|
|
|
 Re: الحزب الاتحادي الديمقراطي ... بيت العزّابة (Re: abubakr salih)
|
| Quote: يا جماعة قليل من الاحترام لهذا الشعب الذي تتحدثون بأسمه |
كدي الشعب دا خليك منو ..
إنت مش موقع علي المقاطعة وعايز بكري يديك مقعد في الادارة ..؟
البخليك شنو تخلي التوقيع بتاعك بتاع المذكرة ، والنضال الثوري في الانترنت ، والعرايض وإلخ
وتجي تخلي باقي الجماعة بتاعين المذكرة اياها بيكتبو في الفيس بوك وإنت جاي متجدع هنا في الاونلاين بي كل ما فيه من طراوة ,.؟
ويقوليك معا لإسقاط النظام ..
| |
  
|
|
|
|
|
|
|
 Re: الحزب الاتحادي الديمقراطي ... بيت العزّابة (Re: abubakr salih)
|
Quote:
مؤخرا تم اعفاء فتحي شيلا من مهامه كامين لامانة الاعلام بالمؤتمر الوطني
والجدير بالذكر ان الشقيق عمر كان قد انتقل الى صفوف المؤتمر الوطني
ضمن معية الشقيق شيلا
|
سلام أحمد عبد الله، و الله القصة دي كلها محيرة و غريبة. الله يكون فى عون الشعب السوداني.
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: abubakr salih)
|
| Quote: يا كونت ياخي انا و الله محتار، كيف الواحد ينط فوق دماء الناس التي تسفحها الانقاذ، و كيف الواحد ينط اشلاء البشر يدخل حوش الانقاذ و ينط تاني فوق اشلاء البشر يرجع حوش الاتحادي عااااااادي بالذبادي. |
تعرف يا ابوبكر
رغم موضوعية نقدك للقصة دي لكن المضحكني انه في ناس حتجي بي عصبية ساااكت تدافع عن عمر عثمان وبعد شوية تبقى القصة الشيوعيين مع الاتحاديين والامة مع الشيوعيين وبعدها طوالي يجيك واحد متلب يقول ليك المعارضة بتختلف فيما بينها والانقاذ فعلت وتركت وده الانا شايفه هسة بدأ يحصل في البوست يا دفعة
تجربة الفترة الانقاذية وتعامل الاحزاب السياسية مع النظام الحاكم فيها بالاضافة الى مواقف النخبة والمثقفين في كل مراحلها تحتاج لتقييم ودراسة وتحليل اكتر وتجرد مننا لمعرفة بواطن الخلل واسباب استمرار الوضع المخزي للحياة السياسية باكملها في السودان رغم الفرصة الكبيرة للتغير وبناء برنامج وطني جديد يعالج ازمات البلد
وبكره الشمس بتبين يازميل
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: tmbis)
|
يا تامبا
انا موقع على العريضة .. لكن ما عاوز موقع في الادارة
هي بالله للناس العاوزين موقع في الادارة؟ .. ما كلمونا و الله!
بلييز كونفيرم .. خلينا نمشي نسحب توقعينا دا بالله
ادارة بتاع الساعة كم .. المشتهي الحنيطير يطير!؟
انا غايتو كان دا كل مطلبها - او احدها ساااي - ما بتلزمني كلو كلو ..
--------
ابو بكر صالح
ياخوي مالك و مال الناس انت!؟
ركز في ورقتك ...
اي زول حر في قناعتو ..
و لا ثابت الا المتغير
المشكلة وين؟
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: قيقراوي)
|
| Quote: بلييز كونفيرم .. خلينا نمشي نسحب توقعينا دا بالله |
والله يا قيقـا بايت بما انو انا الشريف .. فانا مبسوط منك ..
يعني الشريف مبسوط من قيقـا ..
ياخ والله لي فترة .. يا قيقراوي .. عامل مشروع بتاع مسح جيلوجي .. عشان اشوف لي واحد بس من الاداريين الجدد ديل يجي يتحاوم بي هنـا ..
اي نعم .. عايزين يحكمونـا بسياسة الجزرة والكرباج .. وهم ما دافعين .. من الآخر كدا اي واحد من مجموعة المذكرة دي يجي يتحاوم بي هنـا في شكل غير إداري .. ح احددة معاهو ..
يعني بي اختصار كدا .. اقل واحد فيهم لازم رتبتو سكرتير تنفيذي لمجموعة المذكرة
يا رئيس لجنة شعبية المذكرة ..
يا كمان .. امين خزينة اللجنة الشعبية للمذكرة ..
انا مبسوط منك بصفتك قاعد تكتب هنـا زيك زينـا ..
لكن
مش صاحبي واي حاجة إنت .. اللحظة الممكن احس فيها انك عايز تبقى رئيس مجلس إدارة .. طوالي بنقع البحر مع بعض ..
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: tmbis)
|
لحدي اسي يا تامبا ما اكدت لي موضوع ( الادارة ) دا!!
انا الموقع عديييل على المذكرة دي ما حسيت بيهو .. كيف انت عرفتا!؟
بحر .. بحر ... المافي شنو؟
في تمساح بهددوا بالغرق يا تامبا؟
هيييييييييع عشاري بحر ابيض جاك
لكن قسم بالله العظيم ثلاثاً ما داير ادارة ..
شوف ليك شرط تاني تكون ( حاجة ) كويسة كدا و مغرررررررررية زي الناس
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: قيقراوي)
|
| Quote: لحدي اسي يا تامبا ما اكدت لي موضوع ( الادارة ) دا!! |
دي يا قيقراوي شكلها عامل زي البيضة واللا الجدادة .. مش كدا ..؟
| Quote: انا الموقع عديييل على المذكرة دي ما حسيت بيهو .. كيف انت عرفتا!؟ |
يعني انت موقع .. والله طول عمري مفتكر متضامن بس ..
يعني حسع دي يا قيقراوي من توقيعك دا وكتابتك هنا دا اقدر افهم انك موقع ضد بنود المذكرة اياها .. ومنسلخ ..؟
والله انا قايلك سفير نوايا حسنة بس ..
كدي عليك الله وريني إنت موقع علي شنو يا قيقراوي .. علشان موضوع الادارة دا الكلام فوقو يكون سمح في خشم سيدو
..
اغرب حاجة .. سيد البوست .. قال ما موقع .. وقيقراوي قال موقع ، وعايز يقع البحـر ..
ملحوظة:
| Quote: لحدي اسي يا تامبا ما اكدت لي موضوع ( الادارة ) دا!! |
| Quote: لكن قسم بالله العظيم ثلاثاً ما داير ادارة .. |
الله ما كتر إلا الحاجات يا قيقا .. راقده على قفا من يشيل .. لما نصل الغريق .. بنشوف ليها طريقة بعد كدا ..
بس كدي اديني النجيضة انت وقعته على شنو مع الموقعين ديل ..؟
وحسيت بي شنو زاتو لما وقعته في العريضة دي .. وحسع دي انت بتكتب لي حاسي بي شنو ..؟
دا طبعا كلو في اطار العلاقة بينك وبين الموقعين في العريضة ..
وبي صراحة كدا يا قيقا الناس الموقعاتية ديل .. عندي كم واحد فوقم كدا .. برنامجي معاهم مباشر عديل .. لحدت ما نشوف نهاية الموقع دا .. علشان كدا كل مرة بقول يا ربا تجيب لينا واحد منهم مدردق بي هنا .. طالما بي هناك عملو لينا تحرمني منك وكدا
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: abubakr salih)
|
Quote:
أنا أعرف قول الحق فى هذا المكان لن يجعل لي صليح و لا همّاني يا زول و لا خصاني، ضريبة و ندفعها برضو لوجه الحق و الهم العام.
|
يا زول قول بسم الله ( و لّ الشويعيين ما بقولوا بسم الله هو ) 
يا زول ما تحمل كلامي اكتر مما يستحق ...
اي زول حر في قناعته .. و تبديلها ذاتو كمان .. اقتنع بها الاخرين ام لا
بس ( بكسر الباء )
دي دايرة ليها كمان درس عصر؟
-----
تامبا يا حلو انت ...
