|
|
|
 Re: يا هلالاب تعالوا أعدلوا لينا رأسنا .. (Re: طلحة عبدالله)
|
كتب الحبيب مزمل أبو القاسم:Quote:
نفى الزميل علي همشري تورطه في ما نسبه إليه موقع بوابة الأهرام المصري والذي زعم أن همشري حول مبلغ ألف دولار أمريكي إلى وكيل لاعبين نيجيري كجزء من مبلغ مالي تم الاتفاق عليه مع الوكيل كي يشتري به ذمم ثلاثة لاعبين من إنييمبا النيجيري ويسهلوا للهلال الحصول على نتيجة إيجابية.
|
بحثت عن الخبر الأصلي ما لقيتو
الكلام دا خطير جدا فما نسبة صحته يا نوبي ويا جرجير ويا احمد الريح وود الصايم وتامبا وغيرهم
من مساكين أبو الهل ؟
| |
 
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
أعرف الاخ علي همشري فقد كان أحد محرري جريدة نبض الكاركتير التى تصدر عن الشارع
السياسي في التسعينات تقريبا هو و نميري شلبي المصور حاليا بجريدة المريخ وأحمد
كنوز (حاج نظرية) وغيرهم من الشباب الرائعين..
أفهم والله أن يتحول همشري إلى كاتب هلالى بحكم هلاليته ولأن الجميع يستطيع أن يكتب
في الكورة ولكن لا أفهم أبدا أن يصل إلى هذه المرحلة التى يتم فيها إتهامه بالرشوة..
واضح جدا أن همشري فات كبار والقدرو في الكلام عن الشان الهلال وبلغ في ذلك مبلغا عميقا جدا.
يتبع ....
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
من جهة أخري فلا أعتقد ان الهلال محتاج للسير في هذا النفق لأنها ليست المرة الأولي
التى يلعب فيها ضمن مرحلة المجموعات وقد قدم من قبل مستويات فنية متميزة وضعته
ضمن قائمة المرشحين لاعتلاء منصات التتويج الأفريقية.
لكن الاتهام أعلاه إذا ثبت فأنه سيلد من رحمه العديد من علامات الإستفهام بخصوص جدارة
الهلال بالنتائج التى حققها سابقا وحاليا بالبطولة الأفريقية وسيقفز إلى الأذهان السؤال
الكبير والخطير :
هل حصل الهلال على نتائجه السابقة بذات الطريقة دون أن يعلم بأمره أحد ؟
يتبع ......
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: فتحي الصديق)
|
| Quote: يا هلالاب تعالوا أعدلوا لينا رأسنا .. |
راسكم بيتعدل لمن نقابلكم في المقبرة زي كل مرة
أستغرب جدا لمن يقراء لمزمل أبوالقاسم .
______________________________________________________________
أستاذ طلحة
رمضان كريم وكل سنة وانتم بخير
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: فتحي الصديق)
|
يا فتحي الصديق رمضان كريم
غايتو لو حسب مفهومك الفوق دا فالاتهام الفوق دا ممكن يكون صاح جدا
لأنو الألف دي جزء من المبلغ الكلي يعني (عربون) وممكن يكون المبلغ عشرة عشرين تلتين وهو
مخصص لثلاثة لاعبين فقط وليس للفريق كله والذي ربما لا يعلم بقية اعضائه شيئا عن هذه
الصفقة والتى تعتبر مربحة جدا لثلاثة لاعبين فقط .
كما أن النتيجة المطلوبة والتى حصل عليها الهلال مقابل هذا المبلغ ليس فوزا إنما تعادلا
بإمكان انيمبا ان يعوضه كما فعل مع القطن الكاميروني .
لكن بغير المفهوم الجبتو فوق دا فشخصيا استبعد الأمر لأنه لا أعتقد أن الهلال إذا نجح في
هذا الأمر مع فريق سينجح مع بقية الفرق الأخري وبهذا فليس مضمونا حتى ولو حصل على نتيجة
إيجابية من انيمبا أن يحصل على نتائج مشابهة من الفرق الأخري بما يؤهله للإستمرار في البطولة
حتى نهايتها وبذلك سيكون خسر ماله وربما سيخسر سمعته إذا إنكشف الأمر ..
باختصار كدا أعتقد أن ناس الهلال أذكي من أن يتورطوا في هذه المسألة .
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: فتحي الصديق)
|
حسب ما سمعت انه الخبر ورد في موقع مصري و بعد ذلك قام نفس الموقع بسحب الخبر
ومن خلال معطيات معينة مثل
دفع رشوة بي ايصال دي صعبة
مبلغ الف دولار لثلاث لاعبين ما معقولة حتي لو علي سبيل المقدم
اخلاق همشري لا تهبط لهذا الحد
سحب الخبر سريعا من الموقع يدل علي ان الموقع نفسه لا يثق في مصدره
ولكن يبقي السؤال من المستفيد ولماذا همشري تحديد؟؟
واعتقد ان استهداف همشري له علاقة بموضوع اللاعب محمد جياد
حيث استطاع همشري اقناع اللاعب برفض ملاين الجنيهات مقابل تغير وجهته من الهلال حيث استضاف اللاعب بالامارات و قدم معه للقاهرة حيث اقنع اللاعب بعقد موتمر صحفي يعلن تمسكه بالهلال و كان هذا الأمر شكل اهتزاز في مظهر من كان يمسك بملف جياد في نادي اخر وتبعا لذلك و صفهم رئيس النادي بالفاشلين امام جمع هذا غير حق السمسرة راح عليهم لذا اعتقد ان هناك من يحاول الإساء لهمشري
قبل الإساءة للهلال
و حسب علمي تم تكليف عضو بمجلس نادي الهلال بفتح دعوي جنائية ضد الصحيفة والموقع
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
يا طلحة سلامات ....... الزول ممكن يتوقع اي حاجة في الوسط الكوري .... مزمل ما ممكن يورط نفسه في كلام زي ده لو ما زرد في مصدره الاصلي ... ناس بوابة الاهرام برضو ما ممكن يورطوا نفسهم في تهمة زي لو ما عندهم أدله .... مزمل يتحدث عن ارقام الحوالة بالويسترن يونيون واسم وكيل اللاعبين ..... عليه نحن كهلالاب ... نطالب مجلس الادارة التحقيق في الأمر اذا مان كان ملفق يجب مقاضاة كل الجهات التي روجت له .... وإذا ما كان سليم يجب محاسبة كل من تورط فيه .... في كل الأحوال نحن كهلالاب نتبرأ من كل ممارسة غير اخلاقية أو تتعارض من السلوك الرياضي القويم ... وندينها ونشجبها ...
