|
|
 الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور)
|
تدخلت شرطة مقاطعة فيرفاكس بولاية فرجينا و قامت بإبعاد وطرد رجل أمن السفارة السودانية العقيد أمن محمد سليمان عبد الله من الندوة التي خصصت لزكرى ثورة إنتفاضة إبريل المجيدة ، التي أقامتها منظمة الاسرة السودانية الامريكية بالتعاون مع منظمات المجتمع المدني السوداني بأمريكابمنطقة واشنطن الكبرى يوم السبت 9 ابريل2011 .
بدأت القصة عندما حضر العقيد أمن محمد سليمان عبد الله الى موقع الاحتفال وحاول أن يدخل الى صالة الندوة, قام بمقابلته بباب الصالة المناضل الصنديد عادل علي صالح وطلب منه وبكل تهذيب عدم الدخول الى صالة الندوة لأن حضوره غير مرغوب فيه كرجل أمن لسفارة النظام بواشنطن. ولكنه أصر على الدخول رغم التوضيحات المتلاحقة من الاخ عادل بأن وجوده غير مرغوب فيه ومن الاحسن أن يغادر وإلا سوف نلجاء للقانون لحسمه، وعندها طلب عقيد الامن محمد سليمان من الاخ عادل متحديا بأن يأتي بالشرطة، وعندها قام الاخ عادل علي صالح بطلب البوليس. حضر البوليس وبدأو في الاجرائات الروتينية وأنفردوا برجل أمن السفارة على حدا وبالاخ عادل علي صالح على حدا أيضا. وبعد ذلك طلبت الشرطة من رجل الامن أن يغادر موقع الاحتفال فورا وعدم العودة مرة أخرى. غادر رجل أمن النظام موقع الاحتفال وهو في أشد حالات الغضب. توجد صور سوف يتم أنزالها لاحقا.
ملحوظة:
موقع الاحتفال تابع لشرطة مقاطعة(كاونتي) فيرفاكس بولاية فرجينيا.
|
|
  
|
|
|
|
|
|
|
 Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: نجلاء سيد أحمد)
|
سلامات يا دينق... وتحياتي خالصة
ودعني أحيي معك صديقي الصنديد والجسور عادل صالح الذي أبداً لا يخاف من قول الحق
أحييه وأنا أعلم أنه تصرف التصرف الذي وجب علينا كلنا إتباعه مع كل كــلاب المؤتمر اللاوطني
فعلينا عزلهم وتحجيمهم وعدم السماح لهم بالمشاركة أو التداخل معنا في مجتمعنا المعافى منهم
فهم لم يأتوا لخير لنا أو للوطن.. وما أرادوا حواراً وليسو من أهلاً للتفاكر...
ولا يفوتني هنا أن أحيي منظمة الأسرة السودانية بـ دي سي وقيادتها الفاعلة
والتي أحيت لنا ذكرى أبريل المجيدة وأعدت لها برنامجاً تماشى مع هذة المناسبة
ودمتم....
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Rudwan Dawod)
|
الزول ده بيجي الندوات دي ليه
وهو عارف إنه في كل مرة بيسمع ما لا يرضيه
وأن وجوده يستفز الجهات تنظم هذه الفعاليات السياسية؟
ماذا يريد هذا الشخص بتكرار مثل هذا السلوك السمج؟
المرة دي أخرجته الشرطة ولكنني أخشى أن يولد سلوكه المتكرر هذا رد فعل عنيف
من أحدهم حيث أن ردود أفعال الناس تختلف خاصة أن الغالبية العظمى من المعارضين
هنا تضرروا من عسف السلطة التي يخدمها بدرجات متفاوتة.
أرجو أن يكون ذلك درسا له يجعله يبتعد عن هذه المنابر.
