|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: طارق ميرغني)
|
أبو عبداللطيف تحياتي
تنفسنا الصعداء اليوم بعد إنتهاء إمتحانات العيال و دعواتنا للكل بالنجاح بحول الله
و نرحب مرة أخرى بالزميل الفنان هشام بيننا و نعتذر له عن عدم ملاقاتنا له نظرا للزنقة النجيضة الأيام الفائتة. آخر مرة إتصلت به كانت قبل سفرله لجدة.
الي كل بورداب السعوديه عامة ؛؛؛؛؛؛؛
أها يا بورداب :
إدريس : الإستراحة و ( الري محوري و تنقيط لو سمحت ) إسماعيل عباس + طارق نقد + معتصم + خالد سعيد = الأتصالات و التنسيق معتصم : شئون الإحتفالية ( الساوند و الذي منو ) ود الباوقة + يوسف السماني : المتابعة
كل البورداب دون فرز : كل واحد يوم الجمعة و معاه غداه و توابع الغدا
واصلوا
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: ود الباوقة)
|
ازيكم يا شباب .. و مرحبا بالفنان هشام درماس في الرياض .. و ان شاء الله حضـور ..
.. ..
عندي سؤال جادي كدا للريس ابوجهينة .. انا عضـو في لجنة بورداب الرياض .. داير اعرف منو البقرر نيابة عنا الاحتفالات دي و التجمعات .. قبلها اللمة بتاعت ابوعركي الكانت هزيلة جدا .. و اي زول في اللجنة اتملص من حتة انه اتخذ القرار .. و دي لمة تانية ما عارف من القرر انها تتعمل .. بصراحة كدا يا ريس و انت عارف معزتك عندي .. اتمنى انك تتنحى لانه الحكاية دي بقت ما بتشبهك ..
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: humida)
|
حبيبنا حميده انت عارف لو المسالة بقت اجتماعات وبلغوا الناس والنصاب ما اكتمل المساله كلها اقتراح من الشباب الريس ومعتصم واسماعيل وخالد سعيد وكلفوني اني اتصل بالاخ هشام درماس واشوف برنامجه الجمعة دي ولا القادمة قبل زحمة برامج الرياض والسفر وخصوصا انه الناس طالعة من الامتحانات وطولنا ما اتقابلنا ومحتاجين لي برنامج وافق هشام درماس مشكورا يوم الجمعة القادم وهذا كل الحصل ولك العتبى حتى ترضي انت واي واحد من اعضاء اللجنه لم نتصل به وعموما المسائل دي تكليف حضر الغداء وتعال نتم الباقي في الاستراحة
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: عبدالقادر علي عبدالرحيم)
|
و الله يا طارق حكاية انه اللجنة يسيروها نفرين و الباقين طراطير .. الحكاية دي شوية كدا صعبة علينا .. بصراحة اغلب الحاجات البتتعمل من ورا الناس بتردد فيها الاسمين ديل .. اتمنى من الاخوان معتصم و اسماعيل يجو يوضحوا لينا الحاصل شنو .. و ليه الريس ابو جهينة بمرر الحاجات دي .. الشغلة دي مش امانة و مفروض يأخذ رأي الناس كلهم .. الحاجة التانية .. مية مرة طلبت انا شخصيا اجتماع لمعالجة الامور السلبية دي .. و الناس بتلف و تدور و ما دايرة تدينا عقاد نافع .. انا بتمنى لمة الجمعة دي تكون فيها وقفة جادة و حاسمة للفوضى دي ..
.. ..
و يا احترمتونا يا نفرض احترامنا .. و النتيجة واحدة في النهاية ..
