|
|
|
 Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
جميل اذا الباقر بي طريقتو جلب تمويل اجنبو او طلع منو مرتبو، ممكن يقول دي مؤسسة خاصة "مستقلة" الي اخره!
ولكن المصيبة الباقر من المؤسسين لي تنظيم سياسي طارح نفسو كبديل للنظام الحالي او زي غيرو يتطلع الي امتطاء ظهرنا نحن الغلابا الناخبين، او بي كده بروز هذا الجسم علي يد قيادي في تنظيم سياسي، حيخلط الاوراق خلط رهيب، وهذا معيب او قبيح جدا جدا!
الانكأ والامر الباقر بكل قوة عين بحاول التكويش علنا علي جيفة الكركور حق، وهذا عجيب!
| |
  
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
بالنسبة لي هالة المسكينة لمان ودت او جابت لقت ناس الباقر كاتلين الجدادة او خامين بيضا او هي مارقة بي قد القفة او مرقت من حمص من مولد التمويل الاجنبي الحاتلين فيهو ناس الباقر او بطانتو!
حراق الروح هنا دفعا للانتقام من الباقر بلا تروي، او ربما حست الزمن ده كلو كيف كانت مغفل نافع للبعرفو من اين يؤكل كتف خروف الاعانات الاجنبية!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: محمد أحمد الريح)
|
| Quote: كل هذه المنظمات والمراكز صارت ملكاً خالصاُ لمالكيها وسيتوارثها أبناءهم وأحفادهم! |
محمد احمد الريح مرحب بيك.
نعم، كلامك صاح او حقيقة ماثلة للاسف الشديد.
لا ينبغي لنا كقوي بديل تمرير مثل هذه الممارسات والذهنية البتنتجا، مرور الكرام.
هؤلاء يفترضون فينا نحن ناخبيهم الغباء، او ده في حد زاتو الغباء بي عينو!
السبب الاساسي لمثل هذه الظاهرة هو ضعف الرقابة من جمهور الناخبين، غير مجموعة المفاهيم الخاطئة علي مستوي القواعد فوق لي نزعة المجاملة المتفشية في مجتمعنا اللتي تضعف الية الرقابة الي حد نسفها تماما احيانا.
انا بتعجب ليه ناس حق اصلا قبلو بالجمع ما بين مركز الخاتم والحزب السياسي تحت مظلة واحدة او ميزانية واحدة تقريبا، او هم عارفين قروش المركز جاية من دولة اجنبية!
بالمناسبة معظم التمويل الامريكي الزي ده لاي نشاط خارج امريكا، ميزانيتو ماخوذة من رصيد جهاز الامن القومي الذي يشمل الCIA!
في بلد فقير كالسودان، موبوء بي محارق الابادة كيف يقبل ناشط سياسي اخذ مرتب كبير من دولة اجنبية لنشر الاستنارة افتراضا؟
هذا قطعا مزاح!
كده المسالة بتكون شغل اكل عيش، لانو المنظومة او بي موجب تمويلا الاجنبي بتكون منبتة عن واقعا تماما او معلقة في الهواء كما البالون، او ده بالضبط حال المؤتمر الوطني لنظام القتلة المعتمد علي تمويل الدولة وهذا ادي الي اجتثاث التنظيم من الشارع ياللغرابة!
عشان كده ولذات السبب مركز الباقر فجر حق من الداخل تماما، واذا واصلو كده وجودم المحدود او هلامي في الشارع حيتبخر تماما!
الاشتراكات كمثال كاساس لي تمويل اي عمل جماهيري اهلي الية مفعولا سحري في ربط المنظومة بي نبض الشارع!
الطريف الكيمان المتصارعة حول جثة حق او ارث المركز ماجايبة خبر ايا من هذا علي الاطلاق حتي الان!
دواسم كلو حول اجراءات شكلية بيروقراطية ديوانية، مع احساس طاغي بالمرارة من كوم هالة الحاسة اتخمت!
كلام الباقر حقيقة مخجل عن هالة او قوة عينو تحير!
ياخي هو لو مصر يجعل من مايسمي بالحزب واجهة لي مراح بقرة المركز الدارة، حقو يجدع العضم لرعاة هذه البقرة الحلوب!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
يا بشاشا سلام
يا اخي ده مولد مبالغ فيه.
وعارف ما يحدث حقيقي بيوضح بؤس الصفوات الناويه تحكمنا.
الفيلم ده لو قلت لك المتورطين في شرعنته منو تقوم تجاري.
ما تشيل الباقر العفيف لوحده جه القباحه كل الدجالين من عضوية المنافين مسؤلين معه.
صحيح لم يتقاسموا معه قرشا ولكنهم مسؤلين عن هذا الاستغلال السيء لمعاني الاستناره وحقوق الانسان.
فاتتك المسرحيه لما اراد الباقر ان يؤدب هاله عبد الحليم فضمى للمكز حوالي 25 جمهوري
(تخيل تلاميذ الاستاذ محمود محمد طه) يتورطوا في صراع قذر مثل هذا وصوتوا لدعم الباقر؟!
ما يفوت عليك تورط بعض الجمهورين في الامر
منهم الباقر العفيف
وبشير بكار
و البقيه طبعا اسماء صغيره!!
هنالك جمهورين كثر مستائين من هذا الصراع
ولكنه جاءهم في صمة خشمهم!!
غايتو قول يا معين بس.
