|
رواية الحب من طرفٍ ثالث في الدوحة أخيراً ( توجد نسخ موقعة )
|
يغادر القاهرة صباح اليوم متجهاً إلي الدوحة أخي وحبيبي طارق المكي ربنا يوصلو بالسلامة يارب .
سيتم توزيع الرواية في الدوحة في حفل إفطار النجوم وكده أو الصفوة حسب هارون دياب
وتوجد كمية من النسخ الموقعة ودي طبعاً مسؤولية طارق شخصياً
أيضا سيتم توزيع الرواية من خلال الأتصال علي الأخ طارق في الدوحة
|
|
|
|
|
|
|
|
Re: رواية الحب من طرفٍ ثالث في الدوحة أخيراً ( توجد نسخ موقعة ) (Re: محمد أبوالعزائم أبوالريش)
|
Quote: يا حبيبها ياخ والله (قد هرمنا) في انتظار نسختنا. ..... فــ .. الله يبشرك بالخير. طالبت (ناصر أحمد الأمين) قبل كده بنسخة، وقال إنها حتكون مع طارق المكي، ومشيت السودان وقابلت طارق، لكن ما قابلت نسختي.
أها .. المرة دي، ويوم الجمعة قريب، لو ما لقيت نسختي عندو، حأعضيهو في راسو، واركب مخصوص للقاهرة واعضيك في راسك.
رمضان كريم ياخ. |
أبو الررررريش
ياخي وحاتك في الخاطر
نسختك موقعة بطرف الأخ طارق المكي
أعمل ليه غلاغل بكون عامل فيها تعبان من السفر
أشكرك
| |
|
|
|
|
|
|
Re: رواية الحب من طرفٍ ثالث في الدوحة أخيراً ( توجد نسخ موقعة ) (Re: salah awad allah)
|
Quote: أها فى إفطار بورداب الخرطوم البوزع منو ؟؟؟
مقترح بحفل تدشين لها فى الخرطوم مع قراءة نقدية ... ( ودى مسئولية ناس الخرتوم ) ثم ينفتح الباب لتوزيعا عبر اى دار توزيع ونشر ...
ده التكنيك .... يا باش شايف كيف ؟؟؟؟ المهم توصلنا كيف ؟؟؟ نحنا ناس بحر ابيض سابقا وجنوب السودان الجديد حاليا ...
بإختصار كده عايزين نفلفله ؟؟؟؟ محبتى |
صلاح عوض الله كيفنك
والله في مقترح إنو يكون في توزيع أثناء حفل الإفطار
أنا كنت عايز أكون موجود وأتشرف بتسليمها شخصياً
لكن ربنا ما أراد
عموماً خلاس الموضوع ده قرب شديد
محبتي
| |
|
|
|
|
|
|
Re: رواية الحب من طرفٍ ثالث في الدوحة أخيراً ( توجد نسخ موقعة ) (Re: محمد عوض السيد)
|
Quote: اخي / حبيب نورة .. القاص .. ان جاز لي .. الف مبروك صدور الرواية .. ولي قدام ان شاءالله ..
فقد .. تلمسنا جزء من الرواية من خلال ما كتبته هنا بالبورد .. لا اقصد الفكرة او المضمون ولكن جمال التعبير والسلاسة في الحكي ..
وكلنا انتظار لنزولها بالاسواق ..
|
أخي محمد عوض السيد
أشكرك جداً لمرورك الطيب ومجاملتك اللطيفة
وأتمني إنك تقراني ورقياً في أقرب وقت
شكرن كتيرن !
| |
|
|
|
|
|
|
Re: رواية الحب من طرفٍ ثالث في الدوحة أخيراً ( توجد نسخ موقعة ) (Re: ود الخليفه)
|
Quote: انت مستيننا نهرم وبعد داك توزع الرواية في السودان؟
الف مبروك وحقيقه سعدت كثيرا بذلك وفي انتظار اكنمال الفرحه بالنسخه الورقيه |
الأخ الحبيب ود الخليفة
كل سنة وانت طيب أخوي عارف يا جميل أنا كنت مصر إني أتشرف بتسليمي للرواية شخصياً ومن غير وسيط الحاجة دي تسببت في إشكال في ناس فهمت إني ما مهتم بتوزيع الرواية في السودان لأسباب لا أعلمها
لكن الحقيقة غير كده أنا طولت من السودان وبما إنو الكتابة أصبحت مشروعي ف أنا قررت إني أفرح بيه مع ناس السودان وفي نفس الوقت أكون موجود والحاجة دي ما فضل ليها كتير حالياً أنا بلملم في عفشي وبستعد للرحيل تحياتي لكل الاهل ونلتقي قريباً
شكرن كتيرن !
