|
|
|
 Re: مش انت .... بتاع سودانيز اون لاين ؟؟؟ (Re: سلمى تاور)
|
سلام يا سلمى
السؤال ده انا تاعبني جدا
وكتير بختني في حرج
خاصة لمن تكون هنالك مناسبات توجب عليك ان تعرف نفسك بالاسم
وغالبا ما اقول اسمي الاول فقط :
اهلا بيك انا خالد
لكن سرعان ما انكشف والبعض يستغرب فهيئتي وشكلي وطريقة كلامي
لا تدل اطلاقا على ذاك الشرس في الاسافير
ولا يتوانى بان يقول :
بالله ياهو ده بتاع سودانيز اونلاين !!
انا اؤمن بان شخصية الاسافير تختلف تماما عن الشخصية الحقيقة
ولله في خلقه شؤون!!
ولك احترامي
| |
  
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
سودانيز اون لاين
المثير للجدل
لا أذكر متى ادمنته فقد كان هذا من وقت ليس بالقصير
أسرتني فيه العديد من الاسماء
أحتفظ بمكتباتهم في مفضلتي ، لا أفوت لهم حرفاً
و اصبحت كثيراً ما استخدم عبارة :
_ زي ما قال .... في سودانيز اون لاين
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
ابتسم ، أعبس ، و احياناً اضحك بصوت عالي
أخاطبهم :
_ لا لا يا فلان انت غلطان في الحتة دي
_ فلان كالعادة كلامك صاح مية المية
_ يا حليلك اشتقناليك طولت الغيبة علينا
اتخيل اشكالهم و ملامح وجوههم
حركات اجسادهم و هم يتحدثون
اسمع ضحكاتهم و اتفاعل معها و كأنهم معي في غرفتي
_ يابت انت بتضحكي مع منو ؟؟؟
_ بقرا في سودانيز اون لاين
_ هو شنو هو سودانيز اون لاين دة ؟؟؟
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
خالد العبيد صباح الخير
Quote: ولا يتوانى بان يقول :
بالله ياهو ده بتاع سودانيز اونلاين !! |
ياربي يا خالد لو كنت بتكتب نفس كتابتك دي في أي منبر سوداني تاني
كان حتتسأل نفس السؤال ؟؟؟
بالله ياهو دة بتاع الراكوبة ؟؟؟
أو
بالله ياهو دة بتاع سودانيات ؟؟؟
ما أظن
طيب في رأيك ليه ؟؟؟ شنو الخلا سودانيز اون لاين
يبقى سودانيز اون لاين ؟؟؟
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: ABDALLAH ABDALLAH)
|
سلام يا سلمى
أحكي ليك سالفة
كنت في مطار الخرطوم قادما الى مسقط على متن الطيران الاماراتي
لدى صعودى الى الطائرة إستلمت المضيفة تذكرتي بكل رقة وقالت لي تعال اوريك مقعدك ( اخوك باقي زول ضهاري ساي ما بعاين للارقام وكدا ) اها وجدت نفسي جنب شاب تليع( سمين يعني) ووجيه . رفع عينو عاين لي وضحك ، قلت ليهو السلام عليكم طوالي رد لي مبتسما ( الف مرحب بالمسنوح وين عنكوليبك؟)
كانت تلك العبارة مفتاحا لرحلة جوية سعيدة تخللها الكثير من الحكي عن سودانيز اونلاين وناس سودانيز
سألته من انت ؟ قال لي أنا خالد ..... القنصل بالسفارة السودانية بنيو يورك
وحاجات كتييييييييييييرة يا سلمى
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: الطيب شيقوق)
|
| Quote: السلام عليكم طوالي رد لي مبتسما ( الف مرحب بالمسنوح وين عنكوليبك؟) |
الله يهديك ياسلمى
ويهدى اخونا الباشمهندس سيد الحوش بكرى ابوبكر
جنس الفضائح دى شنو ...
