|
|
 تنبيه بخصوص رسائل ورادة من حسابي هنا لم أرسلها
|
الاعزاء اعضاء المنبر هذا البوست الثالث الذي أكتبه بخصوص هذه الموضوع ولا أضمن ألا يحذفه بكري ولكني مصرة على توضيح الأمر ... تمت ارسال رسائل من حسابي خلال الفترة ما بين أبريل 28 و مايو 3 لأعضاء كرام تطلب منهم ارسال أرقام هواتفهم .. أنا لم أقم بارسال هذه الرسائل لاني لم اتمكن من الدخول للمنبر إلا بعد مراسلة بكري و اعطاءه الباسويرد الجديد في 3 مايو ... إرجو نشر هذه الرسالة على أوسع نطاق خصوصا أن بكري مصر على مصادرة حقي في التوضيح وكل ما يهمه هو ألا يذيع أمر اختراق المنبر ...
ولمرسل هذه الرسائل أود أن يعلم بأني أرثي لحاله ولوضاعة أسلحته وأؤكد له بأني لن أُكسر وانه بحاجة حقيقية للوقوف مع نفسه و تهذيبها. المنبر و الاسافير عموما نافذة من ضمن نوافذ أخرى نطرح من خلالها ما نؤمن به، وأغلاق نافذة لا يعني نفاذ فرص لنوافذ أخرى.
أرجو رجاء من كل من قرأ أن ينشر أمر إخلاء مسؤوليتي من هذه الرسائل
______
من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم
|
|
 
|
|
|
|
|
|
|
 Re: تنبيه بخصوص رسائل ورادة من حسابي هنا لم أرسلها (Re: GamarBoBa)
|
انا بالجد يا قمر بوبا ما قادرة أفهم وجهة نظر بكري أبو بكر شنو؟
ليه ممنوع اني اوضح موقفي؟
لما راسلتو اكتفى بنصحي اني اراسل من تلقو الرسائل
وده الحصل ..ولكن جاتني رسالة رد من زول ما لقيت
الرسالة المرسلة له في الصادر ... ساعتها قررت اعمل بوست
حذفو بكري من غير اي اسباب ولا توضيح!
يعني انا اراسل الاعضاء واحد واحد ولا كيف؟
بكري لايزم يفرق بين انتصارو الشخصي و الحق
داير يظهر قوي و مؤمن منبرو من حقو بس لما
الضرر يجي علينا ما من حقو يمنعنا ناخد حقنا
بالطرق السلمية المافيها تعدي ولا جور!
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: محمد عبد الماجد الصايم)
|
الأستاذة عزاز شامي ..تحياتي
تعرضت قبل أيام لتهكير مماثل لحسابي، فقدت بسببه كلمة المرور الخاصة بالحساب وأصبحت غير قادر على استعمال حسابي، وتم إنزال بوست باسمي حول انتخابات جنوب كردفان مخالف تماماً لمواقفي من تلك الإنتخابات ما جعل هوية هذا العضو الزميل بالبورد الذي يقوم بهذا العمل ال######## والخبيث معروفة تماماً بالنسبة لي، خاصة بعد أن قام هو نفسه بذات اللعبة مع الرفيق طارق عبد اللطيف نقد. يا لهم من أنزال، لكن ساعة خلاصنا منهم قد دنت.
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: Murtada Gafar)
|
يبدو ان الاختراق للمنبر المرة دي يا استاذ مرتضى
بقى من جوة ومن ناس متابعة ما مجرد مأجورين ...
الهدف تشويه الصورة .. يعني مين ممكن يشكك في رسالة
مني بأطلب بيها في تهذيب رقم عضو؟
ممكن في وقت لاحق الارقام دي تستخدم استخدام خاطي و ترسل لها رسائل
بأسمي كمان و أدخل في دوامات وساعتها حأكون ملامة اني ما وضحت
نفس الشيء بالنسبة لبوست بأسمك يطرح فكرة مغايرة لقناعاتك
لو ما وضحت انو ده ما انت معناها بتتحمل مسؤولية كل ما كتب
بحسابك!
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
سلام يا عزاز,,| Quote: من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم |
هذا المنبر تحصيناته اضعف مما يتخيل الأعضاء وإختراق الحسابات لا يتطلب كثير جهد لمن يرغب,,
سحب بوست توضيح وليس به ما يسئ أو يضر أحدا تصرف غريب من بكرى وأتمنى أن يشرح وجهة نظره فى سحب البوست..
لم أفهم يعنى شنو أهكر حساب شخص وأرسل رسائل بإسمو أطلب فيها أرقام تلفونات !!!!!!!!!!
يبدو أن الهكر قد تأدب قليلا...
تحياتى,,,
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: صبري طه)
|
الاخ صبري يعلم الله اني بحب أهزر في القاسية قبل الهوينة
بس الموضوع ده بالفعل مسبب لي ضيق شديد وردة فعل بكري
زادت الطين بلة .. اتمنى حقيقي انو نشري للوبست ده يؤدي
غرضو الحقيقي من كشف الألاعيب القذرة لاني ما دايرة زول يتعرض
لضرر بأي شكل كان لأنو احسن الظن فيني
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: أيمن الطيب)
|
Quote: لم أفهم يعنى شنو أهكر حساب شخص وأرسل رسائل بإسمو أطلب فيها أرقام تلفونات !!!!!!!!!!
|
يا أيمن ..أغلب المرسل اليهم من المعارضين
يمكن الهدف ايذاءهم هم بالحصول على ارقامهم بشكل ملتوي
أو إيذائي أنا باستغلال ارقامهم في وقت لاحق و ارسال رسائل باسمي
ايا كان الهدف التصرف غير نبيل وفيه انتحال للشخصية
واقتحام للخصوصيات بشكل فج
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: GamarBoBa)
|
الجاي المنبر ده تاني منو يا قمر بوبا يا قريبي؟
انا الليلة حدي انو البوست ده يتقرى وتصل الرسالة
وبعد ده درب بكري و منبرو و هكرو أخضر ...
