|
|
|
 Re: الاربعين .. هرمنا اوانطة ساي! .. ما جاتنا أي رسالة!! (Re: داليا الكباشى)
|
دلوش العروش ..
Quote:
كل سنه وانت طيب يا فتح الرحمن
والسنه الجايه انت وتمبس ترحموا لينا البنادويث وتقصروا مداخلاتكون شويه
|
Look Who's Talking!?
يا دكترة مداخلاتك بقينا نتعامل معاها بما تستحقه من الاسكرول داون بس!
انت قايلة الحساب بالمتر!؟
كان ادوني مكتبة اسي لو كدا!
---------
كل سنة و انت طيبة يا صديقة
| |
 
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: Hololy)
|
كل سنة وانت طيب ايها الاربعيني
يعني انت عذراء
هاك احلى ما في رجل العذراء
Quote:
أما في الحب الحقيقي فكل مواليد برج العذراء تقريباً صادقون أوفياء لا يسعون لتبديل أو تغيير . من الحسنات التي اشتهروا بها في الزواج اهتمامهم بأبسط الأشياء إرضاءً لزوجاتهم , وبذل كل الجهود لإزالة العقبات من طريقهن والحفاظ على الروابط العائلية ما دامت لا توجد أسباب وجيهة تدعو إلى عكس ذلك مع أنهم ليسوا شديدي الغيرة. |
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: محمد عمر عقيد)
|
عقيد خيل الخضر
Quote:
قيقا الأخضر
قمنا بالواجب والتهنئة في موقع غير هذا ... إن شاء الله تكون وصلتك
هذه هي السن التي تؤهل للترشح لمنصب رئيس الجمهورية في أغلب الدساتير المعاصرة ....
يعني بالمختصر المفيد ... هل ممكن نعشم في ترشحك في أول انتخابات قادمة ... مخجوجة أو غير مخجوجة ؟؟؟
|
لم اكن انتوي الترشح للرئاسة
لكن كان رشحتوني فما في مشكلة .. منها ذاتو سبوبة نصلح دخلنا شوية ..
اخوك يتيم .. و ذاتو محمولين وعندنا بنات بنربي فيهن ياخ!
اسي الرئيس بكون مرتبو كم مع الغلاء العلينا دا؟
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: khaleel)
|
Quote:
ليه ما جاتك رسالة
مش رسلت ليك ايميل
كل سنة وانت طيب
|
و انت طيب يا خلي ياخ
اما بعد
الرسائل خشم بيوت
و الايملات خشم بيوت ..
اها
لكن بما اني فكي ديغيتال .. فعلن رسالتي الراجيها دي ديغتال
-------
يحكى انو الاميرة نصرة بت عدلان غارت على الشيخ السني في ضواحي مدني ..
و قالت مغاضبة : كيف يا الشيخ تقول انو " المريسة حرام" و جيشي كلو معتمد عليها؟
فرد بهدوء :دا ما انا القلت .. دي الرسالة!
فانفرجت اساريرها وهي تردد:
الحمد لله كان دا كلام الرسالة .. يبقى كلام نسوان سااااي!!
رواه الراوي الديغيتال قيقا راوي
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: عماد حسين)
|
حبيبنا عماد حسين
Quote:
با قيقراوي
الله يطيل عمرك في الطاعة ويختم ليك بخاتمة السعادة
ما داير أطلعك عجوز.. وما داير أشفقك...
بس عندي أمور خطرت ببالي حبيت أقوم بإنزالها كمشاركة
|
عيد مبارك
و تقبل الله منا و منكم صالح الاعمال
آمين ياخ
و نسأل الله حسن الخاتمة
حج و حجينا .. اها بعد دا نتزود للدار الآخرة ساي
----------
احمد يا حلولي
نسيت ابلغك تحيات (عنكبة) من رحاب المسجد النبوي الشريف
فهو يغريك السلام ..
و بعض ابتسام لذكريات جميلة كانت بمصر المؤمنة بي أهل الله
لووووووووب
حكى لي جنس حكاوي!
