|
رابطة معجبي البرنسيسة " اميرة الشيخ " ... الرئاسة محجوزة
|
زولة
زولة بتفتح الروح ضلفتين تخشك وتمرقك (عادي) تخشك وتمرقك ما بتقل الباب من وراها بل تساسق بين شفقتك وحرقتك ما بتأذنك ما روحا نفاج غربتك... هذي البنية الساكنة أسرار فكرتك هي الشايلة حسك وسترتك... زولة كما النورس تجي تنزل شواطي الالفة الزمن الشفيف... وأنا زي مكتف في الرصيف مربوط علي حبل السفن في الظلمة والليل المخيف...
" جمال حسن سعيد "
------
يلا يا شباب
عاوزين اندياح بالطريقة الصااااح
|
|
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: طارق جبريل)
|
Quote: سغافة الفيسبوك دي هنا ممنوعة بنص اللائحة يا عمك
الليلة وووب ..
قام تاني جاب سيرة البحر |
الليلة وووب دي مش ياها ذاتا بتاعة أميرة الشيخ
قُلت أعبّر ليها بلغتها الحالية فمن عاشر الفيس بوك أربعين يوماً صار بتاع ملايكة شديدة خلاص ...
ــــــــــ لولا حداثة معرفتي بها لنازعتك في رئاسة الرابطة واحترام الأقدمية واجب ...
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: Magdi Ahmed Elsheikh)
|
قيقا اولا هاك الرسوم
Quote: وشاح المغرب الوردي فوق ضفائر الحلوه و حبة برتقال كانت الشمس. تحاول كفها البيضاء أن تصطادها عنوة و تصرخ بي، و كل صراخها همس: أخي !يا سلمي العالي! أريد الشمس بالقوة! ..و في الليل رماديّ، رأينا الكوكب الفضي ينقط ضوءه العسلي فوق نوافذ البيت. وقالت، و هي حين تقول، تدفعني إلى الصمت: تعال غدا لنزرعه.. مكان الشوك في الأرض!
|
(محمود درويش) ثانيا موضوع الرئاسة محجوزة مامعانا الاميرة بت الشيخ زميلة نضال اسفيري شرس ضد الدعي امين الياسمين سابقا وامين عميدان حاليا(عمود اكل ،جريدة، الخ .. ) اضافتا للمريخ.. فاحسن تتخلي عن الشرط دا وماتكون نهايتك نهاية بن همام مع بلاتر
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: محمد سنى دفع الله)
|
اوووو استاذنا السني همسلف .. سيد الشئ زاااتا
Quote: بت الشيخ البرنسيسة تسجيل عضوية لحد ما ننط في الرياسة المحجوزة الف تحية واجمل الاماني
|
من قبيل انا عامل ليهم فيها البشير .. و الدايرا يشيل السلاح و بلا بلا بلا ..
لوووووول
خلاس نتفاوض ياخ وكت جاتنا مصانع الاسلحة ذاااتا و ممكن نقبل بالنائب الاول، يا مساعد ما بساعد في اي ي ي شئ .. المافي شنو؟
شكراً كتير استاذنا على الجمال دا ياخ و مبروك نجاح عروض " عرس الزين "
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: Ashraf el-Halabi)
|
قيقراوي
سلام
أول حاجة نخت الموجب بتاع العرس (منقولة بتصرف لشاعر اسفيري)
أمـــــــــيــــــــــــــرة في يوم دعوة أقدمها بي سيرة في بحور الحب والدنيا أسيرة أوصفها ولا حدٍ يقاطعني بنت جميله اسمها أميرة غلاها اليوم متعدي والأمس تكتب له من الحاضر مسيرة صوتها مثل عصفورٍ يغرد مثل البلبل أليا يصدح هديره . وعيونها مثل عيون المها لو ناظرتك تحطها بالمحبة سفيرة. وترا الأصل لي صار يطريها أتكون هيه على الأصول ألأميرة . والحب اللي تديره أميرة تصير أنت في المحبة رأس خيرة ما هي أول وحدة يحبها فوادي بس أعتقد أنها بتكون الأخيرة
تحية لبت الشيخ على الأداء الرائع في المسرحية
بس سؤال: أميرة الشيخ دي فنانة مسرحية في الأساس
ولا كان الأمر تجربة وأداء هواة
الرأس بقي خربان وأختلطت علينا الأسماء
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: نوفل عبد الرحيم حسن)
|
Quote: يا عمك النائب الاول ممكن بعد شويه يبقي رئيس سجل عندك .. وخلينا نمشي نجيب التلج ونجي
......... لو انها مريخابيه فقط ... يكفي ذلك
|
الحلو ما يكملش!