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: ابو جهينة)
|
سلامات يا شباب .. اولا ترحيب حار بالاستاذ هشام درماس بالرياض .. اتقابلنا الاربعاء الماضي وكان على وعد مع المهندس طارق مرغني انو نتقابل في اي ظرف كان اعتقد اقتراح طارق بالمبادرة بي ملاقات هشام درماس مبادرة جيدة .. الرجل حبوب وبيفتش لي انو يقابل الناس كلها ودا اقل شي ممكن نعملو لي بوردابي يمرنا اسوة ببقية البورداب المرو علينا والح يمروا علينا .. شكرا يا شباب .. وياريس معليش الفترة الفاتت انا مشغول ومنقطع ومعاي تفاصيل كتيرة وانت سيد العرافين .. لكن لو ربنا سهل الأمور يوم الجمعة معاكم ودجي فرصة الناس تتلاقى تاني من جديد بعد زحمة الامتحانات
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: tmbis)
|
ما كنت اود الرد علي اخي حميده لكن بما ان الموضوع استقبال ضيف وبوردابي
ات لمدينة الرياض فلا اعتقد ان كلمات حميده فيها من الترحيب بشيء
ولو كانت هنالك خلافات بين اعضاء اللجنة حسب علمي من المفترض ان يكون معتركها
اضابير الاجتماعات وليس تصفيتها علي منبر عام قد تمس اي كلمة فيه اناس
لا ذنب لهم فيما تقولونه كاعضاء للجنة بورداب الرياض
التي نكن لكل اعضائها كل احترام وتقدير وثقه
مشكور اخوتي ابو جهينه وتمبس للتوضيح
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: ابو جهينة)
|
Quote: و الله لكن ثوري يا حميدة ، كأنك واقف في ميدان التحرير ولا في حماة السورية شنو هي ال ما بتشبهني ؟ ممكن تحدد أكتر عشان يمكن أسمع نصيحتك الثمينة و أرحل هروبا قبال تجي تطالبنابالآلف التي حولها الريس لحسابو في الخارج؟ |
و الله يا ريس الحكاية ما دايرة ليها ثورية .. و الما بشبهك و ما راضينو ليك انه يكون في تجاهل للناس في لجنة انت رئيسها .. و برضو المسألة لا تحتاج هروب و لا كشف حساب ..
Quote: طيب مادام إنت عضو ، رد على رسائلي. ما تقول لي تلفوني ال عندك غيرتو ولا قفلتو و بستعمل الرقم التاني. عندك 3 تلفونات. |
ما وصلتني منك اي رسالة .. و قبلها عدة اجتماعات برضو تم تجاهلي فيها .. و ممكن اجي ارصها ليك واحد واحد .. رقم تلفوني معلوم لديك .. و اتصلت بيك منه ذي مليون مرة مطالبا بإجتماع للجنة .. و ما في صدد تكذيبك .. بس رسالتك دي ما وصلت ..
Quote: لا يكلف الله نفسا إلا وسعها ( لها ما جمعت و عليها بما جمعت ) |
طيب عشان كدا بقول ليك اتنحى و خلي غيرك يمكن يكون وسعه افضل مما كان ..
Quote: أذكر إسم واحد إتملص. |
جلال الدين ابو جهينة .. ادريس علم الهدى .. ( ودار نقاش طويل بيننا كبورداب في الاستراحة حول هذا الامر ) ..
Quote: أنت من الذين لم يردوا و جاي الآن تقرر رحيلنا ؟ |
انا ما قررت رحيلك .. انا بطالبك ..
Quote: إذا بتقصد إسماعيل و معتصم ، فأقول لك إن كانت المواصلة و شيلان الهم في كل كبيرة و صغيرة تعتبر تسيير للأمور ، فهو كذلك. نحن منذ البداية بنشتغل بمبدأ الفاضي و عندو إمكانية يقوم بالواجب. |
مشكورين جدا اسماعيل و معتصم .. و ربنا يقويهم .. بس الامر دا لا يمكن ان يستقيم بتجاهل الاخرين .. ما تسلبني حقي و تجي تقول لي و الله ما لقيت غير ديل .. و ما تنكر خدمة ستة سنين لبورداب الرياض بدون اي تقصير و بشهادتك انت ..
Quote: ممكن تورينا المؤامرة ال إتعملت من ورا الناس و و كانت في ضرر البورداب؟؟؟؟ |
نهائي ما في ضرر للبورداب .. و الله ما ضراك ... كل ما في الامر انه اللجنة دي استنفذت حد الابداع بتاعا و بقى فيها تهميش .. ندي فرصة لغيرنا .. ( كلنا ) ..