الناس بذكروهم بحياتهم المميزة والشركات الكبيرة والعمارات البيوت الفاره ... وانت المسجم والمردم فى عنكوليبك
ــــــــــــــــــــــــــــ
الحقيقة الاخوة الصادقة والمحبة الحقيقى لك من بداخل هذا الحوش الكبير وزواره الافاضل
حقيقة السوال المحير لنا لماذا نحن ساكنى الحوش محل الاستفهام دائما بكل ما يحمل خيرا كان او عكس ذلك
هل هو فعلا التميز والترابط التعايش المميز بين افراد اسرة سودانيز اون لاين
وما اكثراللحظات التى تمر علينا ونكون فى موقع المحاماه عن هذا الحوش الذى اصبح على لسان كل فرد سواء كنت فى موقع الايجابية او السلبية
نسال الله ان تكون دائما اخوة متحابين ويجمع بيينا فى اجمل اللحظات السعيدة
والشكر من بعد الله الى الوجيه بكرى ابوبكر ولك انتى اختى سلمى على الموضوع والطرح الجميل .
| |
|
|
|
|
|
|
|
|
 Re: مش انت .... بتاع سودانيز اون لاين ؟؟؟ (Re: Yousif A Abusinina)
|
** الأُستاذه سلمى..
** ســلام وصباحك خير..
## فـعـلاً جعل صاحب هذا الحوش  ود ابوبكر هذا المكان واحه يلتقى فيها كل الوان الطيف السودانى ونشأت فيه صداقات وعلاقات إجتماعيه وتزاوج ,, مما جعل الواحد منا عند سفره لإى بقعه فى العالم يكون حريصاً على لقاء ,, شعب وقبيلة واهله بسودانيزونلاين ,, شكراً لمن جعل ذلك مُمكناً ,, وجعل أُسرة هذا الحوش تتفق وتختلف داخل الحوش ومن دون أن يؤثر ذلك على ترابط علاقاتنا الإجتماعيه..
(ودام الود بين الجميع فى وطن من لاوطن لهم)
(ابو محمد فؤاد) - الماكيكى..
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: Yousif A Abusinina)
|
هلا بسودانيز
وقصصو عجيبة وكثيرة
واعرف من هم خلف الكواليس يحفظون هذا المنبر عن ظهر قلب
اكثر من الاعضاء وبعضهم يطل عبر الفيس بووك بكل اريحية وتحس بانه ايضا عضوا معنا هنا في هذا المنبر
عموما المجد للسودانيز
رغم ما يحتويه من من محن وبلاوي الا انه بالتاكيد عالم جميل
وسلام يا سلمي ووينك مدسية من خالك
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: الطيب شيقوق)
|
على قلة ظهورى فى المنبر
يبادرني شخص ( مرحب ياسهل كيفك ووينك ما ظاهر الايام دي )
اتلعثم واحاول ان اجمع ، اى صديق هذا الذى لم تسعفني ذاكرتى على تذكر اسمه
اين التقينا ، هل هو زميل دراسة ؟ ام ركبنا مواصلات ام أم ، قبل ان يواصل حديثه
ويذكر ( سودانيز اونلاين )
فتتفكك طلاسم اللغز واعرف ان صديقى ربما عرف الجلابية التى اصبحت رمزاً لعادل سهل
واذكر ذات يوم قابلني أحد طلبتى فى جامعة قطر ذات ليل وانا البس الزي السوداني الكامل ( الجلابية ) خلافا للشكل الذى إعتاد ان يراني به فى الجامعة
فسألني " تعرف حد سوداني فى جامعة قطر اسمه عادل سهل " فقلت له لا اعرفه يامحمد الكواري.
فصورة البروفايل إن كانت إسفيرية او واقعية ، ترسخ فى الاذهان أكثر من غيرها
فها نحن نعرف اصدقائنا ايضاً بسياراتهم ، وملابسهم ، واحيانا برائة عطورهم ( كالبهاري أحمد عبد الله )
شكرأ سلمي بوست جميل .
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: عادل سهل)
|
سلمى سلام عليك
كلامك صحيح حصلت معى بما انى مقلة جدا فى سودانيز كنت فى زيارة للسودان وتخلف عفشى ونحن بمطار الخرطوم جاء مندوب الخطوط الافريقية لكى يكتب اسماء اصحاب العفش المتخلف
بعد ذكر اسمى سلم على شاب مهذب واسرته قال لى انتى فى سودانيز ؟
كان الاخ عضو المنبر الوليد من بلجيكا حضرنا معا فى نفس الطائرة وكانت لحظات جميلة وامتدت حتى بعد عودته الى بلجيكا
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: انتصار محمد صالخ بشير)
|
Quote: د. نجاة محمود كتبت: سلامات يا سلمى
زمان الزول كان بفتخر بالانتماء
اسع من تقول اي
يقولو ليك ياخي ناسكم ديل كضابين خلاس
ولا ما محترمين
فاحس بالخجل |
دي بتتوقف على حسب الزول الموجه له السؤال ...
