|
|
|
 Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Dr. Ahmed Amin)
|
سلام لصاحب البوست ....
وشكرا للواقعية أشترينا وبعد دا مافى استعداد لبوصلة ومعرفة المكان وشكلها كدا تكون استثمار وليس سكن
بعد الكلام دا 
د . أحمد امين سلامات ..
Quote: غايتو الداير يشتري أخير يشتري في دريم لاند ورخيييييصة .. على الأقل مع شارع مدني وجنب النيل ..
|
الان فى مرحلة تفكير لانو ناس الجالية هنا فى الدوحة عندهم تسجيل واتصلت السودان للاستفسار لوجود حبة قريشات
خوفا من البعزقة قلنا نجدعها فيها فنصحونا لو فى درجة اولى ممكن تشترى وتصبر وفى العدم ممكن تشترى فى دريم لاند
600 متر بى 9 مليون يهمنى رائك فى دريم لاند من حيث المستقبل والسعر المطروح .... بانتظارك
| |
 
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: بابكر التوم)
|
Quote: وشكلها كدا تكون استثمار وليس سكن
بعد الكلام دا |
إستثمار شنو يا بابكر .. ده ما تنفع ببصلة .. أصلو المغتربين دايما الحيطة المايلة للحكومة ده..
أقول ليك كلام .. إشتري في الصالحة ( أمدرمان) أو دريم لاند المربعات القريبة من سوبا .. وده أسعارها بين 11 الى 18 مليون
حسب المساحة والموقع .. باخي أقلاها بتشوف بشر وبتسمع صوت عربات وتشم ريحة النيل ..
أما ديك والله الأ تجاور العقارب والثعابين وما خفي أعظم ...
ويييييييييييييــ غايتو يا ود عبد المطلب فاتح لينا البوست ده مااااالك ياخ ...
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Dr. Ahmed Amin)
|
| Quote: عليه العوض ومنو عوضين. |
الجاتك في الوادي اللخــدر سامحتـــك
عليك الله السماهو الوادي الأخضر ده الأ يكون ضارب ليه سجارة (خدرة) اليوم داك
اففففففففففف .... كنت قايل نفسي تفتيحه وما في زول بغشني .. لكن ديل سوها
يلا العترة بتصلح المشية ..
وعشان كده وصينا ناس الإمارات بأن لا يشاركوا بقريشاتهم في المؤتمر العاملنه اليومين ده " قال استثمار قال"
كله زول يخلي باله من ...... وأعملوا خلف دور
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Mohamed Abdelmotalib Hassan)
|
مرحبا ياشباب
شكلكم انتو الساكنين بعييييد
لناس بحري كل المنطقه دي فركة كعب بس
اذكر عند تويع مدينة الصحفيين ومشينا وقفنا علي المكان اصابنا احباط زيكم الان.
حاليا المدينة اصبحت مأهولة.. ومعظم الاماكن القريبه منها اتسكنت ايضا.
بالنسبة لاسعار الاراضي المذكوره اعلاه فهي تعتبر مناسبه استنادا لقيمة الارض اذا اخذتها عبر لجان الاراضي في الخطط الاسكانية.
ستة مليون الان كما ذكر اعلاه... مقابل اكثر من 3 ملايين بالطريقة الرسمية.
| |
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Mohamed Abdelmotalib Hassan)
|
Quote: فعلا انا عشت نفس التجربة
عندي اخوي أشترى في المنطقة دي ومشيت عملت معاينة
لكن الغريبة مشيت لبتاع عقارات في مدينة الصحفيين وقال لي ممكن نشتري منك حالا ... وبسعر أعلى من السعر الأشتروا بيه في قطر ب3 مليون او 3 الف جينه بالقديم |
أهلاً يا فيصل،،،
دي طبعاً حركات سماسرة معروفة ، يعني لو كنت جبت ليهم ورق
القطعة جاهزة كانوا حيلفوا ويدورا ويطرشقوا البيعة بي أسباب متعددة.
بتاع العقارات ده واضح إنو (مصطكي)!!
