|
|
 ياااع لهووووي .. ؟!
|
يـــــااااااع : ..
تقول الشباب :
عملنـا ياااع من البرنامج دا ..
عملنـا (يااع) .. اي صرفنا النظر عنه .. تجاوزناه أو اي مفردة أخرى موازية من قاموس المثقفاتية .. تتناسب مع حجم سبهللية الموضوع ..
(ياااع) ايضا لها استخدامات أخــري :
احيانا تكون مقرونة مع الفعل . مصحوبة بموسيقى تصويرية محفزة لمادة الادرياليين واللا اسمها مادة شنو ما عارف المهم هي تلك المادة الخام التي تتحول إلى ديناميكية مبالغ فيها كما في كلاسيكيات الافلام الهندية ..
مقرونة مع الفعل .. بأن تكون علي شكل حركة لاعبي الكراتية .. الذين يكسرون الطوب المرصوص .. والواح الخشب..
أحيانا تكون (ياااع) ... سليقة ساااي كدا يمكن أن تتناولها قروووض .. ناشفه جدا ومافيها اي نكهة .. في مثل هذه الحالة بيقرضها الناس القلوبم كبيرة .. يقوليك الزول دا قلبو كبير .. ليس الكبر المعني هنا .. كبر الفيل .. إنما الكبر هنا دلالة على ملاوزة الشخص المعني .. الذي يكون عارف فعلا .. أنو الخطر الذي وجب التصدي له بي ياااع .. كاضعف الايمان انما هو خطر كامن ..
يعني بي صورة أوضح .. تكون عارف إنو (سولي) دا ممكن (يسولي) ليك في اي لحظة ..
وامس سولي .. سولاها ولا يخاف عقباها ..
|
|
  
|
|
|
|
|
|
|
 Re: ياااع لهووووي .. ؟! (Re: tmbis)
|
يــــاااع .. خرابي ... أو .. ياااع لهوووي....
من ضمن استخدامات ياااع ايضا ..
أن تكون ناطي من مكان عالي جدا .. عااالي جدا جدا .. هنا تستدعي ادريالينك ان يخفف عليك هول المصيبة .. أو الوقعة وتكون يع هنا بمثابة مرتبة .. أو كيس مليان هوا .. أو لستك جواني منفوخ أو مرتبة لتقع عليها ووقوعك عليها يكون بردا وسلاما على المرتبة وعليك في نفس الوقت ..
..
الواحد مفروض كان نطه ينط كويس .. وينجض شغلو .. ما ينط ويجي واقع ويلقى الكورة في القووون .. ويحرجنا في صباح زي دا ويدخل مخدر ابو القاسم في حتة ضيقه جدا ..
يا لهووووووي .. هو بيحصل ايه يا قدعان ..؟؟
مفردة كثيرا ما نسمعها في عامية اولاد بمبـه .. ومؤخرا تم دخول المفردة إلى عالمنا السوداني بحيث احتلت مكان .. الخرااابال.. الكترااابل .. الغزااالل .. إلخ ..
..
في مباراة الجزائر ومصر الشهيرة .. ترك اولاد بمبه في استاد المريخ من ضمن ما تركو هذه المفردة ، وسمعنا وقتها .. الممثليين المصريين .. يا قدعـااان نحن بننضرب .. يا قدعـان دوول شرحونا آخر حاقه ..
منهم من كان يصووت بأعلى صوته يا لهوووي .. يا خرااابي ..
لذلك ..
كان من السهل على الحضري بالأمس وفي نفس الاستاد .. أن يستدعي تلك العبارات من داخل المستطيل الأخضر وجوه الشبكة ..
فعندما خرج لمجابهة الفنان سولي شريف .. ما كان منه إلا وأن صرخ بأعلى صوته .. وهو يسقط من اعلى نقطه ارتفاع .. ويشهر يديه ويمدد قدميه في وجه سولي .. صائحا .. ياااااع ..
وعندما استدرك حجم الماساة .. ما كان منه إلا وأن اتبعها بي مصرنه معروفة .. يا لهههووي ..
فأعتقد انو كل الناس امبارح .. سمعو عمك الحضري وهو يكورك .. ياااع لهووووي ..
وبعدها .. لقى الكورة في الكيس .. فما كان منه إلا وأن سال اقرب اتنين ليهو ..
