|
|
|
 Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: عفاف ابوكشوه)
|
من المفارقات اللطيفة
آخر حفلة حضرتها في السودان كانت حفلة رأس السنة سنة 2000 التي أحياها الفنان
محمد الأمين بنادي الضباط وأنا لسه صغير دريفوني
وأول حفلة أحضرا في السودان بعد غياب كانت حفلة خيمة الصحفيين
أجمل حاجة يا عفة
إني سمعت للمرة الأولي الأغنية دي لايف
كنت بسمعها كتير وهي مسجلة
وحاتك أول ما سمعتها الليلة شعّرت جلدي كلّبت
أي أقشعر جسدي لغير الناطقين بها والمؤلفة قلوبهم وأبناء أم بدة السبيل
يااااااااااااه غنية مبالغة والأعجب إنها كانت في الزمان والمكان المناسبين
شكرن يا عفة
وما أكون أفسدت عليك البوست بمقاطعتي
| |
  
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: Hussein Mallasi)
|
شكرا لكل من هتف ودعا للحرية وكثير من الذملاء اكد انفعال الصحفيين وه########م من اجل الحرية
مع العلم ان الهتاف ليس غاية في ذاته ولا انتصار تضرب له الطبول , لان ديدن الصحفيين الحق
هو الدعوة الى الحرية والانتصار لها , ولا تثريب على المنتسبين للمهنة من باب الكتاب وان كان
سهمهم (سطر) فرضته الاحوال والتغيرات التى حلت على البلد , ولكنا نرجو مع الايام ان تتغير نظرتهم للامور .
___
التباين بين الكتاب والمحررين هو امر قديم,,, والكاتب يظل كاتب وليس صحفي , ولو استعان بكثير من الافعال والمواقف
ليس هذا مجال الحديث عنها.
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: Hussein Mallasi)
|
سلام يا عفاف وتحية
رآي موافق ومتفق تمام الآتفاق مع أخي العزيز:-
Quote:
أغنية ثورية في حفل بحضور "البشير"، وأكيد الحفل كان برعايته ما دام انكم لا تتحرجون من إطلاق صفة ومسمى "الرئيس" عليه
هو تاني البشير ده عاوز شنو أصلو أكتر من كده ؟؟ إن شاء الله ود اللمين يغني لي بكرة
حفلكم ده يا أستاذة عفاف بحسب وصفك الذي وصفتيه في أعلاه اسمو : سمك .. لبن .. تمر هندي
لزوم الأغنية شنو ومغزاها شنو في حضور البشير ورعايته للحفل ؟؟ |
وبغض النظر انو الحفل برعاية البشير (ولا اظن انه برعايته) ففي نظري حتى ولو هتفت كل الحناجر (ليس واحدة
كا قال ملاسي) فداء اسمه ببساطة تفريغ لانو الناس هتفت وهتفت و اخر المر مشو مبسوطين كانهم انجزوا كل شى
متناسين انهم بى جلستهم دى مع السيد البشير و السين جيم معاهو ادوهو مكانة هو بنفسو بفتش ليها بقوة الارهاب
والاعتقالات و برضو ما لمى فيها يجي يلقاها سااااااقطة كدا و بغناها كمان!!!!؟
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: عفاف ابوكشوه)
|
شهر عشرة حبابو عشرة
وابقوا عشرة على المبادئ
***
مبدأ الحرية أول
لا بيحوّر لا بيؤوّّل
والنظام سكة حياتنا
مهما وقت السكة طوّل
إن تفرطوا في الأمانة
كل شهيد روحو بتنادي
وابقوا عشرة على المبادي
***
مبدأ التطهير يسير
ما شعار خاوي كبير
والحساب لكل واحد
للصنايعي وللوزير
أمضوا طهّروا بعدالة
وابعدوا الذاتية غادي
وابقوا عشرة على المبادي
***
كل ثاير في جهادو
قصدو تتحرر بلادو
نحن بنساعدو وندعّم
كل وقفاتو وعنادو
وأصلو هدف الثورة واحد