ايضاً حاولت البارحة البحث في بوابة الأهرام ولم أجد الخبر .... أخشي أن يكون مدسوس علي الموقع من قبل جهات داخل السودان .. وشربوا المصريين المقلب .
| |
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: زهير الزناتي)
|
الحبيب عادل الباهي
كل سنة وانت طيب ياخ
قلت لي :Quote:
راسكم بيتعدل لمن نقابلكم في المقبرة زي كل مرة
|
ما استبعد والله ان يفوز الهلال على المريخ لانه من الواضح
جدا ان مجلس جمال الوالي لا يهمه أن يخسر المريخ في الميدان وخارج الميدان
كما خسر أمام الكهل الكذاب عصام الحضري ومواطنه الممرن الفاشل حسام البدري
بقدر ما يهمه أن يحصل على اللقب مهما كان الثمن الذي سيدفعه المريخ من اسمه وتاريخه
وسمعته .
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
زهير الزناتي رمضان كريمQuote: يا طلحة سلامات ....... الزول ممكن يتوقع اي حاجة في الوسط الكوري .... مزمل ما ممكن يورط نفسه في كلام زي ده لو ما زرد في مصدره الاصلي ... ناس بوابة الاهرام برضو ما ممكن يورطوا نفسهم في تهمة زي لو ما عندهم أدله .... مزمل يتحدث عن ارقام الحوالة بالويسترن يونيون واسم وكيل اللاعبين ..... عليه نحن كهلالاب ... نطالب مجلس الادارة التحقيق في الأمر اذا مان كان ملفق يجب مقاضاة كل الجهات التي روجت له .... وإذا ما كان سليم يجب محاسبة كل من تورط فيه .... في كل الأحوال نحن كهلالاب نتبرأ من كل ممارسة غير اخلاقية أو تتعارض من السلوك الرياضي القويم ... وندينها ونشجبها ...
|
اتفق معاك بخصوص أخلاق الوسط الرياضي مع احترامي للبعض
لكن كمان ممكن تكون الحالة دي (اذا ثبت الاتهام) فردية ليس للهلال دخل فيها بمعني أن يكون همشري دا
عملا من تلقاء نفسه ولا علم للهلالين بها..
ربنا يهون القواسى .
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
يا حبيب الكل رمضان كريم
اتمني والله ان لا يكون الخبر صحيحا
كما اتمني من علي هشمري وغيره من الكتاب أن يبتعدوا عن الشبهات ويكتفوا
بالنقد والكتابة في الشان العام للنادي بعيدا عن التدخل في الإختصاصات الإدارية والفنية
فهذه لها أهلها ..
حكاية أن الكتاب والصحافيين والمشجعين يتدخلوا في الشئون الفنية والادارية هي
بالضبط الاشكالية التى أدت لتدهور الكورة السودانية ووصولها إلى هذا المنحدر .
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
.... واليوم يا طلحة يتحدث مزمل (النجار ) عن أن أحدهم رأى علي همشري يسير في شارع افريقيا مع رجل الراية الذي احتسب ضربة الجزاء في مباراة الهلال مع الرجاء !!!
-------------------
مزمل صواميل راسو حلجت منذ أن غادر المريخ بطولة الاتحاد الافريقي مبكرا .
------------------------------------
شايفو اليومين ديل همل موضوع سادومبا و دوره في التلاعب بنتائج مباريات منتخب بلاده لصالح أحدى شركات المراهنات .
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
Quote: * بدلاً من أن يشغلوا أنفسهم بمتابعة مباريات خصومهم في دوري المجموعات يشغلون أنفسهم برقص الحراس وأغاني الشريف مبسوط مني!
* قاعدين مع البرير وشايلين هم جمال!
* مرة أخرى نتساءل: لماذا سكت مجلس الهلال عن الاتهامات الفظيعة التي وجهها موقع بوابة الأهرام للنادي الأزرق قبل فترة؟
* لماذا لم يرد مجلس الهلال على إقدام الموقع على اتهامه للنادي الأزرق بشراء نتيجة المباراة المذكورة؟
* أورد الموقع الخبر مقروناً باسم المحرر.
* ونشر معه مستنداً لتحويل مالي عبر شركة الويسترن يونيون حمل اسم الزميل الصحافي الهلالي علي همشري (تم نشر الاسم رباعياً)، وهو موجه لوكيل لاعبين نيجيري اسمه جولي!
* شخصياً تحققت من مدى صحة مستند التحويل وتأكدت أنه سليم مائة في المائة.
* أكد موقع الويسترن يونيون أن المبلغ تم استلامه في نيجيريا فعلياً!
* وزعم موقع بوابة الأهرام أن الوكيل جولي سهل للهلال الحصول على التعادل عبر ثلاثة من مدافعي إنييمبا.
* وادعى أن الوكيل وعد بالحصول على عشرة آلاف دولار، ولم ينل منها سوى ألف واحد!
* وقال كاتب الخبر إن الاتصالات بالوكيل النيجيري تمت بواسطة مدرب الهلال ميشو الذي وعد جولي بتسهيل إجراء اختبارات فنية لثلاثة من لاعبيه في أوروبا!
* إذا لم يتحرك مجلس الهلال لمقاضاة الموقع المذكور على هذا الخبر المسيء للنادي فمتى يتحرك؟
* لماذا هذا الصمت المهين؟
* ولماذا لم ينفذ الزميل علي همشري وعيده بمقاضاة الموقع الذي أساء له واتهمه بالتواطؤ حتى اللحظة؟
* خلال الأيام الماضية تداول بعض الزملاء رسائل قيل إنها أرسلت للوكيل من السودان والبحرين!
