|
|
|
 Re: وكمان عندكم نفس تسألوا (لماذا لم ينتفض الشعب)؟ (Re: الشفيع وراق عبد الرحمن)
|
| Quote: لامن الشعب يطنش النداءات المتكررة بالخروج، ده بتسميهو شنو؟في احتقار اكتر من كده يا دوما؟ |
انا ما بسميه احتقار ابدا في عوامل كثير ه لم تؤخذ في الحسبان والوقت لثوره شعبيه لم يحن بعد .الناس لما تضوقه في جلدها بتمرق براها
ما عايزه نداء المصريين ما في زول ناداهم .ولا التونسيين ولا الليبين
انت يا وراق الشعب دا شئ ثابت ولا متغير ؟
يا اخي انقاذكم دي غيرت الكثير بس للاسف للاسوأ.
| |
 
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: أحمد ابن عوف)
|
Quote: لماذا لم ينتفض الشعب؟
الشعب يخشى مدير جهاز الامن والمخابرات الوطني سابقا ومستشار الرئيس للشئون الامنية حاليا
|
ود ابنعوف
انا بخجل من زي كلامك ده
الشعب لا يخشى احد
الشعب ليس ب######## كما تظن
الشعب شجاع ومعلم
علم كل الشعوب الحوله الثورات والانتفاضات
هل تظن ان الشعب المصري/التونسي/ الليبي أشجع من السوداني؟
التوانسة والمصريين قدموا اكثر من 300 شهيد في 4 اسابيع
والليبيين بيتم قصف مظاهاراتهم بالراجمات والصواريخ
أعد
اجابة خطأ يا ود ابنعوف
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: doma)
|
الضربة فعلا موجعة يا دوما
ومفروض توجع كل انسان صاحب ضمير حي
ومفروض تستفز كل سوداني مشبع بالوطنية
كل من هلل وابتهج وشمت لا يستحق ان يكون سوداني
ولسه عندكم نفس تسألوا: لماذا لم ينتفض الشعب السوداني؟
------------------------
ما رايك في كلام تراجي يا دوما؟، باختصار
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: الشفيع وراق عبد الرحمن)
|
يا وراق يا اخي بقدر ما هو موجع استباحه تراب واجواء وطنا من قوي خارجيه
فالموجع اكثر استباحه دماء واعراض وثروات انسان وطنا بواسطه حكومته .
يا وراق هنا ضربت عربه صالون بها راكبين
كم عدد من قتلوا في دارفو بايدي حكومتنا ؟؟؟!! الرئيس قال 10 الف.
لو قدر نا نعترف بما ارتكب في حق اهل دارفور من جرائم ممن نقدر نفهم موقف تراجي .
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: doma)
|
الدبابين حدهم شمالا كان منطقة كجبار
عندما تحركت كتيبتين من الدبابين بامر اسامة عبدالله وعمر البشير حاملين اسلحة ثقيلة
لمواجهة مواطنين يخرجون في مظاهرات سلمية رفضا لانشاء سد في تلك المنطقة
وقتلوا وجرحوا العشرات في مظاهرتين سلميتين في مايو ويونيو 2007
اها ماذا انتم فاعلون لمن قذفوا بطائرات وقتلوا اكثر من 120 شخص خلال عامين في شرق السودان؟؟!!!