أنا برضو مرّات بسأل عن رأي الواحد في سودانيز أونلاين ...
وكتير جداً الواحد على حسب ما هو شايت وين بورّيني رأيو بصراحة ...
وأغلب الموالين لنظام البشير على حسب عيّناتي العشوائية بقولوا نفس الكلام المكتوب في الاقتباس الاقتبستو ليك دة ...
دمتِ بود ،،،
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: رانيه محمد الشيخ)
|
| Quote: وأغلب الموالين لنظام البشير على حسب عيّناتي العشوائية بقولوا نفس الكلام المكتوب في |
قرقرقررقرقررقررر
اها عشان العينة الناس بقت تقول الكلام الكتبتوا
رايك شنو لو قلت ليك انه البقولو الكلام دا ناس عاديين وجلهم ربات بيوت كمان
ما عندهم اي توجه سياسي حتى..
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: احمد الامين احمد)
|
سلمى كيفنك
حصلت لي مرات كتيرة خلاص
في عطلتي الاخيرة ذهبت للأخ الطاهر ساتي في الجريدة
سألت الزول بتاع الرسبشن
قام قال لي نقول ليه منو
قلت ليه طارق جبريل
قام قال لي انت بتاع الطلح في سودانيز اون لاين (يقصد بوست حفرة دخان سكينة بت ود جيب الله)
قلت ليه ابوي لو سمعك كان هسي بكون مدفون في مقابر الصحافة جنب امي رحمها الله
وانا طالع قالي: ياخي عليك الله تم لينا قصة (الطُلبة)
مرة دخلت محل نيت جنب برج البركة
قلت اشوف ايميلي وامشي البيت
اتنين جنبي كانوا بيتغالتو: ياهو ياخي طارق الطُلبة
التاني قال ليه: ياخي عرفتو كيف هو دايما خاتي صورة امه
قال ليه: ياخي في رمضان شوفت صورته مع بورداب المغرب
جوني سلموا علي: ياخي نحن مشبهنك علي زول اسمه طارق جبريل
قلت ليهم: ياهو مقطوع الطاري
طوالي فقعوا ليهم ضحكة
ياخي تتخيل نحن قايلنك مشلخ شايقي
نفس الحتة بتاعة الشلوخ دي لمن قابلت بهاء بكري(قطر)
قال لي والله يا طارق انا مفتكرك زول مشلخ لاااورا ولابس ليك عراقي وسروال
غايتو جنس شيل حال
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: صبري طه)
|
انت يا صبري قديم جدا متفكر ربات البيوت اميات ولا شنو؟
ربات البيوت ديل من ماجستير وانت طالع من تخصص رياضيات الى اقتصاد
مرورا بي صيدلة وتخصصات تانية كثيرة جدا..
عندهم وجهة نظر في البورد دا سالبة جدا وبفتكروا انه المفروض ما اكتب فيه
انت مفتكر ربات البيوت ديل حقات الشمارات ديلاك وخاص بالمجالس؟
ديل ما عندنا هنا يا ملك
العندنا هنا قمة العلم والثقافة
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
Quote: د. نجاة محمود كتبت: انت يا صبري قديم جدا متفكر ربات البيوت اميات ولا شنو؟
ربات البيوت ديل من ماجستير وانت طالع من تخصص رياضيات الى اقتصاد
مرورا بي صيدلة وتخصصات تانية كثيرة جدا..
عندهم وجهة نظر في البورد دا سالبة جدا وبفتكروا انه المفروض ما اكتب فيه
انت مفتكر ربات البيوت ديل حقات الشمارات ديلاك وخاص بالمجالس؟
ديل ما عندنا هنا يا ملك
العندنا هنا قمة العلم والثقافة |
يا دكتورة إنتِ مفتكراني مكركب وكرمّبة ...
لو ما خايفك تتحسسي كان ممكن ناديتك بماما نجاة ...
قلتِ لي قديم جداً وكدة مش ؟!
وكلامي دة ما خاص بربّات البيوت ...
برضو أرباب البيوت لمّا يقعدوا في القهاوي ويشربوا الشيشة ومهما بلغ مستوى تعليمهم برضو الواحد مع كل نفس شيشة لازم يديها كوز كوزين كدة من الشمار أبو تقيلة ...
