|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: HAIDER ALZAIN)
|
Quote: قيقا يا اخوي فنلتك بقت (كحلية) عدييييييل كده
|
لو وافقتو على اقتراح الارشفة* .. كل زول يعمل مرافعتو الاخيرة، ح نفتو كلو .. وكتها بس يا قرشينا بتعرف سبب مصاقرتي للبوست دا
--------
البوست اتشّعب، و اترهل بما اخل حتى بمشاركة اللعيبة مع منتخباتهم الوطنية في المنافسات المحلية و الخارجية!! و الكلام دا ما صاح .. اهو بجيب اللوم .. ما شايفين البروف شيلكم اللوم اسي! فكة البوست و انبثاق عدة بوستات عنو هي الافيد .. و لا مانع ان تنبثق منها - هي ذاتا - عدة بوستات اميبية بذاكرة وعي بوستاتي تناسلي .. البورد غثاء سااااي .. او كما قالت انثروا الضوء .. اعتبروهو - البورد - اثير المافي شنو هو!؟
ثم ياخ في ناس كسالى هنا .. و زمنا محدود .. ما فاضين يقروا ليهم بوست 7 صفحات!! الشفيع نموذجن بالمناسبة لا داعي لتحسس اي لاعب هنا .. القصة ليست تجاهل .. كسل ساااي .. بكون ما قراها بس (بكسر الباء)!!
فاا شنو؟
الموافق على الارشفة يجهز .. ويجهّز مرافعتو الختامية
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: قيقراوي)
|
عندى كلام كتير عن جواز امامة المفضول .. وكلام ابن عربى عن افضلية على .. وتحالفه مع آل البيت باعتباره خاتم الرساله المحمديه واشياء أخرى .. والكلام ده مرتب اكتبو بعد يوم 1-10 .. مزنوق امتحانات يا جماعه .. اخوكم الضبع الوسيم مزنووووق فانقل لينا البوست يا حيدر عشان ننزل للناس ديل دين وتاريخ عاى اعلى رصيف !! بس عشان يآمنوا !!
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: قيقراوي)
|
نفهم من كدا دا وداع يا حيدر و قيقراوي؟ يلا على بركة الله نفتح نقاش جديد في الربع الجديد و ان كتت أرغب في المواصلة في موضوع الامامة و العصمة للائمة و عدالة الصحابة. لانه دا مدخل لمصادرة العقل و التفكير في الذهن الإسلامي المعاصر
و عايز ابتدئ بابن العباس الطفل راوي الحديث و سرقته لبيت المال في البصرة
و الدعوة عامة
مع ملاحظة ان نفس الخطوط في هذا البوست ممكن أن تستمر
تحاياي جميعا
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: ثروت سوار الدهب)
|
Quote: و عايز ابتدئ بابن العباس الطفل راوي الحديث و سرقته لبيت المال في البصرة
|
ياثروت يا حبيب عليك الله وقت تفتح القصص الزي دي ما تنسي معاك : قصة ابوهريرة وقت كان امين بيت مال البلح وجاء الشيطان يلهف منه ملوة ملوتين
( اجمل شئ وقت قال للرسول - قبضته ويده مشعرة كانها يد عنز او شاة) ههه
ـــــــ سبحان الله النبي قال ليهو صدقك وهو كذوب!!!
(....) ام الشياطين الوديعين ديييل
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: وليد التلب)
|
ولولا (زعل الاخوان هنا) لكنت طرحت تتة مسائل مهمة
الاولي: انه علي بن ابي طالب ما بات على فراش النبي محمد ( ود مجرد دجل لانه في حينها لا بيشبهه الرسول ولا طولو لا شئ ومفروض نفتش عن ود العم التاني - جعفر بن ابي طالب -
التانية:
انه قصة حمامة الغار وعنكبوت غار ثور دي نجرة ساكت وانه لا الرسول محمد ولا ابوبكر ما قعدو فيهو فخلونا نغتار بغار آخر
التالتة والمهمة:
انه نشيد طلع البدر علينا من ثنيات الوداع دا نشيد ورؤية موضوعة ومجرد دجل وكضب ووقت النبي محمد خشا المدينة لا كان في اغنية طلع البدر علينا ولا ناقتو بركت في امام ديار بني الانصار الهسسع معروفة بالمسجد النبوي الشريف
دا كضب وممكن نرجع لكل الاحاديث دي وناصل ليها من كتابات بخاري ومسلم
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: HAIDER ALZAIN)
|
خاتمة ليست بغريبة يا ود الزين بديت بي سيدنا عمر (ما هاجر كما نعلم) وانتهيت بي سيدنا علي (ما نام في فراش المصطفى)
----------------------------- يا جماعة احسن تسقفوا على كده، خايف بعد شوية يجي يقول اصلا ما كان في هجرة
يا قيقا نوعية البوستات دي متعبة شديد، ولكنها ممتعة، وبالذات لامن يكون فيها قرشينا
خلونا نريح مع السياسة شوية، من آآآخر البوست، أردم، وانتهى
--------------------------------------------------- سؤالنا الهنا دايرين ليهو اجابة كان من متوكل او بقية الاخوة:
Quote: من هو الإمام الذي تجب علينا مبايعته اليوم؟ |
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: الشفيع وراق عبد الرحمن)
|
Quote: خاتمة ليست بغريبة يا ود الزين بديت بي سيدنا عمر (ما هاجر كما نعلم) وانتهيت بي سيدنا علي (ما نام في فراش المصطفى)
|
يا الشفيع انا بختم بالصااح وحقيقة راجع كلامات شيوخ بني وهاب ( وانت بدولتهم) بتلقى انهم برضو متفقيين انه قصة الهجرة دي دجل وكضب وانه متمومة موية ليس لشئ ولكن عشان شيعة بني ابي طالب يعظمو رسولهم
ـــــــــ راجع رسائل بني تيمية وشرح فتح الباري وبيقع ليك كلامهم:)
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: HAIDER ALZAIN)
|
Quote: 1/ علي بن ابي طالب ما بات في فراش رسولنا محمد صلي الله عليه وسلم 2/ ولا قعدو في غار حراء لمن العنكبوت نسجت خيطها والا الحمامة بيضتت
3/ وحتي وقت وصلوا المدينة لا انصار لا صبيان لا بنات ما طلعو في راس الدار وغنوا - طلع البدر علينا-
|
حيدر سلامات وطولنا من مداخلاتك الغامضة!