والأعادي هي الأعادي
وابقوا عشرة على المبادي
***
شهر عشرة كلامو تاني
ما شعارات أو أماني
______________
شكراً عفاف
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: محمد أبوالعزائم أبوالريش)
|
التحية لك استاذه عفاف والتحية للموسيقار محمد الامين الذي عطر ليلتكم هذه والتحية لكل اصحاب القلم الجرئ من استاتذتنا الصحفيين ،،، طبعا خيمة الصحفيين دي ذكرتني ايام خلت عندما كانت الخرطوم تفتقر للجلسات والتجمعات الثقافية في مطلع عام الفين وفجأة بدأت تظهر بعض الإجتهادات من بعض الأخوه فقام بعض الشخصيات بإنشاء منتدى الخرطوم جنوب الثقافي بقيادة الاستاذ حسن على عمر وكما انشأ بعض الأخوه بقيادة الدكتور نصر الدين شلقامي والاستاذه سميرة خليل منتدى فلاحة البساتين وايضا إنبسق منتدى مجمع طلعت فريد للسلة من منتدى الخرطوم جنوب الثقافي بقيادة الاستاذ الشاعر محي الدين الفاتح وبدأت الخرطوم تعج بالمنتديات والليالي الثقافية، وقد كنا نباري هذه الليالي الجميلة من موقع لموقع طيلة ايام الاسبوع السبعة وعلى ما اذكر كان هناك منتدى ثقافي صغير في جريدة المشاهد او جلسة ثقافية كما يطلق عليها تعقد بصورة راتبة كل اسبوع بمقر جريدة المشاهدفي مقرها في الشارع الذي يقع خلف شارع البلدية في ذاك الوقت وكان على راس هذه الجلسة الاخ الاستاذ المرحوم محجوب محمد احمد واتمنى ان اكون غير مخطئ في الاسم لان الفترة قد طالت ونحن الغربة قد اخذت منا ما اخذت من ماضي ومن ذكريات جميلة ،
ما قادني لكل هذه المقدمة هو انني سعيد الآن وانا ارى ان هذه الجلسة الصغيرة في جريدة المشاهد قد اصبحت الآن خيمة لكل الصحفيين وهذا عمل ثقافي كبير اشكر كل القائمين عليه وكل الذين يحرصون على حضوره لان مثل هذا مجهود يجب ان يلقى من الناس كل الحفاوة والتقدير ... والشكر لكي الاستاذه عفاف على هذا النقل الجميل ..
تحياتي : ياسر العيلفون
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: ياسر السر)
|
الاستاذة عفاف تحية وتقدير
Quote: مبدأ الحرية أول
لا بيحوّر لا بيؤوّّل
والنظام سكة حياتنا
مهما وقت السكة طوّل
إن تفرطوا في الأمانة
كل شهيد روحو بتنادي
وابقوا عشرة على المبادي
***
مبدأ التطهير يسير
ما شعار خاوي كبير
والحساب لكل واحد
للصنايعي وللوزير
أمضوا طهّروا بعدالة
وابعدوا الذاتية غادي
وابقوا عشرة على المبادي
|
---------------------------------------
وابقوا عشرة
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: الطيب شيقوق)
|
Quote: الشكر والتقدير والانحناءة للعملاق ابو الامين
ربنا يديك دوام الصحة والعافية
وكل عام وانت والجميع بألف خير
ارجو من الزملاء الاحباب الذين صوروا الحفل تنزيل الاغنية الثورية
في هذا البوست
مع تحياتي وودي وحبي
ونواصل |
التحية لأبو اللمين المناضل الجسور الذي القمهم حجر
هزيمة أخري تضاف لنظام الجبهة المترنح
لم يكن في بال الجبهة القومية ان يظل ابواللمين متماسكا حيا قويا بعد عشرين سنة عجفاء
كان في خيالهم ان يبدلوا قصائد محجوب شريف الوطنية الانسانية بقصائد الموت والدمار علي شاكلة "إشدد الإصبع من حول الزناد لا تبالي"
