|
|
 البشير يرشح شابَاً لخلافته علي رئاسة السودان
|
ونعمَا التفكير يافخامة المشير
نظرة ثاقبة وقلب ثابت لاتزحزحه
عاديات الدهر عن حب الوطن
رئيس او رئيس سابق او مروؤس
لاتهمك هذه المفردات الشحيحة
شعبك ووطنك لايستغني عنك أبداً
في القصر رئيسااو في البيت عائل اسرة
ستبقي في حنايا ووجدان شعبك الرئيس السوداني
الذي زرع المجد وغرس السؤدد وقطف شغاف القلوب
ستدون في كتاب التاريخ أنك الرئيس السوداني
الوحيد الذي حكم الشعب بثقة وسلم السلطة طواعية
فعليك السلام من شباب وثقت فيهم واخترت منهم خليفتك.
Quote: وفي سياق آخر، أعلن الرئيس البشير بصورة حاسمة ونهائية أنه سيتنحى عن الحكم بعد إكمال دورته
الحالية، وأضاف - رداً على سؤال حول ترشحه للإنتخابات القادمة -: (في الإنتخابات القادمة أكون قد أكملت 26
عاماً في الرئاسة والعمر سيكون 71 عاماً، والعمر في فترة الحكم وخاصة في حكم الإنقاذ السنة ليست بسنة،
فحجم التحديات والمشكلات التي واجهناها كبير، بالقطع أنّ 26 سنة في الحكم هي أكثر مما يجب سواء بالنسبة
للشخص أو بالنسبة للشعب السوداني). وأبدى البشير، ثقته في قدرة المؤتمر الوطني على إختيار الشخص
المناسب، وقال إن فترة السنوات الأربع المتبقية كافية لترتيب الأوضاع داخل الحزب لتقديم قيادة جديدة في
الإنتخابات القادمة، وأشار إلى أن الحزب شاب ولديه قاعدة شبابية والعشرات من الكوادر الشبابية
المؤهلة للترشح لرئاسة الجمهورية. لكن البشير لفت إلى أن الحكم في السودان ليس نزهة، هو بكل
المقاييس أمانة ثقيلة جداً
الرأي العام |
|
|
 
|
|
|
|
|
|
|
 Re: البشير يرشح شابَاً لخلافته علي رئاسة السودان (Re: عبد اللطيف السيدح)
|
Quote: شاب تشمل الاثنين ذكراً وانثي ككلمة عروس
|
طيب هل يجوز للمرأة ان تترشح بغض النظر عن كونها انثي شابة او ذكر شاب ..!!
ـــــــــــــ
إنت يا السيد(ح) اخوي دحين ماقلتو الدولة حاتكون اسلامية عروبية في الشمال؟
طيب كيف يعني ترشحو ليكم مراة انثي كانت ام ذكراً ؟
مش في الاسلام لا يفلح قومٌ ( حتي لو جدهم العباس ) ولو امرهم امراة ؟؟؟؟
| |
|
|
|
|
|
|
|
|
 Re: البشير يرشح شابَاً لخلافته علي رئاسة السودان (Re: عبد اللطيف السيدح)
|
انت متعود دايماً انه البوابين يدردقوك وانت تقع بردلللب على عماك ..
هسع البواب دا ما ركب بوستيك التونسية ..
Quote: إنت يا السيد(ح) اخوي دحين ماقلتو الدولة حاتكون اسلامية عروبية في الشمال؟
طيب كيف يعني ترشحو ليكم مراة انثي كانت ام ذكراً ؟
مش في الاسلام لا يفلح قومٌ ( حتي لو جدهم العباس ) ولو امرهم امراة ؟؟؟؟ |
جاوب بالله عشان نفهم ..
