|
|
 ووب ووووووب اح حى يا الروب (هلوسات صائم فى يوم سخن وطويل)
|
جيناكم يا حبايبنا
وفى اليومين الماضيين كنت قد شاهدت عده برامج من تلفزيون القنوات السودانيه بمنزل شقيقى الاصغر سمى جدّو
طبعاً جدّو ما زال مرتبطا ارتباطاً قوياً بكل ما هو سودانى وكان حريصاً على اقتناء الطبق الهوائى الذى سينقل له كل القنوات السودانيه
وفعلاً كميه من القنوات السودانيه والعربيه وتنقل من مسلسل الى آخر وعالم وجدت نفسى غريباً عنه
وانا كل همى ان لا تفوتنى نشره اخبار تسعه فى القناة النرويجيه TV2 ترككتهم يشاهدون ما يريدون على شرط ان الساعه تسعه استلم انا الريموت كنترول
كان لابد ان اتابع معهم بعض البرامج وبعض المسلسلات اثناء تصفحى لسودانيزاونلاين وانا افكر بعودته بعد طول غياب غير ارادى
وماذا يمكن ان اكتب من جديد وقد انهارت لياقه الكتابه فى اثناء غيابها فانا كما وصفونى من النوع الوفى ولم اشاء ان اكتب فى مكان ما غيرها
قلت انا سودانيزاونلايناوى وخليك سودانيزاونلايناوى.......ههه حسب الدعايه فى تلفزيون السودان ولا مسلسلات ودكين والريان وطارق والاسمها منو السمينه والسوريين ابهات شنبات ولا الراجل الممثل مراه والكويتيين البشبهونا وبيتكلمو بياتو لهجه ما تعرف وطاش والمحامى السودانى وايام لها المهدى واستديو النور وفيصل والخ
فكرت فى المواضيع الممكنه والعنواوين البارقه والمداخلات البهلوانيه والمشرقه ووو
قريت موضوع للنصرى امين عن موظفه الجوازات القالت وووب على جانى اجنبى..........هههه يجازى محنك يالنصرى
ضحكت لامن فترت من التفكير فى ام الحاله وحسيت بتعب وحوجه الى النوم
دخلت الاوضه واتخمدت...........وقالو علي شخرتا جنس شخير
صحيح مشخور وانتو سحورى يا حلوين...قالو قالو قالو على شخى ومشخور
العنوان يفترض يكون خستقات صائم فى يوم سخن وطويل ولكن تم تعديله حسب اللوائح والقوانين
|
|
  
|
|
|
|
|
|
|
 Re: ووب ووووووب اح حى يا الروب (هلوسات صائم فى يوم سخن وطويل) (Re: محمد زكريا)
|
واصناء الشخير والقنوات العجيبه لقيت نفسى بودع الشباب فى المطار, وحق الله بق الله
وصيتنا ليك يا ابو الزيك اوعك تركب سوداطير من السعوديه ولما ترجع بالله ما تقصر معانا من الصعوط الناشف والعطرون
طبعاً نويت العمره السنه دى وقلت اكتب بوست لى ناس السعوديه عشان يستضيفونى وكده والذى منو ومن مجاميعو
وصايا عجيبه بتاعت السودانيين ديل, بدل ما يشجعو الناقل الوطنى يقول ليك المضيفه تقول اغرف ليك الغداء؟
الغريبه انو ما لاحظت حاجات زى دى بالعكس هسه الطياره دى ما سمحه وناسها حلويين والمضيفات كمان لابسات زى النرويجيات فى الصيف
جلست فى كرسى الطياره واتمخيت ونزلت الكرسى لى ورائ قلت للزول الوراى ما اكون ضايقتك قال لى لا لا ابوالشباب .ااااخد راحتك يا حبيب