وصدق من قال ليس الموت بموت الروح ولكن الموت هو ميت الأحياء
فالإنقاذ نعم علي قيد السلطة لكن برنامجها الظلامي مات وشبع موت
وللمناضلين المتشاءمين من امثال الصديق "سفيان نابري" أقول ان سقوط الأنظمة الدكتاتورية المتجبرة المتعفنة مثل نظام الانقاذ لا يتم بين ليلة وضحاها،،،وإنما بتراكمات النضال الدؤوب المستمر مثل ما فعله المناضل الجسور ابو اللمين في حفلة الصحفيين
إطلاق سراح الصحفيين يمثل إشارة الي ان الضغط السياسي والنضال المدني الدؤوب يفت في عضد النظام ويهزم توجهاته
ويظل تطوير المجتمع المدني بكل قطاعاته المهنية-الطلابية-العلمية-الاكاديمية-المزارعية-الحزبية هو سبيل النضال الأمثل للفتك بهذا النظام الظالم سارق اموال الشعب وزكاة الفقراء
تحية لأبو اللمين
تحية لشاعر الشعب محجوب شريف
تحية لنضالات المجتمع المدني
مكي الاحمدي
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: ود الباوقة)
|
يبدوا ان هذا البوست قد الهب جماس ملاسي
فانزل اكثر من مداخلة على غير العادة
ومعه في ان فيصل محمد صالح ومحمد لطيف هما من الزما (ادبياً) الرئيس بإطلاق سراح الصحفيين
ويضاف اليهم بشكل قوي رمضان كشهر كريهم
ماحيرني ان عفاف شكرت ود اللمين الذي تسبب في إطلاق سراح الصحفيين ولم تشكر الرئيس!!!
ــــــــــــــ
ترمة : إنتو الرئيس ده إحتمال يكون مناضل تحت تحت ؟!
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: عفاف ابوكشوه)
|
Quote: ومعه في ان فيصل محمد صالح ومحمد لطيف هما من الزما (ادبياً) الرئيس بإطلاق سراح الصحفيين
ويضاف اليهم بشكل قوي رمضان كشهر كريهم |
جيبوا لينا فيديو يا احمد بدل التقديرات الذاتية لكل زول فيكم. بالمناسبة لحدي اسه اكتر كلام عقلاني هو الكلام المتعلق بإنو قرار إطلاق سراح الصحفيين كان رد فعل لهتاف الحضور و تفاعلهم مع اغنية الباشكاتب , تلك طريقة البشير الجعلية في ترجيح كفة الهُتاف لصالح مواقفو. قصة الإلزام الادبي دي مُضحكة شوية لانها حا تجرنا لي اسئلة علي شاكلة هل يشمل القرار اسقاط الدعوة ضد فاطمة غزالي و شطب الاتهام في مواجهة فيصل والقراي ام اطلاق سراح الصحفيين فقط . موقف الصحف المصادرة و المعطلة شنو !! هل تقع تحت الالزام الادبي بمعني اشمل ورونا الالزام الادبي الالزموا بيهو فيصل و لطيف البشير و البشير استجاب ليهو بتلك الاريحية كان مساحتو كم كيلو متر ؟
ما حا اعلق علي قصة رمضان الخليتو يتقاسم الفضل مع فيصل و لطيف لانو الـ28 روح الاعدمها البشير (المُلزم ادبيا اعلاه ) ما كانت في ايلول.
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: خدر)
|
| Quote: ترمة : إنتو الرئيس ده إحتمال يكون مناضل تحت تحت ؟! |
خدر في ظل قومة نفسك نسيت الترمة
انا خليت الباب موارب لقصة ان صياح الناس لعبت دور
لكنه دور يبقى ضئيلاً بالنسبة لمجاملة الرئيس لفيصل/لطيف/رمضان
وهو لا يخرج كثيراً عن تحليلك لشخصية الرئيس العاطفية
ولو الهتاف بيؤثر (كثيراً) على قرارات الرئيس لسلّم نفسه للاهاي حين صاح الشارع
إستيم تفاح ...إلخ الإهزوجة ...
