|
|
 الساحر سيف اليزل البرعى ( يوجد لوترى )
|
غايتو اللى ما قدم للوترى عن طريق سيف اليزل خسران خسران
شخصيا منذ بداية برنامج اللوترى قدمت لخلق كثير للاهل و الاحباب
كمية من البشر لو كانوا جوا كانو ممكن يعملوا الولاية رقم 51
هههههها
واحد فقط من هذا الجمع بس فاز فى 1996
المهم صادف ان زارنى هنا خالا لى
ويظهر البلد عجبتو
قال لى يا إبنى شوف لى طريقة أولادى يجوا البلد دى
الظاهر الخال عجوبتو ليك فى بوسطن حكاية هارفارد و الام آى تى
وأصالة وعراقة بوسطن
قال احسن يجيب أولادو هنا
قلتو بس أقع فى أخونا سيف دا
الزول دا يدو مبروكة تب وكان سيف حاضرا للجلسة فى دار الجالية ببوسطن
قلت ليهو سيف دا دخل كمية عن طريق مكتبو فى الكلاكلة
وفعلا قبل يومين إتصل بى سيف الساحر وما شاء الله
وقولوا ما شاء الله تانى
أولاد خالى التلاتة فازوا
لسيف الف شكر بل كلمة شكرا بسيطة فى حقو
غايتو الداير يقدم لى لوترى بس يقع سيف دا
نسبة نجاحو بتكون أكبر
والبركة واصلة حتى من مكتبهم فى الكلاكلة
حتى ظننت أن الطريق لامريكا يبدأ من القبة الكلاكلة
|
|
 
|
|
|
|
|
|
|
|
Re: الساحر سيف اليزل البرعى ( يوجد لوترى ) (Re: محمد النيل)
|
حقيقة الاخ سيف كان سببا سخره الله
فقد ساهم فى حضور وهجرة الكثيرين الى الولايات المتحدة
عن طريق برنامج اللوترى هذا
بارك الله فيه فقد ساهم فى حل كربة الكثير من الاسر و الافراد الهاربون من جحيم السودان
فاز الكثيرون عن طريقه ولذلك تجد ان له العديد من المعارف بامريكا
ممكن يعملوا جالية براهم
لا زال يساعد من خلفه بمحله بالكلاكلة رغم وجوده الان ببوسطن
وقد شاهدت له العديد من البوستات بالمنبر يبحث عن فائزين مجهولين لم يعلموا نتيجة فوزهم
| |
|
|
|
|
|
|
|
|
|
Re: الساحر سيف اليزل البرعى ( يوجد لوترى ) (Re: محمد النيل)
|
الاخ موسى منجى
تحايا قلبية
اخونا سيف دا صدقنى ما محتاج لدعاية
مكتبهم بالكلاكلة عبارة عن خلية نحل
من كمية الحركة الفيهو ناس بتستلم ارانيك الفوز وناس بتراجع نتائجها وواحدين بيطلبو مساعدة فى الاجراءات و و الخ ......
ومتساهل جدا فى حتة الرسوم والاتعاب للمقتدرين فقط
اما الغلابة من الفائزين بس بيلقى منهم الدعاء الطيب وهذا يكفى
والله وليس من باب المجاملة
سيف انسان بحب الخير للجميع وفعلا كما قلت فهو كالغيث نفع اينما حل
له ولك صادق الود
| |
|
|
|
|
|
|
|
|
|
Re: الساحر سيف اليزل البرعى ( يوجد لوترى ) (Re: سيف اليزل برعي البدوي)
|
Quote: قال احسن يجيب أولادو هنا
قلتو بس أقع فى أخونا سيف دا
الزول دا يدو مبروكة تب وكان سيف حاضرا للجلسة فى دار الجالية ببوسطن
قلت ليهو سيف دا دخل كمية عن طريق مكتبو فى الكلاكلة
وفعلا قبل يومين إتصل بى سيف الساحر وما شاء الله
وقولوا ما شاء الله تانى
أولاد خالى التلاتة فازوا
لسيف الف شكر بل كلمة شكرا بسيطة فى حقو
|
يالنيل وكما يقال في الارث الغير موثق ( كل كنزاَ حارسو جان ) نحنا ... نخم و نصر
والجان دا محل فول في ام درمان يا بتاع الكلاكلة قال ...
كيفك والاشواق في بعدك
ليكـ الشوق رحط
السودان والاهل واللفة
الاخ سيف دا أكتشفتو أنا مع الجي بي اكس 4500
وشحدني شحدة على الاتنين
لكن ناس امدرمان ديل التقول ناس طلبان
لا جوا أمريكا ... لا لمو في الذهب
لكن يا لنيل ما عندك مشكلة أنا وسيف حا نكون في الاستقبال ذي ما أستقبلنا .... القبلهم ديك
عودا حميدأ مستطاب ... البلد بلدك وانت كون شبر طورية منجل سبح فانوسأ مدلدل
قلتا بيهم لي زمانك
يا زمان الاهة حقك.....