بعد خلاص استرخيت بالكامل وانا افكر بالله هسه الخطوط السودانيه مالها واتفاجاء بلمسات خفيفه على كتفى
زحيت غطاء العيون من عين واحده واشوف ليك مذيعه بس طلعت اتاريها المضيفه.اخخخخخ انا الخلانى اتفرج فى تلفزيون السودان شنو
لكن والله اتاريهم برضوا ما كعبيين زى ما ناس النصرى امين كتبوا فى سودانيزاونلاين
اولاً المضيفه جابت لى بطانيه زى جلد الكديسه( مابتاعه الريس) وغطتنى وقالت خايفه عليك يجيك برد.....قلت ليها تشكرى يا
تحب تشرب حاجه؟....... وفكرت فى حاجات كتيره بيشربوها, خفت الريحه يشمها الحاج يقول لى ارجع مكان ما جيت بعد السنين دى كلها
قلت ليها ممكن حاجه دافيه لو سمحتى؟ فالت لى شوربه جداد ولا خضار ولا قهوه ولا شاى
قلت ليها ما عندكم شاى بى لبن؟ قالت لى ما مشكله امشى اعملوا ليك مخصوص
مشت وجات جابت شاى بى لبن وقالت لى تحب معاه بسكويت ولا جاتو ولا كعمه تورته؟ قلت لها شنو يعنى مافى لقيمات ؟حاجات وطنيه وكده هههه حلوه مش كده
طبعاً اخوكم بيحاول يخفف دمو مع المذيعه اقصد المضيفه لكنها ما صدقت وقالت انت بس تأمر ياحبيب خلينى بس اسخن الزيت.....ومشت
طبعاً حكّيت راسى ده شنو الزوله دى ما نصيحه ولا شنو؟ وقبل ما احتار زى الناس جات مذيعه تانيه وقالت لى اسمع رسلونى اجيب منك شاى اللبن, عشان ما يبرد لحدى اللقيمات تطلع,ممكن؟
هاااااااا؟؟؟؟؟؟؟ هييييع والله جنس خدمات..اتفضلى بس خلنى ناخد جغمايه
وشالتها كبايه الشاى بى لبن قبل ما ادغم لى جغمه واحده ساى, ورجعت وهى تبتسم, يا ربى تكون معجبه بى اخوكم؟ ابتسمت للاضان
فكرت فى قصه المعجات واتلفتا جاى وجاى اشوف ليك السودانيين مبتسمين وشكلهم مبسوطين وهم نايمين فى الطياره المكيفه وسرحت ياخ معناتو المسأله جد جد
ناس التلفزيون بيعكسوا ام الحاله.......ابو الزفت
البلد اتصلحت اااا ناس هوى وانحنا ما جايبين خبر شغالين بهناك ليل نهار والضرايب والديون والكريدت كارد كاتلننا, ما كان تكلمونا ياناس الحيكومه .يا حاقدين
يعنى عشان عارضناكم فى سودانيزاونلاين تحقدوا علينا بالطريقه؟؟ ياخ ليه كده ترم تم.....الظلم ده ترم تم.....وليييييييييييييييه
الغريبه انه انا عندى عاده ما بعرفها كن حميده ولا غير كذلك وهى انه فى اهلك الظروف بقعد اغنى واترنم بالموسيقى غايتو تقول شنو طبع يغلب التطبع
طيب نرجع للمضيفه والمذيعه واتخيلتهم فى مطبخ الطياره وهم بيعملو الزلابيه الشهيره ايضاً بأسم اللقى مات (الله يرحموا )
اهاااااااا المعنى يعنى ااا جنا ها الليله ح اضرب الزلابيه بشاى صاموتى
زولتى واقفه فى المطبخ وآخر جنصصه توب من سويسرا ولا من ازياء مين كده ما تعرف ومعاها المذيعه بتسألها