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: جمال الباقر)
|
Quote:
هاك احلى ما في رجل العذراء
|
يا دكتور
Quote:
المولود العذراء يجمع في شخصه جميع صفات الأبراج الترابية ( التجسد ) . إنه من النوع الموجب والسالب . جدي في حياته عامة . يتميز بالذكاء المتوقد , والقدرة علي التكيف , فصيح اللسان , متحدث لبق , لكنه ميال إلي النقد .مرن الذهن , صادق , ولديه قدرة علي التجميع والاستنتاج . مناقش بارع , ملتزم بأفكاره وبما يقوم به . يمضي بأعماله إلي أبعد الحدود , خاصة إذا آمن أن ما يدفعه لذلك جدير ويستحق الاهتمام
العذراء نشيط وعملي بسعي إلى الكمال , يتميز بالعبقرية , والمهارة , والمرونة . عيناه تشعان ذكاءً . يتفرس بمحدثه وينظر إليه بعيون ثاقبة . وقد يشعر الآخر أن في عيون العذراء سهاماً قادرة علي اختراقه . انه أعظم مراقب ومحلل تعرفه في أي مجال
يهمه وضوح الأمور وإظهار حقيقتها وتمامها .لذا نراه يهتم بالأمور بشكل دقيق , فهو عملي وواقعي جداً لا يدع شيئاً يفوته . يملك مواهب وقدرة كبيرة علي تأدية الأعمال باندفاع وشغف . يمتاز بحس عميق بالمسؤولية . كثير النشاط , لا يكل ولا يمل مما يقوم به . محب للبحث والتحقيق , كل الأمور بالنسبة له تحتاج الي دراسة وتحليل . مثابر دقيق . ينظر إلى الأمور بعين فاحصة وشاملة أكثر من بقية المواليد . للعمل أهمية كبيرة في حياته ( للمرأة والرجل في هذا البرج علي السواء ) , فهو الذل يحدد شخصيته ومستقبله . تفكيره ذو مستوي عالٍ . يلاحق أهدافه العملية والثقافية التي صمم تنفيذها في وقت معين , يكرس نفسه كلياً لهذا العمل , وجميع أعماله عموماً يعطيها الوقت الضروري لإتمامها . ولا يقبل إلا النتائج العالية والمتفوقة
العذراء يكره من يتدخل في عمله وشؤونه أو من يحاول تشتيت ذهنه , ويعتقد البعض أنه خطير في وضع الخطط , لأنه موهوب جداً في إدارة أعماله وأعمال الآخرين التي تدر ربحاً وفيراً . عملياً يبذل جهوداً كبيرة وتضحية من دون حساب . يكون مخلصاً , ومندفعاً , ويعمل بصدق لا مثيل له . خاصة إذا احب ما يقوم به , وهو الشرط الأساسي الذي يجعله يحترس من كل شئ حتى من نفسه , لذلك الحياة بالنسبة للعذراء ورشة عمل من أجلها يهمل راحته ومتعته الخاصة .
|
جابت ليها كمان Avatar راسو عديييل!؟
قلنا ليكم رسالة ساي ياخ!
لكن مادام دا رأيك .. فالقول ما قلت ..
كما قيل اسأل طبيب و لا تسأل مجرب ..
----------
حلولي يا جميل ..
شفت كيف!؟
مافي حتى رسالة واحدة بيها نتصبر شوية ذاتو ياخ!
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: Hololy)
|
حلولي يا حلو ..
انا في الشغل - و اليوتيوب بلكوهو الـITـياب ؤ كدا ..
اذا وصلت للبيت سالماً كما تصل القافية بلا خللٍ .. قبل ما اقول لنفسي شكراً بكشف و بشكرك انت دا
--------
لي وكتها كدي شوف اليوم دا عجيب كيف ؟
Quote:
مواليد
1609 - مراد الرابع، سلطان عثماني.
1632 - جون لوك، فيلسوف إنجليزي ومؤسس مبدأ التجريبية.
1915 - إنغريد بيرغمان، ممثلة سويدية.
1936 - جون ماكين، سيناتور أمريكي.
1957 - شيرو ساغيسو، ملحن ياباني.
1958 - مايكل جاكسون، مغني أمريكي.
1983 - زابي بريتو، لاعب كرة قدم إسباني.
وفيات
1966 - سيد قطب، قيادي بجماعة الأخوان المسلمون.
1982 - إنغريد بيرغمان، ممثلة سويدية.
1984 - محمد نجيب، أول رئيس لجمهورية مصر العربية.
1987 - ناجي العلي، رسام كاريكتير فلسطيني.