هاك الهدية دي :
ما رأيكم دام فضلكم؟
زولك بقى يقرا النيات عديييل!!
سلام الله دا ما بيهو!؟
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: انتصار محمد صالخ بشير)
|
نظرية الحزب الاتحادي بيت العزّابة دي اصلا كانت من اٍبتكارات قرشي عوض متحدث حركة حق و امينها العام فى فترة من الفترات. كانت بقصد بيها حالة التمزّق و التكلتات المتباينة داخل الحزب الاتحادي، شئ جناح الميرغي و مؤتمر القاهرة شئ الحزب الاتحادي الهيئات و هنالك الاخرين جناح الهندي المنشقين، حالة بيت العزّابة التى تتباين فيه اٍهتمامات و ميول النا س، تجدهم فى المساء موزعين بين البرامج كوم الكتشينة و كوم التلفزيون و كوم أخر يغسل ملابسه على عجل لاستقبال اليوم الجديد، و كوم غارق فى الصلاة و تلاوة القرأن و هكذا.
لكن الليلة تكتمل صورة بيت العزابة بحالة الاهمال و اللامبالة فى مسألة الدخول و الخروج، ففي بيت العزابة لا يحفل أحد بمن دخل او خرج ولا بوقت الدخول ولا الزول دا كان وين ولا جاي من وين. غايتو الشعب السوداني فى كرب و بلوة عظيمة يلقاها من وين ولا وين؟.
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: abubakr salih)
|
Quote:
يا هلا بعودتك الفاضل المكرم عمر محمد عثمان...
|
سلامات عزيزنا ابو الحسين. يابا الشعب السوداني دا عاني ما عاني من عذابات جراء السياسيين الانتهازيين الذين يتحلقون حول المؤائد متي تيسّرت، تتغير قناعتهم و مواقفهم حسب المصحلة و الاهواء الشخصية، فماذا لا تعصمون هذا الشعب الصابر من مازالق هذا النوع من الناس ينوبكم ثواب و خير كتير ياخي.
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: قيقراوي)
|
Quote:
نحن مع العودة وضد الردة
|
سلام يا ود القاضي، ياخي الردة حصلت اول و على الملاء، و الله لا أفهم كيف ينتقل شخص من حزب ينادي بالدولة الديمقراطية دولة القانون و حقوق الانسان الي حزب عبارة عن عصابة بلا اي ضابط أخلاقي والغة فى دماء الناس، والغة فى المال العام بل والغة حتى في مقايضة تراب الوطن مقابل دعم سياسي بائس تجده من دول الجوار. باكر تاني الزول يقبّل صاد لنفس المكان القديم و كمان يجد الترحيب و الهيلمانة فى الحزب القديم، هي الاحزاب دي ما عندها كرامة مثلها مثل البشر الذي تحتويهم بين جنباتها؟. الله يرفع البلاء ياخي.
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: قيقراوي)
|
Quote: تجربة الفترة الانقاذية وتعامل الاحزاب السياسية مع النظام الحاكم فيها بالاضافة الى مواقف النخبة والمثقفين في كل مراحلها تحتاج لتقييم ودراسة وتحليل اكتر وتجرد مننا لمعرفة بواطن الخلل واسباب استمرار الوضع المخزي للحياة السياسية باكملها في السودان رغم الفرصة الكبيرة للتغير وبناء برنامج وطني جديد يعالج ازمات البلد
|
الاخ بكرى
من مداخلة عبدالحميد الكونت أعلاه كان من الممكن اطلاق حوار هادف وفعال ،، وتكون حاله الشقيق عمر عثمان حاله ماثلة لنا ،، ولكن
تطلق حوار و أنت تشبة الحزب الاتحادى الديمقراطى ببيت العزابة مؤشر انك لا تهدف لحوار بناء يفكك العلل التى تعانى منها جميع
الاحزاب والتنظيمات السياسية ،،هذا من واقع انك شخص منظم سياسياً وطارح نفسك أحد مثقفاتية المنبر
على كل ،، نسبه الى أن عنوان البوست مخل وغير لائق أدبياً سوف نذكرك فقط بالقول الشائع ( لاتجدع بالحجاره ومنزلك من قزاز )
أتمنى فهم (منزلك) فى سياقها العام مع كامل أحترامى وتقديرى للخاص واحترامنا لك انت اولاً واخير ،،
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: كمال مبارك)
|
Quote:
افكار الاحزاب ليست كتب منزلة من السماء حتى اجرم ان تركتها .
الاتحادى حزب بابه كبير وبيته اكبر يرحب بأبناءه فى اى وقت
|
شايف أختنا اٍنتصار مشخته ليك ما بتدينا السلام ساكت، ما علينا يا أخت، بس المسألة دي بعيدة كل البعد عن عالم الافكار و القناعات. ياخي الافكار البتتحول من النقيض للنقيض دي ما حالة سوية أبداً و لا فيها اٍحترام للاحزاب بالدخل و البطلع منها دي و لا فيها اٍحترام للشعب السوداني الذي يتحدث له و ينشط فى مؤسساته العامة.
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: abubakr salih)
|
Quote:
أي حاجة يكتبا بكري علوم دا بلقاها بتعبر عني
وهسي كلامو الفوق دا بيعبر عن رأيي حول الدخلة والمرقة البلا تفتيش شنط دي
(الكلام دا بشكل عام فيما يتعلق بحرية التنقل بين المؤسسات الحزبية بدون إنتري آند إكزت إنترفيو ولا أقصد أحد بعينه أو بصورة شخصية)
|
عزيزتي تسير الدين عووضة، انا سعيد و الله و ممنون كمان. سعيد بها الكروص فى الاراء و أتمني ان تجديننى عند الحظ دائماً. و الله لا نكتب و نقول الا اٍبتغاء حياة كريمة لكل أهل السودان، لا نكتب و ننتقد و نحتد حتى فى بعض الاحيان الا اٍبتغاء وطن شامخ و عزيز لنا جميعاً. لكن البسمع منو؟. المسألة أكيد ما شخصية و ليست اٍستهداف لعمر عثمان ربما الشئ الوحيد فى موضوع عمر انه كله حصل على ساحة المنبر. يعنى عرفناه اٍتحادي هنا و تحول هنا ايضا لمؤتمر الشفته و النشالين و هنا ايضا اعلنوا لنا و بشّرونا بعودته الباسلة للاتحادي … معقولة بس؟.
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: abubakr salih)
|
سلامات الاخ كمال مبارك
ياخي و الله بوستي دا ما فارق الواقع البائس دا قد أنملة، بس قميص عامر بعنوانه و مضمونه. ليه ياخي عليك البحصل دا؟. ياخي أقل شئ ممكن تعملوا الحركات انها بتحبط المواطن السوداني في قيمة هذه الاحزاب السياسية و بتشككوا فى جديها تجاه قضايا الوطن. اذا بتقول للشعب السوداني الانقاذ دي بائسة و كريهة و بتقتل الناس و بتنهب المال العام و بتبيع ارض السودان و بتفكك الوحده الوطنية و تمزيق النسيج الاجتماعي و بترتكب كل الكبائر و المكروهات و في نفس الوقت بتتسامح و تجامل الناس البمشوا يدخلوا مع عصابة الانقاذ و تجيبهم تلمّعهم و تقدمهم للشعب السوداني فى أنية جديدة ماذا تتوقع ردة فعل الناس؟. بوستي و موقفي دا انا شايفوا اٍنحياز للوطن و البيئة السياسية أكثر منه موقف تحيّز حزبي او شئ من هذا القبيل. شنو يعنى ترجعوا عمر عثمان فى حزبكم تاني و ربما تعملوه قيادي فى الحزب و تخسروا المواطن السوداني اللهو هدف الاحزاب السياسية زاتها و غايتها خدمته! دي تجارة خسرانه يا مان.
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: محمد على حسن)
|
Quote:
ياخي الافكار البتتحول من النقيض للنقيض دي ما حالة سوية أبداً
|
بكور يا بكور خلي الاراء القطعية دي يا حبيب
--------
انا مشغول حالياً ببكور الآخر ..