التواجد في المكان ده بعد كل البيحصل بيكون
نوع من المازوخية و حب تعذيب الذات
اي نعم المنبر اداني محبة كتيرة و معرفة ناس ذهب
بس برضو بيشيل من اعصابي وبيدخلني مواقف ما بتشبهني
وما بتضيف لي جديد ..
(.) سطر جديد
حأشيل الجميل و اخلي القبح قبلو
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
Quote: تمت ارسال رسائل
إرجو
لا استيطع
وإيلاماًمن ظلم
بكري لايزم
يعني مين ممكن يشكك في رسالة
مني بأطلب بيها في تهذيب رقم عضو؟
بأسمي كمان
لبوست بأسمك
يا ود الصيم
يمكن الهدف ايذاءهم هم |
ما عارفه لكن الاخطاء دي ما بتشبه عزاز ابدا ...
ولا كمان تكوني يا عزاز زعلانه شديييييييد لما فقدتي المنطق ...
في الحالتين "الله يجازي الهكر"
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
Quote: ايا كان الهدف التصرف غير نبيل وفيه انتحال للشخصية
واقتحام للخصوصيات بشكل فج |
نبيل منو؟؟؟؟
التصرف جريمة وجناية تتحرك لها الإجراءآت فى دقاق معدودة ويمكن أن تصل لمحلات ضيقة ضيق جحر فار ولكن فى سودانيز
أونلاين حماية المكان والأفراد حساباتها تبدو مختلفة..
هل يصعب تحديد من يقتحم موقع إنترنت أو حسابات شخصية ؟؟؟؟
والسؤال موجه لبكرى أيضا قبل أن يسحب البوست ,,,
على كل حال وجودنا هنا على مسؤوليتنا الشخصية وعلى الجميع المشاركة
فى طرح وسائل حماية أجدى وأكثر قوة من هجمات النمر المتكررة بصورة
يومية وس خ يفة وتدعو للتساؤل,,,
الجاتك فى مسنجرك ما سامحتك ....
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: أيمن الطيب)
|
Quote:
من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم
|
فعلاً موقف بكري غريب .. و معيب!!
حاجة تحير بالجد!!!
| |
|
|
|
|
|
|
|
|
 Re: تنبيه بخصوص رسائل ورادة من حسابي هنا لم أرسلها (Re: قيقراوي)
|
Quote: التواجد في المكان ده بعد كل البيحصل بيكون
نوع من المازوخية و حب تعذيب الذات |
معقولة يا عزاز ماشه يعني !! بتبالغي عديل سايبانا برانا للمازوخية بالأرانب دي
مازوخية عزاز دي لو ما قوقلتها و طلعت مصطلح جد جد كنت حافضل عمري كلو متخيله نجره منها لمصطلح بنفس المعنى المازوخي
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: مرتضى احمد عبد القادر)
|
Quote:
معقولة يا عزاز ماشه يعني !! بتبالغي عديل سايبانا برانا للمازوخية بالأرانب دي
|
و انت المقعدك شنو!!؟
غايتو ( نا ) دي شوية كدي بتلقى نفسك فيها برااااااك الله و رقبتك!!
الحاصل دا عبث يا مورتا!!
يعني اصلو ما ممكن الزول يتسول حق انو يوضح .. ليه الجابرنا على كدا شنو؟
المكان دا اخير قِلّتو كان محكوم بقانون واقف على راسو!!
حاجة تحير بالجد!!
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: قيقراوي)
|
Quote: عزاز شامي كتبت: الجاي المنبر ده تاني منو يا قمر بوبا يا قريبي؟
انا الليلة حدي انو البوست ده يتقرى وتصل الرسالة
وبعد ده درب بكري و منبرو و هكرو أخضر ...
التواجد في المكان ده بعد كل البيحصل بيكون
نوع من المازوخية و حب تعذيب الذات
اي نعم المنبر اداني محبة كتيرة و معرفة ناس ذهب
بس برضو بيشيل من اعصابي وبيدخلني مواقف ما بتشبهني
وما بتضيف لي جديد ..
(.) سطر جديد
حأشيل الجميل و اخلي القبح قبلو |
لا لا كدة ما معانا ...
وبي كدة إنتي بتعاقبي المنبر والناس العاشرتيهم بأخوة صادقة ...
وبتعاقبي بكري أبوبكر المغلوب على أمره ...
وكمان بكري أكتر واحد تعبان وغلبان والهكرز رافعين ليهو ضغطو ...
ــــــ
بالمناسبة يا عزاز الهكرز يشعرون بالفخر وروح الانتصار عندما يجدون مثل هذه البوستات التي تؤكد نجاح أعمالهم التخريبية وأعتقد أن بكري لا يريد أن يمنحهم الفرصة للتلذذ بما يقومون به ... وهذا لا يمنع من إيجاد آلية مناسبة لتبرئة ذمة الأعضاء ...
لذا أنصحك بعدم ذكر "الهكرز" في مثل هكذا توضيح ... وأن تذكري فقط أنه تم إرسال رسائل من حسابك بواسطة مجهول ... حينها ربما يُفهم أنه قام بتخمين كلمة المرور ... خاصة وأن الغالبية من "البنات" بالتحديد يستخدمن كلمات مرور ضعيفة مثل من واحد إلى ستة ...
ولكِ كل الود والتقدير ،،،
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: أيمن الطيب)
|
Quote:
هل يصعب تحديد من يقتحم موقع إنترنت أو حسابات شخصية ؟؟؟؟
والسؤال موجه لبكرى أيضا قبل أن يسحب البوست ,,, |
و كشف الهكرز مفروض يكون أولوية ، زي ما حماية الأعضاء المعتدى عليهم برضو مفروض يكون أولوية..
أبسط شيء إذا تأمين الحماية لعضوية المنبر شيء صعب، انه بكري يترك ليهم حق الدفاع عن نفسهم و دفع الأذى المترتب على اختراق حساباتهم..