التحية للصديق عادل على صالح
وشكرا للأخ دينق والأخ كوستاوي على التوثيق.
| |
|
|
|
|
|
|
|
|
 Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: سعد مدني)
|
انت يا دينق دحين ده ما ياهو زاتو الصفقنلو الحريم يوم ندوة صفية وطردنو وكوركن في وشيهو
وقالن الأمن يطلع برة ,, الأمن يطلع برة ؟؟
اجي يا بنات امي
الزول ده كان جلدو متل جلد حسني مبارك
سفير الهنا والمنا ده ما بخجل على الملطشة البتجيهو في كل تجمع سودانيين احرار!!!
ما يمسك عليهو شبيه وزير دفاعنا ده
غايتو الأنقاذ دي لملمت ليها كم زول عينة لبن العشر وزير الدفاع وطلقتهن مغيسة لي خلق الله
الله يجازيني خجلت ليهو ولي اهلو الجايب ليهم الشينة بي عمايلو دي,
بالتصاوير كمان يا بنات امي !!!! المحيرني وااااااااااقف الف أحمر وبطردوا فيهو
عاد جنس تناحتك وبرودك وميتة قلبك لا حكت لا بقت
والله وقسما بالله شافع روضة عمره 3 سنة تنهره ساي ولا تحمر ليه بلا طرد
يمين الله ما يقبل عليك تاني ,
علا ده شيتو مشاتر
انا لو محل السفير اجيبوا السفارة واهبتو هبتة مرتبة بنجدوا فيها
واقول لي ناس الخارجية يا الدلدول ده يا انا
التحية للأخ عادل على صالح الرجل الذي شرف الوطن
شكرا يا دينق سلام وتحية لك ولزوارك الكرام
كوستا قالوا لي لااااااااااابد بي كاميرتك
عفيت منك
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Deng)
|
أخى العزيز جورج
نحن لا نتعامل فقط مع عقلية بوليسية كمحمد سليمان ونظامة ولكننا نتعامل مع شخص وعقلية نظام بها تشويه فكرى....
أنظر ما كتب هذا السليمان عن القذافى:
| Quote: نحن كمسلمين لدينا إيمان راسخ بان الحكم لله يؤتيه من يشاء و ينزعه ممن يشاء.... إذن القذافى قد اوتى الحكم من الله ولفترة تربو على الاربعين عام ! |
الأيمان الراسخ بالله عن هذة العقلية يعنى الرضاء بقدره وهو فى هذة الحالة الرضاء بالحكم والأنظمة القمعية بإعتبارها شعبة من شعب الإيمان الراسخ!!!!
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Deng)
|
وهكذا واشنطون لا تلين ولا تستسلم. بالله تتذكر يا جورج أيام هجماتنا المستمرة ضد
مهدي إبراهيم وعبد الله احمد عبد الله مرورا بزيارة الترابي في الكي ستريت
ومظاهراتنا شبه الأسبوعية في ماس أفينيو وزرة الترابي في الكونغرس والكي ستريت
ايام البطلات هادية طلسم وتماضر شيخ الدين وأسماء والأبطال منان وكوستاوي وعادل علي
صالح ووسام ومولانا عبد الله وكثيرون سقطوا من الذاكرة بفعل الخرف...
واشنطون هي خط الدفاع الأول والأخير ومن يحاول أن يكسر تماسكها سينال ما يناله
هذا الأمنجي. قولوا له السودانيون في واشنطون طردوا مهدي إبراهيم أثناء دفن
إحدى السودانيات. لا تصالح وإن منحونا الذهب...
فرصة لإعادة بعض الذكريات وكويس إنو شاهدنا الجيري بلسوم خلف الأمنجي أثناء
طرده والدنيا ربيع يا دينق!
| |
|
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Kostawi)
|
قال مجرم الأمن في بوست (الطردة الأولى)[/B]
Quote:
نحن اصلاً بنفضل المباشر على الاسفيرى وكان قايل نحنا عندنا حاجة خجلانيين عليها تكون واهم ... نحن نسخر من كذبكم وافتراءكم كما تسخرون والحشاش املى شبكتم ... بعدين هل انت اخذت اذن من صاحبك الموهوم عادل حتى تكتب الكلام دى !