لكن و الله قريت لي كلام لعمك هيغل يقول بعكس ما قلت ... تصدق!؟
لو فضيت و لقيت الكتاب بنقلو ليك هنا دا ..
هذا و إلا الوصية بالمهلة ..
العفو و العافية .. و ابقوا عشرة على العقاب
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: قيقراوي)
|
أهلاً عزيزي قيقا ... وما بين الأخوان شكر ...
فالغائبين إخواننا والمواصلين إخواننا ...
والمساحة التي جمعتنا هي بيتنا ...
والظاهر علي جيت أكحّلها عميتها ...
على كلٍ لا بد من رجوع المتوقّفين مهما كان ... فالمساحة التي أتيحت لنا باقية ونحن ذاهبون ... يرجعوا عشان خاطرنا نحن وعشان خاطر قضايا السودان المصيرية خاصة وأنه مع الربع الجديد السودان سيكون على صفيح ساخن وما معروف مصيرو حيكون شنو ...
والقضايا بتاعة الحوش دي خلوها بعدين ياخي كل شيء ملحوق ...
يعني الناس لو اشتغلت بيها في الوقت الحالي حتغطي على قضايا (الوطن) ...
تحياتي للغائبين الحاضرين في قلوبنا ...
وإن شاء الله نشوفهم قبل الأرشفة ...
ولك كل الود والتقدير ،،،
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: صبري طه)
|
يا ابو الاصبار
Quote:
والقضايا بتاعة الحوش دي خلوها بعدين ياخي كل شيء ملحوق ...
يعني الناس لو اشتغلت بيها في الوقت الحالي حتغطي على قضايا (الوطن) ...
|
ياخ يقولوا ليك تور تقول احلبوهو!؟
اسي نحنا الرجعنا ديل سوينا شنو بالنسبة لـ [ قضايا (الوطن) ]!!؟؟
بعدين سعادتو بمزاجو .. اها البضمن شنو!؟
خلي اول يبطل الحركات القرعة البعمل فيا دي و يعتذر ..
بعدين الناس تتكلم عن انهم " يجوا عايدين يا الله "
و لّ كيف؟
سلام و تاني شكرن ياخ على الشعور النبيل
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: tmbis)
|
تامبا يا فردة
Quote:
جميل انو حذف البوست إلا ربع ... في غيرك وغير غيرك بتحذف ليهم البوست في كل الارباع لو فتشت ليهو ما تلقاهو .. انا القدامك دا اتحذفت لي بوستات حيوية جدا .. وزي نما قريت لي بكري في أحدى تبريراته انو البوست ما بتحذف إلا بنتاج ان يكون فيهو بلاغ بالايميل .. وما بتحذف بل يحول إلى مكتبة العضو ولو ما كان عندو مكتبة يحتفظ بيهو بكري في مكان ما .. ولو فتشت ليهو بالقوقل بتلقاهو .. يللا دا كلام مافيش ..
الجدير بالذكر إنو .. البوستات الما بتعجب نوعية المناضلين الموقعين في العريضة ومن يدرج في نفس درجتهم النضالية .. اكتر ناس بتشجع الحركة دي من بكري .. وربما البعض منهم من يقوم بالتبليغ عن البوستات أو افتعال اي وسيلة لسحب البوست هذا فقط لانه لا يتوافق مع وجهة نظرة التي هي مبنية على ان اي من يكتب كلمة مهما كانت لا تصب في خانة المعارضة للحكومة وجب الوقوف امامه ..
..
المجموعة المقصودة هنا من يدعون النضال ومن يعتقدون أن البورد مساحة فقط صممة بمقاسات المعارضة للحكومة ..
حتى تطاول بعضهم في تفتيش النوايا وهي نفس الخاصية التي تتحدث عنها هنـا اعلاه .. حديثي معك يا قيقراوي ليس من جانب تفتيش النوايا .. لانو معروفة بالنسبة لي نفسيات البعض .. والغرض من العريضة .. والدليل الواضح هو تكتل بعضهم ورفض الراي الضد، واستبعاد الآخـر .. فقط لعدم مقدرتهم على تحمله .. فهل امثال هؤلاء وجب الوقوف بجانبهم ونضع لهم الحبل على القارب لصياغة قانون يحكم وجودنا هنـا .. والمضحك اي قانون ..؟ قانون يعطيهم الحق في التدخل على حق صاحب الموقع .. ياخ ابسط حاجة امشو اعملو ليكم موقع واكتبو فوقو بي طريقتكم البتعجبكم .. وما تحذفو ، وما تشيلو بوست شتمو العايزين تشتموهو .. وصفقوا للعايزين تصفقوا ليهو ، لكن عايزين تتلمعو .. وفلانه يا مناضلة .. وفرتكان يا بطل .. ساكت كدا دا ..؟
|
دا الكلام النجيض ..
اها سألتني عن احساسي الوقعت بيهو العريضة .. مش؟
يلا انا - قيقراوي بن ام قيقا دا - بطالب بقانون يتساوى امامه الجميع
و ضد فكرة حذف البوستات و اطلاقاً ما لم تتجاوز بند في القانون ( المكتوب ) بغض النظر عن الكاتبو/ينو منو..
ما دام في قانون و مكتوب يتنفذ .. و على الجميع
سألت سيد اللئحة - ما الفتش خشم البقرة لا لا ياخ .. زولنا دا ذاااتو - اها :
استند على ياتو نص في لائحتو الكل مرة رافعا لينا و مثبتا على اسنة الرماح دي .. في قرار ( فصلي )؟
و استند على ياتو ( بند ) في ( ارجاعي )؟
ما ياهو انو ( البند ) الما ورانا ليهو دا صحيح ..
يبقى الارجاع بكل الاحوال ما صحيح و تجاوز للنص دا
و لّ شنو!؟
سيد اللائحة كان يفتش خشم البقرة ساااي
لكن يعمل رايح زي اسي و يسدر في غيّه ..
معناتو ما عندو رد و لا استند على اييي حاجة غير مزاج مائل
و الميلان ما حبابو كلو كلو .. مش يا تامبا زي ما قلت فوق!؟
اها بالفهم دا .. حقي اوقع و لّ لا؟
سلام و سلام
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: قيقراوي)
|
Quote:
رغم موضوعية نقدك للقصة دي لكن المضحكني انه في ناس حتجي بي عصبية ساااكت تدافع عن عمر عثمان وبعد شوية تبقى القصة الشيوعيين مع الاتحاديين والامة مع الشيوعيين وبعدها طوالي يجيك واحد متلب يقول ليك المعارضة بتختلف فيما بينها والانقاذ فعلت وتركت وده الانا شايفه هسة بدأ يحصل في البوست يا دفعة
تجربة الفترة الانقاذية وتعامل الاحزاب السياسية مع النظام الحاكم فيها بالاضافة الى مواقف النخبة والمثقفين في كل مراحلها تحتاج لتقييم ودراسة وتحليل اكتر وتجرد مننا لمعرفة بواطن الخلل واسباب استمرار الوضع المخزي للحياة السياسية باكملها في السودان رغم الفرصة الكبيرة للتغير وبناء برنامج وطني جديد يعالج ازمات البلد
|
يا كونت و الله زعلتي دي و اٍنتقادي فى صالح الاتحاديين زاتهم لو يعلمون. لانو اي زول بيمشي يدخل المستنقع العطن الاسمو المؤتمر الوطني دا حيتلوث بايما تلوث، و حيمسكوا عليهو مليون و مليون ذلة عشان يبتزوه بيها لي قدام. عليه عناصر زي دي ما بتقدر تقف مواقف قوية امام عصابة الجبهة الاسلامية و ح تفضل مهزوزه على الدوام. شنو المعني، هل الاتحاديين قاصدين يضعفوا حزبهم يعنى؟. اذا فى زول ما عندو مشكلة مع الانقاذ و حزبها لدرجة انو بيمشي ينضم ليها في وقت من الاوقات، هل تفتكر انو مثل هذا الشخص سوف يسعى باى شكل لازالة الانقاذ؟ أكيد لا لانو هو ما شايف في سوء و متصالح معاها لدرجة ينضم ليها. المؤسف و المحزن انو دي احزاب بتتكلم عن قضايا شعب بأكمله، شعب ممحون و متورّط في قبضة عصابة.