والله يا استاذه دايرين نعرف الجانب الاخر من شخصيه الاستاذه هنادى الما بيعرفوه الناس
وانا فى سرّى بالله اتارىها اسمها هنادى....هيع اليله ما وقعت يا هندويه يا...يا... اتذكرت انى متزوج....يا اختى.......(تهرش يا ########)
نواصل اللقاء
هنادى ..والله نشكركم على استضافتنا فى برنامج البيت بيتكم واتقدم بالشكر الى والى والى والى والى.....(انا....انا..) والى اسره البرنامج والى الاخ ابوالزيك.....(ينصر دينك....اصيله يا هندويه)
المذيعه ..اها استاذه هنادى ناويه تعملى لينا شنو الليله؟
هنادى..والله نسبه لان الحبيب ابو الزيك بيحب ملاح الروب ف ح اعمل ملاح روب.....(زلااااااااااااااابيه يا هندويه لقيمات انتى نسيتى ولا شنو.....ما مشكله ملاح الروب برضو رهيب)
المذيعه..الحقيقه يا استاذه هنادى كانت معانا فى الحلقه الفاتت الممثله الكبيره استاذه هند وعملت لينا ملاح زبادى بالبصل ...يعنى روب فى النهايه فاااااا ممكن نقول اى حاجه بيضاء زى وشك
(اموت انا ويعيش اللقى ..........احييييييييييييييي يالروب الروب الروب .....اللقى مات اللقى مات ياهند) يا ابو الزيك اهدا ياخ ,روق المانجو زى ما قالت حبيبتنا مياده
هنادى. طيب برضو عشان خاطر اخونا ابوالزيك ح نعمل زلابيه............ (اح حى يالمنقه اموت انا فى الجزاير...ينصر دينك ....اللهم انى صايم)
المذيعه .طيب ح نعملها كيف الزلابيه؟ يعنى عندك كتاب؟ ولا ورقه الوصفه ولانقوقلها؟........(تقوقلوها؟ ياااااااه ده العالم اتطور بشكل ياعالم والناس بقت ظريفه آوى)
هنادى.. الحقيقه انا عمرى ما دخلت المطبخ بس كنت بشوف الحاجه فى ركن بيتنا بالصباح وهى بتخت العجين فى الزيت وبيطلع زلابيه على طول
المذيعه.. طيب خلاص نبداء بالزيت نسخنه,,,,,,,,,_(ااااه ومالو نسخنوه السخانه الكتلتنا الليله دى)
هنادى.. كويس ونجيب العجين....هو فين؟......(انا هنا يا هندويتى)
المذيعه... مين؟
هنادى.. العجين
المذيعه..يالله المخرج نسى العجين وجايبين لينا دقيق وشويه خميره وملح
هنادى.. معقوله طيب وح نعمل ايه دلوقت؟
المذيعه...ح نوقف البرنامج لحدى المخرج يشوف يرسل زول يجيب العجين ويحل لينا المشكله دى, مش ملاح الروب كان احسن
هنادى..طيب انا ح اعمل ايه فى الراجل المنتظرنى بى كبايه الشاى بلبن ده؟
المذيعه..ولا يهمك بس حاسبى على التوب ما يتحمر فى الزيت
هنادى.. لا ما تخافى هو بس لبسه مره واحده وح ارميه
المذيعه..صدقت وبعدين اكيد ريحه المطبخ والتوم والبصل ح تلصق فيهو...........(طيب يا عالم ما كان تلبسو مريله مطبخ)
هنادى..طيب انا اروح اشوف اخونا ابو الزيك ده عايز شنو
المذيعه..لحظات ونواصل مع الكاميرا الغبيه والطياره الخفيه واستاذنا خريف مطر
هنادى او مضيفه اخرى
يا راجل هوى انت مّتا ولا شنو اصحى