Quote: خليك أمين في الحتة دي. إنت عاوز إجتماع عشان تصفي فيه حساب شخصي مع زميل. |
و ليه اصفيهو من خلالك .. في زول قال ليك حميده دا عوير و لا بخاف من زول .. طلبي كان واضح ليك .. و ما اقتنعت بوجهة نظري .. و احترمت كلامك كونك الرئيس للجنة .. و عموما اغلب الاجتماعات حقت اللجنة ما بتكون فلان متشاكل مع فلان .. ليه لمن جات علي حميده بقت تصفية حسابات .. و علي العموم مدام جبت سيرة الموضوع دا ما زال اتهامي ليكم قائم .. ( و لو حبيت تفتحه في البوست هنا لقدام ما عندي مشكلة ) ..
Quote: فليكن معلوما بأن لمة الجمعة هي للإحتفال بهشام درماس فقط |
جدا .. احتفلوا بهشام درماس .. و انا بعتبر انه الدعوة ما موجهة لي زاتو .. بعد ما تنتهوا اجتمعوا عليكم و قرروا تشيلوا حميده من اللجنة .. لانه بصراحة كدا ما بحب زول يقرر بالنيابة عني ..
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: د.محمد حسن)
|
يشرفنا ويسعدنا مرور أى عضو أو ضيف للرياض لنحتفل به..
إلتقينا عبر هذا المكان وتعارفنا على أرض الواقع إخوان.
هدفنا أن أن نكون إخوة فى الحلوة والمرة.
ليس هناك عمل كامل والنجاح محسود دائمآ.
بقدر ألممكن نلتقى وهذا هو الهدف.
مرحبآ بك أخونا هشام درماس بيننا أخآ عزيزآ وضيفآ كريمآ ويا هشام لو سمحت ولو لاقيتك أطلب منك أن تسمعنى يامولاى أه من غلبى
شكرآ أخى العزيز طارق ميرغنى وأخى وطارق نقد لتواصلكم لأقامة هذا اللقاء الذى أتمنى ان يكون جميلآ.
التحية والتقدير للجميع.
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: خالد عبد الله محمود)
|
Quote: هدفنا أن أن نكون إخوة فى الحلوة والمرة. |
و دا الحاصل يا اسماعيل .. و عشان ما يكون في شخصنة للامور كونه اسمك ورد في الحوار انت و معتصم .. اتمنى انه اوضح ليكم انكم ليس المعنيين بالامر .. القصد طريقة العمل الغير منصفة و البتهضم حقوق الاخرين .. و دي في الاساس مسئولية الريس ابوجهينة .. و هو البنجح او البخفق في الحتة دي .. ما مسئولية زول تاني .. و لو كان الحاجة دي جات مني انا و الريس وافقني عليها .. من حقك تجي تقول حميده غلطان و الريس الوافقه غلطان .. و عملية اتخاذ القرار دي دخلتنا قبل كدا في نقاش و عتاب ..
.. ..
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: معتز زيزي)
|
الأعزاء بورداب الرياض
السلام عليكم جميعا
سنحت لي الظروف ان التقي بعدد من الاخوة الكرام
حقيقي ما أحسسته و لمسته من خلال ترحيبكم بي في الرياض
يعجز اللسان عن وصفه ..دائما مواقفكم مشرفة تجاه ضيوفكم
التحية لكل الاخوان بورداب الرياض علي راسهم الريس ابوجهينة
و الزول الخلوق اسماعيل عباس و الشاب المهذب معتصم دفع الله
تحية من الاعماق الي شيخ العرب خالد المحرب و الارباب خالد سعيد
و حبيبنا البحراوي طارق ميرغني تحية من القلب الي العزيز صديق الموج
و تحايا اكثر خصوصية الي الحبان طارق نقد و احمد العمار و قريبنا الكونت
و ابوكريم وعلاء الدين تمبس و ياسر العليفون و الحبيب وليد طه و لا انسي
الزول الجميل عمر ودالباوقة و أن شاء الله حبيبنا امير الجمري ان يكون بلغ
الصحة و العافية و تحياتي الي عمنا حمزاوي و الخال ابوالحسين و فاكهة البورد
الزول الضاحك دائما ودالصايم و العريس الامين ودالبشاري ولا انسي في هذا المقام
الاخ صلاح غريبة و حبوبته و د. محمد حسن ..