بالنسبة للكوت اعلاه وخاصة اللي ملون باحمر وتحته خط اتفق معك في صحتو
وكمان منطقيا كدا !!
اتساءل ماالذي يدعو الكفار لقتل النبي وهو طيلة فترة ال8 سنوات بمكةكان حرا في دعوته ولم يتعرض له احد
باي محاولة قتل ..بل كان يسعي بكل حرية لعقد تحالفات مع مختلف القبائل ولم يجد
الا بضعة قبائل صغيرة ولذلك هاجر !
وقصة نوم علي في سرير النبي تحتاج تدقيق في حبكة القصة نفسها ونوع البيوت وقتها
وكيف دخل (الكفار) الي البيت ، يعني خشو بالباب مثلا ومانوع الابواب وقتها(اتوماتيك)
سنط ، ول ابواب مفتوحة ورمزية! ام انهم طفروا بالحيطة! وهل كانوا علي علم بالهجرة
السرية جدا يومها وكيف عرفوا ، وهل الهجرة ربانية ام سياسية ، وهل اراد الله ان يخدعهم
بنوم علي مكان الرسول ، هل هي تضحية بعلي ؟ ام لرفع مكانة علي ؟ ولماذا اختار الله
موقفا مختلفا عندما غطي الغار بنسيج العنكبوت ، اي لم يتدخل الله في الحالة الاولي
وتدخل في الحالة الثانية ...(العنكبوت والحمامة) والغريب اسطرة العنكبوت وعدم
اسطرة الحمام في التراث الديني ...
ــــــــــــــــــ
اقف بقوة مع ارشفة البوست وفتح بوست جديد
مع الاشارة لهذا البوست طبعا : اهم مافي الموضوع
، في البوست الجديد عدم (شر) المواضيع وتقاطع المشاركين
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: عبداللطيف حسن علي)
|
الكضبة يا عبد اللطيف بتي بدعاوى الشيعة نفسهن( انا عارفهم حايزوغو من النقطة دي) طيب بيقال انه الامام علي ( عليه السلام) اسلم وهو صبي عمره اطناشر سنة!!
الرسول جاتو الدعوة وعمرو اربعين سنة وفضل يدعو في قريش حداشر سنة
يعني اتناشر وحداشر 21 سنة
وفي وصف كتب السنة انه على بن ابي طالب كان اصلع اسمر ليهو كرش وقصير القامة في حين انه وصف النبي صلي الله عليه وسلم
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: HAIDER ALZAIN)
|
الرسول عليه افضل الصلاة والسلام كان ابلج المحيا، ليس بالقصير ولا بالطويل شعر راسه كثيف حتي انه( ببعض الروايات كان يرسله جدائل) ما يهمنا هنا انه دلائل الرويات تقول انه ليس باصلع وكان متوسط الطول ليس بالقصير ولا بالطويل جسمه صلى الله عليه وسلم ما شكي من مرض ولا عارض مثل كرش لا انتفاخ ساق - وحالته الوحيدة كانت حينما سحره الساحر في زراع غنم اكل منها)
لكنه ظل بحفظ الله وعونه وتعهده للرسله وحتى وفاته - له الصلاة والسلام- بكامل قواهو وكل حفظه
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: HAIDER ALZAIN)
|
العفو والعافية نلتقيكم في الربع الجديد ,,,,,,,,,
حيدر الزين ,,,,,,,,,, شفت شغلت غار ثور دي , والحمام العنكبوت دي ,, انا شفنها شوف عين ,, وبعدها شرط كتاب فقه السيرة للمرحوم محمد الغزالي جيب السيرة وانا وبجي اوريك شفتها شوف عين ,,
| |
|
|
|
|
|
|
Re: القصة الملفقة لهجرة عمر بن الخطاب للمدينة - لا ثكلتك امك لاشئ (Re: قيقراوي)
|
اصالة عن (سابقاً) و نيابتن عن شخصي السمين و بقية اللعيبة ..
كل الشكر لكل فرد من رواة احاديث الآحاد :
adil amin Hani Arabi Mohamed singawi Tarig Sidahmed Yassir Tayfour الصادق اسماعيل أحمد ابن عوف برير اسماعيل يوسف بريمة محمد بهاء الدين سليمان تبارك شيخ الدين جبريل توفيق عبد المجيد حمور زيادة خالد احمد محمد داليا حافظ دينا خالد صبري طه صديق مهدى على عارف الركابي عبد الحي علي موسى عمر التوم عمر صديق كمال ادريس محمد الطيب يوسف محمد النيل محمد إبراهيم علي محمد يوسف الزين مرتضى احمد عبد القادر معاوية المدير معاوية عبيد الصائم نايف محمد حامد هاشم نوريت يوسف محمد يوسف
-----------------
اها purple قصرت معاكم!؟
| |
|
|
|
|
|
|
|