و لو البيحذف بوستات التوضيح هو الهكر نفسو يبقى يا ريت الإدارة تشرح الحاجة دي للناس.. كلنا عارفين انو في هكرز ، و اختراق المنبر ما حاجة جديدة أو غريبة.. بس الغريب هو مصادرة الحق في حماية العضو لنفسه
ــــــ
أنا من الشاهدين انو عزاز بنفسها هي كاتبة البوست
و يا عزنا انت جبل ما بتهزو ريح..
كوني بخير دوماً
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: Sana Khalid)
|
| Quote: بالمناسبة يا عزاز الهكرز يشعرون بالفخر وروح الانتصار عندما يجدون مثل هذه البوستات التي تؤكد نجاح أعمالهم التخريبية وأعتقد أن بكري لا يريد أن يمنحهم الفرصة للتلذذ بما يقومون به ... وهذا لا يمنع من إيجاد آلية مناسبة لتبرئة ذمة الأعضاء ... |
يا صبري الكلام دا لو كان الهكر مجرد هاوي بيجرب في مقدراتو التكنولوجية و بيفرح لما يلقاها شغالة كويس..
لكن في رأيي انو دا زول عارف هو بيعمل في شنو و لشنو.. و غرضه أبعد كتير من التسلية!
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
شكرا يا حيدر الزين على التنبيه
انت عارف انو صندوق الصادر مافيهو
الرسائل الصادر ليك؟
يعني لو وقفت على مخاطبة الموجودين في صندوق الصادر
بس انت كنت ما حتعرف و يا عالم في منو كمان تاني
لا بعرفني ولا اتداخل معاي و ممكن عادي يصدق اني
ارسلت ليهو الرسائل دي!!!
اتمنى بكري يقرأ كلامك و يعرف حجم الضرر قبل ما يجي
و يتصرف بتسرع كالعادة!
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: Yassir Tayfour)
|
Quote: قيقراوي كتب: مغلوب على امره يحذف بوست توضيح!!؟
لو غالبو ما يفضها سيرة بس!! |
أخونا قيقراوي لك التحية ... واقترحت إيجاد آلية مناسبة لتبرئة ذمة الأعضاء ... وكتبت:-
| Quote: صبري طه كتب: وهذا لا يمنع من إيجاد آلية مناسبة لتبرئة ذمة الأعضاء ... |
إيجاد الآلية يمكن فنياً من خلال وضع شرط برمجي لا يسمح للعضو بمسح رسائله الخاصة الصادرة إلاّ بعد فترة زمنية معيّنة مثلاً شهر أو سنة ...
طيب يا عمّك حنستفيد شنو من الكلام دة ؟
الاستفادة هي:- في حالة الأخت عزاز تستطيع بعد الدخول على حسابها أن تعرف من الذين راسلهم الهكرز من خلال حسابها ...
وبي كدة تستطيع مراسلتهم والتوضيح لهم عبر الخاص ... وكمان كدة التوضيح وصوله أضمن بكثير من وضعه في بوست مفتوح ...
ولك ودّي ،،،
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: Yassir Tayfour)
|
شكراً عزاز
واتمني من بكري تلافي الضرر
قبل كم يوم الهكر خلاني اشتبكت مع تبلدينا لا ايدي لا كراعي في شتيمة فارغة جاتني بالماسنجر
ــــــــــ
يابكري اتمنى انك لو تسمع وقف الماسنجر وبعدين ايميلات الأعضاء ديل حافظهم وين؟؟
دا كلام بيضر الكثيرين لو خاتيهم كدة اي زول ممكن يعبث بيهم.. اسرارنا يابكري مع اهلنا يتهكر اسمي عندك ولا ايميلي
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
Quote: الاستفادة هي:- في حالة الأخت عزاز تستطيع بعد الدخول على حسابها أن تعرف من الذين راسلهم الهكرز من خلال حسابها ...
وبي كدة تستطيع مراسلتهم والتوضيح لهم عبر الخاص ... وكمان كدة التوضيح وصوله أضمن بكثير من وضعه في بوست مفتوح ...
|
يا صبري يا اخوي انا رسلت العندي في القائمة بس اقرأ كلام حيدر الزين وشوف
الانا كنت خايفة منو طلع صحيح ... مثلا حيدر الزين تلقى رسائل مني بس انا ما عندي
الرسائل اللي هو استلمها في صتندوق الصادر لانو الزول الاخترق الحساب رسل الرسائل
وحذف أغلبها وانا جيت لحقت ما تبقى منها ... انا ما رسلت لحيدر الزين اعتذر منو
لاني ما شفت اصلا الرسالة الصدرت ليه...
اها في الحالة دي حيدر يعرف كيفن؟
غير حسن الظن الهو ما ملزم للجميع وما ممكن نعتمد عليهو طواااالي كده
كان حيعرف كيف لو ما كنت كتبت البوست؟
انا حكاية باركوها و استروا لموضوع ده ما بحبها في الامور التي لا تحتمل
من حق اي زول استلم الرسائل دي ان يصله توضيح كافي لانو ما ذنبو انو زول قرر
يستغل حسابي ...
بكري ابو بكر حساس و بتهمو صورتو من حقو بس ما على حساب الآخرين
ولو عجز عن درء الضرر من حقنا اننا ننقذ ما يمكن انقاذه بكل السبل
الممكنة وما من حقو على الاطلاق مصادرة حقي في التوضيح موش لو بقى منبرو
لو بقى بيتو زاتو!
