|
Re: الرياض تزدان بزيارة عضو البورد الفنان البحراوي هشام درماس (Re: طارق ميرغني)
|
طارق ميرغني:
نرحب معكم بالالمعي هشام درماس بينكم، ونحسدكم علي طلته بالرياض التي تستحق أن يحتفي بها. ولكل بورداب الرياض وبحري وناس الشعبية بمنفوحة، رمزي موسي وفيصل عسكر واشقائه منعم وعوض وسامبو، وحلوبي وياسر زميلنا أن يجدوا الزمان والمكان ليشاركوا معكم أحتفاءكم بود درماس. لانه يستحق الاحتفال وبأدمان.
مودتنا طارق.
| |
|
|
|
|
|
|
Re: الرياض تزدان بزيارة عضو البورد الفنان البحراوي هشام درماس (Re: طارق ميرغني)
|
طارق
أكيد ضاربين الفرح بوجود هشام معاكم
وأغنية " يا مولاي " منو تكفي.
بس بالله رجعوه لينا بالسلامة سريع وما تكنكشو فيه شديد.
وين أخبار صديقي د. شوقي
مبسوط ولا زعلان؟
لو زعلان قول ليه معليش .. بنجيب ليك ود الزاكي يزاملك !!
ود موسي ما بينفع لانو اليومين شابكنا " هرمنا ..هرمنا " وكلامو كله بقي عن الأحفاد.
تحياتينا لو درماس ولكل المعاكم.
| |
|
|
|
|
|
|
Re: الرياض تزدان بزيارة عضو البورد الفنان البحراوي هشام درماس (Re: طارق ميرغني)
|
Quote: أكيد ضاربين الفرح بوجود هشام معاكم
وأغنية " يا مولاي " منو تكفي.
|
الأعزاء بورداب الرياض المميزين السلام عليكم
جمعتني بكم أحلي الاوقات ..قضيت معكم اجمل لحظات و كنت سعيد جدا بمعرفتكم دائما مواقفكم مشرفة سالني الصديق و ابن منطقتي بحري ..حبيبنا هشام درماس عن بورداب الرياض فقلت له لن اخبرك الا بعد عودتك منهم.. اتمني لكم لحظات جميلةمع ابداعاته ان شاء الله دائما تامين ولامين و سالمين بالله عليكم يا بورداب الرياض ان لا تنسو دعوة الصديق الحبيب الشيخ حسن ابوجديري القاري المداوم للبورد و تلفونه00966533668066 وهو متواجد معكم في الرياض .. و للمواصلة مع الاستاذ هشام درماس علي هاتفه 00966548350419 تحياتي لكل الحبايب بالرياض ودمتم بالف عافية
| |
|
|
|
|
|
|
Re: الرياض تزدان بزيارة عضو البورد الفنان البحراوي هشام درماس (Re: طارق ميرغني)
|
الاخ والحبيب العزيزالباشمهندس طارق ميرغنى يعجزاللسان بالنطق وكيفية التعبير وكما عودتنا دائما بسرد وانتقا احلى المواضيع فلااملك شي الاان اقول لك...( يااعز عزيز في دنياى انا طامع ابقى عزيز دنياك) واشكرك كثير الشكر الاهل والاحباب والاصدقاء الاعزاء شاكر ومقدر لكم حفاوة الترحيب والكرم الفياض وكما قال اخى وحبيبى امير طمبل في بورداب الرياض انكم اهل كرم وشهامة (فعلا) ولكم جوالى للتواصل 00966548350419 ودمتم سالميـــــــن
| |
|
|
|
|
|
|
Re: الرياض تزدان بزيارة عضو البورد الفنان البحراوي هشام درماس (Re: طارق ميرغني)
|
الحبيب الاستاذ طارق ميرغني للأسف الريشة سكتت عن الكلام البماح لأن عودي إتسرق بعد سهرة كاربة الخميس الفات وما زلت حزين عليه حزن لا يضاهيه حزن فهذاالعود كان دنيمي في كثير من الليالي الحالمة والليالي الظالمه هنا في الرياض ومكث معي قرابة العشرة أعوام يؤأنسني في غربتي والآن ليس لي غير السلوى ولكن أكيد حا نكون معاكم قلباً وقالباً ,,, ونحن منتظرين نعاين ..