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: doma)
|
في الاول والاخير يا دوما ده عدوان من دولة اجنبية على دولة السودان
والمفروض الناس وبغض النظر عن اختلافاته مع الحكومة يكون عندها موقف وااضح و محدد يدين مثل هذا العمل
ده خط احمر يا دوما وما فيهو تفاهم
في دارفور يوجد مأساة وجرائم وقتل ودمار وكوووله بسبب الحركات البتدعمها تراجي
ما مصلحة الحكومة في تدمير دارفور؟
على الاقل، هل الحكومة ناقصة استعداء المجتمع الدولي؟، فكروا بالعقل يا دوما
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: الشفيع وراق عبد الرحمن)
|
Quote: الشعب يخشى مدير جهاز الامن والمخابرات الوطني سابقا ومستشار الرئيس للشئون الامنية حاليا
|
ود أبنعوف ...الآن دعنا نختلف ...فالشعب السوداني ليس ########اً البته
سوري فور يوووو ....الشعب لا يخشى الا الله ...مجرررررررررب
قال شاعرهم (ود البنا):
نحن مجربين يوم الكتال يوم عيدنا
مابنخاف بلا الخالقنا ربنا سيدنا
نحن الكافة العالم عرف توحيدنا
نحن ملاطمة ردعي السلاح بتزيدنا
وماوقف بي كدا ...أرجع لي تاريخو (البراكتيكال) القديم والجديد
وأرجعو شوفو الخلل وين ...وأفيدونا
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: د.نجاة محمود)
|
Quote: شكرا اسرائيل
ان اثبت لنا اننا كشعب قاعدين في السهله بلا دوله حقيقيه لها اجهزه امنيه قادره على حمايتها.
للمره المليون
يكتشف الشعب السوداني انه يحيا في دوله بدائيه وان ثغورها متاحه
وانها قاعده على البركه....واننا غير آمنين كشعب اطلاقا. |
دا ا كلام تراجي مصطفي يا وراق اين الشماته هنا ؟؟!!!!
تراجي لم تشمت بل قالت الحقيقه العاريه
وهي بالطبع موجعه لمساندي الانقاد
الدوله التي لا دفاع جوي او ارضي لها
ولا وزير دفاع او رئيس يطلع يقول لشعبه ضربنا فلان
ح ياكلوها في حنانهم متل المره الفاتت
عيشوا علي البطولات الزائفه والماضي الغابر .
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: doma)
|
| Quote: لامن الشعب يطنش النداءات المتكررة بالخروج، |
ولما الشعب ما يطلع يكملوها كضب
انتفاضة امبدة
21 مارس ستخرج (شوارع) الخرطوم...مش شارع واحد أو شارعين
ومع كل ذلك هم يصرون على الحديث باسم الشعب وانهم قلبه النابض وانهم وعيه وتاريخه
ومحصلتهم في آخر إنتخابات يعترفون بها سنة 1986 هي مقعدين فقط، من حوالى قرابة ثلاثمائة مقعد
ولكن لم لا يهللون وهم قد فقدوا التمييز بين الوطن والحكومة؟؟
لم لا يهللون وقد هلل اخوة لهم من قبل عند ضرب مصنع الشفاء؟؟
لكن سيأتي يوم ويتنصل فيه هؤلاء من كل كلمة قالوها، كما تنصل من طالب بضرب مصنع الشفاء من أقواله
بالمناسبة..هذا اليوم 6 ابريل كان من المفروض ان تخرج فيه مظاهرة حسب احدى الدعوات الموجهة في هذا البورد قبل الأرشفة ..شايف الموضوع اتلحس ...
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: doma)
|
Quote: اها يا بينه كدي ما تسالي ناس شنقل طوبايه الانضربوا الشهر الماضي
بقوات حكوميه عن احساسهم.....اليوم باسرائيل؟؟؟؟صدقيني يكونوا زغردوا!
قال وطن قال!!
هو فضل وطن؟! |
Quote: شكرا اسرائيل ان اعطيتنا الادله
امام ادارة اوباما الغبيه لنسف كل اكاذيب وزير خارجية السودان
بانهم حكومه ضد الارهاب فها وهانتم موثقين بصور الاقمار الصناعيه
كل تورط حكومة الانقاذ الاسلاميه في دعم الارهاب بل وتصديره. |
Quote: واضح جدا أن هذه عملية تم تنفيذها بكل دقة، ولقد أستهدفت أشخاص في غاية الاهمية.
ده الشغل يا بلاش!!
فاركين اسرائيل بتتمرجح مثل ادارة اوباما!!