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: الشيخ صالح محمد)
|
البوست توقيته كان موفق..واخد زمنه تماما والحاجات بقت واضحة وليس هناك ما يدعو للقلق اكثر
راجعي قرار الوقوف خاصة في التوقيت ده...خليك قاعدة وامشي بمزاجك..مافي زول قاعد في المكان عنده ضمانات بتقعده وياهو حيدرالزين قال استلم من تبلدينا برضو فيبقي الموضوع عام...والتقدير ببقي شخصي وزي ما قال ايمن الزول في الحاصل ده قاعد علي مسئوليته الشخصية مافي اي حماية
وتقين كومارين قرقيدن هكر يا شيخة
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: سامي صلاح محمد)
|
Quote: و الفجيعة أن تفجع في أخلاقك و أنت لا تعلم، بمعنى أن يتم إستغلال إسمك و تشويه صورتك بإنتحال شخصيتك
لربما استخدمت حسابات أخرى دون أن يكتشف أصحابهم أبداً أنهم استغلوا
و لربما قيل على لسانهم ما يورطهم في مشاكل أو ملاسنات كما قال حيدر الزين أعلاه
يا بت الناس العزاز هذه مسألة حق لا تقبل التنازل و على بكري معالجتها أو إشراك الناس في هذا الهم
|
وهذا هو ما خشيت يا سامي يا اخوي والله يعلم الاتكتب من حسابي يكون شنو؟!
بكري بطريقتو ما يعالج انا بعالج موضوعي براي بعد كده لانو اعتمدت على
بكري كتير في الموضوع ده وفي كل مرة الخذلان ماشي زيادة!
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
Quote: عزاز شامي كتبت: يا صبري يا اخوي انا رسلت العندي في القائمة بس اقرأ كلام حيدر الزين وشوف
الانا كنت خايفة منو طلع صحيح ... مثلا حيدر الزين تلقى رسائل مني بس انا ما عندي
الرسائل اللي هو استلمها في صتندوق الصادر لانو الزول الاخترق الحساب رسل الرسائل
وحذف أغلبها وانا جيت لحقت ما تبقى منها ... انا ما رسلت لحيدر الزين اعتذر منو
لاني ما شفت اصلا الرسالة الصدرت ليه...
اها في الحالة دي حيدر يعرف كيفن؟
غير حسن الظن الهو ما ملزم للجميع وما ممكن نعتمد عليهو طواااالي كده
كان حيعرف كيف لو ما كنت كتبت البوست؟ |
عشان كدة يا عزاز أختي أنا اقترحت الآتي:-
| Quote: صبري طه كتب: إيجاد الآلية يمكن فنياً من خلال وضع شرط برمجي لا يسمح للعضو بمسح رسائله الخاصة الصادرة إلاّ بعد فترة زمنية معيّنة مثلاً شهر أو سنة ... |
ووصول التوضيح أضمن في اقتراحي خاصة وأن مواضيع المنبر بتنزل للصفحة التانية والتالتة ... إلخ والرسائل الخاصة معاها تنبيه ...
Quote: عزاز شامي كتبت: انا حكاية باركوها و استروا لموضوع ده ما بحبها في الامور التي لا تحتمل
من حق اي زول استلم الرسائل دي ان يصله توضيح كافي لانو ما ذنبو انو زول قرر
يستغل حسابي ... |
براك جيتي لاقتراحي يا عزاز أختي وكتبتِ من حق أي زول استلم الرسائل دي أن يصله توضيح كافي ...
السؤال: وصول التوضيح أضمن في حالة رسالة خاصة أم بوست مفتوح ؟!
ولكِ ودي ،،،
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
Quote: البوست توقيته كان موفق..واخد زمنه تماما والحاجات بقت واضحة وليس هناك ما يدعو للقلق اكثر
راجعي قرار الوقوف خاصة في التوقيت ده...خليك قاعدة وامشي بمزاجك..مافي زول قاعد في المكان عنده ضمانات بتقعده وياهو حيدرالزين قال استلم من تبلدينا برضو فيبقي الموضوع عام...والتقدير ببقي شخصي وزي ما قال ايمن الزول في الحاصل ده قاعد علي مسئوليته الشخصية مافي اي حماية
|
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: aydaroos)
|
| Quote: وياهو حيدرالزين قال استلم من تبلدينا برضو فيبقي الموضوع عام...والتقدير ببقي شخصي |
ابداً يا عيدروس وصبري طه
راجعوا الواقع في سودانيز اونلاين
عزاز شامي هوجمتك بصفة شخصية باعتبارها بت سودانية
ـــــــــــ
بت ملت عين الشمس فما عاوزين زولة زيها تجي تاني
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: aydaroos)
|
| Quote: [انا الليلة حدي انو البوست ده يتقرى وتصل الرسالة |
أنتي واحدة من ركائز المعرفة والوعي التي يقوم عليها هذا المنبر...وهذا الأستهداف أحد أهدافة أيصالك الي أتخاذ قرار الأنسحاب .. معقولة لكن ياعزاز تستجيبي بهذه السرعة ؟ أملي أن تراجعي قرار التوقف ..
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: محمد عيسي محمد)
|
| Quote: أنتي واحدة من ركائز المعرفة والوعي التي يقوم عليها هذا المنبر...وهذا الأستهداف أحد أهدافة أيصالك الي أتخاذ قرار الأنسحاب .. معقولة لكن ياعزاز تستجيبي بهذه السرعة ؟ أملي أن تراجعي قرار التوقف .. |
شكرا استاذ محمد عيسى على حسن الظن و العشم المبنر فيه كثر من خيار الناس
ارجو ان تراجع قولي في أمر التوقف عن الكتابة وهو ليس انسحاب يا سيدي الكريم
لم أجبر عليه بل هو قرار مسبب باسباب واضحة جداً يا بكري يحمينا يا يدينا حق
التوضيح غير كده باعتبر البقاء هنا مهانة لا أكثر ولا أقل
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
| Quote: السؤال: وصول التوضيح أضمن في حالة رسالة خاصة أم بوست مفتوح ؟! |
يا صبري الاتنين .. لانو رسائل التوضيح في الخاص
ممكن ما توصل لكل اللي استلمو الرسائل ...