فضحونا مع الخواجات.ومع الكيزان زاتهم!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Tragie Mustafa)
|
Quote: حقيقة شرط عين عديل كده انو المركز الممول بي قروش اجنبية يكون هو اساس حزب سياسي
في دولة ذات سيادة او بواسطة مستنيرين تربو علي شعارات كراهية الامبريالية؟ |
Quote: الاشتراكات كمثال كاساس لي تمويل اي عمل جماهيري اهلي الية مفعولا سحري في ربط المنظومة
بي نبض الشارع! |
سلام الله على بشاشا،
صدّقني، لا أطلّ عليك من موقع الشّامت عليهم،
لكن على ما أظن يدفعني دافع وطني بحت
إلى موافقتك في هذه القضية الحسَّاسة التي طرحتها!
والمفارقة واضحة جداً،
فهذه الأحزاب لم تمارس، أو لم تُجرب ممارسة
النضال المدنيّ، عبر العمل الجماهيريّ، أعني لم تجتهد في
ممارسته إلى الحدّ الذي يُبرر لها اللجوء إلى العنف!
فهي وصلت إلى هذه القناعة باستخدام القوة العسكرية لتغيير النظام،
في نفس الوقت الذي لجأت فيه إلى قبول الدعم الأجنبي لممارسة
النضال المدنيّ!
فصار كلٌّ من الموقفين يفضح الآخر!
يعني: كان المفروض رفض الدعم الأجنبي، والتّعويل على النضال
المدني، من خلال الاجتهاد في ابتكار مختلف الوسائل، التي
لا تستفزّ النظام المتسلّط، وفي ذات اللحظة تُيسر لك سبيلاً للتواصل
مع الجماهير!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: صلاح عباس فقير)
|
سلام يا بشاشا
| Quote: نزعة المجاملة المتفشية في مجتمعنا اللتي تضعف الية الرقابة الي حد نسفها تماما احيانا |
تعرف يا بشاشا دي أكثر شيء جذب إنتباهي لأنها تضرب لدي في وتر حساس ولقد إستندت عليها يوماً في مناقشة ودية مع أحد رموز الأحزاب السودانية وبالتحديد قلت ليهو (مسألة تمرير الأجندة وفقاً لمجاملات الأعضاء وفريق العمل الواحد بتؤدي لضعف الهيكل والمؤسسة التنظيمية) ودي طبيعة غالبية السودانيين والتي يجب التخلص منها ويجب الفصل بين الخاص والعام وبين الشخصي والبيزينس والبيوينس دا ما شرط تجارة وإستيراد العمل الحزبي والعمل الفئوي ذاتو بيزينس يجب أن فصله من الخاص.
لك التحية
عاصم فقيري
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: HAIDER ALZAIN)
|
| Quote: الفيلم ده لو قلت لك المتورطين في شرعنته منو تقوم تجاري |
قرقرقرقرقر!
الفارسة تراجي، اقوم جاري اكتر من ده؟
عارفة كل ما ادخل المنبر ده والقي العجاج قاجي حول بقيرة المركز الاجنبية دي اخوكي من الخلعة والخجلة، بعد ما يتلفت يمين او شمال كويس، بقوم فللي!
زمان كنت بتعجب من قوة عين بعاعيت البعث التكريتي، العدمو السوق "قماش النصاري" بي قروش المجرم الهالك صدام، واذا بي افاجئ من جديد باعادة انتاج ذات التجربة المهينة المخجلة، او بي صورة ابشع كمان!
علنا الجماعة ديل عكاكيزم تشق عنان السماء حول قروش المركز او بالذات الباقر!
حقيقة لاادري منو الفي كوم الباقر ولكن حكاية استعانتو بي قبيلتو من الجمهوريين لحسم الصراع لصالحو فده برضو بخلي راس الواحد يلف مروحة تربيزة!
ده زكرني قصة حقيقية لي صديق شخصي عزيز مقيم معاي هنا في كالفورنيا.
ايام الدقش في النشاط اوائل الثمانينات مابين الكيزان او بقية منظومات الجلابة، صحبي ده كان مؤتمر طلاب مستقلين، لما حمي ا########س او تمايزت الصفوف والانصار قعدو يسوو، "كتيبة النجومي تتقدم" والكيزان من الخوف يقولو "كتيبة الخرساء تتراجع"، صحبي ده اتلفت يمين او شمال، مالقي غير حبة شيوعيين، من الخلعة قام جاكي مرقا في الثورة عشان يجيب مدد من الحلة ساكت!
او فعلا جا طابق اخوهو او نزلو دقش!
قرقرقر!
ما بعرف ولكن كشعب عندنا مفاهيم كده في العمل العام حقيقة مشكلة!
بسرعة اي خلاف بتحول الي حاجة شخصية بحتة، وهذا بدورو يطلق عنان كل القيم الدكاكينية العشائرية المركوزة فينا او بي كده القضية الاساسية بتاعة الهم العام بتطش ضمة!
لاحظي انو الباقر ده، المفترض هو حبر الاستنارة الاعظم بحكم موقعو كمؤسس للمركز المناط به نشر قيم الاستنارة في السودان، بالفهم التراشي بتاع غثاء المركزية الاوربية لي مصطلح استنارة!
مع انو استنارة اوربا زات نفسها، او خروجا من ظلام العصور الوسطي، كان بي فانوس ثقافتنا الكوشية، ياللهول!
كلام زي ده، تري منو البصدقو؟
علي العكس بالله يطلعوك مجنون فاري من عنبر المجانين!