البعجبني في الصهاينة ديل انهم ما طموحين كلو كلو
بما انو مافي حاجة اسمها مريخابيـ/ـة .. و كلهم هلالاب زعلانين .. الرئاسة اصلن حقت سيد بلد و الزعيم زعيم يا محليين
و قديمن قيل : الزعامة وهم ... الرئاسة فهم .. فما اظن في مريخابي يقدر عليها .. و لّ شنو؟
مبروك عليك منصب ( الوصيف ) يا وصيفابي
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: حمد عبد الغفار عمر)
|
حمد يا عبد الغفار غفر الله لك و لنا و لابوذر الغفاري
اما بعد
Quote: بس سؤال: أميرة الشيخ دي فنانة مسرحية في الأساس
ولا كان الأمر تجربة وأداء هواة
الرأس بقي خربان وأختلطت علينا الأسماء
|
ففي مسالتكم نظر .. و هناك قولان ..
ذكر العالم العلامة الحبر الفهامة اب تفة تباركت تفته ان هناك اميرتان بنتا شيخ برضو
فهل هي نفسها ام في الامر تشابه ساااي؟ .. و المجلس منعقد من ساعتها و لحظته للبت في المسألة هل برضو في تشابه في الرسم؟
بالنسبة لتقييم الاداء المسرحي - لاميرة الفنانة - فانه نقول بحمد الحمد لله و الصلاة على من لا نبي بعده :
لا يفتى في المسرحة و في المدنية السني دفع همسلف
اما ما دار محور سؤالكم عنه من تأهيل احترافي، فنقول - بدون مجازفة تذكر لاستنادنا على افادة حبيبنا الغائب الحاضر هواري نمر .. وهو من الثقاة عندنا - اميرة فنانة ليست هاوية .. بل هي خريجة مسرح قصر الشباب و الاطفال .. قسم الاطفال دي
هذا و الله اعلم
اقول قولي ها و استغفر الله لي و لكم
قوموا الى الجمال يرحمكم الله
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: وليد عبد اللطيف)
|
Quote: لا للدكتاتورية كرهتونا زاتو انا غير رئيس للرابطة دي مابقبل ياقيقا نعمل ترشيح ونجيب ناس المفوضية
|
مافي ديكتاتورية بقولوا عليها يا ولي الشغلة ما خرخرة ياخ!
ارمي بياضك .. و اللجنة المكونة مني شخصياص و اللجان المنبثقة منها ح تقيم
Quote:
يازهره تتحدى النجوم .... ياقمره فاجه وسط غيوم . . زولة فايته الحد
|
اممممممم!!!
مش بطال ..
لكن ما بتنافس صراحة .. السقف هنا عالي جداً يا حبيب حاول مرة اخرى .. او امش شوف ليك رابطة تانية يا اخوي .. دي رابطة البرنسيسة هارسلف على سن و رمح .. ما تبالغ كمان انت ياخ! .. عشان اصحاب يعني تحرجني قدام الناس؟
بتقدر تقول :
يا سيدتي: لا أتذكَر إلا صوتك.. حين تدق نواقيس الأعياد! لاأتذكر إلا عطرك.. حين أنام على ورق الأعشاب !
أنت امرأة لا تتكرر.. في تاريخ الورد.. وفي تاريخ الشعر.. وفي ذاكرة الزنبق و الريحان..!
(نزار قباني)
اها دي عينة ساااي
--------
مشتاقين و الله ياخ بجيك عدد واحد الو و مصلااااحو عما قريب
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: خالد عبد الله محمود)
|
خالد يا خالد
Quote: * شعيرية ده بعرف أميرة الشيخ ؟ الزول ده وصفها زي ما قال الكتاب !!
|
ايوا دا الكلام النجيض .. ما تباري لي ناس ابو الشوش ديل في قضايا خاسرة خاسرة
كدا ممكن نفكر ليك في " نائب اول " .. و لّ " مساعد " بدون مهام محددة
لكن الرئاسة دي ياهو بياضا من جنس قول " شعيرية " و لي فوق..