تحياتي : ياسر العيلفون
| |
|
|
|
|
|
|
Re: الرياض تزدان بزيارة عضو البورد الفنان البحراوي هشام درماس (Re: طارق ميرغني)
|
الاخوه والاصدقاء المحترمين السلام عليكم ورحمة الله وبركاته بحمدالله ذهبت لاداء مناسك العمره يوم امس الجمعه والان انا فى المدينه المنوره بجوار سيدنا وحبيبنا عالى المقام سيدى محمدصلوات الله وسلامه عليه (الف صلاه وسلام عليك ياحبيب الله) العقبال ليكم جميعا يارب . وسوف اتوجه الى جده يوم بعد غدا الاثنين لان ناس جده عاملين لى تكريم يوم الاثنين وباذن الله يوم الثلاثاء سوف اتوجه للرياض اتمنى لكم دوام الصحه والعافيه والى الملتقى واشكرلكم حسن الضيافه مع كل الود لكل من اتصل اورحب اوارسل مهنئا
الاخ العزيز طارق ميرغنى لك التحايا الخالصه وتمنى لك وافر الصحه والعافيه ولقد دعيت لك فى الحرم والان سوف ابلغ سلامك الى المصطفى صلى الله عليه وسلم والى ان التقيكم يوم الثلاثاء انشاءالله
| |
|
|
|
|
|
|
Re: الرياض تزدان بزيارة عضو البورد الفنان البحراوي هشام درماس (Re: هشام درماس)
|
Quote: الاخ العزيز طارق ميرغنى لك التحايا الخالصه وتمنى لك وافر الصحه والعافيه ولقد دعيت لك فى الحرم والان سوف ابلغ سلامك الى المصطفى صلى الله عليه وسلم والى ان التقيكم يوم الثلاثاء انشاءالله |
يا سلام اخي هشام
هذه اعظم هديه منك لك كل التقدير والاجلال
وفي انتظارك يوم الثلاثاء
سنخبرك بالبرنامج باذن الله
| |
|
|
|
|
|
|
Re: الرياض تزدان بزيارة عضو البورد الفنان البحراوي هشام درماس (Re: طارق ميرغني)
|
Quote: الرياض تزدان بزيارة عضو البورد الفنان البحراوي هشام درماس |
ياطارق هشام درماس برضو من بورداب الدوحة .. ولتسعد لياليكم به بس ماتفكو براهو لود المحرب دا بحراوى سنة ناعمة مش زى المشاكس امير طمبل ... الداير يتعشى الساعة خمسة صباحا ...
تنهدات: بين الرياض والدوح ... (وايه الدنيا غير لمة ناس في خير او ساعة حزن )
| |
|
|
|
|
|
|
Re: الرياض تزدان بزيارة عضو البورد الفنان البحراوي هشام درماس (Re: بدر الدين الأمير)
|
Quote: ياطارق هشام درماس برضو من بورداب الدوحة .. ولتسعد لياليكم به بس ماتفكو براهو لود المحرب دا بحراوى سنة ناعمة مش زى المشاكس امير طمبل ... الداير يتعشى الساعة خمسة صباحا ...
|
يا بدر نحن نتعامل مع ضيوفنا على حسب الامكانيات يعنى البساهر نجاملو والبنوم بدرى برضو نديه راحتو ما تخاف على زولك فهو فى ايدى امينه مع انى عايش فى بحرى منذ نعومة اظافرى ولكن ناس طارق والشايقى وياسر قالوا لى ات زول راعى ساهى ولكن هولاء العلوج ديل نحن نتعامل معهم باللطف
| |
|
|
|
|
|
|
Re: الرياض تزدان بزيارة عضو البورد الفنان البحراوي هشام درماس (Re: إبراهيم عبد الحليم)
|
والله ياأستاذ إبراهيم نفس العود السرقوه مني كان بنفس هذه التفاصيل وعراقي ومصنوع في البصرة وكان صوته جميل جداً ولكن هي الأقدار بس فضل لي اعمل لي مرثية ذي مرثية منديل الجاغريو المشهورة التي قال فيها : منديلي ضاع مني والشالو ما يتني ما يشيل خلافو .. ود ريا التابعا أبو فيضاً نابعا ،، تشيل روحو تتابعا ويشيلوه الأربعة ما يشيل خلافو ..
والقصيده طويلة وفيها أبيات جميلة وفي نفس الوقت الواحد لا يتمناها للىخرين ولكن الشال عودي ده فعلا يشيلوه الأربعة ... وإنت راجل فنان يا إبراهيم وبتعرف الواحد لما يفقد عود كان معاه 9 سنين وكيف إحساس الواحد بيكون في تلك الحادثة .. تقبل سلامي وإحترامي وشوقي .. خلاص يا أستاذ طارق قرض على العود في الصورة دي وخلينا نجيب الريشة معانا بس .. تحياتي : ياسر العيلفون .
| |
|
|
|
|
|
|
|