* وكتب الزميل معاوية الجاك مؤكداً أنه شاهد مساعد الحكم المالي (الذي احتسب ركلة الجزاء) برفقة الزميل علي همشري في أحد مطاعم الخرطوم قبل المباراة بيومٍ واحد!
* ولم يتخذ همشري أي إجراء في مواجهة الزميل معاوية!
* إن في الصمت حديث!
|
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
الاقتباس السابق من عمود مزمل ابو القاسم يوم 11 اغسطس .
وادناه من عمود اليوم ..... وفيه اتهام واضح لميشو باللعب في نتائج المباريات
Quote: * يقال والعهدة على الراوي إن هدف أوتوبونغ الشعب في مرمى رديف الشباب التنزاني (ملعوب)!
* وهدفه الثاني ملعوب مثل الأول.. بدليل أنه أتى في التوقيت نفسه.
* وكلمة السر عند ميشو الذي تولى تدريب الفريق التنزاني سابقاً.
* وميشو خبير في ترتيب المباريات وتجهيز الفرق واللاعبين لتحقيق نتائج جيدة.
* وما حدث في نيجيريا أمام إنييمبا خير دليل على قدرات ميشو الأسطورية في هذا المجال.
* فرحة إعلام الهلال بهدف الأوتوماتيك فاقت فرحة سلفه حفياني في مرمى المريخ خلال نهائي التمشيطية!
* إشي مانشيتات بالعربي وإشي بالإنجليزي!
* البشوف الهيصة يقول أوتوكنب حصل سكواها في صدارة هدافين الممتاز وألغى فارق الثماني نقاط!
|
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: صبري طه)
|
صبري طه رمضان كريم
يا زول إتا مالك الأيامات دي قائم ليك في شكل قاطعو من رأسك الما عايز يدخل فيهو أي كلام دا ؟
هسع القال مستوي الهلال كعب منو يا زول ..
تاااااااني
قلت اذا ثبت اذا ثبت اذا ثبت الاتهام فهذا يمكن ان يثير الشكوك بخصوص نتائج الهلال السابقة
والحاضرة واللاحقة مع تأكيدي على أن مستوي الهلال المتميز لا يجعله محتاج لرشوة .
اتا يا زول رمضان خلاص قام بيك واللا شنو ؟؟
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
يا فتحي الصديق
قناعتي أنو ناس مزمل وعلي همشري وغيرهم المفروض يمارسوا الكتابة الصحفية دي باحترافية بعيدا
عن العوك عاك والمكايدات المؤذية وأن يبتعدوا تماما عن التدخل في الشأن الاداري والفني للاندية
ويقيني أن هذه التدخلات والمضايقات التى تحصل من هولاء تجاه أصحاب الاختصاص من الفنيين والاداريين
هي السبب في تدهور الكورة السودانية .
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: صبري طه)
|
بكل أسف المدعو مزمل أبو القاسم هو من أدخل التنابذ بالألقاب مثل دلاقين وحفياني وهاليفا وماسورة وغيرها من الترهات وساهم بفعالية في نشر التعصب الرياضي وبكل أسف يردد المريخاب وخاصة الرجرجة منهم ترهاته صباح ومساء والهدف بين وهو الهاء جمهور المريخ عن جلوس الفريق على رصيف مقارعة الكبار الذي يستاثر به الهلال كل عام ويمتع جماهيره بمقارعة كبار القارة منذ 2003م وبلوغه القمة في 2007 - 2009 - 2010م.. والهدف الثاني للصحاف تجاري بحت لتسويق صحافته ولا يتردد في تحقيق هذا الهدف عن استباحة أي قيم أو أو مثل تسئ ومثلة بكل أسف كثيرين ولكنه رائدهم وأول من بدأ وتبعه الدهماء مستغلين سذاجة أنصارهم وتسامح خصومهم واستهانتهم بالخطر الكبير على الوسط الرياضي على المدى البعيد..
..
الحل في رأيي المتواضع: أن يقوم كل من يتضرر من نشر أي معلومة أو اساءة أو اشانة سمعة باللجوء للقضاء وعدم قبول أي وساطات اشتهر بها الوسط الرياضي مما وطن الكثير من الأمراض به وجعل لكل جاهل موقع متقدم فيه..
والله إن ماينشر في الصحف الرياضية وخاصة المريخية هذه الأيام رغم خطله ووضوح فبركته مصدره أقلام تعبدها جماهير المريخ وتستشهد بمايقولونه في حلهم وترحالهم فهنا تلاقى السببين حيث وافق شن طبقة فجماهير المريخ مثقفهم وجاهلهم يريدون من يخفف عنهم اخفاق الفريق المتواصل منذ عدة سنوات رغم البشريات التي يحملها لهم مزمل وتابعيه بتبخيس انتصارات الهلال وتشتيت التركيز عن تقدمه في المنافسات واحترافية وخبرة لاعبيه بغثارة مثل هذه المعلومات التي تفتقر حتى في صياغتها للدقاة.. تلاقى هذا مع هدف اعلام المريخ الذي يريد بيع صحفه وضمان استمرار مصدر رزقه وثروته وطريق ذلك واضح لهم هو دس الأخبار وفبركة القصص والروايات، وواله يا طلحة إنه لأمر مخجل ومستفز أن يستمر هذا الأمر المدمر للوسط الرياضي...
مزمل سقط منذ بدأ مسلسل التبابذ بالالالقاب والتلاعب بأسماء اللاعبين دون أي مراعاة لحياتهم الأسرية وتاثير مثل هذا السقوط على أسرهم وأخوانهم..
سلام طلحة ورمضان كريم..
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: منتصرمحمد زكى)
|
يا زهير الزناتي
مزمل كما تعرف يرد على الهلالاب في الجانب الآخر وبالطبع فهو يرد على الغلط بالغلط
ومن المؤسف والله أن تتحول الكورة من الملاعب إلى صفحات الصحف لتصبح عبارة عن رشقات
واتهامات متبادلة لا تقدم ولا تؤخر بل تزيد الطين المبلول موية وتطمبجوا موية ..