قوم خلاص المواعيد جات
قمت مخلوع .........هاااااا وصلنا مطار الخرطوم؟
يا راجل قول بسم الله, انت الليله اليوم ده سخن بيك ولا شنو
ده شنو ده ؟ انا وين وانت منو؟
سجمى, ووووب على الراجل جنّا....هوى يابو ابراهيم انا ما مرتك
اللهم اجعله خير والله جنس هلوسه...بالله قلتى لى المغرب اذن؟ ان شاءالله تكونى عملتى زلابيه للفطور
زلابيه شنوالفى فطور رمضان كمان؟ قوم استحم واتوضاء والله الليله عملت ليك ملاح روب الا تقول وووب
قلت قلت ووووب على جيبو لى اجانب
غايتوا رمضان السنه دى اليوم طويل خلاص بالله الفطور الساعه عشره الا؟ ده مفروض يتحسب يوم ونص الخلانا نهلوس زى برامج التلفزيون السودانى
النقوم نتوضاء بلا دش بلا ولابيه بلا ملاح روب ابيض
وتانى اليخلينى اتفرج على تلفزيون سودانى
| |
|
|
|
|
|
|
|
|
|
Re: ووب ووووووب اح حى يا الروب (هلوسات صائم فى يوم سخن وطويل) (Re: محمد زكريا)
|
ناس أوسلو سلام ورمضان كريم
مشتاقون وكدا
وتعازيناالحارة في الاحداث الأليمة
البلد أدوها عين شديدة العالم كلو ينق علي الأمن والرفاهية في النرويج لحدي ما غطسوا حجرا
رغم اني بعيد من النرويج لكن عايشنا الاحداث بكل حزن وقلق ونسأل الله أن يحمي النرويج وأن يوفق حزب العمل ويانس استولتنبيرغ في انتخابات البلديات لغقصاء اليمين التطرف وطبعا دا الكلام الكنت بحذر منو من زمان وبحرض الناس تقيف مع حزب العمل من أجل نرويج التعايش والسلام
أتمني تكون انت والجميع سالمين
| Quote: : ووب ووووووب اح حى يا الروب (هلوسات صائم فى يوم سخن وطويل) |
طويل عرفناها سخن دي شنو كمان!!!
قلنا للناس يللا نمشي نصوم في السودان نزوغ من النهار الطويل قالوا نحن فلاتة لو بقي 25 ساعة نصوما(:
بالمناسبة ان شاء الله مسجد السودانيين جهز وحصل رمضان؟
تحياتي للمدام والجميع
أسامة/أمدرمان
| |
|
|
|
|
|
|
|
|
|
Re: ووب ووووووب اح حى يا الروب (هلوسات صائم فى يوم سخن وطويل) (Re: امينة عيسى)
|
سلام محمد زكريا
ياريت لو بقدر احكى زى حكيك ده...
عندى زى مليون قصة حصلت لى فى السودان واخرى هنا مرتبطة بطبائعنا السودانية...
واحدة منها ..لمن نهرت واحد من العمال عشان يترك شنطى فى حالها
فى صالة المغادرة فى مطار الخرطوم ..
الظاهر عليهو زعل ..قام شال شنطة صغيرة ودساها فى احدى الاركان ...
فتشت الصالة كلها وما لقيتها ...
اعصابى باظت وخفت الطيارة تفوتنى ..
مشيت لمدير الصالة ...الغريب اتفهم غضبى وكواريكى ولم ينهرنى وبدا يهدى فينى
ويقول لى كدى روق ...الشنطة حنلقاها ...
فعلا اتلقت ..
قلت فى سرى لو اديت العامل ربع دولار كنت ريحت روحى ...
انت يا اسامة صائم فى السودان؟
والله بختك...
طبعا تكون نايم اليوم كله وتزازى بالليل ...