وما تنسي إننا كسودانيين انطباعيين جداً ...
يعني هسي لو نزّلت لي بوست إنو الهونداي فيها عيوب تصنيعية بلقى الخبر دة انتشر من حلفا إلى نمولي وكمان معاهو أدلة أنا ما قلتها ولا ذكرتها يعني بزيادة كوز كوزين كدة ...
فما تفتكري أنا بحاول أقلل من شأن المرأة ... المناسبة هنا على حسب ذكرك عبارة "ربّات البيوت" ليس أكثر ...
ولكِ ودّي ،،،
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
مرحب بيك يا عبدالله
Quote: بالمناسبه اليومين ديل ولدنا لوال دينق لاعب الباسكت المشهور مخلِينى
عايش فى عظمه وسط الأمريكان فى واشنطن.. |
التحية لي لوال دينق
رغم ان " السياسات الخرقاء " أبت إلا ان تحرمنا هذا الشرف قريباً
و يصبح دينق مواطناً لدولة أخرى " كانت " مع دولتنا تسمى السودان
دينق الذي كانت " إنجازاته " سبباً لك " انت " ان ترفع رأسك و تقول :
_ أنا برضو " سوداني " زي دينق .
شفت كيف ، إحساس جميل مش ؟؟
و لكن للأسف " أحدهم " بمنصب ما أبت نفسه إلا أن يحرمك هذا الاحساس
و يحرمك أن تكون مع دينق ضمن " قبيلة " واحدة .
" السياسات الخرقاء " دي حاجة كعبة خلاص
صاح ؟؟
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
الطيب شيقوق
أريتك طيب
| Quote: كانت تلك العبارة مفتاحا لرحلة جوية سعيدة تخللها الكثير من الحكي عن سودانيز اونلاين وناس سودانيز |
ناس سودانيز
قادرة اخمن الاسماء الممكن تكونو اتكلمتُ عنها
فعلاً ناس سودانيز
سودانيز اون لاين " بيهم " بقى سودانيز اون لاين
تخيل لو كانت الاسماء الاتكلمتو عنها دي _ أياً تكن هذه الاسماء
و انت منهم يا الطيب بالضرورة _ تخيل لو ما كانت بتكتب في سودانيز
هل كان ممكن رحلتك دي تكون بنفس المتعة الكانت عليها ؟؟؟
إذاً ، الشكر " لناس " سودانيز أون لاين
لجعلهم هذا ممكناً
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
Quote: قادرة اخمن الاسماء الممكن تكونو اتكلمتُ عنها
فعلاً ناس سودانيز |
يا سلمي بت اخوي الله يخليك فعلا حتى القارئ لسودانيز قدر يعرف منو ناسك المشكلين معاك محور في المنبر - بالتأكيد الكل يعلم انا في مسقط لذا يتبادر الى ذهن القارئ ، من غير الاعضاء ، خصوصية العلاقة مع ناس مسقط ، المرتضى الجميل وود القرشي السمح ، وناسك الاسفيريون الذين تعودوا مشاركتك في مواضيعك والعكس .
Quote: تخيل لو كانت الاسماء الاتكلمتو عنها دي _ أياً تكن هذه الاسماء
و انت منهم يا الطيب بالضرورة _ تخيل لو ما كانت بتكتب في سودانيز
هل كان ممكن رحلتك دي تكون بنفس المتعة الكانت عليها ؟؟؟ |
إطلاقا (لا) وازيدك كمان حتى علاقتنا نحن المسقطيين لم تكن بهذا المستوى من التواصل قبل الولوج الى عوالم سودانيز الاسفيرية . والاخطر من كدا كمان لما نلتقي في المناسبات ، افراحا او اتراحا، بننزوي نحن البوردابيين برااااااااااااااااااااااااااانا ونحكي عن سودانيز وسماحة ناسا ونكره اي حد يجي وسطنا عشان يصرفنا عن سوالف سودانيز .
سلمى - شكرا ليك بوست جميل جميل ورائع
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: الطيب شيقوق)
|
سلمي تسلمي والله
فتحتي سيرة حلوة .... شعرت فيها باخوية وزمالة
نحن ابناء هذا المنبر وكلنا سواسية ... وكلنا في جبهة واحدة بمختلف افكارنا وتوجهاتنا وميولنا السياسية ولنسمها " جبهة سودانيس اون لاين "
الشكر للاخ المهندس بكري ابوبكر صاحب هذه الاريحية الرائعة ... وسيشهد له تاريخ العمل الاعلامي الحر ... بانه صاحب اول منبر حر ....
