|
|
|
 Re: حليلكـ يا تمبس .. من الفــورة مليون .. لـ (ستار أكاديمي)! (Re: HAIDER ALZAIN)
|
أول حاجة يا صبايا تقبروني كلاتكم ..
اكتير مهضومين ..
..
لكن ..
اكتر وانا اتابع في استار اكاديمي .. كنت بتخيل ..وياريتني ما اتخيلته ..
كنت بتخيل:
منو فيكم ممكن يستوعبوهو في استار اكاديمي ...؟
بلاي عايز واحد متصالح مع نفسو فيكم يجي يقولي انا ماشي استار اكاديمي ..
ياخ اقل واحد هنا رشاقة .. لما يكون ماشي عكس الهوا فجأة زرار القميص يفك .. حتى لو ما قحه ..
الواحد فيكم يصحى الصباح .. يغسل وشو من نص ضهرو .. وتسالو يقوليك الصلعة دي ورثة من العائلة ..
اهـا قول ورثة ..
عملت بيها شنو .. ؟ ياتو اختراع مسجل بي اسمك .. في الدنيا دي ..؟
ياخ بي صراحة كدا ومن الآخـر خالص ..
انا اكتشفت اني ضيعت زمني معاكم طيلة الفترة الماضية ..
الواحد لو كان عندو اصحاب زي جلبيرتو .. ومحمد رافع ..
وانتيمه زي .. كرستين .. وليــان .. ونسمة وكرمية .. وسارا .. كان ظروفو زاته اتصلحت .. والحظ ابتسم ليهو ..
| |
  
|
|
|
|
|
|
|
|
Re: حليلكـ يا تمبس .. من الفــورة مليون .. لـ (ستار أكاديمي)! (Re: HAIDER ALZAIN)
|
طيب دقيقة بالمنطق كدا ..
الجماعة ديل بجيبو ليهم الأكل في صناديق صغيرة .. وكل زول مكتوب في الصندوق اسمو ..
والوجبة غالبا تتكون من الخس .. والملفوف .. وبعض اللحوم الحمراء الخفيفية على شاكلة:
السلمون المدخن .. (والمارتي) شنو كدا ما عارف 
ومع الحاجات دي .. ست بتاع ادوات طعام .. منديل .. وشوكة وسكين ومعلقة .. طبعا علشان ما (يــوس..خ) يدينو ..
لاحظ عشان ما (يــوس...خ) يدينو ..
..
الاكل معظمو دايت وصحي .. الغذاء السليم في الجسم السليم ..
الواحد لما ياكل حاجات كويسة زي دي .. زاتو ببقى نضيف وسمح ...
خذ عندك مثلا .. فرضنا جدلا انو اي واحد من العجيبين الفوق ديل وعلى سبيل المثال:
صاحب البوست + مين بشري الخدر دا .. + عبد المجيد مين كدا ما عارف .. وحيدر مين مين .. إلخ ..
بس تخيلو الواحد فيهم جابو ليهو الحاجات دي في الصناديق الصغيرة المقرطسة دي ..
أول حاجة:
(بقد) عينو بي الشوكة دي .. ويجيب لي ناس (رولي سعد) بليه ورقبة .. ويجيك باقي اهلو من عطبرة ومن شندي .. ومن جزر عجيبة كدا .. يجوك باللواري .. لحدت لبنان .. ويمشو الاكاديمية .. بي نحاسم .. وبي سيطان عنجم وبي طنابيرم .. ويعملو فوضى .. وخلل في ترتيبات الموضة .. والنظام الاجتماعي .. إلخ ..
الاكل البجيبوهو في الصناديق دي بيعمل ليكم تسمم مالكم ومالو خليكم في قراصتكم وملاح ويكتكم دي
..
كان عندنا واحد في الحلة اسمو فتحي فرتقه ..
يوم عرس اختو جا داخل الحفلة (ماسك نار) .. قال إلا يفرتق الحفلة ..
يازول مالك ..؟؟
قال لانو ما اتعشى ..
سرعة سرعة .. كلفتك كلفتك .. جابو ليهو كوكتيل من عشا الفنانين على السريع كدا ..
قام صعب الأمور ..
قال لييه مافي كوارع في الصحـن دا .. ؟
طبعا على حسب الطشمة ..
شيل خت .. شيل خت اقنعوهو انو المسالة دي مستحيلة .. وصعبة جدا ..
قال خلاص .. عايز (شيــة) بتاعت باسم .. لانو الصباح ضرب (مرارة) مع الطباخين .. وما عارف ودو .. روسين الخرفان ووين.