جيبوا التسجيل وانا كنت شايف زول بسجل عشان الناس اعرفوا كم هتفوا ضدنا وكم كان صف المعتزرين ؟ وماذا قلنا وماذا قالوا
بعدين منو من القوى السياسة كان بواشنطن ؟ اكتبوهم عشان الناس تعرف ... خلو الكذب ولو بدينا معاكم حتعرفوا منهج جديد لم تالفوه ....
على العموم نحن قاعدين فى واشنطن ... حضور تام ... الى ان يقضى الله امراً كان مفعلا ... فى المنابر عربى انجليزى . .. فى البيوت ... فى كل المناسبات .. واخيراً عبر الاسفير وهى نعمة نحمده عليها .. وهدفنا نتحاور مع اصحاب العقول المريضة وليس الاصحاء ونحن جاهزين ليهم وخلى الوهم
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Kostawi)
|
Quote:
انت يا دينق دحين ده ما ياهو زاتو الصفقنلو الحريم يوم ندوة صفية وطردنو وكوركن في وشيهو
وقالن الأمن يطلع برة ,, الأمن يطلع برة ؟؟
اجي يا بنات امي
الزول ده كان جلدو متل جلد حسني مبارك
سفير الهنا والمنا ده ما بخجل على الملطشة البتجيهو في كل تجمع سودانيين احرار!!!
ما يمسك عليهو شبيه وزير دفاعنا ده
غايتو الأنقاذ دي لملمت ليها كم زول عينة لبن العشر وزير الدفاع وطلقتهن مغيسة لي خلق الله
الله يجازيني خجلت ليهو ولي اهلو الجايب ليهم الشينة بي عمايلو دي,
بالتصاوير كمان يا بنات امي !!!! المحيرني وااااااااااقف الف أحمر وبطردوا فيهو
عاد جنس تناحتك وبرودك وميتة قلبك لا حكت لا بقت
والله وقسما بالله شافع روضة عمره 3 سنة تنهره ساي ولا تحمر ليه بلا طرد
يمين الله ما يقبل عليك تاني ,
علا ده شيتو مشاتر
انا لو محل السفير اجيبوا السفارة واهبتو هبتة مرتبة بنجدوا فيها
واقول لي ناس الخارجية يا الدلدول ده يا انا
التحية للأخ عادل على صالح الرجل الذي شرف الوطن
شكرا يا دينق سلام وتحية لك ولزوارك الكرام
ألله يمهل ولا يهمل
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Elbagir Osman)
|
Quote: يعني نعتبر كونكم طردوا الراجل يعتبر من قمة الإنتصار
بدليل إنكم أفردتم بوست كامل للطرده الإنتصار
ياخي المفروض يكون التعامل أرقى من كده
وكتو تصبروا شوية وتشوفوا الراجل عايز يقول شنو |
أول حاجة الشخص المطرود ليس مجرد "راجل" كما تشير اليه أنت، أنه رجل أمن السفارة بواشنطن. ولقد دخل في تحدي من قبل وأدعى بأنه سوف يشتري معارضي النظام. ولقد تم طرده في أحدا الندوات من قبل ولكن من غير الاستعانة بالشرطة. كيف يسمح لنفسه بالعودة مرة أخرى وماذا كان يتوقع؟ لقد سمح له من قبل أن يتحدث في الندوات وكل ما زكره هو أن بصدد شراء معارضي النظام. فهل أنت تعتقديجب على الناس السكوت على ما يقوله لهم في الندوات، أنها واشنطن وليس الخرطوم ومنصبه الامني أو الدبلوماسي لن يرهب به أحد. أسلوب ال Intimidation الذي يمارسه هذا الرجل بين السودانين يجب أن يتوقف. هل يوجد تعامل أرقى من مطالبة شخص بعدم الدخول الى صالة الندوة ويصر هذا الشخص على الدخول وحتى لو كان بالقوة، وأن يتم التعامل معه على حسب القانون؟ أم أن هنالك أسلوب "أرقى" من ذلك. بيوت الاشباح مثالا!!
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Deng)
|
Quote: الغريبه الزول ده ما بتعظ.