اما عن حديثثك عن ... انت بتاع سودانيس اون لاين ...
فانا اكتر واحد سمعت هذه الجملة
انت صلاح غريبة بتاع سودانيس اون لاين
سمعتها وانا في القاهرة وفي اسوان
وفي جدة والرياض .....
وقبل ايام وانا في حفلة ضخمة ..... واقف واحد من الحضور وقال لي انت مش صلاح غريبة
قلت ليهو اي ... قال لي عرفتك من صورتك
ولكن بيني وبينك الصورة الخاتيها قديمة شوية
ثم يكون الاستعجاب التالي ....
انت مش زي صلاح غريبة الفي المنبر
انت اخو اخوان وطيب وقلبك ابيض
طيب الحاصل شنو ..........
طبعا انا ردي دائما ... هو الابتسامة
====================
الشكر لبكري ... الشكر لك ... الشكر لكل من جمعنا معه هذا المنبر الرائع
وانا بدوري اتقدم بالاعتذار لكم من مسه سهامي ... وانا بدوري قد عفوت لك من اصابتني سهامي
ودمتم .. احبتي
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
أهلاً يوسف
إن شاء الله انت كويس ؟؟
| Quote: حقيقة السوال المحير لنا لماذا نحن ساكنى الحوش محل الاستفهام دائما بكل ما يحمل خيرا كان او عكس ذلك |
نفس السؤال الذي طرحته بصيغة مختلفة
و كتبت البوست دة مخصوص عشان ألقى ليهو إجابة
و لسه ما لقيت
هو شنو سودانيز أون لاين ؟؟؟
و " كيف " بقى سودانيز أون لاين " المثير للجدل " ؟؟؟
و ليه ؟؟؟
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
التحية مرة أخرى لكل من مر من هنا
و سرد قصته مع " سودانيز أون لان "
و لكن السؤال العملت عشانو كــــــــــــــــــــــل الهيلمانة دي لسة قاعد
كيف سودانيز أون لاين بقى سودانيز أون لاين ؟؟؟
كيف بقى " البورد " معرف بالالف و اللام ؟؟؟
" البورد " التي لا تعني أي مكان آخر غير هذا المكان
و اصبحنا نحن " البورداب "
ملا حظين لل " بورداب " دي ؟؟؟
المنتديات و المنابر السودانية بالمئات
و لكن مكان واحد فقط يقال له " البورد "
منو العمل دة كلو ؟؟؟؟؟
بكري أبوبكر ؟؟؟؟؟
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
الاخت سلمي
كما ذكرتي بعض الاحيان هذه العبارة تشعرك بالزهو خاصة عندما تاتي من راجل مشهور
ففي اجازتي الاخيره بالسودان وسيارة صديقي اسامه فرحان خستكت جنب دار الفنانين
"المهن الموسيقية حاليا " فذهب اسامه ليعبيء جلكانة مويه
وجائني بصحبة صديقه الفنان علي السقيد
عندما بدا اسامه بتعريفي له فاجاني وفاجاه بنفس العبارة
مش بتاع سودانيزاونلاين
واضاف
وكمان بتعزف الة نفخ كده ما عارف طرمبه ولا ساكسفون ؟؟؟
حينها شعرت باني اشهر منه
هههههههههههههههههههههه
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: محمد أبوالعزائم أبوالريش)
|
ما زالت الاسئلة بلا إجابات
لنكن و اضحين أكثر
العديد من المداخلات هنا ذيَلت بالتحايا لسيد بكري ابوبكر
و له التحية بلا شك ، فهو صاحب هذا المكان
و له شرف تأسيسه و يحمل أسمه لا يحق لأحد أن يسلبه هذا الشرف
و لكن ، يا عزيزي بكري ابوبكر
ألا ترى معي أن " ملكك الحر " هذا ما كان ليكون بهذا " الصخب " لولا حروف أولئك الذين اخترتهم انت بعناية
كي يصنعوا هذا الذي نفتخر به جميعنا .