وفي الختام
مدد يا ود البرعي
أقدل مع اوباما ( اليومين ديل ) ذي الورد
وافتح مكاتبك للعبور
محمد الفاتح خالد
| |
|
|
|
|
|
|
|
|
|
Re: الساحر سيف اليزل البرعى ( يوجد لوترى ) (Re: محمد النيل)
|
| Quote: غايتو اذا ود الصائم عايز يقدم السنة الجاية ماحنقدم معاه .. طيرنا السنة دي |
ود الصايم دا بالذات يا سيف ما تقبل منو أقل من إتنين برميل شربوت
=====
حاشية
======
بالمناسبة يا ود الصايم إنت وين فى السعودية؟
أنا اليومين ديل طرفكم
| |
|
|
|
|
|
|
|
|
|
Re: الساحر سيف اليزل البرعى ( يوجد لوترى ) (Re: نوفل عبد الرحيم حسن)
|
يا النيل دي دعاية خطرية جدا...
شوف ما وردني الان...هههه
| Quote: الاخ سيف خالص التحايا والود ليس لي اشتراك في صفحة سودانيز اون لاين لكن قرات في البوست عن بركاتكك ارغب في التقديم ونحن اسرة فهل من الممكن ان اقدم عبر مكتبكم ؟ وكيف؟ مع خالص التحايا والود ارجو الافادة وشكرا |
وامتلا بريدي بعشرات الرسائل...
ربنا يقدرني غايتو...
لكم خالص الود...
| |
|
|
|
|
|
|
|
|
Re: الساحر سيف اليزل البرعى ( يوجد لوترى ) (Re: نجلاء قرافي)
|
شــــكـرا يــانـيــلـو وســـلامـات.
والله فـاقـدنـك فـى بـوســطـن؛ وطـوالـى فـى ســيـرتـك.
يــاخـى ســـيـف دا بـخـلاف إنـه راجــل بـركـة،
إنـســان نـبـيــل وأخــو أخــوان.
حــدوب عـلـى الـمـعـرفـة وطـمـوح لأعـلـى درجـات الـعـلـم.
وفـضــولـه بـالـبـحـث والــســؤال لايــنـقـطـع.
عـمـل ودراســة وإطـلاع عــلـى كـل مـاهــو مـفـيـد.
وأجــمـل شــئ هــو إشـــراك الـنـاس مـعـاه فـى الـمـعـرفـه.
الله يـديــه ا لـعـافـيـة ويـنـجـح مـقـاصـده.
وأنـا مـابـنـســى فـضـلـه فـهـو واحــد مـن الـنـاس
الـجـرجــرونـى لـهــذا الـمـوقـع -- رغـم إبـتـعـادى لــزمـن طـويــل جـــدا عـن الـكـتابـة
واالـمـشـاركـة فـى قـنـوات الإتـصـال الـمـقـروءة والـمـرئـيـة والـمـسـمـوعـة.
فــلــه الـشـــكـر.
| |
|
|
|
|
|
|
|
|
|
Re: الساحر سيف اليزل البرعى ( يوجد لوترى ) (Re: احمد محمد بشير)
|
أدونا عين لا حول ولا قوة إلا بالله
أدونا عين قوية
الظاهر الموضوع طرشق
غايتو إلا يكون ويب سايت الحكومة الامريكية مهكر
غير كدا تبقى مصيبة
يا نجلاء قرافى سلفينا كلمة ووووب ووب ووب علينا لو تسمحى
الظاهر برطمانية الملوحة بتاعتك جابت لينا الكج
يا حليل برطمانية الملوحة حقتى
ووب تانى
| |
|
|
|
|
|
|
|
|
|
Re: الساحر سيف اليزل البرعى ( يوجد لوترى ) (Re: محمد النيل)
|
برضو مهما كونو لغوا النتيجة
دا معناهو سيف ما محظوظ
يكفيهو الناس الدخلو من وراهو فى الاعوام السابقة
مازال سجلا خرافيا
إنتظروا يوم 15 يويليو
برضو لو الناس دى زاتها ما كسبت
أكيد ح يكون عندو كمية تانية ح تفوز على إيدو
بس الناس دى الما محظوظة
يد سيف ما زالت مبروكة
فإن لم تاتينا الميلوحة عن طريق نجلاء قرافى
ستأتينا عن طريق القدافى
أو حتى مريم بت الحسين
مش كدا يا مريم؟
| |
|
|
|
|
|
|
|
|
|
Re: الساحر سيف اليزل البرعى ( يوجد لوترى ) (Re: محمد النيل)
|
Quote: غايتو السنه الجايه حاجزين لوترينا كان الله مد في الآجال
لك التحايا اخي سيف
شكرا محمد النيل |
نامن الما بطرشقو شنو ؟
مسكتوا في ميلوحة نجلاء وبامية توما ونسيتو دكوتي الفوق دي لووووول
اتمني يكون خبر الطرقشه مجرد اشاعه وفرقعه
تحياتي ( تاني )
| |
|
|
|
|
|
|
| |
محمد النيل
سيف اليزل برعي البدوي
عمر موسي منجي
محمد الفاتح خالد حسون
مريم بنت الحسين
Mohamed Yassin Khalifa
ود الخليفه
فتح الرحمن محمد
نوفل عبد الرحيم حسن
خضر حسين خليل
نجلاء قرافي
الخير محمد عوض
شرفى عبدالقادر
عبدالرحمن إبراهيم محمد
احمد محمد بشير
توما
فيس بوك
تويتر
انستقرام
يوتيوب
بنتيريست