حيدر الزين مثالاً = وصلتو رسالة مني وانا ما كنت عارفة
انا ما مخطئة يا صبري علشان اغتت على الموضوع ولا شريك مع بكري
ومن حقي الطبيعي المنطقي والمتسق مع فلسفتي الاخلاقية
اني اوضح الحاصل لاني اولا ما بضر زول ببمارسة لحقي ده
وثانيا لانو الادارة رفعت يدها مرتين
و كتفتني و رمتني في البحر و قالت لي عوم:
(1) مرة لما تقاصرت عن تعزيز حمياتها للاعضاء
(2) لما منعتني من التوضيح دون ان تطرح لي بديل آخر.
مع انو مفروض بكري ابو بكري هو اليعتذر لي و لمن تلقو الرسائل
موش كف كف يشيل بوستاتي لانو حمايتنا مفروض مسؤوليتو...
بس هنا سودانيس اون لاين دط كوم اكل نارك براك واقلع حقك بيدك
جداً باخدي حقي براي ... وفي فرق 10 ساعات بينا و بين اريزونا
و بكري إلا يخلي النوم أو يشيل الباسيورد
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
Quote: ابداً يا عيدروس وصبري طه
راجعوا الواقع في سودانيز اونلاين
عزاز شامي هوجمتك بصفة شخصية باعتبارها بت سودانية
ـــــــــــ
بت ملت عين الشمس فما عاوزين زولة زيها تجي تاني |
يا حيدر الزين انا مع فكرة فتح البوست، و ملاحقة بكري لتوضيح موقفو
و ما مع فكرة إنسحاب عزاز لانها كده بي تكون حققت للهكر هدفه
| |
|
|
|
|
|
|
|
|
 Re: تنبيه بخصوص رسائل ورادة من حسابي هنا لم أرسلها (Re: aydaroos)
|
Quote: يا حيدر الزين انا مع فكرة فتح البوست، و ملاحقة بكري لتوضيح موقفو
|
تسلم عمدة يا استاذنا
انا كنت تلميذك والاستاذ الشهيد اسامة - ومعاناعبد الاله حمد الريح - بقي هسع ######## انقسامات
لكنك للآن عالق بالذاكرة وكل كلامك
ــــــ
عبدالله حصل ليهو شنو ما عارف؟؟وقع وااطة مع احترامي ليهو ولي فكرو الغرزتو فينا
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: aydaroos)
|
كامل تضامني مع الاخت عزاز
وما من حق بكري مصادرة حقها في توضيح ما حدث لها ......وفعلاً يا بكري عزاز اتظلمت مرتين وظلمك ليها كان امر واقسي من ظلم الهكرز ....والهكرز ديل ما اختاروك صدفه ....بل لأنك بت جدعه ودغريه...لكن انسحابك يعني الهزيمه وده ما بشبهك...دمتي
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: manal eltahir)
|
Quote: كامل تضامني مع الاخت عزاز
وما من حق بكري مصادرة حقها في توضيح ما حدث لها ......وفعلاً يا بكري عزاز اتظلمت مرتين وظلمك ليها كان امر واقسي من ظلم الهكرز ....والهكرز ديل ما اختاروك صدفه ....بل لأنك بت جدعه ودغريه...لكن انسحابك يعني الهزيمه وده ما بشبهك...دمتي |
اختي منال الطاهر ... شكرا يا ستي على احقاق الحق أما أمر توقفي عن الكتابة فأجرو التكرم
بقراءة ردي و توضيحي للامر ... التوقف في هذا المقام ليس بانهزام بل تقديم ضرر أخف لمنع ضرر أكبر
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
الأخت عزاز أنا كلامي بافتراض إنو بكري طبّق اقتراحي وليس بافتراض الحاصل الآن ...
| Quote: ووصول التوضيح أضمن في اقتراحي خاصة وأن مواضيع المنبر بتنزل للصفحة التانية والتالتة ... إلخ والرسائل الخاصة معاها تنبيه ... |
يعني هسي الفاس وقع في الراس لو بكري سحب البوست بتاعك دة أو لم يسحبو ... واقترحت عليه أن يوجد آلية لتبرئة ذمة الأعضاء من انتهاكات الهكرز مستقبلاً ...
ودة اقتراحي:-
| Quote: إيجاد الآلية يمكن فنياً من خلال وضع شرط برمجي لا يسمح للعضو بمسح رسائله الخاصة الصادرة إلاّ بعد فترة زمنية معيّنة مثلاً شهر أو سنة ... |
ولحدّي هنا إنتِ معاك الحق في تنبيهك بالشكل الذي ترينه مناسباً لإخلاء مسئوليتك من الرسائل التي صدرت بحسابك ... طالما لا توجد وسيلة أخرى قام بتوفيرها الأخ بكري ...
ــــــــــــــــــــ
إن شاء الله كدة تكوني فهمتيني شايت وين ولو ما فهمتيني أضبحي ليك بقرة إن شاء الله يكون لونها بمبي ذاتو 
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: صبري طه)
|
هلا الحبيبة عزاز
ما عاش من يتطاول عليك يا حبيبة
تتذكري نفس الحكاية دي حصلت معاك إنتي تحديدا وألخ الكريم خالد المحرب السنة المضت
لما اتهركت انا برضو , وكتوا بتنزلوا البوستات للتوضيح ليس إلا
استغربت وقتها في سحب بكري للبوستات
لكن ما بعيد البسحب البوستات دي زاتها يا حبيبة هو الهكر وليس ابكر حقنا الواحد ده
ويا ابكرونا والله هكرونا المرضانيين ديل
والمصيبة بفضحوا رقبتهم ,, يعني هسة الهكر الأخ مرتضي جعفر ده وحاول يغير في اسلوبه قدام الناس
ده ما مرضان عديييييل
يعني اها غيرت وكتبت ونسخت وصورت
هل بتقدر تصل مرتضى في مكانو وتطاول عليهو ؟ ولا يعني كتابة السافير الناس بتمشي بيها وخلاص
ما يهو إنتو مالين الأسافير بي قرفكم ومرضكم
البعاين ليكم منو غير شبهكم الزيكم
دي اساليبهم الإنسان رخيصة
الناس اصلو ما تسكت ليهم
ويجب فضحهم في كل لحظة
اصلها ايماهم دنت ..