نسيت ايضاً تسلم علينا ياخد كعادة السودانيين العظام
لك ..لها ..ولبقية مجتمعك الصغير التحية وكل عام وانت بالف خير
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: حيدر حسن ميرغني)
|
Quote:
أناأيضاأزعجني حضورك، وشتت أفكاري
وخليتني اسال فيصل : ياخ ملاسي ده موش مجرد كاتب عمودو قدر مساحةاعلان ( مفقوداتكم بطرفنا)..؟؟
طيب البيجيبو هنا شنو؟
فأجاب : لا امتحن السجل الصحفي ومنتظر النتيجة
طيب ما ينتظر لحدما النتائج تظهر؟ يمكن رسوب
وهكذا( كنا بنقطع فيك)، واتكيفناجدا لمن المنصة رفضت تديك فرصة سؤال
..........
ممكن تطرح سؤالك للوالي هنا..؟؟
|
يا ملاسي انت مش الطاهر ساتي قال ليك انتظر نتيجة السجل بعدين تعال شارك مع الصحفيين
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: عفاف ابوكشوه)
|
رمضان كريم.. و كل عام و صحافتنا و صحفياتنا و صحفيينا بخير.. شكراً عفاف على الجهد . و هو بلا شك يجد تقدير المجتمع الصحفة و كل المجتمع.. و تهنئة خاصة و خالصة لزميلنا السبكى و رفاقه .. و مشوار المليون ميل يبدأ بخطوة .. مفرح جداً خبر اطلاق سراح السبكى. .. و هو بمثابة تصحيح لوضع ( غلط ) شكله الاعتقال و التعذيب و المحاكمة.. .. لتتواصل كل الجهود لتكملة مشوار انتزاع الحرية الكاملة للصحافة.. .
| |
|
|
|
|
|
|
|
|
|
Re: الموسيقار محمد الامين أشعل ثورة الصحفيين بالخيمة ..بمبدأ الحرية أو (Re: Ahmed musa)
|
ابوحميد رمضانك كريم و الاسرة و الاصدقاء بطرفك
ياخي اول شي اعفي لي نسيان التحية في غمرة قومة النفس بسبب طابع سودانيزاولاين المزعج في تناول الاخبار. زهجت ياخي من اب عشرين ده و من اللفحي و التحليل الفطير للاخبار الحولو لجمعية ادبية في مدرسة ابتدائية او صحيفة حائطية يحررها طلاب الصف الرابع ابتدائي.
Quote: ولو الهتاف بيؤثر (كثيراً) على قرارات الرئيس لسلّم نفسه للاهاي حين صاح الشارع
إستيم تفاح ...إلخ الإهزوجة ... |
ياربي يكون عشان استيم تفاح كانت اصوات محدودة و معزولة ؟ كل دي إشاعات يا ابوحميد ياخي و برضو اوعك تصدق انو هتافات 30 يناير و كل إنتفاضات طلاب الجامعات منذ 30 يونيو 89 و جثث الطلاب و ضحايا المعتقلات و مجدي و جرجس و محارق دارفور و دموع الامهات و ما يحدث الان في النيل الازرق و ..الخ , حقائق , دي كلها اصوات معزولة بس الفرق انو هتافات خيمة الصحفيين كانت لايف و باقي الهتافات وصلت للبشير معنعنه من نافع و التابعين.
____
اعفي لي اخوك نسيان التحية و امسحها لي عمر البشير في وشو و بالعدم اقرب منسوب للمؤتمر الوطني واقف جنبك.
| |
|
|
|
|
|
|
| |
عفاف ابوكشوه
Hussein Mallasi
ايمان بدر الدين
أحمد ابن عوف
خالد العبيد
حبيب نورة
ibrahim alnimma
محمد على حسن
عمار عوض
Elhadi
سفيان بشير نابرى
Al-Shaygi
انور التكينة
محمد أبوالعزائم أبوالريش
ياسر السر
اناهيد كمال
معاوية عبيد الصائم
الطيب شيقوق
mekki
أحمد أمين
معتصم مصطفي الجبلابي
Ahmed musa
Deng
خدر
الفاتح ميرغني
حيدر حسن ميرغني
محمد الشيخ أرباب
الرفاعي عبدالعاطي حجر
باسط المكي
Salah Idris
Amani Al Ajab
فيس بوك
تويتر
انستقرام
يوتيوب
بنتيريست