| |
|
|
|
|
|
|
Re: رواية الحب من طرفٍ ثالث في الدوحة أخيراً ( توجد نسخ موقعة ) (Re: حبيب نورة)
|
العزيز حبيب نورا التحايا يا صديق الحب من طرف ثالث طرفنا شكرا لطارق المكي وافرحتني كلماتك في الاهداء الخاص .. ما اروعك يا صديق العبور الى الطرف الآخر من حالة الكتابه (الانتاج) في كتاب.. قيمة التعب وليالي السهر الطويل وتحقق الحلم دوافع كافيه لمزيد من الكتابه وتحفيز لنا لممارسة الانتظار على مهل للقادمات من اعمال .. شكرا يا صديق ساعمل بحكمة مكتوبك فانا ادرك تماما ما قلت بان الكلمات تعلق فينا ولا تغادرنا ، اذا فالى عالم ابداعك اعلن الدخول بنهم ووعد بعوده لتسجيل انطباع وانفعال خاص بعملك الحب من طرف ثالث . لك الود وباقة ورد تحيه لوليدك الأول فاكتب كما تشاء وسنقرا بحميمية تلك الشخوص التي تصور محبتي ــــــــــــــــــــــ ايمن تابر
| |
|
|
|
|
|
|
Re: رواية الحب من طرفٍ ثالث في الدوحة أخيراً ( توجد نسخ موقعة ) (Re: Siddig A. Omer)
|
Quote: لف مبروك الآخ حبيب نورة على اطلالة رواية الحب من طرف ثالث و فى غربتنا البعيد القريبة "الدوحة"و إنشاء الله نتذوق طعم الكتابة الجميلة و المحملة باريج بلدنا الذى نفتقده فى غربة الهم و البعد عن كل جميل....
طارق ود المكى....خمسة نسخ لناس الخور البعيد....
|
صديق يا القاعد بعيد ياخي تشكر كتير علي إحتفاءك الراقي الجميل أشكرك جدا وأشكر كل بورداب الدوحة علي وقوفهم مع هذا العمل المتواضع أشكركم وأحبكم جداً
نورا
| |
|
|
|
|
|
|
Re: رواية الحب من طرفٍ ثالث في الدوحة أخيراً ( توجد نسخ موقعة ) (Re: نعمات حمود)
|
Quote: يا يس سليمان ..... ضمن التحلية بفندق اللوتس بدبي كانت الرواية ....... وتمنيت ان تضع حبيب نورة بين قوسين في الاسم حتى نعرف انك انت يس
ونتمنى اننا نشوفا ضمن منشورات معرض الكتاب بالشارقة اكسبو هذا العام ....وحنروج ليك ليك علي (وكمان لوجيت حنعمل ليك حفل توقيع ليها كبيييييير
|
الصديقة الجميلة نعمات حمود في الحقيقة انا لاخر لحظة كنت عايز اكتب حبيب نورة فقط في الغلاف لكن كل زول يجي يديني راي في النهاية كتبت حبيب نورة في الغلاف من الخلف اشكرك كتير وبإذن الله قريباً جداً بكون في أبوظبي ودبي والشارقة لو ربنا سهل الأمور بشرع في هذا الأمر عقب العيد مباشرة
مودتي
| |
|
|
|
|
|
|
Re: رواية الحب من طرفٍ ثالث في الدوحة أخيراً ( توجد نسخ موقعة ) (Re: haroon diyab)
|
Quote: عن بورداب الدوحة لك عميق الشكر
وجزيل التقدير علي الاهتمام بنا
فقد كانت الرواية اجمل هدية
لافطار نجوم المنبر بورداب الدوحة |
هارون يا صفوة والله انا سعيد جداً وممنون خالص إنو كتابي وصل الدوحة وكان ضيف في حفل إفطاركم العامر غايتو السنة دي علي سبيل كسير التلج بصوت لصالحكم في انتخابات لجنة كوستاوي المخجوجة أصلاً
تسلم يا دياب
| |
|
|
|
|
|
|
Re: رواية الحب من طرفٍ ثالث في الدوحة أخيراً ( توجد نسخ موقعة ) (Re: يحي ابن عوف)
|
الاخ حبيب نوره نبارك لك تدشين الروايه مع كل الامنيات بمزيد من الانتاج والابداع
غايتو انا احتجيت على طارق المكى على النسخه الغير موقعه بس ود المكى ما قصر وقام بتوقيعها نيابة عنك لكن دا برضو ما بخلينا نستغنى عن توقيعك أبدا
بالمناسبه دار حديث بينى وبين الاخ دكين مفاده بما انك لم تضع اسم حبيب نوره ملحقا مع يس سليمان بين قوسين فنقترح عليك التحول للكتابه باسم يس سليمان فى كل المنابر
| |
|
|
|
|
|
|
|