الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع)

(عدل بواسطة خضر حسين خليل on 04-07-2011, 11:17 PM)

Quote: كيفنك يا خضر...... ياخ

Quote: وقْعَتْنا تبقى على العدو .. الفيها تبقى على الجبال قَدَرْ الله .. يا بِت الحلال وغلاَّ البضاعة .. الْفِي إيدُو مفتاح البضاعة .. الأرزقي المايِصْ عَرَقْنا ومِتْحشِي .. وما ضرَّ غير أبَّان دقون فيها الضلالة معشْعِشِي وفِقَراً تَغُشْ في الله .. تخُشْ بيتو وتسرْقُوا ورا العِشي كُرْ .. من ضمير ناس .. هان قَدُرْ .. تجْلِب بِلاده وتِتْرَشِي كُرْ .. من عَوَارْضِك يا بلدنا .. الناس تَشُوف ومَدَعْمِشِي تسمع سماع .. ومَطَنِّشِي !! وحاكْمَانا في اشنو .. وشان شِنُو ؟ حاكُومة ما خابْرالنا شِي ؟!؟

Quote: بالمناسبة, سعرها عندكم حصل كم ؟

Quote: غايتو الحاجة المؤكدة إنو القصة دي بتطلع من البتاع داك بي ستة جنيه ونص والعهدة لأختنا (ميادة كمال) التي لا تسأل عن مصدر .

Quote: و قالت بتصل للمستهلك بي 13 جنيه بس الحاجه الما لاقي ليها تفسير بي 13 جنيه دا سنة كم؟

Quote: كلام ميادة واضح يا حسبو وإياك ثم إياك تكون قايل روحك مستهلك إنت يا بني آدم لو بالغت ممكن يسموك الهلكان في مفردات جديدة وتقسيم أدوار وبالتالي المستهلك ده هو الوسيط البين وبين البتاع البمرق الأسطوانة بي ستة ونص . وقس علي ذلك يا هالك

Quote: بالمناسبة الزول ده اضافة لإنو دكتاتور وناهب لخيرات وطنه طلع سارق القصيدة دي من شاعر فلسطيني المصدر: http://www.jeel-libya.net/show_article.php?id=26053§ion=9

Quote: الامانتي ليك نخت الواحد و نطلع بالتمانية يطلعن لينا كممممم اليون بتاعة بالميت كدا.

(عدل بواسطة قيقراوي on 04-08-2011, 01:31 PM)

Quote: واقع يضحك غنم إبليس

Quote: انو الناس تصوم الاثنين و الخميس

وحياتك يا قيقا
قربت أموت من شرفنة شعبنا ده . غايتو قصص بس ربو يهون .

Quote: إنت الأنبوبة الضربت دي مليتوها قبل أزمة الغاز ولا بعد الأزمة وحياتك يا قيقا قربت أموت من شرفنة شعبنا ده . غايتو قصص بس ربو يهون .

ما دا المجنن بوبي و حامي النباح زي الناس ذاتو!!

في حديث صيام الاتنين و الخميس و البلد العارف انت عامل كيف كيف دي!؟

واحد اشتغل مع كفيلو راعي مدة طويلة، بقت عشرة عمر. اها الحال ضاق و الشغلة لي وراء و سوت الترترة.
بقى كل يوم المرتب ناقص لمن الحال حرن و وقف دُت! قعدوا عملوا خارطة طريق للخروج من الازمة. زولنا بدل ما كان ياخد مخرج الطوارئ دا و يدي ربو العجب لا يلوي على عُشرة ما جايبة همها وصل في " اتفاقية خارطة الطريق " مرحلة شغال ببطنو بس .. العمل مقابل الطعام .. و الله انها لقسمة ضيزي!
المهم يا سيد الامانتي ليك، الكفيل اتحسس من الوضع دا .. و زولنا ولا هماو عذابو و لا دموعو و شقاهو الخاص، كأنو ما بهمو
اها جاو بمبادرة " السلام العادل " و اقترح انو يرسلو لصديقن ليو يشتغل معاو بظروف اجم لمن ظروف هو.
و قد كان .. اها في مفاوضات الاتفاق الاطاري، استقبلو " مشروع الكفيل الجديد " بشكل كويس جداً .. و بعد المقدمة اياها ختمها باللازمة اللازمة كخليجي قح : ما عندي مانع تشتغل معاي بنفس شروط خدمتك مع ابو فرتكان، بس ترى لازم تراعيني؟
فبهت الذي ما فطر، و طوالي بمسكنة شديدة وقع على الاتفاق الاطاري بالاحرف الاولى : ما في عوجة .. ان كنت شغال مع ابو فرتكان ببطني بس .. براعي تب .. سم طال عمرك .. انت بصوم ليك الاتنين و الخميس



-------

اما فيما يخص ما دار محور سؤالكم عنه ...