2003 - محمد باقر الحكيم، رئيس المجلس الأعلى للثورة الإسلامية في العراق.
أعياد ومناسبات
عيد الثورة الوطنية السلوفاكية ضد النازيين في سلوفاكيا.
أول أيام تحوت، وهو أول يوم في التقويم المصري.
المصدر: منتدى الملتقى العربي
|
رواه قيقاراوي و اضاف :
1967 مؤتمر اللاءات الثلاث - الخرطوم
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: قيقراوي)
|
خَطفاً نحو الأربعينِ
إلى صديقي عدنان المقداد وإليّ والأربعون تتدحرجُ نحونا
أوشكُ –مثلك يا صديقي-
أن أخاصِرَ الأربعين،
لأتورطَ بابتداءِ العُمرِ،
بالعدِّ والعدوِ نحو طُفُولةٍ تنسجُها عافيةُ الرُّوحِ...
أتقنُ دسّ الشغبِ بأورِدِتها،
أتشكلُّ بها باكِراً،
لمُجابهةِ أيامٍ ستنتفضُّ من غفوتِها،
وتسبقني إليها،
تضعُ بصمةَ خِداعٍ تشيُ بأنها ليست كسِواها،
فأبقى في الطفولةِ،
أخلقُ صباحاتي وأترفقُ بتفريقِ النجوم..
.
.
.
" بهذا الهدوءِ الذي ينتعلني، بأظافِرِي التي أضعتُها بلحمِي، بهمسِ الأشباحِ مِلءِ أشلائي، ببوابةِ العويلِ التي اندستْ بفمِ السُّكوتِ، بألغامِ النَّزقِ، بحشرجةِ الضوءِ، بانثناءِ المطرِ، بتلويحاتِ الهباءِ، بهرجلةِ الأجِنةِ، بانكسارِ الأُمنياتِ، بالحفاءِ الأكيدِ للذاكِرةِ، بشخيرِ النوايا في جسدِ الضّحكةِ المُعلقةِ بالاتزانِ، بالاتزانِ والتناثرِ والتكاثرِ والتقوقعِ والتقزمِ والتأزمِ والتّشرذمِ والتواطؤِ ببِشرةِ الغِبارِ، باحتراقِ الصدى...
بكُلِّ أوتاري المشدودةِ بالهمُودِ..."
.
.
.
لتذبُلَ أوراقُ الأيامِ،
تتساقطُ...
سأرنو إلى قسماتِها بإشفاقٍ،
وأعدو إلى الوراءِ،
كلما اصطحبتني بغيِّها،
لسحنةِ الجدبِ..
أشهرُ نزقَ روحي،
وتصبغُ ضحكتي طُفُولةٌ متُوهِجةْ..
هذا ما كان
ولا أدري عما سيكون
في حال كنا
أو سميكون...
يا اخي قوم لف
ميلاد ولا رأفت...
| |
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: SHIBKA)
|
اربعين بالقديم ولا بالجديد ؟
اربعين رطل ؟ ملوة ؟ كيلوواط ؟ فهرنهايت ؟
اربعين شنو !
حولاااااااااااا الايام بقوا يعدوها بالاربعينات ؟
الحسنة الوحيدة انك ما ح تبرانا شديد قررربت للميس ..
لووووووووووووووب
خريف العمر ياخ .. انت مش مرقت من جايزة غادة وبس
انت مرقت من الجنة وسقطها .. وانا من زماااان اقول الزول دا
مخرف مالو ؟
ــــــــــــــــــــــــــــــــــــــ
للضمان كدا كل سنة وانت طيب ، والجفلن خلهن اقرع الواقفات !
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: دينا خالد)
|
قيقا يا حبوب
كدي أول حاجة
كل سنة وإنت أجمل وأنبل.
و
I hope life treats you kind
And I hope you have all you've dreamed of
And I wish to you, joy and happiness
.But above all this, I wish you love
تاني حاجة الواحد ياآخوي مما عدي التلتين
بقي ماسك في النظرية القبانية الآتية:
مازلت تسألني عن عيد ميلادي
سجل لديك إذن ما أنت تجهله
تاريخ حبك لي تاريخ ميلادي
دا طبعاً إذا إستصحبنا المستند الدولي المزور الذي يدين أحدنا.
