|
|
|
 Re: يا ريس عندنا عـدة في الماسنجر محتاجين ليها ياااخ!! (Re: صلاح غريبة)
|
Quote: كانت عاوز د. بيان ضروررررررررررررررري وزمان كان بنبهها بالخاص
وحتى جوالها في الخاص
ولحدي هسع جوالها انا مغروض فيه |
صلاح غريبة
كيفك يا زول ..
غايتو كان كــدي د. بيــان بختها شديد
انت زول خبير في الفيس بوك كان تلاقيها بهناك
والله انا الماسنجر في ذات نفسو ما واجعني زي عفشي الجوه
دحين يا ريس أدينا فترة سماح كدا نلم عزالنا ونتخارج
| |
  
|
|
|
|
|
|
|
|
Re: يا ريس عندنا عـدة في الماسنجر محتاجين ليها ياااخ!! (Re: محمد أبوالعزائم أبوالريش)
|
قال ليك واحد من جماعتنا جا داخل الحلة بعد طولة كان سارح في الخلا لقا الناس متلمة
ها ناس اللمة شنو ؟
قالوا ليهو اللمة عيد
ياتو في اللعياد السايب
عيد رمضان
كان كدي ادونا موية انلفى الفضيلة
.
.
اها شهرك دا ما عندنا فيهو نفقة
وعدتنا صارنها في سروالنا دا
اظنك يا اللخو بقيت ميطي ساهي للغاشي والماشي
.
.
الريس
الريس
بتجي قريب
ياخ ادي الناس ديل عدتن وشيل عقربك
.
.
البشاري
سلامات
واجارك الله
داير تلفون منو من بورداب الرياض
انا لسع بكتب في النوتة
نوتي من سنة 96 لمن جيت عمرة ولسع قاعدة
والله صحي
| |
|
|
|
|
|
|
|
|
|
Re: يا ريس عندنا عـدة في الماسنجر محتاجين ليها ياااخ!! (Re: ABUHUSSEIN)
|
Quote: واي زول عندو عده هناك يجي يحنك معاي الريس
يفتحوا بس لفترة محدودة وكل زول يلم عفيشاتو ويتخارج
والله صحي |
فعلا ياخي عندنا تلفونات مهمة جدا ,,
والبوست منطقي جدا.. فيا بكري ده إسمو تعسف في إستعمال الحق.
هسع الفرق بينك وبين الحكومة شنو? وكت إنت فاتح ليك موقع باقي للحكومة في حلقها داير تسوي سواتها مالك? الحكومة تفتح باب استيراد زيوت العربات مثلا ,, لما تلقي الزيت رقد هبطرش تقوم تعمل عليهو ضرائب وجمارك خيالية كانت وعدت بالإعفاء منها.
العدة اللي في الماسنجر لايجوز لأي كان الإطلاع عليها
الا بإذن من المحكمة .
| |
|
|
|
|
|
|
|
|
|
Re: يا ريس عندنا عـدة في الماسنجر محتاجين ليها ياااخ!! (Re: عبدالعزيز الفاضلابى)
|
Quote: فعلا ياخي عندنا تلفونات مهمة جدا ,,
والبوست منطقي جدا.. فيا بكري ده إسمو تعسف في إستعمال الحق. |
عبد العزيز الفاضلابي
يا اخوي ارفع رجلك من البنزين شــوية 
نحن بنحنس في الريس يفك الحظر ولو لساعات بس
نشيل عدتنا ونتخارج ,هو حر بعد داك
يرجعو ولا ما يرجعو .. هذا حق لا ننازعه فيه
شكرا للدعم والمؤازرة .. ومعا لرجوع العدة بسلام
تحاياي
| |
|
|
|
|
|
|
|
|
|
Re: يا ريس عندنا عـدة في الماسنجر محتاجين ليها ياااخ!! (Re: الامين موسى البشاري)
|
Quote: نحن بنحنس في الريس يفك الحظر ولو لساعات بس
نشيل عدتنا ونتخارج ,هو حر بعد داك |
يعني قصدك تقول لي : جيت اكحلها عميتها
بكري يمين عامل زي القذافي الناس منفدغة
وهو يلعب في الشطرنج ,, زمان امي عليها الرحمة
كان وكت تلبس سفنجة واحد فينا ويجي يشيلها منها
تملصها ليهو وتقول ليهو : أها هاك ,, مكجنة شيتا سيدها حي.
| |
|
|
|
|
|
|
|
|
|
Re: يا ريس عندنا عـدة في الماسنجر محتاجين ليها ياااخ!! (Re: عبدالعزيز الفاضلابى)
|
Quote: يعني قصدك تقول لي : جيت اكحلها عميتها
بكري يمين عامل زي القذافي الناس منفدغة
وهو يلعب في الشطرنج |
ما تفهمنا غلت يااااخ
العــدة دي مهمة جدن جدن بالنسبة لي
واخوك من حرصو عليها خايف بكري يقوم يحنبك
ويصدر قرار بعدم عودة المعروضات.. نواهياً
وبكده اخوك يتجهجه ساكت.......
فعذرا إن فهمت أنني قصدت انك جيت تكحلها عميتها
أكيد بكري ليهو تحفظات وعشان كده حجب الماسنجر
اليرجع لينا عدتنا وله حرية التصرف
تحاياي يا حبيب
| |
|
|
|
|
|
|
| |
الامين موسى البشاري
بله محمد الفاضل
معاوية عبيد الصائم
خالد المحرب
صلاح غريبة
محمد أبوالعزائم أبوالريش
عبدالله ود البوش
عابدون محمد عابدون
ABUHUSSEIN
عبدالعزيز الفاضلابى
Rihab Agouba
Magdi Ahmed Elsheikh
ذواليد سليمان مصطفى
فيس بوك
تويتر
انستقرام
يوتيوب
بنتيريست