هووو ايه إلى بيحصل يا قدعاااان .. إحنا بننضرب آخر حاجة واللا أيه ..؟ 
| |
|
|
|
|
|
|
|
|
|
Re: ياااع لهووووي .. ؟! (Re: tmbis)
|
| Quote: إنت يا معلم امبارح بالليل ما بتكلمني مالك بالمولد دا .. |
ود الصايم كلّم أميرة الشيخ وعزاز شامي خليهن يتابعننا في المولد دة ...
ــــــ
عشان الضغط بتاعن ينزل شوية 
| |
|
|
|
|
|
|
|
|
 Re: ياااع لهووووي .. ؟! (Re: صبري طه)
|
| Quote: عشان الضغط بتاعن ينزل شوية |
من الآن وصاعدا يا صبري .. ماف ضغط بينزل .. اولاد بمبـا قعدو يعملو في الحركات البترفع الضغط ..
بعد يومين ح نرجع لي المدرب الالماني .. بعديهو ح نرجع لي ابراهومة .. بعديهو مباشرة لي مازدا ثري قيقابايت
اها الجماعة ديل لما يرفعو راسم من الغيبوبة حقت الحضري .. والبدري .. ومازدا والمدرب الاجنبي .. يكونو جاهزين للردم الجد جد ابو اتنين وتلاتة البتعرفو داك ..
| |
|
|
|
|
|
|
|
|
 Re: ياااع لهووووي .. ؟! (Re: شهاب الفاتح عثمان)
|
أهلين يا شهاب ..
معليش وقعت فيك .. كنا عايزنها لي جماعة كدا ما بيسمعو الكلام ..
قلنا ليهم الحضري دا كان منو ثمرة المصريين ما كان فكوهو .. المصريين بحبو الكنجالات .. يللا بعد كدا تعال شوف الايامات الجاية دي البحصل شنو في مسلسل الحضري دا ..
| |
|
|
|
|
|
|
|
|
 Re: ياااع لهووووي .. ؟! (Re: محمد عبد الماجد الصايم)
|
غايتو جنس شماتة عليكم؟؟
جننتونا بصورة ود الصايم دي لما الواحد جاب قون في نفسه زاتو،،
تعرف ياتامبا الحارس العملاق دا ذكرني ناس تبوك - قبل فترة كان محتفلين بعمل (أكبر توب سعودي يدخل موسوعة الارقام القياسية) دا طبعاً
كان لغاية مساء الامس وقد تحطم الرقم،،
للبورداب المريخاب من خارج المملكة: توب بالسعودي = جلابية بالسولاني،،،،
ود الصايم غير الصورة ذبحتنا ،،،
| |
|
|
|
|
|
|
|
|
|
Re: ياااع لهووووي .. ؟! (Re: فتحي الصديق)
|
Quote: ابتسم سولي شريف بعد ما بهدل الحضري وحسن شحاتة ومزمل ...
لز الكورة في المرمى الخالي وابتسم ...وأخد (العلامة الكاملة) في برود الأعصاب |
.. يا فتحي ..
سولي شريف ولدنا .. دا متعود علي الحركة البايخه بتاعتو دي .. قبل كدا غسل ليك الجماعة في خط ماف .. لكن بس راعا لي حق الجيرة ..
اها حسع دي .. أول ارهاصات السولوية .. المحركه البيعمل فيها حسام البدري سمين .. وبعد يومين الحضري ح يمشي مصر يقول عندو ود خالتو عيان .. ويمشي القاهرة هناك ويكتب في اي جريدة حائطية بما معناهو إنو المريخ فتــه .. وقروش الوالي زي الــرز
| |
|
|
|
|
|
|
|
|
|
Re: ياااع لهووووي .. ؟! (Re: صبري طه)
|
Quote: تمبس وود الصايم ياخي جهجهتو باكاتي زي جهجهة سولي شريف للحضري ...
شنو يا أخوان ردّيت رد مفتكرو ماشي لود الصايم لمّا رجعت للمداخلة تاني لقيتها تبع تمبس !!! |
بالنسبة لي تغيير الصورة ..
done
| |
|
|
|
|
|
|
|
|
|
Re: ياااع لهووووي .. ؟! (Re: محمد عبد الماجد الصايم)
|
اما بعد
نحن عشان التريقات التامبية التقيلة دا قدمنا الأحد من كم وعشرمية سنة فاتت عشان لما تحدث كعات زي
الامس نكون في السيف صايد ولا حد يقدر يقول لينا تلت التلاتة كم ومن ضمن ما قلناه في هذا الشأن أنو:
المصري الحضري دا كهل لا يقو على النطيط والإكروبات في الظروف المعينة وأنو أية حركة من حركات شواطين الكورة
وشفاتتا وفي رواية أخري صعاليقا ح ترقدو مديدة رز بالضبط زي ما حدث له أمس والأيام التالية.