اذن مركز الخاتم ده في احسن حالاتو ماهو الامركز تغريب لي ذات اصلا طاشة او شبعانة غربة، يا"للبرادوكس"!
يازول مافي استنارة لي شعب بدفع فاتورتا شعب اخر!
هذا مزاح، ضحك علي الدقون، واستغفال للناس!
الما بياكل بي يدو ما بشبع قالو، وما حك جلدك مثل ظفرك.
علي الجمهوريين رفع ايديهم تماما اليوم قبل الغد من الفضيحة دي.
ما ممكن حتي الجمهوريين يكونو جنود او رسل تغريب من اول او جديد، وهم من نظن، نواة مركزيتنا السودانية، او رسل الوعي الكوشي القادم لامحالة!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: HAIDER ALZAIN)
|
Quote: يعني: كان المفروض رفض الدعم الأجنبي، والتّعويل على النضال
المدني، من خلال الاجتهاد في ابتكار مختلف الوسائل، التي
لا تستفزّ النظام المتسلّط، وفي ذات اللحظة تُيسر لك سبيلاً للتواصل مع الجماهير!
|
العزيز صلاح عباس مرحب بيك.
يازول مافي تغيير ايجابي في بلد بتم، بي تمويل من بلد تانية، هذه بديهة.
الاعجب هذا يتم باسم الاستنارة، يا للاستعباط بحق!
اذا لابد، فكان الاحري فصل المركز عن الحزب فصل تام شامل كامل او بالجد مش تمثيل.
ولكن الذي حدث، انو الباقر والمعاهو بعد ما اخضعو المركز تماما، زحفو بكل قوة عين علي الحزب او ده اكتر شئ بموخل، هنا!
والبطشش اكتر انو كوم هالة الي الان ماناقش الحاصل، او بتعامل مع الحاصل بي ردود الافعال المنطلقة من احساس كبير بالمرارة اللتي تشوبها الغيرة، وهذا يخلط الاوراق جميعها، بحيث ماعاد هناك فرق يذكر بين الكومين!
هذا يجعل الكومين مسؤولين بي درجة او مستوي واحد من الفضيحة دي، اللتي لن تبقي ولن تذر بعد مايرسو الغبار!
هالة او مجموعتا قبلو ليه من الاول بالعلاقة الشائه دي مابين مركز ممول اجنبيا او تنظيم سياسي "وطني"؟
اكيد بي غباء شديد افتكرو المركز والفكة المن وراهو كسب ضخم لي حق، الي ان فوجئو بهذا الكسب يفجر التنظيم تحت اقدامم!
اي تسوية للمشكلة دي بالابقاء علي المركز مقطور في الحزب يعني نهاية حاجة اسمها حق طال ام قصر، لو اصلا سلمت جرة حق في الدواس الحالي!
الباقر هنا فاز بي جدارة بي لقب البصير اب حمد، القطع راس التور للحفاظ علي الجرة!
او عشان ياكل شية راس التور حيضطر يكسر جرة الحزب كما يفعل الان!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
Quote: ايام الدقش في النشاط اوائل الثمانينات مابين الكيزان او بقية منظومات الجلابة، صحبي ده كان مؤتمر طلاب مستقلين، لما حمي ا########س او تمايزت الصفوف والانصار قعدو يسوو، "كتيبة النجومي تتقدم" والكيزان من الخوف يقولو "كتيبة الخرساء تتراجع"، صحبي ده اتلفت يمين او شمال، مالقي غير حبة شيوعيين، من الخلعة قام جاكي مرقا في الثورة عشان يجيب مدد من الحلة ساكت!
او فعلا جا طابق اخوهو او نزلو دقش! |
والله الكيزان و الأنصار ديل ظريفين خالص... أها و قعدوا انتظروا صاحبك دا لمن جك للثورة و جاب أخوه و جا راجع؟ يا بشاشا ياخي أوزنها أول.
مع التحيات و السلام.
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Elawad)
|
| Quote: تعرف يا بشاشا دي أكثر شيء جذب إنتباهي لأنها تضرب لدي في وتر حساس ولقد إستندت عليها يوماً في مناقشة ودية مع أحد رموز الأحزاب السودانية وبالتحديد قلت ليهو (مسألة تمرير الأجندة وفقاً لمجاملات الأعضاء وفريق العمل الواحد بتؤدي لضعف الهيكل والمؤسسة التنظيمية |
عاصم فقيري مرحب بيك،
لاوجود لمفهوم رقابة اصلا كقاعدة في تقاليد العمل السياسي عندنا، لانو كل مهتم بالسياسة لو ما "اتنظم" زي ما بقولو، فاكيد ده زول فارغ او مواقفو لا يعتد بها لانو ما منتمي لي تنظيم سياسي!
الي هذا التاريخ في هذا الفضاء من الماخذ الوجهت لي، اني عمري ما انتظمت كعضو في تنظيم سياسي.
قرقرقرقر!
يازول ده كفر عديل في مرجعية الوعي والممارسة الحالية.
الشيوعييين تحديدا واليسار الماركسي عامة هو المسؤول من اشاعة هذه المفاهيم الخرقاء البالية بحق!
طيب ديل المستنيرين، او كل زول مهتم بالسياسة راحو طابلنو في كستبانة تنظيم سياسي عبارة عن منظومة عسكرية من حيث علاقة العضو بالBoss بتاعو في التنظيم!