هل يجوز مع الادلة بالله والا هيئة العلماء السودان قاعدة
| |
|
|
|
|
|
|
|
|
 Re: البشير يرشح شابَاً لخلافته علي رئاسة السودان (Re: أسامه الكرور)
|
إنت إتعلمت صحافة وين؟؟؟؟
العنوان الإخترته للبوست لا يشبه مضمون البوست
العنوان يشي بأن البشير قد رشح شخصا (شابا) بعينه للرئاسة
ومضمون الخبر يقول غير كدا
بس دي ما المشكلة
المشكلة إنه ما في ديكتاتور بخلي السلطة بمحض إرادته
ما هو علي صالح كم شهر وبيقول في الكلام دا وغالبه تنفيذه
الإنتفاضة/الثورة لإقتلاع الديكتاتور قادمة رغما عن الكم الهائل من البتابت والبشتنة
| |
|
|
|
|
|
|
|
|
|
Re: البشير يرشح شابَاً لخلافته علي رئاسة السودان (Re: amir jabir)
|
| Quote: البشير يرشح شابَاً لخلافته علي رئاسة السودان |
كان تقول الملك البشير يرشح احد الشباب
لرئاسة مملكة السودان
اخى السيدح غربة تلاتين سنه وقراية اولادنا النوابغ بالدولار
فى الوطن ولما يتخرجوا يقولو ليهم قضوا الخدمه الالزاميه
والتعامل فى الطريق لما نكون مضطرين نمشى نؤدى الواجب
عشان نعزى ارحامنا فى الميتين
وتعامل عساكر المرور والله ما رفعت عندنا الضغط
لكن جنس كتاباتكم دى اياها النتخلينا نبلع الاسبرين
ارحمونا وتطلفوا بنا
| |
|
|
|
|
|
|
|
|
|
Re: البشير يرشح شابَاً لخلافته علي رئاسة السودان (Re: amir jabir)
|
سلامات يا السيدح
شاب دي خشوم بيوت لو الرئيس عمرو كم سبعين حيشوف زولعمرو 55 شاب
البشير حيختار زول شاب ما يسلمه للمحكمة الدولية
لكن الشاب دا لو طلع ذيهم وغدر بيه ذي ما هم غدروا بشيخهم الذي عملهم السحر
يبقى الرماد كال حماد..
احسن لاي زول مطالب يكنكش فيها ويموت في الاوفيس.
اهم حاجة الشاب دا يكون شبع قروش عشان ما نقعد 20 سنة يسرق فبها ويقرر بعداك يحكم.
دايرين شاب حرامي من الحضانة يجينا مستوي وشبعان.
ا
| |
|
|
|
|
|
|
|
|
|
Re: البشير يرشح شابَاً لخلافته علي رئاسة السودان (Re: Afraa Sanad)
|
Quote: البشير يرشح شابَاً لخلافته علي رئاسة السودان
هل يريد ان يحكمنا حيا وميتا ؟ |
اخوي قلقو
سلام عليك
ترشيح البشير بهذه الطريقة فيه انتصار كبير لفئة الشباب
هذا السودان لم ير ومنذ استقلاله رئيسا شابا عدا ايام معدودات للصادق المهدي وكان مختلفا عليه
حتي من داخل اسرته علي الرئاسة.
الان البشير ختاها ليكن في عبكن فتقبلوها قبولا حسناً وخلوا الجلاحة دي.
تحياتي
| |
|
|
|
|
|
|
|
|
|
Re: البشير يرشح شابَاً لخلافته علي رئاسة السودان (Re: عبدالعزيز الفاضلابى)
|
اخونا السيدح والأخوة المتداخلون ,
الرئيس يقنطر فى الأمبراطور(اسامة عبدالله) ليخلفه,وكل الشواهد والظواهر تدل على ذلك .فالرجل حاليا هو الحاكم الفعلى للسودان فهو من كنس امامه مهندس مكاوى وعوض الجاز واجبر د.عبدالعظيم ميرغنى مدير الغابات على الأستقالة ولاتنسوا الكوارث التى سببها فى امرى ومروى ودال الخ....ولم يجد حتى من يقول له تلت التلاتة كم .
واتحداكم واراهن على ذلك .
| |
|
|
|
|
|
|
| |
عبد اللطيف السيدح
فايزودالقاضي
قلقو
Asim Fageary
HAIDER ALZAIN
سلمى على محجوب
يسرى معتصم
Mannan
أسامه الكرور
Nasr
حذيفه ابراهيم الكباشي
خدر
Ahmed Abdallah
amir jabir
خالد المحرب
Afraa Sanad
المسافر
عبدالعزيز الفاضلابى
فيس بوك
تويتر
انستقرام
يوتيوب
بنتيريست