بعض ذكرياتي وذاكرتي بالوثائق!

Quote: وين فايز عقارب؟. مرة لاقيت فايز عقارب في ميدان أوبو جنزير بأشر لي تكسي قلت ليه: ماش وين؟. قال لي ماشي حديقة الحيوانات... فصدقتو!. قال لي انت ماشي وين قلت ليه الحقيقة: أنا اليومين دي عاملين لي تمام في جهاز الأمن من 9 ل 9 وانت رايق يا فايز تتفسح في الحدايق. وكبست ليه دين ودي ورمقته بعين المغسة وتوجهت كداري إلى مباني الأمن المشؤومة كوني لا أملك حق التكسي وإذا بي ألقى فايز في غرفة الإنتظار... بأمانة كدا فرحت جواي ما عارف ليه!... وقعدت في الكرسي الجنبو وقلت ليه في أضانو دا شنو يا فايز ما كان تجيبني معاك بالتكسي فرد على قال لي بتوع الحديقة ديل كان ممكن أفتكرونا مجتمعين في التاكسي في مؤامرة ضد الدولة : ). وعدة دقائق وسحبو فايز إلى الداخل ولم ألتقيه منذ ذلك اليوم وحتى هذه اللحظة. كيف أخبار فايز هسه؟. لمن يعلم.