و يجعلوا منك أنت
بكري ابوبكر
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
ابو محمد فؤاد
يسعد صباحك
| Quote: ## فـعـلاً جعل صاحب هذا الحوش ود ابوبكر هذا المكان واحه يلتقى فيها كل الوان الطيف السودانى |
التحية لود ابوبكر
و لكن واحته بدأت تفقد أزهارها
ألوان الطيف بدأت تتناقص هنا يا عزيزي
من حق هذا المكان علينا ان نفعل شيئاً
قبل أن يسوده لونٌ واحد
أليس كذلك ؟؟؟
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
الخال كيكي
أفتقدك يا خال
لكن ما مشكلة ، المجد لأيوتا معبودة الرياح
Quote: واعرف من هم خلف الكواليس يحفظون هذا المنبر عن ظهر قلب
اكثر من الاعضاء |
من هو خلف الكواليس
يعرفون هذا المكان بجخانين كيكي
و بضحكة ودالصايم
و بتأملات ملاسي
و بعنكوليب ودشيقوق
و بلوتري الخير
و ببكرة نعيم علي الدايماً أحلى
و بأسماء كثيرة أخرى لا يكون " البورد " إلا بهم
منهم من رفع في وجهه " الكرت الاحمر " و منهم من ينتظر
و منهم من آثر الاختفاء
ترى أما يزال من هم خلف الكواليس
يحفظونه بعد أن بدأت ملامحه في التغيير ؟؟؟
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: خالد المحرب)
|
الاخت/ سلمى
سلام
فترة الانضمام للمنبر في فبراير 2007 ممكن تكون قصيرة في الزمن لكن من خلال هذا الصرح كان هنالك التمدد والمعارف الجميلة, وعرفت أن اهلنا في السودان هم أكثر المتابعين لحركة المنبر.. ورغم اني لم ألتقي قراءا وكتابا الا من قدم هنا في جنوبي شرق آسيا, لكن أحيانا كثيرة أجد أميلات من قراء المنبر.. فهنالك الكثرة الغالبة خارج المنبر يتابعون كل شئ..
الاخ بكري له الشكر الكثير..
لكن المنبر بنته هذه الاقلام الكثيرة المتباينة..
وأضم صوتي لك.. أنهم من صنعوا هذا الهرم الكبير
فهم الملاك لهذا الاسم الكبير..
لكن والتجربة حية.. لا يملكون حق الاجير في شأنهم هذا..!!!
تحياتي
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: Abdlaziz Eisa)
|
| Quote: مش انت .... بتاع سودانيز اون لاين ؟؟؟ |
وكمان يسألوا منك السؤال دهـ فى منتدى آخر !!! وانت غرقان فى بوست يجيك واحد ويقول ليك موش انت بتاع سودانيز اون لاين؟
الظاهر بدلاً من أن كنا نسأل فى السابق إنت من اولاد وين ؟ ودرست فى ياتو جامعة ... الآن أصبحت الأسئلة الاستيضاحية عن الشخصية تحتوي على "بتكتب فى ياتو منتدى ؟"
يا لسودانيز اون لاين من عالم جميل ... الغريب فى ناس يسبو لسودانيز لون لاين ليل ومكنكشين فوقه !!! دهـ بيكون من شنو يا ربي؟
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: Abdlaziz Eisa)
|
Quote: الاخ بكري له الشكر الكثير..
لكن المنبر بنته هذه الاقلام الكثيرة المتباينة..
وأضم صوتي لك..أنهم من صنعوا هذا الهرم الكبير
فهم الملاك لهذا الاسم الكبير..
لكن والتجربة حية.. لا يملكون حق الاجير في شأنهم هذا..!!! |
يا عزيـــــــــــــــــــــــــــــــــــــــــــــز
الله يختها ليك في ميزان حسناتك ياخي
Quote: أنهم من صنعوا هذا الهرم الكبير
فهم الملاك لهذا الاسم الكبير |
100% فكرة هذا البوست
| Quote: لكن والتجربة حية.. لا يملكون حق الاجير في شأنهم هذا..!!! |
100% المشكلة التي يناقشها هذا البوست
و يحاول أن يجد لها حلاً .
لا نريد أكثر من حق الاجير يا سيد بكري
ان يكون آمناً على " ممتلكاته " هنا
و على " سمعته " ، و أن لا يطرد من غير سبب
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: سلمى تاور)
|
زمان يا سلمى لما طلع قرار سيء الذكر اوكامبو
ضد المشير البشير
وفي اول رحلة للمشير البشير للخارج فتحت بوست
عنونو
وييييييييييييو ( 1 )
وتوالت الويييوات حتى ( 7 )
يوم في حفل جيت اسلم على الجماعة بعرف فيهم واحد
اها قام سلم
اوووووووو ود الباوقة
فبادرني من كان يجلس بجواره بالله انت ود الباوقة بتاع سودا.....