اما اليمين فاختزل الشغلانة كلها في شكل مجرد اشارة فقط، وهذا بالجد يشطب الراس!
في البرلمان لما عمر نور الدائم عليه الرحمة، "يغمز" ساكت بي عينو، جماعتو كلهم بقومو دافرين التربيزة القدامم من فرط سرعة الاستجابة للغمزة هذه!
مش كده او بس، بل سيدي لو قرر لامؤاخذة ينزل سروالو البلا تكة، كمرشح في ابا، بالله هذا السروال يجي نائب عديل في البرلمان!
اذن لاوجود لمفهوم رقابة البتة يمارسا الناخب علي ممثليه!
كل البحصل فلان العضو/الناشط في تنظيم معين بجي بيت ناس السرة او يشحن البوكس عشان يصوتو للقطية، بغض النظر ساكن القطية ده منو!
من الاساس ال السرة مشو يصوتو مجاملة لي ود الحلة فلان عضو الحزب الفلاني!
اما لو البيت ختمي ولا انصاري، فالباقي ما مهم اصلا!
ده سبب من جملة اسباب انو مافي استقرار سياسي، لانو الرقابة علي اداء المنظومة المحددة لاوجود لها اطلاقا علي مستو الافراد الناخبين!
فالموضوع واضح انو ضخم جدا والسبب الاساسي هو مفهوم ضرورة الانخراط في حزب بي عينو كاساس لممارسة النشاط السياسي او ده غلط!
اتمني الناس تجمد حكاية الانضمام للاحزاب كاساس للنشاط السياسي.
المنضوين سلفا تحت لواء الاحزاب اكتر من اللازم!
كل المطلوب اذا لابد انو الواحد يسجل مثلا كناخب للحزب الفلاني مثلا اوبس، او في موسم الانتخابات يتبرع للعمل بي وقتو، او شاء يرسل مساهمة مالية ولكن يقعد بعيد او يحتفظ بي مسافة من التنظيم، او بي كده بيقدر فعلا يمارس دورو كرقيب!
اما ان ينضم كل انسان حي بالغ عاقل ما مجنون لي حزب سياسي او يضيع عمرو كلام او اجتماعات او كوار او دقش، فهذا عبط بحق، فوق لي عطالة مقننة!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
| Quote: لكن ذكر (دكتور حيدر) ففط يثير كثير من اللبس ليس عندى فقط ولكن عند الكثير من القراء |
ياسبحانك!
ناظم مرحب،
من متين اسم دكتور حيدر اتسجل كبراءة خاصة بكم؟
بعدين الجلابي حيدر ابراهيم قريبك اصلا ماعضو هنا، فكيف عايزنا نبطل استخدام اسم عضو هنا في الاشارة لي كلامو عشان خاطر قريبك؟
ياخي الناس دي بتشطح جنس شطحي!
اجارنا الله!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Elawad)
|
| Quote: أها و قعدوا انتظروا صاحبك دا لمن جك للثورة و جاب أخوه و جا راجع؟ يا بشاشا ياخي أوزنها أول. |
العوض مرحب،
الايام ديك الاصطفاف في النشاط كان ببدا الصباح، واليوم داك الدقش بدا بعد منتصف النهار.
اذن مسافة خمسة ستة ساعات كافية تمشي او تجي من الثورة.
ده غير انو ده ما الموضوع طبعا، ولكن ده كل حيلتك كصاحب غرض!
او بعد ده غرضك ما تما!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
Quote:
يا بشاشا سلام
يا اخي ده مولد مبالغ فيه.
وعارف ما يحدث حقيقي بيوضح بؤس الصفوات الناويه تحكمنا.
الفيلم ده لو قلت لك المتورطين في شرعنته منو تقوم تجاري.
ما تشيل الباقر العفيف لوحده جه القباحه كل الدجالين من عضوية المنافين مسؤلين معه.
صحيح لم يتقاسموا معه قرشا ولكنهم مسؤلين عن هذا الاستغلال السيء لمعاني الاستناره وحقوق الانسان.
فاتتك المسرحيه لما اراد الباقر ان يؤدب هاله عبد الحليم فضمى للمكز حوالي 25 جمهوري
(تخيل تلاميذ الاستاذ محمود محمد طه) يتورطوا في صراع قذر مثل هذا وصوتوا لدعم الباقر؟!
ما يفوت عليك تورط بعض الجمهورين في الامر
منهم الباقر العفيف
وبشير بكار
و البقيه طبعا اسماء صغيره!!
هنالك جمهورين كثر مستائين من هذا الصراع
ولكنه جاءهم في صمة خشمهم!!
غايتو قول يا معين بس.
فضحونا مع الخواجات.ومع الكيزان زاتهم!
|
يا تراجي إليك وإلى غيرك هذه المعلومة
كان عدد الحضور في جمعية مركز الخاتم وكلهم من داخل السودان 36 عضوا
وكان عدد الجمهوريين من بينهم، بما فيهم الباقر 6 فقط
وإليك بقية الأسماء
محمد مجذوب/هنادي لطفي/ إشراقة محمد حسن/علي الزبير/ محمد الفاتح العتيبي
من أين أتيت بهذه الفرية البلغاء يا عزيزتي؟؟!!!!!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: ناظم ابراهيم)
|
Quote:
البلد القاعد فيهو ربع عمرك ده ما علمك ضروره ذكر الاسم الاول و الاخير لى اى بنى ادم خاصه عند الزج به فى منبر عام كنوع من التحضر والامانه |
ياساتر من الدعاتر!