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: رغيم عثمان رغيم الحسن)
|
Quote:
سوف أتوسّم فيك الخير و اقول انك ما عندك شك ، طيب ياخي ماذا نفعل بمن يخرج من بين صفوف الناس الذين خبروا و ناهضوا سوءات هذه العصابة ليذهب و ينضم اليها و يدافع عن جرائمها و لو الي حين؟.
ياخي المسافة بين الموقف الانساني-الوطني و بين عصابة الانقاذ، دي مسافة ما بـتـتـنطّتا، على الاقل للناس الطبيعيين، أهو ما بتقدر عليها الا الكائنات الخرافية دي!.
|
كتر خير توسمك فيني .. كان ما تتوسم بالله!!
البدافع عن جرائم مجمر شريك معاهو ..
لكن القناعاتو بتسوقو للمعسكر الآخر .. و ما يتورط و يحافظ على عفة يده و لسانه و يظل يدافع عما يراه صحيح ..
و يرجع تاني بالنسبة لي زول ضميرو حي و بفكر ما جامد .. ما طوالي غير سوي او ما طبيعي ..
الطبيعي انو الانسان - الحي - متقلب .. و الجمود هو الشذوذ.
لكن الرك على اثبات او نفي الجزئية دي [ و يدافع عن جرائمها و لو الي حين؟ ]
و كل شاة معلّقة من عرقوبها .. و قيل ضميرها
بس
دا رأيي الاعوج ..
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: محمد حيدر المشرف)
|
Quote:
بالغت مع الكاس الرابع جدا .. ومعاى .. ومع قيقراوى
|
ابو الزفت!!!
جابت ليها كاسات و بصلن لييي الرابع كمان!!
انظر للنصف الملان من ( الكاس ) يا مشرف ياخ!
كويس انو المكنة لم تخف بعد
اي فكرة زي تقابلها وشوش خضراء فاقعون لونها تسر الناظرين بس
و الله الفي راسي دي طبيعية ما مزورة .. مظلوم يا بيه
لوووووول
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: محمد حيدر المشرف)
|
| Quote: والله ياخ انا حاسدك على تزوير ذاك الاحساس !! |
اي احساس يا مشرف .. علشان نكون واضحين بعد كدا .. شكلو الكلام اخد ليهو ابعاد أخرى ..
| Quote: الفكره أن التنميط قد لا يليق بزول صديق من المورده !! |
بالمناسبة يا مشرف انا ما منمطاتي .. لكن كلامي موجه لي ناس بي عينهم في العريضة دي وهم عارفين نفسهم .. طيب النجيضة شنو ..؟
النجيضة انو الواحد ليه بيستميت علشان يدخل نفسو عنوة في مكان هو ما فيهو .. ؟؟
كدا عيب يا مشرف .. بحق الصداقة ..
لكن للمعلومية ...
طالما انو الواحد فقد ناس هنا كان بعتقد انهم على درجة عالية من الكمال المنقوص من الكمال الالهي .. فلا ضير .. اي واحد عايز يمشي في المسار دا ليهو مطلق الحرية .. في النهاية الشغلانة انترنت سااكت زي ما قال صديقي المناضل ..
| |
|
|
|
|
|
|
|
|
 Re: الحزب الاتحادي الديمقراطي ... بيت العزّابة (Re: محمد حيدر المشرف)
|
Quote: الفكره أعلاه, تليق ب " أساسي " أكثر منها بك يا صديقى ..
وده تداعى شخصى ..
ولا أسأل عن مصادره !! |
جميل ..
احمد لي اساسي انو زول واضح جدا .. واحمد ليهو انو بيعبر عن وجهة نظرو بي كل صدق .. وعامل زيي كدا ما قاعد يهتم لي انو يخسر قدر كيف بقدرما بيهتم بي توصيل فكرتو ووجهة نظرو ..
اساسي اعـلاه وصل وجهة نظرو .. واتقابلت بي جدعان خارج الفيس .. انا القدامك دا .. واقف قدام مجلس الشعب تلاتة ايام وحيات ابتسامتك ولا وزير ما هببو لي .. طبعا انا على ثقة تامة في انك ما ح تسالني من اي مصادر .. مش كدا ..؟
اها
التداعي الشخصي حبابو الف طالما انو كان صادق .. وطالما انو كانت دي وجهة النظر حقتك تجاهي .. وما لي إلا اني اشكرك عليها لانو تعرف يا مشرف .. عادي جدا انو الواحد يتفهم بي اكتر من طريقة ومن اكتر من شخص .. لكن احسن حاجة ان يكون هو .. هو .. ومتأكد من نفسياتو وزي ما بقول الشيوعيين .. متأكد من حاجاتو ..
ملحوظـة:
بتذكر اني دخلت في بوست ليك ووضحت وجهة نظري تجاه الكلام دا .. ولو كنت استوعبت كلامي كان على الاقل وفرت لي نفسك التداعي في النقطة دي علشان تتداعي في حاجة افيد لينا الاتنين ..
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: محمد حيدر المشرف)
|
Quote: تمبس ..
قلت لى لمن نتجلى بعد الكاس الرابع عند تمام النضال ..
بنعمل ساين ان فى سودانيزاونلاين .. ونقعد نكورك .. آآه يا مناضله .. وويييين يا إنت !!
يا صديقى ..
بالغت مع الكاس الرابع جدا .. ومعاى .. ومع قيقراوى ( وش ضاحك جدا ) |
طبعا يا المشرف الخاصية بتاعت لم البيض في سلة واحدة دي اظنها بستعملوها في مزارع جمع البيض في هولندا .. دا لو كان عندهم تخصصية في طريقة الجمع وكدا ..
ياخ الجماعة الموقعين في العريضة ، وسيد البقرة والرايحة وإلخ .. كلهم عارفين الحاصل شنو ، وعارفين انا مشكلتي بالضبط مع منو .. وعشان شنو ..؟
طيب يا المشرف .. اديك نجيضة .. والله انا لما اكون عايز مع زول .. بجيهو عديل ما بلمو مع زول ..
وسبق واحد صاحبي شيوعي هنا دا كتب لي ما يشبه كلامك دا .. قلت ليهو يا ابو الشباب إنت مالك متحسس على الاقل انت من الناس الواحد بيقرا ليهم وبيحترم وجهة نظرم مهما اختلف معاها .. لكن برنامجي مع ناس تانيين وقاعد تلقاني قدامم في اي مكان ..
حسع يا المشرف وللمرة التانية .. لانو سبق قبل كدا وضحت ليك ياخ اطلع من الحتة دي .. لو كان عندك زول في العريضة دي بيهمك امرو .. فياخ ما تحاول بي اي شكل كان .. تقيف قدامي وتجيب قزازة الفودكا دي وتقولي هاك شربني ..
اما إذا ارتضيت بالمسالة دي .. فماف مشكلة .. لكن علما وللمرة التانية .. عليك الله التزم جانب الحياد .. وخليك في مسار بيخصنا نحن الاتنين بصرف النظر عن اشياء اخرى .. دا طلب بسيط والله ..
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: قيقراوي)
|
نواصل يا قيقراوي ..
Quote: كفاك و لّ ازيدك!؟
بالمناسبة انا من مؤسسي العريضة دي ما مجرد موقع ساااي
لو عاوز تحاسب نوايا الواضعين ...
بتحتاج لسحر عديييل عشان تقنعني انا دا باني كنت باحث عن موقع في الادارة!! |
.. والله يا قيقراوي عظيم الشرف اعرف انك مؤسس .. اها دي اول مرة اعرفه ..