اها
ان كت تتعقد هذه انشطة جالية واشنطون المروضه سابقا
الكا بيجي ينجعص فهاخالد موتر لا من باب اولى ان تعرف بان هذه انشطه سياسيه تضم سياسين شرسين
لا يقبلون وزر التطبيع مع امثلكم.
فافضل تبعد وتشوف لك حفلة زي بتاعت عصام شنو داك ما بعرفه وتنجعص مع المتخازلين . |
العزيزة تراجي.
واضح جدا أن عقيد الامن محمد سليمان قد تم أعطائه معلومات غير صحيحة عن واشنطن. لكنه الان سوف يدرك حقيقة واشنطن تماما، حسب تجربته الشخصية طبعا.
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Alshafea Ibrahim)
|
Quote: سلام الاخ حيدر
أول أنا أسفة على الاتصال عن طريق الإيميل
كنت عضو بالمنبر لكن منذ مدة أضعت الباسوورد ، و لم أوفق في الحصول على آخر
المهم ، في بوست رجل أمن السفاره تعرض أحدهم للأخ دينج ، بكلمات جارحة
أرجو إذا أمكن أن تلفت انتباهه إلى أن دينج منا و فينا ، انفصال الجنوب لا يعني
انفصال أرواحنا عنهم خاصة المخلصين منهم
نتمنى لهم الازدهار و الرفعة بعيدن عن عنصرية الشمال،
أرغب أن توصل مشاركتي
it's OK
there are some people in the board you feel bad even to talk to them....
لك شكري و تقديري
|
شكرا لك اختنا سلمى
ليتنا كلنا نحترم بعضنا البعض عند النقاش في الشأن العام
بالتأكيد دينق اخ عزيز مثله مثل اي عضو في المنبر يحق له طرح اي موضوع
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: abdelrahim abayazid)
|
الاخ دينق
القراء الكرام
ســلام
ممثل جهاز الامن فى واشنطن (المجرم) محمد سليمان عبدالله ومن قبل ان
( يبل ريقـو ) من اثار (المهنية ) العالية لبوليس فيرفاكس .
صرح بان تقرير الخارجية الامريكية عن حالة حقوق الانسان فى السودان غير ( مهنى ) ..؟؟
وكما هو معلوم ده شــغلو انتهاك حق الشعب السودانى فى الحياة الكريمة
.. ومدفوع ليه مرتب من دم والام ودموع وعرق الضحايا .. ( المل من سماعها ) ..
فى ذكرى الاحتفال بالانتفاضة .. وقف الحضور دقيقة ترحما على الشهداء الذين ازهقت ارواحهم بواسطة (مجرمى ) الامن ..
فمن اجلهم ومن اجل كل ضحايا التعذيب والمعتقلين .. وحتى لا ننسى يجب ان نلفظ كل مجرمئ الامن من مجتمعاتنا فى المهاجر والمنافى ..
حتى يكفوا اذاهم عن شعبنا..
والزمن دوار ..
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Adil A. Salih)
|
Quote: يا اخي ده الكوز الجد جد لا يحس لا يفهم لا يفكر لا يتدبر لا يخجل لا كرامتو تتدفق لا سمعتو تتمرمط..
الــعن ابـوها سياسة و انتهازية..
تخلي الزول يبيع دمو وعرقو وشرفو وسمعتو واخلاقو، ويتبهدل قدام الناس.
يا اخي الزول ده ما شغال بي روحو مش؟
: ما عندو اهل اخوان اصحاب قبيلة شلة أولاد حِلة يحفظ كرامتو شان خاطرهم، ما بقول آآآخ لو أصحابي أهلي أخواني أولادي شافوني مذلول كدة أقبِل منهم وين؟ |
الأخ متوكل التوم.
أظن بعد هذه التجربة قد يكون فهم جيدا.
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Deng)
|
الأخ العزيز بريمة
سلامى
| Quote: وعشان كده قلنا للأخوان أن يتذكروا سودانيتنا السمحة التى لا تسمح لنا بالأحراج .. |
وهنا موطن الداء..كثير مِنا يجامل فى لا يستحق المجاملة...وهو الوطن....