العايز يعرف مدي تدني مستوانا الكروي فلينظر للكتابات الصحفية.
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
والله يا طلجه يا حبيب يا شاهد الزور
انا نزلت بوست في منتدي سيد البلد
وسالت همشري صراحه
اذا انت دفعت القروش
ومجلس الهلال عارف ذلك
الله معاكم
واذا لم تدفعوا القروش ومزمل بيقول في كلامو ده رشوه لينا
فقال لي اصبر وشوف البيحصل فيه شنو
فيا حبيب اصبر بس دي لي مزمل عواسة الكسره وقعدت البيت غلبتو
وتاني اكبر دليل اثبات المؤمره انو المستند باسم علي همشري وهو النزل في المنتديات والجرائد
ونحن نعلم ان علي همشري ليس اسمه الحقيقي عشان تعرفو بس
تحيتنا يا منقه
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: abas)
|
مزمل ميين يا استاذي الله يسامحك. ما قعد نقرا لمزمل
.
.
اللهم ببركة هذا الشهر الكريم نسألك ان تبعد عنا الحاسدين والكائدين وان ترد كيدهم في نحرهم.
اللهم آمين
قال: نفى الزميل همشري قال
هسي الزول المذكور دا كان قال كدا في ايام المغفرة دي ودعا على مزمل دا، وقال ياربي انا اصلو ما عافي ليهو
بكرة يقولو البرير اشترى كم لاعب في القطن
بس الكأس. وبإذن الواحد الأحد الواحد يقعد في الواطة دي يألف كتاب يعرف الأجيال الجديدة التي ظلت تردد مع المرددين "الكاسات المحمولة جواً"، وما بعيد الواحد يعمل موقع الكتروني ومحطة تلفزيونية اسمها "حقيقة الكاسات المحمولة جواً"، حيث لم يكن من بينها "دوري ابطال افريقيا" ابطااااااااااال افريقيا. كاس كان في سنة مجاعة افريقيا لدول شرق ووسط افريقيا والآخر مع فرق هزيلة. وبرضو ما دوري ابطال افريقيا
والله ما بنزهج. الهلال سيد البلد وحبيبها وحامل 7 دوري محلي في التمنية سنة الفاتو، وبعبع افريقيا وماردها، والذي وصل مباريتين نهائيتين في دوري ابطاااااااال افريقيا والتي توازي لعمري 12 مانديلا و 36 سيكافا سيصل بإذن الله تعالى الى منصة التتويج.
ولو السنة دي ما جا. نشوف السنة الجاية. 
بس سنة فيها فضيحة لمازمبي عندنا فوقها راي بإذن الواحد الأحد
طلحة يا استاذي أكتب لينا في المريخ، ما ممكن الهلوسة بتاعتك دي!
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: محمد يوسف الزين)
|
الاخ طلحة
سلامات
يا زول، مالك والله انا غايتو كنت شايفك، أكثر كتاب المريخ موضوعية...
انا ما شفت المستند ولكن اعتمادا على ما ورد بردود بعض الاخوان، فانه ومنذ حداث 11 سبتمبر وما أدراك من سبتمبر، فان كل التحويلات المصرفية، وخاصة التحويل بالدولار، لا يتم الا بموجب الاسم الكامل، ورقم وثيقةاثبات (بطاقة/جواز)، وبالتالي لابد أن يكون الاسم مطابق تماما لما وارد بالوثيقة،لدرجة الحروف المتحركة (a e i) بتجهجه ليك حوالتك ....
انا والله لو مسؤول في الهلال أو مكان الهمشري، ولا ارد ولا اشتكي، ولا اشتغل بمثل هذه الخزعبلات، فليقذفوا بها في التراش..
قل لي الصحفيين بتاعنكم ديل، احترموا عقلية القاريء...
مزمل ومن خلفه جوقته، كل ما اصبح الهلال قاب قوسين مسكتهم والرجفة وبحثوا عن فبركة حكاية تبرد نار الغل،
صحافة وادارة كل البهمها في الدنيا مكاواة الاخر...
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: nadus2000)
|
تنظير يا فقر...
ياخوي وقت جابت ليها مستندات و كلام زي دا راجين بيها شنو الكتابة في الجرايد المنتديات ما فيها عمار ولا بتوقف مسيرة سيد البلد
دربكم عديل على لجنة الاخلاق في الكاف و الفيفا رسلوا ليها المستندات وهي ما بتقصر معاكم
وبالمرة هاك المستند * دا امشوا بيه معاكم
_______________________
الصورة نقلا عن موقع كووورة سودانية
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: محمد البشرى الخضر)
|
سلامات طلحة والشباب
عندي سؤال يالطلحة: الموضوع دا نزل في موقع بوابة الاهرام المصري ولمدة عشرة دقائق وتم سحبه (أعتقد بعد أن إتضح لإدارة الموقع ضعف صحته).....زولك دا عرف الكلام دا كيف في العشرة دقائق دي ..لو ما عندو يد فيهو؟؟؟؟ ثانيا أعتقد إنو المصريين الجبتوهم للنادي ديل قلبوا بزنس إعلامي...وقلتو احسن كدا بتستفيدوا منهم...خاصة وانو الوالي جايبهم وصارف عليهم عشان يظهر اعلاميا وينتقل للعالمية بعد ما اكتفي من المحلية...وإنتو قايلنو دافع الملايين دي كلها عشان خاطر المريخ...عشان كدا الزول دا مطول بالو ليكم سلبة كدا وما فحط من زماااان ...وإنتو نازلين فيهو رش تقيل بعد كل الاخفاقات دي...والزول عامل اضان جلد أتاريهو فوق فهم
شكرا ود البشري.....بالدليل والبرهان القاطع
نادوس
Quote: قل لي الصحفيين بتاعنكم ديل، احترموا عقلية القاريء...
مزمل ومن خلفه جوقته، كل ما اصبح الهلال قاب قوسين مسكتهم والرجفة وبحثوا عن فبركة حكاية تبرد نار الغل، |
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: الامين موسى البشاري)
|
Quote: يقال والعهدة على الراوي إن هدف أوتوبونغ الشعب في مرمى رديف
الشباب التنزاني (ملعوب)!