بعدين يا قيقراوي شنو المسالة بتاعت محاسبة النوايا .. شايفك قلتها .. المشرف قاليك في صحتك ، ياخ نوايا شنو البحاسب فيها يا قيقراوي ..؟ انا بتكلم عن مجموعة محددة عايشتهم هنا وعارف توجهاتهم .. وعارفهم بيكتبو في ياتو سلم .. وعارف الواحد فيهم بيستمتع كيف لما يكون الضو مسلط عليهو .. دي بالواضح كدا دا .. ولا بجامل فيها ..
انا ما قاعد احاسب لي في نوايا زول ولا متخصص تفتيش لكن .. بيهمني وبما انو متواحد في المساحة دي بيهمني انو اي مما كتب في العريضة دي ما يمشي فيني .. وفي حال انو مشي في مالك الموقع .. فأنا ما ملزم بي اني اصفق ليهو لانو جا من فئة محددة .. لا اتفق معاها فيما تطرح واعتقد انها ايضا لا تتفق معاي بل بالعكس .. لا تتمنى ان تراني .. علما اني لا اتفق في توجهاتها ولي مطلق الحرية لكن اجد نفسي احمل لهم من الاحترام كاشخاص تجمعني معهم علاقات مميزة جدا ..
تعرف يا قيقراوي لو زدت في زياداتك دي لي بكرة .. ما ح تقنعني بي حاجة .. لسبب بسيط جدا .. أنو مسالة حذف البوستات دي اتضررنا منها زماااان .. اتضررنا بي صورة شخصية .. اتضررنا بي تهديدات .. ودي كلها جاية من ووين ..؟
جاية من نفس الفئة التي تدعي المعارضة لكن عندها فهم خاص .. ونفسها هي كانت وبي صورة راتبة جدا تسيطر على الراي العام في البورد وبي صورة اوضح تسيطر علي مالك الموقع .. وزي ما عارف في شخوص هنا .. عبارة عن رموز .. وجب عدم المساس بهم ، وعن طريقهم هم تم اقصاء ناس كتار جدا من هنا .. وشهرو بي ناس كتار هنا .. إذا لا يعقل انو نفس التوجهات دي تجيني في توب جديد بتاع صياغة قوانين واحذفو لي دي وشيلو دي ودا كلو علشان كتبو كلام وما نفع مع سيد البورد ..
لاحظ لحدت الآن ما كررت ليك شروحات بكري الخاصة بي الناحية التقنية بتاعت سرقة الحسابات وكلمات المرور .. ودي بجيك ليها بي رواقه ..
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: tmbis)
|
Quote:
تعرف يا قيقراوي لو زدت في زياداتك دي لي بكرة .. ما ح تقنعني بي حاجة .. لسبب بسيط جدا .. أنو مسالة حذف البوستات دي اتضررنا منها زماااان .. اتضررنا بي صورة شخصية .. اتضررنا بي تهديدات .. ودي كلها جاية من ووين ..؟
جاية من نفس الفئة التي تدعي المعارضة لكن عندها فهم خاص .. ونفسها هي كانت وبي صورة راتبة جدا تسيطر على الراي العام في البورد وبي صورة اوضح تسيطر علي مالك الموقع .. وزي ما عارف في شخوص هنا .. عبارة عن رموز .. وجب عدم المساس بهم ، وعن طريقهم هم تم اقصاء ناس كتار جدا من هنا .. وشهرو بي ناس كتار هنا .. إذا لا يعقل انو نفس التوجهات دي تجيني في توب جديد بتاع صياغة قوانين واحذفو لي دي وشيلو دي ودا كلو علشان كتبو كلام وما نفع مع سيد البورد ..
لاحظ لحدت الآن ما كررت ليك شروحات بكري الخاصة بي الناحية التقنية بتاعت سرقة الحسابات وكلمات المرور .. ودي بجيك ليها بي رواقه ..
|
لووووووول
يا تامبا ياخ اطمن خالص خالص لن ازيد فافسد ...
انا لا داير اقنعك لا داير اقنع غيرك
ياخ انت سالتني عن ( كنت حاسي بشنو لمن وقعت؟ ) .. و وريتك ... بس
اما انو انت ( الاحساس ) دا مريت بيو قبل كدا .. و اسي بقيت يائس منو ..
او عندك ناس في الموقعين مارسوا التصفيق للجلاد فهل دا بمنع اني احسو و اوقع بيهو عريضة؟
او اعمل لي تاني مليون واحدة غيرها؟
منو القال كدا؟
يا زول احساسي دا اصلو ما بخليهو ( يفك ) ساااي كدا ..
ح اقعد اجوط كدا .. و يحصل اليحصل
حد واخد منها حاقة!؟
و لّ ما حقي؟
لو ما حقي عليك الله الحقنا نبطل ( نقة )
عدا ذلك .. يبقى الوضع على ما هو عليه .. و المتضرر يعمل ليو عريضة
------
النبي فوقك كان تكرر لي تبريرات عمك بكور السميتا ( شروحات ) دي
ما شايفني اتجاوزت موضوع هكوري دا كلو كلو
انقر عشان شنو؟
ما عشان الكلام دا ياخ!
| |
|
|
|
|
|
|
|
|
 Re: الحزب الاتحادي الديمقراطي ... بيت العزّابة (Re: قيقراوي)
|
Quote: يا زول احساسي دا اصلو ما بخليهو ( يفك ) ساااي كدا ..
ح اقعد اجوط كدا .. و يحصل اليحصل
حد واخد منها حاقة!؟
و لّ ما حقي؟
لو ما حقي عليك الله الحقنا نبطل ( نقة ) |
يا زول احساسك اصلو ما يفك .. وكان فكـه اربطو كويس .. وحبسو بي سجارة ..
انا زيك بتعجبني المسالة بتاعت الجوطة دي .. كل مرة كان بتعرض لي فيها واحد من الجماعة اياهم كنت بلفها معاهو ولففاني معاهو داخل في احترامي للائحـة .. وبنوده الوقعت عليها .. زمان كان البغلط علي بتعامل معاهو بي مبدأ اللائحة دي وبجيب البند حقو وبطالب بي حقي .. لكن مؤخرا لقيت انو المسالة دي ما جايبه حقها .. والجماعة القلتهم ليك ديلاك .. قاعدين يتحكموا فيها علشان كدا بقيت اخش واعبر عن شعوري بي حقارة شديدة جدا .. وكسرت القلة بتاعت الادارة والحركات دي لكن بيني وبين نفسي ملتزم خالص بي البنود الوقعت عليها وفي اي لحظة كسرت اي بند فيها والله على الرحـب والسعة .. باسووردي بخيت وسعيد علي سيد الفنايل ..
حقك ونص وخمسة .. وانا يا قيقا جيتك وقلت ليك ياخ ما تكورك ..
ياخ والله لحدت ما جيت هنا حتين عرفت انك عندك دكان ناصية في العريضة دي ..
علشان كدا قلت ليك الشريف مبسوط منك .. دا لييه لانو شايفك بتكتب هنا دا معانا .. ودا في حد ذاتو وضع كويس .. انا شخصيا احترمو
والكلام دا بنطبق علي المشرف .. طالما انكم الاتنين كنتو في (قعـدة) واحدة واي واحد كان برضو (طاشم) معانا بينطبق عليهو الكلام دا
اما
الذين هم عايزين يغيروو ليهم قوانين البورد بي طريقة يمطوها حسب مقاساتم .. وخاتين لينا بنود ولوائح .. وماشين عاملين ليهم موقع .. وقافلنو علي ناس محددين .. ولازم تقول سر الليل علشان يدخلوك .. فديل برضو من حقهم .. يعملو حركتم دي لكن كمان ما من حقهم يتدخلو في حق ما حقهم .. اكتر حاجة ممكن يعملوها .. يتخارجو يكتبو في الحتة المريحاهم .. ويا دار ما دخلك شر ..
| Quote: ياخ انت سالتني عن ( كنت حاسي بشنو لمن وقعت؟ ) .. و وريتك ... بس |
يا قيقا .. انا ما سالتك يا قيقا إنت جيت عرفتني بي نفسك . وانا اديت ليك الطين .. بلـه في حين إنو انا جيت لي سيدنا بكري صالح دا علشان هو طبعا من ضمن المسؤولين بتاعين النوايا الحسنة .. وكان قلت ليهو كاني ماني .. اقل حاجة بجيب ليك سيرة ديانا روز ..
