|
|
 مصادر صبرى الشريف: قالوا لى وأنا قلت ليهو وهو قال لى وأنا ....
|
ليس دفاعا عن طغمة الكيزان
لكن كشفا لفقره الفكرى كتب صبرى الشريف فى سودانيزاونلاين: Quote: تم حرما ن الناس من حلقة اليوم علشان ليلة القدر
هل الغناء يمنع ليلة القدر من التنزل ؟؟؟؟؟ |
رد عليه أبو حسين | Quote: الحـلـقـة شاهدناها يا شيخنا في قناة النيل الأزرق كالمعتاد |
رد عليه صبرى الشريف:Quote: محجوبه عننا
هل تمدنا بوصلتها اعانك الله |
وهذه كانت كذبة أخرى
رد عليهو أبو حسين:Quote: يا زول شفتها في التلفزيووووووووووووووووووووووووووووون
وين حجبوها عنكم يا شيخ صبري....؟؟؟ |
صبرى كب الزوغة
صمت
كتب ابو حسين:Quote: شيخ صبري
مشيت وين...؟؟؟
عايز أنوم يا شيخنا.... |
وبعد صمت متواصل وهروب واضح من صبرى الشريف
كتب أبو حسين:| Quote: يا شيخ صبري إنت موجود في الحضور |
صبرى عرف نفسو إنو إنكشف أمره ماذا يفعل؟
كتب الكلام التالى لزوم المخارجة:Quote: نحن قايمين الليل منذ ان دخلنا علي العشر الاواخر
نوم العارف غفوة |
هههها
وبعد هروب واضح ومخجل من صبرى
وبعد ضغط من اهل المرور ببوسته وبعد الحاح من زواره طلبا لمصدر خبره جاء بالآتى:Quote: هشام امين
تحياتي الطيبة
اولا الموضوع من ناحيتي لم يكن صائبا وانا اتحري الدقة فيما اقول
لكن من شلة فطورنا القانص لليلة القدر حضر الي صديقي محمد نور رحمه وجمهرة تتابع اغاني واغاني
اها امبارح قال لي الناس ديل اوقفوا الحلقة لكي يتفرغ الناس لاكبر لوتري وهو ليلة القدر
وهو متابع لهذه الحلقات ان اردت تتاكد من صدق قولي اعطيك رقمه لتعرف ان هذا القول منه
عن نفسي شاهدت هذه الحلقات بسيط جدا واعتقد انها غير جاذبه وفيها روح شلة وعصابة فنون مسيطرة علي القناة والاغاني
عموما قال ان حلقة امس غير مبثوثه وحملني ان اكتب هذا البوست
وقد فعلت
هنا انا اقر بان الامر غير صائبا واعتذر عن هذا الخطا لان المفترض ان اتحري الدقة بنفسي
وهنا اتمني الا اكرر مثل هذا الخطا من المفترض ان يكون مصدري قويا كما افعل دائما واتحمل تبعات قولي
تحية طيبة لك
ونفس القول للقراء رجال ونساء |
ههههها
مصدره :قالوا وقالوا وقلنا ليه
اما مصدرى هنا ولسخرية الاقدار هو بوست الاخ صبرى نفسه:منع حلقة اغاني واغاني علشان خاطر ليلة القدر(توجد حسرة )
|
|
 
|
|
|
|
|
|
|
|
Re: مصادر صبرى الشريف: قالوا لى وأنا قلت ليهو وهو قال لى وأنا .... (Re: علي جلاس)
|
وَقِيلَ الْيَوْمَ نَنْسَاكُمْ كَمَا نَسِيتُمْ لِقَاءَ يَوْمِكُمْ هَذَا وَمَأْوَاكُمُ النَّارُ وَمَا لَكُمْ مِنْ نَاصِرِينَ (34) ذَلِكُمْ بِأَنَّكُمُ اتَّخَذْتُمْ ءَايَاتِ اللَّهِ هُزُوًا وَغَرَّتْكُمُ الْحَيَاةُ الدُّنْيَا فَالْيَوْمَ لَا يُخْرَجُونَ مِنْهَا وَلَا هُمْ يُسْتَعْتَبُونَ (35)} سورة الجاثية
لقد تبؤا مقعدا من النار منذ الان حسب تفسير هذة الاية والله اعلم
| |
|
|
|
|
|
|
|
|
Re: مصادر صبرى الشريف: قالوا لى وأنا قلت ليهو وهو قال لى وأنا .... (Re: محمد حيدر المشرف)
|
| Quote: لقد تبؤا مقعدا من النار منذ الان حسب تفسير هذة الاية والله اعلم |
يا هشام كمان ما للدرجة دي قول الله يهدي الراجل
ولا يزال الرجل يعمل بعمل اهل النار حتي يكون بينه وبينها زراع فيسبق عليه الكتاب فيعمل بعمل اهل النار فيدخلها....