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: كمال ادريس)
|
سلام د . أحمد
Quote: أقول ليك كلام .. إشتري في الصالحة ( أمدرمان) أو دريم لاند المربعات القريبة من سوبا .. وده أسعارها بين 11 الى 18 مليون
حسب المساحة والموقع .. باخي أقلاها بتشوف بشر وبتسمع صوت عربات وتشم ريحة النيل ..
|
يعنى أشرت لدريم لاند الوادى الاخضر شفنا بعيونك لكن دريم لاند مرينا بيها بشارع مدنى
كلمحة سريعة برضوا سفر ياحبيب ولاية الجزيرة رسمى
واعتقد بانها كمسافة ابعد من الوادى الاخضر بس سعرها مناسب ومساحتها كبيرة واحتمال أسامة داؤود يرفع من قيمتها مستقبلا باستثماراتة وشايف الكيزان
اتجهوا عليها بقوة معناها فيها رقشة
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: كمال ادريس)
|
كمال يا أخوي
Quote: اذكر عند تويع مدينة الصحفيين ومشينا وقفنا علي المكان اصابنا احباط زيكم الان.
حاليا المدينة اصبحت مأهولة.. ومعظم الاماكن القريبه منها اتسكنت ايضا.
|
ما هو ده ظاااااتو المقلب ... ظبطوا مدينة الصحفيين عشان باقي الناس يقتنعوا ويقولوا والله الحكاية ده ماشه لجدام
ويبيعوا ويبيعوا لمن يوصلوها كسلا ... وابقى قابلني ..
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Mohamed Abdelmotalib Hassan)
|
Quote: القصة بتاعة الشقة الفيها مية وستين متر دي زي حاقصة
لي شوية ، فبالله لو في مهندس تفتيحة هنا يجي يورينا القصة
دي ممكن تبقى كيف ، لكن على شرط ما يجي يملانا إنجليزي
درراب وإيشن وما إيشن وكلام كبار كبار ويخلي الناس فاتحها
خشومها وما قادرة تقول إنها ما فاهمة الكلام يعني يتكلم معانا
بالرندوك وكده ، يعني كلام بتاع أخوان وكده عشان ما تكون
في أي نقرطة وحقصان
|
السلام عليكم اخي الكريم
غايتو قصة المية وسبعين متر دي انا جربتها
اشتريت 200 متر في الفيحاء شرق النيل بنيت فيها شقتين الارضية مساحتها 120 مترمؤجرة الان ب 1000 جنية والفوق 100 متر مؤجرة ب 700 جنية والحمد لله
ووبدون كلام المهندسين لو نظرت لمعظم الشقق التي يسكنها المغتربين لعشرات السنين تجدها في هذه الحدود او اقل, لكن الواحد عشان يرجع السودان ويشتري قطعة 600 متر يغترب 20 او تلاتين سنة
الفكرة كانت ببساطة كالاتي:
1. كنت مستأجر نصف منزل في اركويت عام 2004 ب 650 جنية فسألت نفسي اذا كنت اسكن نصف منزل بالايجار لماذا لا اسكن في نصف منزل امتلكة
2. كنت كلما اجمع مبلغا لشراء قطعة ارض اجدها زادت فلميت العندي واشتريت ال 200 متر
3. تكلفة البناء والتشطيب كلها ستختصر للنصف (لوعندك 600 متر سراميك ساي يقص ظهرك)
4. الان وبفضل هذه ال 200 متر انا ادرس خارج السودان ولا احمل اي هم لمصاريف العيال في السودان.(نقاطة لا بتتعطل لا السواق اكلك, لا السوق نايمالايام دي)
ولك مني التحايا
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Dr. Ahmed Amin)
|
Quote:
غايتو خليناهم لله ...
يلعبوا بالمغتربين يمين وشمال ... |
المغتربين طوااالي بوصيهم إنو ينزلوا إجازة ويشيل قروشو
صرة في خيط ويخش سوق الله أكبر ده.
لا تقول لي سفارات ولا وفد حكومة ولا غيره ، يعني الأراضي
دي لو فيها فايدة كان قعدت لحدي ما يهاجروا بيها بره؟
أمشي السودان وألبس ليك عراقي وسفنجة مقطعة ومافي داعي
للتمسح والكريمات والحنكشة الزي دي وأقع السوق ولا تكلم
زول إنك مغترب ، تسأل وتتنور وتتابع وتحضر مبايعات وتقعد
تحت عمارة إبراهيم طلب زيك وزي أي سمسار مشنق طايقتك
ولا من شاف ولا من دري.
