وتحايا ل(بشاشا) من قواعد قطاع الشمال العرفت حجم (الخم)

Quote: سلامات الأستاذة / تراجي إحتراماتي الأكيده وشوق لا تُفصِح عنه الكلِمات .. من اليوم الإتكلمت معاكي فيهو عبر الإسكايبي وحتى الآن , قريت ليكي مواضيع كتيره في سودانيز أونلاين وهنا في السودان الجديد , وتقريباً كدا قريت كُل مُداخلاتك وفي كُل مره بزداد قناعــة إننا مُحتاجين ليكي ولأمثالك من حاملي جينات نُصرة حقوق الإنسان والدِفاع عن حقوق المسحوقين والمُهمّمشين والمظلومين .. سبب إرسال الرساله دي هو البوست الكتبتيهو في سودانيز أونلاين عن (الحركة الشعبية) .. البوست دا أثار زوبعة ما طبيعية هنا في السودان وتحديداً في النشاط السياسي في الجامعات الكبيره (السودان + الخرطوم + النيلين) وفتح عيون شباب كُتار كانوا (مخمومين) بمصطلح السودان الجديد لكن ما خاتين بالهم من إنه جينات العُنصرية الموجوده عند بعض الشماليين مُمكن تعبر عن نفسها حتى داخل الحركة الشعبيه وسودانها الجديد .. المُهم , تحياتي ليكي على البوست وياريت كمان تنقلي تحياتي الكبيره لكمال بشاشا على الترف الكبير في السُخرية والإقناع تِجاه المُتداخلين في البوست ..

(عدل بواسطة Tragie Mustafa on 04-21-2011, 06:42 PM)