___
تخريمة
إنت مسئول من الخير الـ Midlife Crisis بجي للزول متين؟؟
مع أمنياتنا ليك تجاوزه في المستقبل القريب.
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: دينا خالد)
|
40 سنة و لا رواية و لا ديوان شعر
لا كتاب فكري و لا كتاب فلسفي ولا
نظرية ساااااكت كدا فى المحاسبة دى!!!؟
و الله فعلاً انت راجل اونطة
بعدين انت قائل الرسالة دى بتجى ساكت كدا!!!؟
انت و الله صحى زول عجيب و متطلع
رسالة شنو التجيك وانت زى اخوك ود المشرف
مكتبه ما عندك!!!
تانى اوعه اسمعك تقول انا قدرك
عيدك سعيد ياخ على العموم
لكن غرض على كلامى الفوق
دا ولو داير نصيحة اخو
امسحو قبل البروف يسمعو
ويشوفو .
ــــــــــــــــــ
بالمناسبة بهناك حاصلة حاجة
تحفه ومباااااالغه كان فاتتك.
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: أمين محمد سليمان)
|
Quote:
بالله يا قيقا دقيت في الأربعين و شابكني يا خال يا خال ؟ ياخي يخلل ضروسكم إنت و حمور !!
|
فعلن خالي جراب!!
فليسوف عصره و آونه ما خاتي عليك كان كدا
انت الزمن دا كلو قايل مسألة (خال) ي صلة قرابة!؟ .. و متعلقة بالعمر!؟
لووووووووب
خال دي صفة غرابة ( من الاستغراب) ..
و قيل هي صفة لجرابك عييييل!
(علفت)الكنتة!؟
----------
بعين زي ما قلت لسوفي ناب الاصلع ..
ما حاجتي لما ذكرتم!؟
الحمدد لله المتفرد بالشكر على المكاره اخوك - سوو فار - يتمت بشعور طيب ..
المكتبة و الفلسفة و الاخلاق و الذوق و بلا بلا بلا دي ليكم انتو الصلعان مفتقدي الشعور ديل ياخ!
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: jini)
|
Quote: ينفع و نص و خمسة يا ابو حميد*
اقلو تعال نتباحث المور الاربعينية ذات الاهتمام المشترك ياخ! |
مش قالوا دفعة صاحبك يبقى ليك دفعتك
حسب نظرية التعدي .... نحن دفعة
نظام تلصق وكدا ... والله صحي
احمد ابن عوف دا دفعتي خلاص كدا نبقى دفعة يا قيقا
عقبال المئوية ياااااخ وانت طيب
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: أيزابيلا)
|
يا قيقا كل سنة وانت طيب
والله دينا دى انت هجمتها عديييل كده بهناك
والله مداخلتها مقارنة مع مداخلة الاخ عماد
نعمة ياخ
ده انت طلعت حاسب ميلادك غلط
وانك بدأت النزول نحو الهاوية
وما عارفه شنو حاجات كتيييرة كده تودى فى داهية
اقول ليك حاجة مداخلتو دى كلها شيل منها الاية والهج بها
دعاءا بأثر رجعى باعتبار انك هسه 41
و تقبل الله
وربنا يجعلها فى ميزان حسناته ان جاء بها هنا
والله اول ما قريت بوستك ده اتذكرتها
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: أيزابيلا)
|
Quote:
اتقدم انت فى العمر عقد ورا عقد....لامن تلقى روحك في المؤتمر السادس ^_^
|
لوووووووووووب
حليلو قبلو!!
بعد الاربعين القصرت الخطى دي، تاني لا مؤتمرات ...
لو (بهمسة) او بستة عديييل!
عاوزين نقطع للذكر و العبادة بعد دا ..
و قيل عاوز نتفرغ للكتابة الابداعية ( لو كره امجد الفريد في التعسف، المستاءل عما هية الكتابة الابداعية)
ما شفتي الصلعان من نوع سفيان و من اتبعه بغير احسان شغالين لي كيف!؟
و انا اجزم انو حظي في السغافة كحظي في (الشعر) معاهم ... بس خاينة .. ما بتدي حريف
لا مكتبة لا عمود في الصحف السيارة!! .. و لا حتى عضوية الفورسيزونس!
-------------
محمد منو المعاكم؟
انا كنت قايلك انت و صاحبتنا براكن ...