بتقدر ترمي بياض ازود؟
يا زول ما احسن ليك النائب الاول؟
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: MAHJOOP ALI)
|
حبيبنا محجوب علي
Quote: قيقا اولا هاك الرسوم
وشاح المغرب الوردي فوق ضفائر الحلوه
و حبة برتقال كانت الشمس.
تحاول كفها البيضاء أن تصطادها عنوة
و تصرخ بي، و كل صراخها همس:
أخي !يا سلمي العالي!
أريد الشمس بالقوة!
..و في الليل رماديّ، رأينا الكوكب الفضي
ينقط ضوءه العسلي فوق نوافذ البيت.
وقالت، و هي حين تقول، تدفعني إلى الصمت:
تعال غدا لنزرعه.. مكان الشوك في الأرض!
(محمود درويش)
|
لا لا ما دام غازي عودك و جايي بمشهادك حبابك الف
اما قبل ..
نخش على ثانياً .. و كما قال د. جون قرنق : " في التفاصيل يكمن الشيطان " و الله يستر ...
Quote: ثانيا موضوع الرئاسة محجوزة مامعانا الاميرة بت الشيخ زميلة نضال اسفيري شرس ضد الدعي امين الياسمين سابقا وامين عميدان حاليا(عمود اكل ،جريدة، الخ .. ) اضافتا للمريخ.. فاحسن تتخلي عن الشرط دا وماتكون نهايتك نهاية بن همام مع بلاتر
|
يا حبيب الخرخرة ليك شنو؟ قلنا ( محجوز ) ليس ديكاتورية منا .. و لكن ثقة في انفسنا ..
و رفعنا السقف بي د. جمال حسن سعيد همسلف .. و سيف الجامعة همسلف* ..
ارمي بياض زي الناس ..
و كسار تلج يملا تلاجتو
------
و الغريق قدام .. ابكرونا همسلف برضو معانا .. ح نثلج صدوركم لمن تقولوا بس
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: قيقراوي)
|
قيقا رئاسة ووين يا قيقا واحنا اهل الساس والراس البرنسيسي كدوحاب قاعدين وجالسين القرفصاء نتمتع نفسنا بابداعات الزولة الفنانة اميرة الشيخ والبتشبه القمر المتاوق من سماء الابداع والاريحية والدهشة الجاية من حنين الاخوات الطيبات المبدعات الملانات محنة ودعاش وروح انسانية قادرة في انفجارها الاميرة شيخية ان تغطي كل الفضاء... اميرة الشيخ الحديث عنها ذو شجون وشهادتي تظل مجروحة وموغلة في الجرح القديم ولكنها في وجودها الكوني زولة مازجة بهارموني عالي وتماسك مدهش ما بين الحداثة والاصالة فيها طعم ونكهة الحبوبات ومرات تطل من روحها السودانية المشبعة بكازريما الوطن تطل روح الخالات وممكن ان تقول العمات ونسوان الجيران البجن يهطلن حنية ومحنة والفة ... وقمة سطوتها المقيمة هي في تونات الامر الاخوي الحنين.. دموعها قررررراب ولكنها قوية وصامدة وصبورة ومثابرة في دروب الحياة والمنافي والغربة بشجاعة واجتهاد ودبلوماسية مدهشة تحكي للاخرين روعة السودان وبناته الرائعات.. --- في عرس الزين كانت مهمومة ومنذ بدايات البروفات بالتجويد وبنقل الدهشة السودانية وتمريرها للكثير من الاخوات اللائي مثلن معها في هذه المسرحية وهن بعيدات كل البعد عن النبض السوداني في كراكير حارته..فكانت اميرة الشيخ هي المعلمة والمايسترو الذي ساعد السني دفع الله في اخراج مسرحية ضجت بنبض المراة السودانية الاستاندر .. تقف الحروف وتتطاير في حضرة الحديث عن حضرة اميرة الشيخ
وسنتابع
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: محمد علي شقدي)
|
والله ياقيقا ماعرفنا قصتكم معانا شنو تكتبو وتمشو تنومي ونتنجض نحنا من فترة قابلت سيد صادق بالصدفة انت قايل نحن البلد دي شالتنا تاني اها جنس كلامك ده انت تكبو هنا ونحن يطالبونا نتعامل علي اساسو بعدبن الصهينة دي شوية عشان تجاملها فيها غايتو الله يسامحكم انت وسيد صادق غايتو خربتو علينا البت كانت هدية ورضية . النشوف رابطتكم دي بتنتهي علي شنو
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: بهاء بكري)
|
Quote: الله ياقيقا ماعرفنا قصتكم معانا شنو تكتبو وتمشو تنومي ونتنجض نحنا من فترة قابلت سيد صادق بالصدفة انت قايل نحن البلد دي شالتنا تاني اها جنس كلامك ده انت تكبو هنا ونحن يطالبونا نتعامل علي اساسو بعدبن الصهينة دي شوية عشان تجاملها فيها غايتو الله يسامحكم انت وسيد صادق غايتو خربتو علينا البت كانت هدية ورضية . النشوف رابطتكم دي بتنتهي علي شنو |
الاخ بهاء تحياتي
جنس نقة ونجاض ....!!