عليك الله
الوييييييييييو دي اصلو ما تقيف
شكرا سلمى بوست حلو
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: ود الباوقة)
|
Quote: التحية لي لوال دينق
رغم ان " السياسات الخرقاء " أبت إلا ان تحرمنا هذا الشرف قريباً
و يصبح دينق مواطناً لدولة أخرى " كانت " مع دولتنا تسمى السودان
دينق الذي كانت " إنجازاته " سبباً لك " انت " ان ترفع رأسك و تقول :
_ أنا برضو " سوداني " زي دينق .
شفت كيف ، إحساس جميل مش ؟؟
و لكن للأسف " أحدهم " بمنصب ما أبت نفسه إلا أن يحرمك هذا الاحساس
و يحرمك أن تكون مع دينق ضمن " قبيلة " واحدة .
" السياسات الخرقاء " دي حاجة كعبة خلاص
صاح ؟؟ |
العزيزه سلمى
شكرا لتعقيبك على مداخلتى وأسمحى لى بأن أقول :-
لوال أنت سودانى وسودانى أنا
ضمنا السودان فمن يفصلنا
لوال
قل معى لا عاش من يقصلنا
تعرفى يا سلمى فى حالة إنقسام السودان , أنا والحبيب لوال دينق
بنبقى زى الإخوان الأبوهن طلَق أمهم.
بالتأكيد سنظل منتسبين لنفس الأب ولنفس الأم ومتحسرين لإفتراقهما
لكن بنعيش على أمل أن يأتى يوم يلعن فيه الأب والأم الشيطان ويعودان
للإرتباط ببعضهما,,,
دحين بتعرفى الشيطان دا منو يا سلمى؟!!!!
ولك ودى مرة أخرى يا بنتى.
بالمناسبه البوست دا مالو؟ كان شويه راكن.
| |
|
|
|
|
|
|
|
|
 Re: مش انت .... بتاع سودانيز اون لاين ؟؟؟ (Re: Mohammed Awad)
|
قد تكون تجربتي أنا من خلال سمعة سوادنيزأونلاين مختلفة عن بقية التجارب. ذهبت مرة بنفسي لخطبة شابة
من أهلها، قدمتني الشابة لأبيها: يا هو ده نصر الدين يا أبوي الكلّمتك عنو..
مد الأب يده إلي ببرود: أهلاً وسهلاً.. اتفضل أقعد..
(أنا بمجرد ما لقيت الأب عندو دقن قلبي أكلني وقلت في نفسي اللهم أجعله خير..)
جلست بهدوء وأدب وأنفاسي تطلع وتنزل من رهبة الموقف..
أردف الأب: بس ما وريتنا اسمك بالكامل..
أجبت: اسمي نصر الدين البشير..
وقبل أن أكمل الراء في اسم أبوي سألني باستعجال: إنت بتاع سودانيز أونلاين القاعد يشتّم ناس الحكومة؟
قلت ليهو: أيوة أنا بتاع سودانيز أونلاين القاعد اشتم الحكومة..
قال لي: أنا ما عندي ليك بت يا شيوعي يا عميل اسرائيل إنت..
قلت ليهو: أنا ذاتي ما بتشرّف أناسب كوز ######## زيك يا انتهازي ياإرهابي..
تقدم نحوي وقال وهو يرتجف من الغضب: أطلع من بيتي قبل ما أنادي ليك الشرطة..
قلت ليهو: ما بطلع من هنا يا سدنة إنت إلا بعد أتفشى فيك.. وحتى لو قلت لي أديناك، أنا ما عايز أناسبك..
خرجت بعد ذلك من بيته بطوعي وقفاي يأمّر عيش ودرب الرجعة ما عرفتو..
ما خفف عني، أنه بعد خروجي مباشرة، مر بجواري بتاع ركشة..
أشرت ليهو فوقف..
سألني: وين يا ابن العم؟
قلت ليهو: وصلني الديم..
نظر إليّ شذراً ثم سألني: الأخ شيوعي؟
قلت ليهو بزهج وخراج روح: شيوعي وعميل إسرائيلي وكمان حلايب مصرية..
فسكت ولم يقل بغم حتى نهاية المشوار..