كثيرا مِنا يُفهم أن من خواص التحضر والكرم مرتبطين أن تجامل كل الناس وفى أى شىء....
الكثيرون منا يتحوصل حول نفسه ويُفضل أن قبول الناس ورضاهم بعدم فعل أى شىء خارج العادة...فقط لكى لا يُقال عنه أنه خالق للمشاكل وغير مقبول إجتماعيا...
عندما بدأنا مشوار تطهير منبر الرابطة السودانية من أى صبغة لسفارة النظام وبدأنا المواجهات...
قوبلت إحتجاجاتنا تارة بالإستهجان ..وأخرى بمحاولات إقصائنا...وثالثة بتلفونات من الأخوان مجملها أننا أصبحنا من مسببى المشاكل والمصنفون بعدم القبول الإجتماعى....
يأخى العزيز بريمة....كثيرا مِنا يريد فقط أن :يبقى الحال كما هو عليه....
كثيرا منا يريدنا أن نقتل إرادتنا كبنى أدميين ونقبل كل شىء....
أول قطرة فى إحترام الإنسان لحريته تبدا بعدم رضاه بالظلم والعمل على إزالته بالوسائل الثلاثة التى حددها نبى الحرية.....
مع الأخاء
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: أسامة خلف الله مصطفى)
|
مساهمة : الحوار السياسي مع الامن وموقف الحزب الشيوعى الرافض .. من برنامج مؤتمر اذاعى 11 مارس2011
( الأستاذ صديق يوسف
دقيقة حقيقة يعنى وبعدين ان القصة بتاعة يديره جهاز الأمن نحن عندنا مواقف من جهاز الأمن نحن ضد تدخل الأمن في العمل السياسي جهاز الأمن لأن حقيقة نحن عندنا علاقات سيئة مع الأمن مع جهاز
الأمن جهاز الأمن الذي يعتقلنا ويودينا السجن جهاز الأمن الذي عذبنا جهاز الأمن وقتل مننا ناس داخل زنازينه لم نتعامل مع جهاز الأمن ولم نتحاور مع جهاز الأمن )
الكلام اعلاه مقتبس .. بس الخاصية ما شغالة فمعذرة ..
ان شاء الله القى زمن وارجع لمناقشة .. ومنظــور الانقاذ للحوار مع القوى الســياسية باعتباره .. مـلفـات امنيـة ..؟؟؟
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Deng)
|
العزيز دينق
بالتأكيد هذا الموقف من عناصر الامن والقتلة صحيح. ولابد ان يفهم المحتجون بانه إن كان محمد سليمان او ايٍ من اعوان النظام مهموم بقضية انتفاضة 85م وبذكراها يمكنه ان يفرد لها احتفالاً خاصاً في السفارة لانهم ما حيعدموا الناس البيجوهم ، هذا بالاضافة الى حقيقة ان لهم من الامكانيات المادية ما يمكنهم من ذلك. والامكانيات المادية دي هي الاهم في عمل ناس الامن لانو محمد سليمان قبل كدا قال انو على استعداد يشتري الناس المعارضين.
تحية لاخونا عادل وبقية العقد النضيد
صديق.
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Deng)
|
المحير انو فى ناس عارفه المجرم ده وعارفه الجرائم البرتكبها جهاز الامن يوميا فى حق الناس الابرياء .. عايزين يكرموه بالتواجــد
العادى ( وكأنو ما فى حاجة ولا عمل ايتها شئ ) وسط مجتمعات المشردين ؟؟
المجرميين مكانم معروف وين ( السجون ) .. والناس البتقول ادهو فرصة يقول رايو دى هى عارفة انو الحكومة تمتلك كل وسائل الاعلام ..
ولديها من الوسائل والوسائط ما تعجز عنه المعارضة ؟؟
فى ناس بتحاول تبرر الجرائم التى ارتكبت فى حق الابرياء بواسطة جهاز الامن وذلك بلفها فى عبارات معطره لاخفاء ( العفانة والقذارة )
ولكن هيهات .. انهم مجرميين وليس الا .. ولا يمكن ان يغفر لهم طال الزمن ام قصر ..