و الله نحن كما كنا او اقل قليلاً .. نراعي في ابو فرتكان و من لف لفه .. و نراعي في الراعي و عمايلو البعمل فيا دي .. و ننتظر أجل قريب يجيبو بلاء مستعجل .. او فرج بعيد يجينا من برة.
هذا ما لزم التنويه اليه سوو فار
الا الشوق زيادة شوية
سلم لي على النيل و ما تبقى من هلال .. و لا سلام لوردي بتاتاً البتة ( شايفو امس في التلفزيون )

Quote: ياطارق جبريل ازيك ياخ

ما ياهو عشان المواقف الزي دي قلنا بيع و شراء عدييييل.

ازيك يا طروق ياخ!



ياخ العنوان مباااااااالغة ياخ!
تبيع طيب؟ و لّ لازم شيالا بيلا و الجمل بما حمل و ناء بحمله الجبال و اشفقن منه و تحمله الشعب السوداني الفضل دا!!
حيرونا عدييييييل كدا!!


في حتة الشرفة :
تواتر خبر نكتة سارت بها الركبان، و المشاة من العربان في ضهارينا ان ( المخلوع ) * نميري جزاه الله بجنس عملو و عمايلو، انه لما راى من استكانة الشعب و اذعانه، و تسابقه على الصفوف ( عيش/بنزين .. اللخ اللخ من معينات حيوية و حتى غير حيوية صفوف ساي بس )..اصدر فرماناً قراقوشياً أمر فيه بتعيين 10 جلدات لكل مواطن ( بطل )**.
تصدق بكرة طل من شرفة برجه العالي و قيل العاجي في بعض الروايات - و دي من اب عاج اخوي - و يا للهول .. وجد نفس الصفوف.
زال عجبه - و ربما لم! - عندما عرف ان تدافع الابطال ديل كان خوفاً من مكره .. قالوا هويي احسن بدري بدري .. الزول دا ما مضمون امكن بكرة يزيدا!!
ادي ربك العجب


-------
* سامعني يا عمر!؟ .. القبل منك كان قوي .. كان اعتى جتة و اقوى جبروت .. لو بتدوم كان دامت ليو .. و كان لي يوم الليلة هو الامام و قايدنا و فارسنا.. عرفت المافي شنو يا عمر اخوي!؟
الدوام لله.
** الواضح انو البطولة دي كانت ظاهر لابعاج في قدرة تحملو .. و متأكد انو ح يجي اليوم الينفجر فيهو. و قد كان.

Quote: * سامعني يا عمر!؟ .. القبل منك كان قوي .. كان اعتى جتة و اقوى جبروت .. لو بتدوم كان دامت ليو .. و كان لي يوم الليلة هو الامام و قايدنا و فارسنا.. عرفت المافي شنو يا عمر اخوي!؟ الدوام لله. ** الواضح انو البطولة دي كانت ظاهر لابعاج في قدرة تحملو .. و متأكد انو ح يجي اليوم الينفجر فيهو. و قد كان.

Quote: احب القيقر...

Quote: سامعني يا عمر!؟ .. القبل منك كان قوي .. كان اعتى جتة و اقوى جبروت .. لو بتدوم كان دامت ليو .. و كان لي يوم الليلة هو الامام و قايدنا و فارسنا.. عرفت المافي شنو يا عمر اخوي!؟ الدوام لله.

.. المسالة مسألة زمن .. و الثورة ليها اوان.

و انا ابوك يا وعد

وكتها يا ويلك .. و يا سواد ليلك


-------

يا اخوانا في زول عندو خبر " ناصف بشير " ؟ ربنا يطراه بالخير
له التحية و اتمناه بخير اينما كان

* محسن خالد

Quote: يا قيقراوي كمان جابت ليها ملحمة ــــ حليلي الديمة في خاطرك ياخ شكراً يامتقد

لكن برضو :

حيرتنا يا شعبنا في ثباتك الاصيل
اليك هذه الرسالة القصيرة الطويلة :
" الشعب يريد اسقاط النظام "

اها رفاقتك العايشين زهو تمتع بالطبخ في البتوجازات، انجزوا لوحات عديل*
شعوب ارادت .. فما كان من القدر الا ان استجاب

لماذا لم يخرج الناس لاسقاط النظام في السودان ؟!!
يا شعبنا .. يا هذا الهمام .. قد حيرت البروف .. و حيرت قلبو معاك .. و احتار دليلو ..
فطشت الشبكة عندو.
اجبنا يا هذا .. لماذا؟




--------

* متذكر دي يا خدركا؟ .. نديك هنت .. بيت العزابة في جدة.
انت اصلك بتاع بتجازات من زمااان

هاك الحريقة دي طيب:

د. تاج السر جعفر من نص ( الطين في احتماله الاخير )