اقنعوهو ..إنو بكرة الصباح برضو مع فطور العريس .. ح يضبحو وح يكون في شية وإنت بي نفسك تكون مسؤول من مسالة المرارة دي ..
المهم بعدما اتلايق .. واقنعوهو .. في النهاية .. وبعد تحنيس ..
قال خلاص .. جيبو لي شطـة خدرا بي (اتيي) وكبوها لي في الصحن دا .. وحسع دي
عليك الله دي اخلاق دي الواحد فيكم يمشي بيها استار اكاديمي ..؟
| |
|
|
|
|
|
|
|
|
 Re: حليلكـ يا تمبس .. من الفــورة مليون .. لـ (ستار أكاديمي)! (Re: tmbis)
|
Quote: تمبس كتب: الجماعة ديل بجيبو ليهم الأكل في صناديق صغيرة .. وكل زول مكتوب في الصندوق اسمو ..
والوجبة غالبا تتكون من الخس .. والملفوف .. وبعض اللحوم الحمراء الخفيفية على شاكلة:
السلمون المدخن .. (والمارتي) شنو كدا ما عارف |
يا عمّك أنا افتكرتك متابع البرنامج !!!
ـــــــ
أتاريك متابع مطبخ البرنامج 
يا ود الصايم حليمة لسّة في قديمة بس دخلت مطابخ أجنبية
| |
|
|
|
|
|
|
|
|
 Re: حليلكـ يا تمبس .. من الفــورة مليون .. لـ (ستار أكاديمي)! (Re: صبري طه)
|
| Quote: يا عمّك أنا افتكرتك متابع البرنامج !!! |
كويس جدا يا جماعة ..
الردود الزي دي بتريحني ..
والله من خلال خبرتي .. في الردود السلاخية ..
صبري دا متابع البرنامج ..
كدا بقينا تلاتة ..
..
انا وأبو حسين .. وصبري طــه ..
..
ملحوظة:
انا احيي صراحة صبري طـه وابوحسين .. واحي العمق حقهم في تفهمم لي برامج زي دي من شانها تبقى الزول كويس ..
المهم ..
انا طالع مشوار قريب هنا وجاي ..
يا ود الصايم المشوار دا بي شارعك ..
لو انترستنق .. ح اجيب ليك معاي ساندوتشات من الصب واي .. شرائح لحم .. وتونة خفيفه بي صلصة السرطعون ..
..
والله حسع تلقاك مليان قراصة وتركين من امس .. وبصل بي شطـة لمن ما قادر تتكلم زاتووو ..
ياخ نحنا الواحد قدر ما يرفع فيكم .. ترمونا معاكم ..
..
| |
|
|
|
|
|
|
|
|
 Re: حليلكـ يا تمبس .. من الفــورة مليون .. لـ (ستار أكاديمي)! (Re: abas)
|
Quote: اضرب الخونه والمرجفين بيد من حديد
ود الصايم قلت لي خلي العكو والكوارع خلاااااااااااااس |
.. يا عبس اول حاجة مبروك للزعيم ..
تاني حاجة اصحابك ديل اعداء .. ما بخلو الزول يتقدم لي قدام ..
ولا بيخلوك تعمل الحاجات الفيها الفايدة ..
ياخ انا مية سنة معاهم عهنا استفدته شنـو ..؟
هي تلاتة شهور بس الواحد يعتبر نفسو في اجازة .. بيعمل فيها حاجات كويسة ..
الواحد يشوف الحاجات الفيها الفايدة
| |
|
|
|
|
|
|
|
|
 Re: حليلكـ يا تمبس .. من الفــورة مليون .. لـ (ستار أكاديمي)! (Re: عبدالله شمس الدين مصطفى)
|
Quote: نومنيه إستار أكاديمى!!!!
شويتين ويقول ليك مهرجان سوبريم بتاع بيتزاهتمخير الله يا تمبس. |
..
يا عبد الله ..
في اتنين لاعبين بوكر .. واحد محظوظ جدا
رش ليك اللاعب معاهو داك لمن كرهو العيشة ..
كلما يفتح ليهو سبعه .. داك يقوليهو معليش والله عندي تمنية .. ويخم ليك قروشو
يفتح سته .. ويدخل فيها يقوليهو والله عندي سبعة ..
مرة زولك دخل في تمنية .. وقعد يكورك كشف ورقو وقالي لي صاحبنا .. تمنية طفلة ..
داك قاليهو .. عندي تسعة طويلة ..
