
|
|
|
|
|
| |