ناظم، انتا بي صحك؟
من اين لك لما احاكي بيض امريكا طوالي ده تحضر او خلاف كده تخلف؟
يازول ربنا ما شق حنكا او ضيعو من حيث الحضارة!
اي مخلوق او مجموعة مخاليق في الدنيا دي عندهم حضارتم هم الخاصة بيهم، او مافيش حضارة اي ثقافة احسن من التانية بالمناسبة!
ده ذات فهم الوهابي للاسلام!
كل ماهو ثقافة عربية في فهمو ده الاسلام الحق، الاولي ان يتبع!
بعدين عشان خاطر قريبك ده انتا اصدرت فرمان لالاف العضوية هنا، لازمو يكتبو الاسم مربع والا يكونو ما متحضرين زي الامركان مثلا؟
ما هذا؟
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
بشاشا كامير كوشى
لو مشيت تنقب عن بقايا( مملكة تمبكتو) فى مالى وقلت يا(ديوب) حيرد عليك مليون ديوب
او كباحث متخصص فى الثقافه الافريقيه مشيت ندوة فى غينيا كمثال عن الكاتب (كمارا) حتلقى القاعه كلها كمارا
عشان كده حتى فى افريقيا استعمال ال(last name ) مهم عشان تعرف ياتو بنى ادم بتعنى
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: ناظم ابراهيم)
|
Quote:
وكان عدد الجمهوريين من بينهم، بما فيهم الباقر 6 فقط |
بشير بكار مرحب.
هسي في زمتك ده الموضوع؟
كم عدد الجمهوريين المعا الباقر؟
برضك مصر علي التذاكي زي غيرك؟
ما دام جابتك الظروف لي هنا، عملت اطرش ليش من موضوع البوست الاساسي؟
ولا صداقتك بالباقر اولي؟
الا يقدح هذا في مصداقيتك او انتا مقدم روحك كقائد او صاحب مشروع او كده؟
بالبساطة دي ممكن تدوس علي كل شعاراتك، مثلك، الملتفين حولها اخرين او مقدمنك ثقة بي ذمتك، من اجل عيون علاقتك الخاصة بالباقر كاخ جمهوري او كده؟
اها او كده انتا هسي فاكر روحك دافعتا عن الجمهوريين مثلا؟
البعرفو بشعتا بيهم بي زي تواطؤك هذا صمتا مع الباقر.
قشة ما تعتر ليك، فقط اعلم الناس الانتو كايسين تسلقو ضهورم كساسة ما سذج للدرجة دي!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
والله يا بشاشا فعلا الما عارف يقول عدس!!
أنا رديت على تراجي في معلومة مغلوطة
إنت مالك ثائر كعادتك ومتحمي ومتدمي؟؟
يعني إلا أعلق على موضوعك عن حق ولا أنا خارج الملة؟؟
أنا كتبت ما فيه الكفاية عن تفاصيل مشكلة حق
وإذا كنت إنت طالب حقيقة وقريتو كنت عرفت وين توجه حجارتك
ثانيا:
أنا معاك إلى حد ما في انطباعك عن حق بأنها "كومر الشيوعي العمروه"
حق فعلا ظلت كسيحة بسبب تركنا لها في أيدي شلة منشقة عن الحزب الشيوعي ولم تتخلص من العقلية الشمولية
أنا الآن أشعر بارتياح كبير كأنني خرجت من سجن دبك
وحسنا أنها جاءت من عندهم ولم تجيء من عندنا
أما التشويش الذي لحق بسمعة الباقر فأنا ألوم الباقر عليه
لأنه لم يتصد له بالردود الحاسمة في حينه
وكنت أول من طالب بتكوين لجنة للتحقيق في مزاعم هالة ضد الباقر ومزاعم الباقر ضد هالة
ولكن كلام القصير ما بتسمع
وأؤكد لك لو أنه لو قام أحد أشقائي بما تتهم به هالة الباقر- زورا وبهتانا- لما ترددت في إدانته ومحاسبته.
لكن يا عزيزي بشاشة:
ستبدي لك الأيام ما كنت جاهلا ويأيتك بالأخبار من لم تزود
صبرك معانا شوية
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: b_bakkar)
|
Quote: والله يا بشاشا فعلا الما عارف يقول عدس!!
أنا رديت على تراجي في معلومة مغلوطة |
بشير سلام،
حتي الان انتا جاكي من مواجهة موضوع البوست!
اولا اي استنارة هذه لي شعب البمولا دافع ضرائب شعب اخر في دولة اخري؟
ليه الباقر جمع بين المركز والحزب، ليفجر المركز الممول اجنبيا الحزب؟
حزب وين او شنو البكون تمويلو اجنبي؟
ده كلو انتا عارفو سكتا عليه ليه او مررتو؟
| Quote: إنت مالك ثائر كعادتك ومتحمي ومتدمي؟؟ |
لانها عادتي اشيل وش القباحة واقول البغلة في الابريق، الغلط وين؟
| Quote: يعني إلا أعلق على موضوعك عن حق ولا أنا خارج الملة؟؟ |
طبعا لمان تدخل بوست، تزوغ من موضوعو او تمسك في القشور فده بثير الغبار حول مصداقيتك للاسف.
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
قال بشاشا
Quote:
حتي الان انتا جاكي من مواجهة موضوع البوست!