* وهدفه الثاني ملعوب مثل الأول.. بدليل أنه أتى في التوقيت نفسه.
* وكلمة السر عند ميشو الذي تولى تدريب الفريق التنزاني سابقاً.
* وميشو خبير في ترتيب المباريات وتجهيز الفرق واللاعبين لتحقيق نتائج جيدة.
* وما حدث في نيجيريا أمام إنييمبا خير دليل على قدرات ميشو الأسطورية في هذا المجال.
* فرحة إعلام الهلال بهدف الأوتوماتيك فاقت فرحة سلفه حفياني في مرمى المريخ خلال نهائي التمشيطية!
* إشي مانشيتات بالعربي وإشي بالإنجليزي!
* البشوف الهيصة يقول أوتوكنب حصل سكواها في صدارة هدافين الممتاز وألغى فارق الثماني نقاط!
|
يا طلحة انت خليت الصحافة وباريت جنس الكلام دا؟؟
مزمل دا شكلو برمي الودع...في نادي المريخ..
والبقولو ليه الودع يجي يكتبو بي حذافيرو..
-----------------------------------------------
تجربة ودية مع الشباب التنزاني...والشباب التنزاني
مترشي (من رشوة) من ميشو عشان اوتوبونج...يحرز هدفين اسطوريين
في نفس التوقيت...؟؟
وشوف التفاهة الودعية...يقارن أوتوبونج وفشله وكنبه بنجاح سكواها في
صدارة هدافي الدورة...دون ان تطفر له ودعة وتقول ليه مقارنتك دي..
الا تمر علي بعض المغفلين والمخمومين من المريخاب بكتاباتك يا مزمت.
فمتي شارك اواوبونج في الدوري السوداني حتي يقارن بساكواها...
وسواكواها نفسه ...ألم يشارك...في الكونفدرالية...مع ناس الشباب
التنزاني دا زاااتو وهو حامل كأسها؟؟
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: nazar hussien)
|
الأخوة الهلالاب تركو الفيل ووجهوا سكاكينهم نحو الظل
مزمل نقل خبر عن صحيفة معروفة والخبر موثق وكمان مكبشر ومحفوظ لليوم الأسود تجي الشلة تهاجم مزمل؟
د. ياسر قال: | Quote: زولك دا عرف الكلام دا كيف في العشرة دقائق دي ..لو ما عندو يد فيهو؟؟؟؟ |
طيب يادكتور السبب الخلاك تعرف زمن نزول الخبر 10 دقايق(شكلك تابعتو من نزوله وحتى سحبه بالحبة والدقيقة) مايخلي مزمل الذي يعمل داخل مؤسسة وموظفين وغاغا يكبشر هكذا خبر في العشرة دقائق ديل؟
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: صبري طه)
|
ويواصل مزمل
* صدق الزميل ياسر المنا.. لماذا يهاجمون همشري ولا يكتبون عما فعله ميشو؟
* نناشد الزميل معاوية الجاك أن يفرج عن الصورة المحجوبة!
* توعدنا وتبخل بالصورة.. يا همشرتنا الما منظورة!
* ترى من سيلعب في خط هجوم الهلال غداً بجوار الحبيب همشري؟ سادومبا أم كاريكا أم المدينة أم أوتوكنب؟
* الدور في اتهامات البيع على حارس النيل مجدي الكدرو!
* والدور في الضرب على التماسيح.. ولو بعد العيد!
* آخر خبر: همشري أخطر مهاجمي الهلال في دوري الأبطال!
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: khaleel)
|
Quote: الأخوة الهلالاب تركو الفيل ووجهوا سكاكينهم نحو الظل
مزمل نقل خبر عن صحيفة معروفة والخبر موثق وكمان مكبشر ومحفوظ لليوم الأسود تجي الشلة تهاجم مزمل؟ |
يا ود الشيخ اي صحيفة و اي معروفة
الخبر نزل واتسحب في الموقع الالكتروني, كدي هاك نمزذج للاخبار النزلت في جرائد ورقية وما اتسحبت وكدي ادينا نموذج لسكينكم الخاتنها لليوم الاسود كيف طعنتوا بيها الفيل الجزائري دا
دكتور ياسر تساءلت عن كيف اتكبشرت صورة الايصال و الخبر نفسه ما تم العشر دقائق
اعيد لذاكرتك حادثة حصلت فبل سنتين تلاتة و انت قارن
الاستاذة نادية عثمان كانت نزلت تحقيق في صحيفة اخبار اليوم عن جرائم الاحتيال في مصر بعد شهور طويلة من نزول الخبر على الموقع الالكتروني
ارسل احدهم تعليق على الخبر في باب تعليقات الزوار تحت اسم مستعار كتب قصة طويلة عن محتال سوداني يعيش بمصر طاعن و همز فيها من طرف خفي الهلالي القح تاج السر حسين - عضو البورد حينها
اها المثير في الموضوع انه قبل انقضاء العشر دقائق دي ذاتها كان التعليق مكبشر وبرابطه نزلوا هنا في بوست في سودانيز اونلاين
طبعا لموضوع كان واضح في اطار تصفية صراعات بين العضو النزل البوست هنا و تاج السر
وإلا منو العندو وقت يراجع بعد كم شهر تعليقات الزوار على مقال في ارشيف موقع صحيفة زي اخبار اليوم!!
واضحة يا دكتور و الغرض منها هو الهرجلة الاعلامية دي وتوفير موضوع للوصيفاب - خالين الموضوع اليومين ديل - للمناكفة
وإلاّ زي ما قلت فوقطالما الموضوع موثق يجب ارساله للجنة الاخلاق في الفيفا و اهي زي ما شايفين في موضوع زيمبابوي لا تتهاون
وطبعا للوصيفاب سابقة قبل كدا في الشكية و تسهيل الشكية لمنافسي الزعيم
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
منتصر محمد سلامات ورمضان كريم يا زول
ناس المنبر ديل الظاهر عليهم كلهم واحد في التعصب
هسع أنا سألت بس ولا شكيت ولا حتى المحت بالشك في الهلال
جوني طايرين جوز كلهم التقول أنا الجبت الكلام دا ...