بعدين صبري ده راجل طيب وعلى نياتو الشغلانة ممكن تكون كواسة شهرة صدمة حضارية من رفاعة الى امريكا فلسفة
لكن والله ود حلال وراجل طيب
| |
|
|
|
|
|
|
|
|
|
Re: مصادر صبرى الشريف: قالوا لى وأنا قلت ليهو وهو قال لى وأنا .... (Re: Dr.Mohammed Ali Elmusharaf)
|
والله يا دكتور انا شخصيا اتمنى له ومن كل قلبى الهداية
لكن ما ممكن فى شهر القران يسخر لينا ويشبة لينا ليلة لبقدر باللوترى
وكمان اسكت عليها ... وبعدين ما عندة غير انة يشكك فى الدين ويلف ويدور ويكهرب
لينا جو المنبر ياخ لو ما عاجبة الدين الاسلامى ولا اليهودى ولا المسيحية ياخ
اليمشى يشوف ليهو جماعة ولا فكر تانى يريحوا ويبسطوا من غير ما يعمل لينا سافوتا فى راسنا
وبعدين فى امريكا دى فى اللادينيين والعلمانيين وكل من خلق رب العباد وكل زول ماسك خشمو علية
وساكت ساى بعدين وبما انة قاعد فى امريكا المفروض يراعى اكثر لكلامة ويركن شوية لانة القانون
الامريكى الاجازو السينت فى عام 2009 S. 909. Religious
hate speech given special protection
ممكن يوديهو ورى الاسلاك لو فى زول شال كلامة دة ومشى فتح بيهو قضية .. وبعدين القانون دة ما اجازوهو ساى بس لانة هم عندهم مزاج يعملو كدة لا اجازوهو علشان يحمو الناس من الفتن برضو .
المهم يا دكتو برضو مرة تانية ندعو لة بالهداية ونطالبة بالابتعاد عن الكهربة ونتمنى لة
اقامة سعيدة فى امريكا.
| |
|
|
|
|
|
|
|
|
|
Re: مصادر صبرى الشريف: قالوا لى وأنا قلت ليهو وهو قال لى وأنا .... (Re: محمد حيدر المشرف)
|
Quote: والله يا صبري ما عندك طريقه كلو كلو ..
قالو تبوأت مقعدا فى النار والموضوع شكلو كده محسوم..
فشيل شيلتك مع أطيب الامنيات يا صديق أو كفاره أو معليش !!
الواحد ذاتو ما عارف يقول شنو لمن تبوأ مقعدا فى النار ..
وفى الحقيقه دى أول مره أكون بعرف واحد تبوأ !! |
محمد يا ود المشرف مبروك عليك صحبتك او معرفتك الجديدة بود الشريف
بعدين ياخ انت مالك جاى مؤكد وحاسم للامر ؟؟؟ نحنا قلنا والله اعلم
يعنى لم نؤكد بعد وكما تعلم ان الامر من قبل ومن بعد لله ولا شنو ؟؟؟
| |
|
|
|
|
|
|
|
|
|
Re: مصادر صبرى الشريف: قالوا لى وأنا قلت ليهو وهو قال لى وأنا .... (Re: elsawi)
|
هشام سلامات وكل عام وانت بخير ..
| Quote: نحنا قلنا والله اعلم |
ما دام " الله اعلم " يا هشام ..
