لماذا لم تنشر هذه الدراسة عن بعانخي في ناشونال جغرافيك (النسخة العربية

Quote: - دقيقه .. دا تأريخ قريب نسبيا عايزك ترجع بي للأول.. يعني من حد ممفيس جنوبا لحدت سودانا دا كانت بلاد نوبية فرعونية؟ ـ بالظبط.. ـ والحضارة الفرعونية البقولوا عليها دي تبقى حقتنا كان هنا كان هناك؟ ـ أيوه .. وازيدك كمان وكمان حضارة العالم الحاضر دا نهضت على شنوا؟ ـ بقولوا الزراعة والصناعة والمواصلات البحرية.. ـ أها الصناعة دي أول مبتداها مش الترس والعجلة وصهر الحديد؟ ـ أيوة.. ـ والزراعة مش اول طفرتها هندسة قنوات الري الدائم؟ ـ أيوه .. ـ والمواصلات البحرية مش بدايتها السفن الشراعية؟ ـ ياللا أقيف احدثك .. أفران صهر الحديد كانت موجودة في بلدنا دي من زمن مملكة مروي.. واول من صمموا الترس هم جدودنا .. صمموه من الخشب لما جو يصنعوا الرافعة المعروفة الي اليوم بالساقية.. برضوا العجلة صنعوها من الخشب وكانت مركبة شبيهة بالحنطور تجرها الخيول.. إستخدمها الفراعنة ضمن قوتهم الحربية .. إنت قايل (تهاركا) لما زحف بي جيشه لحد فلسطين كان ماشي كداري؟ ابدا كانوا مستخدمين المراكب الشراعية والحناطير البتجرها الخيول.. وبنفس هندسة المراكب الشراعية وموادها صنعوا السفن الضخمة و عبروا البحار.. يعني ياختصار الهلما دي كلها فكرتها الهندسية وبدايتها الأولية كانت هنا.. وزي ما حرفوا التأريخ برضوا أهملوا ينسبوا بداية الاختراعات الصناعية لاهلها.. يعني كلهم كان اوربيين كان غيرهم تآمروا علينا .. لكن أرجع أقول الأمة أي أمة أكان ما عرفت نقطة ضعفها وين بلفها النسيان .. شفت الصينيين ديل .. من أقدم شعوب الأرض .. هزموهم المغول وحكموهم قرون .. ولما عرفوا وين كانت نقطة ضعفهم رجعوا تاني ينافسوا حضارة العصر.. ـ يازول إنت بى جدك؟ نحن لسع في دا جلابي وديل زرقة وديل بيضان تقولي شنو؟!!!! الله يجيبك يا وعي. >>>>>>>>>>>>>>>>>> مراجع (1) المقرزي ـ المواعظ. (2) ابن حوقل ـ صور الأرض. (3) طبقات ود ضيف الله ـ تحقيق أد . يوسف فضل. (4) الطبقات ـ المرجع أعلاه. (5) أد . يوسف فضل ـ السودان في رسائل ومدونات ص 45. (6) محمد جمال الدين سرور – الدولة الفاطمية. (7) ابن الاثير – الكامل . (8) ابن الاثير- الكامل. (9) سورة المائدة آية 3.