اولا اي استنارة هذه لي شعب البمولا دافع ضرائب شعب اخر في دولة اخري؟
|
ياخي كلمة "جاكي" دي في العامية السودانية بستعمل للحيوان وخاصة للحمار، وإنت راجل يفترض أن تكون مهذب ما حقو تستعملها.
إن كنت تقصد تمويل مركز الخاتم، فإن أي منظمة مجتمع مدني في السودان وأي منظمة غير حكومية أجنبية تعمل في المجال الإنساني أو مجال التنمية في السودان ممولة من دافع ضرائب أجنبي. بل كثير من حكومات الدول النامية تتلقى تمويلا من دافع ضرائب أجنبي. نحن في عهد القرية العالمية، وإلا لما كنت أنت وجدت الفرصة لمغادرة جحيم بلدك والعيش في بلد يصرف عليك فيه دافع الضرائب الأجنبي في كثير من نواحي الحياة.
Quote:
ليه الباقر جمع بين المركز والحزب، ليفجر المركز الممول اجنبيا الحزب؟
حزب وين او شنو البكون تمويلو اجنبي؟
|
أولا، حق لم تكن تتلقى أي تمويل من مركز الخاتم.
وهذا هو أساس المشكلة بين الباقر وهالة.
الباقر يعارض تقديم أي تمويل للحركة باسم المركز.
هالة كانت ترى أن المركز ملك الحركة ويجب أن تديره الحركة
وكان هدفها إزاحة الباقر والاستيلاء على المركز ليعود ريعه على الحركة أو بعض افراد الحركة.
ثانيا:
لا شيء يمنع الباقر أو غيره من الجمع بين إدارته للمركز وعضويته في حق. بل إن قانون المنظمات الطوعية نفسه-بغض النظر عن أنه قانون معيب أم سليم - يتيح للأحزاب السياسية أن تقيم منظمات مدنية بشرط ألا تتدخل في عملها.
حق لم تتلق أي تمويل غير مساهمات وتبرعات أفرادها وبعض أصدقائها من السودانيين. ولو كانت تتلقى تمويلا أجنبيا لما كان حالها بهذا البؤس.
ولكني إني أوجه إليك هذا السؤال وأرجو ألا تجك متهربا عن الإجابة عنه.
أنت مثلي من مؤيدي الراحل جون قرنق وبرنامج السودان الجديد.
هل كانت الحركة الشعبية طوال سني كفاحها الاثنتين والعشرين قبل نيفاشا ودخولها في الحكومة تحصل على تمويلها وتسليحها من دافع الضرائب الجنوبي؟؟
نحن لسنا في عالم المثل وإنما في عالم الواقع، يا سيد بشاشا.
التمويل الأجنبي لم ينقطع عن أي حزب أو حكومة في السودان، وانت تعرف ذلك.
مشكلتك يا سيد بشاشا أنك تتلقف الإشاعات والاتهامات المغرضة ولا تتثبت من صحتها أو كذبها وتذهب مع الظنون.
أنا شخصيا لولا الجمهوريين لما دخلت السياسة مطلقا، واليوم الذي أجد نفسي فيه مضطرا إلى السكوت على الفساد وممارسة الأساليب الملتوية سأتقاعد فيه عن السياسة. لأن في الحياة مجالات كثيرة غير السياسة يمكن للمرء أن يضيف فيها شيئا نافعا للناس ويعيش سعيدا موفور العافية وخالي البال.
|
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: b_bakkar)
|
| Quote: ياخي كلمة "جاكي" دي في العامية السودانية بستعمل للحيوان وخاصة للحمار، وإنت راجل يفترض أن تكون مهذب ما حقو تستعملها. |
يابشير،
اول مرة في حياتي اعرف الحيوانات بتجك.
والجك البعرفو مرتبط بالتمارين الرياضية او في الاستخدام الدراج بيستخدم لي مطلق جري بي معني هروب.
.
| Quote: فإن أي منظمة مجتمع مدني في السودان وأي منظمة غير حكومية أجنبية تعمل في المجال الإنساني أو مجال التنمية في السودان ممولة من دافع ضرائب أجنبي |
برضو اول مرة اعرف اي منظمة مجتمع مدني حايمة في السودان تمويلا اجنبي من طرف!
فلنفترض جدلا ده صحيح:
فهل ده شئ كويس او نموذج يحتذي من قبلكم في مركز الاستنارة بتاع الخاتم؟
ام ده شئ شائه، خطير او خطأ فيهو تفريط في السياده اورهن لي مصالح البلد، او ده شئ تمام او بالتالي قيام مركز "استنارة" بي تمويل اجنبي شئ تمام يخدم مصالح الشعب السوداني!
ياتو في الاتنين يابشير؟
كونو الممارسة الشائهة الضارة منتشرة ده ما مبرر اطلاقا لاعادة انتاجا كما تحاول تبرير قيام مركز الخاتم بتمويل اجنبي.
بعدين ماتقفذ من تمويل المنظمات المدنية الي تمويل اجنبي لي دعم الحكومات للحكومات.
النشاط المدني بي طبيعتو مفروض يكون اهلي صرف حتي علي المستوي الداخلي بعيد عن شبهة التدخل الحكومي، حتي لو كانت الحكومة ديمقراطية بمعني المفردة، والا فهذه المؤسسات ماعادت منظومات مجتمع مدني علي الاطلاق!
لهذا عجيب ان يكون هذا فهم مؤسس حق، حقيقة، ولكن الجواب يكفيك عنوانو حقيقة!