التحية لك يا عزاز الحنينة ولك اخي العزيز مرتضي
لكم الحرية والتحية والإجلال ,, ولهم الخزي والعار
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: اسماء الجنيد)
|
Quote: لكن ما بعيد البسحب البوستات دي زاتها يا حبيبة هو الهكر وليس ابكر حقنا الواحد ده
|
تسلمي يا سوما يا حبيبة القسا ... بس الحذف ده بكري
ما زول تاني أقول ليك ليه... أنا كتبت البوستات الاولى
المسحهن اول امس وراسلتو في وقتها و طالبتو بحق التوضيح
ما رد علي لغاية الليلة و انا امس كلو ماسكة خشمي علي
معناها عدّاني العيب بعد ده
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: صبري طه)
|
Quote: تسلم عمدة يا استاذنا
انا كنت تلميذك والاستاذ الشهيد اسامة - ومعاناعبد الاله حمد الريح - بقي هسع ######## انقسامات
لكنك للآن عالق بالذاكرة وكل كلامك
ــــــ
عبدالله حصل ليهو شنو ما عارف؟؟وقع وااطة مع احترامي ليهو ولي فكرو الغرزتو فينا |
يا جماعة دا الهكلر ولا ولدنا حيدر الزين
غايتو حيدر ولدنا من كنور و ما ممكن يقول عبدالله وقع واطه
وعبدالله كان معتقل في تلاتين يناير
يعني بالعكس طلع فوق ما وقع واطه
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: صبري طه)
|
| Quote: إن شاء الله كدة تكوني فهمتيني شايت وين ولو ما فهمتيني أضبحي ليك بقرة إن شاء الله يكون لونها بمبي ذاتو |
خلاص فهمتكم فهمتكم بس انت كمان ما تغالطني وانا دمي فاير في نص الشكلة
بتبالغ عامل زي اخوي مصطفى الله يرحمو نكون هايجين و هو ماسك ورقة وقلم
يجدول في المراحل و يمرحل في الاساليب واحنا الدم للركب 
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
الاخت/عزاز
تحياتي؛؛؛
ادين تهكير الحسابات بشدة.
قبل كده قلت للجميع بطّلوا تستخدموا الحروف او الكلمات الانجليزية في الباس ويرد
العربي ده مالو عيبوا لي؟
ولاّ الناس عايزه تتفلسف بالانجليزي؟
مثلا الباسويرد:أم صفقاً عراض
بيظهر كالاتي:ãÝÑæÖ ÈßÑí
والهكر لو شال السيرفر كلو بتاع بكري ما بيقدر يفكها.
نسخة المنبر ده قديمة جدا من زمن حفرو البحر واي هاوي في الهكر بغطس حجرو .
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: بشير أحمد)
|
عزاز شامي
اُختى ومفخرتى ...
شكراً للتنبيه ما إنو انا ما جاتنى رسالة :) ولا تلفون ...
وانا ما جايب خبر ..ذاتو ... لى هكر
داير اديك و تفسير ونصيحة ...
عن مسح البوستات فاحياناً يقوم به الهكر وخاصة زي بوستك ده ... وأحياناً بكرى ...
بكرى يرى أنه من الأجدى المواصلة فى البورد زكتابة مواضيع والردود ونسيان الهكر واسبابه وما فعل ... هذا يمثل له هزيمة اما
محاولة كتابة بوستات عنه ...الخ يمثل تكبير شأن له ... دي حاجة ..
الشئ الثانى :- حتة هكر لا مشى ولا جاء ...ومندسي خلف شاشة ..يهزمك ويخليك تقررى تفارقى البورد ...
ياخ انا شخصية البورد حقتك دي زاتا عا########ى مع شراستها وإنفعالها لكن لازم تقعدى ...
:)
ــــــــــــ
معزرة انا قاعد لى فى بلد طيرا عجم وعشان تكتب فى البورد الا تكتب بالبتاع البى الماوس ده
أرجو إعفائ من الاخطاء الإملائية ...
| |
|
|
|
|
|
|
|
|
 Re: تنبيه بخصوص رسائل ورادة من حسابي هنا لم أرسلها (Re: الملك)
|
سلام يا عاطف وقمر بوبا,,,| Quote: ومنتظرين الباقين يلحقو بينا؟؟ |
الباقين جاهزين يا قمر وعاطف,,
على بكرى ان يكون أكثر ووضوحا وأكثر تفهما لتبعات إختراق حسابات الأعضاء هنا,,,
Done,,,,,,
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: أيمن الطيب)
|
Quote: سلام يا عاطف وقمر بوبا,,,
Quote: ومنتظرين الباقين يلحقو بينا؟؟
الباقين جاهزين يا قمر وعاطف,,
على بكرى ان يكون أكثر ووضوحا وأكثر تفهما لتبعات إختراق حسابات الأعضاء هنا,,,
Done,,,,,, |
وين كلام عاطف يا أيمن؟
ما لقيتو و البوست زاتو
زي البقى قصير الكفّو منو؟
شكل البوست دقايقو بقت معدودة!
يا مسهل!
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: الملك)
|
شقيقي الملك .. بعيدا عن موضوع البوست
والله فخورة بيك وان شاء الله تجي طيب و سالم ...
موضوع انو الهكر المسح البوستات، احيلك لردي على سوما يا اخوي
انا امس كلو اديت بكري فرصة انو يرد على ايميلي العاتبتو فيهو على
مسح البوستات ,,, ما رد ... اها؟
بخصوص الانسحاب وانو يعتبر هزيمة فانت بتعرفني كويس و بتعرف لو اني ممكن انهزم
ولا اسباب التوقف منطقية و الاستمرار في الكتابة في ظل الظروف هذه بيعتبر امتهان
ما قوة ...