دي بتقطع العرق وبتسيح الدم! |
Quote: أسد علي و في الحروب نعامة.
اها يا ناس الطيب مصطفى
عشان ثاني تلعبوا بالنار اسرائيل جاتكم
النشوف آخرة دعم الاسلامين الليبين شنو؟؟؟؟ |
كدي شوفي ديل لامن امشي وارجع ليك
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: الشفيع وراق عبد الرحمن)
|
يا وراق يا اخي بصريح العباره ناسكم ديل ما خلوا بطنا فطيره عليهم كل زول عنده ضغينه . ومواقف تراجي بالنسبه لي مفهومه
انا شخصيا الامر لم يزعجني كثيرا لانه فيما يبدو انها عمليه نفذت بمعلومات دقيقه ضد من في العر به الملاكي
وبحسابات بسيطه هي ليست ضربه ضد ارض السودان .
لانهم لا ضربوا لينا خط بترول لا قاعده جويه ولا مستودع وقود ولا خط سكه حديد ولا مبني في بورتسودان .
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: أمير فتحي)
|
الشفيع سلام
انت بقيت زي الغلبا راجلا قبلت على حماتا
اهديك اسرائيل الضربت السودان قاعدة قدامك وانت زول قلت لبسنا الكاكي ورينا الكاكي ده لمنو
امشو جيبو حقو من الناس الشالتو ما تجو تمسكو محل ني وتراجي قالت ودوما قالت ومحمد قال
قعدتو تهددو في الناس الدايرة تطلع مظاهرات
واحد يجي يقول ليك لبسنا الكاكي
والتاني يقول الراجل يطلع الشارع
اها وبعدين ؟؟؟؟
انتو الله دا قايلنو غافل ولا شنو
تتجبرو على المساكين ويخليكم كده سادرين في غيكم كده ساي
ابدا وحاتك حيرسل عليكم الاظلم منكم يتجبر عليكم يوريكم نجوم الضحي
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: doma)
|
| Quote: الجيش المصري دا قاعد في شرقكم ليه كم مده ؟؟؟؟ |
وحتى في هذه فشلتم، لأن التجمع الوطني كان في فنادق القاهرة ويسبح بحمد حكومة حسني مبارك ليل نهار ولم يفتح الله عليهم بكلمة واحدة عن أن حلايب سودانية، ولو فعلوا لكان مصيرهم الطرد وانهاء خدماتهم، لكن موية الفنادق الباردة والمبردات الأخرى والمشويات والمحمرات تسكت الألسنة...وطظ في حلايب وستمائة حلايب
ثم بعد رحيل حسني مبارك رأينا الألسنة تنطلق وتتحدث عن ديكتاتوريته والطغيان وثورة 25 يناير والشباب ..مع انه ما جزاء الإحسان إلا الإحسان
وقد غنى الطيب عبد الله:
راح زمان كان ليك مكانة
وكنت اقرب مني لي
.
.
.
ومسكينة المحبة
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: doma)
|
دوما
في موضوع حلايب ردي على اخونا بركات وفسري ليهو موقف المعارضة، اذا استطعت الى ذلك سبيلا
نحنا لبسنا الكاكي
والما بقدر على لبس الكاكي مسموح ليهو يقعد يتفرج وهو ساااكت
في حلايب قلنا:
مبارك اخد حلايب ونحنا اخدنا مصر كووولها، اين هو الان من اخد حلايب؟
واين هو من ظل يدعم كل متمردي السودان وباختلاف الحكومات واخرها حركات دارفور
ومن قبل من (قلع) ديكتاتور الحبشة الكان بيدعم تمرد الجنوب و من جذوره
وغيرهم وغيرهم
كل شيء بأوانه، بما فيهم اسرائيل وامها امريكا
استرخوا واستمتعوا ودعو القيادة لنا
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: الشفيع وراق عبد الرحمن)
|
سلامات يا شفيع
| Quote: في الاول والاخير يا دوما ده عدوان من دولة اجنبية على دولة السودان والمفروض الناس وبغض النظر عن اختلافاته مع الحكومة يكون عندها موقف وااضح و محدد يدين مثل هذا العمل |
يعني إنت ما هاميك موقف الحكومة العامله فيها غمرانه من أمس ومن المفترض هي المسؤلة عن كل ما حدث ويحدث من عبث على الاراضي و الأجواء السودانية وجاي تنتقد مواقف ناس في المنبر !!!!!!