اهو لسع لاف لايف...!
_____________________________
.Quote: النشوف رابطتكم دي بتنتهي علي شنو |
يا طبلة والا خور ابوصلعة..
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: محمد عبد الماجد الصايم)
|
قيقا قلته(كسار تلج يملاه تلاجته) اردم ليك تلج يحول جزيرة العرب الي اسكيموا..... (المافي شنو)!!
رويدًا إنه قمر الظهيرة في مدى بصري وإن أُحرز مكافئة فليس أقل من ألا أكف عن الظنون أراه وحدي والعيون ترى جنوني ليس لي هذا الجنون ولست أزعم أنني أنشأت معجزة ولكني أرى قمري لهم أن يضحكوا ويُظَنُّ بي أني نسيت الشمس في وعر الطفولة ربما أنسى ولكني أرى مالا يرون الآن فليمضوا إلى أيامهم ولأمضِ من صيفي إلى مطري (احمد دحبور)
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: محمد علي شقدي)
|
Quote: يا سلام فرصة لاعادة البيعة القديمة للاميرة بجدها بخيرين وعافية
-------------------- يا قيقراوي يعني بانضماننا للرابطة دي لازم نقول ليك يا ريس وكده هههههه
|
قول عدس طيب
ابتسم الدنيا تطلع حلوة
ما بينتنا يا ريس
في رابطة و رباط المحبة الكل ( ريس )
المافي شنو!؟
------
لووووووول ياخ تشبه غسان وهبي ( ابو سما ) شبه لمن بي غاااادي زاتو!
مش يا سوفي ناب!؟
ربنا يخلي ليكم الملاك الفي يدك دا ياخ
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: Tabaldina)
|
تبلدينا
Quote: مافى كلام .. برنسيسة بحق وحقيقة ومنذ ان التقيتها من عامين بقندهار .. واعية .. محترمة ومصادمة وطموحة و ومناضلة ( ما نضال ناس سودانيز اون لاين دا طبعا )
|
دا الكلام
-------
سؤال المسنجر لي و لّ لدكتور مجدي و لّ لبكري همسلف؟ و لّ من جنس الاسئلة ليست للإجابة!؟
على كلٍ كتر خيرك كتير ياخ على المرور و الرأي الواااضح في حبيبتنا المحتفى بها
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: Magdi Ahmed Elsheikh)
|
اميرة تب ما عندنا فيها نقه بس انت عدم الشغله حقتك وحححححححدك .
ـــــــــــــــــــــــــــــــــــــــــــــــ
Quote: بل هي خريجة مسرح قصر الشباب و الاطفال .. قسم الاطفال دي |
وكانت في رئاسة وادارة القسم دا في قصر الشباب والاطفال هي والفنان المسرحي القدير صاحبنا وحبيبنا سيف الاسلام حاج حمد .
ـــــــــــــــــــــــــــــــــــ يا قيقا عندي ليك قصيده ختيره والله حقو ارفع ليك اللنك بتاعه هنا دا .
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: سفيان بشير نابرى)
|
دبل ( كي )
Quote: رئاسة ووين يا قيقا واحنا اهل الساس والراس البرنسيسي كدوحاب قاعدين وجالسين القرفصاء نتمتع نفسنا بابداعات الزولة الفنانة اميرة الشيخ والبتشبه القمر المتاوق من سماء الابداع والاريحية والدهشة الجاية من حنين الاخوات الطيبات المبدعات الملانات محنة ودعاش وروح انسانية قادرة في انفجارها الاميرة شيخية ان تغطي كل الفضاء... اميرة الشيخ الحديث عنها ذو شجون وشهادتي تظل مجروحة وموغلة في الجرح القديم ولكنها في وجودها الكوني زولة مازجة بهارموني عالي وتماسك مدهش ما بين الحداثة والاصالة فيها طعم ونكهة الحبوبات ومرات تطل من روحها السودانية المشبعة بكازريما الوطن تطل روح الخالات وممكن ان تقول العمات ونسوان الجيران البجن يهطلن حنية ومحنة والفة ... وقمة سطوتها المقيمة هي في تونات الامر الاخوي الحنين.. دموعها قررررراب ولكنها قوية وصامدة وصبورة ومثابرة في دروب الحياة والمنافي والغربة بشجاعة واجتهاد ودبلوماسية مدهشة تحكي للاخرين روعة السودان وبناته الرائعات..