ابقى طيب
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: بشير أحمد)
|
Quote: الاخت/عزاز
تحياتي؛؛؛
ادين تهكير الحسابات بشدة.
قبل كده قلت للجميع بطّلوا تستخدموا الحروف او الكلمات الانجليزية في الباس ويرد |
شكرا يا تساذ بشير بس يااخوانا في أزمة تنميط في المنبر ده :)
البنات بكتبو باسيوردات ساهلة و حسي انو بنكتب بالانجليزي
القال ليك منو انا ما كاتباهو بالنوبي وكلو رموز؟
حماية المعلومات الشخصية دي ما بنلعب فيها
الاختراق القاعد يحصل ده لانو السيكيورتي عامل زي النملية
ما علشان الباسيوردات و الله
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
المرة دي المسالة مختلفة عن غيرها يا عزاز ويمكن الشخص ايضا اختلف
في السابق كان التهكير عبثي وغرضه الشتيمة والاساءة للمنبر و الاعضاء و اثبات المقدرة التكنلوجية
لكن الفترة الاخير في كودات بتودي لموقع فيشينغ شبيه بالفيس بووك غرضه سرقة الحسابات بطريقة احترافية
وزي الموقف الحصل ليك دا بدل على انو الهكر المرة دي ما غرضه العبث بل عندو فهم و هدف ساعي ليه وله معرفة او متابعة جيدة للاعضاء واسلوب كتابتهم
وحتى طبيعة علاقاتهم مع بعض
ودي حكاية خطيرة ارجو من الاخ بكري عدم التعامل معها بنفس مستوى التجاهل للأعمال العبثية السابقة
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: محمد البشرى الخضر)
|
Quote: المرة دي المسالة مختلفة عن غيرها يا عزاز ويمكن الشخص ايضا اختلف
في السابق كان التهكير عبثي وغرضه الشتيمة والاساءة للمنبر و الاعضاء و اثبات المقدرة التكنلوجية
لكن الفترة الاخير في كودات بتودي لموقع فيشينغ شبيه بالفيس بووك غرضه سرقة الحسابات بطريقة احترافية
وزي الموقف الحصل ليك دا بدل على انو الهكر المرة دي ما غرضه العبث بل عندو فهم و هدف ساعي ليه وله معرفة او متابعة جيدة للاعضاء واسلوب كتابتهم
وحتى طبيعة علاقاتهم مع بعض
ودي حكاية خطيرة ارجو من الاخ بكري عدم التعامل معها بنفس مستوى التجاهل للأعمال العبثية السابقة |
تجاهل و كمان جابت ليها قص و حلاقة مداخلات ابشرك يا ود البشرى !؟
يعني ده شنو هو ده؟ يعني ما امشي اجتماع واقعد مصاقرة البورد
ده علشان اشوف الاتكتب؟
المهم الفهمتو انو في توقف جماعي ... مية مية يا شباب 
عصيان مدني من النوع ابو كديس و الشعار (الاعضاء يريدون تعزيز الأمان)
| |
|
|
|
|
|
|
|
|
 Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
بكري.. دي وقعت منك
Quote: سلام يا عاطف وقمر بوبا,,,
Quote: ومنتظرين الباقين يلحقو بينا؟؟
الباقين جاهزين يا قمر وعاطف,,
على بكرى ان يكون أكثر ووضوحا وأكثر تفهما لتبعات إختراق حسابات الأعضاء هنا,,,
Done,,,,,, |
Re: تنبيه بخصوص رسائل ورادة من حسابي هنا لم أرسلها
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
عزاز يا غالية..
بجد شئ غريب من بكري إنه يسحب البوست التوضيحي. الحمد لله التوضيح حصل.
ولو فعلا كان الغرض من السحب إنك ترسًلي لأي شخص إستلم رسالة من الهكر. ده يبقى الشئ الأغرب.
* غايتو يا عزاز الفيك إتعرفت وخوًتنا طلعت خوًة جيريوات (جمع جريو) ساكت.
النبي ما رسًلتي لي تسألي من رقمي/ أرقامي مالك.. لوووووووووووول
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: Raja)
|
Quote: جد شئ غريب من بكري إنه يسحب البوست التوضيحي. الحمد لله التوضيح حصل.
ولو فعلا كان الغرض من السحب إنك ترسًلي لأي شخص إستلم رسالة من الهكر. ده يبقى الشئ الأغرب. |
تخيلي يا رجاء؟
مفروض اني اكتب لكل عضو في المنبر بدل ما افتح بوست؟
حكم قراقوش يا اختي نقول شنو؟
______
انا برضو اسألك من تلفونك في الماسنجر؟ بينا ملح وملاح يا بتي ووقفة اخوان ما بنساها ليك ما حييت
ابقي طيبة
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عزاز شامي)
|
Quote: أغالط روحي و أتصبر.. ههههههه
بتحصل لي .. مرات أشوف الأرقام من برة .. بعد شوية تنقص.. أقول لا يمكن أنا لمحت رقم غلط في بوست تاني..
المرة دي حضرت المولد كلو..
و عاطف - الله يديهو العافية - لبس المداخلات أححححححمر
|
الفاتني شنو يا سناء؟
انا لما ما اعرف حاجة عادية بيجي اب عديلات
خليك من شي في البوست حقي :)
مقص الرقيب شال شنو؟
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: عمر عبد الله فضل المولى)
|
Quote: عزاز شامي كتبت: يا اعزاء بجيكم صادة نفر نفر كان الله كتب للبوست ده الحياة لانو الدنيا صحبت في بلاد الانكل سام
بس حابة ارد على الاخوان و الاخوات البيقولو انو ما مفروض امشي علشان هكر
انا لو مشكلتي هكر ما ببمشي ... لو مشكتلي خلاف شخصي برضو ما بمشي
شفنا كتير في الدنيا والبورد ده ىخرو عندي علامة × الفي الطرف دي و بمشي
اشوف حياتي ذاتي الابعاد الانسانية و الحقيقية ...