تحية من الاعماق الي بت القبائل عفاف ابوحريرة و ابنتها الظريفة حفصة
و الي د. داليا الكباشي و العزيزة عزاز شامي
حقيقي تشرفت بكم و كنت سعيد جدا بلقاءكم اتمني من المولي عز وجل
ان يرد غربتكم سالمين يا رب العالمين
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: امير طمبل)
|
اهلا وسهلا بالاخ والزميل هشام فى الرياض بين اخوانه وزملائه البورداب وبعد اسبوعين من الاختبارات وبحمد الله تككلت بالنجاح ومرت بدون اى غياب او تاخير لابنائى وهذه نعمة احمد الله عليها كثيرا وبعد كدا بتكون الفاكهه والتحليه بكم اخوه احببناكم جميعا نتونس ونضحك بحضور زميلنا درماس نحن حضور باذن الله ---------------------------------------------------------------------- فضلا وليس امرا ان تكبروا الاستراحه وتدونا مساحه للصقريه
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: معتز زيزي)
|
أشهد بأن حبيبنا هشام درماس رجل مسكون إبداع ..
حلق بنا ليلة أمس في عوالم الطرب الأصيل .. ابكانا برائعة الراحل سيد خليفة والمبدع إدريس جماع ( على الجمال ) .. ثم عرج بنا إلى عوالم الجابري التي تهز أجراس السكون .. وتخبرنا على الدام بأن الغربة موحشة ..وأن هنالك رسائل مازالت تنتظر الكتابة .. ( صحته موعدنا الرسايل .. وين رسايلك وين خطاباتك إلي ) .. شكراً حبيبنا طارق مرغني .. لإهدناءنا ليلة ستظل محفورة في الخاطر .. شكراً لجنابو ياسر .. الموسوعة البحراوية .. شكراً لياسر عازف العود الجميل .. شكراً لود السقاي .. وشكراً لصديقي الجميل أسعد الريفي .. شكراً الأرباب المحرب .. ومرحباً بالمبدع هشام درماس في رياض الخير .. شكراً حبيبنا طارق .. شكراً لكل الجميلين الذين يجعلون من المستحيل ممكناً ..
تحياتي، أخوكم/ الأرباب
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: عمران حسن صالح)
|
Quote: غايتو كان في إنتخابات أنا صوتي تشمو قدحة |
و الله يا عمران انت طموح شديد لكن .. انتخابات عديل .. قبل الغدا نجي نشبككم انه اللجنة دي لو فاتت احتمال كبير يدقوا ليكم خروج نهائي .. و تاني بامبرز لشفعكم ما تلقوهو .. و احتمال كبير مخرج 18 دا يحرقوه و يزروا رماده في بحيرة الصرف الصحي جنوب غرب الرياض .. و انت بالتحديد يا عمران خسارتك كبيرة .. ( بقولا ليك بره البورد .. عشان نوحي للناس انه في اسرار و دسايس و كدايس ) .. و هشام درماس يجي يغني لينا ضيعناك و ضعنا معاك .. و نتقالد و نبكي ..
| |
|
|
|
|
|
|
Re: بورداب الرياض يحتفلون بالمبدع هشام درماس يوم الجمعة القادم 24/6/20 (Re: ادريس خليفة علم الهدي)
|
الاعزاء بورداب الرياض السلام عليكم و عبركم احي الفنان هشام درماس و انشاء الله دائما لامين و تامين وشكر خاص للعزيز اسماعيل عباس للاتصال و التنبية عن الاحتفال و حقيقة كنت وقتها في مدينةالحفنة لزيارة اقارب هناك وكنت انوى الحضور ولكن زي ما بقولوا اهلنا الزائر في يد المزيور لم نتمكن من الحضور للرياض الا متأخر جداً وهذا بمثابة اعتزار لعدم الحضور نسأل الله ان يلمنا دائما في ساعات خير.
| |
|
|
|
|
|
|
|