|
خلاص قررت ابقى شاعر ..
|
لهيب شوقك قدقد عوينات البلد طايوق .. اتردم جوه القلوب المزروعة في شتل الصبر ينبوع .. ضهب الطريق وكت مسادير حبي ليك لاحت في ساعة أمل .. سرقوا الغضا من عيون شافع يا دوب صحا .. و السنون اتسوكت و شرب شاي البلد ..
آه يا زمن ..
.. ..
الصحراء الكبرى .. شتاء 1980 ( برفقة الاخ المهاتما غاندي ) ..
عشان تاني ما في زول يجي يقول ليك حميده قال لي و لا حميده عمل لي .. شعر بس .. و كان اتعلمت التشكيل احتمال كبير اصدر لي رواية .. و الزرعنا غير الله يقلعنا .. ( شعار المرحلة الجديدة ) ..
|
|
|
|
|
|
|
|
Re: خلاص قررت ابقى شاعر .. (Re: BousH)
|
Quote: و الزرعنا غير الله يقلعنا .. ( شعار المرحلة الجديدة ) .. |
احسن تغيرو الى الزارعنا غير بكرى اليجى يقلعنــا
ليك وحشــة ... الصين كيــفن خبرهــا معاك ..
احسن ليك ولينا وللسودان وللدنيا ولبكرى وللحكومة وللمعارضة ولي ناس كتار ( خليك معانا يا حميدة )
| |
|
|
|
|
|
|
Re: خلاص قررت ابقى شاعر .. (Re: بدر الدين اسحاق احمد)
|
هاااااااى حمد مد !! We missed you very much ؟؟؟ Do you miss us too يخسى عليك .. كان مفروض تشتاقنا !! انت ليه ما اشتريت هدوم جديده .. قبل ما تشعر كل الشعور دا ! ياااااااااى مافيش فايده جايينا بالعبوة القديمة ذاااتها ! الشعر دا ما حلو غيرو .. ياااى ما حلو . قول كلام رومانسى .. طالما القرار فى يدك وكدا ... عايزين شعر حلو عايزين شعر حلو ولا اقول ليك ّ! عايزين اسقاط الباسويرد .. البورد يريد اسقاط الباسويرد ! تبع حميده .. نشوف النبى خدر .
ـــــــــــــــ حميده هو حميده ... غطينى يا صفية ! واغمض عينيه ..
| |
|
|
|
|
|
|
Re: خلاص قررت ابقى شاعر .. (Re: محمد يوسف الزين)
|
بوست مليئ بالزمزغه والبربره .. ولا يخلو من القصد الجنائي وان تدثر في ثياب الشعر والادب .. علي بكري التعامل مع هذه التفلتات التي تصدر من امثال المدعو حميده .. ايقاف صاحب البوست هو ضرورة المرحله الحاليه ..
..
الناس في النضال والثورات وانت جايي تعمله لينا شعر ؟؟
| |
|
|
|
|
|
|
Re: خلاص قررت ابقى شاعر .. (Re: Faisal Elrasheed)
|
ايها الرائعون حد الثمالة .. اني اتنشقكم كما عصير المانجو في ذلك المقهى الباريسي .. و تلك البنت تهديني صباحات ما خجم .. حيث انتم تكون اللقيا نبراس يدق في عالم الناس .. و آمال عراض تتمنى التحقيق ..
.. ..
كدا تمام ..؟
| |
|
|
|
|
|
|
Re: خلاص قررت ابقى شاعر .. (Re: محمد عبد الماجد الصايم)
|
المفردة تتلعثم في خشم الشاعر .. يطلقها كيف ما شاء .. بدون قيد العسكر و متاريس الطريق ..
.. ..
ذات نهار بوسط مدينة حارقة اللهيب .. ضربت سندوتش في وسطها المزدحم .. و كسحت الي ما نهاية ..
.. ..
إليها في عز انشغالها بغسيل العدة ..
لمو لي قروش داير اشتري ألوان و كمنجة ..
| |
|
|
|
|
|
|
Re: خلاص قررت ابقى شاعر .. (Re: محمد يوسف الزين)
|
.. .