وبهناك تتكلم عن المريخ برضو يطلع مين ومين ومين وأي
واحد شايل أية حاجة في كيبوردو يلفك بيها .
ياخ بغض النظر عن أني مريخابي أو غيرو لكن الهلال والمريخ
ديل شان عام والمفروض الناس تتعامل وفق القناعة دي .
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: محمد البشرى الخضر)
|
البعجبني فيك يا ود البشرى ...
بتخلّي الناس ديل يقطعوا موية ونور
ـــــــــ
أحيّ أنا تاني بتجو
حتى أخونا طلحة بدأ يُهدّد بقلع الهدوم والعوم
إنتو وكِت ما بتقدروا على السخانة بتطلعوا فيها ليه ؟! مُش الدنيا صيام ؟!
أهو إنتو حتصوموا من المُشاركات الإفريقية حتى بداية الموسم القادم عادي وما فيها حاجة ...
ممكن في فترة الغياب دي تتعلموا السباحة البدت بقلع الهدوم
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: صبري طه)
|
يا صبري طه
اخوكم طلحة ذاتو ما قرأ كلام جرجير الكتير ومسيخ دا
انا بتكلم عنكم كلكم وأولكم إتا ذاتك لأنك بديت ليهم القطامة
ياخ أنا لا نبذت ولا شكيت ولا قللت من شأن ولا عملت أية حاجة
بل بالعكس قلت الهلال ما بعمل كدا وكل كلامي عنو في البوست دا
تحديدا إيجابي أكتر من كلامكم عنو .. تقوموا تعلموني أنا الجاني ذاتى ؟؟؟؟
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: صبري طه)
|
أستاذ طلحة
رمضتن كريم
هل شاهدت هذه المباراة ، لو الإجابة نعم ـ هل شعرت بأي أثر للتواطؤ ؟
أنا شاهدت هذه المباراة منذ أول دقيقة وحتى صافرة النهاية ، ويشهد الله أن لاعبي أنمبا قاتلوا بشراسة ، ولم يكن هناك أي أثر لتراخ
ثانياً ـ الهلال ومنذ قرابة العام ظل يحقق نتائج إيجابية ، بل لم يهزم خارج الأرض ، إلا في عدد قيليل جداً من المباريات ، فقد فاز على الإتحاد الليبي ، وكابس يونايتد ، وتعادل مع جيش النيجر ، وكالا الأنغولي ، والأفريقي التونسي ، بل الهلال هو الفريق الوحيد بدوري أبطال أفريقيا الذي لم يهزم حتى الأن (ماشاء الله) فهل كل هذه النتائج الممتازة خارج الأرض تمت برشوة
ثالثاُ ـ هل يعقل أن يتم رشوة لاعبين لتحقيق التعادل ، لو في تراخي بكون للفوز وليس التعادل
رابعاً ـ هل يتم رشوة لاعبين بهذه المبالغ الزهيدة جداً ، ولاعبي غرب أفريقيا ونيجريا على وجه الخصوص أصبح لديهم إنطباع أن أندية القمة السودانية هي أغنى أندية القارة !!!!!!!
خامساً ـ نفى الأخ على همشري هذه الإتهامات جملة وتفصيلا ـ وهو الأن بصدد رفع دعاوى أمام القضاء ضد كل من أتهمه باطلاً ، كما شرع مجلس الهلال في رفع دعاوي أيضاً ضد الصحف المريخية التي روجت لهذه الإدعاءات
سادساً ـ ذكر مزمل أن لديه مستندات تحويل بإسم همشري ، فرد عليه همشري ـ بأن إسم همشري غير موجود في أوراقه الرسمية ،
وبمناسبة مزمل ـ قل قضية واحدة كان وراءها مزمل ، وصلت لنهايتها ، وأدان فيها الهلال ، وليس قضية تسجيل لاعبي الهلال وإعارة اخرين ببعيدة عن الأذهان
هل بعد كل هذه الأدلة هل تعتقد أن هذه المزاعم صحيحة ،
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: محمد علي البصير)
|
محمد علي البصير كل عام وانتم بخير ويتعاد عليكم بالصحة والسلامة والسلام
اولا : كل كلامك الفوق دا لو راجعت البوست بتلقاني قلتو بطريقة أو باخري
قال أنا مستبعد تماما القصة دي وانو الهلال ما محتاج ليها ذاتو ولو ثبت الاتهام
(لو ثبت ) فاعتقد أن الهلال النادي ما ليهو علاقة وأنو المسألة دي تمت بصورة فردية
لأنو كما قلت برضو أنو ناس الهلال ما اعتقد أنهم بالعباطة والسذاجة البتخليهم يخسرو
قروشم وسمعتم في حاجة إحتمال كبير في النهاية ما يستفيدوا منها ولو راجعت كلامي
في البوست دا ح تلقاهو ياهو القاعد أقول ليك فيهو هسع دا .
Quote: وبمناسبة مزمل ـ قل قضية واحدة كان وراءها مزمل ، وصلت لنهايتها ، وأدان فيها الهلال ، وليس قضية تسجيل لاعبي الهلال وإعارة اخرين ببعيدة عن الأذهان
|
بصراحة لا ..
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
الاخوة الهلالاب بقيادة جرجير الملقب بود البشرى دون كيشوت البوست دا ..
للمرة الألف أنا ما شكيت في الهلال ولا قللت من شأنو بل بالعكس متعاطف معاهو
وشايف أنو ما ممكن يعمل كدا ..
عشان تاني ما يجىء ياسر عبد القادر وقبليهو صبري طه وغيرهما يكتحوا فينا .
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
Quote: الاخوة الهلالاب بقيادة جرجير الملقب بود البشرى دون كيشوت البوست دا ..
للمرة الألف أنا ما شكيت في الهلال ولا قللت من شأنو بل بالعكس متعاطف معاهو
وشايف أنو ما ممكن يعمل كدا ..