كيف لهؤلاء ان يطالبوا الناس المشردين بواسطة هذه الحكومة المجرمة .. ان يبذلوا مجهودهم فى اقامة المناشـط بدلا من ايصال رسالتهم
للحضور .. ان يتنحوا جانبا ويتركوا الفرصــة ( للخناق المجرم ) لكى ( يطرش ) ويغسل يديه من دم ضحاياه على منابرنا... وينشــف يدينو
فى (بشكير ) الســودانية الناعــم ؟؟
هذا المجرم بيحضر لمجتمعات السودانيين كايس القبول الاجتماعى اولا واخير .. وعايز يمد لسانو لشعب السودان ...ولسان حاله يقول ..
الجهاز يقتل ، يغتصب ، يعذب ، ويرتكب كل الانتهاكات فى حق الابرياء ... وعادى تقبلونا بينكم ولا نســأل عنها ؟؟ وده الشراء الحقيقى
العايزو وهو ان ببيع المعارضين انسانيتهم وسودانيتهم ..بالصمت وترحيبهم بالمجرم ممثل المجرمين فى واشنطن .. ولكن هيهات..
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: الصادق الزين)
|
| Quote: هو عارف كلامى دا كويس انا قاصد شنو ومتين ووين؟؟ لكن المرة الجاية والله لو صادفتو ثانى فى اى مؤتمر يخص السودان حابلغ الجماعة على طول كفانا من عزابهم يا خى . |
الاخ الصادق الزين ... نعم انا فاهم كلامك دى كويس ... صحى نحنا اتلاقينا واتونسنا وفطرنا سوى وكلامك كان حلو خلاص ... خالى من اى معارضة اسفيرية ...الناس عارفة انو البحصل فى المنابر فى امريكا مفتوح وما داير ليهو تعب واهلوا ما داسنو وشوف ليك حتة تانية ناضل فيها .... ياخوى نصيحتى ليك ما تنقش بالبقولو اخونا عادل على صالح دى ... لسه الطريق طويل ... طويييييل جدددداً مرحب بالبوليس الامريكى المحترم وكل مرة اخونا عادل ينتظرنا فى الباب ومعه البوليس ... المهم هو عارفنى وانا عارفو واشكرو على جرأتو ووضحوا كما اشكره على كلمة قالها عندما تحدثنا فيس توفيس وهى انو ما عندو معاى اى قضية شخصية والمؤمن صديق ... وارجو ان تكون راس زى عادل وما تكون ضنب .... ونحن عادل وراه والزمن طويل فهو زول مهم ومؤثر وحانتصالح معاه زى ما تصالحنا مع الراحل د. جون قرنق وغيره والسياسية ما فيها زعل ياخوى ....طبعاً رديت عليك لانو حصل تعارف بيننا وسوف اخطرك باى مؤتمر يناسبك حتى نلتقى بالمباشر... والله يعينك ويعينا
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: Deng)
|
Quote: ده زول على قول اهلنا( دمك) بضم الدال والميم!
وهواغبى مسئول امن لا يتورع ان يؤدى دورالمخبر
الصغير ( واقع الله ما بترفع) اما كان الاكرم له ان يرسل مخبرا صغيرا مزودا بكاميرا وجهاز تسجيل
لينقل اليه كل الامر بيسر من غير هبالة وعنتريات تفضح ذهنيته ############ة
ولكننا نعيش زمن (الانقاذ) حيث ادمنا الدهشةحتى ادمنت الدهشة اندهاشنا!؟ |
الناظر هباني.
دور المخبرين في واشنطن لم يعد مجدي.
ورجل أمن السفارة لم يتصدى له أحد في الماضي لذلك فضل الحضور بنفسه لأنشطة الجالية السودانية
بعد أن صرح تصريحه الشهير الذي قال فيه بأنه بصدد شراء بعض المعارضين.