وكدا!
أنا بألكو أهو ، وظنبكو على قنبكو بأ!!
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Mohamed Abdelmotalib Hassan)
|
أحسن الله عزاكم ياخ
والبركة فيكم ...
ـــــــــــــــــــــــ
هاكـ تامكنه دي برضو خليها تقسم عندكم شويه
الأيام دي شركة النور العامله مشروعها جم السلاح الطبي ديكـ
حايمه بي الخليج تدقس في المغتربين
لكن عليك أمان الله المغتربين بعد الوادي الميت دا وسندس الزراعي
الريال منهم بقى زي الشعره من شنب الأسد وهو راجي اللبوة ....
شركة النور هي إحدى شركات عارف بتاعت الخطوط السودانيه ..!!
دي سُنبكا في الحكومة لليوم ما قادر يمرق منها ،، ما بالك بي الممغتربين ...!
إنتو المغتربين ديل ما بيارثوا مع اهلهم والا شنو ؟
| |
|
|
|
|
|
|
|
|
 Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Hisham Ibrahim)
|
غايتو يا محمد طلب قوّمت نفسنا لحدي ما وصلنا الوادي!
إنت يا زول مشيت من وادي سيدنا للوادي الأخدر؟
المشوار الأنت كتبتو دا ما بياخد أكتر من 15 دقيقة
في طريق أسفلت بالكامل من دكاكين الزيت القلتها في حلة
كوكو دي لحدي ما تصل الوادي الأخضر، واللهو الناس بدت تسكن فيهو!
أي حتة في الدنيا دي مربعات وتقسيمات وأحياء
الحاج يوسف دي لو شفتها زمان كان من القبّة بتشوف
سوق ستة .. هسي سوق ستة لو وقفت في الأول ما بتشوف الآخر!!
يا زول لو اشتريت ومزعلاكـ ممكن تبيعها قدام مكتب الأراضي زاتو!!
أنا غايتو مشيت الوادي الأخضر أكتر من ستة سبعة مرات
بمشي لحدي الترس (البارليفي) دا في أقل من عشر دقايق!!
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: منال)
|
منال إزيييكـ .. عايز أرد لغتية محمد ما يجي ..
Quote: زمان يامحمد نفس كلامك ده الناس كانت بتقولو على منطقة الرياض والطائف
بعيده وخلاء ومتين الخدمات بتصله ؟؟؟؟؟
هسى المناطق حلم للكثيرين
|
يا منال ماااافي مقارنة .. انتي لو مشيتي الوادي اليابس ده وشفتي .. والله العظيم حتقولي لينا انتو ما كتبتوا أي شيئ عنه
مبااااالغة .. أنا لمن مشيت خفت عديل .. بنزيني يقوم يقطع وما أعرف اقبل وين @@@
أما مستقبلها في علم الغيب ... صدقيني شيئ ما بتوصف
والقضية ما تبخيس .. بس انتي كان لقيتي فرصة أمشي .. شوفي .. وبعدين حتغيري رايكــ ...
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Dr. Ahmed Amin)
|
العاوز يشتري يقع الخرطوم ...أي حته في الخرطوم...مع اني لا اتفق معاك في الكلام الفوق ده..حتي الآن أنا أتذكر كويس لما كان ناس اركويت بيجيبو المويه من الصحافه بالكارو ..وكانت المواصلات بي بصات اللبن القديمه ديك ..والرحله للخرطوم عاوز ليك أقل حاجه ساعه وشويه ...وشارع عبيد ختم الشايفنو ده كان عجاجو قايم......أين اركويت الآن ؟؟؟المشكله تكمن في إنو لو العاوز يشتري في هذا الوادي يكون عاوز يسكن الآن ....