انا فهمتك يا قيقا كما قال القزافي ..وطالما انك بتكتب هنا دا .. بالرغم من انك موقع في البتاعه بتاعتكم دي .. يبقى مبدئيا انا مستعد اتفق معاك في كم نقطه .. من ضمنها انك حاليا بتكتب في الموقع بتاع سيد الزول دا .. وعاجبك الحاصل دا ..
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: osman righeem)
|
Quote:
ما تقول لي من الورجغة مع ناس مذكرة العشرين ؟؟
|
بل تجاوزوا التمانين بهنااااااااك
و دا حسب آخر عهدي بها ..
لووووووووب
يا ابو رغيم
شنو يا عمك فاتحنا لينا اوكازيون و عامل تخيضات ياخ!
مبروك عودة القمر لي وطن القماري .. او كما قالها سبدرات
شنو اسد و عرين و قصص بيئة كدا ياخ!؟
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: قيقراوي)
|
Quote: لووووووووب
يا ابو رغيم
شنو يا عمك فاتحنا لينا اوكازيون و عامل تخيضات ياخ!
مبروك عودة القمر لي وطن القماري .. او كما قالها سبدرات
شنو اسد و عرين و قصص بيئة كدا ياخ!؟
|
يا قيقا
سلام ومودة
عارف البورده مشكلتو بسيطه جدا
و لو كل عضو حدد هو اشترك عشان يكتب و بتفاعل مع الاخرين
وفق لضوابط سيد السوق بتكون مافي مشكلة
لكن حكاية الكيزان مسكو السودان خلينا ليهم امرقوهم من البورد
زي واسعة شوية ..... ولو فعلا الناس رافضه الحكم الشمولي في السودان
ما حقو نطالب بيهم في المنتدي لان العزل و الاقصاء هي ركائز الشمولية
و عشان كده ورجغة المذكرات و الاصلاحات تبقا من حق دافعي الضرائب و حقوق المواطنة
لكن طالما العضوية منة من بكري وفق رؤاه تكون محاولة تحجيم رؤية بكري أو الاستحواز
عليها باي وسيلة شئ فيه وجهة نظر !!!!!
ومشتاقون قيقا وليس بنا لوعة
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: osman righeem)
|
Quote:
لكن حكاية الكيزان مسكو السودان خلينا ليهم امرقوهم من البورد
زي واسعة شوية ..... ولو فعلا الناس رافضه الحكم الشمولي في السودان
ما حقو نطالب بيهم في المنتدي لان العزل و الاقصاء هي ركائز الشمولية
و عشان كده ورجغة المذكرات و الاصلاحات تبقا من حق دافعي الضرائب و حقوق المواطنة
لكن طالما العضوية منة من بكري وفق رؤاه تكون محاولة تحجيم رؤية بكري أو الاستحواز
عليها باي وسيلة شئ فيه وجهة نظر !!!!!
|
كلام سليم
لكن ديل منو القالوا طلعوا الكيزان من البلد ديل!؟
و دايرين يستحوزوا رؤية بكري .. و قصص خيالية ديل؟
يا زول انت قريت المذكرة؟
بعدين رؤية بكري في مكافاة السرقات الادبية/ الفكرية دي ممكن تشرحا لي؟
لانو صراحة كدا رؤية زي دي و الله ما ادونا ليها.
و منة لا اتشرف بيها - شخصياً - كلو كلو .. سيدا يشيلا طوالي
انا مشكلتي عرضتها فوق
و كل ما ذكرته - و منه المقتبس اعلاه - بالنسبة لي اوف بوينت يا عمك
مجنون؟ .. ما طالب اكتر من انو الناس تخلين في نعيمي
كتيرة عليّ دي!؟
------
كدي لخير كدا اضمنوا لي انو رب السراي الصفراء دي ما يحذف البوست دا
و انا بجيب ليكم العريضة توضحوا لي وين فكرة الاستحواز و طرد الكيزان و بلا بلا بلا دي ..
صراحة لو اقنعتوني، ما بشرفني اوقع على كلام زي دا .. و لا ينبغي لي
و ح اسحب توقيعي هنا دا على رؤس الاشهاد
| |
|
|
|
|
|
|
|
|
 Re: الحزب الاتحادي الديمقراطي ... بيت العزّابة (Re: قيقراوي)
|
(كدا) يعني تدخل بوست وتتبنى قضية جانبية تحتلف مية وتمانين درجة عن موضوع البوست وتقعد تتداخل في البوست أكتر من صاحبه لغاية مايبقى الموضوع عبارة عن القضية الجانبية الاتبنيتها إنت
ويتركز إهتمام رواد البوست في القضية الجانبية وتنتهي وتصبح ذكرى قضية البوست الاساسية
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: Rawia)
|
شكراً يا رواية على الرد
Quote:
(كدا) يعني تدخل بوست وتتبنى قضية جانبية تحتلف مية وتمانين درجة عن موضوع البوست وتقعد تتداخل في البوست أكتر من صاحبه لغاية مايبقى الموضوع عبارة عن القضية الجانبية الاتبنيتها إنت
ويتركز إهتمام رواد البوست في القضية الجانبية وتنتهي وتصبح ذكرى قضية البوست الاساسية
|
و الله مسالة ( طوالي ) دي فيها نظر .. او ما مقصودة على الاقل مني و الله على ذلك شهيد .. و كويس انك نبهتيني ..
اما بخصوص البوست دا فممكن تراجعيهو كويس
- انا دخلت ارد على كلام بهمني فيو ما جبتو انا ( يعني بداية الفتلة ما مني انا )
- حصل انو سيد الحوش قفل لي بوستي الفرزت بيو عيشتي فجبت الكلام دا هنا لانو نفس الفتلة - في وجهة نظري -
هي نفس الموضوع
- اعتذرت لصاحب البوست دا هنا عن الشغلة دي
- صاحب الحق ما علق على الكلام دا .. و تمبس اداني جواز المرور تصريحاً و بتوجيه ردود لي.
- حللت وجودي هنا - افتكر - بالتعليق على موضوع البوست ( قدر قدرتي ).
بس دا من زاوية شوفي .. مع الاعتذار ليك و لصاحب الحق الاول هنا
مع الشكر و التحية
| |
|
|
|
|
|
|
|
|
 Re: الحزب الاتحادي الديمقراطي ... بيت العزّابة (Re: osman righeem)
|
يا ابو النسب ركز عليك الله في النضارة .. والتي شيرت .. ياخ ديل غاليات جدا ، خليك من الجضوم .. الجضوم دي جضوم مكيفات وجداد بنده سااكت ..
لكن بيني بينك كدا يا ابو النسب .. القراصة وملاح البامية المفروكة بي السلج حاكيات قصة عجيبة جدا ..
يحليلك يا ابو النسب والله دي كان ورجغة العشرينية .. حسع كان لحقت قيقراوي دا .. اي رياح موسمية تهيج لي اشجاني ..
لكن نحن يا ابو النسب .. عودنا نجيض ضاربين.. سيريلاك .. وميلوبا..
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: tmbis)
|
| Quote: - صاحب الحق ما علق على الكلام دا .. و تمبس اداني جواز المرور تصريحاً و بتوجيه ردود لي. |
ما توجيه ردودو ليك يا قيقا .. ياخ انا قلت ليك بجي داخل بوستات بوخارين دا وانا سافي ومعاي كيسين ..
يعني زي ما تقول كدا عادي جدا .. وهو زاتو قاعد يستمتع بي الكواميد القاعدين نسقف بيها هنا دا ..
انا غايتو بتعامل مع المسالة دي من منطلق الجاهلية القديمة .. الكفار زمان عادي جدا ناس قريش بيربطو ليهم في منفوحـة وغبيرة ويقلعو ليك منهم حقهم .