البتعمل فيهو دا اخير منو تعمل غمران زي الحكومة
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: Abd Alla Elhabib)
|
والله يا الشفيع نحن الشعب السوداني دا
بقت علينا حكاية شر البلية ما يضحك
لا توجد إهانة لدولة مستقلة أكثر من هذا الذي يحدث على أراضي السودان
تدخل الطائرات إلى حدودنا وتضرب من الأهداف ما تختار
وترجع ولا نعرف حتى من أين أتت
وعندما تعترف إسرائيل بأنها هي من قامت بذلك
لا تفعل الحكومة السودانية أي شيء ؟
هل نما إلى علمك بأن حكومتك الرشيدة تنوي رفع شكوى لمجلس الأمن ؟
هل أحسست بأن حكومتك الرشيدة تعتزم الانتقام من إسرائيل وسوف تأخذ حقها بيدها ؟
أتمنى أن توجه الحكومة أئمة المساجد بالدعاء على إسرائيل لأننا لا نقدر عليها
أما كلامك هنا
Quote: كل شيء بأوانه، بما فيهم اسرائيل وامها امريكا
|
أفهم منه أنكم لم تفرغوا من تأديب الشعب السوداني بعد
وحالما انتهيتم من هذه المهمة الداخلية ستتوجهون خارجا
| |
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: جعفر محي الدين)
|
Quote: كل شيء بأوانه، بما فيهم اسرائيل وامها امريكا
استرخوا واستمتعوا ودعو القيادة لنا |
يا اخ جعفر
اعتقد انه هنا يشير الي ان الحركات الاسلاميه هي الاتي ستقود الحرب علي العالم الغربي .
فقد اشار من قبل الي انه مصر احتلت حلايب وهم الان كسبوا مصر كولها ويقصد الحركه الاسلاميه .
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: جعفر محي الدين)
|
مرحب اخونا جعفر
تخيل انك الحكومة السودانية، وزير الدفاع او الرئيس، ماذا كنت ستفعل؟
حتى ولو تمت الشكوى لمجلس الامن، فمن هو مجلس الامن؟ هل هو شيء عدا اسرائيل؟
نعم دعونا وسندعو على اسرائيل، دعونا ونحن موقنون من دعاءنا، لذا قلنا كل شيء بأوانه، وحتماً حتماً سيأتي دورهم
نحنا لا نؤدب الشعب السوداني، الشعب السوداني هو من يؤدب الخونة والمأجورين والعملاء
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: doma)
|
الاخ: وراق
سلام
نظام الخرطوم يدعم الارهاب..
نظام عاجز عن حماية اي شئ بالوطن..
نظام يفتقر للمعرفة والقيادة السياسية..
نظام لا يتعلم من التجربة.. وسيظل يلدغ من الجحر الواحد عشرات المرات..
من أكبر مصائبنا أن هذا النظام الفاشل يستقدم تلك الشخوص الارهابية الى البلاد وهو بفشله الذي ظل يتأكد كل يوم داخليا وخارجيا بتكرار عجيب غير قادر على حماية الناس, لا الممتلكات ولا تراب الوطن...
كل يوم يمر يسقط فيه هذا النظام أكثر من مرة..
وكل يوم يمر يؤكد أهل النظام أنهم فصيل من جنس آخر وليست لهم علاقة بهذا الوطن..
لو عندهم ذرة دم في عروقهم المتوردة بدماء الشعب لآراحونا من خبثهم ورحلوا عنا..
