|
Re: لعناية الإخوة البياطرة: ماهو أنجع علاج للدبر؟ (Re: Balla Musa)
|
أنجع علاج يا أخوي للدبرة هو القطران . لوكانت الدبرة جديدة القطران أنجع . ولو كانت الدبرة قديمة احسن القرض المسحون . يا دكتور يعني عامل لينا فيها كنت بتمشي المدرسة بي B M W ؟ علي كل حال يا حبيب . اهلنا قالو القطران علاج للدبرة والجرب والنعيتة . تحياتي
| |
|
|
|
|
|
|
Re: لعناية الإخوة البياطرة: ماهو أنجع علاج للدبر؟ (Re: Balla Musa)
|
ياجماعة دكتور بلة ده فوق انو دكتور هو حكيم (برمى لبعيد) الدبر القاصدو بلة هو الدبر الشايلو الشعب السودانى كلام بلة ده فيهو رمزيات مابعرفوها الا الناس الراضعين فوق الخلال زى وزى د. بله الا الناس الراضعين البزة ديل يكوسوا ليهم بوست تانى. تور الجر واحد يادكتور تحياتى يادكتور بله.
| |
|
|
|
|
|
|
Re: لعناية الإخوة البياطرة: ماهو أنجع علاج للدبر؟ (Re: Balla Musa)
|
بشير أحمد عن اذنك نضيف العلاج دا..
العلاج يتكون من نوعين من الجردقة.. جردقة ترابية وجردقة زغاوية
الجردقة طبعا قلوية
الجردقة الترابية سوداء اللون وعلى شكل مسحوق شبيه بالتراب.. الجردقة الزغاوية توجد كحجر أصفر اللون يمكن سحنه..
العلاج:
ملعقتين جردقة ترابية يضاف إليها كوز ماء سعة ربع لتر.. تغلى الجردقة على النار ثم تترك لتبرد وحتى يحتل الجزء الترابى فى قاع الماعون.. تصفى ويرمى الجزء الترابى فى الزبالة.. يعاد غلى المنقوع المصفى..
حجر جردقة زغاوية بوزن 10جرام ويسحن فى مسحنة نضيفة..
تغسل الدبرة بمنقوع الجردقة الترابية وهو دافئ.. ثم يجفف قليلا ثم يضاف مسحوق الجردقة الزغاوية على الدبرة..
يكرر العلاج يوميا لمدة 10 أيام.
| |
|
|
|
|
|
|
Re: لعناية الإخوة البياطرة: ماهو أنجع علاج للدبر؟ (Re: Balla Musa)
|
كما قلنا الحمار دراوى كثير الحرن وكميت اللون ولايخلو من خدرة باردة..
إسم الحمار حركة العدل والمساواة
صاحب الحمار خليل ابراهيم ويمكن أن تؤول الملكية من بعده لأحد أفراد العائلة..
الآن عرفنا الحمار بقى أن نبصر صاحب الحمار بالدبر الذى فوق ظهر حماره حتى يعالجه وإلا هلك.
| |
|
|
|
|
|
|
Re: لعناية الإخوة البياطرة: ماهو أنجع علاج للدبر؟ (Re: Balla Musa)
|
فهذا الدبر الوخيم الحاله بدافع عن دكتور خليل ابراهيم..
أكرر بدافعوا عن دكتور خليل ما بشتموا فيه..
الدبرة الضكر أدخله الأنادى. والدبرة الانتاية أدخلته بيتنا أولا ثم استفحلت وزاد صديدها فأتت بسيرة أمه..
فيادكتور خليل نضف الدبر قبل مايكتل حمارك وعليك بالوصفة أعلاه, فالصديق الجاهل أخطر من الدبر!!
| |
|
|
|
|
|
|
Re: لعناية الإخوة البياطرة: ماهو أنجع علاج للدبر؟ (Re: حواء سليمان ابراهيم)
|
Quote: والله يا بله موسي لو كنت عارفة عدم ردي ليك في الخاص بخليك تتعب نفسك وتقوم نفسك وتجي تفتح بوست تاني ، كان رديت عليك هناك وريحتك من التعب دا |
حواء الخبيثة
أوع تكونى بتلمحى بحاجات ماكويسة فى الخاص؟
أرسلت ليك فى الخاص وسألتك ماذا تقصدين بأن خليل فى بيتنا عشان أديك البنفت اوف داوت..
فعدم ردك ومداخلتينك الأخريات
أثبتوا لى أنك معلمة كبيرة. فقلنا نديك من طرف القفة شوية!!
| |
|
|
|
|
|
|
|