اوع يكون عمك نقد؟
لوووووووووووب
المحمدات انا فارقتهم فراق الطريفي لي جملو ...
محمد اخوي ذاتو مات ...
باقي على سيد اللسم بس .. اسي جايي من زيارة ليهو!
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: دينا خالد)
|
دندنة
( تصابي عديييل كدا .. واخد بال سعادتك يا عريس)
Quote:
الحسنة الوحيدة انك ما ح تبرانا شديد قررربت للميس ..
|
انا ذاتي قلت كدا!
نمش نبرى البي هناك امكن يتشجوا و يبطلوا موت و يتلحلحوا شوية، يقوموا يجوكم بي جاي تاني
----------------------
عندنا صاحبن لينا مصررررررر انو الضفة البهناك احسن من البي هنا ...
و سؤالو موط ظن دايمن : وروني واحد مشى بي هناك و جا راجع!؟
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: معاوية الزبير)
|
Quote:
انا صاح ما عندى مكتبه ..
وصاح اربعينى جديد لنج (بالتقويم الميلادى)..
بس كمان ما زى قيقراوى ..
انا عندى عدد كبير من القصائد المنشوره فى عدد من الدوريات والملاحق الثقافيه والاسفير ..
كما ولدى "روايه" قرررررربت تنتهى وتنتقل لمرحلة تحت الطبع ..
واحتمال كبير جدا تاخد جائزة الطيب صالح ..
الامر الذى سيحرق "حاتم الياس" هنا وبفور اول
كما وأخوك عضو بمنبر الحوار الديمقراطى ..
وده شعرا ليس له عند قيقراوى رقبه ..
ولا يتوفر عليه أمين نوته ابتداءً
فأنظر يا هداك الله وتدبر فى الأمر ..
ولا تلمنى وقيقراوى وحتى نوته فى سلة واحده ..
قال مكتبه قال !!!.. |
كااااااااااااااااااااااااااااااااك
بت ال###### يا الشعيريه
هاهاهاهاهاهاهاها
اها يا ود المشرف أنا غلطااان و سافى
التراب أني لميتك مع الأخ سيد البوست دا
و الله بعد السي في بتاعك دا مفروض
الرعه دا ما تشتغل بيهو نهائي
و تتكلم معانا نحنا ديل مستواك
طق طرق بس فايتنك بى مكتبه
هاهاهاهاهاها
و الله مداخلتك دى ريحتني في ابو
ام كنجوجى ذاتو
كاااااااااااااااااااااااك
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: سفيان بشير نابرى)
|
....
...Quote: .....
....نسيت ابلغك تحيات (عنكبة) من رحاب المسجد النبوي الشريف
فهو يغريك السلام ..
و بعض ابتسام لذكريات جميلة كانت بمصر المؤمنة بي أهل الله
! |
..........
...قيقا يا وريف ..
...
...ياريت لو كنت عارف ... الحاجه ...كانت معاكم هناك .... في حالة اعتمار روحاني....
...
...و بالله باصي التليفون (593636347) ..ده لابو العناكب ... و قل ليهو بتصل بيهم لانو حتسافر بكره
...و قلو ليهو تليفونك ضاع ...زي ضياعنا الاونطه ده ...
..
..
...و بخصوص دي ...
Quote: .....
.حكى لي جنس حكاوي!
|
...
...اقول ...
...
...الله هوبيني
..
..
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: سفيان بشير نابرى)
|
....
...Quote: .....
....نسيت ابلغك تحيات (عنكبة) من رحاب المسجد النبوي الشريف
فهو يغريك السلام ..
و بعض ابتسام لذكريات جميلة كانت بمصر المؤمنة بي أهل الله
! |
..........
...قيقا يا وريف ..
...كل سنه و انت و الاسره ..و زوارك بالف خير يا صديق ...وفي وطن عزيز الجانب
...و عقبال مية ....هرمنا...
...
...ياريت لو كنت عارف ...لانو ... الحاجه ...كانت معاكم هناك .... في حالة اعتمار روحاني....و في نفس المكان ..
...
...و بالله باصي التليفون (593636347) ..ده لابو العناكب ... و قل ليهو بتصل بيهم لانو حتسافر بكره
...و قلو ليهو تليفونك ضاع ...زي ضياعنا الاونطه ده ...
..
..
...و بخصوص دي ...