وكنتيجة طريقة تفكيرك ماثلة امامنا في فضيحة حق البي جلاجل!
| Quote: نحن في عهد القرية العالمية، |
. قرية عالمية؟
انتا بي صحك؟
مصدق المكنة دي بالله؟
هي قرية عالمية فقط بالنسبة للقوي المحددة المهيمنة او ثقافتا، علي عالم اليوم، مش بالنسبة لي ناس قريعتي راحت، الزينا من هوام العالم!
ابلغ دليل هو كلامك زاتو كيف كل مؤسسات السودان الغير حكومية مملوكة للاجانب!
نعم هذه القرية العالمية عندها سيد محدد!
وجودك انت كسقط متاع داخل هذه القرية لايجعل منك مالك او حتي صاحب اسهم في شركة القرية العالمية دي!
وجود العفش داخل البص لايجعل صاحب العفش مالك للبص!
انتا حتة راكب بس في هذا الدفار العالمي!
تكتر بدوك طرادتك او بقولو ليك اطلب الله، تدق كداري لمن ربنا يغفر ليك!
اذن فهمك هنا، مثالي شديد او حالم!
| Quote: أولا، حق لم تكن تتلقى أي تمويل من مركز الخاتم. وهذا هو أساس المشكلة بين الباقر وهالة. |
تمويل ما تمويل، المركز او حق كراعين في سروال واحد، والمشكلة هنا!
او كونو الباقر قام بالمنقة كلها او ما ادي هالة كدة، طبيعي ده يسبب مشكلة!
الباقر غرضو يكوش علي حق زاتا، باستخدام بقرة المركز الدارة، وهذا عجيب بحق!
والاعجب يا بشير انك بتحاول تمرر علينا شغل ملوص ده او امور التلات ورقات!
Quote:
هالة كانت ترى أن المركز ملك الحركة ويجب أن تديره الحركة وكان هدفها إزاحة الباقر والاستيلاء على المركز ليعود ريعه على الحركة أو بعض افراد الحركة. |
قرقرقرقرقرقر!
طبيعي جدا هالة تفكر ذات تفكير الباقر، مع تسليمنا انها صحت للون متاخر شديد!
امسك قوي في حتة يعود ريعه هذه!
العجاجة دي كلها هنا، في حتة لمن يعود ريع فكة المركز؟
| Quote: ثانيا: لا شيء يمنع الباقر أو غيره من الجمع بين إدارته للمركز وعضويته في حق. |
ياخي قدامك الذي نجم عن الجمع مابين فكة المركز والتنظيم، من تفجير لي منظومة حق اوبعد ده تسوي لاشئ يمنع؟
كيف يابشير حزب سياسي تمويلو يكون بواسطة حكومة اجنبية؟
ارجوك ماتقول لي حق ماعندها دخل بي قروش المركز!
ياخي اذا المركز تابع لي حق، يبقي خلاص case closed الموضوع ماعاوز لف او دوران! .
..يتبع...
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
سيد بشاشا
ما تنسى في متابعتك هذا السؤال الهام
Quote:
ولكني إني أوجه إليك هذا السؤال وأرجو ألا تجك متهربا عن الإجابة عنه.
أنت مثلي من مؤيدي الراحل جون قرنق وبرنامج السودان الجديد.
هل كانت الحركة الشعبية طوال سني كفاحها الاثنتين والعشرين قبل نيفاشا ودخولها في الحكومة تحصل على تمويلها وتسليحها من دافع الضرائب الجنوبي؟؟
|
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Bashasha)
|
| Quote: حق لم تتلق أي تمويل غير مساهمات وتبرعات أفرادها وبعض أصدقائها من السودانيين. ولو كانت تتلقى تمويلا أجنبيا لما كان حالها بهذا البؤس |
عجبي!
يابشير،
والله مافاهم سر اصرارك علي كلام زي ده بخلاف استخفافك بعقل المتلقي!
اذا مالك مركز الخاتم هو حق، وهذا المركز ممول اجنبيا، فكيف يستقيم عقلا انك تقول حق لم تتلق اي تمويل اجنبي؟
ماهذا؟
كان ممكن المكنة دي تعدي بالفصل التام مابين المركز والحزب، لولا جشع او قوة عين الباقر العاوز يكوش علي الاتنين دفعة واحدة كده، وهذا ينسف اي مصداقية تبقت له نسف كامل!
قد نكون سذج في نظركم يابشير ولكن ما طيور للدرجة البتغري الباقر نهارا جهارا يقالع في هالة مايسمي بالحزب بعد ما كوش علي المركز تكويش كامل!
او هالة زاتا ليست بافضل حال من الباقر، لانها بدورا عايزة اقلاهو نصيب من فكة المركز، والغيرة كاتلاها من امتيازات الباقر!
كان مفروض تطالب بفصل المركز عن التنظيم فصل تام، ولكن بقي ليها قاسي، عينا في الباقر الكتل الجديدة او خما البيض كلو او هي مارقة ملوص، رغم الشقي!
Quote:
هل كانت الحركة الشعبية طوال سني كفاحها الاثنتين والعشرين قبل نيفاشا ودخولها في الحكومة تحصل على تمويلها وتسليحها من دافع الضرائب الجنوبي؟؟ |
اها هنا بقي، انت فتيت الشغلانة او وعيك الجلابي جا دافر غصبا عنك!
ياعزيزي،
كلامي الفوق ده كلو عن هم جلابي انصرافي، صرف من باب الدرس المستفاد من فضيحة حق.