عشان تاني ما يجىء ياسر عبد القادر وقبليهو صبري طه وغيرهما يكتحوا فينا . |
وهو البحر فيهو كتّاحة كمان ؟!
ويا عزيزي المُناكفة بتحلّي البوستات ...
ومناكفتنا لك وللبطيخاب بكل الود ...
ودمت بود ،،،
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
سلامات يا نادوس 2000 وكل عام وانتم بخير Quote: الاخ طلحة
سلامات
يا زول، مالك والله انا غايتو كنت شايفك، أكثر كتاب المريخ موضوعية...
|
والله ما في أي ميلان يا حبيب
Quote: انا ما شفت المستند ولكن اعتمادا على ما ورد بردود بعض الاخوان، فانه ومنذ حداث 11 سبتمبر وما أدراك من سبتمبر، فان كل التحويلات المصرفية، وخاصة التحويل بالدولار، لا يتم الا بموجب الاسم الكامل، ورقم وثيقةاثبات (بطاقة/جواز)، وبالتالي لابد أن يكون الاسم مطابق تماما لما وارد بالوثيقة،لدرجة الحروف المتحركة (a e i) بتجهجه ليك حوالتك ....
انا والله لو مسؤول في الهلال أو مكان الهمشري، ولا ارد ولا اشتكي، ولا اشتغل بمثل هذه الخزعبلات، فليقذفوا بها في التراش..
قل لي الصحفيين بتاعنكم ديل، احترموا عقلية القاريء...
مزمل ومن خلفه جوقته، كل ما اصبح الهلال قاب قوسين مسكتهم والرجفة وبحثوا عن فبركة حكاية تبرد نار الغل،
صحافة وادارة كل البهمها في الدنيا مكاواة الاخر...
|
أهو دا الكلام ذاتو العلشانو فتحنا البوست دا ..
تفنيد بمنطق وتعقل .. موش زي ناس صبري طه وجرجير وياسر عبد القادر
الخلوا الموضوع ودخلوا البوست للمضاريب ديل .. 
شكرا ليك يا زول .
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
طلحة......
إحنابنعترف بحقك كاملا.....وقلنا عليك زول حقاني....وزول بتطلع النصيحة بل ومن القلائل البنحس إنهم صفوة فعلا.
لكن إعلام المريخ دا زودها شوية.......
عن الاخ تاج السر... أنا لا أعلم عنه أكثر من هلاليته ..وإذا كان يضيرك ذكره هنا....فأنا اسف جدا
ورمضان كريم
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: منتصرمحمد زكى)
|
هوي يا تنظير ما تعمل غاغا
انت سالت فوق عن مدى صحة الكلام, ودي حاجة غير همشري نفسه مافي زول بقدر يجاوبك عليها لكن نحنا اديناك راينا ومدى تصديقنا للحديث من واقع قرائن و احداث مشابهة
وبالمنطق كدا كيف لموقع الاهرام اليوم الحصول على صورة مستند تحويل مالي بين شخصين
الحالة الوحيدة الاقرب للمنطق ان يكون الوكيل هو من كشف الموضوع هنا يجي سؤال طيب ادارة انيمبا مستنية شنو؟ ليه ما اشتكت للكاف اقلاها يتخلصوا من الهلال كمنافس في المجموعة
يا تنظير اذا كان الوصيفابي الصحفي مجنون و بنقل اي حاجة فالوصيفابي القارئ عاقل - او مفروض يكون - وما ياكل اي حاجة بعوسوها ليه
ياخ انا بقول في شنو؟ ياتو وصيفابي العاقل دا!
البطيروا من قولة هوف كل سنة ديل ويخدروهم بي الطابق التاني و القلعة و حارس افريقيا الاول و البوفيه المفتوح ولا ناس تانين!
______________________
يا زول دون كيشوت دا عارفه منو ولاّ لافح ساي
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: محمد البشرى الخضر)
|
جرجير
هو اتا وغيرك جاوبتو اكتر من سيد الشىء ذاتو تجىء تقول لي ما بقدر يجاوبك
غيرو ..
وبعدين ياخ شنو البمنع ياخ الواحد يسأل من حاجة ويعرف الاجابة القاطعا عليها؟؟
يعني بس عشان اتا مشجع متعصب من عينة البشرطوا القمصان ويحرقوا العمم في الكورة
المفروض الهلال دا ما يجوا بى جمبو واللا الفلم شنو ؟؟؟؟؟؟؟؟؟؟
والله حاجة عجيبة جدا ..
تكتب عن المريخ يطلع ليك مين ومين ومين يديك في نخرتك
تكتب عن الهلال يطلع ليك جرجير وصبري وغيرو ويقول ليك ما تكتح ..
غايتو الواحد بعد كدا الا يسلم العدة دي لسيدا ويمش يتكل في لستك جمب زاوية بيت واللا
يلعب سيجة واللا أية حاجة ..
..................
دون كيشوت البعرفو أنا دا بتاع لبن بزيد لبنو موية
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: د. ياسر عبد القادر)
|
Quote: هل صحيح أن كاتب هلالي دفع لثلاثة من لاعبي أنيمبا النيجيري ليسهلوا على الهلال
الحصول على نتيجة إيجابية ؟؟
|
سلامات يا طلحة وكل الزملاء ورمضان كريم.
أدناه تجد نص الخبر المنسوب لموقع sport.ahram.org.eg التابع لمؤسسة الأهرام
المصرية، وهو -كما هو واضح- ذو صياغة ركيكة، ويفتقر للتسلسل المنطقي.
Quote: عاجل : بالمستندات... الهلال يرشو ثلاثة لاعبين من انيمبا
الاهرام اليوم المصرية
http://sport.ahram.org.eg/News/1933/.aspx
بالمستندات .. فضيحة أخلاقية بدوري الأبطال بطلها مدرب الهلال السوداني
و3 لاعبين ووكيل أعمال
082011/07/23 09:59
أحمد الشامي
صورة ضوئية لتحويل المبلغ
فضائح ورشاوي المباريات لا تنتهي، وهذه المرة في نيجيريا وتسبب فيها وكيل لاعبين حصل
علي وعد من مدرب الفريق الضيف علي تلقي مبلغ مالي قيمته 10 آلاف دولار مقابل
الاتفاق مع ثلاثة لاعبين من فريق أنيمبا لتخرج المباراة بالتعادل الإيجابي 2/2 ويحصل
الهلال علي نقطة هامة في أولي مباريات الدور الأول بدور المجموعات"الثمانية" ببطولة
دوري أبطال إفريقيا.