Quote: .....
.حكى لي جنس حكاوي!
|
...
...اقول ...
...
...الله هوبيني
..
..لانكم ما مضمونين ..
..و باين فييي البورد...
...
...
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: الشفيع وراق عبد الرحمن)
|
Quote:
تدريجياً .........................ح تشعر بي تغييرات كتييييرة
--------------------
مافي زول بهرم اوانطة
اكيد،،،،،تركت بصمة ما في مكان ما
|
ما دي المشكلة ياخ!
التغيرات حصلت .. و الرسالة لم تجيئ!!
------
تعرف مواساتك دي ذكرتني دغمستنا زمان لخيبات الهلال ..
كنا بنرد على المريخاب لمن يعايرونا بإنو ما جبنا كاسات ..
بنرد : نحن ما بنجيب .. نحن بنخلي!!
ياخ زمان كنت بحلم انو مع الاربعين دي اكون جبت لي كم كاس كدا ..
اقلها في مجالي المهني ..
بالمناسبة الرسالة الراجيها من IMA سامعاني يا غادة مكي
لكنها يبدو لي انها لن تجيئ كلو كلو ..
لأنو بصراحة هي ما بتجي ساي .. لازمن و حتماً انو الزول يسجل و يمتحن عشانو يدوهو CMA
و انا لي يوم الليلة ما سجلت ذاتو!!
اما في الهرمة في اطار العام .. حدث و لا حرج ..
اهو انتو لابسين لينا الكاكي .. و نحن ما بنشل سلاح
ما يا ها الهرمة الاوانطة ذااااتا!!؟
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: معاوية الزبير)
|
Quote:
أنا داخل على الخمسين ولسه متخيل نفسي في العشرينات لم أبرح أيام كوستي بعد
الحياة ممحوقة ياخ
وأكان جيت للكم وعشرين الأخيرة دي، علي اليمين قضيناها نهش بيدينا على الكوابيس القدام عيونّا دي
|
يا سلام على كوستينا يا معاوية ياخ!
في هذي الربوع المطمئنة كانت لنا ايام .. ليست كأيام العرب قطعاً
محبة و حبور و سرور سااااي
يااااااااه
مع انو لسة بيتنا الكبير فيها .. لكن
خليها ساي
مالك علينا ياخ!
اسي كدا يا دوب حسيت بالعجز ياخ!
---------------
كل سنة و انت بالف خير يا حبيب
| |
|
|
|
|
|
|
|
|
|
Re: الاربعين .. هرمنا اوانطة ساي! .. ما جاتنا أي رسالة!! (Re: معاوية الزبير)
|
Quote:
كوستي دي تستحق جنس كتابة
خط السكة حديد (كان) يفصل المدينة إلى نصفين
(كان) لكل نصف سماته المميزة، ومن هنا تشكّل التاريخ الاجتماعي للمدينة
ياخي، كأن من اختار مجرى هذا الخط عالم اجتماع وليس مهندس مساحة
|
يا سبحان الله!!
كتبتها انا قبل كدا ذات نستولجيا و ذكرى هنا دا و بتناص عجيب!!
-------------------
ككوستاويين جنوبيين - نعاني من التهميش الثقافي ( بفهم وافد من اهل العوض و اصيل)برضو - كانوا الشماليين بقولوا لينا ( ذات حروب بالسيوف ) :
جنوب القضيب دا مافي راجل غير جون قرنق ذاتو!!
حليلو هو
و حليل كوستي
و حلينا نحنا من بعدهم
| |
|
|
|
|
|
|
| |
قيقراوي
أحمد ابن عوف
حيدر حسن ميرغني
محمد حيدر المشرف
داليا الكباشى
محمد قسم الله محمد
Hololy
جمال الباقر
عماد حسين
khaleel
omer osman
ود الخليفه
غادة مكى محمد
بله محمد الفاضل
SHIBKA
دينا خالد
محمد ادم الحسن
سفيان بشير نابرى
أمين محمد سليمان
jini
lana mahdi
محمد الشيخ أرباب
الامين موسى البشاري
أيزابيلا
Siham Elmugammar
معاوية الزبير
الشفيع وراق عبد الرحمن
البدري عبد الله
وليد التلب
Magdi Ahmed Elsheikh
فيس بوك
تويتر
انستقرام
يوتيوب
بنتيريست