وقلنا ليكم الممرن المصري الفاشل حسام البدري وشلة الفراعنة المعاهو لو كان فيهم مزة ما كان المصريين
رموهم الرمية دي والحركات بتاعت الإنضباط والمعارف شنو دي ما هي إلا حركة من طرف دولاب نفاقو ودهنستو لأنو
هو ذاتو في نفسو ما منضبط فضلا عن كونه سىء السلوك إلى جانب انه متفلت ومتهور بالإضافة إلى أنه ما منضبط
كما انه غير منضبط ..
وقلنا ليكم المريخ دا نحن لينا زمن قنعنا من خير فيهو ظاهر وباطن خصوصا بعد أن أستورد البضاعة المصرية
المضروبة .
| |
|
|
|
|
|
|
|
|
|
Re: ياااع لهووووي .. ؟! (Re: طلحة عبدالله)
|
Quote: اما بعد
نحن عشان التريقات التامبية التقيلة دا قدمنا الأحد من كم وعشرمية سنة فاتت عشان لما تحدث كعات زي
الامس نكون في السيف صايد ولا حد يقدر يقول لينا تلت التلاتة كم ومن ضمن ما قلناه في هذا الشأن أنو:
المصري الحضري دا كهل لا يقو على النطيط والإكروبات في الظروف المعينة وأنو أية حركة
من حركات شواطين الكورة
وشفاتتا وفي رواية أخري صعاليقا ح ترقدو مديدة رز بالضبط زي ما حدث له أمس والأيام التالية.
وقلنا ليكم الممرن المصري الفاشل حسام البدري وشلة الفراعنة المعاهو لو كان فيهم مزة ما
كان المصريين
رموهم الرمية دي والحركات بتاعت الإنضباط والمعارف شنو دي ما هي إلا حركة من طرف دولاب
نفاقو ودهنستو لأنو
هو ذاتو في نفسو ما منضبط فضلا عن كونه سىء السلوك إلى جانب انه متفلت ومتهور بالإضافة
إلى أنه ما منضبط
كما انه غير منضبط ..
وقلنا ليكم المريخ دا نحن لينا زمن قنعنا من خير فيهو ظاهر وباطن خصوصا بعد
أن أستورد البضاعة المصرية
المضروبة |
صورة الي : عبدالمطلب الفحل
دكتور شهاب
| |
|
|
|
|
|
|
|
|
|
Re: ياااع لهووووي .. ؟! (Re: عمران حسن صالح)
|
| Quote: أبو حسين .. حبابكـ ألف ياخ!! |
اهلا بالأراجوز اللي نحن قطيعو ....
صاحبك اللي هو صاحب البوست دا أمس عاين لي الصورة و كوت الكلام
و كتب
يا ود الصائم...........
إكون إتعشى شنو الزول دا.....؟؟؟؟؟
| |
|
|
|
|
|
|
|
|
|
Re: ياااع لهووووي .. ؟! (Re: ABUHUSSEIN)
|
طبعا مشيت مشوار صغير وجيت ..
(سولي) للتأخير يا شباب
..
بالنسبة لي تداخل شعب وادي النيل وكدا.. زمان كان عندنا جارنا مصري .. هيروشيما جدا .. وخوااااف ..
في يوم من الايام .. قام جا حرامي .. قوم يا الحرامي نط في بيت ناس حيدر جارنا .. قومي يا ام حيدر اصحي بيهو واضرب السكاليب ..
وقوم يا الحرامي نط في بيت ناس المصري دا ... البيوت كبيرة طبعا والحيشان ..
الحرامي نطه .. وبقه لايص في الحوش ما عارف يتخارج بي ووين ..
الشنطة المعاهو رماها في الحوش .. في اللحظة ديك .. شاف ليك المصري بتململ في السرير عرفو ليك .. ما كمان الحرامي بيعرف (سولو) .. أو بيعرف زولو كلها ما فارقه ..
الحرامي خشه ليك كفين تلاتة في المصري .. وقاليهو خارجني .. بسرعة ..
عمك قام وصف ليهو طريقة المخارجة .. والحرامي عمل يااااع بالحيطة ومنها للشارع الرئيسي ..
يللا قومو يا ناس الحلة .. اكبسو في بيت ناس عمك .. ولقو الشنطة وعرفو الحرامي اتخارج بي وووين ..؟
زرقنوهو وزرزروهو ..