إنت مستعجل على الموضوع ده مالك ؟!
بعدين صيغة الفعل " تبوأ " دى لا تنبغى الا للمولى عز وجل ..
وأعنى التعبير عن المستقبل بصيغة الماضى ..
وذلك لامتداد علمه واحاطته بما سيأتى ..
عكس الانسان الذى لم يختصه الله بتلك المعرفه ..
تحياتى ..
| |
|
|
|
|
|
|
|
|
|
Re: مصادر صبرى الشريف: قالوا لى وأنا قلت ليهو وهو قال لى وأنا .... (Re: محمد حيدر المشرف)
|
Quote: ما دام " الله اعلم " يا هشام ..
إنت مستعجل على الموضوع ده مالك ؟!
بعدين صيغة الفعل " تبوأ " دى لا تنبغى الا للمولى عز وجل ..
وأعنى التعبير عن المستقبل بصيغة الماضى ..
وذلك لامتداد علمه واحاطته بما سيأتى ..
عكس الانسان الذى لم يختصه الله بتلك المعرفه ..
تحياتى |
معليش يا محمد انا بختلف معاك فى قصة الاستعجال دى
لانة لو انا كنت مستعجل كان اكتفيت بالكلام الكتبتة
وما اضفت ان العلم لله من قبل ومن بعد واكرر حسب الاية المشار اليها
وتشكر على التصحيح فاظن ان الرجل قد تبوأ او حجز او ضمن مقعدة من النار
وبعدين انا واى عاقل لة رأس بين كتفية يعلم ان ايات القرأن تتحدث بصيغة المستقبل
فى الوعد والوعيد والاستدلال بها لا يجعل منا ولا يصورنا وكأنا نبحر فى غياهب المستقبل.
تحياتى
| |
|
|
|
|
|
|
|
|
|
Re: مصادر صبرى الشريف: قالوا لى وأنا قلت ليهو وهو قال لى وأنا .... (Re: محمد أبوالعزائم أبوالريش)
|
سلام يا أبو الريش
اخبارك وينك
رمضان كريم| Quote: هسي قلتو لي صبري ده خلاص تبوّأ؟ |
اول حاجة أنا لم أقل بذلك
ما تشربكها فينى
ولا يصح لنا تحديد من يتبوأ أو من لا يتبوأ
دا لم يكن موضوعنا
نعم إعتذز؟
وما هى نوعية الخطأ الذى يلزم الاعتذار؟
وقال إنو ح يتحمل مسئولية الخطأ
دا معناه شنو؟
هناك شيئ إسمو الخطأ السهو وهنا يكون الإعتذار وقيول العذز والذى منو
هناك الإساءة الشخصية للآخرين وهنا أيضا يكون الإعتذار وايضا القيول
لكن نوعية الخطأ الهنا دا والإعتذار عنه ما عندو معنى
أوكى ممكن تعتذز إنك غشيتنى وسرقتنى لكن هذا لا يعنى إنك لم تسرق لأنك أصلك بتكون سراق
وهنا يجب التنبيه إنو الزول دا سراق اعفوهو خلاس ما تدخلوهو السجن لانو إعترف وطلب السماح
لكن بتقول لمن يهمك أمره أعملوا حسابكم الزول دا سراق
نحنا هنا فى عمل أعلامى يجب ان نتحرى فيه الصدق والإعتماد على مصادر إذا طلبت منك يجب ان تكون محل ثقة
وليه أنا بالذات ملقى الضوء على صبرى؟؟؟؟
Why??