فالوطنية يا أخي شئ بالفطرة داخل هذه النفوس وما مهاجمة الانقاذ في كل هذه البوستات الا دليل وطنية وغيرة على التراب وأرض الوطن..
الحكومة فاشلة عن الحماية والدفاع عن الوطن... هل تريد الناس أن تكتب تلك العبارات الممجوجة وأحسبها نتنة: نستنكر.. نشجب.. ندين!!
ضحالة كلمات ليس الا بينما الأرض تنتهك على الواقع..
من قبل أن نولد ظل العرب يرددون هذه العبارات الجوفاء في اعتداءات اسرائيل عليهم..!! فماذا حصل؟ وماذا جنوا؟؟
تحياتي
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: الشفيع وراق عبد الرحمن)
|
وهل هناك اكثر مزلة واحتقار من الشعب وله حينما يهرب سياسي عن الحريات ؟ حينما يهرب سياسي من مقارعة الحجة؟ حنينا يضيق سياسي برأي الاخر؟ هل هناك اشد ايلاماً من التهرب من الاستحقاق الديمقراطي والقيام بانقلاب عسكري ثم يقوم بمصادرة كل حقوق المواطنة وفصل الخصوم السياسين وحرمانهم من حقهم ؟ وبعد كل هذا جائي تطالب الناس باسم الوطنية وباسم التعلق بصقر الجديان ان أدعم من قتلني من عذبني من اغتصب بناتنا وعذب شرفاءه في بيوت الاشباح ونهب خيرات البلاد وباع مشاريع ومصانع الدولة ومؤسسات القطاع العام؟ باعها ليقبض ثمنها وحرم شعبنا من حقه في العلاج والتعليم المجاني ليموت الانسان السوداني بالسل وعلي ابواب المشافي ؟ثم تطلب مني ان أطالب برفع عن قائمة الدول الداعمة للارهاب؟ ياخي هو الارهاب بعينه وليس داعم له فحسب............. يالشفيع هل سمعت بهجم النمر ؟ حينما أدعي محمود بان النمر قد هجم عليه وكرر الكذبة ثلاث مرات ....الي ان هجم عليه بحق ، هكذا هو حال الانقاذ اليوم، كانت تدعي القوة والحفاظ علي أمن المواطن وانها كائن وديع لاهم له غير الاسلام والوطن......ولما إنكشفت فرية الورع واتضح ان القوم يهمون بكروشهم وفروجوهم ثم يستمعتعون بخواء بطون جل أهل السودان ثم يعملون بكل مجهودهم لتفريغ عقولهم من كل فكر ومعرفة واستبدال العلم بالخرافة، والطب والصيدليات بالعطارة .......... باسم الوطنية تم رفع يد الدولة عن التعليم والعلاج ......ولكن الدولة ظلت تدغدق علي من يحميها ........وبعد كل هذا يالشفيع تريد مني ومن المواطن ان يصالح جلاده؟ ياخي انا لسني سعيد بضرب السودان ولكن بالمقابل لسني سعيد بضرب المواطن السوداني لا من قبل الحكومة ولا من قبل عدو خارجي........... واعتبرهما سيان في استهداف المواطن السوداني، وان كنت أتألم اكثر وأشد حينما أري العين التي تدمع وتبكي لضرب الفلسطيني في غزة ولكنها تضحك وتقهقه بل وتشارك بيدها في ضرب المواطن السوداني في الجنوب وفي دارفور...........ياخي الدولة الانقاذية ضربت المواطنة بخنجر مسموم ........حينما جعلت الوطن ككل ضيعة وغنيمة في يد المحظوين من عضوية المؤتمر الوطني.......الدولة ضربت المواطنة ضربة نجلاء حينما علت من شان القبلية سواء مباشرة او بجعلها البديل الدافي حينما يتم تغيب الوطن والمواطنة.....ثم جئت متاخراً باسم الوطن تنشد نبذ الخلاف؟ عن أي وطن تتحدث يالشفيع وانتم من بعتم الوطن والمواطنة حينما تم تجاهل المواطن ومطالبه.. الوطن ياعزيزي ليس فتاة نتغزل في ضفائرها او حدود جغرافية (حتي هذه الاخري ضُرب في مقتل) نباهي به، فالوطن شعب له كيانه واحترامه ،فليس هنا ك اشد ايلاماً من تشريد مواطنه وتجهيله وتعذيبه وانهاكه بالمرض ، وبالمقابل تحظي فئة قليلة منه بترف الحياة ونعيمها؟؟؟ تري الكوز يتلمس كرشه ثم يمسدها يطرف يده البضة ويطالب الناس بربط بطونها لان الاسلام في خطر! يتمضض باسم الجلالة قائلاً "حقيقةً " الشعب السوداني صبر علي ابتلاءات الانقاذ ونطالبه بالمزيد! يالشفيع الشعب لايمكن ان يحترم من يتنعم باامواله باسم الزكاة التي تؤخذ من الفقراء الي الاغنياء ويصدقه.......فكف عن التذاكي الكيزاني ............ثم باسم ماحدث من إجماع في امريكا ايام ضرب برج التجارة تطالبنا بان نقتدي بمن جهزنا سيوفنا وعدتنا القتالية لقتالهم ان نقتدي بهم .....ثم هل زور الامريكان ارادة شعبهم؟ المعارضة في امريكا تقر بالنتيجة وهي أو ل من يبارك نتيجتها ويهني الخاسر فيها الرابح .......الوطن هو شعب وقضية، وليست فتاة كما تحب ان تصور، فاما نحترم فيه المواطن ،ونحترم مواطنته ثم بدون اي مطالبة ولا ضرب امثال ستجده يتقدم الصفوف في الدفاع عن الوطن والدولة.......اما أن تختصر الدولة في شخص او حزب .......دكتاوري وفاسد .....ضرب القضاء في مقتل ضرب كل مؤسسات الدولة حقر المواطن في الخارج والداخل وتطالبه بموازرتك فهذا لن تجده والله. درجت الانقاذ سابقاً علي استغلال مثل هذه المواقف ولكن اتحداك يالشفيع ان تستطيع استغلالها مرة اخري لتري بنفسك حجم التايد ولن تجد غير المنافقين والاكلين في كل المؤايد ...... الانقاذ ياعزيزي لن تستطيع اليوم الدخول في حرب الا بالوكالة ......وها هم اليوم يحاولون جر المسيرية في حرب بالوكالة ولكنها خابت مساعيهم ....دعك من حرب ضد اسرائيل ، واتحداك ان هي اقبلت علي رد ولو من قبيل الاعلام ؟ والايام دول وسوف تري؟؟؟؟؟؟؟؟؟
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: ibrahim alnimma)
|
| Quote: ياخي انا لسني سعيد بضرب السودان ولكن بالمقابل لسني سعيد بضرب المواطن السوداني لا من قبل الحكومة ولا من قبل عدو خارجي........... واعتبرهما سيان في استهداف المواطن السوداني، وان كنت أتألم اكثر وأشد حينما أري العين التي تدمع وتبكي لضرب الفلسطيني في غزة ولكنها تضحك وتقهقه بل وتشارك بيدها في ضرب المواطن السوداني في الجنوب وفي دارفور...........ياخي الدولة الانقاذية ضربت المواطنة بخنجر مسموم ........حينما جعلت الوطن ككل ضيعة وغنيمة في يد المحظوين من عضوية المؤتمر الوطني. |
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: ibrahim alnimma)
|
Quote: البنقدر عليهو بنقطع اوصاله بالطريقة التي يفضلها
والما بنقدر عليهو بندعو القادر المقتدر يتولاهو ، هو ولي ذلك والقادر عليه |
يا باشمهندس الطريقه التى تخاطب بها خصومك طريقه غير مقبوله وانت تعلم تماما العلاقه الوثيقه ما بين الحريه والانتصار فى اى معركه ..بلغه ابسط فان الانقاذ اذا خاضت اى معرك فانما تخوضها بالاصاله لان الشعب عدا عن كونه مقموع ومنكل به فهو ليس معنيا بتبعات حماقات الانقاذ..