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: محمد سليمان عبد الله)
|
| Quote: يا دينق واعوانو.... الاستخبار ما داير ليهو حضور وحقو دى ما تفوت عليك وانت محتاج لمراجعة برنامجك النضالى اما نحنا بنقدر متين نجى ومتين ما نجى .... متين نرد هنا .......وعموماً هنالك امكانية تواصل و...... |
نعم بعد المرات لا يحتاج الى حضورك لأنو كانت لكم عيون ولكن هذه العيون بدأت في التساقط، لذلك حضورك كان مهم.
بعدين منو القال لك أنا مناضل أصلا؟ ِأنا فقط بتسلى في أوقات فراغي. بعدين شايفك مصر على موضوع التواصل ده من المرة الفاتت.
أنتو التواصل معاكم زي دخول الحمام. بعدين بعد كلامك الكاتبو للزين الصادق الفوق ده بعد كده منو الحتى ح يمد يدو ويسلم عليك؟
شغلك الفوق ده عبارة عن أبتزاز. الحمد الله لمن أنا سلمت عليك في يدك لم أكن أعرف من أنت وماذا تمثل، وأنت برضوا لم تعرفني
أو أحتمال كنت مشغول وبترقص وبتكشف على أنغام الفنانة الراقصة حنان بلو بلو وبالمناسبة أنت طلعت أرقص من البعيو ذاتوا.
الكلام ده كان سنة 2008. أها زي معلوماتي دي أنت ما حتلقاه عند الجماعة البدوك الاخبار.
| |
|
|
|
|
|
|
|
|
|
Re: الشرطة الامريكية تتدخل وتطرد رجل أمن السفارة السودانية بواشنطن من ندوة سياسية (توجد صور) (Re: محمد سليمان عبد الله)
|
| Quote: الاخ الصادق الزين ... نعم انا فاهم كلامك دى كويس ... صحى نحنا اتلاقينا واتونسنا وفطرنا سوى وكلامك كان حلو خلاص[/B] ... خالى من اى معارضة اسفيرية ...الناس عارفة انو البحصل فى المنابر فى امريكا مفتوح وما داير ليهو تعب واهلوا ما داسنو وشوف ليك حتة تانية ناضل فيها .... ياخوى نصيحتى ليك ما تنقش بالبقولو اخونا عادل على صالح دى ... لسه الطريق طويل ... طويييييل جدددداً مرحب بالبوليس الامريكى المحترم وكل مرة اخونا عادل ينتظرنا فى الباب ومعه البوليس ... المهم هو عارفنى وانا عارفو واشكرو على جرأتو ووضحوا كما اشكره على كلمة قالها عندما تحدثنا فيس توفيس وهى انو ما عندو معاى اى قضية شخصية والمؤمن صديق ... وارجو ان تكون راس زى عادل وما تكون ضنب .... ونحن عادل وراه والزمن طويل فهو زول مهم ومؤثر وحانتصالح معاه زى ما تصالحنا مع الراحل د. جون قرنق وغيره والسياسية ما فيها زعل ياخوى ....طبعاً رديت عليك لانو حصل تعارف بيننا وسوف اخطرك باى مؤتمر يناسبك حتى نلتقى بالمباشر... والله يعينك ويعينا |
محمد سليمان الامنجى..