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Dr.Elsadig Abdalla)
|
Quote: أو تشتري في الخوجلاب ، أو حي النصر لو عندك قروش زيادة ، أو في كافوري
في مربع إستثماري ميتين متر وأسعارها معقولة برضو............................ |
عبد المطلب سلامات... اليوم أو بكرة سمعت قالُو ناس أراضي الوادي الأخضر جايين السفارة في الرياض... وصاحبي قال لي نمشي نشوف الحاصل شنو؟؟؟ بعد كلامك دا قلت ليهو أمشي براك شوف واديني التقرير... أها قال لي كلم صاحبك عبد المطلب يشوف لينا الخوجلاب درجة تانية 480 متر دي بي كم اليومين دي؟؟؟
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: أبو الحسين)
|
عندي سؤال مهم ياصاحب البوست عليك الله ماتتجاهلو وترد علينا بسرعة
انت قلت الوادي عاوزة ليها 20 سنة عشان تبقى وادي
وكمان 25 سنة عشان تبقى أخدر
يعني 20 + 25 = 45 سنة
عمرنا هسي قرب يصل وللا وصل الأربعين
يعني 40 + 45 = 85 سنة ماشاء الله عيننا باااااااااااااااردة
يللا السؤال
لحد هذا الوقت الواحد بتكون مدة صلاحيتو انتهت
وأكيد ما حاتكون في اي علاقة حميمية
عشان كده الواحد لابد يكون زول آآآآآآآآآآآآخرة ساااااااااااااااي
السؤال 00 هل في جامع في الوادي الأخدر دا ؟؟؟
عشان الواحد يحرسو ويعمل ليهو سبحة طويلة
ويواصل الصلاة على النبي
أخوك الصحفي { أبوحراز }
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: أحمد الشايقي)
|
الاخ/محمد عبدالمطلب
تحياتي بنكهة غُبار الوادي الاخضر؛؛؛
اتصلت علي مستشار الاراضي بتاعي (إبن عمي سمسار اراضي في عمارة الضرائب بالسوق العربي)
وقال لي اشتري وجيب لي شهادة البحث او ورقة السفارة وايصال الدفع
وقال لي مش مهم مربع كم
والمشتري جاهز ؛؛
قلت ليهو ح ادفع9الف ريال لدرجة اولي ؛قال لي ادفع وتعال استلم 3مليون ونص +قيمة9الف ريال (850جنيه للريال)
واعتبرها مصاريف للاجازة .
مشيت السفارة في جدة ؛لقيت الاعمي شايل المكسر وزحمة شديدة
والمغتربيين عقدتهم ومشكلتهم يلقي ليهو ارض إن شاء الله في واق الواق ؛خاصة المغتربيين الليهم تاشر سنة وماعمل حاجة (لا بيت ولا يحزنون)
المهم بيقنع نفسو إنو عندو قطعة ارض في كرش الفيل ويمرق من السؤال البي يتسإل منو كل المغتربين في ونساتهم (اها عملت شنو في البلد؟)
علي الاقل ح يقول عملت قطعة ارض وراجي الري عشان البنيان.
______
غايتو....دامة الشيريا نزلت بدون الأتو بتاعكـ يامحمد.
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: بشير أحمد)
|
Quote:
ياخي انت مودينا وين تعبنا ذاتو من المشي |
ههههههه.
يا وليد كيفك؟
إنت شفت حاجة؟ ده هسه الوصف بس ، أما لو مشيت فعلاً
عينك ما تشوف إلا النور ، بعدين بتاع الحافلة في حتة كده
بمشي بسرعة تشفق لمن بتاع قلاب من الإتجاه المعاكس
قرب يجيب أجلنا ، بعدين بتاع الحافلة إتكلمنا معاه قال
الما عاجبو ينزل!!
هههههه
هناك لا في مستشفى لا بتاع حركة ولا غيرو.
بس ربك ستر.
أوعك يا وليد تتورط وتشتري حاجة زي دي!!!