الشعب لم يفتح البلاد للارهابيين من بقايا الشعوب..ولا مصلحة له فى منافحة اعداء الانقاذ ولتتامل معى ما فعلت الانقاذ ومنذ مجيئها بدات ببيوت الاشباح ثم الصالح العام ثم صبغت حرب الجنوب بصبغة دينيه جيشت لاجلها القصر وغررت بالبسطاء لتجلس فى نهاية المطاف مع الجنوبيين وتصل معهم لاتفاق كان من الممكن الوصول اليه مبكرا ودونما سفك للدماء وحتى هذ الاتفاق تعاملت معه الانقاذ بنصف قلب مما جعل شعب الجنوب يؤثر الابتعاد..
واغتالت الانقاذ الابرياء فى شرق السودان وفى النوبه واحرقت دارفور..
ولاحقت الانقاذ الشرفاء فى ارزاقهم فشهدت البلاد اكبر الهجرات فى تاريخها الحديث ولو تلفت حولك فى موقعك الحالى لوجدت المئات من الذين تحتاجهم البلاد ...
من حقك ان تدافع عن الانقاذ رغما عما يشوب ذلك من مشاكل اخلاقيه لكنه ليس من حقك ان تجزم باحتقار الشعب للمعارضين ..لانه حينها وعطفا على ما ذكرته لك سيكون الشعب محتقرا لنفسه فمن تبقى للانقاذ..
انا شخصيا اعول على العقلاء فى الحركه الاسلاميه وليس على من يريدون تقطيع اوصال الشعب اعول عليهم فى ان يلتقطوا القفاز وان يفوتوا الفرصه على شذاذ الافاق والذين يقودون البلاد الى هوة سحيقه الكثير من الزملاء لا يوافقوننى الراى لكنها على كل امانى اتمنى ان تتحقق اما اذا لم يحدث ذلك ..حينها ستعرفون قسوة خياراتكم وستعرفون اى شعب تواجهون وحقا لكل اجل كتاب...
Re: بعيدا عن الشماته ما هى مدلولات حادثة قصف سيارة بورتسودان..
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: د.محمد بابكر)
|
حبابك د.محمد بابكر
اتفق معك ان طريقة خطابي بالغة الحدة وغير مقبولة واعتذر عنها
تأمين غطاء جوي لكامل حدود السودان في الوقت الحالي (مستحيل)
سوريا/لبنان وحتى امريكا ذات نفسها واسرائيل فشلت في تحقيق ذلك
موضوع دبكا و هاارتز طلع off point
والتبرير بأن الخطأ من الحكومة السودانية لانها فتحت الحدود لحركات حماس وغيرها، وان من حق اسرائيل الدفاع عن نفسها..........مرفوض
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: doma)
|
الشفيع وضيوفه تحياتي
أنتم يا معشر الكيزان مش احتفلتوا مع رئيسكم بتدشين طائرات مقاتلة ومنها أخريات بدون طيار حتى فرح ود الباوقة وأطلق شعاره المعروف بان الإنقاذ تقود السودان حتى يكون يابان أفريقيا ؟
أين تلك الطائرات؟
أين إنتاج جياد والتسليح الحربي؟
كم عدد المرات التي دخلت طائرات اسرائيلية وغيرها أجواء السودان
كم عدد المرات التي دمرت واصابت فيها اسرائيل أهدافا في نفس المنطقة ؟
هل تم تكوين مجرد لجنة أو لجان كيزانية لتقصي الحقائق وتزويد المواطن بما يجري هناك ؟
لماذا ارتفعت اصوات الصفايح الفارغة هذه المرة ؟
عشان تقولوا شنو ؟
عشان تسوا شنو؟
وفعلا بلد في ظل حكومة الكيزان اصبح (أم ف ك و) أجوائه وترابه وبحاره مباحه من الجيران وحتى اسرائيل ،
ما شفتوا شيء الآت مر ...