لو ما ما لفقت و حورت الكلام يعرفوك امنجى كيف؟؟ يا خوى قعدت معاك وين و فطرت معاك شنو؟؟ كل ما فى الامر علشان الناس تعرف و تبطل سياسة تلويث السمعة هوالاتى: و صلتنى دعوة من المركز الافريقى للدراسات الاستراتيجية التابع لجامعة الدفاع الوطنى لحضور مؤتمر السودان و سيناريوهات الاثار الاقليمية لفترة ما بعد الاستفتاء ودا كان فى ديسمبر 16 , 2010 , حضرت المؤتمر كسكرتير للعلاقات الخارجية للهيئة التنفيذية العليا لحزب الامة القومى-امريكا حضر اللقاء من السودانيين الاحباب: حماد عبد الرحمن- ممثل لرابطة المسيرية العالمية, حمدان جمعة-ممثل لرابطة المسيرية العالمية , حامد شارف-ممثل لرابطة المسيرية العالمية والاستاذة نفيسة بالاضافة الى السيد مهدى داؤد الخليفة رئيس حزب الامة-امريكا, لقد تفاجئت بوجود شخصين سودانيين لم اعرفهم و لم التقيهم فى حياتى و قد كنت انت من ضمنهم و قد تمكنت من التعرف عليك من خلال البطاقة المتدلية التى تحملها و التى كتب عليها محمد سليمان عبدالله و حينها نبهت الاحباب بان هذا الرجل هو العقيد امن محمد سليمان بتاع السفارة, اثناء فترة البريك ذهبت انا و الاستاذة نفيسة لصالة الغداء و ليس الافطار فى فرى كافتريا علشان ما تتسلبط و تقول كمان عزمتنا او اشتريتنا!! تجمعنا حول مائدة واحدة و فى اثناء ذلك حضرت انت وكنت واقفا ودار نقاش بينك و بين الحبيب حامد شارف عن موضوع ابييى ثم انصرفت الى التربيزة المجاورة , ذهبنا بعد انتهائنا من الغداء الى قاعة المؤتمر لحضور بقية الجلسات و لم اراك بعدها. فقط فى الجلسة الثالثة و انت كنت فى منتصف القاعة وسط الامريكان و بعد انتهاء السفير اندريو ناتسيوس المبعوث الاسبق للرئيس بوش لدى السودان من ورقته , قد تلفت فجاةالى يسار القاعة و انا كنت فى الصفوف الامامية فلحظتك تخرج جهاز فى حجم الموبايل من داخل القميص الذى يغطى بجكيت اسود وقمت بايقافه ثم ارجاعه, و عندها تاكد لى بانك اتيت فقط لهذه المهمة!! خصوصا عندما تحدى السفير ناتسيوس الحضور فى ما اذا كان من الحضور شخص يتبع الى نظام الخرطوم و حينها لم يفتح لك الله بكلمة تقولها ربما لم تفهم ما قاله و اخذ السفير يملطش فى حكومتك ملطشة الخبير العارف و دعا فى معرض حديثه الادارة الامريكية الى التدخل العسكرى الفورى فى حالة ضلوع نظام الخرطوم فى احداث اى خروقات امنية فى الدولة الجديدة.
طيب يا خوى دا الحصل بالظبط وين هنا الكلام الحلو البينى و بينك وكان داير فى شنو؟؟ انا علمت لاحقا بانك لم ترغب بالجلوس معنا لان بالتربيزة الصادق الزين القاعد ينبذكم فى سودانيزاونلاين!! و الله على ما اقوله شهيد, انت يا خوى لم توجه لى الدعوة لحضور المؤتمر علشان تدعوننى ثانيا و لم يسبق ان عرفتنى سوى فى سودانيزاونلاين و الكلام دا كل الغرض منو احداث تشويش لشخصيتى واذا كان حقيقة يوجد بينى و بينك تفاهم لماذا تداخلت فى هذا البوست لاقول ما قلته؟؟ لماذا لم تمنعنى علاقتى بك من دعم الخط الرافض لتواجدك و سط السودانيين؟؟
| |
|
|
|
|
|
|
|
|
|
| |
Deng
نجلاء سيد أحمد
Mohamed Yassin Khalifa
Kostawi
معتصم مصطفي الجبلابي
Tragie Mustafa
Ahmed Elyas
معتز القريش
Yassir Tayfour
عبدالكريم الامين احمد
بدر الدين الأمير
بهاء بكري
هشام هباني
حيدر حسن ميرغني
حسن حماد محمد
بريمة محمد
عبدالرحمن عزّاز
أسامة عبد الجليل
سعد مدني
اسماء الجنيد
أسامة خلف الله مصطفى
كمال معتصم احمد السيد
isam elzein
SAIF MUstafa
Elbagir Osman
معاوية عبيد الصائم
abdelrahim abayazid
خالد العبيد
الصادق الزين
وليد الطيب قسم السيد
خالد أحمد شطة
فيس بوك
تويتر
انستقرام
يوتيوب
بنتيريست