عليك الله سلم على ناس الباقير كلهم
| |
|
|
|
|
|
|
|
|
|
Re: ووب ووووووب اح حى يا الروب (هلوسات صائم فى يوم سخن وطويل) (Re: أسامة البلال)
|
ودالبلال يا اسامه
كده برضو يازميل تمشى من غير مانكلم وتسيبنا للقنابل والارهابيين
لكن تعرف اوسلو حصل فيها فلم هندى بس فى غيابك....ما تغيب تانى بالله
ياخ انا كنت فى اكربريقا ولما سمعت ليك صوت الدوى على طول قلت اممممممممممممممممممممك دى قنبله يا ناس هوى
وذهنى جرى على منطقه رئاسه الوزراء اصل كل ما امر بهناك قلبى بيدق واقراء سوره يس ولقد جاءكم رسول من انفسكم
الحمدلله طلع نرويجى لانه بعد نصف ساعه من القنبله النراوجه المساكين ديل بالله شاكلونى لامن استغربت .....تصدق والله جد
برضو الحمدلله السودانيين مافى زول حصلت ليهو حاجه الا الخوفه والكاروشه بس
Quote:
طويل عرفناها سخن دي شنو كمان!!!
|
اصلوا ما ح تصدق لكن والله قبل يومين تلاته ياخ ما عرفنا نمش وين من السخانه, مويه الفطور كبيناها عرق ساى
البحر كله اتملى ناس لابسين بدون هدوم والدنيا رمضان تعاين وين ما تعرف والعازه زاتها تتحرج من المناظر
موضوع الجامع انا ما داير اخش فيهو لانه بفتكر انحنا ما ناقصين مساجد والاوليه مفروض تكون للدار او المقر الدائم للسودانيين
المهم ما داير اعارض يطلعونى كافر عشان كده بس ما ح اتدخل فى الموضوع والفيهو خير اليبقى
اها ح تحضر معانا الافطار ولا العيد؟
بس داير اسألك راجع متين ورسل لى فى الايميل عشان نشحن معك.هههه
| |
|
|
|
|
|
|
|
|
|
Re: ووب ووووووب اح حى يا الروب (هلوسات صائم فى يوم سخن وطويل) (Re: محمد زكريا)
|
الغاليه امينتنا تصومى وتفطرى على خير
وين يا حبيتنا انت طلعت فلاتيه لون بس ولا ايه, تزوغوا من النرويج برضوا وتخلونا برانا
برااااانا يا ناس برانا....الله ياذى الاذانا ويا ناس برانا
اها حفله العيد معانا ولا مع الجماعه التانيين؟
Quote:
زكريا سلامات ورمضان كريم
انت شكلك يا ابو الزيك رمضان النرويج جرسك جد جد |
اها يا امينه نرجع نتلصق فيكم تقولوا لينا ما قلتوا نوبه
ونعيدوه تانى حنك القبليه وما ادراك
شايف اسامه فكاها ليكى بجك مويه باااااااااااارد ومندى قال شنو
قالQuote:
قلنا للناس يللا نمشي نصوم في السودان نزوغ من النهار الطويل قالوا نحن فلاتة لو بقي 25 ساعة نصوما(: |
اكيد قاصدك ههههه
| |
|
|
|
|
|
|
|
|
|
Re: ووب ووووووب اح حى يا الروب (هلوسات صائم فى يوم سخن وطويل) (Re: محمد زكريا)
|
Quote:
المذيعه..ولا يهمك بس حاسبى على التوب ما يتحمر فى الزيت
هنادى.. لا ما تخافى هو بس لبسه مره واحده وح ارميه
المذيعه..صدقت وبعدين اكيد ريحه المطبخ والتوم والبصل ح تلصق فيهو...........(طيب يا عالم ما كان تلبسو مريله مطبخ) |
مش حاجه تحيير فعلاً
آخر ثوب وقشره ومكياج وواقفين يقطعوا بصل فى المطبخ فقط فى التلفزيون السودانى
ساتبرع بأرسال مريله مطبخ اذا وافقوا يلبسوها
حد يدينى بس العنوان
| |
|
|
|
|
|
|
|
|
|
Re: ووب ووووووب اح حى يا الروب (هلوسات صائم فى يوم سخن وطويل) (Re: محمد زكريا)
|
سلام يالنصرى
Quote: سلام محمد زكريا
ياريت لو بقدر احكى زى حكيك ده...