لماذا الحقد والوعيد والتهديد لأبناء وشرفاء الوطن ؟ ليه يالشفيع ؟
شكرا يا دوما وصح لسانك
-------------------------------
وراق انت قايل شعب السودان دا في رغد من العيش وكل زول عنده كومبيوتر وانترنت اكسسس وقاعد حاضن سودانيزلاين عشان يحتقرنا
اتكلم عن نفسك بس يا اخوي قول انا وراق بحتقركم
ولا انت شعب السودان ؟؟؟؟
------------------------------------------------------------
أضبطوا أعصابكم ، أعترفوا بفشلكم ، وإهمالكم بالأمر العام وتركيزكم على الثراء الحرام ...
شوف بوست مجاور ماذا يقول اسحق فضل الله ومن يتهم ويتوعد ؟؟؟ نساءل الله لكم الفتنة التي لا نهاية لها ...
آه يا بلد
الشفيع ابراهيم
| |
|
|
|
|
|
|
|
|
|
Re: وكمان عندكم نفس تسألوا (لماذا لم ينتفض الشعب)؟ (Re: Alshafea Ibrahim)
|
مرحب اخونا الشفيع ابراهيم
البوست مفتوح لرصد رد فعل بعض ممن ينتسب للمعارضة باظهاره الشماتة والفرح بهذه الضربة
نعم صنعنا طائرات واسلحة اخرى ولكننا لسنا جاهزين بعد لمواجهة امريكا واسرائيل
الدول الاكثر تطورا منا ضربت
العراق ضرب مفاعله وهو في افضل قوته وكان يوسف باكبر قوة ردع في الشرق الاوسط
سوريا ايضا ضربت
ولبنان بيتم اختراق مجالها الجوي يوميا
امريكا ذات نفسها ضربت وفي عقر دارها
اذا ما هو المطلوب من الحكومة يا ابراهيم؟ تحقيق....تم، شكوى لمجلس الامن............سيتم
نحن نعلم انه وبحساب الوقت الحالي لا توجد مقارنة بين السودان وامريكا واسرائيل، ولكن ده ما مبرر عشان ننشر ثقافة الخنوع والخضوع
ح نظل ننادي بأننا الأعلى وبأن كل من طغى وتجبر سيأتي يوم ويدفع الثمن وأن أمريكا واسرائيل قد دنا عذابهما، وكلنا أمل في قدرة القادر المقتدر على ان يخرج من اصلابنا من يحقق ذلك
دي الثقافة المفروض ننشرها وسط ابناءنا واجيالنا القادمة بدلاً من الاستسلام والخنوع للأمر الواقع
لازم اولادنا يعرفوا انهم يستحقوا افضل من ذلك، واولادهم لازم يعرفوا انه آباءهم ظلموا وتجبروا فاما ان يتغيروا او ان المستقبل سيذهب بهم لمزبلة التاريخ
كل الحضارات تمر بقمم وقيعان، الغرب وصل لقمته وحتما سيكون له قاع، والتحدي الذي ينتظر ابناءنا هو ان تكون لهم القمة القادمة وده لا يتأتى بنشر ثقافة الاستسلام للأمر الواقع
ودي
| |
|
|
|
|
|
|
| |
الشفيع وراق عبد الرحمن
ادريس خليفة علم الهدي
doma
أحمد ابن عوف
Medhat Osman
أمير فتحي
Elawad Eltayeb
محمد إبراهيم علي
مرتضى احمد عبد القادر
Shawgi Sulaiman
Abd Alla Elhabib
جعفر محي الدين
معاوية الأرباب
Abdlaziz Eisa
Elbagir Osman
ibrahim alnimma
محمد على حسن
د.محمد بابكر
فيس بوك
تويتر
انستقرام
يوتيوب
بنتيريست