من هو عادل عبد العاطى

Quote: عارف يا عادل دي المره الكم أقرا ليك فيها إعتذار علني وإقرار بالخطأ ؟ حاول عِد معاي ! الحاجة دي بتخليني أفكر فيك كشخصية مركبة ، (يمكن كلنا كده ، مركبين ، بس ما بالوضوح ده . إنت على مستوى ، إنسان عندك خبرة وتراكم معرفي تحسد عليهما ، وكمان عندك صبر ودأب غريب في ملاحقة أسئلتك وقضاياك .. لكن في لحظات تانية بتتحول لطفل وتفتقد الهوادة دي . وفيها إشارة بالنسبة لي إنك بتراجع نفسك وحوارك معاها دائم .. من ناحيتي ، بشوف إنك كنت قاسي ومتجاوز في حالات كتيرة ، وقياساً بإعتذارك ده ، فإنه يجب عليك الإعتذار عنها أيضاً ، وما يبدر إلى ذهني في اللحظة دي كلامك عن الأستاذ عبدالله بولا والموت ؛ انا طبعاً غير معني بكمية التسلسلات والملابسات الحصلت بقدر ما انا في اللحظة دي عايز أقول ليك إنو ترديدك لإقتراب موت بولا شيء جارح لناس كتير ، ليس أولهم بناته ومحبيه ، وإنك بطريقتك معه أديت غلواء مشاعرك الفرصة في أنها تعلو على الخطاب الذهني ، وده أكيد مرفوض ، بالمبادي اللبرالية والمباديء الزيها . بقول ده ، عشان الموضوع هنا ما يقتصر على أحسنت وجزاك الله خير ، ويا سلام عليك يا عادل .. إنت زول ، إسهاماتك كتيرة ، وفيها أكتر من حاجة مفيدة ، وده ما كلام عالماشي .. ولازم تنتبه يا عزيزي إنك في الخضم العام ده لازم تصبر على مشاعرك الشخصية شوية .. ما تنساها أو تقمعها ، بس أصبر عليها .. وتناي بقول ليك إنو فيك طفل ، يعمل العملة ويعتذر .. والمشكلة إنو صادق في الحالتين !

إعتذار آخر للسيد التجاني الطيب بابكر وقراء وقارئات البورد!


............