المشكلة هنا انو الظلم من سيد المنبر ذاتو و جور غير مبرر
اولاً اما راسلت بكري مباشرة بعد ما اكتشفت الحاصل
رد لي رد مسسسسسسسسسيخ وقال لي just ignore it ورسلي للجاتهم منك رسايل
اقنور ات؟ ساااااااي كده ؟ لا بالله؟
رسلت للقيتهم في الصادر بس لما لقيت ناس تانية ممكن تكون استقبلت الرسائل دي
وانا ما باعرفها ما عندي طريقة غير اني افتح بوست وضحت فيه كلامي
شالوا بكري .. كتبت تاني ووضحت موقفي شالو برضو بكري
راسلت بكري ووضحت ليهو مدى استيائي ما عبرني لحد يوم الليلة !
وعليه، ما دام سيد الحوش ما بحمينا و بمنعنا نحمي انفسنا فالموضوع ده
ما لازمني كلو كلو ... ويتفسر زي ما يتفسر لانو تقيمي ما واقف على المنبر
يتقال ضعف انهزام اي شيء ما فارق معاي كتير البعرفني بعرفني والما بعرفني
من حقو يقيمني زي ما داير في النهاية ده اسفير وانا عارفة روحي وصبري قدر
شنو وبصبر في شنو ... المنبر ما نهاية العالم على الاطلاق ... وما في زول
بقدر يحميني اكتب كلامي ولا أقول راي وفي موقف مشابه لما بروف عز الدين
ما اداني فرصة مداخلة في ندوة فيها 30 شخص .. سكت؟
طبعا لأ! مشيت نشرت كلامي و زيادة في جريدتين (الصحافة و اجراس الحرية)
وفي الراكوبة و في المنبر ده ...والما حضر حضر و الما كان عارف عرف ...
وده البحصل هنا، العندي بقولوا بأكتر من طريقة و دوري في المجتمع و الحراك
بيحصل بالمنبر ومن غيرو عن طريق مقال ... ندوة ... كلام مع الناس ...
دعم مادي معنوي للشغالين في التغيير ...المهم بشارك
ولا بكري ولا هكر ولا غيرو بمنعني اني اكون زي ما اخترت اكون ..
مافي زول بيقدر يشيل مني حاجة ما اداني ليها ...
و حريتي و قوتي واستقلالي عملتهم انا ما من صنيع زول
والزارعنا غير الله اللي يجي يقلعنا!
وفوق كم ؟ اترجي حقي في التوضيح؟ ليه؟
القبول بالتعدي والظلم بيجيب ظلم أكبر وما بيفسر قوة على الاطلاق
"ان الشجاع هو الجبــــــــان عن الأذى" الأذى لرويحتي و لغيري في هذه الحال
|
غايتو أنا فهمت من الفيلم الهندي الطويل دة إنّك ما حترجعي السودان عشان البشير ونظامو وحترجعي في حالة إنو نظام البشير يطير
الانسحاب بحجة ظلم وقع عليك من فرد ما مُقنع فسودانيز أونلاين ملك للجميع حتى ولو سيطر عليه البشير ظاتو
ورحم الله أخوك وجعل الجنة مثواه ...
ولكِ ودّي ،،،
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: د. ياسر عبد القادر)
|
من حقك يا عزاز توضحي موقفك بدون ما يتسحب او يتسنسر بوستك
ما عارف الاتسحب من البوست شنو لكن متأكد انو ضريبة نجاح الموقع ما مفروض يدفعوا تمنها بعض الاعضاء خصما علي مواقفهم
يا نشيلها كلنا يا نكتب بامان كلنا.البعرفو انو ده ما الاستهداف الاول لعزاز شامي و لن يكون الاخير لها و لزملاء آخرين
لذلك اتمني ان يتفهم بكري حساسية الموقف و يتوقف عن سحب بوستات التوضيح او إخلاء الطرف من عمايل الهاكرز او المتلصصين.
| |
|
|
|
|
|
|
|
|
|
Re: تنبيه بخصوص رسائل ورادة من حسابي هنا لم أرسلها (Re: ismeil abbas)
|
Quote: ألأخت عزاز.....لك التحية وألأحترام.
الذين يفعلون مثل هذه ألأمور شخصيات غير سوية .تسعى لنشر الفتنة بين الناس.نسأل الله ان يجعل كيجهم فى نحورهم.
ومن حقك توضيح ألأمر عبر هذه النافذة التى صدرت منها هذه الرسائل بتوقيعك الخاص. |
شكرا استاذ اسماعيل وفعلا مافي زول سوي بيستخدم الاساليب الملتوية دي ... الله عالم قالوا شنو
في الرسايل الاتمسحت و الله عالم ناويين يعملوا شنو بالارقام الوصلتهم .. علشان كده انا حريصة
انو المعلومة دي تصل لأي زول وصلتو الرسائل دي علشان يحمي نفسو و بكرر اعتذاري ليهم
على حسن ظنهم المكلف جدا ...
| |
|
|
|
|
|
|
|
1
|
صفحة 1 „‰ 3: << 1 2 3 >>
|
|
|
| |
محمد عبد الماجد الصايم
GamarBoBa
Murtada Gafar
أيمن الطيب
سيف النصر محي الدين
مرتضى احمد عبد القادر
قيقراوي
تيسير عووضة
HAIDER ALZAIN
أبوعبيدة محمد الأمين
Yassir Tayfour
الشيخ صالح محمد
محمد يوسف الزين
aydaroos
اسماء الجنيد
بشير أحمد
الملك
محمد البشرى الخضر
حيدر حسن ميرغني
ABUHUSSEIN
Raja
عمر عبد الله فضل المولى
mohmed khalail
خدر
ismeil abbas
فيس بوك
تويتر
انستقرام
يوتيوب
بنتيريست