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: saadeldin abdelrahman)
|
Quote: عمك بالغ معاك يا نصر
ما سمع بأسس حوار و أديني رأيك في الأخير؟
هسه قطع نصيب بتو لا إيدا لا كراعا..
بركة الربنا كفاك شرو ياخ! |
يا أبو السعود لو جيت للجد الراجل معاهو حق،
مافي داعي يجيب ليهو بلوى في بيتو..
الزمن ده الأهل عاوزين يناسبو الحرامية والأمنجية،
والزينا كده ما بنافس معاهم..
أنا غايظني سؤال بتاع الركشة، أظنو عميل لعمك!!
غايتو بلة ود عشة ما أدى بتاعين الركشة أي حاجة..
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: ود الباوقة)
|
Quote: نصر الدين
محمدا لله على سلامتكم
هههههههه
والله قصة لذيذة
تاني بتجي المولد
|
يا ود الباوقة كان في غلط في التكتيك بتاعي
أنا المفروض كنت أنسق معاك في الأول وبعد كده أتقدم..
لكين نقول المكتولة ما بتسمع الصايحة..
وأبكيييي أبكي النهاية..
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: saadeldin abdelrahman)
|
تحايا عطرة الأخت سلمى..
في الحقيقة أنا لي زمن feeling bored وإكتفيت بالمتابعة "خلف الكواليس".. أحس أن البورد فقد جاذبيته.. أصبحت هناك كثير من المهاترات وعدم الجدية في الطرح (أقصد عدم الموضوعية).. بكل تأكيد هناك مواضيع غير جادة ولكنها مشوقة. على العموم يظل البورد متنفس سوى كان بالمشاركة أو المتابعة..
وتسلمي على فتح باب للنقاش.
| |
|
|
|
|
|
|
|
|
|
Re: مش انت .... بتاع سودانيز اون لاين ؟؟؟ (Re: ABDALLAH ABDALLAH)
|
سلامات سلّوم
جمعتك مباركة يا حبيبة
تعرفي أنا عندي إحساس ما بعرف لو في زول بشاركني فيه في قصة مشاهير سودانيز أون لاين
سودانيز بالنسبة لي دي زي مسلسل يومي مشهور فيه أحداث كثيرة خالص و فيه شخصيات بارزة بتخلي
الناس تتأثر بيها
و بي شخصياتها و تصرفاتها و بتتبع كل البحصل ليها و البتعملوا هي
من ناحية تانية يتخيل لي لو إمكانية الكتابة لكل الناس الموضوع كان حيختلف
شوية و القصة دي زاتها بتخلي ناس كتيرة ما مشتركة هنا تقول
أخ بس لو عندي عضوية و الله كان عملت عمايل و كان قلت لي فلان و كان و كان و كان
هسى أي شخص بتصفح الموقع بيلاقي كمية من الناس منهم البتحس إنو بتكلم عنك تماماً
و العكس برضو عشان كده بتلاقي شخصيات كتيرة بقى ليها محبة و شعبية للناس البتقرأ المحتويات
غير كده سودانيز بيدي مساحة للناس إنو تتكلم كأنو بتتكلم مع نفسها
قدام الناس يعني متنفس على الهواء بتفرغ أفكارك و مشاعرك فيه و بصراحة تامة المتديات عموماً
ما فيها المساحة الفي سودانيز أون لاين حتى لو في أفكار قابلتها الناس بالرفض بس برضو بتقول
ما في نفسك
و أي زول بمارس نفسه
تحيّاتي و عميق ودي
| |
|
|
|
|
|
|
| |
سلمى تاور
خالد العبيد
ABDALLAH ABDALLAH
الطيب شيقوق
Yousif A Abusinina
عبدالكريم أحمد الامين
عبدالكريم الامين احمد
عادل سهل
انتصار محمد صالخ بشير
احمد الامين احمد
طارق جبريل
haroon diyab
صلاح غريبة
هالة الأقرع
حاتم شناب
تبارك شيخ الدين جبريل
محمد البشرى الخضر
محمد أبوالعزائم أبوالريش
معاوية عبيد الصائم
ALZOLZATOO
Abdlaziz Eisa
الفاتح شلبي
عبدالله كع
saadeldin abdelrahman
فيصل محمد خليل
Mohammed Awad
Nasruddin Al Basheer
ذواليد سليمان مصطفى
باسط المكي
فيس بوك
تويتر
انستقرام
يوتيوب
بنتيريست