صاحبك قلب ليهو الطربيظة بعدما اتخرت خرته عدوك .. قاليهو:
والله انا لو عندي زي حظك دا حسع دي كان يكون عندي تلاتة عمارات في المنشية ..
زولنا داك قالي:
برضو عندي ..
اها يا زول .. سوبريم برضو عندي
| |
|
|
|
|
|
|
|
|
|
Re: حليلكـ يا تمبس .. من الفــورة مليون .. لـ (ستار أكاديمي)! (Re: محمد عبد الماجد الصايم)
|
Quote: وزعلان جـدا لأنو (كريمة) بقت نومنيه .. قال لي ياخ عليكـ الله (صوّت) لـ 2
عشان أحمد يطلع ويدخل كريم .. لأنو كريمة دي ما ممكن تطلع كلو كلو!! |
ما يطلع أحمد ويدخل كريم يا بليد ..
ياخ قلت ليك صووت لي كريمة عشان ح تضيع بين المصريين .. وناس الاكاديمية حاقرين بالمغاربة ..
اها حسع كريمة طـارت عليك الله استفدته شنو ؟؟
انا كان عارف كدا ما كان ناقشت معاك الأمور الحساسة دي زاتووو ..
باقي اميمة .. وانا تاني ما بسمع كلامك واصوت ساي من طرف .. المرة الجاية بشوفك صوته لي منو .. وانا بصوت ضدك ..
| |
|
|
|
|
|
|
|
|
|
Re: حليلكـ يا تمبس .. من الفــورة مليون .. لـ (ستار أكاديمي)! (Re: عبدالمجيد الكونت)
|
| Quote: انا كان عارف كدا ما كان ناقشت معاك الأمور الحساسة دي زاتووو .. |
اتا يا تمبس بتناقش الامور الحساسه دي مع ناس ود الصايم!! ... ياخي متابعة البرامج ذات السعه العاليه دي بيعملوا بيها غمدت لبدت ... ولو واحد فيهم دق ليك تلفون تغير القناه طوالي لساهور ولا لبتاعة السواعده البيرقصو فيها واقفين ديك
تقعد تناقشها مع ناس ود الصايم يمين الا تلقط ورق جمب الجامع بتاع غبيره داك
__________________________________
اتا يا تمبس ياخي ما تشرحو (نومنيه) دي ...ولا هي مش البت اللابسها بنطلون جينز كونص ولا واحده تانيه
| |
|
|
|
|
|
|
|
|
 Re: حليلكـ يا تمبس .. من الفــورة مليون .. لـ (ستار أكاديمي)! (Re: محمد عبد الماجد الصايم)
|
شو شباب .. شوو اخباركم ..؟
..
كريمة طلعت وبطني طمت عديل كدا من البرنامج دا ..
الأسبوع الفات قلت يشوتو حسام .. عشان الواحد يرتاح شوية .. قوم يا حسام ارجع الاكاديمية وطار أحمد رافع ..
..
باقي الاسبوع الجاي .. يطلع محمد عبد الله نومنيه .. ومعاهو حسام .. ودقدوق ..
..
طبعا في واحدين فاتحين خشمم ساي .. ما ناقشين الحاصل شنو ..
وفي واحدين كدا كان شافو الاستار دي .. اول حاجة ح يصوتو لي (نينا) .. ولي (ليان) .. ولي (سارا) .. (وكرستين)
يصوتو ساااي كدا ويكملو قروشم وما عارفين الحاصل شنو ..
..
النجيضة .. لو في اي واحد تم منعو من مشاهدة التلفاز لأي من الاسباب .. فما يجازف ويشوف استار اكاديمي اليومين دي بالذات لانو ربما يكسرو ليهو التلفزيون في راسو .. ويخلوهو يغسل العدة تلاتة مرات في اليوم .. وغسلة سريعة كدا قبال النوم ..
| |
|
|
|
|
|
|
| |
محمد عبد الماجد الصايم
محمد البشرى الخضر
عبدالله شمس الدين مصطفى
abas
عبدالعزيز الفاضلابى
ABUHUSSEIN
Yassir Tayfour
osman righeem
saadeldin abdelrahman
heba Elmahi
عزام حسن فرح
د. ياسر عبد القادر
BousH
HAIDER ALZAIN
Magdi Ahmed Elsheikh
tmbis
ابو جهينة
Zomrawi Alweli
الخير محمد عوض
أمير فتحي
فيصل نوبي
Faisal Elrasheed
Elsanosi Badr
داليا الكباشى
Hisham Ibrahim
هشام المجمر
فيس بوك
تويتر
انستقرام
يوتيوب
بنتيريست