اها انا القداك دا .. كل يومين تلاتة بمشي مطعم العباسية في غبيرا اجيب لي طعمية وفولــه ..
يعني عادي جدا .. اطالب ليك بخارين دا بدفع الجزية لما يفكر يكتب هنا في البورد دا ..
ياخ دا قال الحزب الاتحادي بيت عزابـه .. يسكتو ليهو ؟؟
شيوعي ما عندو اي موضوع ياخ .. وحنكو بيش جدا
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: فايزودالقاضي)
|
ود القاضي
Quote:
ياراوية ياتشتري البوست ياتخلي يتهمبت
|
لوووووووووب
و الله بكور يكون متكيف ذاتو اسي من الحاصل دا ...
كان خليناهو لتمبس و الله اسي كان خلا ريحتو الاسفيرية طير طير
يا زول موضوعو دا مستحمي رسمي ي ي ي
كل زول يركز في ورقتو .. الدنيا امتحان ( وطني ) كبيييييير
اليباصي هو بدل يقعد يصحح لجيرانو!!
-------
متذكر النكتة بتاعة السلات الميت؟
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: tmbis)
|
تمبس ..
ياخى قبل الدخول فى تفاصيل الشيطان ..
نحب نوضح كلام غير مهم ..
وقد سألت عن تزوير الاحساس فأعلم أن الكلام موجه لسيدنا قيقراوى ردا على الحته دى ..
Quote: و الله الفي راسي دي طبيعية ما مزورة .. مظلوم يا بيه
|
المعنى انو ماسك نار طبيعى ..
وأعتبرت كلامو ذاتو تزوير لحقائق راسخه أو أدعاء شيئا من المستحيل .. ليس الا
فى تفاصيل الشيطان .. فلا يوجد شيطان ولا يحزنون .. فقط .. أحببت ممارسة شيئا من الشغب معك وابوبكر وقيقراوى ومناوشةأساسي من بعيد لبعيد .. وده مزاج بجى للواحد بعض مرات مع ناس ممكن يتبحبح معاهم شويه .. وكان همى بالامس اللا أكون قد تجاوزت حدودى مع اللاخ أساسي ..
ف سوق ما تريد نحو ما تريد يا حبيب .. واختلف معاك او اتفق .. ويقينى انو اى علاقه انسانيه مبرر كافى وبذاتها انو الناس تتلاقى فى الاختلاف ..
مشكلتى كبيره مع السيناريوهات الكبيره التى تقفز لذهنى عند ممارسة الشغب مع الاصدقاء .. يعنى اقوم اضخم موضوع صغير وادوهو ابعاد وتفاصيل ممتده .. فمسأله " آآآه يا مناضله " استدعت مسألة " الكاس الرابع " بمعنى انو الزول البكورك ده حتما ولابد اجترح ليهو كم كاس فى شبكيه القائل .. والقائل أنت .. وهكذا .. تمبس .. المورده .. خطيب ابراهيم .. جعفر حقيقى .. الصاوى .. حسن السكى .. ابراهيم خطاب .. عمار سعد .. وجوطه ما انزل الله بها من سلطان ..
ويبدو من الجديه التى قابلتنى بها أننى تجاوزت قليلا .. لك العتبى حتى ترضى
سلام ..
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: محمد حيدر المشرف)
|
Quote: ياخى قبل الدخول فى تفاصيل الشيطان ..
نحب نوضح كلام غير مهم ..
وقد سألت عن تزوير الاحساس فأعلم أن الكلام موجه لسيدنا قيقراوى ردا على الحته دى .. |
.. Quote: المعنى انو ماسك نار طبيعى ..
وأعتبرت كلامو ذاتو تزوير لحقائق راسخه أو أدعاء شيئا من المستحيل .. ليس الا |
الحمد لله يا رجل .. ياخ وقعت لينا قلبنا ساكت الله لا جاب ليك وقعان قلب .. ياخ نحنا يا المشرف غير احساسنا دا ما عندنا حاجة زاتو نعتمد عليها ونتكل عليها .. انا قلت الواحد كمان احساسو طلع مضروب ..؟
ياخ لكن انت دخلتها لي في نص الموردة وفي حتات عجيبة جدا ..
إنتو قاعدين تضربو شنو يا جماعة الفترة الكنت غايب فيها انا من البورد دا ..؟
قاعدين تضربو بوهيـة في البورد دا ..؟ | Quote: فى تفاصيل الشيطان .. فلا يوجد شيطان ولا يحزنون .. فقط .. أحببت ممارسة شيئا من الشغب معك وابوبكر وقيقراوى ومناوشةأساسي من بعيد لبعيد .. وده مزاج بجى للواحد بعض مرات مع ناس ممكن يتبحبح معاهم شويه .. وكان همى بالامس اللا أكون قد تجاوزت حدودى مع اللاخ أساسي .. |
والله يا مشرف يا صديق ويا فردة ويا عزيز جدا علي .. لو ما عندي مزاج زاتو حسع دي في البوست دا كان قبيييييل .. كبرت اللفـة من ردودكم دي انت وقيقراوي ..
لكن اهـو الدنيا اربحا وعقاب شهر والواحد عايز معاكم .. فما تصعبو الشغلانة كدا ..
اما اساسي يا مشرف ما تعتمد عليهو شديد .. ممكن يجي يجوط الشغلانة دي هنا وما تطلع بي اي حاجة مفيدة .. | Quote: خطيب ابراهيم .. جعفر حقيقى .. الصاوى .. حسن السكى .. ابراهيم خطاب .. عمار سع |
شنو يازول لك العتبى حتى ترضى ؟؟
ياخ انت بتكتب سااكت وعايز عتبى وبتاع ..
دقيقه ياخ .. إنت كدا اخترقت الطوق الأمني زاتو .. وضربت التأمين .. انا حسع دي طالع لكن عليك النبي موضوع ناس خطيب دا والصاوي والفرد ديل خلينا نرجع ليهو بي مزاج كدا ..
ياخ انا عشان كدا شوف بلاهي اقوليك لله في لله ساكت برتاح ليك ..
هوووي يا بكري بخارين .. أو أي كان اسمك .. شوف ليك بلاي بوست آخر لي حزب آخــر .. البوست دا خلاص .. تم وضع الايد عليهو بحمد الله وتوفيقه.. امشي عليك اله كلم ناس الورجغانية قوليهم تمبس شال البوست بتاعي .. حقارة كدا
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: tmbis)
|
Quote: (كدا) يعني تدخل بوست وتتبنى قضية جانبية تحتلف مية وتمانين درجة عن موضوع البوست وتقعد تتداخل في البوست أكتر من صاحبه لغاية مايبقى الموضوع عبارة عن القضية الجانبية الاتبنيتها إنت
ويتركز إهتمام رواد البوست في القضية الجانبية وتنتهي وتصبح ذكرى قضية البوست الاساسية |
واين القضية التى يناقشها هذا البوست ،،
كأتحادى وحزبنا بيت عزابة ،، أصرح لتمبس بالتواجد فى بيتنا مع حريه جلب كيس تمباك كبير
وشيشه معسل بحرينى لو أمكن مع فردة وست ،،، مرحبتين تمبس والبقيه
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: Rawia)
|
Quote: الكمدة بالرمدة (دي الاضافة سبب التعديل )
تنبس لما ما لقى طريقة
رجع للخطة أتنين أربعة أتنين
وفي نص البحر قال ليهو بتكتح بالتراب مالك
لكن بكور عمل مافاضي
والموضوع مهم
والبلاد تمر بمنعرج خطير |
لووووووول
من اسي انا مع تمبس في هذه اللحظة التاريخية و هذا المنعرج الخطير الذي تمر به البلاد
و استشعاراً لروح الوطنية و المسئولية و بكرر لبكور انو يكرز في ورقتو ..
عليك الله يا راوية* من الله خلق الامتحانات شفت ليك زول يقوم من كرسيهو في ي ي نص الامتحان
و يشيل ورقة جارو و لما يسالوهو دا شنو دا؟
يجي يقول ليك عاوز اصحح ليو!؟
اصلو شنو هو؟
المراقبين و المصححين ياهم الشعب دا .. حيث لا وصاية و لا يحزنون
و كلنا جلوس لنفففففس الامتحان دا ..