ساكت كدا تشويه سمعة يعنى ؟؟؟
لا حاشا لله
الموضوع وما فيهو انا أكتب ضد علمانية السودان
وهو بيكتب كلام خارم بارم كتير ضد اى حاجة فيها ثقافة إسلامية
كلام غير مؤسس
كلام منقول وخاصة أى كلام مكتوب ضد اى حاجة فى إسلاميات
تداخلنا فى مكاتبات كثيرة مع بعض فى هذا الشأن
لكنه تعود الهروب كالعادة كما فعل فى هذا الموضوع
وكان لابد أن أوثق هذا لاستعمله كدليل لعدم مصداقية لعامة القراء ضده
عشان ما يدوهو إعتبار
وهذا مهم فى كتاباتنا المستقبلية انا وهو على الاقل
إعتذاره قبلناه لكن الفيهو إتعرفت
والإعتذار فى حد ذاته دليل إدانة\
وهو المطلوب
لك التحايا
| |
|
|
|
|
|
|
|
|
 Re: مصادر صبرى الشريف: قالوا لى وأنا قلت ليهو وهو قال لى وأنا .... (Re: محمد النيل)
|
Quote: والله يا صبري ما عندك طريقه كلو كلو ..
قالو تبوأت مقعدا فى النار والموضوع شكلو كده محسوم..
فشيل شيلتك مع أطيب الامنيات يا صديق أو كفاره أو معليش !!
الواحد ذاتو ما عارف يقول شنو لمن تبوأ مقعدا فى النار ..
وفى الحقيقه دى أول مره أكون بعرف واحد تبوأ !! |
دحين يا دكتور .. تبوأ دي مش ياها برضو يعني قاعد ؟
هسع بمعني تاني ممكن نقول صبري الشريف تبوأ مقعده عاي النار صااح؟
وطيب معترض مالك
خليك انت في بلاطتك عاي الرصيف ولا تعاين لبلاطات غيرك ممن ترقوا لجهنم توووشك
ــــــــــ
لا ضغينة يا شباب عجبتني تبوأ دي ساكت بحس فيها بُعد ديني وعربي احسن من كلمة قاعد
هسع لو الواحد زمان تبوأ بلاطتو عاي الرصيف ما كان اعترض لا شئ
** يامحمد النيــل بالله انت قاعد تناقش صبري الشريف؟!
صراحة تكون محتاج تصرف بدل وجع راس وغاغة .. يآخ دا اخير منه الحوار مع صلاح جدادات
| |
|
|
|
|
|
|
|
|
|
Re: مصادر صبرى الشريف: قالوا لى وأنا قلت ليهو وهو قال لى وأنا .... (Re: محمد النيل)
|
سلامات يامحمد
الراجل اعتذر عن الخطأ
Quote: هنا انا اقر بان الامر غير صائبا واعتذر عن هذا الخطا لان المفترض ان اتحري الدقة بنفسي
وهنا اتمني الا اكرر مثل هذا الخطا من المفترض ان يكون مصدري قويا كما افعل دائما واتحمل تبعات قولي
تحية طيبة لك
ونفس القول للقراء رجال ونساء |
أما في بقية مواضيعه فهو يجلب شهادات وافادات ويدير حولها نقاش
اختلفنا ام اتفقنا معه انا أرى أن النقاش في حد ذاته فيه فوائد كثيرة بالنسبة له اكثر من محاوريه
طوَل بالك ياحبيب بالاخص مع من تختلف معهم
تقديري لك ولصبري
| |
|
|
|
|
|
|
|
|
|
Re: مصادر صبرى الشريف: قالوا لى وأنا قلت ليهو وهو قال لى وأنا .... (Re: عماد حسين)
|
النيل يا حبيب ....
أكيد أنا ما قلت إنك من استخدم كلمة (تبوّأ) .... بس كلامي كان رد على أخونا محمد المشرّف، فما تخت في بالك.
أما خلفية جدلك مع صبري الشريف، حقيقةً ما كنت عارفها، لكن زي ما حُسبت عليهو نقطة في استعجالو لنقل كلام غير مؤكّد، نحسب ليهو كمان إقرارو بالخطأ ونيته (أن لا يعود لذلك مستقبلاً).
عموماً .. ربنا يصلح، وكل عام وأنتم بخير.
| |
|
|
|
|
|
|
| |
محمد النيل
Esam El-Khawad
Hisham Amin
علي جلاس
محمد حيدر المشرف
محمد أبوالعزائم أبوالريش
معتز القريش
elsawi
HAIDER ALZAIN
حيدر حسن ميرغني
عماد حسين
فيس بوك
تويتر
انستقرام
يوتيوب
بنتيريست