في النهاية حكى ليهم القصة .. وكان المبرر حقو مختصر في عبـارة مضحكة جدا ..
حيث قاليهم :
انا ما بعرفوش .. دانا كنت فاكرووو واحد مي العيييلة ..
..
لذلك ..
أمبارح بعدما سولي ختاها لي الحضري .. واتخارج وعمل ياااع ..
جا .. الباشا جاري .. وموسى الزومة .. ومزمل ابو القاسم .. وفاروق جبره جاريين ..
قام الباشا سال الحضري :
دا شنو يا وهم .. شنو شابكنا ياااع وناطي وعامل فيها بتاع كراتي .. شرطته وشنا ياخ ..
قام طوالي الحضري قاليهو:
انا ما شفتوش خااالص .. ولما شفتو .. كنت فاكرو نوور الشررريف .. أو محقوووب ششرييف .. اتاريه طلع سووولييي شششررريييف ..؟
| |
|
|
|
|
|
|
|
|
|
Re: ياااع لهووووي .. ؟! (Re: عبد اللطيف بكري أحمد)
|
| Quote: جننتونا بصورة ود الصايم دي لما الواحد جاب قون في نفسه زاتو،، |
والله يا عبد اللطيف انا ذاتي جننت نفسي .. لكن خلاص لا ود الصايم بعد اليوم .. علمت لي صورتو ياااع ..
| Quote: (أكبر توب سعودي يدخل موسوعة الارقام القياسية) |
.. توب تبوك .. والله دي تنفع دعاية يا عبد اللطيف ..
عارف .. اكعب حاجة الاعلام المضر .. تقعد تنفخ في حاجتك .. وتنفخ وتنفخ .. لحدت ما تطرشق ..
الطرشقة بتاعت الحضري في المرتين دي .. كانت شينة ..
قبل كدا شايتين فوقو كورة من نص الميدان .. والله وليد الشفت ما تدخل فوقو كورة زي دي ..
ومؤخرا .. الجلابية بتاعت سولي دي .. اها التفتيش الزي دي يا عبد اللطيف .. بيعمل زهلله .. وبكتر العروض حقت الترزية ..
| |
|
|
|
|
|
|
|
|
|
Re: ياااع لهووووي .. ؟! (Re: صبري طه)
|
حبيبنا تامبا
الصباح الباهي لونك,,,
عندنا واحد اسمه ثابت الجاك عضو منتديات المريخ توفي اليوم في الامارات ( ربنا يرحمه ويتقبله قبول حسن ان شاء الله )
متذكر زمان كان في واحد صحبك اسمه ثابت وكان مقيم في الشرقية ؟
الزول ده لسه موجود في الشرقية ؟
حاولت ارسل ليك الكلام ده في الماسنجر بس الظاهر الماسنجر ماشغال
| |
|
|
|
|
|
|
|
|
 Re: ياااع لهووووي .. ؟! (Re: ارصد محمد جلال)
|
Quote: عندنا واحد اسمه ثابت الجاك عضو منتديات المريخ توفي اليوم في الامارات ( ربنا يرحمه ويتقبله قبول حسن ان شاء الله )
متذكر زمان كان في واحد صحبك اسمه ثابت وكان مقيم في الشرقية ؟
الزول ده لسه موجود في الشرقية ؟
حاولت ارسل ليك الكلام ده في الماسنجر بس الظاهر الماسنجر ماشغال |
سلامات يا ارصد وكيف اخبارك ..؟
ربنا يرحم ثابت الجاك ..
..
يا ود الصايم ..
اسمو الكامل ثابت محمد الجاك .. وهو زميلنا هنا في المنبر .. ساكن الخبر ودي مكتبتو ..
http://www.sudaneseonline.com/cgi-bin/sdb/2bb.cgi?board=234
ومن الاقلام المريخيه المتعصبة .. جدا وكان ايضا يكتب في منتدى المريخ ..
اتمنى ان تصلنا افادة من بورداب الامارات .. لانو تواصلي معاهو انقطع من فترة طويلة جدا ..
| |
|
|
|
|
|
|
| |
tmbis
محمد عبد الماجد الصايم
شهاب الفاتح عثمان
فتحي الصديق
محمد البشرى الخضر
haroon diyab
ABUHUSSEIN
عمران حسن صالح
Magdi Ahmed Elsheikh
ارصد محمد جلال
حاتم تاج السر المبارك
فيس بوك
تويتر
انستقرام
يوتيوب
بنتيريست