عندى زى مليون قصة حصلت لى فى السودان واخرى هنا مرتبطة بطبائعنا السودانية...
واحدة منها ..لمن نهرت واحد من العمال عشان يترك شنطى فى حالها
فى صالة المغادرة فى مطار الخرطوم ..
الظاهر عليهو زعل ..قام شال شنطة صغيرة ودساها فى احدى الاركان ...
فتشت الصالة كلها وما لقيتها ...
اعصابى باظت وخفت الطيارة تفوتنى ..
مشيت لمدير الصالة ...الغريب اتفهم غضبى وكواريكى ولم ينهرنى وبدا يهدى فينى
ويقول لى كدى روق ...الشنطة حنلقاها ...
فعلا اتلقت ..
قلت فى سرى لو اديت العامل ربع دولار كنت ريحت روحى ...
|
انا بتاع خستقات وبس لكن انت اهو ماشاءالله حكّاى بالجد وانا اساساً ممكن تقول سرقت الفكره منك
| |
|
|
|
|
|
|
|
|
|
Re: ووب ووووووب اح حى يا الروب (هلوسات صائم فى يوم سخن وطويل) (Re: امينة عيسى)
|
Quote: يا ابو الزيك بطل خرخرة انحنا فلاتة مادايرة ليها كلام
بس بينى وبينك الدخلها فينا برايفك ما بتمرق بالساهل
وبالله اسامة صايم فى السودان؟؟؟
ياخ والله اتلوم شديد ياخ
عموما بخصوص الحفلة والعيد معاكم معاكم حتى نراكم |
اجدع ناس والله عمليه برايفك فى النهايه طلعت فى صالح حزب العمال والاجانب والمسلمين
وتعرفى السودانيين سموه طوالى (اندريو بحرين الطريفى) اتخيلى
اسامه هرش من اليوم الطويل اصل صادف رمضان زى ده قبل 15 سنه
العيد مازال مباحثات فنانينه جاريه ونلتقى ان شاءالله فى ساعه خير
| |
|
|
|
|
|
|
|
|
|
Re: ووب ووووووب اح حى يا الروب (هلوسات صائم فى يوم سخن وطويل) (Re: Dr. Ahmed Amin)
|
Quote:
والله يا ود زكريا ده بالغت فيها ... والله هسي أظن غير البنادول ما عندهم شئ ..
أحلم يا حبيب .. ورمضان كريم عليكم
|
سلام يا دكتور وتصوم وتفطر على 1000 خير
تعرف قصه غرف المضيفه لملاح الغداء ده ما كلامى انا
انا قريت قصتها ومعاها قصه عليك الله ما تفتح لينا باب داير مويه ولا شاى ولا قهوه ما عندنا لا تلج ولا سكر
اما البنادول قالو للراجل شايفنا فاتحين صيدليه ياخ ما تصبر ياخ كلها ساعتين
كلو كوم والورقه الخاتينها فى باب التواليت مكتوب عليها للنساء والاطفال فقط,ايها الرجال كلها ساعتين ونصل مطار جده
وقالوا اساساً مافى زول بيغامر ويحاول يمشى يستخدم التواليت لانه مافيه ترباس من الداخل....ياربى خايفين من الارهابيين ولا المهربين؟
انا عمرى ما شفت شعب بينّكت على ناقله القومى بالطريقه دى
الحمدلله كلها نكت وبس وكمان فيها شويه مبالغات
| |
|
|
|
|
|
|
| |
محمد زكريا
أسامة البلال
امينة عيسى
فيس بوك
تويتر
انستقرام
يوتيوب
بنتيريست