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: كمال مبارك)
|
الشقيق كمال مبارك ...
Quote:
Quote: المراقبين و المصححين ياهم الشعب دا .. حيث لا وصاية و لا يحزنون
و كلنا جلوس لنفففففس الامتحان دا |
..
يا قيقراوى ،، قرط ع كده واطلع من بيت العزابه دا ،، دربك اخضر يا عم
|
حاضر ... هادي مرقة ..
بس حبيت اقول انو الكلام الفوق دا انا مقرّض عليهو و باقي ألف
و الوطن الكبير ينطبق على الوطن الصغير دا و إن كان افتراض ..
و المواطن/ المواطنة هي هي ..
العندو رؤيا تانية .. يطرحا جمب دي .. ما يفرضا علي انا او اياً كان غيرو .. و الضريبة افعنها و الله .. من زمنا و اعصابنا .. و حق اولادنا ..
الشايف نفسو قاعد صدقة، له ذلك لكن انا ما محتاجة ( منّة " احد غير الله الزرعنا فيها ..
بالعكس وجودنا هنا خصم على حاجاتنا .. و ( تكلفة فرصة بديلة )* ما اكتر ..
و يبقى كلامي دا واقف منتظر ..
Quote:
كدي لخير كدا اضمنوا لي انو رب السراي الصفراء دي ما يحذف البوست دا
و انا بجيب ليكم العريضة توضحوا لي وين فكرة الاستحواز و طرد الكيزان و بلا بلا بلا دي ..
صراحة لو اقنعتوني، ما بشرفني اوقع على كلام زي دا .. و لا ينبغي لي
و ح اسحب توقيعي هنا دا على رؤس الاشهاد
|
و الخوة في ي ي ي محلها
-------------------
* دي القلبتو يسأل منها حبيبنا ابو رغيم
بالمرة وكت جينا تاني هنا نحكي لود القاضي نكتة ( السلات )
و السلات لمن لا يعرفه هو : لحم مشووي على حصى ... اشتهر في شرق الله البارد
اها مرة واحدة ببيع سلات في احد المحطات على الطريق السريع .. مدا السلات لمشتري، و صاحبنا المشتري - الاوانطة زي ما ح يظهر لاحقاً - بدل ما يدفع طوالي، قال لازم يضوق اول .. و بقى يحاجج و يلاجج لمن البص اتحرك .. ادروب - البائع - بقى ساكي ليك الباص عاوز حق ( السلات ) .. جرى لمن الله غفر ليو و البص بقى هنااااااااااااك .. و السغيل داك مطلع ليو لسانو!
اها لمن صاحبنا - طبعاً كلكم ح تكونوا متضامين معاو لحدت هنا مش؟ - اها لمن قنع من خيرن في لحقة لبص او تحصيل حق ( السلات ) .. فك آخرو :
السلات ذاتو ميت!!
فااا شنو؟
لا نحن دافعين .. لا بكور علوم دا سلاتو بهيمتو سمع ليها باع ..
موضوعو ميت اصلاً
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: قيقراوي)
|
| Quote: بيت العزابة دا عاجبنا خليك مع الفندق بتاعك |
يا رغيم جونيور، ياخي الموضوع دا أكبر من الحزازات الحزبية الضيقة دي. ياخي نحنا ناشطين سياسيين و بنخاطب طموحات و أحلام شعب و أمة كاملة، فالواجب بحتم علينا اننا نكون قدر هذه المسؤلية الكبيرة و نتعامل معها بالصدق و النبل الذى تستحقه. ياخي اذا بنقول للناس الانقاذ كعبة و رزيلة و انتهكت كرامة الانسان و كرامة بلادنا و نحنا عندنا مشروع بديل خيّر و منحاز للانسان فيجيب اننا نكون قدر هذا الكلام. يا أخونا الاحزاب السياسية دي عندها كرامة و قدسية، البدوس مبادئ الحزب و يحتقرها بالشكل البحصل ما عندو مكان فيهو باكر، يتحمل مسؤلية تصرفاته، لكن اذا الاحزاب زاتها تتعامل بهذا الشكل المتواضع هل تعتقد ان المواطن يسوف يثقف فيها و يرجو منها اي خير؟.
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: abubakr salih)
|
Quote: المداخلة دي مخسوسة عشان الاخ تمبس
يا تمبس أنا مضيت المذكرة وقاطعت مع المقاطعين
وهسة رجعت كدا ساكت
آها |
عادي جدا يا راويـة .. بإمكانك برضو تمشي توقعي بي هناك تاني .. وتجي تكتبي هنـا دا .. إنت متحسسة من الحتة دي يعني ..؟
والله لو إنت ناشطـة يا راويـة كان الشغلانتة بتختلف ..
لكن انت ما ناشطـة عشان كدا المسالة عادية ..
لانو في فرق بين النشاط .. والما نشاط ..
اقوليك حاجة ..؟
والله حسع دي لو ما كلامك دا انا ذاتو ما عارفك وقعتي ..
بالمناسبة إنت وقعتي (عشان لييييييه) يا راويـة ..؟
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: abubakr salih)
|
Quote: قبل يوميــن جيت لافي بهناك في شارع غبيرا .. المطعم دا مافي في محلو القديم ..
الكان قبل تلاتة سنوات قدر مالفيت بفتش ليهو عشان اضرب اقاشي مالقيتو..
اخرها اتوكلت على مطعم ريــم ..
بل نورنا باللوكيشن هسع وين ..؟! |
إنت يا الطريفي بتجي لافي ساي بي شوارع الرياض دي ..؟ ما تدي الواحد خبر قبال ما تلف .
بعدين اللقاشي في الشميسي يا حبـة .. هناك في (حجاج) بظبطو ليك اقاشي زي الترتيب .. لكن لو بقيت علي اقاشي العباسية دا .. فلما تجي داخل غبيرا من شارع البطحاء مطعم العباسية بقع علي شمالك في البلوك التاني .. يعني في الصف حق الحلاقين دا ..
بلاي تاني لما تجي تتفسح في الرياض ادينا خبـر .. لانو كدا ما كويس منك ..
بتفتح مجالات لي غيرك يستغلو الفرصة دي ..
| |
|
|
|
|
|
|
|
|
|
Re: الحزب الاتحادي الديمقراطي ... بيت العزّابة (Re: tmbis)
|
سي سي للعزيز ود الصائم الي حين عودة
Quote:
يا رغيم جونيور، ياخي الموضوع دا أكبر من الحزازات الحزبية الضيقة دي. ياخي نحنا ناشطين سياسيين و بنخاطب طموحات و أحلام شعب و أمة كاملة، فالواجب بحتم علينا اننا نكون قدر هذه المسؤلية الكبيرة و نتعامل معها بالصدق و النبل الذى تستحقه. ياخي اذا بنقول للناس الانقاذ كعبة و رزيلة و انتهكت كرامة الانسان و كرامة بلادنا و نحنا عندنا مشروع بديل خيّر و منحاز للانسان فيجيب اننا نكون قدر هذا الكلام. يا أخونا الاحزاب السياسية دي عندها كرامة و قدسية، البدوس مبادئ الحزب و يحتقرها بالشكل البحصل ما عندو مكان فيهو باكر، يتحمل مسؤلية تصرفاته، لكن اذا الاحزاب زاتها تتعامل بهذا الشكل المتواضع هل تعتقد ان المواطن يسوف يثقف فيها و يرجو منها اي خير؟.
|
| |
|
|
|
|
|
|
| |
abubakr salih
Ahmed Abdallah
tmbis
قيقراوي
محمد على حسن
أبو الحسين
فايزودالقاضي
انتصار محمد صالخ بشير
تيسير عووضة
رغيم عثمان رغيم الحسن
محمد حيدر المشرف
محمد عبد الماجد الصايم
osman righeem
Rawia
HAIDER ALZAIN
فيس بوك
تويتر
انستقرام
يوتيوب
بنتيريست