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Mohamed Abdelmotalib Hassan)
|
عمار الياس بابكر الحسن
Quote: السلام عليكم اخي الكريم
غايتو قصة المية وسبعين متر دي انا جربتها
اشتريت 200 متر في الفيحاء شرق النيل بنيت فيها شقتين الارضية مساحتها 120 مترمؤجرة الان ب 1000 جنية والفوق 100 متر مؤجرة ب 700 جنية والحمد لله
ووبدون كلام المهندسين لو نظرت لمعظم الشقق التي يسكنها المغتربين لعشرات السنين تجدها في هذه الحدود او اقل, لكن الواحد عشان يرجع السودان ويشتري قطعة 600 متر يغترب 20 او تلاتين سنة
الفكرة كانت ببساطة كالاتي:
1. كنت مستأجر نصف منزل في اركويت عام 2004 ب 650 جنية فسألت نفسي اذا كنت اسكن نصف منزل بالايجار لماذا لا اسكن في نصف منزل امتلكة
2. كنت كلما اجمع مبلغا لشراء قطعة ارض اجدها زادت فلميت العندي واشتريت ال 200 متر
3. تكلفة البناء والتشطيب كلها ستختصر للنصف (لوعندك 600 متر سراميك ساي يقص ظهرك)
4. الان وبفضل هذه ال 200 متر انا ادرس خارج السودان ولا احمل اي هم لمصاريف العيال في السودان.(نقاطة لا بتتعطل لا السواق اكلك, لا السوق نايمالايام دي)
ولك مني التحايا |
سلام يا عمار وكيف الأمور؟
والله مداخلتك دي بالظبط الكنت متأمل ألقاها من سؤالي الفوق ، وفي نفس
الوقت كنت عايز أرسل رسالة معينة عن شغف الجميع بالمساحات الكبيرة ،
وإنو مشكلة السكن والأراضي اللي عاملة هاجس خطير لكل مغترب ممكن
تتحل ببساطة ، يعني كل إتنين أو حتة تلاتة أصحاب أو أخوان يشتروا قطعة
ويقسموها وتتبني بالطريقة القلتها دي.
يا عمار لو سمحت تواصل لينا وتدينا فكرة وتفاصيل أكثر ، وبرضو تنور الناس
عن الفيحاء وأسعار الميتين متر حالياً ، وعن لو بتعرف ناس عايزين يبيعوا....إلخ
وأهو تكون قدمت خدمة عظيمة لعدد مقدر من الأخوان.
ألف شكر يا عمار.
| |
|
|
|
|
|
|
|
|
|
Re: رحلة إلى أرآضي الوادي الأخصر بالمواصلات : تشتري؟ ولا ما تشتري؟ (Re: Mohamed Abdelmotalib Hassan)
|
Quote: غايتو يا محمد طلب قوّمت نفسنا لحدي ما وصلنا الوادي!
إنت يا زول مشيت من وادي سيدنا للوادي الأخدر؟
المشوار الأنت كتبتو دا ما بياخد أكتر من 15 دقيقة
في طريق أسفلت بالكامل من دكاكين الزيت القلتها في حلة
كوكو دي |
Quote: لحدي ما تصل الوادي الأخضر، واللهو الناس بدت تسكن فيهو!
|
يا محمد
المشوار ده بالمواصلات من نهاية تقاطع شارع تزعة مع شارع واحد لحدي
ما تصل آخر محطة الفيها الجامع والمدرسة بياخد ما لايقل عن ٣٥ -
٤٥ دقيقة ولما تصيف ليها المسافة من حلة كوكو لي شارع تسعة دي برضو
زي خمسطاشر لي عشرين دقيقة حسب الوقت بتاع الزحمة.
الوادي الأخضر مافيهو سكن يا محمد ، السكن في مدينة الصحفيين اللي
هي بعد ما تتنهي مدينة الصحفيين بيبدأ الخلا بتاع الوادي الأخضر اللي
هو عبارة عن صحرااااااااااااء جرداااااااء طيييييييييييييييييييييييرة مافيهو
الوادي الأخصر ده ما فيهو ولا قطعة واحدة مبنية ، ولا قطعة.
| |
|
|
|
|
|
|
| |
Mohamed Abdelmotalib Hassan
بشير أحمد
jini
وليد عبد اللطيف
بابكر التوم
صديق عيسى صالح
كمال ادريس
Ammar Elyas Babiker Hassan
Hisham Ibrahim
محمد عبد الماجد الصايم
بهاء الدين سليمان
الحاج حمد الحاج
Dr.Elsadig Abdalla
أبو الحسين
ابوحراز
أحمد الشايقي
فيس بوك
تويتر
انستقرام
يوتيوب
بنتيريست