|
دا الكلام البخوفنا على ( رئاستنا ) ذااااتو .. دوحة .. و حنك & منضمة .. و هلالابي! تاني المافي شنو!؟
النائب الاول كيف سعادتك؟ .. عندك زول و لّ تشوفنا؟
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: Magdi Ahmed Elsheikh)
|
Quote: الي قيقا..
يجده بخير..!!
|
يا دكتور مجدي
ازيك ياخ .. و تحياتك وصلت .. و نردها ليك بخيرٍ منها
اما بعد ...
مدينه إسمها تندلتي
قوموا لفوا انت و بت عمك ياخ!
قال مدينة اسمها تندلتي قال؟
لوووووووووول
ما قاعدين تجوا تتفسحوا عندنا في ( كوستي ) .. زي لما نحن نمش البندر .. و طوالي على ( المنتزها ) و جنينة الحيوانات
-------
تندلتي دي المدينة الوحيدة في ( محافظة كوستي ) اظنها مع العباسية تقلي .. لو ما اخاف الكضب مش؟ الباقي كلو حزام ناسف ساااي .. ناسف لمدنيتها يا هل العوض - نسخة كوستاوية - كرهتونا مدينتا دي ياخ
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: سفيان بشير نابرى)
|
Quote: اميرة تب ما عندنا فيها نقه بس انت عدم الشغله حقتك وحححححححدك .
|
كيف ما عندك نقة في اميرة!؟ الكلام دا بستبعد من المنافسة يا قريبك!
الم تسمع قول وردي :
يا امير الحسن لو تسمح ظروفك ..
... الى قوله ( لا فض فوه، و لا قُلع له بيت ):
كل من قال يا حبيبي افتكترو بشير إليك
برضو تقول لي طيارة الفارة الجبتو دا فيها بوري!؟ انت ( الشعراء ) البيض ديل قاعد تلقاهم ( واقعين ) وين؟
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: قيقراوي)
|
Quote: بهاء بكري يا متزمزغ
صدفة!؟ |
ياقيقا صدفة ذي دي ماكتيرة علي الله بس الغايظني الندية في القعدة تقول اتلاقو في الروضة ولا لعبو في فريق واحد ... بعدين كلامها اتغير من اليوم داك الصادق قال لي يعني لاسمعت بالسيد او الحبيب او الامام .... اها دي مشكلتنا في السودان الكتوف دائما متلاحقا ... غايتو الله يلزمنا الصبر ساكت
| |
|
|
|
|
|
|
Re: رابطة معجبي البرنسيسة " اميرة الشيخ " ... الرئاسة محجوزة (Re: قاسم المهداوى)
|
قاسم القيقراوي المهداوي
Quote: يا قيقراوى سلااامات و ( كـــــــــيف هى الاحوال فى القيقر )
|
ساكنة .. دا رد الخلايجة ما يعادل عندنا ( في اماااان الله ) الاحوال في القيقر ساكنة .. و هي ذاتا بقت ساكننا .. بعد كنا سكاننها
غايتو ...
Quote:
الدنيا صيف والحر للقيف مالك علينا ياخ مش كفاية علينا بورداب مانشستر يونايتد بالقاهرة
|
عشان كدا قلنا نديكم طراوة .. فااا شنو؟ اديناها ( كوز ) موية .. مش برضو من [ بالقاهرة ] بقولوا : اديها مية .. تديك طراوة
--------
Quote: قاسم المهداوى هامش بمناسبة الانفصال والحقوق الميلادية كـــــيف ؟؟؟؟ ما تشوف لينا الموضوع دا ياخ
|
كلنا منتظرين إقرار الحقوق الاربعة .. دا لغمار السودانيين طبعاً .. اما الحقوق الميلادية فغير .. ولّ شنو!؟
| |
|
|
|
|
|
|
|