ياعزيزي
الحركة الشعبية كانت تخوض حرب فناء او بقاء، في الغابات او بي كده لايمكن تقارنا بي ترهات ناس حق او ورجغة ناس الباقر، او ادبيات استنارة او بطيخ، شغل ناس ضاربين الطراوة ساكت!
لايمكن تقارن بين منظومة تحرر عسكرية او زي هردبيس مركز الخاتم!
اذن الحركة عندها الحق تتحصل علي تمويل بالله لومن الشيطان الرجيم زاتو ولا تسأل قط من اين لك هذا ياحركة!
الاهم من ده كلو الشهيد ديمابور عرف كيف يستعمل عديل كده مموليه الاجانب، بدل استعمالهم هم له، ضد شعبه وارضه، وهذه بعض عبقرية رسول امون هذا!
الدليل القاطع علي نجاح قرنق في استخدام القوي الطامعة في خير السودان، دون ان تنجح في استخدامو هو، هو اجماع الشرق والغرب، الشمال والجنوب علي اغتيال الشهيد ديمابور!
نعم مانديلا لم يحسو بضرورة قتله، ولكن ارتعدت فرائضهم من سطوة المارد ديمابور ولهذا اجمعو علي التخلص منه!
قال دافع ضرائب "جنوبي" الجلابي، بيسخر يعني!
هو فضل زول علي قيد الحياة في الجنوب في وجه المحارق او النزوح لمن كمان يكون دافع ضرائب؟
او ده كلو يا بشير عشان تبرر المرتب الكبير والامتيازات لي رسول الاستنارة صحبك، الباقر العفيف؟
هل هكذا نشر الاستنارة الشهيد محمود؟
مش الرجل جسد مشروعو في روحو، في حياتو اليومية، او عاش فقير لايملك من حطام الدنيا شئ بين تلاميزو، الجابو شوارع السودان بما فيهم النساء، حتي منتصف الليل احيانا لجلب الميزانية المطلوبة لي دار الاستنارة بتاعتم؟
هل صدفة بالقليل جدا الفكر الجمهوري الان هو اساس الثورة الثقافية القادمة الي السودان بل وكل افريقيا؟
انا ما بتكلم ساكت، وانما عن معرفة والمام بي جوانب محددة متصلة بالقوي الفاعلة تحت سطح الوعي الحالي، لو في امريكا او داخل السودان حتي، بعيد عن الانظار او بي هدوء شديد.
ما تفعله انت والباقر كجمهوريين عار وسبة في وجهكم، بل خيانة لي روح الشهيد محمود، ولن تنفعك يادكتور حيدر دموعك الجارية، من فرط الحرقة علي خذلانكم الشهيد محمود، بدل مرة واحدة ساعة الشنق، فالان مرات!
الجمهوريين بقو يفتشو للمرتبات الكبير والامتيازات من الدول الكبيرة لنشر الاستنارة قال!
النار تلد الرماد فعلا!
يالعاركم يا جمهورين الكستو تاكلو بي ارث الشهيد عيش!
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: عزان سعيد)
|
Quote: ده غير انو ده ما الموضوع طبعا، ولكن ده كل حيلتك كصاحب غرض!
او بعد ده غرضك ما تما! |
سلام يا بشاشا
متفق معاك إنه دا ما الموضوع لكن بصراحة أنا شايف إنه أصلا مافي موضوع و الصراع في حق و مركز الخاتم عدلان ما هو إلا امتداد لسباقات حمير أحزابنا و منظوماتنا البعيدة عن هموم الناس و تجلي لأزمتنا المزمنة و تكرار لقصة دخلت نملة و أخذت حبة إلى آخر الموال. عشان كدا خليت الموضوع و حبيت أشاغلك بنجرتك دي. و صدقني ما عندي غرض معاك... لكن برضه حكاية صاحبك الجك للثورة و جا راجع واسعة شوية. و تاني خلي عندك شوية سنس أوف هيومر أو روح دعابة زي ما بقولوا أهلنا غزاتكم الأعراب.
بالمناسبة والله في البوست دا عندك آراء أنا معجب بيها جدا و الجملة الاقتبسها د. عزان فوق دي حكمة عديل كدا و بدون مجاملة تستحق أن تكتب بماء الذهب و يستصحبها كل من يطمح لتغيير حقيقي في السودان.
| |
|
|
|
|
|
|
|
|
|
Re: فضيحة كومر الشيوعي العمروهو، حق، الاغرب من الخيال! (Re: Elawad)
|
يا سيد بشاشا
قال الشاعر
حي الحمول بجانب الرمل إذ لا يوافق شكلها شكلي
شكلي وشكلك في النقاش والتفكير لا يتشابهان
ولن يؤدي مثل نقاشك هذا إلى نتيجة
فلندع الأيام والأعمال والناس تحكم عليك وعلى الجمهوريين
وسائر من يتصدى للعمل العام
آسف أنا ما عندي وقت أنفقه في جدل بيزنطي
ومع شخص يدور حول محور الجلابي وغير الجلابي
ولا يرى السودان إلا جلابة وغير جلابة
لم تتعلم من قرنق حاجة
وداعا
| |
|
|
|
|
|
|
|
Bashasha
Tragie Mustafa
المسافر
Asim Fageary
ناظم ابراهيم
احمد الامين احمد
HAIDER ALZAIN
Elawad
عزان سعيد
فيس بوك
تويتر
انستقرام
يوتيوب
بنتيريست