Quote: عشان تاني ما في زول يجي يقول ليك حميده قال لي و لا حميده عمل لي .. شعر بس .. |
حى انا يا بكرى المكشن بلا بصل الخليت حميدة يبقى شاعر اخر الزمن يصاصى فى الفيس بوك وينوم قبال ما يشرب اللبن كدا .. كويس ..
-------
ول كم باك تو ذا ديرتى بورد او كما يدعون .. الظاهر ناس قروب الفيس بوك كلهم حيبقوا شعراء واخص صديقتنا اميرة الشيخ :) ( طبعا تكون مغيوظه ما قادرة ترد عشان معتصمة ومقاطعة حروف سودانيز اون لاين ..لووووووولز ..
| |
|
|
|
|
|
|
Re: خلاص قررت ابقى شاعر .. (Re: Tabaldina)
|
الرائع تبلدينا .. ملاذات الفيس بوك و تلك المنافي البعيدة .. لا تشبه كتاحة البقعة التي اينعت دواخلي جواها .. كن كما انت زول غياظ لكي تدب الحماسة في البعض ..
.. ..
مودة تكفيك ..
.. ..
بالمناسبة كان جيت تاني احتمال اتخلى عن الشعيرية بتاعتي .. انا في مرحلة حساسة عليك الله .. شتت ..
| |
|
|
|
|
|
|
Re: خلاص قررت ابقى شاعر .. (Re: الشاذلى خيرى عبد الله)
|
المبدعون دائما محاربون في بلادي فلا تلتفت اليهم كلو كلو ايها الشاعر الجميل قول شعرك العليل فوق صحارى المدن والترعة تحت القمر والاطفال يلعبون شليل وين راح . . وينو وينو اكلو الدودو اوعك تقطع صفق الشجرة . . كثرة الحاقدين توضح مدى تفوقك ورماد خشمن فاكتب فانك موهوب وفي يوم من الايام بجيبوك في التلفزيون وادوك تلاجة هدية من الشروق فشمسك اشرقت فلا تدعهم يطفئون النور
| |
|
|
|
|
|
|
Re: خلاص قررت ابقى شاعر .. (Re: عبدالله ود البوش)
|
Quote: المبدعون دائما محاربون في بلادي فلا تلتفت اليهم كلو كلو ايها الشاعر الجميل قول شعرك العليل فوق صحارى المدن والترعة تحت القمر والاطفال يلعبون شليل وين راح
|
فعلا اخي عبد الله
وهذا الموقف قابل الشاعر ياسر عرمان كما عاني منه الشاعر الكبير حميدة
ولكن الظروف السياسية خدمت الشاعر ياسر عرمان الذي وجدت اشعاره صدي واسعا في دولة جنوب السودان وقد نفذت كل دواوينه المطبوعة بعد ان تولي باقان توزيعها علي اعضاء الحركة الشعبيةبالجنوب لانه اعتبرها من معينات تصدير الثورة
اما الشاعر حميدة فقد ضاعت دوواينه في مواصلات الثورة بالنص بعد مماطلات اصحابه النقاد فيصل الرشيد وتمبس
| |
|
|
|
|
|
|
Re: خلاص قررت ابقى شاعر .. (Re: أمير عثمان)
|
الأخ الاديب الأريب والعالم الفهامة القامة شاعرنا حميدة
البركة في الطلة ياخ
ومستوى الشعور في قصيدتك الاولى ما زي بقية القصائد
بالله اديهم معلقتك المشرورة ان نشفت
| |
|
|
|
|
|
|
Re: خلاص قررت ابقى شاعر .. (Re: وجن)
|
والله يا امير لي تلاتة يوم بحاول اتذكر الكلمة دي .. و كل ما اشوف لي شافع اقعد ابحلق فيهو .. بما انه الشافع جاي من رحم انثى .. بس الشفع مبغبغين و سمان اصلو ما ادوني احساس المعاناة .. كدا انا ممكن اكتب الفصل الاخير من روايتي الاولي -
| |
|
|
|
|
|
|
|