توصل وكيل اللاعبين إلي اتفاق مع الصربي ميلوتين سريدويفيتش "ميشو" المدير الفني
للهلال السوداني علي أن يتلقي اللاعبون الثلاثة فرصة الاحتراف في الدوريات الأوروبية
ويستطيع الوكيل الحصول علي مقابل مالي كبير من وراء بيعهم.
وحصلت "أهرام سبورت" علي نص الرسائل المتبادلة وبرقم هاتفهما بين وكيل اللاعبين
والصحفي السوداني الوسيط المقيم بالبحرين والتي تعضض ادعاءات الوكيل بسعي الهلال
لشراء نتيجة المباراة بالمجموعة الأولي بدوري الأبطال الإفريقي والتي تضم الهلال
السوداني وأنيمبا النيجيري والرجاء البيضاوي المغربي والقطن الكاميروني.
وتم تفعيل الاتفاق وحصل الوكيل علي ألف دولار تم تحويلها من مكتب"ويسترن يونيون"
بدولة البحرين والتي يقطن فيها الصحفي السوداني علي همشري علي عمر محمد، وتواجد
الوكيل بفندق "دولا بكس" مقر إقامة الهلال السوداني بنيجريا، وفوجئ بوجود الشرطة النيجرية
التي ألقت القبض عليه قبل المباراة بتوجيه من رئيس نادي أنيمبا المستضيف.
فقال رئيس النادي للحضور إن الوكيل يتواجد مع المدير الفني للهلال للعب في نتيجة
المباراة، ولابد أن تقطع اتصالاته مع اللاعبين المرتبط معهم بعقود توكيل، وهو ماحدث
بالفعل وخضع إلي تحقيق قاسي بغية معرفة مايربطه بالمدير الفني للهلال، وتم إبعاده
عن المقاطعة التي استضافت المباراة بعدما رفض الاعتراف في التحقيقات التي خضع لها
لمدة يوم كامل.
وحاول الوكيل التوصل إلي المدير الفني للهلال عقب انتهاء المباراة، إلا أن الأخير
رفض الرد عليه وأغلق هاتفه وأعلن عبر الصحف أن مهارات لاعبيه ونجاحه في إدارة
المباراة السبب في النتيجة، وزادت الأمور صعوبة من ثلاثي أنيمبا الذين طلبوا
الحصول علي باقي المبلغ المتفق عليه لتنفيذهم وعدهم معه بإنهاء المباراة
لصالح الهلال بالحصول علي نقطة.
وشهدت الساعات الماضية آتصالات هاتفية من اللاعبين الثلاثة الذين هددوا خلالها
الوكيل بالقتل إن لم يقم بسداد المبلغ المتفق عليه، الأمر الذي وضع الوكيل
في موقف حرج وأختفي عن الأنظار ويحاول عبر اصدقائه المقربين منه بتوفير سبيل
خروج آمن نيجريا لضمان سلامته الشخصية.
وكشف الوكيل النقاب عن الوثيقة التي استقبل بها المال المحول له من البحرين،
ومعها رسائل هاتفية أرسلها له مدرب الفريق الضيف والتي حوت وعداً بتسهيل سفر
ثلاثة من لاعبيه إلى أوروبا لإجراء اختبارات.
وتشير المصادر داخل الكاف إلي أن وكيل اللاعبين يحاول الحصول علي موعد من
رئيس نادي أنيمبا لشرح تفاصيل الموقف وتقديم أعتذاره عن تسببه في تعادل
الفريق، إلا أن اللاعبين الثلاثة يمثلون عقبة في هذا الأمر لأنه سيعلن أسمائهم
مما يعني إقصائهم عن الفريق بالتجميد حتي لايتعرض الفريق النيجري للعقاب
من لجنة الأنضباط بالاتحاد الإفريقي.
|
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
سلام يا احمد الريح
رمضان كريم وليك وحشة يا حبوب
اعتقد أنو الاخ علي همشري مقيم في السعودية وليس البحرين
كما أنه وبما أن الخبر بتاع موقع الاهرام دا تكلم عن اتفاق مع مدرب الهلال
فما دخل على همشري الذي قالوا أنه دفع ؟
واضح جدا أن الأمر برمته فبركة اعلامية عملوها المصاروة ووقعوا فيها ناس
الجرايد السودانية .
| |
|
|
|
|
|
|
|
|
|
Re: يا هلالاب تعالوا أعدلوا لينا رأسنا .. (Re: طلحة عبدالله)
|
Quote: مزمل كما تعرف يرد على الهلالاب في الجانب الآخر وبالطبع فهو يرد على الغلط بالغلط
ومن المؤسف والله أن تتحول الكورة من الملاعب إلى صفحات الصحف لتصبح عبارة عن رشقات
واتهامات متبادلة لا تقدم ولا تؤخر بل تزيد الطين المبلول موية وتطمبجوا موية ..
العايز يعرف مدي تدني مستوانا الكروي فلينظر للكتابات الصحفية. |
جزاك الله خيرا استاذ طلحة ونسأل الله الهداية للجميع فاكثرهم لا يخافون الله ولا ينتظرون حسابه
عمر علي حسن
| |
|
|
|
|
|
|
| |
طلحة عبدالله
عادل الباهي عبدالرازق
7abib_alkul
زهير الزناتي
منتصرمحمد زكى
abas
محمد يوسف الزين
nadus2000
محمد البشرى الخضر
د. ياسر عبد القادر
الامين موسى البشاري
MOHAMMED ELSHEIKH
khaleel
محمد علي البصير
فيس بوك
تويتر
انستقرام
يوتيوب
بنتيريست